<!DOCTYPE html PUBLIC "yes" "xhtml1-strict.dtd">
<html xmlns="http://www.w3.org/1999/xhtml">
<!--GENDOC2XHTML # converter_version: 1.2.10-->
  <head>
    <title>2023-06-202306C122202202580-00-TRA-DOC-MT-ARRET-C-0258-22-202304969-07_00</title>
    <meta content="text/html; charset=utf-8" http-equiv="Content-Type"/>
    <meta content="" name="Gendoc_DGTGeneratedDate"/>
    <meta content="0" name="MSIP_Label_6bd9ddd1-4d20-43f6-abfa-fc3c07406f94_ContentBits"/>
    <meta content="Commission Use" name="MSIP_Label_6bd9ddd1-4d20-43f6-abfa-fc3c07406f94_Name"/>
    <meta content="mt-MT" name="Gendoc_Lang"/>
    <meta content="" name="Gendoc_GenerationDate"/>
    <meta content="" name="IsFlattened"/>
    <meta content="1" name="NumProc"/>
    <meta content="Final" name="Gendoc_EditionType"/>
    <meta content="0001" name="Gendoc_CaseNumberSuite"/>
    <meta content="18/07/2023 11:42:44" name="Gendoc_LastVerificationDate"/>
    <meta content="" name="Gendoc_ProcedureNumber"/>
    <meta content="mt" name="Gendoc_LangCode"/>
    <meta content="ARR" name="TypeDoc"/>
    <meta content="DmQDHcVW4yXCZb0X3LTqeq51bdX7Wlq6pK8hE/iXQgS2Ntcl1APAOxH+0bhCMFV5TpxfTdz3SFHCLwyHNZSpOVgntthIzHz3TcvUdL5ngAA0m9k9eu33yPaD95FpPfi3MagyZt+hprZuny4togFlWsIyw3VFrQQxyAIrQ5gZ+kA=" name="GenDocUID"/>
    <meta content="P" name="TypeProc"/>
    <meta content="" name="CreateCustomParts"/>
    <meta content="OK" name="ReadyToPublish"/>
    <meta content="mfar" name="Gendoc_User"/>
    <meta content="" name="EP_Mode"/>
    <meta content="" name="Gendoc_DGTGenerated"/>
    <meta content="" name="Gendoc_Vademecum"/>
    <meta content="true" name="MSIP_Label_6bd9ddd1-4d20-43f6-abfa-fc3c07406f94_Enabled"/>
    <meta content="16232468-12d6-40ef-bed6-4be04fea388f" name="MSIP_Label_6bd9ddd1-4d20-43f6-abfa-fc3c07406f94_ActionId"/>
    <meta content="0258" name="NumeroOrdre"/>
    <meta content="2022" name="Annee"/>
    <meta content="P" name="Gendoc_ProcedureType"/>
    <meta content="" name="EP_Version"/>
    <meta content="MT" name="Langue"/>
    <meta content="mfar" name="Gendoc_DGTGeneratedUser"/>
    <meta content="b24c8b06-522c-46fe-9080-70926f8dddb1" name="MSIP_Label_6bd9ddd1-4d20-43f6-abfa-fc3c07406f94_SiteId"/>
    <meta content="FAST_document_go_ok" name="Gendoc_LastVerificationStatus"/>
    <meta content="ARR_C" name="Gendoc_GendocTemplateType"/>
    <meta content="TRUE" name="WithoutAuthorBlockFlatP"/>
    <meta content="GenDoc 19/06/2023 18:32:52" name="Created"/>
    <meta content="" name="Canevas3_Vademecum"/>
    <meta content="2023-06-29T14:39:48Z" name="MSIP_Label_6bd9ddd1-4d20-43f6-abfa-fc3c07406f94_SetDate"/>
    <meta content="TRUE" name="WithoutAuthorBlock"/>
    <meta content="" name="Gendoc_CaseYear"/>
    <meta content="false" name="Generation_In_Progress"/>
    <meta content="C" name="Juridiction"/>
    <meta content="a7c876dc294a4fba92bda2095145d5ee" name="DocumentIdentifier"/>
    <meta content="0258" name="Gendoc_CaseNumber"/>
    <meta content="ImportedWithoutSource" name="SdlIdentifier"/>
    <meta content="RP" name="NatureAff"/>
    <meta content="RP" name="Gendoc_CaseNature"/>
    <meta content="0001" name="NumSuite"/>
    <meta content="C" name="Gendoc_Juridiction"/>
    <meta content="Standard" name="MSIP_Label_6bd9ddd1-4d20-43f6-abfa-fc3c07406f94_Method"/>
  </head>
  <body>
    <div style="header">
      <div id="rId24" style="first"/>
      <div id="rId20" style="even">Sentenza tat‑22.6.2023 – Kawża C‑258/22</div>
      <div id="rId21" style="default">H Lebensversicherung</div>
    </div>
    <p class="C19Centre" id="para-1" title="page-1">
      SENTENZA TAL-QORTI TAL-ĠUSTIZZJA (Is-Sitt Awla)
    </p>
    <p class="C19Centre" id="para-2" title="page-1">
      22 ta’ Ġunju 2023  (<span class="note footnote notemarker">
<a id="c-1" href="#t-1">*</a>
</span>)
    </p>
    <p class="C71Indicateur" id="para-3" title="page-1">
      “Rinviju għal deċiżjoni preliminari – Moviment liberu tal-kapital – Artikolu 63 TFUE – Taxxa korporattiva – Kalkolu tal-bażi ta’ din it-taxxa – Modalitajiet ta’ kalkolu – Dividendi li ġejjin minn holdings ta’ inqas minn 10 % fil-kapital ta’ kumpanniji b’kapital azzjonarju residenti u mhux residenti – Inklużjoni fil-bażi tat-taxxa korporattiva – Mument tal-inklużjoni – Differenza fit-trattament – Restrizzjoni – Assenza”
    </p>
    <p class="C02AlineaAltA" id="para-4" title="page-1">
      Fil-Kawża C‑258/22,
    </p>
    <p class="C02AlineaAltA" id="para-5" title="page-1">
      li għandha bħala suġġett talba għal deċiżjoni preliminari skont l-Artikolu 267 TFUE, imressqa mill-Bundesfinanzhof (il-Qorti Federali tal-Finanzi, il-Ġermanja), permezz ta’ deċiżjoni tat‑23 ta’ Novembru 2021, li waslet fil-Qorti tal-Ġustizzja fl‑14 ta’ April 2022, fil-proċedura
    </p>
    <p class="C02AlineaAltA" id="para-6" title="page-1">
      Finanzamt Hannover-Nord
    </p>
    <p class="C02AlineaAltA" id="para-7" title="page-1">
      vs
    </p>
