(1)

Skont l-Artikolu 3 tar-Regolament ta’ Implimentazzjoni tal-Kummissjoni (UE) 2017/39 (2), l-Istati Membri li jixtiequ jieħdu sehem fl-iskema ta’ għajnuna tal-Unjoni għall-provvista tal-frott u l-ħxejjex, tal-banana u tal-ħalib fl-istabbilimenti tal-edukazzjoni (“l-iskema tal-iskejjel”), iridu jressqu t-talba tagħhom lill-Kummissjoni, sal-31 ta’ Jannar ta’ kull sena, għall-għajnuna tal-Unjoni b’rabta mas-sena skolastika li jkun imiss, u jekk ikun applikabbli, jaġġornaw it-talba għall-għajnuna tal-Unjoni b’rabta mas-sena skolastika attwali.

(2)

Abbażi tal-informazzjoni nnotifikata mill-Istati Membri sal-31 ta’ Jannar 2023, id-Deċiżjoni ta’ Implimentazzjoni tal-Kummissjoni (UE) 2023/655 (3) stabbiliet l-allokazzjoni definittiva tal-għajnuna tal-Unjoni għall-frott u l-ħxejjex fl-iskejjel u għall-ħalib fl-iskejjel fost l-Istati Membri li jixtiequ jieħdu sehem fl-iskema tal-iskejjel għall-perjodu bejn l-1 ta’ Awwissu 2023 u l-31 ta’ Lulju 2024.

(3)

Fin-notifiki li ġew ippreżentati sal-31 ta’ Awwissu 2024 skont l-Artikolu 6 tar-Regolament ta’ Implimentazzjoni (UE) 2017/39, il-Portugall u r-Rumanija nnotifikaw it-trasferimenti bejn l-allokazzjoni definittiva għall-frott u l-ħxejjex fl-iskejjel u l-allokazzjoni definittiva għall-ħalib fl-iskejjel.

(4)

Għalhekk, jenħtieġ li d-Deċiżjoni ta’ Implimentazzjoni (UE) 2023/655 tiġi emendata kif xieraq.

(5)

Il-miżuri previsti f’din id-Deċiżjoni huma f’konformità mal-opinjoni tal-Kumitat għall-Organizzazzjoni Komuni tas-Swieq Agrikoli,