<!DOCTYPE html PUBLIC "yes" "xhtml1-strict.dtd">
<html xmlns="http://www.w3.org/1999/xhtml">
<!--GENDOC2XHTML # converter_version: 1.2.15-->
  <head>
    <title>2025-07-202507T116202301050-00-TRA-DOC-MT-ARRET-T-0105-23-202506240-07_00</title>
    <meta content="text/html; charset=utf-8" http-equiv="Content-Type"/>
    <meta content="" name="Gendoc_DGTGeneratedDate"/>
    <meta content="0" name="MSIP_Label_6bd9ddd1-4d20-43f6-abfa-fc3c07406f94_ContentBits"/>
    <meta content="Commission Use" name="MSIP_Label_6bd9ddd1-4d20-43f6-abfa-fc3c07406f94_Name"/>
    <meta content="mt-MT" name="Gendoc_Lang"/>
    <meta content="" name="Gendoc_GenerationDate"/>
    <meta content="" name="IsFlattened"/>
    <meta content="1" name="NumProc"/>
    <meta content="Final" name="Gendoc_EditionType"/>
    <meta content="0001" name="Gendoc_CaseNumberSuite"/>
    <meta content="6/08/2025 10:51:04" name="Gendoc_LastVerificationDate"/>
    <meta content="" name="Gendoc_ProcedureNumber"/>
    <meta content="mt" name="Gendoc_LangCode"/>
    <meta content="ARR" name="TypeDoc"/>
    <meta content="+dcFleGhNNeuUI7//Clk3BjVAoxNEHVS5pnElUS5v4PmpJn/fRDPP6Nljnffz+ZCP88HIo6PbW8K3JZlfIMLAfvlGV1Svur3Aqv6LPilrJXNO4yn1ncohdkjZmqp/H2OKNCLtnezjfhsoJsNoFWuXf8VdVjvQqAiKjLJrBk6OdQ=" name="GenDocUID"/>
    <meta content="P" name="TypeProc"/>
    <meta content="" name="CreateCustomParts"/>
    <meta content="" name="Gendoc_GendocTemplateSubType"/>
    <meta content="OK" name="ReadyToPublish"/>
    <meta content="deliaca" name="Gendoc_User"/>
    <meta content="10, 3, 0, 1" name="MSIP_Label_6bd9ddd1-4d20-43f6-abfa-fc3c07406f94_Tag"/>
    <meta content="" name="EP_Mode"/>
    <meta content="" name="Gendoc_DGTGenerated"/>
    <meta content="" name="Gendoc_Vademecum"/>
    <meta content="true" name="MSIP_Label_6bd9ddd1-4d20-43f6-abfa-fc3c07406f94_Enabled"/>
    <meta content="ff7079d9-ca2d-4395-a0c6-a21f30f76a05" name="MSIP_Label_6bd9ddd1-4d20-43f6-abfa-fc3c07406f94_ActionId"/>
    <meta content="0105" name="NumeroOrdre"/>
    <meta content="2023" name="Annee"/>
    <meta content="P" name="Gendoc_ProcedureType"/>
    <meta content="" name="EP_Version"/>
    <meta content="MT" name="Langue"/>
    <meta content="deliaca" name="Gendoc_DGTGeneratedUser"/>
    <meta content="b24c8b06-522c-46fe-9080-70926f8dddb1" name="MSIP_Label_6bd9ddd1-4d20-43f6-abfa-fc3c07406f94_SiteId"/>
    <meta content="FAST_document_go_ok" name="Gendoc_LastVerificationStatus"/>
    <meta content="ARR_T" name="Gendoc_GendocTemplateType"/>
    <meta content="TRUE" name="WithoutAuthorBlockFlatP"/>
    <meta content="GenDoc 09-07-25 13:15:29" name="Created"/>
    <meta content="" name="Canevas3_Vademecum"/>
    <meta content="2025-07-22T14:59:45Z" name="MSIP_Label_6bd9ddd1-4d20-43f6-abfa-fc3c07406f94_SetDate"/>
    <meta content="TRUE" name="WithoutAuthorBlock"/>
    <meta content="" name="Gendoc_CaseYear"/>
    <meta content="false" name="Generation_In_Progress"/>
    <meta content="T" name="Juridiction"/>
    <meta content="fc7134b9c3754ca6ae77fbb15d2ab02a" name="DocumentIdentifier"/>
    <meta content="0105" name="Gendoc_CaseNumber"/>
    <meta content="ImportedWithoutSource" name="SdlIdentifier"/>
    <meta content="PI" name="NatureAff"/>
    <meta content="PI" name="Gendoc_CaseNature"/>
    <meta content="0001" name="NumSuite"/>
    <meta content="T" name="Gendoc_Juridiction"/>
    <meta content="Standard" name="MSIP_Label_6bd9ddd1-4d20-43f6-abfa-fc3c07406f94_Method"/>
  </head>
  <body>
    <div style="header">
      <div id="rId24" style="first"/>
      <div id="rId20" style="even">Sentenza tas‑16.7.2025 – Kawża T‑105/23</div>
      <div id="rId21" style="default">Iceland Foods vs EUIPO – Íslandsstofa (Promote Iceland) et (ICELAND)</div>
    </div>
    <p class="C19Centre" id="para-1" title="page-1">
      SENTENZA TAL-QORTI ĠENERALI (Is-Seba’ Awla)
    </p>
    <p class="C19Centre" id="para-2" title="page-1">
      16 ta’ Lulju 2025  (<span class="note footnote notemarker">
<a id="c-1" href="#t-1">*</a>
</span>)
    </p>
    <p class="C71Indicateur" id="para-3" title="page-1">
      “Trade mark tal-Unjoni Ewropea – Proċedimenti għal dikjarazzjoni ta’ invalidità – Trade mark verbali tal-Unjoni Ewropea ICELAND – Raġuni assoluta ta’ invalidità – Karattru deskrittiv – Artikolu 7(1)(ċ) tar-Regolament (KE) Nru 40/94 (li sar l-Artikolu 7(1)(c) tar-Regolament (UE) 2017/1001)”
    </p>
    <p class="C02AlineaAltA" id="para-4" title="page-1">
      Fil-Kawża T‑105/23,
    </p>
    <p class="C02AlineaAltA" id="para-5" title="page-1">
      Iceland Foods Ltd, stabbilita f’Deeside (ir-Renju Unit), irrappreżentata minn G. Vos, avukat,
    </p>
    <p class="C72Alineadroite" id="para-6" title="page-1">
      rikorrenti,
    </p>
    <p class="C02AlineaAltA" id="para-7" title="page-1">
      sostnuta minn
    </p>
    <p class="C02AlineaAltA" id="para-8" title="page-1">
      International Trademark Association (INTA), stabbilita f’New York (l-Istati Uniti), irrappreżentata minn N. Parrotta, M. Perraki u A. Lubberger, avukati,
    </p>
    <p class="C72Alineadroite" id="para-9" title="page-1">
      intervenjenti,
    </p>
    <p class="C19Centre" id="para-10" title="page-1">
      vs
    </p>
    <p class="C02AlineaAltA" id="para-11" title="page-1">
      L-Uffiċċju tal-Proprjetà Intellettwali tal-Unjoni Ewropea (EUIPO), irrappreżentat minn V. Ruzek, bħala aġent,
    </p>
    <p class="C72Alineadroite" id="para-12" title="page-1">
      konvenut,
    </p>
    <p class="C02AlineaAltA" id="para-13" title="page-1">
      il-partijiet l-oħra fil-proċedimenti quddiem il-Bord tal-Appell tal-EUIPO, intervenjenti quddiem il-Qorti Ġenerali, li huma
    </p>
    <p class="C02AlineaAltA" id="para-14" title="page-1">
      Íslandsstofa (Promote Iceland), stabbilita f’Rejkjavik (l-Islanda),
    </p>
    <p class="C02AlineaAltA" id="para-15" title="page-1">
      L-Islanda,
    </p>
    <p class="C02AlineaAltA" id="para-16" title="page-1">
      SA – Business Iceland, stabbilita f’Rejkjavik,
    </p>
    <p class="C02AlineaAltA" id="para-17" title="page-1">
      irrappreżentati minn A. von Mühlendahl u H. Hartwig, avukati,
    </p>
    <p class="C19Centre" id="para-18" title="page-1">
      IL-QORTI ĠENERALI (Is-Seba’ Awla),
    </p>
    <p class="C02AlineaAltA" id="para-19" title="page-1">
      komposta minn K. Kowalik‑Bańczyk, Presidenta, E. Buttigieg u I. Dimitrakopoulos (Relatur), Imħallfin,
    </p>
    <p class="C02AlineaAltA" id="para-20" title="page-1">
      Reġistratur: G. Mitrev, Amministratur,
    </p>
    <p class="C02AlineaAltA" id="para-21" title="page-1">
      wara li rat il-fażi bil-miktub tal-proċedura,
    </p>
    <p class="C02AlineaAltA" id="para-22" title="page-1">
      wara s-seduta tas‑16 ta’ Ottubru 2024,
    </p>
    <p class="C02AlineaAltA" id="para-23" title="page-1">
      tagħti l-preżenti
    </p>
    <p class="C75Debutdesmotifs" id="para-24" title="page-1">
      Sentenza
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">1</p>
</td>
<td valign="top">
<p class="normal">Permezz tar-rikors tagħha bbażat fuq l-Artikolu 263 TFUE, ir-rikorrenti, Iceland Foods Ltd, qiegħda titlob l-annullament tad-deċiżjoni tal-Bord tal-Appell Estiż tal-Uffiċċju tal-Proprjetà Intellettwali tal-Unjoni Ewropea (EUIPO) tal‑15 ta’ Diċembru 2022 (Każ R 1238/2019‑G) (iktar ’il quddiem id-“deċiżjoni kkontestata”).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Il-fatti li wasslu għall-kawża</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">2</p>
</td>
<td valign="top">
<p class="normal">Fl‑14 ta’ Novembru 2016, Íslandsstofa (Promote Iceland), l-Islanda u SA – Business Iceland ressqu quddiem l-EUIPO talba għal dikjarazzjoni ta’ invalidità tat-trade mark tal-Unjoni Ewropea li ġiet irreġistrata wara applikazzjoni ppreżentata mir-rikorrenti fid‑19 ta’ April 2002 għas-sinjal verbali ICELAND.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">3</p>
</td>
<td valign="top">
