|
8.5.2007 |
MT |
Il-Ġurnal Uffiċjali ta’ l-Unjoni Ewropea |
1066 |
DEĊIŻJONI TAL-KUMMISSJONI
ta' l-4 ta' Awwissu 2006
dwar l-akkwist mill-Komunità ta' tilqim kontra d-deni klassiku tal-ħnieżer sabiex jiżdiedu l-ħażniet tal-Komunità ta' dan it-tilqim
(innotifikata taħt dokument numru C(2006) 3461)
(2006/553/KE)
IL-KUMMISSJONI TAL-KOMUNITAJIET EWROPEJ
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat id-Direttiva tal-Kunsill 90/424/KEE tas-26 ta' Ġunju 1990 dwar in-nefqa fil-qasam veterinarju (1), u b'mod partikulari l-Artikolu 6(2) u l-Artikolu 8 (2) tiegħu,
Wara li kkunsidrat id-Direttiva tal-Kunsill 2001/89/KE tat-23 ta' Ottubru 2001 dwar il-miżuri tal-Komunità għall-kontroll tad-deni klassiku tal-ħnieżer (2), u b'mod partikolari l-Artikolu 18(2) tagħha,
Billi:
|
(1) |
Id-deni klassiku tal-ħnieżer huwa theddida għal ħnieżer domestiċi u selvaġġi (iċ-ċingjal) fil-Komunità. |
|
(2) |
Tifqigħat ta' deni klassiku tal-ħnieżer f'intrapriżi tal-ħnieżer domestiċi jistgħu jwasslu għal telf ekonomiku u għal konsegwenzi serji ħafna fil-Komunità, b'mod partiklari jekk iseħħu f'żoni b'densità għolja ta' ħnieżer. |
|
(3) |
Ir-regoli sabiex japplikaw it-tilqim ta' emerġenza ta' ħnieżer domestiċi u slavaġġ u d-definizzjoni ta' tilqima huma stipulati fid-Direttiva 2001/89/KE. |
|
(4) |
Il-Komunità diġà għandha 1 000 000 doża maħżuna ta' tilqim ħaj imdgħajjef kontra d-deni klassiku tal-ħnieżer u qiegħda fil-proċess li tikseb 1 550 000 doża ta' tilqim kontra d-deni klassiku tal-ħnieżer. |
|
(5) |
Tilqima ta' emerġenza kontra d-deni klassiku tal-ħnieżer b'tilqima li tiskorri n-numru ta' dożi ta' tilqim li taħżen il-Komunità saret aktar probabbli fid-dawl tal-qagħda fil-Komunità u b'mod speċjali l-qagħda tal-marda fl-Istati li jinsabu fil-proċess li jissieħbu. |
|
(6) |
Bl-għan ta' tisħiħ tal-kapaċità tal-Komunità sabiex tirreaġixxi malajr għad-deni klassiku tal-ħnieżer, jeħtieġ li jinkiseb numru adattat ta' dożi ta' tilqim u jeħtieġ li jsiru arranġamenti sabiex jinżammu maħżuna u sabiex ikunu disponibbli malajr f'każ ta' emerġenza. |
|
(7) |
Il-miżuri stipulati f'din id-Deċiżjoni huma skond l-opinjoni tal-Kumitat Permanenti dwar il-Katina Alimentari u s-Saħħa ta' l-Annimali, |
ADOTTAT DIN ID-DEĊIŻJONI:
Artikolu 1
1. Il-Komunità se tikseb malajr kemm jista' jkun 7 000 000 doża ta' tilqim kontra d-deni klassiku tal-ħnieżer.
2. Il-Komunità se tagħmel arranġamenti għall-ħażna u għad-distribuzzjoni tat-tilqima msemmija fil-paragrafu 1.
Artikolu 2
L-ispiża massima tal-miżuri msemmija fl-Artikolu 1 ma għandhiex taqbeż l-EUR 7 500 000.
Artikolu 3
Il-miżuri msemmija fl-Artikolu 1(2) għandhom jitwettqu mill-Kummissjoni bil-kooperazzjoni mal-fornituri li jinħatru permezz ta' sejħa għall-offerti.
Artikolu 4
Din id-Deċiżjoni hija indirizzata lill-Istati Membri.
Magħmul fi Brussell, nhar l-4 ta' Awwissu 2006.
Għall-Kummissjoni
Markos KYPRIANOU
Membru tal-Kummissjoni
(1) ĠU L 224, 18.8.1990, p. 19. Deċiżjoni kif emendata l-aħħar mid-Direttiva 2006/53/KE (ĠU L 29, 2.2.2006, p. 37).
(2) ĠU L 316, 1.12.2001, p. 5. Direttiva kif emendata mill-Att ta' l-Adeżjoni ta' l-2003.