    <p class="C02AlineaAltA" id="para-8" title="page-1">
      H Lebensversicherung,
    </p>
    <p class="C19Centre" id="para-9" title="page-1">
      IL-QORTI TAL-ĠUSTIZZJA (Is-Sitt Awla),
    </p>
    <p class="C02AlineaAltA" id="para-10" title="page-1">
      komposta minn P. G. Xuereb, President tal-Awla, T. von Danwitz u I. Ziemele (Relatriċi), Imħallfin,
    </p>
    <p class="C02AlineaAltA" id="para-11" title="page-1">
      Avukat Ġenerali: G. Pitruzzella,
    </p>
    <p class="C02AlineaAltA" id="para-12" title="page-1">
      Reġistratur: A. Calot Escobar,
    </p>
    <p class="C02AlineaAltA" id="para-13" title="page-1">
      wara li rat il-proċedura bil-miktub,
    </p>
    <p class="C02AlineaAltA" id="para-14" title="page-1">
      wara li kkunsidrat l-osservazzjonijiet ippreżentati:
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">għal H Lebensversicherung, minn J. Diedrich u J. Reineke, bħala aġenti,</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">għall-Gvern Ġermaniż, minn J. Möller u R. Kanitz, bħala aġenti,</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">għall-Kummissjoni Ewropea, minn R. Pethke, W. Roels u V. Uher, bħala aġenti,</p>
</td>
</tr>
</table>
    <p class="C02AlineaAltA" id="para-18" title="page-1">
      wara li rat id-deċiżjoni meħuda, wara li nstema’ l-Avukat Ġenerali, li taqta’ l-kawża mingħajr konklużjonijiet,
    </p>
    <p class="C02AlineaAltA" id="para-19" title="page-1">
      tagħti l-preżenti
    </p>
    <p class="C75Debutdesmotifs" id="para-20" title="page-1">
      Sentenza
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">1</p>
</td>
<td valign="top">
<p class="normal">It-talba għal deċiżjoni preliminari tirrigwarda l-interpretazzjoni tal-Artikolu 63 TFUE.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">2</p>
</td>
<td valign="top">
<p class="normal">Din it-talba tressqet fil-kuntest ta’ kawża bejn H Lebensversicherung u l-Finanzamt Hannover-Nord (l-Amministrazzjoni Fiskali ta’ Hannover-Nord, il-Ġermanja) (iktar ’il quddiem l-“amministrazzjoni fiskali”) dwar il-kalkolu tal-bażi tat-taxxa korporattiva dovuta għas-sena 2001.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Id‑dritt Ġermaniż</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Il‑Liġi dwar it‑Taxxa fuq id‑Dħul</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">3</p>
</td>
<td valign="top">
<p class="normal">Skont il-punt 1 tal-Artikolu 20(1) tal-Einkommensteuergesetz (il-Liġi dwar it-Taxxa fuq id-Dħul), kif emendata mill-Gesetz zur Fortentwicklung des Unternehmenssteuerrechts (il-Liġi dwar l-Iżvilupp tat-Tassazzjoni tal-Impriżi), tal‑20 ta’ Diċembru 2001 (BGBl. 2001 I, p. 3858):</p>
</td>
</tr>
</table>
    <p class="C02AlineaAltA" id="para-26" title="page-1">
      “(1) Jagħmlu parti mid-dħul mill-kapital:
    </p>
    <p class="C09Marge0avecretrait" id="para-27" title="page-1">
      1. il-partijiet tal-profitti (dividendi), redditi u dħul ieħor li ġej minn azzjonijiet, drittijiet ta’ tgawdija li magħhom huwa marbut id-dritt għall-profitt u għad-dħul mill-istralċ ta’ kumpannija b’kapital azzjonarju, minn ishma f’kumpanniji b’responsabbiltà limitata, f’ċerti kooperattivi kummerċjali jew ekonomiċi kif ukoll f’assoċjazzjonijiet ta’ estrazzjoni tal-minjieri li għandhom id-drittijiet ta’ persuna ġuridika.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Il‑Liġi dwar it‑Taxxa fuq il‑Kumpanniji</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">4</p>
</td>
<td valign="top">
<p class="normal">L-Artikolu 8b(1) u (3) tal-Körperschaftsteuergesetz (il-Liġi dwar it-Taxxa fuq il-Kumpanniji), kif emendat bil-Liġi dwar l-Iżvilupp tat-Tassazzjoni tal-Impriżi (iktar ’il quddiem il-“KStG”), jipprevedi:</p>
</td>
</tr>
</table>
    <p class="C02AlineaAltA" id="para-30" title="page-2">
      “(1) Il-qligħ fis-sens tal-punti 1, 2, 9 u 10(a) tal-Artikolu 20(1) tal-Liġi dwar it-Taxxa fuq id-Dħul ma jittieħdux inkunsiderazzjoni għad-determinazzjoni tad-dħul. […]
    </p>
    <p class="C02AlineaAltA" id="para-31" title="page-2">
      […]
    </p>
    <p class="C02AlineaAltA" id="para-32" title="page-2">
      (3) It-tnaqqis fil-profitt marbut mis-sehem imsemmi fil-paragrafu 2 ma għandux jittieħed inkunsiderazzjoni fid-determinazzjoni tal-profitt.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">5</p>
</td>
<td valign="top">
<p class="normal">Il-punt 1 tal-Artikolu 34(4) tal-KStG huwa fformulat kif ġej:</p>
</td>
</tr>
</table>
    <p class="C02AlineaAltA" id="para-34" title="page-2">
      “(4) L-Artikolu 8b huwa applikabbli għall-ewwel darba għal
    </p>
    <p class="C02AlineaAltA" id="para-35" title="page-2">
      1. qligħ fis-sens tal-punti 1 u 2 tal-Artikolu 20(1) tal-Liġi dwar it-Taxxa fuq id-Dħul, li għalih ir-raba’ parti tal-Liġi dwar it-Taxxa fuq il-Kumpanniji, kif emendata bl-Artikolu 4 tal-Liġi tal‑14 ta’ Lulju 2000 (BGBl. 2000 I, p. 1034), ma għadhiex tapplika għall-kumpannija distributriċi”.
