12.4.2022   

MT

Il-Ġurnal Uffiċjali tal-Unjoni Ewropea

L 114/49


REGOLAMENT TA’ IMPLIMENTAZZJONI TAL-KUMMISSJONI (UE) 2022/594

tal-8 ta’ April 2022

li jemenda r-Regolament (KE) Nru 474/2006 fir-rigward tal-lista ta’ kumpaniji tal-ajru li huma pprojbiti milli joperaw jew li huma soġġetti għal restrizzjonijiet operattivi fl-Unjoni

(Test b’rilevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (KE) Nru 2111/2005 tal-Parlament Ewropew u tal-Kunsill tal-14 ta’ Diċembru 2005 dwar l-istabbiliment ta’ lista Komunitarja ta’ kumpaniji tal-ajru li huma soġġetti għal projbizzjoni ta’ operar fil-Komunità u li jinforma lill-passiġġieri tat-trasport bl-ajru dwar l-identità tal-kumpanija tal-ajru li topera, u li tħassar l-Artikolu 9 tad-Direttiva 2004/36/KE (1), u b’mod partikolari l-Artikolu 4(2) tiegħu,

Billi:

(1)

Ir-Regolament tal-Kummissjoni (KE) Nru 474/2006 (2) jistabbilixxi l-lista ta’ kumpaniji tal-ajru li huma soġġetti għal projbizzjoni fuq l-operat fl-Unjoni.

(2)

Il-kumpaniji tal-ajru ċċertifikati mill-Aġenzija Federali Russa tat-Trasport bl-Ajru (“FATA”) mhumiex inklużi fl-Anness A jew B tar-Regolament (KE) Nru 474/2006, bl-eċċezzjoni tal-kumpanija tal-ajru SKOL Airline LLC li ġiet miżjuda mal-Anness A bir-Regolament ta’ Implimentazzjoni tal-Kummissjoni (UE) 2021/2070 (3).

(3)

Ċerti Stati Membri tal-Unjoni Ewropea (“UE”) u l-Aġenzija tas-Sikurezza tal-Avjazzjoni tal-Unjoni Ewropea (“l-Aġenzija”) għaddew lill-Kummissjoni informazzjoni li tista’ tkun rilevanti fil-kuntest tal-aġġornament ta’ dik il-lista, skont l-Artikolu 4(3) tar-Regolament (KE) Nru 2111/2005. Pajjiżi terzi u organizzazzjonijiet internazzjonali wkoll ipprovdew informazzjoni rilevanti. L-informazzjoni pprovduta tqieset kif xieraq mill-Kummissjoni fid-determinazzjoni tagħha dwar jekk huwiex xieraq li l-lista tiġi aġġornata.

(4)

Skont il-Ftehim konkluż fl-1999 bejn Bermuda u r-Russja dwar l-implimentazzjoni tal-Artikolu 83bis tal-Konvenzjoni dwar l-Avjazzjoni Ċivili Internazzjonali ffirmata f’Chicago fis-7 ta’ Diċembru 1944 (“il-Konvenzjoni ta’ Chicago”) fir-rigward tal-inġenji tal-ajru fir-Reġistru ta’ Bermuda operati minn kumpaniji tal-ajru ċċertifikati mill-FATA, li jikkonċerna t-trasferiment tal-funzjonijiet u d-dmirijiet ta’ sorveljanza regolatorja li jinsabu fl-Annessi 1, 2 u 6 tal-Konvenzjoni ta’ Chicago, fl-14 ta’ Marzu 2022 l-Awtorità tal-Avjazzjoni Ċivili ta’ Bermuda (“BCAA”), permezz tal-Avviż Ġenerali GEN-01-2022, tat parir lill-FATA li ċ-Ċertifikati tal-Ajrunavigabbiltà (“CtA”) tal-inġenji tal-ajru mikrija kollha rreġistrati f’Bermuda u operati minn kumpaniji tal-ajru ċċertifikati mill-FATA jiġu sospiżi b’effett mit-12 ta’ Marzu 2022, fil-23.59 UTC, abbażi tad-determinazzjoni li l-ajrunavigabbiltà kontinwa ta’ dawn l-inġenji tal-ajru ma tistax tiġi żgurata iktar.

(5)

Skont il-Ftehim konkluż fl-2002 bejn l-Irlanda u r-Russja dwar l-implimentazzjoni tal-Artikolu 83bis tal-Konvenzjoni ta’ Chicago, li jikkonċerna t-trasferiment tal-funzjonijiet u tad-dmirijiet ta’ sorveljanza regolatorja li jinsabu fl-Annessi 1, 2 u 6 tal-Konvenzjoni ta’ Chicago, fir-rigward tal-inġenji tal-ajru fir-Reġistru Irlandiż operati minn kumpaniji tal-ajru ċċertifikati mill-FATA, fil-15 ta’ Marzu 2022 l-Awtorità tal-Avjazzjoni Irlandiża (“IAA”) ħarġet l-Avviż Ajrunawtiku A.114 tagħha li fih iddikjarat il-waqfien tal-validità taċ-CtA kollha għall-inġenji tal-ajru operati minn kumpaniji tal-ajru ċċertifikati mill-FATA, b’effett mid-data ta’ dak l-avviż, abbażi tad-determinazzjoni li l-ajrunavigabbiltà ta’ dawn l-inġenji tal-ajru ma tistax tiġi żgurata.

