|
2.10.2020 |
GA |
Iris Oifigiúil an Aontais Eorpaigh |
L 320/9 |
CINNEADH (CBES) 2020/1385 ÓN gCOMHAIRLE
an 1 Deireadh Fómhair 2020
lena leasaítear Cinneadh (CBES) 2015/1333 maidir le bearta sriantacha i bhfianaise na staide sa Libia
TÁ COMHAIRLE AN AONTAIS EORPAIGH,
Ag féachaint don Chonradh ar an Aontas Eorpach, agus go háirithe Airteagal 29 de,
Ag féachaint don togra ó Ardionadaí an Aontais do Ghnóthaí Eachtracha agus don Bheartas Slándála,
De bharr an mhéid seo a leanas:
|
(1) |
An 31 Iúil 2015, ghlac an Chomhairle Cinneadh (CBES) 2015/1333 (1) maidir le bearta sriantacha i bhfianaise na staide sa Libia. |
|
(2) |
An 27 Márta 2020, ghlac an Chomhairle Cinneadh (CBES) 2020/458 (2). |
|
(3) |
Ba cheart na bearta sriantacha maidir le duine amháin a fhadú go ceann tréimhse bhreise 6 mhí agus na hiontrálacha maidir le beirt eile a scriosadh. |
|
(4) |
Da réir sin, ba cheart Cinneadh (CBES) 2015/1333 a leasú dá réir, |
TAR ÉIS AN CINNEADH SEO A GHLACADH:
Airteagal 1
Leasaítear Cinneadh (CBES) 2015/1333 mar a leanas:
|
(1) |
in Airteagal 17, cuirtear an méid seo a leanas in ionad mhíreanna 3 agus 4: “3. Beidh feidhm ag na bearta dá dtagraítear in Airteagal 8(2) maidir le hiontráil 15 in Iarscríbhinn II go dtí an 2 Aibreán 2021. 4. Beidh feidhm ag na bearta dá dtagraítear in Airteagal 9(2) maidir le hiontráil 20 in Iarscríbhinn IV go dtí an 2 Aibreán 2021.”; |
|
(2) |
Leasaítear Iarscríbhinní II agus IV i gcomhréir leis an Iarscríbhinn a ghabhann leis an gCinneadh seo. |
Airteagal 2
Tiocfaidh an Rialachán seo i bhfeidhm ar dháta a fhoilsithe in Iris Oifigiúil an Aontais Eorpaigh.
Arna dhéanamh sa Bhruiséil, 1 Deireadh Fómhair 2020.
Thar ceann na Comhairle
An tUachtarán
M. ROTH
(1) Cinneadh (CBES) 2015/1333 ón gComhairle an 31 Iúil 2015 maidir le bearta sriantacha i bhfianaise na staide sa Libia, agus lena n‐aisghairtear Cinneadh 2011/137/CBES (IO L 206, 1.8.2015, lch. 34).
(2) Cinneadh (CBES) 2020/458 ón gComhairle an 27 Márta 2020 lena leasaítear Cinneadh (CBES) 2015/1333 maidir le bearta sriantacha i bhfianaise na staide sa Libia (IO L 97, 30.3.2020, lch. 13).
IARSCRÍBHINN
Leasaítear Cinneadh (CBES) 2015/1333 mar a leanas:
|
(1) |
in Iarscríbhinn II (Liosta na ndaoine agus na n‐eintiteas dá dtagraítear in Airteagal 8(2)), scriostar iontráil 14 (maidir le SALEH ISSA GWAIDER, Agila) agus iontráil 16 (maidir le ABU SAHMAIN, Nuri) ón liosta a leagtar amach i gCuid A (Daoine); |
|
(2) |
in Iarscríbhinn IV (Liosta na ndaoine agus na n‐eintiteas dá dtagraítear in Airteagal 9(2)), scriostar iontráil 19 (maidir le SALEH ISSA GWAIDER, Agila) agus iontráil 21 (maidir le ABU SAHMAIN, Nuri) ón liosta a leagtar amach i gCuid A (Daoine). |