<!DOCTYPE html PUBLIC "yes" "xhtml1-strict.dtd">
<html xmlns="http://www.w3.org/1999/xhtml">
<!--GENDOC2XHTML # converter_version: 1.2.15-->
  <head>
    <title>2026-05-202605C121202406260-00-TRA-DOC-MT-CONCL-C-0626-24-202512881-07_00</title>
    <meta content="text/html; charset=utf-8" http-equiv="Content-Type"/>
    <meta content="true" name="ParExtraits_2021"/>
    <meta content="" name="Gendoc_DGTGeneratedDate"/>
    <meta content="0" name="MSIP_Label_6bd9ddd1-4d20-43f6-abfa-fc3c07406f94_ContentBits"/>
    <meta content="Commission Use" name="MSIP_Label_6bd9ddd1-4d20-43f6-abfa-fc3c07406f94_Name"/>
    <meta content="mt-MT" name="Gendoc_Lang"/>
    <meta content="" name="Gendoc_GenerationDate"/>
    <meta content="" name="IsFlattened"/>
    <meta content="1" name="NumProc"/>
    <meta content="Final" name="Gendoc_EditionType"/>
    <meta content="0001" name="Gendoc_CaseNumberSuite"/>
    <meta content="6/01/2026 14:14:08" name="Gendoc_LastVerificationDate"/>
    <meta content="" name="Gendoc_ProcedureNumber"/>
    <meta content="mt" name="Gendoc_LangCode"/>
    <meta content="CNC" name="TypeDoc"/>
    <meta content="7hQ7g797yOmtZNkaXpmyTROlWjy6eHjWBAW2z+GQbcDllf76SuA4t8XcLNHSEvLjzxOuOTynzF5XKb60Yef8FhFKbRQBvZmdzrIxZ7ubaNCZrYTMq+nh5YlxFawKtPLoNB0/UglCtTVEZbtAFCHFmcHRDIDXv1rtsLJlLjZ9j04=" name="GenDocUID"/>
    <meta content="P" name="TypeProc"/>
    <meta content="" name="CreateCustomParts"/>
    <meta content="OK" name="ReadyToPublish"/>
    <meta content="vellaka" name="Gendoc_User"/>
    <meta content="10, 3, 0, 1" name="MSIP_Label_6bd9ddd1-4d20-43f6-abfa-fc3c07406f94_Tag"/>
    <meta content="" name="EP_Mode"/>
    <meta content="" name="Gendoc_DGTGenerated"/>
    <meta content="" name="Gendoc_Vademecum"/>
    <meta content="true" name="MSIP_Label_6bd9ddd1-4d20-43f6-abfa-fc3c07406f94_Enabled"/>
    <meta content="2b033f59-0cdb-4989-bc12-8efc26e53e45" name="MSIP_Label_6bd9ddd1-4d20-43f6-abfa-fc3c07406f94_ActionId"/>
    <meta content="0626" name="NumeroOrdre"/>
    <meta content="2024" name="Annee"/>
    <meta content="P" name="Gendoc_ProcedureType"/>
    <meta content="" name="EP_Version"/>
    <meta content="MT" name="Langue"/>
    <meta content="vellaka" name="Gendoc_DGTGeneratedUser"/>
    <meta content="b24c8b06-522c-46fe-9080-70926f8dddb1" name="MSIP_Label_6bd9ddd1-4d20-43f6-abfa-fc3c07406f94_SiteId"/>
    <meta content="FAST_document_go_ok" name="Gendoc_LastVerificationStatus"/>
    <meta content="CNC_C" name="Gendoc_GendocTemplateType"/>
    <meta content="TRUE" name="WithoutAuthorBlockFlatP"/>
    <meta content="GenDoc 11-12-25 16:05:42" name="Created"/>
    <meta content="" name="Canevas3_Vademecum"/>
    <meta content="2025-12-23T12:23:22Z" name="MSIP_Label_6bd9ddd1-4d20-43f6-abfa-fc3c07406f94_SetDate"/>
    <meta content="TRUE" name="WithoutAuthorBlock"/>
    <meta content="" name="Gendoc_CaseYear"/>
    <meta content="false" name="Generation_In_Progress"/>
    <meta content="C" name="Juridiction"/>
    <meta content="a91017c3d0e44156ada06b0d383b3839" name="DocumentIdentifier"/>
