1.   Ní bheidh feidhm ag an toirmeasc a leagtar amach in Airteagal 2(2) maidir le cistí ná acmhainní eacnamaíocha arna soláthar ag eagraíochtaí agus gníomhaireachtaí a ndéanann an tAontas measúnú colúin orthu agus lenar shínigh an tAontas comhaontú comhpháirtíochta maidir le creat airgeadais ar comhaontú é ar ar a bhonn a ghníomhaíonn na heagraíochtaí agus na gníomhaireachtaí mar chomhpháirtithe daonnúla de chuid an Aontais, ar choinníoll go bhfuil gá le soláthar na gcistí nó na n-acmhainní eacnamaíocha sin chun críoch daonnúil san Iaráin agus chun na gcríoch sin amháin.

2.   I gcásanna nach gcumhdaítear le mír 1 den Airteagal seo, agus de mhaolú ar mhíreanna 1 agus 2 d’Airteagal 2, féadfaidh údaráis inniúla Bhallstáit, faoi cibé coinníollacha ginearálta nó sonracha is iomchuí leo, údaruithe sonracha nó ginearálta a dheonú chun cistí reoite áirithe nó acmhainní eacnamaíocha áirithe a scaoileadh nó chun cistí áirithe nó acmhainní eacnamaíocha áirithe a chur ar fáil, ar choinníoll go bhfuil gá le soláthar na gcistí nó na n-acmhainní eacnamaíocha sin chun críoch daonnúil san Iaráin agus chun na gcríoch sin amháin.

3.   Mura ndéanfaidh an t-údarás inniúil ábhartha cinneadh diúltach, iarraidh ar fhaisnéis nó fógra faoi am breise laistigh de 5 lá oibre ón dáta a fhaightear iarraidh ar údarú faoi mhír 2, measfar gur deonaíodh an t-údarú.

4.   Cuirfidh an Ballstát lena mbaineann na Ballstáit eile agus an Coimisiún ar an eolas faoi aon údarú arna dheonú faoi mhíreanna 2 agus 3 laistigh de 2 sheachtain ón údarú sin.’.