<p class="normal">Il-prodotti u s-servizzi koperti mit-trade mark ikkontestata li għalihom kienet intalbet dikjarazzjoni ta’ invalidità kienu jaqgħu taħt il-Klassijiet 7, 11, 16, 29 sa 32 u 35 fis-sens tal-Ftehim ta’ Nice dwar il-klassifikazzjoni internazzjonali ta’ prodotti u servizzi għall-finijiet tar-reġistrazzjoni ta’ trade marks tal‑15 ta’ Ġunju 1957, kif rivedut u emendat, u kienu jikkorrispondu, għal kull waħda minn dawn il-klassijiet, għad-deskrizzjoni li ġejja:</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">Klassi 7: “Apparati elettriċi għat-tindif tad-dar, inkluż apparati elettriċi għat-tindif tat-twieqi, apparati elettriċi għat-tindif taż-żraben u vacuum cleaners; magni tal-ħasil; apparati tad-dar; partijiet u ħwejjeġ tal-prodotti msemmija fuq; il-prodotti kollha msemmija fuq inklużi fil-Klassi 7”;</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">Klassi 11: “Apparati għat-tisħin, għat-tisjir, għat-tkessiħ, għat-tnixxif jew għall-ventilazzjoni; friżers, friġġijiet, friżers u friġġijiet ikkombinati, fran tal-microwave; partijiet u ħwejjeġ tal-prodotti kollha msemmija fuq; il-prodotti kollha msemmija fuq inklużi fil-Klassi 11”;</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">Klassi 16: “Karti, kartun, oġġetti tal-karta, oġġetti tal-kartun, materjal għall-ippakkjar u għat-tqartis; basktijiet tal-ippakkjar tal-karta jew tal-plastik; toilet paper, xugamani tal-karta, basktijiet għall-ġarr, boroż tal-plastik, basktijiet tal-karta jew tal-plastik; mqafel għall-basktijiet; tikketti; pinen, crayons; transfers (disinni dekorattivi jew tpinġijiet dekorattivi li jistgħu jitwaħħlu bil-pressa jew bis-sħana); tikketti tal-prezzijiet u biljetti u supports f’forma ta’ envelop; materjal stampat, pubblikazzjonijiet perijodiċi u kartolerija; il-prodotti kollha msemmija fuq inklużi fil-Klassi 16”;</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">Klassi 29: “Laħam, laħam it-tjur u laħam it-tjur tal-kaċċa, essenza tal-laħam; frott u ħaxix ippreżervat, imnixxef u mgħolli; ġeli, ġammijiet; bajd, ħalib u prodotti tal-ħalib; żjut u xaħmijiet li jittieklu; priżerv tal-laħam u tal-ħaxix; il-prodotti kollha msemmija fuq inklużi fil-Klassi 29”;</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">Klassi 30: “Kafè, te, kawkaw, zokkor, ross, tapjoka, sagu, sustanzi artifiċjali li jintużaw flok il-kafè; dqiq u preparazzjonijiet taċ-ċereali, ħobż, silġ li jittiekel; ikel tal-għaġina u ħlewwiet, silġ li jittiekel; għasel, għasel iswed (treacle); ħmira, ħmira tat-trab, melħ, mustarda; ħall, zlazi, taħwir għall-insalata; ħwawar; silġ; il-prodotti kollha msemmija fuq inklużi fil-Klassi 30”;</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">Klassi 31: “Prodotti agrikoli, prodotti ortikulturali u prodotti tal-foresti u żrieragħ, mhux inklużi fi klassijiet oħra; frott u ħaxix frisk; żerriegħa; pjanti u fjuri naturali; għalf tal-annimali, xgħir; il-prodotti kollha msemmija fuq inklużi fil-Klassi 31”;</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">Klassi 32: “Birer; ilmijiet minerali u tal-gass u xorb ieħor mhux alkoħoliku; xorb tal-frott u tal-meraq tal-frott; ġulepp u preparazzjonijiet oħra sabiex isiru x-xarbiet; il-prodotti kollha msemmija fuq, inklużi fil-Klassi 32”;</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">Klassi 35: “Il-ġbir, f’isem terzi, ta’ firxa ta’ prodotti sabiex il-klijenti jkunu jistgħu jeżaminaw u jixtru faċilment dawn il-prodotti f’supermarket; il-ġbir, għal terzi, ta’ firxa ta’ prodotti li jippermettu lill-klijenti jaraw u jixtru faċilment dawn il-prodotti f’ħanut lokali; il-ġbir, f’isem terzi, ta’ firxa ta’ prodotti sabiex il-klijenti jkunu jistgħu jeżaminaw u jixtru faċilment dawn il-prodotti mingħand bejjiegħa bl-imnut ta’ ikel, xorb u prodotti tad-dar; il-ġbir, f’isem terzi, ta’ firxa ta’ prodotti sabiex il-klijenti jkunu jistgħu jeżaminaw u jixtru faċilment dawn il-prodotti mingħand bejjiegħa bl-imnut ta’ ikel, xorb, prodotti tad-dar u apparati elettroniċi tad-dar; il-ġbir, f’isem terzi, ta’ firxa ta’ prodotti sabiex il-klijenti jkunu jistgħu jeżaminaw u jixtru faċilment dawn il-prodotti mingħand bejjiegħa bl-imnut ta’ ikel, xorb u prodotti tad-dar; il-ġbir, f’isem terzi, ta’ firxa ta’ prodotti sabiex il-klijenti jkunu jistgħu jeżaminaw u jixtru faċilment dawn il-prodotti mingħand bejjiegħa bl-imnut ta’ ikel, xorb, prodotti tad-dar u apparati elettriċi tad-dar; il-ġbir, f’isem terzi, ta’ firxa ta’ prodotti sabiex il-klijenti jkunu jistgħu jeżaminaw u jixtru faċilment dawn il-prodotti minn sit web fuq l-internet li jispeċjalizza fil-bejgħ ta’ oġġetti tal-ikel, xorb, prodotti tad-dar u apparati elettriċi tad-dar; il-ġbir, f’isem terzi, ta’ firxa ta’ prodotti sabiex il-klijenti jkunu jistgħu jeżaminaw u jixtru faċilment dawn il-prodotti minn sit web fuq l-internet (inkluż sit web fuq l-internet aċċessibbli permezz ta’ kompjuter, networks tal-kompjuter, telefowns ċellulari kompatibbli mal-internet, televiżjonijiet, apparati bir-radju u organizzaturi elettriċi), li jispeċjalizzaw fil-bejgħ ta’ oġġetti tal-ikel, xorb, prodotti tad-dar u apparati elettriċi tad-dar; il-ġbir, għal terzi, ta’ firxa ta’ prodotti sabiex il-klijenti jkunu jistgħu jaraw u jixtru faċilment dawn il-prodotti minn katalgu ta’ prodotti tal-ikel, ta’ xorb, ta’ prodotti tad-dar u ta’ apparati elettriċi tad-dar li jintbagħat bil-posta jew bit-telekomunikazzjoni”.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">4</p>
</td>
<td valign="top">
<p class="normal">Ir-raġunijiet għal invalidità miġjuba insostenn tat-talba għal dikjarazzjoni ta’ invalidità kienu, essenzjalment, dawk imsemmija fl-Artikolu 51(1)(a) tar-Regolament (KE) Nru 40/94 tal-Kunsill tal‑20 ta’ Diċembru 1993 dwar it-trade mark Komunitarja (ĠU Edizzjoni Speċjali bil-Malti, Kapitolu 17, Vol. 1, p. 146), kif emendat, moqri flimkien mal-Artikolu 7(1)(b), (ċ) u (g) tal-imsemmi regolament (li saru, rispettivament, l-Artikolu 52(1)(a) u l-Artikolu 7(1)(b), (c) u (g) tar-Regolament tal-Kunsill (KE) Nru 207/2009 tas‑26 ta’ Frar 2009 dwar it-trademark tal-Unjoni Ewropea (ĠU 2009, L 78, p. 1), kif emendat, li huma stess issa saru l-Artikolu 59(1)(a) u l-Artikolu 7(1)(b), (c) u (g) tar-Regolament (UE) 2017/1001 tal-Parlament Ewropew u tal-Kunsill tal‑14 ta’ Ġunju 2017 dwar it-trademark tal-Unjoni Ewropea (ĠU 2017, L 154, p. 1)).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">5</p>
</td>
<td valign="top">
<p class="normal">Fil‑5 ta’ April 2019, id-Diviżjoni tal-Kanċellazzjoni laqgħet it-talba għal dikjarazzjoni ta’ invalidità fir-rigward tal-prodotti u tas-servizzi kollha msemmija fil-punt 3 iktar ’il fuq.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">6</p>
</td>
<td valign="top">
<p class="normal">Fil‑5 ta’ Ġunju 2019, ir-rikorrenti appellat quddiem l-EUIPO mid-deċiżjoni tad-Diviżjoni tal-Kanċellazzjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">7</p>
</td>
<td valign="top">
<p class="normal">Waqt il-proċedimenti quddiem il-Bord tal-Appell Estiż, Íslandsstofa (Promote Iceland), l-Islanda u SA – Business Iceland żiedu raġuni għal invalidità ma’ dawk li nġiebu quddiem id-Diviżjoni tal-Kanċellazzjoni, ibbażata, essenzjalment, fuq l-applikazzjoni tad-dispożizzjonijiet tal-Artikolu 51(1)(a) u tal-Artikolu 7(1)(f) tar-Regolament Nru 40/94 (li sar l-Artikolu 7(1)(f) tar-Regolament Nru 207/2009, li huwa stess sar l-Artikolu 7(1)(f) tar-Regolament 2017/1001), moqrija flimkien.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">8</p>
</td>
<td valign="top">
<p class="normal">Permezz tad-deċiżjoni kkontestata, il-Bord tal-Appell Estiż ċaħad l-appell. Essenzjalment, fl-ewwel lok, huwa qies li t-talba għal dikjarazzjoni ta’ invalidità tat-trade mark ikkontestata, ibbażata fuq l-Artikolu 7(1)(f) tar-Regolament Nru 40/94, kienet inammissibbli, minħabba l-preżentata tardiva tagħha fl-istadju tal-appell.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">9</p>
</td>
<td valign="top">
<p class="normal">Fit-tieni lok, minn naħa, il-Bord tal-Appell Estiż qies li l-pubbliku rilevanti, jiġifieri l-pubbliku ġenerali tal-Unjoni Ewropea li jitkellem bl-Ingliż, kien jara t-trade mark ikkontestata bħala indikazzjoni li l-prodotti u s-servizzi indikati minn din tal-aħħar kienu joriġinaw mill-Islanda. Huwa qies, għalhekk, li t-trade mark ikkontestata kienet ġiet irreġistrata bi ksur tal-Artikolu 7(1)(ċ) tar-Regolament Nru 40/94.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">10</p>
</td>
<td valign="top">
<p class="normal">Min-naħa l-oħra, il-Bord tal-Appell Estiż fakkar, essenzjalment, li kien biżżejjed li tapplika waħda mir-raġunijiet assoluti għal rifjut sabiex is-sinjal inkwistjoni ma jkunx jista’ jiġi rreġistrat bħala trade mark tal-Unjoni Ewropea. Fi kwalunkwe każ, li kellha t-trade mark ikkontestata tiġi eżaminata fid-dawl tad-dispożizzjonijiet tal-Artikolu 7(1)(b) tar-Regolament Nru 40/94, hija jkollha titqies li ma għandhiex karattru distintiv.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">It-talbiet tal-partijiet</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">11</p>
</td>
<td valign="top">
<p class="normal">Ir-rikorrenti titlob li l-Qorti Ġenerali jogħġobha:</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">tannulla d-deċiżjoni kkontestata;</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">tibgħat lura l-kawża quddiem id-Diviżjoni tal-Kanċellazzjoni sabiex jitkomplew il-proċedimenti;</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">tikkundanna lill-EUIPO għall-ispejjeż ta’ dan ir-rikors u lil Íslandsstofa (Promote Iceland), lill-Islanda u lil SA – Business Iceland għall-ispejjeż relatati mal-proċedimenti quddiem id-Diviżjoni tal-Kanċellazzjoni u l-Bord tal-Appell Estiż.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">12</p>
</td>
<td valign="top">
<p class="normal">L-EUIPO jitlob li l-Qorti Ġenerali jogħġobha:</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">tiċħad ir-rikors;</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">tikkundanna lir-rikorrenti għall-ispejjeż kemm‑il darba kellha tissejjaħ seduta.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">13</p>
</td>
<td valign="top">
<p class="normal">Íslandsstofa (Promote Iceland), l-Islanda u SA – Business Iceland jitolbu li l-Qorti Ġenerali jogħġobha:</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">tiċħad ir-rikors;</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">tikkundanna lir-rikorrenti għall-ispejjeż.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">14</p>
</td>
<td valign="top">