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">6</p>
</td>
<td valign="top">
<p class="normal">L-Artikolu 34(7) tal-KStG, kif emendat mill-Gesetz zur Umsetzung der Protokollerklärung der Bundesregierung zur Vermittlungsempfehlung zum Steuervergünstigungsabbaugesetz (il-Liġi dwar l-Implimentazzjoni tad-Dikjarazzjoni tal-Gvern Federali dwar ir-Rakkomandazzjoni ta’ Konċiljazzjoni rigward il-Liġi dwar it-Tnaqqis tal-Vantaġġi Fiskali), tat‑22 ta’ Diċembru 2003 (BGBl. 2003 I, p. 2840) (iktar ’il quddiem il-“KStG fil-verżjoni l-ġdida”) jipprovdi:</p>
</td>
</tr>
</table>
    <p class="C02AlineaAltA" id="para-37" title="page-2">
      “(7) L-Artikolu 8b huwa applikabbli għall-ewwel darba għal:
    </p>
    <p class="C02AlineaAltA" id="para-38" title="page-2">
      […]
    </p>
    <p class="C02AlineaAltA" id="para-39" title="page-2">
      [tmien sentenza] L-Artikolu 8b(8) u l-ewwel sentenza tal-punt 1 tal-Artikolu 21(1) huma applikabbli:
    </p>
    <p class="C02AlineaAltA" id="para-40" title="page-2">
      […]
    </p>
    <p class="C02AlineaAltA" id="para-41" title="page-2">
      2. fuq talba unika u irrevokabbli li għandha titressaq qabel it‑30 ta’ Ġunju 2004, mill-perijodi ta’ tassazzjoni 2001 sa 2003, u, fil-każ ta’ sena finanzjarja differenti mis-sena kalendarja, mill-perijodi ta’ tassazzjoni 2002 sa 2004 (perijodu ta’ retroattività). L-Artikolu 8b(8) huwa applikabbli f’dan ir-rigward fil-verżjoni li ġejja:
    </p>
    <p class="C02AlineaAltA" id="para-42" title="page-3">
      ‘(8) Il-paragrafi 1 sa 7 japplikaw għall-holdings li, fl-impriżi tal-assigurazzjoni tal-ħajja u tal-assigurazzjoni għall-mard, jikkorrispondu għal investimenti, bil-kundizzjoni li l-qligħ, il-profitti u t-tnaqqis fil-profitti jittieħdu inkunsiderazzjoni b’rata ta’ 80 % fil-kalkolu tad-dħul. […] ’”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Il‑Liġi dwar it‑Taxxa Korporattiva</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">7</p>
</td>
<td valign="top">
<p class="normal">Il-Gewerbesteuergesetz (il-Liġi dwar it-Taxxa Korporattiva), kif emendata bil-Liġi dwar l-Iżvilupp tat-Tassazzjoni tal-Impriżi (iktar ’il quddiem il-“Liġi dwar it-Taxxa Korporattiva”), tipprevedi, fl-Artikolu 6 tagħha, li l-bażi tat-taxxa korporattiva hija kkostitwita mill-profitt mill-operat għall-finijiet tat-taxxa korporattiva.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">8</p>
</td>
<td valign="top">
<p class="normal">L-Artikolu 7 tal-Liġi dwar it-Taxxa Korporattiva jipprovdi li l-profitt mill-operat għall-finijiet tat-taxxa fuq in-negozju huwa l-profitt li jirriżulta minn attività industrijali jew kummerċjali, stabbilit skont id-dispożizzjonijiet tal-Liġi dwar it-Taxxa fuq id-Dħul jew tal-Liġi dwar it-Taxxa fuq il-Kumpanniji, li għandu jittieħed inkunsiderazzjoni meta jiġi ddeterminat id-dħul relatat mal-perijodu taxxabbli għall-finijiet tat-taxxa fuq il-kumpanniji li jikkorrispondi għall-perijodu taxxabbli għall-finijiet tat-taxxa korporattiva, miżjud u mnaqqas bl-ammonti msemmija fl-Artikoli 8 u 9 tal-Liġi dwar it-Taxxa Korporattiva.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">9</p>
</td>
<td valign="top">
<p class="normal">Skont l-Artikolu 8 tal-Liġi dwar it‑Taxxa Korporattiva:</p>
</td>
</tr>
</table>
    <p class="C02AlineaAltA" id="para-47" title="page-3">
      “L-ammonti li ġejjin, sakemm ikunu tnaqqsu fil-kalkolu tal-profitti, għandhom jiġu miżjuda lura mal-profitti li jirriżultaw minn attività industrijali jew kummerċjali (Artikolu 7):
    </p>
    <p class="C02AlineaAltA" id="para-48" title="page-3">
      […]
    </p>
    <p class="C02AlineaAltA" id="para-49" title="page-3">
      5. l-eċċess ta’ partijiet tal-profitti (dividendi) li ma tteħidx inkunsiderazzjoni skont il-punt 40 tal-Artikolu 3 tal-Liġi dwar it-Taxxa fuq id-Dħul jew skont l-Artikolu 8b(1) tal-Liġi dwar it-Taxxa fuq il-Kumpanniji u d-dħul assimilat u r-remunerazzjonijiet li ġejjin minn holdings miżmuma f’kumpannija, f’assoċjazzjoni ta’ persuni jew f’korp patrimonjali fis-sens tal-Liġi dwar it-Taxxa fuq id-Dħul, sakemm dawn ma jissodisfawx il-kundizzjonijiet stipulati fil-punti 2a jew 7 tal-Artikolu 9, wara li jitnaqqsu l-ispejjeż tal-operat li jkollhom rabta ekonomika ma’ dan id-dħul, ir-remunerazzjonijiet u s-servizzi, sa fejn dawn ma jittieħdux inkunsiderazzjoni skont l-Artikolu 3c tal-Liġi dwar it-Taxxa fuq id-Dħul u skont l-Artikolu 8b(5) tal-Liġi dwar it-Taxxa fuq il-Kumpanniji. […]”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">10</p>
</td>
<td valign="top">
<p class="normal">L-Artikolu 9 tal-Liġi dwar it‑Taxxa Korporattiva huwa fformulat kif ġej:</p>
</td>
</tr>
</table>
    <p class="C02AlineaAltA" id="para-51" title="page-3">
      “Is-somma tal-profitt u tar-reintegrazzjonijiet titnaqqas:
    </p>
    <p class="C02AlineaAltA" id="para-52" title="page-3">
      […]
    </p>
    <p class="C02AlineaAltA" id="para-53" title="page-4">
      7. mill-profitti li ġejjin minn azzjonijiet ta’ kumpannija b’kapital azzjonarju li għandha s-sede tagħha u l-korp ċentrali ta’ ġestjoni u ta’ kontroll tagħha barra mit-territorju ta’ applikazzjoni ta’ din il-liġi, li fil-kapital azzjonarju tagħha l-impriża għandha, mill-bidu tal-perijodu taxxabbli u b’mod mhux interrott, mill-inqas 10 % (sussidjarja) […]”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">11</p>
</td>
<td valign="top">
<p class="normal">L-Artikolu 36(4) tal-Liġi dwar it‑Taxxa Korporattiva jipprevedi:</p>
</td>
</tr>
</table>
    <p class="C02AlineaAltA" id="para-55" title="page-4">
      “Il-punt 5 tal-Artikolu 8 japplika għall-ewwel darba għall-perijodu ta’ tassazzjoni 2001.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Il‑Liġi dwar il‑Kumpanniji ta’ Investiment</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">12</p>
</td>