(6)

Minkejja dawn id-deċiżjonijiet tal-BCAA u tal-IAA, li jaġixxu fil-kapaċità tagħhom bħala awtoritajiet kompetenti tal-Istati tar-Reġistrazzjoni, għadd ta’ inġenji tal-ajru affettwati għadhom qed jiġu operati minn kumpaniji tal-ajru ċċertifikati mill-FATA, kemm fir-Russja kif ukoll lejn ċerti pajjiżi terzi oħra. L-Organizzazzjoni tal-Avjazzjoni Ċivili Internazzjonali (“ICAO”), permezz tal-Bullettin Elettroniku 2022/12 tagħha tal-11 ta’ Marzu 2022, fakkret li tali azzjoni kienet ksur dirett tal-Artikoli 29 u 31 tal-Konvenzjoni ta’ Chicago. Skont dak il-Bullettin Elettroniku, il-FATA, fil-kapaċità tagħha bħala l-awtorità responsabbli biex tiżgura l-konformità tal-kumpaniji tal-ajru ċċertifikati Russi mal-istandards internazzjonali rilevanti tas-sikurezza, ma kellhiex tippermetti li jsiru tali operazzjonijiet. Barra minn hekk, il-kumpaniji tal-ajru ċċertifikati mill-FATA li joperaw titjiriet bħal dawn bl-inġenji tal-ajru msemmija fil-premessi (4) u (5) għamlu dan konxjament bi ksur tal-istandards internazzjonali rilevanti tas-sikurezza, b’mod partikolari l-Istandard 5.2.3 tal-Kapitolu 5 tal-Parti I tal-Anness 6 tal-ICAO “Ajruplan għandu jitħaddem f’konformità mat-termini taċ-ċertifikat tal-ajrunavigabbiltà tiegħu u fi ħdan il-limitazzjonijiet operattivi approvati li jinsabu fil-manwal tat-titjira tiegħu”, bil-fehim li tali CoA jinħareġ mill-Istat tar-Reġistrazzjoni.

(7)

Għadd kbir ta’ dawk l-inġenji tal-ajru ddaħħlu wkoll fir-reġistru tal-inġenji tal-ajru tar-Russja mingħajr il-kunsens tas-sidien u mingħajr il-kollaborazzjoni sussegwenti relatata mas-sikurezza mal-BCAA jew mal-IAA. Kif iddikjarat ukoll fil-Bullettin Elettroniku tal-ICAO imsemmi fil-premessa (6), tali azzjoni tikser l-Artikoli 17 u 18 tal-Konvenzjoni ta’ Chicago.

(8)

Fit-18 ta’ Marzu 2022, l-ICAO ħarġet l-Ittra lill-Istati AN 3/1.1-22/41 tagħha li fiha tfakkar lill-Istati Kontraenti kollha tal-Konvenzjoni ta’ Chicago dwar ir-responsabbiltajiet u l-obbligi ta’ sorveljanza li jirriżultaw minn dik il-Konvenzjoni u l-Annessi tagħha fir-rigward tat-twettiq adegwat tas-sorveljanza tas-sikurezza.

(9)

Fit-18 ta’ Marzu 2022, ir-Russja ħabbret lil Bermuda li kienet qed tissospendi l-Ftehim tal-Artikolu 83bis, imsemmi fil-premessa (4), b’effett immedjat. B’riżultat ta’ dan, f’konformità mal-istandards internazzjonali rilevanti tas-sikurezza tal-avjazzjoni ċivili, kwalunkwe responsabbiltà ta’ sorveljanza regolatorja li qabel kienet ittrasferita lir-Russja skont dak il-Ftehim reġgħet lura għal Bermuda bħala l-Istat tar-Reġistrazzjoni.

(10)

Bi ksur tal-istandards internazzjonali applikabbli tas-sikurezza tal-avjazzjoni ċivili, il-FATA żammet ir-responsabbiltajiet ittrasferiti ta’ sorveljanza regolatorja msemmija fil-premessi (4) u (5), u assumiet, mingħajr ebda koordinazzjoni ma’ Bermuda u mal-Irlanda bħala Stati tar-Reġistrazzjoni, il-funzjonijiet u d-dmirijiet regolatorji li jinsabu fl-Anness 8 tal-Konvenzjoni ta’ Chicago. Ma hemm l-ebda evidenza verifikabbli li tikkonkludi li l-FATA żviluppat il-kapaċità ta’ sorveljanza tas-sikurezza meħtieġa biex twettaq b’mod adegwat tali responsabbiltà ta’ sorveljanza estiża fi żmien daqshekk qasir, u fuq għadd daqstant estensiv ta’ inġenji tal-ajru.