<p class="normal">International Trademark Association (INTA) titlob li l-Qorti Ġenerali jogħġobha:</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">tannulla d-deċiżjoni kkontestata;</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">tiddeċiedi li hija għandha tbati l-ispejjeż tagħha stess.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Id-dritt</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">15</p>
</td>
<td valign="top">
<p class="normal">Ir-rikorrenti essenzjalment tqajjem żewġ motivi bbażati, minn naħa, fuq ksur tal-Artikolu 7(1)(ċ) tar-Regolament Nru 40/94 u, min-naħa l-oħra, fuq ksur tal-Artikolu 7(1)(b) tal-imsemmi regolament.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq l-ewwel motiv, ibbażat fuq ksur tal-Artikolu 7(1)(ċ) tar-Regolament Nru 40/94</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">16</p>
</td>
<td valign="top">
<p class="normal">Il-Bord tal-Appell Estiż essenzjalment qies li t-trade mark ikkontestata kienet, għall-pubbliku rilevanti, tiddeskrivi l-oriġini ġeografika tal-prodotti u tas-servizzi koperti minnha jew il-karatteristiċi tagħhom fid-dawl, b’mod partikolari, tal-għarfien tassew kbir tal-isem ġeografiku “Islanda” u tal-karatteristiċi ta’ dan il-pajjiż fir-rigward tan-natura, tal-ekoloġija, tal-enerġija rinnovabbli, tal-prosperità ekonomika, tal-manodopera tas-sengħa u li jorbtu mal-industrija tagħha u mal-esportazzjonijiet effettivi. Dawn il-fatturi jagħmluha possibbli li jiġi konkluż li, għall-pubbliku rilevanti, l-Islanda kienet pajjiż li kapaċi jipproduċi diversi tipi ta’ prodotti differenti u jipprovdi firxa wiesgħa ta’ servizzi. B’hekk, fil-fehma tal-Bord tal-Appell Estiż, il-pubbliku rilevanti jorbot il-prodotti u s-servizzi inkwistjoni mat-trade mark ikkontestata fis-sens li din tal-aħħar tindika l-oriġini ġeografika tagħhom jew uħud mill-karatteristiċi tagħhom marbuta speċifikament ma’ din l-oriġini ġeografika.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">17</p>
</td>
<td valign="top">
<p class="normal">Ir-rikorrenti u INTA jsostnu li l-Bord tal-Appell Estiż kiser l-Artikolu 7(1)(ċ) tar-Regolament Nru 40/94. Huma jikkontestaw l-evalwazzjonijiet tal-Bord tal-Appell Estiż u, konsegwentement, il-konklużjoni dwar il-karattru deskrittiv tat-trade mark ikkontestata fir-rigward tal-prodotti u s-servizzi kollha inkwistjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">18</p>
</td>
<td valign="top">
<p class="normal">B’mod iktar speċifiku, ir-rikorrenti tqis li, minkejja n-nuqqas ta’ leġiżlazzjoni fil-livell tal-Unjoni li tipprojbixxi r-reġistrazzjoni ta’ ismijiet tal-pajjiżi bħala trade marks, il-Bord tal-Appell Estiż, madankollu, effettivament impona tali projbizzjoni fid-deċiżjoni kkontestata. F’dan ir-rigward, huwa qagħad fuq kriterji mhux determinanti, bħall-għarfien tal-isem ġeografiku “Iceland” mill-pubbliku rilevanti jew fuq karatteristiċi ta’ dan il-post li huma impreċiżi u mhux ikkorroborati u, fi kwalunkwe każ, irrilevanti. Barra minn hekk, huwa ma ħax inkunsiderazzjoni ċerti sondaġġi ppreżentati mir-rikorrenti.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">19</p>
</td>
<td valign="top">
<p class="normal">L-EUIPO, Íslandsstofa (Promote Iceland), l-Islanda u SA – Business Iceland jikkontestaw l-argumenti tar-rikorrenti u ta’ INTA.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">20</p>
</td>
<td valign="top">
<p class="normal">F’dan ir-rigward, mill-ġurisprudenza jirriżulta li, skont l-Artikolu 51(1)(a) tar-Regolament Nru 40/94, l-invalidità tat-trade mark tal-Unjoni Ewropea għandha tiġi ddikjarata, fuq talba mressqa quddiem l-EUIPO jew fuq kontrotalba f’azzjoni għal kontrafazzjoni, meta din it-trade mark tkun ġiet irreġistrata bi ksur tad-dispożizzjonijiet tal-Artikolu 7 tal-istess regolament.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">21</p>
</td>
<td valign="top">
<p class="normal">Skond l-Artikolu 7(1)(ċ) tar-Regolament Nru 40/94, trade marks li jkunu magħmula esklużivament minn sinjali jew minn indikazzjonijiet li jistgħu jservu sabiex jindikaw, fil-kummerċ, ix-xorta, il-kwalità, il-kwantità, l-użu intenzjonat, il-valur, l-oriġini ġeografika jew iż-żmien li fih ikun ġie magħmul il-prodott jew li fih ikun ġie pprovdut is-servizz, jew karatteristiċi oħra ta’ dawn tal-aħħar ma għandhomx jiġu rreġistrati. Skont l-Artikolu 7(2) tal-istess regolament (li sar l-Artikolu 7(2) tar-Regolament Nru 207/2009, li sar, huwa stess, l-Artikolu 7(2) tar-Regolament 2017/1001), l-Artikolu 7(1) tar-Regolament Nru 40/94 japplika anki jekk ir-raġunijiet għal rifjut ikunu jeżistu biss f’parti tal-Unjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">22</p>
</td>
<td valign="top">
<p class="normal">Dawn is-sinjali jew indikazzjonijiet huma meqjusa li ma jistgħux ikollhom il-funzjoni essenzjali tat-trade mark, jiġifieri dik li tidentifika l-oriġini kummerċjali tal-prodott jew tas-servizz (sentenzi tat‑23 ta’ Ottubru 2003, UASI vs Wrigley, C‑191/01 P, EU:C:2003:579, punt 30, u tas‑27 ta’ Frar 2002, Eurocool Logistik vs UASI (EUROCOOL), T‑34/00, EU:T:2002:41, punt 37).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">23</p>
</td>
<td valign="top">
<p class="normal">Sabiex sinjal jaqa’ taħt il-projbizzjoni stabbilita fl-Artikolu 7(1)(ċ) tar-Regolament Nru 40/94, huwa meħtieġ li dan ikollu relazzjoni diretta u konkreta biżżejjed mal-prodotti jew mas-servizzi inkwistjoni b’mod li l-pubbliku kkonċernat ikun jista’ jara minnufih, u mingħajr ma joqgħod jaħseb, deskrizzjoni tal-prodotti jew tas-servizzi inkwistjoni jew ta’ xi waħda mill-karatteristiċi tagħhom (ara s-sentenzi tat‑12 ta’ Jannar 2005, Deutsche Post EURO EXPRESS vs UASI (EUROPREMIUM), T‑334/03, EU:T:2005:4, punt 25 u l-ġurisprudenza ċċitata, u tat‑22 ta’ Ġunju 2005, Metso Paper Automation vs UASI (PAPERLAB), T‑19/04, EU:T:2005:247, punt 25 u l-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">24</p>
</td>
<td valign="top">
<p class="normal">Barra minn hekk, għalkemm huwa irrilevanti li tali karatteristika tkun essenzjali jew anċillari fuq il-livell kummerċjali, karatteristika, fis-sens tal-Artikolu 7(1)(ċ) tar-Regolament Nru 40/94, għandha, madankollu, tkun oġġettiva u inerenti għan-natura tal-prodott jew tas-servizz, kif ukoll intrinsika u permanenti fir-rigward ta’ dan il-prodott jew ta’ dan is-servizz (ara s-sentenza tas‑7 ta’ Mejju 2019, Fissler vs EUIPO (vita), T‑423/18, EU:T:2019:291, punt 44 u l-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">25</p>
</td>
<td valign="top">
<p class="normal">Fir-rigward, b’mod iktar speċifiku, tas-sinjali jew tal-indikazzjonijiet li jistgħu jservu sabiex jindikaw l-oriġini jew id-destinazzjoni ġeografika ta’ kategoriji ta’ prodotti jew il-post ta’ provvista ta’ kategoriji ta’ servizzi li għalihom tkun intalbet trademark tal-Unjoni Ewropea, b’mod partikolari l-ismijiet ġeografiċi, huwa fl-interess ġenerali li dawn jinżammu disponibbli, mhux biss għax jistgħu jindikaw il-kwalità u karatteristiċi oħra tal-kategoriji ta’ prodotti u servizzi kkonċernati, iżda wkoll għax jinfluwenzaw b’diversi modi l-għażliet tal-konsumaturi billi, pereżempju, il-prodotti jew is-servizzi jiġu assoċjati ma’ post li jista’ jnissel sentimenti pożittivi (sentenza tas‑6 ta’ Settembru 2018, Bundesverband Souvenir – Geschenke – Ehrenpreise vs EUIPO, C‑488/16 P, EU:C:2018:673, punt 37; ara wkoll, b’analoġija, is-sentenza tal‑4 ta’ Mejju 1999, Windsurfing Chiemsee, C‑108/97 u C‑109/97, EU:C:1999:230, punt 26).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">26</p>
</td>
<td valign="top">
<p class="normal">F’dan ir-rigward, għandu jitfakkar li huma esklużi, minn naħa, ir-reġistrazzjoni ta’ ismijiet ġeografiċi bħala trade marks jekk dawn ikunu jirreferu għal postijiet ġeografiċi speċifiċi li jkunu diġà msemmija jew ikunu diġà magħrufa fir-rigward tal-kategorija ta’ prodotti jew ta’ servizzi kkonċernati u li, għalhekk, f’għajnejn il-pubbliku rilevanti, huma marbuta ma’ dak il-post u, min-naħa l-oħra, ir-reġistrazzjoni ta’ ismijiet ġeografiċi li jistgħu jintużaw mill-impriżi li għandhom ukoll jinżammu disponibbli għal dawn tal-aħħar bħala indikazzjoni tal-oriġini ġeografika tal-kategorija ta’ prodotti jew ta’ servizzi kkonċernati (ara, b’analoġija, is-sentenza tal‑4 ta’ Mejju 1999, Windsurfing Chiemsee, C‑108/97 u C‑109/97, EU:C:1999:230, punti 29, 30 u 37).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">27</p>
</td>
<td valign="top">
<p class="normal">Għalhekk, ir-reġistrazzjoni ta’ sinjal tista’ tiġi rrifjutata abbażi tal-Artikolu 7(1)(ċ) tar-Regolament Nru 40/94 biss jekk l-isem ġeografiku li għalih tkun intalbet ir-reġistrazzjoni bħala trade mark ikun jindika post li, fil-mument tat-talba, ikollu, f’għajnejn il-pubbliku rilevanti, rabta mal-kategorija ta’ prodotti jew servizzi kkonċernati jew jekk ikun raġonevoli li wieħed iqis li tali rabta tista’ ssir fil-futur (sentenza tas‑6 ta’ Settembru 2018, Bundesverband Souvenir – Geschenke – Ehrenpreise vs EUIPO, C‑488/16 P, EU:C:2018:673, punt 38; ara wkoll, b’analoġija, is-sentenza tal‑4 ta’ Mejju 1999, Windsurfing Chiemsee, C‑108/97 u C‑109/97, EU:C:1999:230, punt 31).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">28</p>
</td>
<td valign="top">
