|
9.2.2022 |
GA |
Iris Oifigiúil an Aontais Eorpaigh |
L 28/17 |
CINNEADH (CBES) 2022/170 ÓN gCOISTE POLAITIÚIL AGUS SLÁNDÁLA
an 8 Feabhra 2022
maidir le Ceannasaí Fórsa Mhisean an Aontais Eorpaigh a cheapadh ar mhisean míleata an Aontais Eorpaigh chun rannchuidiú le hoiliúint fhórsaí slándála na Somáile (EUTM Somalia) agus lena n-aisghairtear Cinneadh (CBES) 2020/1072 (EUTM Somalia/1/2022)
TÁ AN COISTE POLAITIÚIL AGUS SLÁNDÁLA,
Ag féachaint don Chonradh ar an Aontas Eorpach, agus go háirithe Airteagal 38 de,
Ag féachaint do Chinneadh 2010/96/CBES ón gComhairle an 15 Feabhra 2010 maidir le misean míleata an Aontais Eorpaigh chun rannchuidiú le hoiliúint fhórsaí slándála na Somáile (1), agus go háirithe Airteagal 5 de,
De bharr an mhéid seo a leanas:
|
(1) |
De bhun Airteagal 5(1) de Chinneadh 2010/96/CBES, d’údaraigh an Chomhairle don Choiste Polaitiúil agus Slándála, i gcomhréir le hAirteagal 38 CAE, na cinntí ábhartha a ghlacadh maidir le rialú polaitiúil agus treoir straitéiseach mhisean míleata an Aontais Eorpaigh chun cuidiú le hoiliúint fhórsaí slándála na Somáile (EUTM Somalia), lena n-áirítear na cinntí chun Ceannasaithe Fórsa Mhisean an Aontais Eorpaigh a cheapadh ina dhiaidh sin. |
|
(2) |
An 16 Iúil 2020, ghlac an Coiste Polaitiúil agus Slándála Cinneadh (CBES) 2020/1072 (2) lena gceaptar an Briogáidire-Ghinearál Fabiano ZINZONE mar Cheannasaí Fórsa Mhisean an Aontais Eorpaigh ar EUTM Somalia. |
|
(3) |
An 18 Eanáir 2022, mhol údaráis mhíleata na hIodáile an Briogáidire-Ghinearál Roberto VIGLIETTA a cheapadh i gcomharbas ar an mBriogáidire-Ghinearál Fabiano ZINZONE mar Cheannasaí Fórsa Mhisean an Aontais Eorpaigh ar EUTM na Somalia. |
|
(4) |
An 21 Eanáir 2022, d’aontaigh Coiste Míleata an Aontais Eorpaigh leis an moladh go ndéanfaidh an Coiste Polaitiúil agus Slándála an togra ó údaráis mhíleata na hIodáile a fhormheas. |
|
(5) |
Ba cheart cinneadh a dhéanamh maidir leis an mBriogáidire-Ghinearál Roberto VIGLIETTA a cheapadh agus ba cheart Cinneadh (CBES) 2020/1072 a aisghairm. |
|
(6) |
I gcomhréir le hAirteagal 5 de Phrótacal Uimh. 22 maidir le seasamh na Danmhairge, atá i gceangal le CAE agus leis an gConradh ar Fheidhmiú an Aontais Eorpaigh, ní bhíonn an Danmhairg rannpháirteach i ndréachtú agus cur chun feidhme cinntí agus gníomhaíochtaí de chuid an Aontais a bhfuil impleachtaí cosanta acu, |
TAR ÉIS AN CINNEADH SEO A GHLACADH:
Airteagal 1
Leis seo, ceaptar an Briogáidire-Ghinearál Roberto VIGLIETTA mar Cheannasaí Fórsa Mhisean an Aontais Eorpaigh ar mhisean míleata an Aontais Eorpaigh chun rannchuidiú le hoiliúint fhórsaí slándála na Somáile (EUTM Somalia) ón 9 Feabhra 2022.
Airteagal 2
Leis seo, déantar Cinneadh (CBES) 2020/1072 a aisghairm ón 9 Feabhra 2022.
Airteagal 3
Tiocfaidh an Cinneadh seo i bhfeidhm ar dháta a ghlactha.
Arna dhéanamh sa Bhruiséil, 8 Feabhra 2022.
Thar ceann an Choiste Pholaitiúil agus Slándála
D. PRONK
An Cathaoirleach
(1) IO L 44, 19.2.2010, lch. 16.
(2) Cinneadh (CBES) 2020/1072 ón gCoiste Polaitiúil agus Slándála an 16 Iúil 2020 maidir le Ceannasaí Fórsa Mhisean an Aontais Eorpaigh a cheapadh ar mhisean míleata an Aontais Eorpaigh chun rannchuidiú le hoiliúint fhórsaí slándála na Somáile (EUTM Somalia) (IO L 234, 21.7.2020, lch. 18) agus lena n-aisghairtear Cinneadh (CBES)