(1)

An 12 Nollaig 2006, thug an Chomhairle údarú don Choimisiún tús a chur le hidirbheartaíocht leis an Úcráin maidir le comhaontú um chomhlimistéar eitlíochta. De thoradh na hidirbheartaíochta sin, cuireadh inisealacha leis an gComhaontú um an gComhlimistéar Eitlíochta idir an tAontas Eorpach agus a Bhallstáit, de pháirt, agus an Úcráin, den pháirt eile (“an Comhaontú”) an 28 Samhain 2013.

(2)

Ní dhéanann síniú an Chomhaontaithe thar ceann an Aontais agus a chur i bhfeidhm sealadach difear do leithdháileadh na n-inniúlachtaí idir an tAontas agus a Bhallstáit. Níor cheart an Cinneadh seo a léirmhíniú ar bhealach go mbaineann sé leas as an bhféidearthacht atá ann go bhfeidhmeoidh an tAontas a inniúlacht sheachtrach i ndáil le réimsí a chumhdaítear leis an gComhaontú a thagann faoi inniúlacht roinnte a mhéid nár fheidhmigh an tAontas an inniúlacht sin go hinmheánach go fóill.

(3)

Chun tairbhí an Chomhaontaithe a thabhairt i gcrích a luaithe is féidir, ba cheart é a shíniú agus a chur i bhfeidhm ar bhonn sealadach, go dtí go gcomhlíonfar na nósanna imeachta is gá chun go dtiocfaidh sé i bhfeidhm.

(4)

Is iomchuí an nós imeachta a leagan síos a bheidh le leanúint i ndáil leis an seasamh a ghlacfar thar ceann an Aontais i ndáil le cinntí an Chomhchoiste faoi Airteagal 15(3), pointe (a), den Chomhaontú a bhaineann le reachtaíocht an Aontais a áireamh in Iarscríbhinn I a ghabhann leis,