<p class="normal">Issa, anki jekk il-pubbliku rilevanti jkun jaf post ġeografiku partikolari, dan ma jfissirx awtomatikament li s-sinjal jista’ jservi, fil-kummerċ, sabiex jindika oriġini ġeografika. Sabiex ikun eżaminat jekk il-kundizzjonijiet għall-applikazzjoni tar-raġuni għal rifjut ta’ reġistrazzjoni inkwistjoni humiex issodisfatti, għandhom jittieħdu inkunsiderazzjoni ċ-ċirkustanzi rilevanti kollha, bħan-natura tal-prodotti jew servizzi indikati, ir-reputazzjoni tajba jew inqas tajba, b’mod partikolari fis-settur ekonomiku inkwistjoni, tal-post ġeografiku inkwistjoni u l-għarfien kbir jew inqas kbir li l-pubbliku rilevanti jkollu ta’ dan il-post, l-użanzi tal-qasam ta’ attività kkonċernata u l-kwistjoni sa fejn l-oriġini ġeografika tal-prodotti jew servizzi inkwistjoni tista’ titqies bħala rilevanti, f’għajnejn il-pubbliku rilevanti, għall-evalwazzjoni tal-kwalità jew ta’ karatteristiċi oħra tal-prodotti jew servizzi kkonċernati (ara, f’dan is-sens, is-sentenza tal‑25 ta’ Ottubru 2005, Peek de Cloppenburg vs UASI (Cloppenburg), T‑379/03, EU:T:2005:373, punt 49).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">29</p>
</td>
<td valign="top">
<p class="normal">Barra minn hekk, fil-kuntest ta’ proċedimenti għal dikjarazzjoni ta’ invalidità bbażati fuq raġuni assoluta għal rifjut, peress li t-trade mark tal-Unjoni Ewropea rreġistrata hija meqjusa valida, hija l-persuna li tkun ressqet it-talba għal dikjarazzjoni ta’ invalidità li għandha ġġib quddiem l-EUIPO l-provi konkreti li jikkontestaw il-validità tagħha (sentenza tat‑13 ta’ Settembru 2013, Fürstlich Castell’ sches Domänenamt vs UASI – Castel Frères (CASTEL), T‑320/10, EU:T:2013:424, punt 28).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">30</p>
</td>
<td valign="top">
<p class="normal">F’dan il-każ, fl-ewwel lok, għandu jiġi rrilevat li r-rikorrenti ma hijiex tikkontesta d-definizzjoni tal-pubbliku rilevanti, adottata mill-Bord tal-Appell Estiż fil-punti 89 sa 93 tad-deċiżjoni kkontestata, fis-sens li dan tal-aħħar kien magħmul mill-pubbliku ġenerali tal-Unjoni li jitkellem bl-Ingliż fid-data tal-applikazzjoni għar-reġistrazzjoni tat-trade mark ikkontestata fid‑19 ta’ April 2002, li jinsab fit-territorji tal-Finlandja, tal-Irlanda, tal-Pajjiżi l-Baxxi, tal-pajjiżi Skandinavi, inkluż id-Danimarka, u tar-Renju Unit.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">31</p>
</td>
<td valign="top">
<p class="normal">Fit-tieni lok, fid-deċiżjoni kkontestata, il-Bord tal-Appell Estiż essenzjalment qies li l-kelma “Iceland” kienet magħrufa minn parti kbir tal-pubbliku rilevanti bħala isem ta’ pajjiż li, fost oħrajn, jagħmel parti miż-Żona Ekonomika Ewropea (ŻEE).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">32</p>
</td>
<td valign="top">
<p class="normal">F’dan ir-rigward, minn naħa, għandu jiġi rrilevat li t-trade mark ikkontestata tindika l-isem ta’ pajjiż, mill-perspettiva ġeografika, li jinsab fl-Ewropa, magħmul minn territorju b’popolazzjoni relattivament żgħira, kif ukoll minn medda art ikbar minn dik ta’ wħud mill-Istati Membri tal-Unjoni u taż-ŻEE.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">33</p>
</td>
<td valign="top">
<p class="normal">Min-naħa l-oħra, għandu jiġi kkonstatat li, għall-kuntrarju ta’ dak li ssostni r-rikorrenti, l-għarfien tal-Islanda ma tqiesx mill-Bord tal-Appell Estiż bħala kriterju determinanti fl-evalwazzjoni tal-karattru deskrittiv tat-trade mark ikkontestata. Fil-fatt, dan tal-aħħar indika b’mod ċar, fil-punt 121 tad-deċiżjoni kkontestata, li l-evalwazzjoni tal-karattru deskrittiv ta’ din l-istess trade mark kienet teħtieġ ukoll li jittieħdu inkunsiderazzjoni fatturi rilevanti oħra, bħall-għarfien tal-karatteristiċi tal-post indikat minn dan l-isem ġeografiku u r-rabta bejn il-kategoriji ta’ prodotti u ta’ servizzi u t-trade mark ikkontestata.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">34</p>
</td>
<td valign="top">
<p class="normal">Fit-tielet lok, fid-deċiżjoni kkontestata, il-Bord tal-Appell Estiż qies diversi karatteristiċi tal-Islanda li kienu jippermettu li jiġi konkluż, fil-fehma tiegħu, li l-Islanda kienet pajjiż li kapaċi jipproduċi diversi tipi ta’ prodotti differenti u jipprovdi firxa wiesgħa ta’ servizzi.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">35</p>
</td>
<td valign="top">
<p class="normal">F’dan ir-rigward, minn naħa, għandu jitfakkar li r-rikorrenti qiegħda tikkontesta l-argument li huwa magħruf sew il-fatt li l-Islanda hija wieħed mill-pajjiżi li l-iktar jirrispettaw l-ambjent fid-dinja, l-evalwazzjoni tal-Bord tal-Appell Estiż dwar ir-relazzjonijiet kummerċjali importanti li l-Islanda għandha mal-Istati Membri tal-Unjoni, kif ukoll il-klassifikazzjoni tal-industrija Islandiża tat-turiżmu bħala waħda li qiegħda “kulma jmur tikber”. Fil-fehma tar-rikorrenti, il-Bord tal-Appell Estiż qies b’mod żbaljat li d-destinazzjoni l-iktar komuni għall-esportazzjonijiet tal-prodotti tal-Islanda kienet id-Danimarka u mhux il-Pajjiżi l-Baxxi u huwa għamel żball ta’ fatt meta qies li l-Islanda kienet tipprovdi firxa raġonevolment wiesgħa ta’ prodotti u ta’ servizzi.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">36</p>
</td>
<td valign="top">
<p class="normal">Madankollu, għandu jiġi kkonstatat li r-rikorrenti ma ġġib ebda argument konkret jew prova konkreta sabiex twaqqa’ dubju fuq ir-rilevanza tal-evalwazzjonijiet tal-Bord tal-Appell Estiż. B’hekk, għandu jitqies li l-argument ġenerali u mhux iddettaljat tar-rikorrenti ma jistax iwaqqa’ dubju fuq l-evalwazzjoni ta’ dawn il-karatteristiċi relatati mal-Islanda. Barra minn hekk, l-analiżi tal-provi li fuqhom qagħad il-Bord tal-Appell Estiż fid-deċiżjoni kkontestata tagħmilha possibbli li jiġi kkonfermat li dawn juru b’mod suffiċjenti fid-dritt, l-ewwel nett, li l-Islanda kienet pajjiż li jirrispetta l-ambjent (ara l-punti 108, 109, 125, 126 u 146 tad-deċiżjoni kkontestata, li jirrigwardaw, b’mod partikolari, id-diversi impjanti tal-enerġija ġeotermika u idrawlika amministrati mill-amministratur nazzjonali fl-Islanda u n-natura ekoloġika tal-produzzjoni tal-enerġija fl-Islanda li ilha żmien teżisti, kif ukoll informazzjoni konsistenti mill-Collins Dictionary u mill-Encyclopedia Britannica), it-tieni nett, li l-Islanda kienet destinazzjoni turistika popolari (ara l-punti 108 u 109 tad-deċiżjoni kkontestata u l-punt 126 tal-imsemmija deċiżjoni, li jirreferu għas-sondaġġ ta’ Íslandsstofa (Promote Iceland) li sar fl‑2015 fid-Danimarka, fi Franza, fil-Ġermanja u fir-Renju Unit), it-tielet nett, li l-Islanda kienet toffri firxa wiesgħa ta’ prodotti u ta’ servizzi, u li kellha wkoll, b’rabta ma’ dawn tal-aħħar, relazzjonijiet kummerċjali importanti mal-pajjiżi taż-ŻEE (ara l-punti 143 u 144 tad-deċiżjoni kkontestata, li jirreferu għad-Direttorju tal-Istatistika tal-Islanda tal‑2015, kif ukoll għad-Dikjarazzjoni tal-President tas-Sezzjoni tal-Kummerċ Barrani tal-Uffiċċju tal-Istatistika tal-Islanda tas‑27 ta’ Jannar 2016 dwar l-esportazzjonijiet tal-Islanda lejn l-Unjoni bejn l‑1999 u l‑2014).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">37</p>
</td>
<td valign="top">
<p class="normal">Min-naħa l-oħra, f’dak li għandu x’jaqsam mal-asserzjonijiet tar-rikorrenti u ta’ INTA fir-rigward tar-rilevanza tal-karatteristiċi tal-Islanda li ttieħdu inkunsiderazzjoni fid-deċiżjoni kkontestata għall-finijiet tal-evalwazzjoni tar-rabta bejn dan il-pajjiż u l-prodotti u s-servizzi indikati mit-trade mark ikkontestata, mill-ġurisprudenza mfakkra fil-punti 26 u 27 iktar ’il fuq jirriżulta li t-trade marks ikollhom karattru deskrittiv mhux biss meta jkunu jindikaw postijiet ġeografiċi speċifiċi li jkunu diġà msemmija jew magħrufa fir-rigward ta’ kategorija ta’ prodotti u ta’ servizzi kkonċernati, iżda wkoll dawk li jkun raġonevoli li wieħed jipprevedi, fir-rigward tagħhom, li, ’il quddiem, dawn ser jintużaw mill-impriżi bħala indikazzjonijiet tal-oriġini ġeografika tal-kategorija ta’ prodotti jew ta’ servizzi kkonċernati.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">38</p>
</td>
<td valign="top">
<p class="normal">Mill-premess jirriżulta li r-rikorrenti tiżbalja meta ssostni li kien meħtieġ, f’dan il-każ, li tiġi evalwata r-“reputazzjoni” li kienet tgawdi l-Islanda f’għajnejn il-pubbliku rilevanti, jew li hija setgħet tgawdi ’l quddiem, b’rabta mal-prodotti u mas-servizzi indikati mit-trade mark ikkontestata. Fil-fatt, kif jirriżulta mill-ġurisprudenza mfakkra fil-punt 28 iktar ’il fuq, għandhom jittieħdu inkunsiderazzjoni numru ta’ ċirkustanzi kif kienu fid‑19 ta’ April 2002, u dan minn perspettiva prospettika (li tħares ’il quddiem), peress li dawn tal-aħħar ma humiex limitati biss għall-kwistjoni tar-reputazzjoni. Barra minn hekk, id-diversi karatteristiċi tal-Islanda, li l-Bord tal-Appell Estiż ħa inkunsiderazzjoni, huma importanti sabiex jiġi ddeterminat sa fejn l-oriġini ġeografika tal-prodotti jew tas-servizzi inkwistjoni tista’ tkun rilevanti, f’għajnejn il-pubbliku rilevanti, għall-evalwazzjoni tal-kwalità jew ta’ karatteristiċi oħra tal-prodotti jew tas-servizzi kkonċernati.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">39</p>
</td>
<td valign="top">
