European flag

Il-Ġurnal Uffiċjali
tal-Unjoni Ewropea

MT

Is-serje C


C/2026/2659

13.5.2026

Notifika minn qabel ta’ konċentrazzjoni

(Każ M.12321 - MIC / EQUITIX / BALTIC CABLE / GREENLINK GROUP)

Każ li jista’ jiġi kkunsidrat għal proċedura ssimplifikata

(Test b'rilevanza għaż-ŻEE)

(C/2026/2659)

1.   

Fid-29 ta’ April 2026, il-Kummissjoni rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).

Din in-notifika tikkonċerna l-impriżi li ġejjin:

—

One Hundred and Twenty Seventh Investment RSC Ltd (l-Emirati Għarab Magħquda), ikkontrollata minn Mubadala Investment Company PJSC (“MIC”, l-Emirati Għarab Magħquda),

—

Equitix Holdings Limited (“Equitix”, ir-Renju Unit),

—

Baltic Cable AB (“Baltic Cable”, l-Iżvezja), ikkontrollata minn Statkraft AS (“Statkraft”, in-Norveġja),

—

Greenlink (Luxembourg) S.à.r.l. (“Greenlink”, il-Lussemburgu).

MIC, Equitix, u Baltic Cable se jakkwistaw, fis-sens tal-Artikolu 3(1)(b) u l-Artikolu 3(4) tar-Regolament dwar l-Għaqdiet, il-kontroll konġunt ta’ Greenlink.

Il-konċentrazzjoni se ssir permezz ta’ xiri ta’ ishma u titoli.

2.   

L-attivitajiet kummerċjali tal-impriżi kkonċernati huma li ġejjin:

—

One Hundred and Twenty Seventh Investment Company hija veikolu ta’ investiment bi skop speċjali indirettament proprjetà sħiħa ta’ MIC. MIC hija kumpanija pubblika b’ishma konġunti tal-Emirati Għarab Magħquda, proprjetà sħiħa tal-Gvern ta’ Abu Dhabi, li permezz tal-Abu Dhabi National Energy Company (TAQA) tikkontrolla l-proġett għall-interkonnettur sottomarin 700 MW LirIC bejn l-Iskozja u l-Irlanda ta’ Fuq. MIC tinvesti f’firxa wiesgħa ta’ klassijiet ta’ assi, inklużi ekwità privata, ekwitajiet pubbliċi, kreditu, proprjetà immobbli, infrastruttura u alternattivi.

—

Equitix hija investitur, żviluppatur u maniġer tal-fondi fit-tul tal-infrastruttura ewlenija u tal-assi tal-effiċjenza enerġetika. Equitix Group tamministra bosta fondi tal-infrastruttura, fondi multipli ta’ koinvestiment li huma ddedikati għal proġetti ta’ infrastruttura akbar, u għadd ta’ kontijiet ġestiti seggregati li jipprovdu soluzzjonijiet personalizzati.

—

Baltic Cable hija l-proprjetarju uniku tal-interkonnettur sottomarin ta’ Baltic Cable ta’ kurrent dirett b’voltaġġ għoli ta’ 600 MW li jgħaqqad is-swieq tal-elettriku Ġermaniżi u Żvediżi (DE/LU-SE4).

—

Greenlink Group jippossjedi u reċentement beda jopera kejbil ta’ interkonnettur tal-elettriku sottomarin b’kurrent dirett b’voltaġġ għoli (bi stazzjonijiet ta’ konverżjoni assoċjati) li jgħaqqad il-grilji tal-elettriku eżistenti fl-Irlanda u fil-Gran Brittanja u li għandu kapaċità nominali ta’ 504 MW. Greenlink Interconnector jipprovdi konnessjoni mal-grilja bejn is-substazzjon ta’ Great Island ta’ EirGrid fil-Kontea ta’ Wexford (l-Irlanda) u s-substazzjon ta’ National Grid’s Pembroke f’Pembrokeshire (Wales). Dan jiġġenera dħul mill-konġestjoni, mill-kapaċità tal-ibbilanċjar u mis-servizzi anċillari.

3.   

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.

4.   

Il-Kummissjoni tistieden lill-partijiet terzi interessati biex jibagħtulha l-kummenti li jista’ jkollhom dwar il-konċentrazzjoni proposta.

Il-kummenti jridu jaslu għand il-Kummissjoni mhux aktar tard minn 10 ijiem wara d-data ta’ din il-pubblikazzjoni. Ir-referenza li ġejja għandha dejjem tiġi speċifikata:

M.12321 — MIC / EQUITIX / BALTIC CABLE / GREENLINK GROUP

Il-kummenti jistgħu jintbagħtu lill-Kummissjoni bl-email jew bil-posta. Uża d-dettalji ta’ kuntatt ta’ hawn taħt:

Email: COMP-MERGER-REGISTRY@ec.europa.eu

Indirizz Postali:

European Commission

Directorate-General for Competition

Merger Registry

1049 Bruxelles/Brussel

BELGIQUE/BELGIË


(1)   ĠU L 24, 29.1.2004, p. 1 (ir-“Regolament dwar l-Għaqdiet”).


ELI: http://data.europa.eu/eli/C/2026/2659/oj

ISSN 1977-0987 (electronic edition)