|
10.3.2022 |
GA |
Iris Oifigiúil an Aontais Eorpaigh |
C 114/10 |
Réamhfhógra faoi chomhchruinniú
(Cás M.10632 – WATERLAND / DUVENBECK)
Cás a d’fhéadfaí a chur faoin nós imeachta simplithe
(Téacs atá ábhartha maidir le LEE)
(2022/C 114/07)
1.
An 2 Márta 2022 fuair an Coimisiún fógra maidir le comhchruinniú atá beartaithe de bhun Airteagal 4 de Rialachán (CE) Uimh. 139/2004 ón gComhairle (1).Baineann an fógra seo leis na gnóthais seo a leanas:
|
— |
Waterland Private Equity Investment B.V. (“Waterland”, an Ísiltír), |
|
— |
Duvenbeck Group (“Duvenbeck”), cuideachta atá á rialú ag Thomas Duvenbeck Holding GmbH faoi láthair (tá an dá chuideachta lonnaithe sa Ghearmáin). |
Faigheann Waterland rialú aonair ar Duvenbeck ina iomláine, de réir bhrí Airteagal 3(1)(b) den Rialachán um Chumaisc.
Baintear an comhchruinniú amach trí bhíthin ceannach scaireanna.
2.
Is iad seo a leanas gníomhaíochtaí gnó na ngnóthas lena mbaineann:|
— |
le haghaidh Waterland: Grúpa neamhspleách infheistíochta cothromais phríobháidigh atá dírithe ar sheachfhoinsiú & digitiú, fóillíocht & sóchas, inbhuanaitheacht agus aosú an daonra. Tá Waterland gníomhach san Eoraip go príomha, go háirithe in Benelux, sa Ghearmáin agus sa Ríocht Aontaithe. |
|
— |
le haghaidh Duvenbeck: Soláthraí lóistíochta a thairgeann lóistíocht tríú páirtí agus príomhsheirbhísí lóistíochta, lóistíocht ar conradh, seirbhísí seolta lasta agus cóimeáil éadrom. Tá Duvenbeck gníomhach sa Ghearmáin, san Ostair, sa Pholainn, i bPoblacht na Seice, sa tSlóvaic, san Ungáir, sa Rómáin agus sa Spáinn go príomha. |
3.
Tar éis réamhscrúdú a dhéanamh, is é cinneadh an Choimisiúin go bhféadfadh an t-idirbheart ar tugadh fógra ina leith a bheith faoi raon feidhme an Rialacháin um Chumaisc. Ach forchoimeádtar an cinneadh críochnaitheach maidir leis sin.De bhun an Fhógra ón gCoimisiún maidir le nós imeachta simplithe i dtaca le cóireáil comhchruinnithe áirithe faoi Rialachán (CE) Uimh. 139/2004 ón gComhairle (2), ba cheart a thabhairt faoi deara go bhféadfaí an cás seo a chur faoin nós imeachta a leagtar amach san Fhógra.
4.
Iarrann an Coimisiún ar thríú páirtithe leasmhara aon bharúlacha a bheadh acu maidir leis an oibríocht atá beartaithe a chur faoi bhráid an Choimisiúin.Ní mór na barúlacha a bheith faighte ag an gCoimisiún tráth nach déanaí ná 10 lá tar éis dháta foilsithe an fhoilseacháin seo. Ba cheart an tagairt seo a leanas a lua i gcónaí:
M.10632 – WATERLAND / DUVENBECK
Is féidir barúlacha a sheoladh chuig an gCoimisiún le ríomhphost, le facs nó tríd an bpost. Baintear úsáid as na sonraí teagmhála:
Ríomhphost: COMP-MERGER-REGISTRY@ec.europa.eu
Facs +32 22964301
Seoladh poist:
|
European Commission |
|
Directorate-General for Competition |
|
Merger Registry |
|
1049 Bruxelles/Brussel |
|
BELGIQUE/BELGIË |
(1) IO L 24, 29.1.2004, lch. 1 (an “Rialachán um Chumaisc”).