“(c)

il-gvern iħallas kompletament l-arretrati akkumulati fl-2010 u jnaqqas dawk tas-snin preċedenti;”;

“(d)

pjan ta’ strateġija baġitarja fuq perjodu ta’ żmien medju li jidentifika miżuri ta’ konsolidazzjoni fiskali permanenti ta’ għall-inqas 8 % tal-PDG (li minnhom x’uħud diġà ġew identifikati f’Mejju 2010), flimkien ma’ riżerva kontinġenti, li se jiżguraw il-kisba tal-miri tad-defiċit sal-2014, u li l-proporzjon ta’ dejn għall-PGD jibda jonqos b’mod sostenibbli. Il-pjan ta’ strateġija se jiġi ppubblikat għall-konsultazzjoni pubblika qabel tmiem Marzu. Il-pjan ta’ strateġija fuq perjodu ta’ żmien medju jinkludi, b’mod partikolari: previżjonijiet makroekonomiċi prudenti; projezzjonijiet tad-dħul u n-nefqa tal-istat u tal-entitajiet tal-gvern l-oħrajn; deskrizzjoni ta’ miżuri fiskali permanenti, l-iskedar u l-ikkwantifikar tagħhom; il-limiti massimi annwali tan-nefqa għal kull ministeru u l-miri fiskali għall-entitajiet tal-gvern oħrajn sal-aħħar tal-2014; projezzjonijiet fiskali għal wara t-teħid tal-miżuri għall-amministrazzjoni pubblika f’konformità mad-defiċit u l-miri tad-dejn: projezzjonijiet aktar fit-tul ibbażati fuq projezzjonijet makroekonomiċi prudenti, bilanċi pożittivi primarji stabbli mill-2014 ‘il hemm; u pjanijiet ta’ privatizzazzjoni. Il-pjan ta’ strateġija fuq perjodu ta’ żmien medju se jkun elaborat bir-riformi li għaddejjin bħalissa fil-kura tas-saħħa u fil-pensjonijiet u bi pjanijiet settorjali speċifiċi. Il-pjanijiet settorjali (bl-abbozzi tal-pjanijiet li se jkunu disponibbi sa tmiem Marzu) se jkopru b’mod partikolari: ir-riformi fil-politika fiskali; l-intrapriżi li huma proprjetà tal-istat. il-fondi li jaqgħu barra l-baġit (l-entitajiet legali tas-settur pubbliku u l-kontijiet għal għan speċjali); in-nefqa għas-salarji pubbliċi; u l-amministrazzjoni pubblika; in-nefqa soċjali; l-investiment pubbliku u n-nefqa militari. Kull pjan settorjali se jkun amministrat minn taskforces interministerjali;”;

“(e)

pjan kontra l-evażjoni li jinkludi indikaturi kwantitattivi tal-prestazzjoni biex l-amministrazzjoni fiskali tinżamm responsabbli; leġiżlazzjoni li tissimplifika l-proċessi tat-tilwim amministrattiv fiskali u l-proċessi ta’ appell ġudizzjarju u l-atti u l-proċeduri meħtieġa sabiex ikunu indirizzati aħjar il-kondotta skorretta, korruzzjoni u prestazzjoni ħażina ta’ uffiċjali fiskali, inkluża l-prosekuzzjoni f’każijiet ta’ ksur ta’ dover; u l-pubblikazzjoni ta’ rapporti kull xahar tal-ħames taskforces kontra l-evażjoni, inkluż sett ta’ indikaturi dwar il-progress;”;

“(f)

pjan ta’ azzjoni dettaljat bi skeda li jikkompleta u jimplimenta s-sistema simplifikata ta’ remunerazzjoni. preparazzjoni ta’ pjan għar-riżorsi umani għaż-żmien medju għall-perjodu sal-2013 f’konformità mar-regola ta’ reklutaġġ 1 għal kull 5 ħaddiema li jitilqu, li jispeċifika wkoll pjanijiet għall-allokazzjoni mill-ġdid ta’ persunal kwalifikat għal f’oqsma prijoritarji; u l-pubblikazzjoni ta’ dejta kull xahar dwar il-movimenti tal-persunal (ġodda, dawk li spiċċaw, trasferimenti fost l-entitajiet) fil-bosta dipartimenti tal-gvern;”;