<td valign="top">
<p class="normal">L-Artikolu 40(2) tal-Gesetz über Kapitalanlagegesellschaften (il-Liġi dwar il-Kumpanniji ta’ Investiment), kif emendata bil-Liġi dwar l-Iżvilupp tat-Tassazzjoni tal-Impriżi, jipprovdi:</p>
</td>
</tr>
</table>
    <p class="C02AlineaAltA" id="para-58" title="page-4">
      “Il-punt 40 tal-Artikolu 3 tal-Liġi dwar it-Taxxa fuq id-Dħul kif ukoll l-Artikolu 8b(1) u l-Artikolu 37(3) tal-Liġi dwar it-Taxxa fuq il-Kumpanniji japplikaw għad-dħul nazzjonali u barrani tal-fond komuni ta’ investiment f’titoli trasferibbli li huwa ddistribwit u għal dak li ma jintużax bl-għan ta’ distribuzzjoni jew sabiex jiġu koperti spejjeż.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Il‑kawża prinċipali u d‑domanda preliminari</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">13</p>
</td>
<td valign="top">
<p class="normal">H Lebensversicherung hija stabbiliment irregolat mid-dritt pubbliku li huwa suġġett għat-taxxa fuq il-kumpanniji u għat-taxxa korporattiva, li topera impriża ta’ assigurazzjoni tal-ħajja. Matul il-perijodu ta’ tassazzjoni 2001, dan l-istabbiliment irċieva dividendi minn diversi kumpanniji b’kapital azzjonarju mhux residenti, li fihom huwa kellu holdings diretti ta’ inqas minn 10 % tal-kapital, kif ukoll dividendi mill-holdings tiegħu f’fondi komuni ta’ investiment f’titoli trasferibbli. Id-distribuzzjonijiet magħmula minn dawn tal-aħħar kienu ġejjin minn dividendi ta’ kumpanniji b’kapital azzjonarju mhux residenti li fihom dawn il-fondi kellhom holdings ta’ inqas minn 10 % tal-kapital.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">14</p>
</td>
<td valign="top">
<p class="normal">Permezz ta’ talba tax-xahar ta’ April 2004, H Lebensversicherung eżerċitat id-dritt ta’ għażla li jibbenefikaw minnu l-impriżi ta’ assigurazzjoni tal-ħajja u tal-assigurazzjoni għall-mard skont il-punt 2 tat-tmien sentenza tal-Artikolu 34(7) tal-KStG fil-verżjoni l-ġdida.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">15</p>
</td>
<td valign="top">
<p class="normal">Fil-kuntest tal-kalkolu tal-bażi tat-taxxa korporattiva ta’ H Lebensversicherung, l-amministrazzjoni fiskali kkunsidrat bħala profitt mill-operat, abbażi tal-ewwel sentenza tal-Artikolu 7 tal-Liġi dwar it‑Taxxa Korporattiva, il-profitt li għandu jiġi ddeterminat skont id-dispożizzjonijiet tal-Liġi dwar it-Taxxa fuq il-Kumpanniji. Minħabba l-eżerċizzju tad-dritt ta’ għażla previst fil-punt 2 tat-tmien sentenza tal-Artikolu 34(7) tal-KStG fil-verżjoni l-ġdida, mill-perijodu ta’ tassazzjoni 2001, skont l-Artikolu 8b(1) tal-KStG, 20 % tad-dividendi riċevuti mill-holdings ta’ inqas minn 10 % fil-kapital ta’ kumpanniji b’kapital azzjonarju mhux residenti ma kellhomx jittieħdu inkunsiderazzjoni għad-determinazzjoni tal-profitt suġġett għat-taxxa fuq il-kumpanniji ta’ H Lebensversicherung. Madankollu, dawn l-20 % ta’ dividendi, li ma ttiħdux inkunsiderazzjoni fid-determinazzjoni ta’ dan il-profitt taxxabbli, ġew reintegrati f’dan tal-aħħar mill-amministrazzjoni fiskali b’applikazzjoni tal-ewwel sentenza tal-punt 5 tal-Artikolu 8 tal-Liġi dwar it‑Taxxa Korporattiva. Fuq din il-bażi, din l-amministrazzjoni ddeterminat separatament it-telf trasferibbli ta’ H Lebensversicherung fil‑31 ta’ Diċembru 2001.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">16</p>
</td>
<td valign="top">
<p class="normal">Permezz ta’ rikors ippreżentat quddiem in-Niedersächsische Finanzgericht (il-Qorti tal-Finanzi ta’ Niedersachsen, il-Ġermanja), H Lebensversicherung ikkontestat l-applikazzjoni tal-ewwel sentenza tal-punt 5 tal-Artikolu 8 tal-Liġi dwar it‑Taxxa Korporattiva u r-reintegrazzjoni ta’ 20 % tad-dividendi li jirriżultaw minnha, billi invokat differenza fit-trattament meta mqabbla mad-dividendi li ġejjin minn kumpanniji residenti. Fil-fatt, l-Artikolu 8b(1) tal-KStG kien għadu mhux applikabbli, matul is-sena 2001, għad-distribuzzjonijiet ta’ dividendi magħmula minn kumpanniji b’kapital azzjonarju residenti, u dan kien jeskludi, fir-rigward ta’ dawn id-dividendi msemmija l-aħħar, tali reintegrazzjoni taħt il-punt 5 tal-Artikolu 8 tal-Liġi dwar it‑Taxxa Korporattiva. Id-differenza fl-applikabbiltà ratione temporis ta’ din id-dispożizzjoni skont is-sede tal-kumpannija distributriċi tad-dividendi wasslet, skont H Lebensversicherung, għal diskriminazzjoni fis-sitwazzjonijiet li jinvolvu element barrani u tikkostitwixxi ksur tal-moviment liberu tal-kapital.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">17</p>
</td>
<td valign="top">
<p class="normal">Peress li din il-qorti laqgħet ir-rikors ta’ H Lebensversicherung permezz ta’ sentenza tal‑25 ta’ Jannar 2018, l-amministrazzjoni fiskali ppreżentat rikors għal reviżjoni quddiem il-Bundesfinanzhof (il-Qorti Federali tal-Finanzi, il-Ġermanja), il-qorti tar-rinviju.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">18</p>
</td>
<td valign="top">
<p class="normal">Il-Bundesfinanzhof (il-Qorti Federali tal-Finanzi) tindika, fl-ewwel lok, li r-rikors għal reviżjoni għandu jintlaqa’ abbażi tad-dritt nazzjonali u li d-dividendi rċevuti minn H Lebensversicherung matul il-perijodu ta’ tassazzjoni 2001 fir-rigward ta’ holdings ta’ inqas minn 10 % fil-kapital ta’ kumpanniji mhux residenti għandhom ikunu kompletament suġġetti għat-taxxa korporattiva, l-istess bħad-distribuzzjonijiet tal-fondi komuni ta’ investiment f’titoli trasferibbli, sa fejn dawn kienu huma nfushom jirriżultaw minn distribuzzjonijiet li ġejjin minn holdings ta’ inqas minn 10 %.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">19</p>
</td>
<td valign="top">
<p class="normal">Dik il-qorti tispjega li, skont l-Artikolu 6 tal-Liġi dwar it‑Taxxa Korporattiva, il-bażi tat-taxxa korporattiva hija kkostitwita mill-profitt mill-operat għall-finijiet tat-taxxa korporattiva u li, skont l-Artikolu 7 ta’ din il-liġi, dan il-profitt huwa stabbilit skont kalkolu f’żewġ stadji.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">20</p>