    <meta content="0626" name="Gendoc_CaseNumber"/>
    <meta content="ImportedWithoutSource" name="SdlIdentifier"/>
    <meta content="RP" name="NatureAff"/>
    <meta content="RP" name="Gendoc_CaseNature"/>
    <meta content="0001" name="NumSuite"/>
    <meta content="C" name="Gendoc_Juridiction"/>
    <meta content="Standard" name="MSIP_Label_6bd9ddd1-4d20-43f6-abfa-fc3c07406f94_Method"/>
  </head>
  <body>
    <div style="header">
      <div id="rId24" style="first"/>
      <div id="rId20" style="even">Konklużjonijiet Biondi – Kawża C‑626/24</div>
      <div id="rId21" style="default">PRAGON</div>
    </div>
    <p class="C36Centre" id="para-1" title="page-1">
      KONKLUŻJONIJIET TAL-AVUKAT ĠENERALI
    </p>
    <p class="C36Centre" id="para-2" title="page-1">
      BIONDI
    </p>
    <p class="C36Centre" id="para-3" title="page-1">
      ippreżentati fit‑18 ta’ Diċembru 2025  (<span class="note footnote notemarker">
<a id="c-1" href="#t-1">1</a>
</span>)
      
    </p>
    <p class="C38Centregrasgrandespacement" id="para-4" title="page-1">
      Kawża C‑626/24
    </p>
    <p class="C37Centregras" id="para-5" title="page-1">
      PRAGON s.r.o.
    </p>
    <p class="C37Centregras" id="para-6" title="page-1">
      vs
    </p>
    <p class="C37Centregras" id="para-7" title="page-1">
      Státní zemědělská a potravinářská inspekce, Inspektorát v Praze
    </p>
    <p class="C39Centreespacement" id="para-8" title="page-1">
      (talba għal deċiżjoni preliminari mressqa min-Nejvyšší správní soud (il‑Qorti Amministrattiva Suprema, ir-Repubblika Ċeka))
    </p>
    <p class="C71Indicateur" id="para-9" title="page-1">
      “Rinviju għal deċiżjoni preliminari – Moviment liberu tal-merkanzija – Projbizzjoni ta’ restrizzjonijiet kwantitattivi u miżuri li għandhom effett ekwivalenti – Artikoli 34 u 36 TFUE – Armonizzazzjoni eżawrjenti – Kontrolli uffiċjali tal-għalf u tal-prodotti tal-ikel – Regolament (UE) 2017/625 – Artikolu 9(7) – Leġiżlazzjoni nazzjonali li tipprevedi obbligu ta’ komunikazzjoni minn qabel ta’ importazzjoni ta’ supplimenti tal-ikel minn Stati Membri oħra”
    </p>
    <p class="C02AlineaAltA" id="para-10" title="page-2">
      
        <br/>
      
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">1.</p>
</td>
<td valign="top">
<p class="normal">Is-suq tas-supplimenti tal-ikel qiegħed kulma jmur jikber. Fl-Ewropa, dan kien jirrappreżenta 26.6 biljun dollaru Amerikan (USD) fl‑2024 u l-projezzjonijiet għall-għaxar snin li ġejjin imorru fid-direzzjoni ta’ żieda kostanti  (<span class="note footnote notemarker">
<a id="c-2" href="#t-2">2</a>
</span>). Peress li ma humiex suġġetti għal preskrizzjoni medika, is-supplimenti tal-ikel invadew il-ħajja ta’ kuljum taċ-ċittadini tal-Unjoni Ewropea. U huwa preċiżament għaliex l-aċċess għalihom huwa tant faċli u għaliex ma humiex meqjusa perikolużi li kellha tiġi organizzata s-sorveljanza stretta tagħhom. Għalkemm il-leġiżlatur tal-Unjoni ddefinixxa l-qafas leġiżlattiv, huwa bbaża ruħu ħafna fuq l-istanzi nazzjonali sabiex jiżgura l-implimentazzjoni tiegħu.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">2.</p>
