Diongbháilteacht Eorpach Drón agus Frith-Dhrón (DECODER)

Cuspóirí agus saintréithe an TELCC

Is é is aidhm do DECODER forbairt, uas-scálú agus cur chun úsáide comhordaithe na gcumas Eorpach i réimse na gcóras gan foireann agus na gcóras chun cur i gcoinne córas gan foireann a chumasú chun aghaidh a thabhairt ar bhearnaí criticiúla cumais ar fud na dtíortha rannpháirteacha. Is é is aidhm dó córais drón agus frithdhrón atá nua-aimseartha, inoiriúnaithe, inscálaithe agus idir-inoibritheach agus a fheidhmíonn ar fud na réimsí oibríochtúla uile a sholáthar d’fhórsaí armtha na hEorpa. Caomhnóidh agus treiseoidh DECODER ceannasacht theicneolaíoch agus athléimneacht thionsclaíoch na hEorpa. Go sonrach, tacóidh DECODER le soláthar comhpháirteach chumais riachtanacha na gcóras gan foireann agus na gcóras chun cur i gcoinne córas gan foireann, leathnóidh sé an acmhainneacht táirgeachta tionsclaíche ábhartha, forbróidh sé réitigh nua agus déanfaidh sé uasghrádú ar réitigh atá ann cheana agus bunóidh sé Líonra Eorpach Mol Teicneolaíochta Drón chun tástáil a éascú agus dlús a chur leis an nuálaíocht agus le nuachóiriú tapa na bhfórsaí.

Liosta na dtíortha atá rannpháirteach sa TELCC ó dháta glactha an ghnímh cur chun feidhme

An Bheilg, an Bhulgáir, an tSeicia, an Danmhairg, an Ghearmáin, an Eastóin, Éire, an Ghréig, an Spáinn, an Fhrainc, an Chróit, an Iodáil, an Chipir, an Laitvia, an Liotuáin, Lucsamburg, an Ungáir, an Ísiltír, an Ostair, an Pholainn, an Phortaingéil, an Rómáin, an tSlóivéin, an tSlóvaic, an Fhionlainn, an tSualainn, an Iorua agus an Úcráin.

Méid foriomlán airgeadais measta an TELCC

EUR 3 500 000 000 to 5 000 000 000 faoi 2033

Cosaint Chomhtháite Mhuirí agus Ghrinneall na Farraige (CCMGF)

Cuspóirí agus saintréithe an TELCC

Is é is aidhm do CCMGF ailtireacht Eorpach chónasctha idir-inoibritheach um chosaint mhuirí agus ghrinneall na farraige a bhunú, a bheidh in ann cumas na dtíortha rannpháirteacha a neartú maidir le bagairtí ar fud an réimse mhuirí a chosc, a bhrath agus a dhíspreagadh agus freagairt orthu. Tá sé bunaithe ar chomhtháthú trí phríomhcholún a threisíonn a chéile: Feasacht ar an Réimse Muirí, Comhrac Cabhlaigh agus Idircheapadh Muirí, agus Cogaíocht faoi Uisce agus ar Ghrinneall na Farraige.

Go sonrach, le CCMGF, feabhasófar an fheasacht choiteann ar an réimse muirí trí ailtireacht um chomhroinnt faisnéise atá idir-inoibritheach comhtháite, agus tacófar le forbairt thionsclaíoch chomhordaithe, le huas-scálú agus soláthar comhoibríoch ardán cabhlaigh, córas faoi uisce, córas gan foireann, uirlisí faisnéise, faireachais agus taiscéalaíochta (ISR) agus le cumais chogaíochta faoi uisce. Cumhdóidh CCMGF comhar le húdaráis shibhialta freisin, rud a rannchuideoidh le gníomhaíocht shuaitheanta an Chomhshocraithe Eorpaigh um an Aigéan maidir le Feasacht ar an Réimse Muirí a chur chun feidhme, lena n-áirítear cumais gan foireann.

I ndeireadh na dála, le CCMGF, neartófar cosaint bonneagair chriticiúil mhuirí agus cosaint bhonneagar ghrinneall na farraige, lena n-áirítear calafoirt, suiteálacha amach ón gcósta, cáblaí faoi uisce agus píblínte.

Liosta na dtíortha atá rannpháirteach sa TELCC ó dháta glactha an ghnímh cur chun feidhme

An Bheilg, an Bhulgáir, an Ghearmáin, Éire, an Ghréig, an Spáinn, an Fhrainc, an Iodáil, an Chipir, an Ísiltír, an Pholainn, an Phortaingéil, an Rómáin, an Fhionlainn, an tSualainn, an Iorua agus an Úcráin.

Méid foriomlán airgeadais measta an TELCC

EUR 43 000 000 000 go 72 000 000 000 faoi 2045

SPACE

Cuspóirí agus saintréithe an TELCC

Is é is aidhm do SPACE cumais spáis na hEorpa a neartú maidir le luathrabhadh spásbhunaithe (LRSB), cumarsáid satailíte (SATCOM), faisnéis, faireachas agus taiscéalaíocht (ISR), lena n-áirítear faisnéis chomharthaí (SIGINT), feasacht réimse spáis (SDA), suí, loingseoireacht agus uainiú (PNT) agus cogaíocht loingseoireachta (NAVWAR), córais spáis fhreagrúil (CSF), i gcur chuige ilmhisin.