(11)

Fil-21 ta’ Marzu 2022, skont l-Artikolu 3(2) tar-Regolament (KE) Nru 473/2006 (4), il-Kummissjoni infurmat lill-FATA dwar it-tħassib serju tagħha rigward is-sitwazzjoni tas-sorveljanza tas-sikurezza tal-avjazzjoni fir-Russja, u infurmatha dwar il-fatti u l-kunsiderazzjonijiet essenzjali, li jistgħu jiffurmaw il-bażi ta’ deċiżjoni li timponi projbizzjoni fuq l-operat fuq il-kumpaniji tal-ajru ċċertifikati mill-FATA fl-Unjoni.

(12)

Il-Kummissjoni tat lill-FATA l-opportunità biex tissottometti kummenti bil-miktub u tagħmel preżentazzjoni orali fil-5 ta’ April 2022 lill-Kummissjoni u lill-Kumitat għas-Sikurezza tal-Ajru tal-UE. Il-FATA ntalbet tindika sal-1 ta’ April 2022 jekk għandhiex l-intenzjoni li tuża d-dritt tad-difiża tagħha u riditx tidher quddiem il-Kumitat għas-Sikurezza tal-Ajru tal-UE.

(13)

Fil-21 ta’ Marzu 2022, il-Kummissjoni infurmat lill-Kumitat għas-Sikurezza tal-Ajru tal-UE dwar il-konsultazzjonijiet konġunti li għaddejjin mal-FATA, fil-qafas tar-Regolament (KE) Nru 2111/2005 u r-Regolament tal-Kummissjoni (KE) Nru 473/2006.

(14)

Fil-31 ta’ Marzu 2022, il-FATA infurmat f’ittra indirizzata lill-Kummissjoni li tirrifjuta l-allegazzjonijiet relatati mal-prestazzjoni tas-sikurezza tal-kumpaniji tal-ajru ċċertifikati mill-FATA, u li tqis li hija twettaq bis-sħiħ ir-responsabbiltajiet imposti fuq l-Istati Kontraenti tal-ICAO. Madankollu, il-FATA ma pprovdiet l-ebda evidenza jew informazzjoni biex issostni d-dikjarazzjonijiet tagħha, u ma wrietx kif twettaq ir-responsabbiltajiet tagħha fir-rigward tal-funzjonijiet u d-dmirijiet regolatorji li jinsabu fl-Anness 8 tal-Konvenzjoni ta’ Chicago, b’mod partikolari fir-rigward tal-kumpaniji tal-ajru li joperaw l-inġenji tal-ajru msemmija fil-premessi (4) u (5).

(15)

Fl-1 ta’ April 2022, il-Kummissjoni nnotat li l-FATA ma kinitx indikat, kif mitlub fl-ittra tal-Kummissjoni mibgħuta lill-FATA fil-21 ta’ Marzu 2022, l-intenzjoni tagħha li tuża d-dritt tad-difiża tagħha, kif previst fir-Regolament (KE) Nru 2111/2005.

(16)

Fil-5 ta’ April 2022, il-Kumitat għas-Sikurezza tal-Ajru tal-UE ltaqa’ biex jiddiskuti s-sitwazzjoni tal-prestazzjoni tas-sikurezza tal-kumpaniji tal-ajru ċċertifikati mill-FATA, kif ukoll l-abbiltà tal-FATA li tikkonforma mal-istandards internazzjonali tas-sikurezza tal-avjazzjoni. Il-Kumitat għas-Sikurezza tal-Ajru tal-UE nnota l-ksur tal-Konvenzjoni ta’ Chicago msemmi fil-premessi (6) u (7), kif ukoll il-ksur tal-istandards internazzjonali tas-sikurezza tal-avjazzjoni ċivili applikabbli msemmija fil-premessa (10). Innota wkoll in-nuqqas ta’ rieda li tikkoopera mal-Kummissjoni u mal-Istati Membri tal-UE, fir-rigward tal-kwistjoni tal-kapaċità tal-FATA u tal-kumpaniji tal-ajru li ċċertifikat, li jiżguraw l-ajrunavigabbiltà kontinwa u s-sikurezza operattiva tal-flotta tal-kumpaniji tal-ajru, inkluż l-inġenji tal-ajru msemmija fil-premessi (4) u (5).

(17)

Ingħatat ukoll iktar kunsiderazzjoni lill-impatt konsegwenzjali tal-miżuri restrittivi li jirriżultaw mir-Regolament tal-Kunsill (UE) 2022/328 (5) li jemenda r-Regolament (UE) Nru 833/2014, u b’mod partikolari l-impatt operattiv fuq perjodu qasir ta’ żmien ta’ aċċess limitat biss għall-aġġornamenti tal-bażijiet tad-data tan-Navigazzjoni, u tal-Bażijiet tad-Data tas-Sistemi ta’ Twissija ta’ Qrubija lejn l-Art, li b’hekk idgħajfu serjament il-kapaċitajiet ta’ navigazzjoni sikura tal-inġenji tal-ajru operati mill-kumpaniji tal-ajru ċċertifikati mill-FATA.