<p class="normal">Għal dawn l-istess raġunijiet, ir-rikorrenti ma għandhiex raġun tikkritika lill-Bord tal-Appell Estiż talli ħa inkunsiderazzjoni l-prosperità ekonomika, inkluż l-evalwazzjoni tal-prodott gross domestiku (PGD), il-manodopera tas-sengħa jew ukoll il-preżenza ta’ industriji differenti, peress li dawn il-kriterji setgħu jagħmluha possibbli li jiġi ddeterminat jekk l-Islanda setgħetx issir magħrufa jew imsemmija bħala post ta’ oriġini ġeografika fir-rigward tal-prodotti u s-servizzi inkwistjoni. Minn qari ġenerali tad-deċiżjoni kkontestata, b’mod partikolari tal-punti 146, 147, 164, 167 u 185, in fine, jirriżulta li l-Bord tal-Appell Estiż irrikonoxxa n-natura rilevanti tal-ekonomija Islandiża (kemm fid-dawl ta’ aspetti kwantitattivi, bħall-PGD, kif ukoll fid-dawl ta’ aspetti kwalitattivi) sabiex jikkorrobora l-konklużjoni tiegħu dwar il-kapaċità ta’ dan il-pajjiż li jipproduċi u jipprovdi firxa wiesgħa ta’ prodotti u ta’ servizzi u dwar il-karattru deskrittiv tat-trade mark ikkontestata fil-mod kif jaraha l-pubbliku rilevanti. F’dan ir-rigward, għandu jiġi rrilevat ukoll li mill-ġurisprudenza jirriżulta li l-PGD huwa rilevanti għad-determinazzjoni tal-karatteristiċi ta’ post ġeografiku indikat mis-sinjal li għalih tkun ġiet ippreżentata l-applikazzjoni għal reġistrazzjoni u, konsegwentement, għall-evalwazzjoni tar-rabta li teżisti bejn il-prodotti u s-servizzi koperti mill-imsemmi sinjal u l-isem ġeografiku indikat (ara, f’dan is-sens, is-sentenza tat‑23 ta’ Frar 2022, Govern d’Andorra vs EUIPO (Andorra), T‑806/19, mhux ippubblikata, EU:T:2022:87, punt 65).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">40</p>
</td>
<td valign="top">
<p class="normal">Fid-dawl tal-premess, għandu jsir eżami konkret, relatat mal-kwistjoni dwar jekk it-trade mark ikkontestata kinitx tindika, f’għajnejn il-pubbliku rilevanti, fil-mument tal-applikazzjoni għal reġistrazzjoni, post li kellu rabta mal-kategoriji ta’ prodotti u ta’ servizzi kkonċernati jew jekk kienx raġonevoli li wieħed jipprevedi li, ’il quddiem, issir tali rabta.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq il-prodotti li jaqgħu taħt il-Klassijiet 29 sa 32 indikati mit-trade mark ikkontestata</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">41</p>
</td>
<td valign="top">
<p class="normal">L-ewwel nett, il-Bord tal-Appell Estiż qies li l-indikazzjoni tal-oriġini ġeografika tal-prodotti tal-ikel, tax-xorb u tal-prodotti agrikoli ma kinitx biss prassi komuni fil-kummerċ, iżda wkoll, fir-rigward ta’ ċerti prodotti, obbligu sabiex jiġi żgurat livell għoli ta’ protezzjoni tas-saħħa tal-konsumaturi u sabiex jiġi ggarantit id-dritt tagħhom għall-informazzjoni. B’hekk, il-konsumaturi li jsibu quddiemhom l-isem ta’ pajjiż fuq dawn il-prodotti ikun hemm iktar ċans li jarawh bħala l-post ta’ oriġini u f’sens deskrittiv, u dan minkejja li l-pajjiż inkwistjoni ma jkunx igawdi reputazzjoni jew ma jkunx magħruf għal prodott partikolari.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">42</p>
</td>
<td valign="top">
<p class="normal">It-tieni nett, il-Bord tal-Appell Estiż qies li għalkemm l-Islanda setgħet tiġi assoċjata prinċipalment mal-ħut, ma’ frott il-baħar, mal-laħam u mal-prodotti tal-ħalib, hija kienet tipproduċi prodotti oħra tal-ikel, bħal frott, ħaxix u ħwawar. Barra minn hekk, wieħed jista’ raġonevolment jistenna li s-serer, imsaħħna bl-enerġija ġeotermali, ikollhom kapaċità ta’ produzzjoni tal-ikel pjuttost varjata. Fid-dawl tal-fatt li t-tjur huma mrobbija u li l-bajd u ċ-ċereali, il-birra, l-ilma, il-meraq tal-frott u xarbiet oħra mhux alkoħoliċi huma komunement prodotti, ippakkjati u mibjugħa fl-Ewropa, il-konsumaturi jaħsbu li dawn il-prodotti jistgħu joriġinaw mill-Islanda. Dan huwa wkoll il-każ fir-rigward tax-xaħmijiet u taż-żjut li jittieklu u, b’mod partikolari, taż-żejt tal-kolza li jista’ jiġi kkultivat fi klimi iktar kesħin.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">43</p>
</td>
<td valign="top">
<p class="normal">It-tielet nett, il-Bord tal-Appell Estiż iddeċieda li għalkemm, min-natura tagħhom stess, ċerti prodotti li jaqgħu taħt il-Klassi 30 ma kinux ikkultivati fl-Islanda, bħall-kawkaw, il-kafè, it-te, ir-ross, is-sagu u t-tapjoka, dawn setgħu, madankollu, jiġu pproċessati u adattati għat-togħma lokali.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">44</p>
</td>
<td valign="top">
<p class="normal">Ir-rikorrenti essenzjalment issostni li l-Bord tal-Appell Estiż, huwa u jevalwa r-rabta bejn il-prodotti li jaqgħu taħt il-Klassijiet 29 sa 32 u l-isem ġeografiku inkwistjoni, żbalja billi ffoka wisq fuq il-fatt li l-Islanda kienet tipproduċi, sa ċertu punt, prodotti tal-ikel, minkejja li dawn kienu jirrappreżentaw biss parti żgħira ħafna mill-prodotti esportati minn dan il-pajjiż. Barra minn hekk, għal ċerti prodotti “eżotiċi”, l-evalwazzjonijiet tal-Bord tal-Appell Estiż huma purament teoretiċi. Ir-rikorrenti ssostni wkoll li l-obbligu legali li jiġi indikat il-pajjiż ta’ oriġini fuq prodott ma għandu l-ebda influwenza fuq l-użu ta’ isem dan il-pajjiż bħala trade mark. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">45</p>
</td>
<td valign="top">
<p class="normal">F’dan ir-rigward, fl-ewwel lok, għandu jiġi rrilevat li l-prodotti li jaqgħu taħt il-Klassijiet 29 sa 32 jinkludu prodotti tal-ikel li joriġinaw mill-pjanti u mill-annimali u likwidi għall-konsum mill-bniedem, li lkoll jagħmlu parti mis-settur tal-ikel. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">46</p>
</td>
<td valign="top">
<p class="normal">Skont il-ġurisprudenza, huwa konformi mal-prassi tas-soltu fir-rigward ta’ prodotti agroalimentari li dawn jiġu indikati b’terminu ġeografiku li jkun jindika, jew li jkun jista’ jindika, l-oriġini ġeografika tagħhom (ara, f’dan is-sens, is-sentenza tal‑15 ta’ Ottubru 2003, Nordmilch vs UASI (OLDENBURGER), T‑295/01, EU:T:2003:267, punti 42 sa 45). L-oriġini ġeografika ta’ tali prodotti tista’ titqies li hemm mnejn tkun partikolarment rilevanti, f’għajnejn il-pubbliku rilevanti, fis-sens tal-ġurisprudenza mfakkra fil-punt 28 iktar ’il fuq, għall-evalwazzjoni tal-kwalità tagħhom jew ta’ karatteristiċi oħra. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">47</p>
</td>
<td valign="top">
<p class="normal">Flimkien ma’ dawn il-kunsiderazzjonijiet hemm dawk marbuta mal-karatteristiċi speċifiċi tal-prodotti kkonċernati li joriġinaw mill-Islanda, fid-dawl tal-fatturi naturali relatati ma’ dan il-pajjiż kif ukoll tal-metodu ta’ manifattura jew ta’ trattament tal-imsemmija prodotti. Dawn il-kunsiderazzjonijiet huma murija permezz ta’ provi, ippreżentati matul il-proċedura amministrattiva quddiem l-EUIPO, b’mod partikolari l-fuljett tal-Icelandic Lamb Marketing Board (il-Bord Islandiż għall-Bejgħ tal-Ħrief) dwar it-trobbija tal-ħrief fl-Islanda (punt 154 tad-deċiżjoni kkontestata), intitolat Buyers Guide – From nature to the table – Flavoured by the wild Pastures of Iceland (Gwida għax-xerrej – Min-natura għal fuq il-platt – Mħawwar mill-mergħat mhux ikkultivati tal-Islanda), li, filwaqt li ħareġ fl‑2010, huwa ta’ interess għas-sitwazzjoni fid-data tal-applikazzjoni għar-reġistrazzjoni tat-trade mark ikkontestata, sa fejn dan jirreferi għal proċess “tradizzjonali” ta’ trobbija tal-ħrief u tat-trattament ta’ laħamhom. Minn dan id-dokument jirriżulta b’mod partikolari li, sabiex laħamhom ikun ta’ kwalità għolja, il-ħrief kienu jitrabbew f’art mhux ikkultivata, u dan skont standards għolja ta’ kwalità. Barra minn hekk, dan l-istess dokument jirreferi għal dak li huwa wirt kulturali f’dan il-qasam ta’ produzzjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">48</p>
</td>
<td valign="top">
<p class="normal">Fit-tieni lok, għandu jiġi kkonstatat li, kif jirriżulta mill-provi fil-proċess prodotti matul il-proċedura amministrattiva quddiem l-EUIPO minn Íslandsstofa (Promote Iceland), l-Islanda u SA – Business Iceland, l-Islanda tipproduċi u tesporta diversi tipi ta’ prodotti agroalimentari, inkluż ħut u prodotti tal-ħut, laħam taċ-ċanga, tan-nagħaġ u tal-majjal, prodotti tal-ħalib, frott u ħxejjex, bħal tipi differenti ta’ ħass, kaboċċi, tadam, brokkli, karrotti u bżar, tut u ċawsli differenti, alka u ħwawar, ħelu taċ-ċikkulata u xorb, bħal birra u xorb mingħajr alkoħol. B’mod partikolari, mill-imsemmija provi fil-proċess jirriżulta li l-Islanda kienet tipproduċi u tesporta dawn il-prodotti bejn l‑1999 u l‑2014, jiġifieri kemm qabel kif ukoll wara d-data li fiha ġiet ippreżentata l-applikazzjoni għar-reġistrazzjoni tat-trade mark ikkontestata (ara l-punt 154 tad-deċiżjoni kkontestata, b’mod partikolari d-Dikjarazzjoni tal-President tas-Sezzjoni tal-Kummerċ Barrani tal-Uffiċċju tal-Istatistika tal-Islanda tas‑27 ta’ Jannar 2016 dwar il-perijodu bejn l‑1999 u l‑2014, kif ukoll id-dokument annwali tal-istatistika tal-Islanda tal‑2015, li jinkludi data konkreta, maqsuma skont l-oqsma ta’ produzzjoni, fir-rigward tal-esportazzjonijiet tal-Islanda lejn l-Unjoni u lejn iż-ŻEE).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">49</p>
</td>
<td valign="top">