</td>
<td valign="top">
<p class="normal">Fl-ewwel stadju ta’ dan il-kalkolu, il-profitt li jirriżulta minn attività industrijali jew kummerċjali huwa ddeterminat skont id-dispożizzjonijiet tal-Liġi dwar it-Taxxa fuq id-Dħul jew tal-Liġi dwar it-Taxxa fuq il-Kumpanniji. Fit-tieni stadju, isiru r-reintegrazzjonijiet u t-tnaqqis, rispettivament, skont l-Artikoli 8 u 9 tal-Liġi dwar it‑Taxxa Korporattiva.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">21</p>
</td>
<td valign="top">
<p class="normal">B’hekk, peress li H Lebensversicherung eżerċitat id-dritt ta’ għażla, previst fil-punt 2 tat-tmien sentenza tal-Artikolu 34(7) tal-KStG fil-verżjoni l-ġdida, għandu jiġi applikat l-Artikolu 8b(1) tal-KStG għad-dividendi li H Lebensversicherung irċeviet, matul il-perijodu ta’ tassazzjoni 2001, minn kumpanniji b’kapital azzjonarju mhux residenti direttament jew indirettament, permezz ta’ holdings f’fondi ta’ investiment, b’tali mod li, fl-ewwel stadju tal-kalkolu, biss 80 % ta’ dawn id-dividendi jittieħdu inkunsiderazzjoni fil-profitt li jirriżulta mill-attività industrijali jew kummerċjali.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">22</p>
</td>
<td valign="top">
<p class="normal">Fil-kuntest tat-tieni stadju tal-kalkolu, l-20 % tad-dividendi ta’ kumpanniji b’kapital azzjonarju mhux residenti li ma ttiħdux inkunsiderazzjoni fl-ewwel stadju għandhom jiġu reintegrati. Fil-fatt, skont il-punt 5 tal-Artikolu 8 tal-Liġi dwar it‑Taxxa Korporattiva, applikabbli għall-ewwel darba għall-perijodu ta’ tassazzjoni 2001, id-dividendi li ma ttiħdux inkunsiderazzjoni skont l-Artikolu 8b(1) tal-KStG jiġu reintegrati fil-profitt mill-operat li jirriżulta mill-attività kummerċjali jew industrijali, sa fejn dawn ikunu tnaqqsu waqt id-determinazzjoni ta’ dan il-profitt. Tali reintegrazzjoni għandha bħala konsegwenza li d-dividendi kollha li ġejjin minn holdings f’dawn il-kumpanniji huma suġġetti għat-taxxa korporattiva.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">23</p>
</td>
<td valign="top">
<p class="normal">Fit-tieni lok, il-qorti tar-rinviju tispeċifika li, matul il-perijodu ta’ tassazzjoni 2001, id-dispożizzjonijiet li jipprovdu li, fl-ewwel stadju tal-kalkolu tal-bażi tat-taxxa korporattiva, 20 % tad-dividendi mħallsa lil H Lebensversicherung ma kinux ittieħdu inkunsiderazzjoni, kienu japplikaw biss għad-dividendi li ġejjin minn holdings f’kumpanniji mhux residenti. Fir-rigward tad-dividendi mħallsa minn kumpanniji b’kapital azzjonarju residenti, l-Artikolu 8b(1) tal-KStG kien applikabbli għall-ewwel darba matul il-perijodu ta’ tassazzjoni 2002. Konsegwentement, id-dividendi li ġejjin minn holdings f’kumpanniji residenti mħallsa matul il-perijodu ta’ tassazzjoni 2001 kellhom jittieħdu kompletament inkunsiderazzjoni f’dan l-ewwel stadju. Konsegwentement, fit-tieni stadju ta’ dan il-kalkolu, ma kienx hemm lok li ssir reintegrazzjoni skont il-punt 5 tal-Artikolu 8 tal-Liġi dwar it-Taxxa Korporattiva. Fil-fatt, din l-aħħar dispożizzjoni tapplika biss jekk u sa fejn id-dividendi inkwistjoni ma kinux ittieħdu inkunsiderazzjoni skont l-Artikolu 8b(1) tal-KStG. Id-dividendi li ġejjin minn holdings f’kumpanniji residenti u mħallsa matul il-perijodu ta’ tassazzjoni 2001 kienu għalhekk, fl-aħħar mill-aħħar, kompletament suġġetti għat-taxxa korporattiva.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">24</p>
</td>
<td valign="top">
<p class="normal">Fit-tielet lok, il-Bundesfinanzhof (il-Qorti Federali tal-Finanzi) tindika li, permezz ta’ sentenza tas‑6 ta’ Marzu 2013, hija qieset, f’każ komparabbli, li l-fatt li, b’mod differenti mid-dividendi li jirriżultaw minn holdings f’kumpanniji residenti, ir-regola tar-reintegrazzjoni prevista fil-punt 5 tal-Artikolu 8 tal-Liġi dwar it-Taxxa Korporattiva kienet tapplika għall-ewwel darba għall-perijodu ta’ tassazzjoni 2001, fir-rigward tad-dividendi li ġejjin minn holdings f’kumpanniji mhux residenti, kien imur kontra l-moviment liberu tal-kapital iggarantit mid-dritt tal-Unjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">25</p>
</td>
<td valign="top">
<p class="normal">Madankollu, fil-kuntest tal-kawża prinċipali, dik il-qorti tiddubita li r-reintegrazzjoni ta’ dividendi li ġejjin minn holdings f’kumpanniji mhux residenti, intaxxata għall-perijodu ta’ tassazzjoni 2001 mill-punt 5 tal-Artikolu 8 tal-Liġi dwar it-Taxxa Korporattiva, tikkostitwixxi restrizzjoni għall-moviment liberu tal-kapital. Fil-fatt, l-applikazzjoni ta’ din id-dispożizzjoni għad-dividendi li ġejjin minn holdings ta’ inqas minn 10 % fil-kapital ta’ kumpanniji mhux residenti ma kellhiex bħala effett li dawn id-dividendi jiġu ttrattati fiskalment b’mod inqas favorevoli mid-dividendi li ġejjin minn holdings komparabbli f’kumpanniji residenti. Fiż-żewġ każijiet, jingħad li d-dividendi li rriżultaw minn holdings ta’ inqas minn 10 % kienu totalment inklużi fil-bażi tat-taxxa korporattiva. Ir-reintegrazzjoni ta’ dividendi li ġejjin minn holdings f’kumpanniji mhux residenti twassal sempliċement għal trattament fiskali ugwali bejn l-investimenti nazzjonali u l-investimenti transkonfinali, peress li, mingħajr l-imsemmija reintegrazzjoni, id-dividendi rċevuti matul il-perijodu ta’ tassazzjoni 2001 fir-rigward ta’ holdings ta’ inqas minn 10 % f’kumpanniji mhux residenti kienu jibbenefikaw minn trattament iktar favorevoli fil-qasam tat-taxxa korporattiva minn dawk miġbura fir-rigward ta’ holdings komparabbli f’kumpanniji residenti. Konsegwentement, ftit li xejn jidher probabbli li tali differenzi fiż-żewġ stadji tal-kalkolu tal-bażi tat-taxxa korporattiva, li ma għandhomx effett fuq l-ammont tat-taxxa, jistgħu jkunu tali li jiddisswadu lill-investituri suġġetti għal din it-taxxa milli jinvestu f’kumpanniji mhux residenti.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">26</p>