(18)

Ġie nnutat il-fatt li, bħala riżultat tal-miżuri restrittivi applikabbli, is-sostenn tekniku u tal-inġinerija għall-kumpaniji tal-ajru ċċertifikati mill-FATA sar limitat. Barra minn hekk, in-nuqqas ta’ dan is-sostenn tekniku u tal-inġinerija, flimkien maż-żieda fl-attività ta’ sorveljanza li tirriżulta miż-żieda tal-għadd sinifikanti ta’ inġenji tal-ajru ġodda fir-reġistru Russu, se jżidu l-ammont ta’ xogħol tal-FATA u l-ħtieġa għal għarfien espert, li x’aktarx ma jistax jinkiseb immedjatament meta wieħed iqis, minn naħa waħda, il-kundizzjonijiet tal-Ftehim tal-Artikolu 83bis li taħthom tali attività ġiet ġestita fir-Russja sa issa, u l-konsegwenzi tal-miżuri restrittivi applikabbli min-naħa l-oħra.

(19)

Fid-dawl tal-ksur imsemmi hawn fuq u n-nuqqas ta’ rieda ta’ kooperazzjoni mal-Kummissjoni u mal-Istati Membri tal-UE billi jiġu indirizzati l-punti u t-tħassib speċifiċi mqajma mill-Kummissjoni fl-ittra tagħha tal-21 ta’ Marzu 2022, il-Kummissjoni u l-Kumitat għas-Sikurezza tal-Ajru tal-UE kkonkludew, f’konformità mal-kriterji komuni stabbiliti fl-Anness tar-Regolament (KE) Nru 2111/2005, inkluż b’mod partikolari t-tielet kriterju, li ma hemm l-ebda evidenza li l-FATA tista’ twettaq ir-responsabbiltajiet tagħha skont il-Konvenzjoni ta’ Chicago u l-istandards li jinsabu fl-Annessi tagħha fir-rigward tal-kumpaniji tal-ajru ċċertifikati mill-FATA li joperaw l-inġenji tal-ajru msemmija fil-premessi (4) u (5).

(20)

Barra minn hekk, f’konformità mal-kriterji komuni stabbiliti fl-Anness tar-Regolament (KE) Nru 2111/2005, u b’mod partikolari mal-ewwel kriterju, il-kumpaniji tal-ajru ċċertifikati mill-FATA li operaw inġenju tal-ajru wieħed jew iktar imsemmi(ja) fil-premessi 4 u 5, billi għamlu dan, urew nuqqasijiet serji fis-sikurezza billi ppermettew li jsiru operazzjonijiet ta’ titjir bi ksur tal-istandards internazzjonali rilevanti tas-sikurezza applikabbli għat-trasport kummerċjali bl-ajru.

(21)

F’konformità mal-kriterji komuni stabbiliti fl-Anness tar-Regolament (KE) Nru 2111/2005, il-Kummissjoni tikkunsidra li jenħtieġ li l-lista tal-kumpaniji tal-ajru li huma soġġetti għal projbizzjoni fuq l-operat fl-Unjoni, kif stabbilita fl-Anness A tar-Regolament (KE) Nru 474/2006, tiġi emendata biex tinkludi l-kumpaniji tal-ajru kollha ċċertifikati fir-Russja li joperaw l-inġenji tal-ajru msemmija fil-premessi (4) u (5).

(22)

Jenħtieġ li l-Istati Membri jkomplu jivverifikaw il-konformità effettiva tal-kumpaniji tal-ajru ċċertifikati mill-FATA mal-istandards tas-sikurezza internazzjonali rilevanti permezz tal-prijoritizzazzjoni tal-ispezzjonijiet fir-rampa ta’ dawk il-kumpaniji tal-ajru skont ir-Regolament tal-Kummissjoni (UE) Nru 965/2012 (6).

(23)

Is-sitwazzjoni fir-rigward tal-abbiltà u l-kapaċità tal-FATA li twettaq ir-rwol u r-responsabbiltajiet tagħha f’termini ta’ sorveljanza tal-industrija tal-avjazzjoni tagħha, kif ukoll tal-kumpaniji tal-ajru kollha ċċertifikati fir-Russja, inkluż b’mod partikolari l-kumpaniji tal-ajru li joperaw l-inġenji tal-ajru msemmija fil-premessi (4) u (5), se tiġi mmonitorjata mill-qrib, u se tkun soġġetta għal skrutinju ulterjuri mill-Kummissjoni, megħjuna mill-Aġenzija, għal rieżami fil-laqgħat li jmiss tal-Kumitat għas-Sikurezza tal-Ajru tal-UE.

(24)

Għalhekk, ir-Regolament (KE) Nru 474/2006 jenħtieġ li jiġi emendat skont dan.

(25)

Minħabba l-implikazzjonijiet tas-sikurezza, l-Artikoli 5 u 6 tar-Regolament (KE) Nru 2111/2005 jagħrfu l-bżonn li jittieħdu deċiżjonijiet malajr u, meta jkun xieraq, b’urġenza. Għaldaqstant, huwa essenzjali li, sabiex jiġu mħarsa l-informazzjoni sensittiva kif ukoll il-pubbliku li jivvjaġġa, kwalunkwe deċiżjoni fil-kuntest tal-aġġornament tal-lista tal-kumpaniji tal-ajru li huma soġġetti għal projbizzjoni jew restrizzjoni fuq l-operat fl-Unjoni tiġi ppubblikata u tidħol fis-seħħ minnufih wara l-adozzjoni tagħha.