Chun na misin a leagtar amach thuas a thabhairt le chéile, baineann SPACE le scrúdú a dhéanamh ar fhorbairt réaltbhuíne ilmhisin. Go sonrach, díríonn SPACE ar sholáthar comhoibríoch táirgí cosanta, lena n-áirítear an bonneagar is gá, chun tacú le huirlisí coiteanna pleanála míleata le haghaidh chomhroinnt SATCOM, sheirbhísí PNT, chumais ISR agus chumais braite agus séanta NAVWAR. Beartaítear ann freisin cumais spásbhunaithe a fhorbairt a thuilleadh, cumais atá ríthábhachtach chun cinnteoireacht neamhspleách a chumasú.

Liosta na dtíortha atá rannpháirteach sa TELCC ó dháta glactha an ghnímh cur chun feidhme

An Bheilg, an Bhulgáir, an tSeicia, an Ghearmáin, Éire, an Ghréig, an Spáinn, an Fhrainc, an Iodáil, an Chipir, Lucsamburg, an Ungáir, an Ísiltír, an Ostair, an Pholainn, an Rómáin, an Fhionlainn, an tSualainn, an Iorua agus an Úcráin.

Méid foriomlán airgeadais measta an TELCC

Suas le EUR 24 000 000 000 faoi 2034

Cosaint Chónasctha Chomhtháite Aeir agus Diúracán an Aontais lena n-áirítear Cumais Luathrabhaidh (CCCAD-AE)

Cuspóirí agus saintréithe an TELCC

Is é is aidhm do CCCAD-AE cosaint chomhtháite aeir agus diúracán (CCAD) atá comhchoiteann éifeachtach a chur ar fáil do na Ballstáit, lena n-áirítear faisnéis luathrabhaidh agus breithnithe maidir le ceannas agus rialú. Tá sé d’aidhm aige é a chur ar a gcumas do thíortha cumais a bhaineann le CCAD a chur in úsáid go tráthúil, ar an gcáilíocht is gá agus sa chainníocht is gá, agus a áirithiú gur féidir réitigh náisiúnta éagsúla, lena n-áirítear braiteoirí, éifeachtóirí agus timpeallachtaí ceannais agus rialaithe, a chomhcheangal go héifeachtach agus a úsáid go comhpháirteach. Go sonrach, le CCCAD AE, dírítear ar ailtireacht chomhchoiteann uileghabhálach a chruthú ar leibhéal an fhiontair agus ar leibhéal an chumais, ar uas-scálú tionsclaíoch na gcóras atá ann cheana agus ar sholáthar comhoibríoch táirgí cosanta.

Le CCCAD AE, dírítear freisin ar fhorbairt chun tacú leis na teicneolaíochtaí criticiúla atá mar bhonn taca le CCAD, chomh maith le bonneagar agus timpeallachtaí deimhniúcháin a úsáid lena gcumasófar tástáil, bailíochtú agus oiliúint don chónaidhm oibríochtúil a bheidh ann amach anseo. Ina theannta sin, is é is aidhm don ailtireacht na tosaíochtaí, na riachtanais chumais agus na ceanglais idir-inoibritheachta a sainaithníodh i gcreataí ECAT a chomhlíonadh go hiomlán.

Liosta na dtíortha atá rannpháirteach sa TELCC ó dháta glactha an ghnímh cur chun feidhme

An Bhulgáir, an tSeicia, an Danmhairg, an Ghearmáin, an Ghréig, an Spáinn, an Fhrainc, an Iodáil, an Chipir, an Ungáir, an Ísiltír, an Ostair, an Pholainn, an Phortaingéil, an Rómáin, an Fhionlainn, an tSualainn, an Iorua agus an Úcráin.

Méid foriomlán airgeadais measta an TELCC

EUR 55 000 000 000 go 80 000 000 000 faoi 2040

Faireachán ar an gCliathán Thoir (FCT)

Cuspóirí agus saintréithe an TELCC

Is é is aidhm do FCT iarracht chuimsitheach ilfhearainn a dhéanamh chun slándáil theorainn thoir na dtíortha rannpháirteacha a fheabhsú, chun cosaint a gcríoch iomlán a áirithiú agus, ar an gcaoi sin, a n-ullmhacht cosanta a neartú.

Díreofar gníomhaíochtaí tosaigh FCT ar shé cholún cumais: talamhchomhrac, cosaint ar dhróin, C4ISTAR, an fhrith-shoghluaisteacht, soghluaisteacht mhíleata agus córais aerchosanta agus frithdhiúracán. Baineann FCT le soláthar comhchoiteann táirgí, seirbhísí agus bonneagair chun tacú leis na cumais sin, chomh maith le leathnú na hacmhainneachta táirgeachta ábhartha agus na saoráidí ábhartha. Meastar freisin go ndéanfar tástáil agus bailíochtú ar ardáin oibríochtúla ábhartha agus go gcuirfear oiliúint ar fáil maidir leo chun tacú le tionscnamh FCT. Áirítear le FCT gníomhaíochtaí gearrthéarmacha láithreacha chomh maith le forbairtí meántéarmacha.

Liosta na dtíortha atá rannpháirteach sa TELCC ó dháta glactha an ghnímh cur chun feidhme

An Bheilg, an Bhulgáir, an tSeicia, an Ghearmáin, an Eastóin, an Chipir, an Laitvia, an Liotuáin, an Ungáir, an Ísiltír, an Pholainn, an Rómáin, an tSlóvaic, an Fhionlainn, an tSualainn, an Iorua agus an Úcráin.

Méid foriomlán airgeadais measta an TELCC

EUR 8 500 000 000 go 10 000 000 000 faoi 2032

Suas le EUR 100 000 000 000 faoi 2036