</td>
<td valign="top">
<p class="normal">Barra minn hekk, l-imsemmija qorti tindika li hija ma għadhiex iżżomm il-pożizzjoni adottata fis-sentenza tagħha tas‑6 ta’ Marzu 2013, imsemmija fil-punt 24 ta’ din is-sentenza, li tgħid li sitwazzjoni fattwali bħal dik inkwistjoni fil-kawża prinċipali hija komparabbli għas-sitwazzjoni fattwali li kienet inkwistjoni fil-kawża li tat lok għas-sentenza tat‑22 ta’ Jannar 2009, STEKO Industriemontage (C‑377/07, EU:C:2009:29). Huwa minnu li din l-aħħar sitwazzjoni kienet tirrigwarda wkoll l-applikazzjoni, għall-perijodu ta’ tassazzjoni 2001, tal-Artikolu 8b tal-KStG għad-dħul li ġej minn holdings f’kumpanniji b’kapital azzjonarju mhux residenti. Madankollu, b’mod differenti mis-sitwazzjoni inkwistjoni fil-kawża prinċipali, fil-kawża li tat lok għal is-sentenza msemmija l-aħħar, il-holdings f’kumpanniji mhux residenti kienu suġġetti, matul il-perijodu ta’ tassazzjoni 2001, għal taxxa fuq il-kumpanniji ogħla mill-holdings korrispondenti f’kumpanniji residenti. Issa, f’dan il-każ, ir-reintegrazzjoni mwettqa skont il-punt 5 tal-Artikolu 8 tal-Liġi dwar it-Taxxa Korporattiva għall-finijiet tat-taxxa korporattiva ma tagħtix lok, b’mod definittiv, għal trattament fiskali inqas favorevoli ta’ sitwazzjonijiet li għandhom element barrani.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">27</p>
</td>
<td valign="top">
<p class="normal">F’dawn iċ-ċirkustanzi, il-Bundesfinanzhof (il-Qorti Federali tal-Finanzi) iddeċidiet li tissospendi l-proċeduri u li tagħmel lill-Qorti tal-Ġustizzja d-domanda preliminari li ġejja:</p>
</td>
</tr>
</table>
    <p class="C02AlineaAltA" id="para-75" title="page-8">
      “L-Artikolu 56(1) [KE] (li sar l-Artikolu 63(1) [TFUE]) għandu jiġi intepretat fis-sens li jipprekludi dispożizzjoni ta’ Stat Membru li tipprovdi li, waqt il-kalkolu tal-bażi taxxabbli tat-taxxa korporattiva ta’ kumpannija, id-dividendi li joriġinaw minn holdings ta’ inqas minn 10 % f’kumpanniji b’kapital azzjonarju barranin (‘holdings mifruxa’) għandhom jiġu inklużi mill-ġdid fil-bażi taxxabbli jekk u sa fejn dawn id-dividendi jkunu tnaqqsu mill-bażi taxxabbli fi stadju preċedenti tal-kalkolu, filwaqt li, fil-każ ta’ tali dividendi li joriġinaw minn holdings mifruxa f’kumpanniji b’kapital azzjonarju li għandhom is-sede tagħhom fl-Istat Membru kkonċernat, ebda tnaqqis u, konsegwentement, ebda inklużjoni (mill-ġdid) tad-dividendi ma għandha ssir waqt il-kalkolu tal-bażi taxxabbli tat-taxxa korporattiva?”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq id‑domanda preliminari</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">28</p>
</td>
<td valign="top">
<p class="normal">Permezz tad-domanda tagħha, il-qorti tar-rinviju tistaqsi, essenzjalment, jekk l-Artikolu 63 TFUE għandux jiġi interpretat fis-sens li jipprekludi leġiżlazzjoni ta’ Stat Membru li tipprovdi li, fil-kalkolu tal-bażi tat-taxxa korporattiva ta’ kumpannija, id-dividendi li ġejjin minn holdings ta’ inqas minn 10 % f’kumpanniji b’kapital azzjonarju mhux residenti għandhom jiġu reintegrati f’din il-bażi taxxabbli, jekk u sa fejn dawn id-dividendi jkunu tnaqqsu minn din tal-aħħar fi stadju preċedenti ta’ dan il-kalkolu, filwaqt li d-dividendi li ġejjin minn holdings komparabbli f’kumpanniji b’kapital azzjonarju residenti huma mill-bidu integrati fl-imsemmija bażi taxxabbli, mingħajr ma jitnaqqsu minn din tal-aħħar u, għaldaqstant, lanqas ma huma reintegrati fl-istess bażi taxxabbli.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">29</p>
</td>
<td valign="top">
<p class="normal">L-Artikolu 63(1) TFUE jipprojbixxi b’mod ġenerali r-restrizzjonijiet għall-moviment tal-kapital bejn l-Istati Membri kif ukoll bejn l-Istati Membri u l-Istati terzi.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">30</p>
</td>
<td valign="top">
<p class="normal">Skont ġurisprudenza stabbilita, jikkostitwixxu, b’mod partikolari, restrizzjonijiet għal-libertà ta’ moviment ta’ kapital il-miżuri li huma tali li jiddiswadu lill-persuni mhux residenti milli jinvestu fi Stat Membru jew li jiddiswadu lir-residenti ta’ Stat Membru milli jinvestu fi Stati oħra (sentenza tas‑16 ta’ Ġunju 2022, ACC Silicones, C‑572/20, EU:C:2022:469, punt 31 u l-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">31</p>
</td>
<td valign="top">
<p class="normal">Il-miżuri nazzjonali li jistgħu jiġu kklassifikati bħala “restrizzjonijiet” fis-sens tal-Artikolu 63(1) TFUE jinkludu, b’mod partikolari, miżuri li jintroduċu differenza fit-trattament li, meta twassal għal trattament inqas vantaġġuż tad-dħul ta’ resident ta’ Stat Membru li joriġina minn Stat Membru ieħor, meta mqabbel mat-trattament tad-dħul li joriġina mill-ewwel Stat Membru, tista’ tiddiswadi lil tali resident milli jinvesti l-kapital tiegħu fi Stat ieħor (ara, f’dan is-sens, is-sentenza tad‑29 ta’ April 2021, Veronsaajien oikeudenvalvontayksikkö (Dħul imħallas minn UCITS), C‑480/19, EU:C:2021:334, punt 27 u l-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">32</p>
</td>
<td valign="top">
<p class="normal">F’dan il-każ, mit-talba għal deċiżjoni preliminari jirriżulta li, matul il-perijodu ta’ tassazzjoni 2001, modalitajiet ta’ tassazzjoni differenti kienu japplikaw, fil-kalkolu tal-bażi tat-taxxa korporattiva, għad-dividendi rċevuti minn kumpanniji residenti u għad-dividendi rċevuti minn kumpanniji mhux residenti.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">33</p>
</td>
<td valign="top">