(26)

Il-miżuri previsti f’dan ir-Regolament huma skont l-opinjoni tal-Kumitat għas-Sikurezza tal-Ajru tal-UE stabbilit bl-Artikolu 15 tar-Regolament (KE) Nru 2111/2005,

ADOTTAT DAN IR-REGOLAMENT:

Artikolu 1

Ir-Regolament (KE) Nru 474/2006 huwa emendat kif ġej:

(1)

l-Anness A huwa sostitwit bit-test fl-Anness I ta’ dan ir-Regolament;

(2)

l-Anness B huwa sostitwit bit-test fl-Anness II ta’ dan ir-Regolament.

Artikolu 2

Dan ir-Regolament għandu jidħol fis-seħħ jum wara l-pubblikazzjoni tiegħu f’Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, it-8 ta’ April 2022.

Għall-Kummissjoni

F’isem il-President,

Adina VĂLEAN

Membru tal-Kummissjoni


(1)   ĠU L 344, 27.12.2005, p. 15.

(2)  Ir-Regolament tal-Kummissjoni (KE) Nru 474/2006 tat-22 ta’ Marzu 2006 li jistabbilixxi l-lista Komunitarja ta’ kumpaniji tal-ajru li huma soġġetti għal projbizzjoni fuq l-operat fil-Komunità skont il-Kapitolu II tar-Regolament (KE) Nru 2111/2005 tal-Parlament Ewropew u tal-Kunsill (ĠU L 84, 23.3.2006, p. 14).

(3)  Ir-Regolament ta’ Implimentazzjoni tal-Kummissjoni (UE) 2021/2070 tal-25 ta’ Novembru 2021 li jemenda r-Regolament (KE) Nru 474/2006 fir-rigward tal-lista ta’ kumpaniji tal-ajru li huma pprojbiti milli joperaw jew li huma soġġetti għal restrizzjonijiet operattivi fl-Unjoni (ĠU L 421, 26.11.2021, p. 31).

(4)  Ir-Regolament tal-Kummissjoni (KE) Nru 473/2006 tat-22 ta’ Marzu 2006 li jistabbilixxi regoli ta’ implimentazzjoni għal-lista Komunitarja ta’ trasportaturi tal-ajru li huma soġġetti għal projbizzjoni fuq l-operat fil-Komunità kif jissemma fil-Kapitolu II tar-Regolament (KE) Nru 2111/2005 tal-Parlament Ewropew u tal-Kunsill (ĠU L 84, 23.3.2006, p. 8).

(5)  Ir-Regolament tal-Kunsill (UE) 2022/328 tal-25 ta’ Frar 2022 li jemenda r-Regolament (UE) Nru 833/2014 dwar miżuri restrittivi fid-dawl tal-azzjonijiet tar-Russja li jiddestabbilizzaw is-sitwazzjoni fl-Ukrajna (ĠU L 49, 25.2.2022, p. 1-140).

(6)  Ir-Regolament tal-Kummissjoni (UE) Nru 965/2012 tal-5 ta’ Ottubru 2012 li jistabbilixxi rekwiżiti tekniċi u proċeduri amministrattivi relatati mal-operazzjonijiet bl-ajru skont ir-Regolament (KE) Nru 216/2008 tal-Parlament Ewropew u tal-Kunsill. (ĠU L 296, 25.10.2012, p. 1).


ANNESS I

“ANNESS A

LISTA TA’ KUMPANIJI TAL-AJRU LI HUMA PPROJBITI MILLI JOPERAW FL-UNJONI, B’XI EĊĊEZZJONIJIET  (1)

Isem l-entità legali tal-kumpanija tal-ajru kif indikat fuq l-AOC tagħha (u l-isem kummerċjali tagħha, jekk dan ikun differenti)

Numru taċ-Ċertifikat tal-Operatur tal-Ajru (“AOC”) jew Numru tal-Liċenzja Operattiva

Deżinjatur bi tliet ittri tal-ICAO

Stat tal-Operatur

AVIOR AIRLINES

ROI-RNR-011

ROI

Il-Venezwela

BLUE WING AIRLINES

SRBWA-01/2002

BWI

Is-Suriname

IRAN ASEMAN AIRLINES

FS-102

IRC

L-Iran

IRAQI AIRWAYS

001

IAW

L-Iraq

MED-VIEW AIRLINE

MVA/AOC/10-12/05

MEV

In-Niġerja

AIR ZIMBABWE (PVT)

177/04

AZW

Iż-Żimbabwe

Il-kumpaniji tal-ajru kollha ċċertifikati mill-awtoritajiet tal-Afganistan responsabbli għas-sorveljanza regolatorja, inkluż

 

 

L-Afganistan

ARIANA AFGHAN AIRLINES

AOC 009

AFG

L-Afganistan

KAM AIR

AOC 001

KMF

L-Afganistan

Il-kumpaniji tal-ajru kollha ċċertifikati mill-awtoritajiet tal-Angola responsabbli għas-sorveljanza regolatorja, ħlief TAAG Angola Airlines u Heli Malongo, inkluż

