|
7.1.2022 |
GA |
Iris Oifigiúil an Aontais Eorpaigh |
C 8/2 |
Réamhfhógra faoi chomhchruinniú
(Cás M.10448 – MABANAFT / H&R / P2X)
Cás a d’fhéadfaí a chur faoin nós imeachta simplithe
(Téacs atá ábhartha maidir le LEE)
(2022/C 8/02)
1.
An 22 Nollaig 2021 fuair an Coimisiún fógra maidir le comhchruinniú atá beartaithe de bhun Airteagal 4 de Rialachán (CE) Uimh. 139/2004 ón gComhairle (1) agus tar éis tarchur de bhun Airteagal 4(5) den Rialachán sin.Baineann an fógra seo leis na gnóthais seo a leanas:
|
— |
Mabanaft GmbH & Co. KG (“Mabanaft”, an Ghearmáin), de chuid an Ghrúpa Marquard & Bahls, arb é Marquard & Bahls AG (an Ghearmáin) an mháthairchuideachta dheiridh, |
|
— |
H&R GmbH & Co. KGaA (“H&R”, an Ghearmáin), mar mháthairchuideachta dheiridh an Ghrúpa H&R, |
|
— |
P2X-Europe GmbH & Co. KG (“P2X”, an Ghearmáin). |
Faigheann Mabanaft agus H&R rialú comhpháirteach ar P2X de réir bhrí Airteagail 3(1)(b) agus 3(4) den Rialachán um Chumaisc.
Baintear an comhchruinniú amach trí bhíthin conartha nó aon mhodh eile.
2.
Is iad seo a leanas gníomhaíochtaí gnó na ngnóthas lena mbaineann:|
— |
i gcás Mabanaft: tá Mabanaft ina chuid den Ghrúpa Marquard & Bahls atá gníomhach i soláthar, trádáil agus lóistíocht mar a bhaineann leis an bhfuinnimh, le táirgí peitriliam agus le ceimiceáin, |
|
— |
i gcás H&R: tá H&R ina chuid den Ghrúpa H&R. Forbairt, táirgeadh, líonadh agus margú táirgí ceimiceacha cógaisíochta speisialtachta atá bunaithe ar amhola amhail olaí próisis, plaisteacháin, olaí bána, bonn-olaí agus pairifíní, sin iad príomhghníomhaíochtaí an Ghrúpa H&R, |
|
— |
i gcás P2X: baineann gníomhaíochtaí P2X le teicneolaíocht agus gnó PtX. Seasann PtX do phróisis tiontaithe fuinnimh a úsáidtear chun foinsí in-athnuaite cumhachta, más féidir, a thiontú go táirgí deiridh sintéiseacha amhail gáis, leachtanna, táirgí ceimiceacha nó teas. Is féidir le monarchana PtX hidreacarbóin shintéiseacha a tháirgeadh ó uisce agus ó dhé-ocsaíd charbóin trí úsáid a bhaint as fuinneamh leictreach. Áirítear ar na táirgí PtX a d’fhéadfadh a bheith ann ríomhbhreoslaí sintéiseacha aeráidneodracha, amhail peitreal, díosal, scairdbhreoslaí nó céaracha, i measc táirgí eile. |
3.
Tar éis réamhscrúdú a dhéanamh, is é cinneadh an Choimisiúin go bhféadfadh an t-idirbheart ar tugadh fógra ina leith a bheith faoi raon feidhme an Rialacháin um Chumaisc. Ach forchoimeádtar an cinneadh críochnaitheach maidir leis sin.De bhun an Fhógra ón gCoimisiún maidir le nós imeachta simplithe i dtaca le cóireáil comhchruinnithe áirithe faoi Rialachán (CE) Uimh. 139/2004 ón gComhairle (2), ba cheart a thabhairt faoi deara go bhféadfaí an cás seo a chur faoin nós imeachta a leagtar amach san Fhógra.
4.
Iarrann an Coimisiún ar thríú páirtithe leasmhara aon bharúil a bheadh acu maidir leis an oibríocht atá beartaithe a chur faoi bhráid an Choimisiúin.Ní mór na barúlacha a bheith faighte ag an gCoimisiún tráth nach déanaí ná 10 lá tar éis dháta foilsithe an fhoilseacháin seo. Ba cheart an tagairt seo a leanas a lua i gcónaí:
M.10448 – MABANAFT / H&R / P2X
Is féidir barúlacha a sheoladh chuig an gCoimisiún le ríomhphost, le facs nó tríd an bpost. Baintear úsáid as na sonraí teagmhála:
Ríomhphost: COMP-MERGER-REGISTRY@ec.europa.eu
Facs +32 22964301
Seoladh poist:
|
an Coimisiún Eorpach |
|
Ard-Stiúrthóireacht na hIomaíochta |
|
Clárlann na gCumasc |
|
1049 An Bhruiséil |
|
BELGIQUE/BELGIË |
(1) IO L 24, 29.1.2004, lch. 1 (an “Rialachán um Chumaisc”).