<p class="normal">Fil-fatt, kif tindika l-qorti tar-rinviju, matul il-perijodu ta’ tassazzjoni 2001, id-dispożizzjonijiet li jipprovdu li, fl-ewwel stadju ta’ dan il-kalkolu, 20 % tad-dividendi rċevuti ma kinux inklużi f’din il-bażi kienu japplikaw biss għad-dividendi li ġejjin minn holdings f’kumpanniji mhux residenti. Għaldaqstant, fit-tieni stadju tal-imsemmi kalkolu, kienu biss dawn id-dividendi msemmija l-aħħar li kienu koperti mill-punt 5 tal-Artikolu 8 tal-Liġi dwar it‑Taxxa Korporattiva, skont liema d-dividendi li ma kinux ittieħdu inkunsiderazzjoni skont l-Artikolu 8b(1) tal-KStG ġew reintegrati fil-profitt mill-operat li jirriżulta mill-attività kummerċjali jew industrijali inkwistjoni, sa fejn dawn kienu tnaqqsu waqt id-determinazzjoni ta’ dan il-profitt. Dan kellu bħala konsegwenza li 20 % tad-dividendi li preċedentement kienu tnaqqsu mill-imsemmija bażi kienu ġew reintegrati fiha.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">34</p>
</td>
<td valign="top">
<p class="normal">Fir-rigward tad-dividendi mħallsa minn kumpanniji b’kapital azzjonarju residenti, l-Artikolu 8b(1) tal-KStG kien applikabbli għall-ewwel darba matul il-perijodu ta’ tassazzjoni 2002. Dan kien ifisser li, fil-kalkolu tal-bażi tat-taxxa korporattiva ta’ kumpannija, it-totalità ta’ dawn id-dividendi, imħallsa matul il-perijodu ta’ tassazzjoni 2001, kellhom jittieħdu inkunsiderazzjoni sa mill-ewwel stadju ta’ dan il-kalkolu. Peress li l-Artikolu 8b(1) tal-KStG ma kienx applikabbli, ebda parti mill-imsemmija dividendi ma ġiet eskluża. Konsegwentement, fit-tieni stadju tal-imsemmi kalkolu, lanqas ma kien hemm lok li ssir reintegrazzjoni skont il-punt 5 tal-Artikolu 8 tal-Liġi dwar it-Taxxa Korporattiva, peress li din id-dispożizzjoni kienet tapplika biss jekk u sa fejn dividendi ma kinux ittieħdu inkunsiderazzjoni skont l-Artikolu 8b(1) tal-KStG.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">35</p>
</td>
<td valign="top">
<p class="normal">Kif jirriżulta mill-ispjegazzjonijiet ipprovduti mill-qorti tar-rinviju, ir-riżultat ta’ tali differenza fit-trattament fiż-żewġ stadji tal-kalkolu tal-bażi tat-taxxa korporattiva kien li kemm id-dividendi mħallsa minn kumpanniji residenti kif ukoll dawk imħallsa minn kumpanniji mhux residenti kienu kompletament inklużi f’din il-bażi ta’ taxxa u kienu suġġetti għall-istess piż fiskali. Fil-fatt, għalkemm id-dividendi mħallsa minn kumpanniji residenti kienu inklużi fl-imsemmija bażi ta’ taxxa sa mill-bidu, id-dividendi mħallsa minn kumpanniji mhux residenti kienu inklużi fl-istess bażi ta’ taxxa sa 80 %, fl-ewwel stadju ta’ dan il-kalkolu, filwaqt li l-20 % l-oħra ġew reintegrati fit-tieni stadju tal-imsemmi kalkolu, b’tali mod li kienu suġġetti 100 % għat-taxxa korporattiva għall-perijodu ta’ tassazzjoni 2001.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">36</p>
</td>
<td valign="top">
<p class="normal">Għaldaqstant, din id-differenza fit-trattament, fiż-żewġ stadji tal-kalkolu tal-bażi tat-taxxa korporattiva, bejn id-dividendi mqassma minn kumpanniji residenti u dawk imħallsa minn kumpanniji mhux residenti ma twassalx għal trattament żvantaġġuż tat-tieni meta mqabbla ma’ tal-ewwel, peress li d-dividendi kollha huma, fiż-żewġ każijiet, inklużi f’din il-bażi ta’ taxxa.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">37</p>
</td>
<td valign="top">
<p class="normal">Għall-kuntrarju, l-imsemmija differenza fit-trattament u, b’mod partikolari, ir-reintegrazzjoni ta’ 20 % tad-dividendi fil-bażi tat-taxxa korporattiva, ikkontestata minn H Lebensversicherung, huma intiżi sabiex jiggarantixxu li d-dividendi mqassma minn kumpanniji mhux residenti jiġu suġġetti għall-istess piż fiskali bħal dawk imħallsa minn kumpanniji residenti, billi jiġu kompletament inklużi f’din il-bażi ta’ taxxa.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">38</p>
</td>
<td valign="top">
<p class="normal">F’dan ir-rigward, is-sitwazzjoni inkwistjoni fil-kawża prinċipali hija differenti minn dik li kienet inkwistjoni fil-kawża li tat lok għas-sentenza tat‑22 ta’ Jannar 2009, STEKO Industriemontage (C‑377/07, EU:C:2009:29), li fiha l-applikazzjoni, għad-dividendi mqassma minn kumpanniji residenti u minn kumpanniji mhux residenti, ta’ żewġ sistemi ta’ tassazzjoni differenti fir-rigward tat-taxxa fuq il-kumpanniji għall-perijodu ta’ tassazzjoni 2001 kellha l-konsegwenza li kienu biss il-kumpanniji li għandhom holdings f’kumpanniji residenti li setgħu jibbenefikaw minn vantaġġ fiskali.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">39</p>
</td>
<td valign="top">
<p class="normal">Fil-fatt, permezz ta’ din is-sentenza, il-Qorti tal-Ġustizzja ddeċidiet li, minħabba l-applikazzjoni, għad-dividendi mqassma minn kumpanniji residenti u minn kumpanniji mhux residenti, ta’ żewġ sistemi ta’ tassazzjoni differenti skont it-taxxa fuq il-kumpanniji għall-perijodu ta’ tassazzjoni 2001, il-kumpanniji residenti li għandhom holdings li sofrew deprezzament f’kumpanniji mhux residenti kienu jinsabu, matul dan il-perijodu ta’ tassazzjoni, f’sitwazzjoni inqas vantaġġuża minn dawk li għandhom tali holdings f’kumpanniji residenti, peress li kumpannija residenti setgħet tnaqqas mid-dħul taxxabbli tagħha t-tnaqqis fil-profitti dovut għal deprezzament parzjali ta’ holdings f’kumpanniji residenti, iżda ma setgħetx tnaqqas mid-dħul taxxabbli tagħha tali tnaqqis ta’ profitti, meta dan kien relatat ma’ holdings f’kumpanniji mhux residenti. (ara, f’dan is-sens, is-sentenza tat‑22 ta’ Jannar 2009, STEKO Industriemontage, C‑377/07, EU:C:2009:29, punti 25 u 26).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">40</p>
</td>
<td valign="top">
<p class="normal">Min-naħa l-oħra, fis-sitwazzjoni inkwistjoni fil-kawża prinċipali, kif ġie rrilevat fil-punti 35 u 37 ta’ din is-sentenza, kemm id-dividendi rċevuti minn kumpanniji residenti kif ukoll dawk miġbura minn kumpanniji mhux residenti huma kompletament inklużi fil-bażi tat-taxxa korporattiva u huma suġġetti għall-istess piż fiskali.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">41</p>