 

 

L-Angola

AEROJET

AO-008/11-07/17 TEJ

TEJ

L-Angola

GUICANGO

AO-009/11-06/17 YYY

Mhux magħruf

L-Angola

AIR JET

AO-006/11-08/18 MBC

MBC

L-Angola

BESTFLYA AIRCRAFT MANAGEMENT

AO-015/15-06/17YYY

Mhux magħruf

L-Angola

HELIANG

AO 007/11-08/18 YYY

Mhux magħruf

L-Angola

SJL

AO-014/13-08/18YYY

Mhux magħruf

L-Angola

SONAIR

AO-002/11-08/17 SOR

SOR

L-Angola

Il-kumpaniji tal-ajru kollha ċċertifikati mill-awtoritajiet tal-Armenja responsabbli għas-sorveljanza regolatorja, inkluż

 

 

L-Armenja

AIRCOMPANY ARMENIA

AM AOC 065

NGT

L-Armenja

ARMENIA AIRWAYS

AM AOC 063

AMW

L-Armenja

ARMENIAN HELICOPTERS

AM AOC 067

KAV

L-Armenja

FLYONE ARMENIA

AM AOC 074

 

L-Armenja

NOVAIR

AM AOC 071

NAI

L-Armenja

SHIRAK AVIA

AM AOC 072

SHS

L-Armenja

SKYBALL

AM AOC 073

Mhux applikabbli

L-Armenja

Il-kumpaniji tal-ajru kollha ċċertifikati mill-awtoritajiet tal-Kongo (Brazzaville) responsabbli għas-sorveljanza regolatorja, inkluż

 

 

Il-Kongo (Brazzaville)

CANADIAN AIRWAYS CONGO

CG-CTA 006

TWC

Il-Kongo (Brazzaville)

EQUAFLIGHT SERVICES

CG-CTA 002

EKA

Il-Kongo (Brazzaville)

EQUAJET

RAC06-007

EKJ

Il-Kongo (Brazzaville)

TRANS AIR CONGO

CG-CTA 001

TSG

Il-Kongo (Brazzaville)

SOCIETE NOUVELLE AIR CONGO

CG-CTA 004

Mhux magħruf

Il-Kongo (Brazzaville)

Il-kumpaniji tal-ajru kollha ċċertifikati mill-awtoritajiet tar-Repubblika Demokratika tal-Kongo (RDK) responsabbli għas-sorveljanza regolatorja, inkluż

 

 

Ir-Repubblika Demokratika tal-Kongo (RDK)

AIR FAST CONGO

AAC/DG/OPS-09/03

Mhux magħruf

Ir-Repubblika Demokratika tal-Kongo (RDK)

AIR KATANGA

AAC/DG/OPS-09/08

Mhux magħruf

Ir-Repubblika Demokratika tal-Kongo (RDK)

BUSY BEE CONGO

AAC/DG/OPS-09/04

Mhux magħruf

Ir-Repubblika Demokratika tal-Kongo (RDK)

COMPAGNIE AFRICAINE D’AVIATION (CAA)

AAC/DG/OPS-09/02

Mhux magħruf

Ir-Repubblika Demokratika tal-Kongo (RDK)

CONGO AIRWAYS

AAC/DG/OPS-09/01

Mhux magħruf

Ir-Repubblika Demokratika tal-Kongo (RDK)

KIN AVIA

AAC/DG/OPS-09/10

Mhux magħruf

Ir-Repubblika Demokratika tal-Kongo (RDK)

MALU AVIATION

AAC/DG/OPS-09/05

Mhux magħruf

Ir-Repubblika Demokratika tal-Kongo (RDK)

SERVE AIR CARGO

AAC/DG/OPS-09/07

Mhux magħruf

Ir-Repubblika Demokratika tal-Kongo (RDK)

SWALA AVIATION

AAC/DG/OPS-09/06

Mhux magħruf

Ir-Repubblika Demokratika tal-Kongo (RDK)

MWANT JET

AAC/DG/OPS-09/09

Mhux magħruf

Ir-Repubblika Demokratika tal-Kongo (RDK)

Il-kumpaniji tal-ajru kollha ċċertifikati mill-awtoritajiet tal-Djibouti responsabbli għas-sorveljanza regolatorja, inkluż

 

 

Il-Djibouti

DAALLO AIRLINES

Mhux magħruf

DAO

Il-Djibouti

Il-kumpaniji tal-ajru kollha ċċertifikati mill-awtoritajiet tal-Guinea Ekwatorjali responsabbli għas-sorveljanza regolatorja, inkluż

 

 

Il-Guinea Ekwatorjali

CEIBA INTERCONTINENTAL

2011/0001/MTTCT/DGAC/SOPS

CEL

Il-Guinea Ekwatorjali

CRONOS AIRLINES

2011/0004/MTTCT/DGAC/SOPS

Mhux magħruf

Il-Guinea Ekwatorjali

Il-kumpaniji tal-ajru kollha ċċertifikati mill-awtoritajiet tal-Eritrea responsabbli għas-sorveljanza regolatorja, inkluż

