(1)

An Comhaontú maidir le Ríocht Aontaithe na Breataine Móire agus Thuaisceart Éireann a bheith ag tarraingt siar as an Aontas Eorpach agus as an gComhphobal Eorpach do Fhuinneamh Adamhach (1) (‘an Comhaontú um Tharraingt Siar’), thug an tAontas i gcrích é le Cinneadh (AE) 2020/135 ón gComhairle (2) agus tháinig sé i bhfeidhm an 1 Feabhra 2020.

(2)

De bhun Airteagal 13(4) de Chreat Windsor (3), ar dlúthchuid den Chomhaontú um Tharraingt Siar é, tugtar de chumhacht don Chomhchoiste a bunaíodh faoi Airteagal 164(1) de (‘an Comhchoiste’) cinntí a ghlacadh chun na hIarscríbhinní ábhartha a ghabhann le Creat Windsor a leasú trí ghníomhartha nuaghlactha de chuid an Aontais, ar gníomhartha iad nach ndéanann gníomhartha de chuid an Aontais a liostaítear sna hIarscríbhinní a ghabhann le Creat Windsor a leasú ná a ionadú.

(3)

Is Gníomh nuaghlactha de chuid an Aontais é Rialachán (AE) 2025/327 ó Pharlaimint na hEorpa agus ón gComhairle (4), a dtagann Caibidil III de faoi raon feidhme Chreat Windsor agus ba cheart í a chur le hIarscríbhinn 2 a ghabhann le Creat Windsor, a mhéid atá coinníollacha agus sonraíochtaí teicniúla inti maidir le táirgí a chur ar an margadh, nó go mbaineann sí le soláthar seirbhísí a d’fhéadfadh difear a dhéanamh do shaorghluaiseacht táirgí. Níl feidhm aige sin maidir le hAirteagal 29 den Rialachán sin atá san áireamh i gCaibidil III de.

(4)

Tá sé beartaithe go nglacfaidh an Comhchoiste, ag an gcéad chruinniú eile a thionólfar, cinneadh de bhun Airteagal 13(4) de Chreat Windsor maidir le Caibidil III de Rialachán (AE) 2025/327 a chur le hIarscríbhinn 2 a ghabhann le Creat Windsor.

(5)

Má ghlactar an cinneadh atá beartaithe ón gComhchoiste, beidh éifeachtaí dlíthiúla aige don Aontas. Dá bhrí sin, is gá an seasamh atá le glacadh thar ceann an Aontais sa Chomhchoiste a bhunú maidir le cinneadh a ghlacadh chun gníomh nuaghlactha de chuid an Aontais a chur le hIarscríbhinn 2 a ghabhann le Creat Windsor,