</td>
<td valign="top">
<p class="normal">L-argument ta’ H Lebensversicherung li restrizzjoni għall-moviment liberu tal-kapital tirriżulta mill-kumplessità tal-leġiżlazzjoni nazzjonali inkwistjoni fil-kawża prinċipali kif ukoll min-natura imprevedibbli ta’ din tal-aħħar, minħabba r-riforma u l-fatt li inċertezza fir-rigward tar-riżultati ta’ investiment kienet teżisti biss fir-rigward tal-investimenti f’kumpanniji mhux residenti, ma jistax jintlaqa’. Minn naħa, mit-talba għal deċiżjoni preliminari jirriżulta, kif ġie rrilevat fil-punt 14 ta’ din is-sentenza, li l-applikazzjoni ta’ din il-leġiżlazzjoni tirriżulta mill-eżerċizzju ta’ dritt minn H Lebensversicherung. Min-naħa l-oħra, l-argumenti ta’ H Lebensversicherung dwar il-kumplessità tal-imsemmija leġiżlazzjoni ma humiex tali li juru li r-regoli previsti minn din kienu impossibbli jew eċċessivament diffiċli li jiġu osservati fl-investiment f’kumpanniji mhux residenti.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">42</p>
</td>
<td valign="top">
<p class="normal">Fl-aħħar nett, huwa ċertament minnu li l-miżuri nazzjonali li jistgħu jiġu kklassifikati bħala “restrizzjonijiet” fis-sens tal-Artikolu 63(1) TFUE jinkludu mhux biss miżuri li jistgħu jipprekludu jew jillimitaw l-akkwist ta’ ishma ta’ kumpanniji stabbiliti fi Stati oħra, iżda wkoll miżuri li jistgħu jiddisswadu ż-żamma ta’ tali holdings f’kumpanniji stabbiliti fi Stati oħra (sentenza tat‑22 ta’ Jannar 2009, STEKO Industriemontage, C‑377/07, EU:C:2009:29, punt 24 u l-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">43</p>
</td>
<td valign="top">
<p class="normal">F’dan ir-rigward, l-argumenti ta’ H Lebensversicherung huma intiżi sabiex juru li l-leġiżlazzjoni nazzjonali inkwistjoni fil-kawża prinċipali għamlet iktar interessanti l-bejgħ mill-ġdid ta’ holdings f’kumpannija mhux residenti milli ż-żamma tagħhom, peress li, fil-każ ta’ bejgħ mill-ġdid ta’ dawn il-holdings, il-qligħ kapitali li jirriżulta minnhom ma kienx jiġi suġġett għat-taxxa korporattiva. Madankollu, tali argumenti ma jippermettux li jintwera żvantaġġ li d-dividendi ddistribwiti minn kumpannija mhux residenti sofrew meta mqabbla ma’ dawk imqassma minn kumpannija residenti minħabba ż-żamma ta’ tali holdings.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">44</p>
</td>
<td valign="top">
<p class="normal">Konsegwentement, peress li d-differenza fit-trattament magħmula mil-leġiżlazzjoni ta’ Stat Membru, fl-istadji tal-kalkolu tal-bażi tat-taxxa korporattiva, bejn id-dividendi mqassma minn kumpanniji residenti u dawk imħallsa minn kumpanniji mhux residenti ma twassalx għal trattament żvantaġġuż tat-tieni meta mqabbla ma’ tal-ewwel, peress li d-dividendi kollha huma, fiż-żewġ każijiet, inklużi f’din il-bażi ta’ taxxa u suġġetti għall-istess piż fiskali, tali differenza fit-trattament ma tistax tiddisswadi lir-residenti ta’ dan l-Istat Membru milli jinvestu l-kapital tagħhom fi Stat ieħor u, għaldaqstant, ma tikkostitwixxix restrizzjoni għall-moviment liberu tal-kapital.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">45</p>
</td>
<td valign="top">
<p class="normal">Għaldaqstant, ir-risposta għad-domanda preliminari għandha tkun li l-Artikolu 63 TFUE għandu jiġi interpretat fis-sens li ma jipprekludix leġiżlazzjoni ta’ Stat Membru li tipprovdi li, fil-kalkolu tal-bażi tat-taxxa korporattiva ta’ kumpannija, id-dividendi li ġejjin minn holdings ta’ inqas minn 10 % f’kumpanniji b’kapital azzjonarju mhux residenti għandhom jiġu reintegrati f’din il-bażi ta’ taxxa, jekk u sa fejn dawn id-dividendi jkunu tnaqqsu minn din tal-aħħar fi stadju preċedenti ta’ dan il-kalkolu, filwaqt li d-dividendi li ġejjin minn holdings komparabbli f’kumpanniji b’kapital azzjonarju residenti huma sa mill-bidu integrati fl-imsemmija bażi ta’ taxxa, mingħajr ma jitnaqqsu minn din tal-aħħar u, għaldaqstant, lanqas ma jiġu reintegrati fl-istess bażi ta’ taxxa.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq l‑ispejjeż</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">46</p>
</td>
<td valign="top">
<p class="normal">Peress li l-proċedura għandha, fir-rigward tal-partijiet fil-kawża prinċipali, in-natura ta’ kwistjoni mqajma quddiem il-qorti tar-rinviju, hija din il-qorti li tiddeċiedi fuq l-ispejjeż. L-ispejjeż sostnuti għas-sottomissjoni tal-osservazzjonijiet lill-Qorti tal-Ġustizzja, barra dawk tal-imsemmija partijiet, ma jistgħux jitħallsu lura.</p>
</td>
</tr>
</table>
    <p class="C41DispositifIntroduction" id="para-97" title="page-11">
      Għal dawn il-motivi, il-Qorti tal-Ġustizzja (Is-Sitt Awla) taqta’ u tiddeċiedi:
    </p>
    <p class="C30Dispositifalinea" id="para-98" title="page-12">
      L-Artikolu 63 TFUE għandu jiġi interpretat fis-sens li ma jipprekludix leġiżlazzjoni ta’ Stat Membru li tipprovdi li, fil-kalkolu tal-bażi tat-taxxa korporattiva ta’ kumpannija, id-dividendi li ġejjin minn holdings ta’ inqas minn 10 % f’kumpanniji b’kapital azzjonarju mhux residenti għandhom jiġu reintegrati f’din il-bażi ta’ taxxa, jekk u sa fejn dawn id-dividendi jkunu tnaqqsu minn din tal-aħħar fi stadju preċedenti ta’ dan il-kalkolu, filwaqt li d-dividendi li ġejjin minn holdings komparabbli f’kumpanniji b’kapital azzjonarju residenti huma sa mill-bidu integrati fl-imsemmija bażi ta’ taxxa, mingħajr ma jitnaqqsu minn din tal-aħħar u, għaldaqstant, lanqas ma jiġu reintegrati fl-istess bażi ta’ taxxa.
    </p>
    <div class="signatures">
<p class="C77Signatures" id="para-99" title="page-12">
<span class="signatory">Firem</span>
</p>
</div>
    <div/>
  <hr class="note"/>
<p class="note footnote">(<span class="note footnote notemarker">
<a id="t-1" href="#c-1">*</a>
</span>) Lingwa tal-kawża: il-Ġermaniż.</p>
</body>
</html>