<p class="normal">Barra minn hekk, il-Bord tal-Appell Estiż ġustament iddikjara, fil-punt 155 tad-deċiżjoni kkontestata. (ara l-punt 42 iktar ’il fuq), fir-rigward ta’ wħud mill-prodotti l-oħra inkwistjoni, bħat-tjur u l-bajd, li dawn setgħu jitrabbew u jiġu prodotti fl-Ewropa kollha u setgħu għalhekk jitrabbew u jiġu prodotti wkoll fl-Islanda. Bl-istess mod, xaħmijiet u żjut li jittieklu, b’mod partikolari ż-żejt tal-kolza, setgħu jiġu prodotti jew ikkultivati anki fi klimi kesħin, bħal fl-Islanda. B’hekk, b’mod ġenerali, dawn il-prodotti li jaqgħu taħt il-Klassijiet 29 sa 32, indikati mit-trade mark ikkontestata, jistgħu jiġu prodotti, ippakkjati u mibjugħa fl-Islanda u esportati lejn il-pajjiżi taż-ŻEE. Dawn l-istess kunsiderazzjonijiet japplikaw, kif indika l-Bord tal-Appell Estiż fil-punt 155 tad-deċiżjoni kkontestata, għall-birra u għax-xarbiet mhux alkoħoliċi.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">50</p>
</td>
<td valign="top">
<p class="normal">Minn dan jirriżulta li l-Islanda kienet tipproduċi, fid-data li fiha ġiet ippreżentata l-applikazzjoni għal reġistrazzjoni tat-trade mark ikkontestata, firxa wiesgħa ta’ prodotti li jaqgħu taħt il-Klassijiet 29 sa 32, indikati mit-trade mark ikkontestata, li hija kienet tesporta wkoll dawn il-prodotti u li hija setgħet tipproduċi oħrajn. Fid-dawl tal-kapaċità, attwali jew potenzjali, ta’ manifattura u ta’ esportazzjoni ta’ dawn il-prodotti mill-Islanda, għandu jitqies li meta wieħed mill-prodotti, li jkun jaqa’ taħt il-Klassijiet 29 sa 32, jinbiegħ bit-trade mark ikkontestata, wieħed jista’ jaħseb li dan il-prodott joriġina minn dan il-pajjiż. F’dan ir-rigward, għall-kuntrarju ta’ dak li tallega r-rikorrenti, il-Bord tal-Appell Estiż ma jistax jiġi kkritikat talli ma ħax inkunsiderazzjoni ċ-ċirkustanza marbuta mal-allegata parti “żgħira ħafna” mill-prodotti tal-ikel esportati mill-Islanda. Li kellu jitqies li l-esportazzjoni attwali tal-prodotti tal-ikel mill-Islanda ma tikkostitwixxix parti relattivament kbira mill-esportazzjonijiet tagħha b’mod ġenerali, tali allegazzjoni ma tistax twaqqa’ dubju fuq ir-rabta deskrittiva bejn it-trade mark u l-prodotti li jaqgħu taħt il-Klassijiet 29 sa 32 sa fejn hija ma tiħux inkunsiderazzjoni perspettiva prospettika tar-rabta li tista’ raġonevolment issir bejn it-trade mark ikkontestata u l-prodotti koperti.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">51</p>
</td>
<td valign="top">
<p class="normal">Barra minn hekk, sa fejn ir-rikorrenti tippreżenta argumenti intiżi li jikkontestaw l-eżistenza ta’ rabta bejn it-trade mark ikkontestata u l-laħam tal-bumerin, għandu jiġi rrilevat li hija ma tikkontestax il-fatt li tipi oħra ta’ laħam, bħal-laħam taċ-ċanga, tan-nagħaġ u tal-majjal, huma prodotti fl-Islanda u, skont il-provi prodotti matul il-proċedura amministrattiva, huma esportati mill-Islanda. B’hekk, l-argument tagħha ma jistax iwaqqa’ dubju fuq il-karattru deskrittiv tat-trade mark ikkontestata fir-rigward tal-kategorija usa’ tal- “laħam” li taqa’ taħt il-Klassi 29.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">52</p>
</td>
<td valign="top">
<p class="normal">Fir-rigward tal-kawkaw, tal-kafè u tat-te, li jaqgħu taħt il-Klassi 30, huwa minnu, kif issostni r-rikorrenti, li dawn il-prodotti, minħabba n-natura tagħhom, ma humiex ikkultivati l-Islanda u li ma tantx huwa probabbli li dawn ser jiġu kkultivati l-Islanda ’il quddiem. Madankollu, il-Bord tal-Appell Estiż sostna, ġustament, li huma setgħu jiġu pproċessati u adattati għat-togħma lokali, kif jixhdu l-provi tal-manifattura taċ-ċikkulata, li huwa jirreferi għalihom fil-punt 154 tad-deċiżjoni kkontestata, u li jirrigwardaw impriżi lokali tal-ħelu. L-eżempji ta’ għażliet tat-te li joriġinaw mill-Irlanda, mill-Ingilterra jew mill-Iskozja, fejn dan il-prodott ma jiġix, madankollu, ikkultivat, li kienu offruti għall-bejgħ bl-imnut fl-Unjoni, invokati mill-Bord tal-Appell Estiż, huma wkoll eżempji rilevanti. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">53</p>
</td>
<td valign="top">
<p class="normal">Għalkemm l-allegazzjonijiet tar-rikorrenti kellhom jinftiehmu fis-sens li jirrigwardaw in-nuqqas ta’ provi li jikkorroboraw l-eżistenza ta’ prassi ta’ pproċessar jew ta’ adattament għall-preferenzi lokali, fl-Islanda, ta’ prodotti bħalma huwa l-kawkaw, il-kafè jew it-te, għandu jiġi kkonstatat, madankollu, li l-imsemmija possibbiltà tibqa’ waħda raġonevoli, f’għajnejn il-pubbliku rilevanti. Fil-fatt, dan it-tip ta’ prodotti jista’ jaqa’ taħt marketing partikolari, li jenfasizza prodott b’togħmiet adattati għat-togħma lokali jew bi kwalitajiet partikolari oħra, marbuta mal-oriġini ġeografika tagħhom.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">54</p>
</td>
<td valign="top">
<p class="normal">Għandu jiġi rrilevat li dawn il-prodotti, kif ukoll ċerti prodotti oħra li jaqgħu taħt il-Klassijiet 29 sa 32, bħall-ħwawar, il-ħmira jew il-melħ, jistgħu, wara li jiġi adattati, ikollhom karatteristiċi speċifiċi għall-Islanda fid-dawl, pereżempju, tal-metodi ta’ trattament li jagħmluha possibbli li jiġu enfasizzati togħmiet partikolari u l-pubbliku rilevanti jkun jista’ jarahom b’dan il-mod. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">55</p>
</td>
<td valign="top">
<p class="normal">Fid-dawl tal-premess, għandu jiġi konkluż li l-Bord tal-Appell Estiż ġustament qies li t-trade mark ikkontestata kellha karattru deskrittiv fir-rigward tal-prodotti li jaqgħu taħt il-Klassijiet 29 sa 32.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq il-prodotti li jaqgħu taħt il-Klassijiet 7 u 11 indikati mit-trade mark ikkontestata</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">56</p>
</td>
<td valign="top">
<p class="normal">Sabiex ikkonkluda li t-trade mark ikkontestata għandha karattru deskrittiv fir-rigward tal-prodotti li jaqgħu taħt fil-Klassijiet 7 u 11, il-Bord tal-Appell Estiż, l-ewwel nett, ħa inkunsiderazzjoni l-fatturi marbuta mal-eżistenza ta’ “industrija b’saħħitha” tas-sajd u tal-ipproċessar tal-ikel li kienet tuża friżers u apparati elettriċi oħra fl-Islanda, mal-istabbiltà u mas-saħħa tal-ekonomija Islandiża u mal-assoċjazzjoni ta’ dan l-istess pajjiż ma’ enerġija ekoloġika u mas-sostenibbiltà frott ir-reputazzjoni tiegħu f’dan il-qasam. It-tieni nett, huwa analizza d-drawwiet tax-xiri tal-konsumaturi f’dan is-settur. Fl-aħħar nett, il-Bord tal-Appell Estiż qies, essenzjalment, li t-trade mark ikkontestata setgħet tiddeskrivi l-karatteristiċi essenzjali sostenibbli u ekoloġiċi tal-prodotti li jaqgħu taħt il-Klassijiet 7 u 11, indikati mit-trade mark ikkontestata. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">57</p>
</td>
<td valign="top">
<p class="normal">Ir-rikorrenti tikkritika lill-Bord tal-Appell Estiż talli qies li l-prodotti li jaqgħu taħt il-Klassijiet 7 u 11 setgħu jiġu prodotti fl-Islanda, minkejja li l-karatteristiċi ekonomiċi u ġeografiċi ta’ dan il-pajjiż ma jurux tali kapaċità ta’ manifattura.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">58</p>
</td>
<td valign="top">
<p class="normal">Preliminarjament, għandu jitfakkar li l-prodotti inklużi fil-Klassijiet 7 u 11 jinkludu, b’mod partikolari, diversi apparati tad-dar kif ukoll partijiet u bċejjeċ ta’ dawn tal-aħħar. Ir-rikorrenti ma tikkontestax id-dikjarazzjoni tal-Bord tal-Appell Estiż li l-pubbliku jista’ faċilment ikollu impressjoni ekoloġika ta’ dawn il-prodotti, marbuta, b’mod partikolari, mal-manifattura tagħhom li ma tagħmilx ħsara lill-ambjent u mal-konsum baxx ta’ enerġija tagħhom.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">59</p>
</td>
<td valign="top">
<p class="normal">Barra minn hekk, minn naħa, għandu jingħad ukoll li, kif irrileva l-Bord tal-Appell fil-punt 164 tad-deċiżjoni kkontestata, minħabba l-eżistenza ta’ “industrija b’saħħitha”, ta’ manodopera tas-sengħa, ta’ ekonomija b’saħħitha u stabbli u tal-inkoraġġiment tal-innovazzjoni u tal-kreattività mill-Gvern Islandiż, il-pubbliku rilevanti, fl‑2002, seta’ jara lill-Islanda bħala pajjiż li għandu l-kapaċità li jimmanifattura l-prodotti kollha inkwistjoni, li jaqgħu taħt dawn il-klassijiet, jew li jkun kapaċi jagħmel dan fil-futur qarib.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">60</p>
</td>
<td valign="top">
<p class="normal">Min-naħa l-oħra, kif jirriżulta mill-provi fil-proċess, prodotti minn Íslandsstofa (Promote Iceland), l-Islanda u SA – Business Iceland matul il-proċedura amministrattiva (ara l-osservazzjonijiet tat‑2 ta’ Novembru 2017, Anness 3), ċerti impriżi, stabbiliti fl-Islanda, jimmanifatturaw prodotti li jaqgħu taħt il-Klassijiet 7 u 11, indikati mit-trade mark ikkontestata, bħal friġġijiet u friżers. Minkejja li dawn il-provi jirrigwardaw is-sena 2017, dawn huma illustrattivi, inkluż fir-rigward tad-data tal-applikazzjoni għar-reġistrazzjoni tat-trade mark ikkontestata, jiġifieri d‑19 ta’ April 2002, b’mod partikolari sa fejn juru l-kapaċitajiet tekniċi tal-impriżi Islandiżi fis-settur ikkonċernat. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">61</p>
</td>
<td valign="top">
<p class="normal">F’dawn iċ-ċirkustanzi, jista’ raġonevolment jitqies li l-pubbliku rilevanti seta’ jara t-trade mark ikkontestata bħala indikazzjoni li l-prodotti li jaqgħu taħt il-Klassijiet 7 u 11 kienu joriġinaw mill-Islanda u, fid-dawl tal-impressjoni ta’ dan il-pajjiż, bħala li jirrispettaw l-ambjent (ara l-punt 36 iktar ’il fuq) u li kellhom karatteristiċi marbuta mas-sostenibbiltà tagħhom jew mal-aspett ekoloġiku tagħhom.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">62</p>
</td>
<td valign="top">