 

 

L-Eritrea

ERITREAN AIRLINES

AOC Nru 004

ERT

L-Eritrea

NASAIR ERITREA

AOC Nru 005

NAS

L-Eritrea

Il-kumpaniji tal-ajru kollha ċċertifikati mill-awtoritajiet tal-Kirgistan responsabbli għas-sorveljanza regolatorja, inkluż

 

 

Il-Kirgistan

AEROSTAN

08

BSC

Il-Kirgistan

AIR COMPANY AIR KG

50

Mhux magħruf

Il-Kirgistan

AIR MANAS

17

MBB

Il-Kirgistan

AVIA TRAFFIC COMPANY

23

AVJ

Il-Kirgistan

FLYSKY AIRLINES

53

FSQ

Il-Kirgistan

HELI SKY

47

HAC

Il-Kirgistan

KAP.KG AIRCOMPANY

52

KGS

Il-Kirgistan

SKY KG AIRLINES

41

KGK

Il-Kirgistan

TEZ JET

46

TEZ

Il-Kirgistan

VALOR AIR

07

VAC

Il-Kirgistan

Il-kumpaniji tal-ajru kollha ċċertifikati mill-awtoritajiet tal-Liberja responsabbli għas-sorveljanza regolatorja.

 

 

Il-Liberja

Il-kumpaniji tal-ajru kollha ċċertifikati mill-awtoritajiet tal-Libja responsabbli għas-sorveljanza regolatorja, inkluż

 

 

Il-Libja

AFRIQIYAH AIRWAYS

007/01

AAW

Il-Libja

AIR LIBYA

004/01

TLR

Il-Libja

AL MAHA AVIATION

030/18

Mhux magħruf

Il-Libja

BERNIQ AIRWAYS

032/21

BNL

Il-Libja

BURAQ AIR

002/01

BRQ

Il-Libja

GLOBAL AIR TRANSPORT

008/05

GAK

Il-Libja

HALA AIRLINES

033/21

HTP

Il-Libja

LIBYAN AIRLINES

001/01

LAA

Il-Libja

LIBYAN WINGS AIRLINES

029/15

LWA

Il-Libja

PETRO AIR

025/08

PEO

Il-Libja

Il-kumpaniji tal-ajru kollha ċċertifikati mill-awtoritajiet tan-Nepal responsabbli għas-sorveljanza regolatorja, inkluż

 

 

In-Nepal

AIR DYNASTY HELI. S.

035/2001

Mhux magħruf

In-Nepal

ALTITUDE AIR

085/2016

Mhux magħruf

In-Nepal

BUDDHA AIR

014/1996

BHA

In-Nepal

FISHTAIL AIR

017/2001

Mhux magħruf

In-Nepal

SUMMIT AIR

064/2010

Mhux magħruf

In-Nepal

HELI EVEREST

086/2016

Mhux magħruf

In-Nepal

HIMALAYA AIRLINES

084/2015

HIM

In-Nepal

KAILASH HELICOPTER SERVICES

087/2018

Mhux magħruf

In-Nepal

MAKALU AIR

057A/2009

Mhux magħruf

In-Nepal

MANANG AIR PVT

082/2014

Mhux magħruf

In-Nepal

MOUNTAIN HELICOPTERS

055/2009

Mhux magħruf

In-Nepal

PRABHU HELICOPTERS

081/2013

Mhux magħruf

In-Nepal

NEPAL AIRLINES CORPORATION

003/2000

RNA

In-Nepal

SAURYA AIRLINES

083/2014

Mhux magħruf

In-Nepal

SHREE AIRLINES

030/2002

SHA

In-Nepal

SIMRIK AIR

034/2000

Mhux magħruf

In-Nepal

SIMRIK AIRLINES

052/2009

RMK

In-Nepal

SITA AIR

033/2000

Mhux magħruf

In-Nepal

TARA AIR

053/2009

Mhux magħruf

In-Nepal

YETI AIRLINES

037/2004

NYT

In-Nepal

Il-kumpaniji tal-ajru li ġejjin iċċertifikati mill-awtoritajiet tar-Russja responsabbli għas-sorveljanza regolatorja.

 

 

Ir-Russja

AURORA AIRLINES

486

SHU

Ir-Russja

AVIACOMPANY "AVIASTAR-TU" CO. LTD

458

TUP

Ir-Russja

IZHAVIA

479

IZA

Ir-Russja

JOINT STOCK COMPANY "AIR COMPANY "YAKUTIA"

464

SYL

Ir-Russja

JOINT STOCK COMPANY "RUSJET"

498

RSJ

Ir-Russja

JOINT STOCK COMPANY "UVT AERO"

567

UVT

Ir-Russja

JOINT STOCK COMPANY SIBERIA AIRLINES

31

SBI

Ir-Russja

JOINT STOCK COMPANY SMARTAVIA AIRLINES

466

AUL

Ir-Russja

JOINT-STOCK COMPANY "IRAERO" AIRLINES

480

IAE

Ir-Russja

JOINT-STOCK COMPANY "URAL AIRLINES"

