|
13.5.2022 |
GA |
Iris Oifigiúil an Aontais Eorpaigh |
L 136/104 |
CINNEADH (CBES) 2022/734 ÓN gCOISTE POLAITIÚIL AGUS SLÁNDÁLA
an 10 Bealtaine 2022
lena gcuirtear síneadh le sainordú Cheann Misin Mhisean Smachta Reachta an Aontais Eorpaigh sa Chosaiv (*1) (EULEX KOSOVO) (EULEX KOSOVO/1/2022)
TÁ AN COISTE POLAITIÚIL AGUS SLÁNDÁLA,
Ag féachaint don Chonradh ar an Aontas Eorpach, agus go háirithe Airteagal 38, an tríú mír, de,
Ag féachaint do Ghníomhaíocht Chomhpháirteach 2008/124/CBES ón gComhairle an 4 Feabhra 2008 maidir le Misean Smachta Reachta an Aontais Eorpaigh sa Chosaiv (EULEX KOSOVO) (1), agus go háirithe Airteagal 12(2) de,
Ag féachaint don togra ó Ardionadaí an Aontais do Ghnóthaí Eachtracha agus don Bheartas Slándála,
De bharr an mhéid seo a leanas:
|
(1) |
De bhun Airteagal 12(2) de Ghníomhaíocht Chomhpháirteach 2008/124/CBES, údaraítear don Choiste Polaitiúil agus Slándála, i gcomhréir le hAirteagal 38 den Chonradh, na cinntí ábhartha a ghlacadh chun an rialú polaitiúil agus treoir straitéiseach Mhisean Smachta Reachta an Aontais Eorpaigh sa Chosaiv (EULEX KOSOVO) a fheidhmiú, lena n-áirítear an cinneadh maidir le Ceann Misin a cheapadh. |
|
(2) |
An 28 Samhain 2019, ghlac an Coiste Polaitiúil agus Slándála Cinneadh (CBES) 2019/1991 (2), lena gceaptar Lars-Gunnar WIGEMARK ina Cheann Misin ar EULEX KOSOVO don tréimhse ón 1 Nollaig 2019 go dtí an 14 Meitheamh 2020. |
|
(3) |
An 3 Meitheamh 2021, ghlac an Chomhairle Cinneadh (CBES) 2021/904 (3), lena leasaítear Gníomhaíocht Chomhpháirteach 2008/124/CBES agus lena gcuirtear síneadh le sainordú EULEX KOSOVO go dtí an 14 Meitheamh 2023. |
|
(4) |
An 10 Meitheamh 2021, ghlac an Coiste Polaitiúil agus Slándála Cinneadh (CBES) 2021/959 (4), lena gcuirtear síneadh le sainordú Lars-Gunnar WIGEMARK mar Cheann Misin EULEX KOSOVO go dtí an 14 Meitheamh 2022. |
|
(5) |
Tá molta ag Ardionadaí an Aontais do Ghnóthaí Eachtracha agus don Bheartas Slándála síneadh a chur le sainordú Lars-Gunnar WIGEMARK mar Cheann Misin EULEX KOSOVO don tréimhse ón 15 Meitheamh 2022 go dtí an 14 Meitheamh 2023, |
TAR ÉIS AN CINNEADH SEO A GHLACADH:
Airteagal 1
Leis seo, cuirtear síneadh le sainordú Lars-Gunnar WIGEMARK mar Cheann Misin Mhisean Smachta Reachta an Aontais Eorpaigh sa Chosaiv (EULEX KOSOVO) don tréimhse ón 15 Meitheamh 2022 go dtí an 14 Meitheamh 2023.
Airteagal 2
Tiocfaidh an Cinneadh seo i bhfeidhm ar dháta a ghlactha.
Beidh feidhm aige ón 15 Meitheamh 2022.
Arna dhéanamh sa Bhruiséil, 10 Bealtaine 2022.
Thar ceann an Choiste Pholaitiúil agus Slándála
D. PRONK
An Cathaoirleach
(*1) Ní dochar an t-ainmniú seo do sheasaimh maidir le stádas, agus tá sé ag teacht le Rún 1244 (1999) ó Chomhairle Slándála na Náisiún Aontaithe agus le Tuairim ón gCúirt Bhreithiúnais Idirnáisiúnta maidir le dearbhú neamhspleáchais na Cosaive.
(1) IO L 42, 16.2.2008, lch. 92.
(2) Cinneadh (CBES) 2019/1991 ón gCoiste Polaitiúil agus Slándála an 28 Samhain 2019 maidir le Ceann Misin a cheapadh ar Mhisean Smachta Reachta an Aontais Eorpaigh sa Chosaiv (EULEX KOSOVO) (EULEX Kosovo/2/2019) (IO L 308, 29.11.2019, lch. 105).
(3) Cinneadh (CBES) 2021/904 ón gComhairle an 3 Meitheamh 2021 lena leasaítear Gníomhaíocht Chomhpháirteach 2008/124/CBES maidir le Misean Smachta Reachta an Aontais Eorpaigh sa Chosaiv (EULEX KOSOVO) (IO L 197, 4.6.2021, lch. 114).
(4) Cinneadh (CBES) 2021/959 ón gCoiste Polaitiúil agus Slándála an 10 Meitheamh 2021 lena gcuirtear síneadh le sainordú Cheann Misin Mhisean Smachta Reachta an Aontais Eorpaigh sa Chosaiv (EULEX KOSOVO) (EULEX KOSOVO/1/2021) (IO L 212, 15.6.2021, lch. 1).