<p class="normal">Din il-konklużjoni ma tistax tiġi kkontradetta mill-kritika tar-rikorrenti bbażata fuq allegat nuqqas ta’ rilevanza, f’dan il-każ, tar-riferimenti magħmula mill-Bord tal-Appell Estiż għal drigħ u riġlejn artifiċjali (proteżijiet), fil-punti 80, 147 u 163 tad-deċiżjoni kkontestata, sa fejn it-trade mark ikkontestata ma kinitx irreġistrata għal tali prodotti. F’dan ir-rigward, huwa biżżejjed li jiġi kkonstatat li l-Bord tal-Appell Estiż irrefera għal dawn il-prodotti biss sabiex juri, bħalma wrew Íslandsstofa (Promote Iceland), l-Islanda u SA – Business Iceland, il-kapaċità tal-impriżi Islandiżi li jimmanifatturaw prodotti sofistikati, quddiem nett fl-avvanz teknoloġiku. Issa, tali fattur kien rilevanti sabiex tiġi evalwata l-possibbiltà li wieħed jara lill-Islanda bħala post ta’ oriġini ġeografika tal-prodotti li jaqgħu taħt il-Klassijiet 7 u 11.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">63</p>
</td>
<td valign="top">
<p class="normal">Mill-premess jirriżulta li l-Bord tal-Appell Estiż ġustament qies li t-trade mark ikkontestata kellha karattru deskrittiv fir-rigward tal-prodotti li jaqgħu taħt il-Klassijiet 7 u 11.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq il-prodotti li jaqgħu taħt il-Klassi 16 indikati mit-trade mark ikkontestata</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">64</p>
</td>
<td valign="top">
<p class="normal">Fid-deċiżjoni kkontestata, il-Bord tal-Appell Estiż qies, essenzjalment, li l-prodotti tal-karta u tal-kartun, kif ukoll il-prodotti tal-kartolerija, li jaqgħu taħt il-Klassi 16 kienu maħsuba sabiex jintużaw ta’ kuljum u li l-pubbliku rilevanti kien jara t-trade mark ikkontestata b’mod li tikkostitwixxi indikazzjoni li dawn il-prodotti kienu ġejjin mill-Islanda u kienu jirrispettaw l-ambjent. Barra minn hekk, fir-rigward tal-materjal stampat jew tal-pubblikazzjonijiet perijodiċi, il-Bord tal-Appell Estiż iddikjara li l-pubbliku rilevanti seta’ jassumi li dawn kienu jikkonċernaw l-Islanda.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">65</p>
</td>
<td valign="top">
<p class="normal">Ir-rikorrenti tikkritika lill-Bord tal-Appell Estiż talli, essenzjalment, qagħad fuq sempliċi suppożizzjonijiet li l-Islanda tista’ tipproduċi, fil-futur, prodotti li jaqgħu taħt il-Klassi 16. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">66</p>
</td>
<td valign="top">
<p class="normal">F’dan ir-rigward, l-ewwel nett, għandu jitqies, bħalma qies il-Bord tal-Appell Estiż, li, essenzjalment, il-“[k]arti, kartun, oġġetti tal-karta, oġġetti tal-kartun, materjal għall-ippakkjar u għat-tqartis; basktijiet tal-ippakkjar tal-karta jew tal-plastik; toilet paper, xugamani tal-karta, basktijiet għall-ġarr, boroż tal-plastik, basktijiet tal-karta jew tal-plastik; mqafel għall-basktijiet; tikketti; pinen, crayons; transfers (disinn dekorattiv jew tpinġija dekorattiva li jistgħu jitwaħħlu bil-pressa jew bis-sħana); tikketti tal-prezzijiet u biljetti u supports f’forma ta’ envelop” jistgħu jiġu prodotti minn materjali biodegradabbli jew skont proċessi ta’ manifattura li jistgħu jnaqqsu l-impatt tagħhom fuq l-ambjent. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">67</p>
</td>
<td valign="top">
<p class="normal">L-impatt imnaqqas tal-prodotti u tal-imballaġġ tagħhom fuq l-ambjent jista’ jikkostitwixxi kwalità assoċjata ma’ dawn l-istess prodotti jew imballaġġi, anki jekk biss għal parti mill-pubbliku li tagħti importanza lill-aspett ekoloġiku, b’mod partikolari fil-każ tal-konsumaturi kuxjenzjużi, li juru premura għal użu mill-ġdid imħaffef tal-iskart u għar-riċiklaġġ tiegħu.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">68</p>
</td>
<td valign="top">
<p class="normal">B’hekk, il-Bord tal-Appell Estiż ġustament qies li l-pubbliku rilevanti jara t-trade mark ikkontestata, li tindika lill-Islanda, pajjiż magħruf li jirrispetta l-ambjent (ara l-punt 36 iktar ’il fuq), bħala indikazzjoni tal-oriġini ġeografika tal-prodotti li jaqgħu taħt il-Klassi 16 jew tal-karatteristika tagħhom li tikkonċerna l-aspett ekoloġiku, marbut ma’ din l-oriġini ġeografika.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">69</p>
</td>
<td valign="top">
<p class="normal">It-tieni nett, fir-rigward tal-“materjal stampat, pubblikazzjonijiet perijodiċi u kartolerija”, ir-rikorrenti ma tikkontestax il-fatt li dawn il-prodotti setgħu jirrigwardaw l-Islanda, ikun xi jkun il-post li fih dawn jiġu prodotti. F’dawn iċ-ċirkustanzi, għandu jitqies li t-trade mark ikkontestata għandha karattru deskrittiv fir-rigward tal-prodotti li jaqgħu taħt il-Klassi 16. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq is-servizzi li jaqgħu taħt il-Klassi 35 indikati mit-trade mark ikkontestata</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">70</p>
</td>
<td valign="top">
<p class="normal">Is-servizzi li jaqgħu taħt il-Klassi 35, indikati mit-trade mark ikkontestata, essenzjalment jirreferu għall-bejgħ bl-imnut fi ħwienet u online.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">71</p>
</td>
<td valign="top">
<p class="normal">Il-Bord tal-Appell Estiż essenzjalment qies li t-trade mark ikkontestata setgħet tintuża bħala riferiment għall-post li minnu s-servizzi ta’ bejgħ bl-imnut li jaqgħu taħt il-Klassi 35 kienu ġeneralment jiġu pprovduti. Barra minn hekk, il-pubbliku rilevanti jista’ jara din it-trade mark bħala riferiment għal kwalità speċifika tal-prodotti mibjugħa fil-kuntest tal-imsemmija servizzi.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">72</p>
</td>
<td valign="top">
<p class="normal">Ir-rikorrenti ssostni, essenzjalment, li ma tantx huwa probabbli li s-servizzi li jaqgħu taħt il-Klassi 35 joriġinaw mill-Islanda, u dan meta wieħed iqis id-densità baxxa tal-popolazzjoni tagħha u t-territorju tagħha li fil-biċċa l-kbira tiegħu ma huwiex abitabbli, li ma jippermettux li wieħed iżomm sensiela ħwienet tal-ikel. Barra minn hekk, ir-rikorrenti tenfasizza l-fatt li l-Islanda ma “tesporta” ebda servizz ta’ bejgħ bl-imnut. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">73</p>
</td>
<td valign="top">
<p class="normal">Għandu jiġi enfasizzat li s-servizzi ta’ bejgħ bl-imnut, indikati mit-trade mark ikkontestata, jirrigwardaw prodotti tal-ikel, xorb u prodotti tad-dar li huma kollha prodotti l-Islanda. Barra minn hekk, dawn jistgħu jkunu prodotti, bħall-ħut, frott il-baħar jew prodotti oħra tal-baħar, li, fir-rigward tagħhom, ir-rikorrenti ma tikkontestax li l-Islanda hija magħrufa bħala l-pajjiż ta’ oriġini. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">74</p>
</td>
<td valign="top">
<p class="normal">F’dak li għandu x’jaqsam mal-argumenti tar-rikorrenti relatati man-nuqqas ta’ esportazzjoni tas-servizzi indikati mit-trade mark ikkontestata u man-nuqqas ta’ reputazzjoni tal-Islanda għal dawn is-servizzi u mal-argumenti bbażati fuq l-allegazzjoni li d-daqs tal-popolazzjoni Islandiża jipprekludi l-kapaċità ta’ dan il-pajjiż li jżomm sensiela ħwienet tal-ikel, dawn ma jistgħux jintlaqgħu, għall-istess raġunijiet bħal dawk imfissra fil-punti 37 u 38 iktar ’il fuq, mingħajr, barra dan, ma hija rilevanti distinzjoni skont l-importanza demografika tal-post ġeografiku inkwistjoni. Fil-fatt, huwa raġonevoli li jitqies li, meta s-servizzi inkwistjoni jkunu jġibu t-trade mark ikkontestata, dak li jkun jaħseb li huma pprovduti fi ħwienet li jinsabu f’dan il-pajjiż. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">75</p>
</td>
<td valign="top">
<p class="normal">Fid-dawl tal-premess, għandu jiġi rrilevat li l-Bord tal-Appell Estiż qies, ġustament, li t-trade mark ikkontestata kellha karattru deskrittiv fir-rigward tas-servizzi li jaqgħu taħt il-Klassi 35.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq ċerti allegazzjonijiet trażversali tar-rikorrenti u ta’ INTA</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">76</p>
</td>
<td valign="top">
<p class="normal">Ebda wieħed mill-argumenti l-oħra tar-rikorrenti u ta’ INTA ma jista’ jikkontradixxi l-konklużjoni tal-Bord tal-Appell Estiż dwar il-karattru deskrittiv tat-trade mark ikkontestata għall-prodotti u s-servizzi li hija tkopri.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">77</p>
</td>
<td valign="top">
<p class="normal">Fl-ewwel lok, ir-rikorrenti u INTA jsostnu li l-Bord tal-Appell Estiż għamel żball ta’ liġi meta essenzjalment qies li r-reġistrazzjoni tal-ismijiet tal-pajjiż kienet neċessarjament tmur kontra r-raġuni assoluta għal rifjut imsemmija fl-Artikolu 7(1)(ċ) u (f) tar-Regolament Nru 40/94, ikunu xi jkunu l-prodotti jew is-servizzi kkonċernati.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">78</p>
</td>
<td valign="top">
<p class="normal">Madankollu, għandu jiġi kkonstatat li tali allegazzjoni tirriżulta minn qari żbaljat tad-deċiżjoni kkontestata. Fil-fatt, kif jirriżulta minn qari ġenerali ta’ din l-istess deċiżjoni, b’mod partikolari tal-punti 94 sa 209 tagħha, il-Bord tal-Appell Estiż għamel analiżi ddettaljata tal-karattru deskrittiv tat-trade mark ikkontestata fir-rigward tal-prodotti u tas-servizzi kollha inkwistjoni. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">79</p>
</td>
<td valign="top">
