1.   Leis seo, bunaítear beart cúnaimh a bheidh chun tairbhe do Phoblacht Mhósaimbíc (an “tairbhí”) atá le maoiniú faoin tSaoráid Eorpach Síochána (SES) (an “Beart Cúnaimh”).

2.   Is é cuspóir an Bhirt Cúnaimh tacaíocht a thabhairt d’fhorbairt acmhainneachta do na haonaid d’fhórsaí armtha Mhósaimbíc arna gcur faoi oiliúint ag EUTM Mhósaimbíc agus imscaradh na n-aonad sin chun go mbeidh na haonaid sin in ann na hacmhainneachtaí riachtanacha inbhuanaithe a fhorbairt chun sábháilteacht agus slándáil a athbhunú i gcúige Cabo Delgado i dtuaisceart Mhósaimbíc, agus ar an gcaoi sin féadfaidh gníomhaireachtaí cuntasacha forfheidhmithe dlí a bheith ann, faoi réir an smacht reachta, chun an pobal sibhialtach a chosaint agus chun ligean do struchtúir chuntasacha Stáit a sholáthraíonn seirbhísí ar fud Cabo Delgado tosú arís.

3.   Chun an cuspóir a leagtar amach i mír 2 a bhaint amach, maoineoidh an Beart Cúnaimh soláthar an trealaimh seo a leanas nach bhfuil deartha chun fórsa marfach a thabhairt agus soláthairtí do na haonaid d’fhórsaí armtha Mhósaimbíc dá dtagraítear sa mhír sin:

4.   Ar feadh tréimhse 30 mí ó dháta thabhairt i gcrích an chonartha idir an Riarthóir um Bearta Cúnaimh ag gníomhú dó mar oifigeach údarúcháin agus an t-eintiteas dá dtagraítear in Airteagal 4(2) i gcomhréir le hAirteagal 32(2), pointe (a), de Chinneadh (CBES) 2021/509 a mhairfidh an Beart Cúnaimh.

1.   EUR 40 000 000 a bheidh sa mhéid tagartha airgeadais a bheidh ceaptha chun an caiteachas a bhaineann leis an mBeart Cúnaimh a chumhdach.

2.   Déanfar an caiteachas go léir a bhainistiú i gcomhréir le Cinneadh (CBES) 2021/509 agus leis na rialacha maidir le hioncam agus caiteachas a chur chun feidhme arna maoiniú faoi SES.

1.   Déanfaidh an tArdionadaí na socruithe is gá leis an tairbhí chun a áirithiú go gcomhlíonann sé na ceanglais agus na coinníollacha arna mbunú ag an gCinneadh seo mar choinníoll chun tacaíocht a sholáthar faoin mBeart Cúnaimh agus tríd an mbeart práinneach a d’fhormheas an Chomhairle an 30 Iúil 2021.

2.   Áireofar sna socruithe dá dtagraítear i mír 1 forálacha lena gcuirtear d’oibleagáid ar an tairbhí an méid seo a leanas a áirithiú:

3.   Áireofar sna socruithe dá dtagraítear i mír 1 forálacha maidir le tacaíocht a chur ar fionraí agus a fhoirceannadh faoin mBeart Cúnaimh i gcás ina bhfaighfear go bhfuil na hoibleagáidí a leagtar amach i mír 2 á sárú ag an tairbhí.

1.   Beidh an tArdionadaí freagrach as a áirithiú go gcuirfear an Cinneadh seo chun feidhme i gcomhréir le Cinneadh (CBES) 2021/509 agus leis na rialacha le haghaidh an ioncaim agus an chaiteachais faoi SES a chur chun feidhme, ar bhealach atá comhsheasmhach leis an gCreat Modheolaíochta Comhtháite chun na bearta agus na rialuithe atá riachtanach le haghaidh bearta cúnaimh faoi SES a mheasúnú agus a shainaithint.

2.   Déanfaidh Aireacht Cosanta Phoblacht na Portaingéile cur chun feidhme na ngníomhaíochtaí dá dtagraítear in Airteagal 1(3).

1.   Áiritheoidh an tArdionadaí go ndéanfaidh an tairbhí faireachán ar urramú na n-oibleagáidí arna mbunú i gcomhréir le hAirteagal 3. Leis an bhfaireachán sin, músclófar feasacht ar an gcomhthéacs agus ar na rioscaí a ghabhann le sáruithe ar na hoibleagáidí arna mbunú i gcomhréir le hAirteagal 3, agus rannchuideofar le sáruithe den sórt sin a chosc, lena n-airítear sáruithe ar an dlí idirnáisiúnta um chearta an duine agus an dlí daonnúil idirnáisiúnta, agus gníomhartha foréigin ghnéasaigh agus inscnebhunaithe ag aonaid d’fhórsaí armtha Mhósaimbíc dá dtugtar tacaíocht faoin mBeart Cúnaimh.

2.   Déanfar rialú an trealaimh agus na soláthairtí tar éis a loingsithe a eagrú mar a leanas:

3.   Déanfaidh an tArdionadaí meastóireacht, i bhfoirm an chéad mheasúnaithe ar an mBeart Cúnaimh, 6 mhí tar éis don chéad dá chuideachta arna gcur faoi oiliúint ag EUTM Mhósaimbíc a shlógadh chuig réigiún Cabo Delgado. Is éard a bheidh i gceist leis seo cuairteanna ar an láthair chun an trealamh agus na soláthairtí a dhéanfar a sholáthar faoin mBeart Cúnaimh a sheiceáil, nó aon fhoirmeacha éifeachtacha eile d’fhaisnéis a chuirtear ar fáil go neamhspleách. Déanfar meastóireacht chríochnaitheach nuair a bheidh seachadadh an trealaimh faoin mBeart Cúnaimh críochnaithe.