“(g)

l-implimentazzjoni tar-riforma komprensiva tas-sistema tal-kura tas-saħħa bdiet fl-2010 bil-għan li n-nefqa pubblika fuq is-saħħa tinżamm għal 6 fil-mija tal-PDG jew anqas; miżuri li jrendru ffrankar fuq farmaċewtiċi ta’ għall-inqas EUR 2 biljun meta mqabel mal-livell għall-2010, li minnhom għall-inqas EUR 1 biljun huma tal-2011; titjib fis-sistemi ta’ kontabbiltà u fatturazzjoni tal-isptarijiet permezz ta’: finalizzazzjoni tal-introduzzjoni ta’ sistemi ta’ kontabbiltà abbażi tad-dovuti b’entrati doppji korrispondenti fl-isptarijiet kollha; l-użu ta’ sistema ta’ kodiċi uniformi u reġistru komuni għall-provvisti tal-mediċina; il-kalkolu ta’ stokkijiet u flussi tal-provvisti tal-mediċina fl-isptarijiet kollha bl-użu ta’ sistema ta’ kodiċi uniformi għall-provvisti tal-mediċina; u l-fatturazzjoni fil-ħin tal-ispejjeż tat-trattament (mhux aktar tard minn xahrejn) lill-fondi tas-sigurtà soċjali tal-Greċja, lil Stat Membri oħra u lill-assiguraturi privati tas-saħħa; u l-iżgurar li għall-inqas 50 % mill-volum tal-mediċini użati mill-isptarijiet pubbliċi sa tmiem l-2011 ikun ikkostitwit minn ġeneriċi u mediċini mhux protetti bit-trejdmark billi issir ħaġa obbligatorja għall-isptarijiet pubbliċi kollha li jakkwistaw prodotti farmaċewtiċi skont is-sustanza attiva;”;

“(h)

bl-għan li jkun jkunu miġġielda l-ħela u l-immaniġġar ħażin tal-kumpaniji li huma proprjetà tal-Istat u biex jiġu frankati mill-inqas EUR 800 miljun fiskalment, att li: jnaqqas ir-remunerazzjoni primarja fl-intrapriżi pubbliċi b’mill-inqas 10 % fil-livell tal-kumpaniji; jillimita r-remunerazzjoni sekondarja għal 10 % tar-remunerazzjoni primarja; jistabbilixxi limitu massimu ta’ EUR 4 000 fix-xahar għad-dħul gross (12-il pagament fis-sena); iżid it-tariffi tat-trasport urban b’mill-inqas 30 %; azzjonijiet li jnaqqsu n-nefqa operattiva fil-kumpaniji pubbliċi bejn 15 u 25 %; u att għar-ristrutturazzjoni tal-OASA;”;

“(k)

l-adozzjoni ta’ liġi għall-istabbiliment ta’ Awtorità Unika għall-Akkwist Pubbliku f’konformità mal-Pjan ta’ Azzjoni; u l-iżvilupp ta’ pjattaforma tat-teknoliġija tal-informazzjoni għall-akkwist elettroniku u l-istabbiliment ta’ stadji intermedji f’konformità mal-Pjan ta’ Azzjoni, inkluż: l-ittestjar ta’ verżjoni pilota, id-disponibbiltà tal-funzjonalitajiet kollha għall-kuntratti kollha u l-introduzzjoni f’fażijiet tal-użu mandatorju tas-sistema tal-akkwist elettroniku għall-kuntratti tal-provvisti, is-servizzi u x-xogħlijiet;”;

“(l)

att li jispeċifika il-kwalifikazzjonijiet u r-responsabbiltajiet tal-uffiċjali tal-kontabbiltà li għandhom jinħatru fil-ministeri relevanti u fl-entitajiet tal-gvern prinċipali kollha bir-responsabbiltà li jiżguraw kontrolli finanzjarji affidabbli; il-ħatra tal-uffiċjali tal-kontabbiltà; u t-tħaffif fil-proċess tal-istabbiliment ta’ reġistri ta’ impenn u reġistri operazzjonali li jkopru l-amministrazzjoni pubblika kollha kemm hi (minbarra l-iżgħar entitajiet).”;

“(i)

il-pubblikazzjoni ta’ inventarju tal-assi li huma proprjetà tal-istat, inklużi ishma f’intrapriżi kwotati u f’dawk li mhumiex u proprjetà immobbli u art kummerċjalment vijabbli u stima tal-valur ta’ dawn l-assi. l-istabbiliemnt ta’ Segretarjat Ġenerali għall-Proprjetà Immobbli sabiex jitjiebu l-koordinament u t-tħaffif tal-programm għall-privatizzazzjoni u l-ġestjoni tal-assi. Abbażi ta’ dan l-inventarju, se jiġu riveduti u mħaffa l-pjanijiet għall-privatizzazzjoni.”;

“(f)

l-iżvilupp ulterjur tal-inventarju tal-assi tal-proprjetà immobbli kummerċjali tal-istat (li għandu jiġi ppubblikat sa Ġunju 2011); l-elaborazzjoni ta’ pjan għaż-żmien medju biex tal-istat jiddivesti ruħu mill-assi; ir-reviżjoni tad-dħul mill-privatizzazzjoni ppjanat għas-snin 2011-13 u l-estensjoni tal-pjan sal-aħħar tal-2015.”;