16.2.2023   

GA

Iris Oifigiúil an Aontais Eorpaigh

C 57/25


Réamhfhógra faoi chomhchruinniú

(Cás M.10990 — WESTCOAST / KOMSA)

Cás a d'fhéadfaí a chur faoin nós imeachta simplithe

(Téacs atá ábhartha maidir le LEE)

(2023/C 57/09)

1.   

An 9 Feabhra 2023, fuair an Coimisiún fógra maidir le comhchruinniú atá beartaithe, fógra a tugadh de bhun Airteagal 4 de Rialachán (CE) Uimh. 139/2004 ón gComhairle (1).

Baineann an fógra seo leis na gnóthais seo a leanas:

—

Westcoast (Holdings) Limited (“Westcoast”, an Ríocht Aontaithe), a bhaineann le Westcoast Group Holdings Limited (“Westcoast Group”)

—

KOMSA AG (“KOMSA”, an Ghearmáin), faoi rialú DEROSSI Invest GmbH, an Ghearmáin.

—

Gheobhaidh Westcoast rialú ar KOMSA ina iomláine de réir bhrí Airteagal 3(1)(b) den Rialachán um Chumaisc.

Baintear an comhchruinniú amach trí bhíthin ceannach scaireanna.

2.   

Is iad seo a leanas gníomhaíochtaí gnó na ngnóthas lena mbaineann:

—

Is dáileoir idirnáisiúnta táirgí bogearraí agus crua-earraí TF agus teileachumarsáide agus leictreonaic tomhaltóra é Westcoast mar aon le soláthraí seirbhísí gaolmhara gnó, lóistíochta agus margaíochta,

—

Is dáileoir idirnáisiúnta táirgí bogearraí agus crua-earraí TF agus teileachumarsáide agus leictreonaic tomhaltóra é KOMSA. Go háirithe, dáileann sé fóin chliste, táibléid, uaireadóirí cliste, gabhálais éagsúla, córais fóin, gléasanna cinn, córais tí chliste agus táirgí leictrea-shoghluaisteachta.

3.   

Tar éis réamhscrúdú a dhéanamh, is é cinneadh an Choimisiúin go bhféadfadh an t-idirbheart ar tugadh fógra ina leith a bheith faoi raon feidhme an Rialacháin um Chumaisc. Ach forchoimeádtar an cinneadh críochnaitheach maidir leis sin.

De bhun an Fhógra ón gCoimisiún maidir le nós imeachta simplithe i dtaca le cóireáil comhchruinnithe áirithe faoi Rialachán (CE) Uimh. 139/2004 ón gComhairle (2), ba cheart a thabhairt faoi deara go bhféadfaí an cás seo a chur faoin nós imeachta a leagtar amach san Fhógra.

4.   

Iarrann an Coimisiún ar thríú páirtithe leasmhara aon bharúil a bheadh acu maidir leis an oibríocht atá beartaithe a chur faoi bhráid an Choimisiúin.

Ní mór na barúlacha a bheith faighte ag an gCoimisiún tráth nach déanaí ná 10 lá tar éis dháta foilsithe an fhoilseacháin seo. Ba cheart an tagairt seo a leanas a lua i gcónaí:

M.10990 — WESTCOAST / KOMSA

Is féidir barúlacha a sheoladh chuig an gCoimisiún le ríomhphost, le facs nó tríd an bpost. Baintear úsáid as na sonraí teagmhála:

R-phost: COMP-MERGER-REGISTRY@ec.europa.eu

Facs +32 22964301

Seoladh poist:

European Commission

Directorate-General for Competition

Merger Registry

1049 Bruxelles/Brussel

BELGIQUE/BELGIË


(1)  IO L 24, 29.1.2004, lch. 1 (an “Rialachán um Chumaisc”).

(2)  IO C 366, 14.12.2013, lch. 5.