18

SVR

Ir-Russja

JOINT–STOCK COMPANY ALROSA AIR COMPANY

230

DRU

Ir-Russja

JOINT-STOCK COMPANY NORDSTAR AIRLINES

452

TYA

Ir-Russja

JS AVIATION COMPANY "RUSLINE"

225

RLU

Ir-Russja

JSC YAMAL AIRLINES

142

LLM

Ir-Russja

LLC "NORD WIND"

516

NWS

Ir-Russja

LLC “AIRCOMPANY IKAR”

36

KAR

Ir-Russja

POBEDA AIRLINES LIMITED LIABILITY COMPANY

562

PBD

Ir-Russja

PUBLIC JOINT STOCK COMPANY "AEROFLOT - RUSSIAN AIRLINES"

1

AFL

Ir-Russja

ROSSIYA AIRLINES, JOINT STOCK COMPANY

2

SMD

Ir-Russja

SKOL AIRLINE LLC

228

CDV

Ir-Russja

UTAIR AVIATION, JOINT-STOCK COMPANY

6

UTA

Ir-Russja

Il-kumpaniji tal-ajru kollha ċċertifikati mill-awtoritajiet ta’ Sao Tome u Príncipe responsabbli għas-sorveljanza regolatorja, inkluż

 

 

São Tomé u Príncipe

AFRICA'S CONNECTION

10/AOC/2008

ACH

São Tomé u Príncipe

STP AIRWAYS

03/AOC/2006

STP

São Tomé u Príncipe

Il-kumpaniji tal-ajru kollha ċċertifikati mill-awtoritajiet ta’ Sierra Leone responsabbli għas-sorveljanza regolatorja

 

 

Sierra Leone

Il-kumpaniji tal-ajru kollha ċċertifikati mill-awtoritajiet tas-Sudan responsabbli għas-sorveljanza regolatorja, inkluż

 

 

Is-Sudan

ALFA AIRLINES SD

54

AAJ

Is-Sudan

BADR AIRLINES

35

BDR

Is-Sudan

BLUE BIRD AVIATION

11

BLB

Is-Sudan

ELDINDER AVIATION

8

DND

Is-Sudan

GREEN FLAG AVIATION

17

GNF

Is-Sudan

HELEJETIC AIR

57

HJT

Is-Sudan

KATA AIR TRANSPORT

9

KTV

Is-Sudan

KUSH AVIATION CO.

60

KUH

Is-Sudan

NOVA AIRWAYS

46

NOV

Is-Sudan

SUDAN AIRWAYS CO.

1

SUD

Is-Sudan

SUN AIR

51

SNR

Is-Sudan

TARCO AIR

56

TRQ

Is-Sudan

”

(1)  Il-kumpaniji tal-ajru mniżżlin fl-Anness A jistgħu jitħallew jeżerċitaw id-drittijiet tat-traffiku billi jużaw inġenji tal-ajru mikrijin bl-ekwipaġġ mingħand kumpanija tal-ajru li mhijiex soġġetta għal projbizzjoni fuq l-operat, diment li jkun hemm konformità mal-istandards tas-sikurezza rilevanti.


ANNESS II

“ANNESS B

LISTA TA’ KUMPANIJI TAL-AJRU LI HUMA SOĠĠETTI GĦAL RESTRIZZJONIJIET OPERATTIVI FL-UNJONI  (1)

Isem l-entità legali tal-kumpanija tal-ajru kif indikat fuq l-AOC tagħha (u l-isem kummerċjali tagħha, jekk dan ikun differenti)

Numru taċ-Ċertifikat tal-Operatur tal-Ajru (“AOC”)

Deżinjatur bi tliet ittri tal-ICAO

Stat tal-Operatur

Tip ta’ inġenju tal-ajru soġġett għal restrizzjoni

Marka/i tar-reġistrazzjoni u, meta jkun(u) disponibbli, in-numru/i tas-serje tal-kostruzzjoni tal-inġenju tal-ajru soġġett għal restrizzjoni

Stat tar-reġistrazzjoni

IRAN AIR

FS100

IRA

L-Iran

L-inġenji tal-ajru kollha tat-tip Fokker F100 u tat-tip Boeing B747

L-inġenji tal-ajru tat-tip Fokker F100 kif imsemmi fl-AOC; l-inġenji tal-ajru tat-tip Boeing B747 kif imsemmi fl-AOC

L-Iran

AIR KORYO

GAC-AOC/KOR-01

KOR

Il-Korea ta’ Fuq

Il-flotta kollha bl-eċċezzjoni ta’: żewġ (2) inġenji tal-ajru tat-tip TU-204.

Il-flotta kollha bl-eċċezzjoni ta’: P-632, P-633.

Il-Korea ta’ Fuq

”

(1)  Il-kumpaniji tal-ajru mniżżlin fl-Anness B jistgħu jitħallew jeżerċitaw id-drittijiet tat-traffiku billi jużaw inġenji tal-ajru mikrijin bl-ekwipaġġ mingħand kumpanija tal-ajru li mhijiex soġġetta għal projbizzjoni fuq l-operat, diment li jkun hemm konformità mal-istandards tas-sikurezza rilevanti.