<p class="normal">Fit-tieni lok, f’dak li għandu x’jaqsam mal-argument tar-rikorrenti li l-Artikolu 12(b) tar-Regolament Nru 40/94 (li sar l-Artikolu 12(b) tar-Regolament Nru 207/2009, li huwa stess sar l-Artikolu 14(b) tar-Regolament 2017/1001) jagħmilha possibbli li jiġi żgurat l-użu tal-isem “Iceland” għall-entitajiet Islandiżi, għandu jiġi kkonstatat li din id-dispożizzjoni, intitolata “Limitazzjoni tal-effetti ta’ trade mark [tal-Unjoni Ewropea]”, hija fformulata kif ġej: </p>
</td>
</tr>
</table>
    <p class="C02AlineaAltA" id="para-130" title="page-17">
      “It-trade mark [tal-Unjoni Ewropea] ma tagħtix jedd lill-proprjetarju li jipprojbixxi lil terza persuna milli tuża fil-kummerċ: 
    </p>
    <p class="C02AlineaAltA" id="para-131" title="page-17">
      […]
    </p>
    <p class="C09Marge0avecretrait" id="para-132" title="page-17">
      (b) indikazzjonijiet li jirrigwardaw ix-xorta, il-kwalità, il-kwantità, l-użu intenzjonat, il-valur, l-oriġini ġeografiku jew il-ħin ta’ produzzjoni tal-prodotti jew ta’ meta ngħata s-servizz, jew karatteristiċi oħrajn tal-prodotti jew tas-servizzi; 
    </p>
    <p class="C09Marge0avecretrait" id="para-133" title="page-17">
      […]
    </p>
    <p class="C02AlineaAltA" id="para-134" title="page-17">
      sakemm huwa jużahom skond il-konswetudini onesta industrijali jew kummerċjali.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">80</p>
</td>
<td valign="top">
<p class="normal">Id-dispożizzjoni mfakkra fil-punt 79 iktar ’il fuq hija intiża, b’mod partikolari, li ssolvi l-problemi li jqumu meta tkun ġiet irreġistrata trade mark magħmula totalment jew parzjalment minn isem ġeografiku, u ma tkun tagħti ebda dritt lil terzi li jużaw tali isem bħala trade mark, iżda sempliċement tiżgura li dawn ikunu jistgħu jużawha b’mod deskrittiv, jiġifieri bħala indikazzjoni marbuta mal-oriġini ġeografika, kemm‑il darba l-użu isir bi qbil ma’ prassi onesti fi kwistjonijiet industrijali jew kummerċjali (ara, f’dan is-sens u b’analoġija, is-sentenza tal‑4 ta’ Mejju 1999, Windsurfing Chiemsee, C‑108/97 u C‑109/97, EU:C:1999:230, punti 26 sa 28). </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">81</p>
</td>
<td valign="top">
<p class="normal">Għall-kuntrarju ta’ dak li jidher li qiegħda tissuġġerixxi r-rikorrenti, il-fatt li l-Artikolu 12(b) tar-Regolament Nru 40/94 jiżgura li kull operatur ekonomiku jkun jista’ liberament juża indikazzjonijiet dwar il-karatteristiċi ta’ prodotti u ta’ servizzi ma jippermettix li tiġi żgurata l-protezzjoni tal-interess ġenerali li l-Artikolu 7(1)(ċ) tal-imsemmi regolament huwa bbażat fuqu. Għall-kuntrarju, l-imsemmi fatt jixħet dawl fuq l-interess li r-raġuni assoluta għal invalidità, stabbilita fl-Artikolu 51(1)(a), moqri flimkien mal-Artikolu 7(1)(ċ) tar-Regolament Nru 40/94 tiġi effettivament applikata għal kull sinjal li jista’ jindika karatteristika tal-prodotti jew tas-servizzi li għalihom it-trade mark tkun irreġistrata (ara, f’dan is-sens, is-sentenza tal‑10 ta’ Marzu 2011, Agencja Wydawnicza Technopol vs UASI, C‑51/10 P, EU:C:2011:139, punt 61 u l-ġurisprudenza ċċitata). Għalhekk, it-tieni argument għandu wkoll jiġi miċħud bħala infondat.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">82</p>
</td>
<td valign="top">
<p class="normal">Fit-tielet lok, jidher li r-rikorrenti qiegħda tikkritika lill-Bord tal-Appell Estiż talli ċaħad, bħala inammissibbli, is-sondaġġ tat‑2 ta’ Awwissu 2019 li sar permezz ta’ telefonati f’Ġunju 2019. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">83</p>
</td>
<td valign="top">
<p class="normal">Madankollu, meta jinqraw flimkien, b’mod partikolari, il-punti 137, 138, 158 u 205 tad-deċiżjoni kkontestata, għandu jiġi kkonstatat li ma hijiex il-kwistjoni tal-ammissibbiltà tas-sondaġġ tat‑2 ta’ Awwissu 2019 li ġiet analizzata mill-Bord tal-Appell Estiż, iżda dik tal-valur probatorju tiegħu. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">84</p>
</td>
<td valign="top">
<p class="normal">Barra minn hekk, anki li kellu jitqies li r-rikorrenti biħsiebha tikkontesta l-evalwazzjoni tan-natura probatorja ta’ dan is-sondaġġ, huwa biżżejjed li jiġi rrilevat li hija ma tidentifika ebda konsegwenza konkreta li l-imsemmi sondaġġ kellu fuq l-evalwazzjoni tal-karattru deskrittiv tat-trade mark ikkontestata. Fi kwalunkwe każ, kif qies ġustament il-Bord tal-Appell Estiż fil-punt 158 tad-deċiżjoni kkontestata, is-sempliċi fatt li l-persuni intervistati jiġu mistoqsija liema prodotti jiġuhom f’moħħhom meta jaraw it-trade mark ikkontestata ma huwiex test infallibbli u xieraq li jagħmilha possibbli li jiġi evalwat il-karattru deskrittiv ta’ din tal-aħħar, peress li din l-evalwazzjoni għandha dejjem issir billi jittieħdu inkunsiderazzjoni l-prodotti u s-servizzi koperti minn din it-trade mark (ara l-ġurisprudenza ċċitata fil-punt 23 iktar ’il fuq).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">85</p>
</td>
<td valign="top">
<p class="normal">Fid-dawl ta’ dak kollu premess, l-ewwel motiv għandu jiġi miċħud.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq it-tieni motiv, ibbażat fuq ksur tal-Artikolu 7(1)(b) tar-Regolament Nru 40/94</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">86</p>
</td>
<td valign="top">
<p class="normal">Permezz tat-tieni motiv tagħha, ir-rikorrenti, sostnuta minn INTA, tallega, essenzjalment, li l-Bord tal-Appell kiser l-Artikolu 7(1) tar-Regolament Nru 40/94.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">87</p>
</td>
<td valign="top">
<p class="normal">L-EUIPO, Íslandsstofa (Promote Iceland), l-Islanda u SA – Business Iceland jikkontestaw l-argumenti tar-rikorrenti u ta’ INTA. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">88</p>
</td>
<td valign="top">
<p class="normal">Peress li mill-Artikolu 7(1) tar-Regolament Nru 40/94 jirriżulta li huwa biżżejjed li tkun tapplika waħda mir-raġunijiet assoluti għal rifjut elenkati fih sabiex is-sinjal ma jkunx jista’ jiġi rreġistrat bħala trade mark tal-Unjoni Ewropea, u fid-dawl tal-fatt li l-ewwel motiv tar-rikorrenti ġie miċħud, liema motiv jirrigwarda l-konklużjoni tal-Bord tal-Appell Estiż li kien japplika l-Artikolu 7(1)(ċ) ta’ dan ir-regolament sabiex tiġi ddikjarata l-invalidità tat-trade mark ikkontestata għall-prodotti u għas-servizzi kollha li hija tkopri, ma huwiex meħtieġ li tiġi eżaminata l-fondatezza tat-tieni motiv invokat mir-rikorrenti, ibbażat fuq ksur tal-Artikolu 7(1)(b) tal-imsemmi regolament.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">89</p>
</td>
<td valign="top">
<p class="normal">Fid-dawl tal-premess, it-tieni motiv għandu jiġi miċħud u, għaldaqstant, għandu jiġi miċħud ir-rikors fl-intier tiegħu.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq l-ispejjeż</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">90</p>
</td>
<td valign="top">
<p class="normal">Skont l-Artikolu 134(1) tar-Regoli tal-Proċedura tal-Qorti Ġenerali, il-parti sokkombenti għandha tiġi kkundannata għall-ispejjeż, kemm‑il darba dawn ikunu ntalbu.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">91</p>
</td>
<td valign="top">
<p class="normal">Peress li saret seduta u peress li r-rikorrenti ħarġet telliefa, hija għandha tiġi kkundannata għall-ispejjeż, u dan skont it-talbiet tal-EUIPO, tal-Islanda, ta’ Íslandsstofa (Promote Iceland) u ta’ SA – Business Iceland.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">92</p>
</td>
<td valign="top">
<p class="normal">INTA għandha tbati l-ispejjeż tagħha stess, u dan skont l-Artikolu 138(3) tar-Regoli tal-Proċedura.</p>
</td>
</tr>
</table>
    <p class="C41DispositifIntroduction" id="para-150" title="page-19">
      Għal dawn il-motivi,
    </p>
    <p class="C19Centre" id="para-151" title="page-19">
      IL-QORTI ĠENERALI (Is-Seba’ Awla)
    </p>
    <p class="C02AlineaAltA" id="para-152" title="page-19">
      taqta’ u tiddeċiedi:
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">1)</p>
</td>
<td valign="top">
<p class="normal">Ir-rikors huwa miċħud.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">2)</p>
</td>
<td valign="top">
<p class="normal">Iceland Foods Ltd hija kkundannata tbati, minbarra l-ispejjeż tagħha stess, dawk sostnuti mill-Uffiċċju tal-Proprjetà Intellettwali tal-Unjoni Ewropea (EUIPO), minn Íslandsstofa (Promote Iceland), mill-Islanda u minn SA – Business Iceland.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">3)</p>
</td>
<td valign="top">
<p class="normal">International Trademark Association (INTA) għandha tbati l-ispejjeż tagħha stess.</p>
</td>
</tr>
</table>
    <div class="signatures">
<p class="C77SignaturesComposition" id="para-156" title="page-19">
<span class="signatory">Kowalik</span>
<span class="signatory">‑</span>
<span class="signatory">Bańczyk</span>
<span class="signatory_separator"> </span>
<span class="signatory">Buttigieg</span>
<span class="signatory_separator"> </span>
<span class="signatory">Dimitrakopoulos</span>
</p>
<p class="C77SignaturesAlinea" id="para-157" title="page-19">
<span class="signatory">Mogħtija f’qorti bil-miftuħ fil-Lussemburgu, fis</span>
<span class="signatory">‑</span>
<span class="signatory">16 ta’ Lulju 2025.</span>
</p>
<p class="C77Signatures" id="para-158" title="page-19">
<span class="signatory">Firem</span>
</p>
</div>
    
    
    <div/>
  <hr class="note"/>
<p class="note footnote">(<span class="note footnote notemarker">
<a id="t-1" href="#c-1">*</a>
</span>) Lingwa tal-kawża: l-Ingliż.</p>
</body>
</html>