</td>
<td valign="top">
<p class="normal">Din il-kawża tirrigwarda leġiżlazzjoni Ċeka li timponi fuq l-operatur destinatarju ta’ supplimenti tal-ikel li joriġinaw minn Stat Membru ieħor obbligu ġenerali ta’ komunikazzjoni minn qabel lill-awtoritajiet kompetenti. Din il-komunikazzjoni għandha ssir mill-inqas 24 siegħa qabel il-wasla tal-prodotti fil-post tad-destinazzjoni u għandha tinkludi l-informazzjoni neċessarja għall-analiżi tar-riskji u għall-ippjanar tal-kontrolli uffiċjali tal-imsemmija supplimenti. B’dan il-mod, l-awtoritajiet Ċeki jaħsbu li jiżguraw l-innokwità tas-supplimenti preżenti fit-territorju, iżda tali obbligu jqajjem xi dubji dwar il-konformità tiegħu mad-dritt tal-Unjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">I.</p>
</td>
<td valign="top">
<p class="normal">Il-kawża prinċipali, id-domanda preliminari u l-proċedura quddiem il-Qorti tal-Ġustizzja</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">3.</p>
</td>
<td valign="top">
<p class="normal">PRAGON s.r.o. (iktar ’il quddiem “PRAGON”) hija kumpannija Ċeka li timporta supplimenti tal-ikel u tikkummerċjalizzahom fi ħwienet fiżiċi kif ukoll online.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">4.</p>
</td>
<td valign="top">
<p class="normal">Fis‑7 ta’ Ġunju 2021, l-iStátní zemědělská a potravinářská inspekce, Inspektorát v Praze (l-Awtorità Nazzjonali ta’ Kontroll Agroalimentari, l-Ispettorat ta’ Praga, ir-Repubblika Ċeka) wettaq kontroll sabiex jivverifika l-osservanza tal-obbligi previsti mill-vyhláška č. 172/2015 Sb., o informační povinnosti příjemce potravin v místě určení (id-Digriet Nru 172/2015 dwar l-Obbligu ta’ Informazzjoni tad-Destinatarju ta’ Prodotti tal-Ikel fil-Post tad-Destinazzjoni, iktar ’il quddiem id-“Digriet Nru 172/2015”)  (<span class="note footnote notemarker">
<a id="c-3" href="#t-3">3</a>
</span>). Dan id-digriet jimplimenta ż-zákon č. 110/1997 Sb., o potravinách a tabákových výrobcích (il-Liġi Nru 110/1997 dwar il-Prodotti tal-Ikel u l-Prodotti tat-Tabakk. iktar ’il quddiem il-“Liġi dwar il-Prodotti tal-Ikel”)  (<span class="note footnote notemarker">
<a id="c-4" href="#t-4">4</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">5.</p>
</td>
<td valign="top">
<p class="normal">Mill-qafas ġuridiku nazzjonali  (<span class="note footnote notemarker">
<a id="c-5" href="#t-5">5</a>
</span>) jirriżulta li kull wasla, fit-territorju tar-Repubblika Ċeka, tal-prodotti tal-ikel koperti mid-Digriet Nru  (<span class="note footnote notemarker">
<a id="c-6" href="#t-6">6</a>
</span>) li joriġinaw minn Stat Membru ieħor jew minn pajjiż terz għandha tkun is-suġġett ta’ komunikazzjoni minn qabel permezz tas-sistema ta’ informazzjoni tal-Awtorità Nazzjonali ta’ Kontroll Agroalimentari mill-inqas 24 siegħa qabel il-wasla tal-prodotti tal-ikel fil-post tad-destinazzjoni  (<span class="note footnote notemarker">
<a id="c-7" href="#t-7">7</a>
</span>). Kull destinatarju ta’ prodotti tal-ikel koperti mid-Digriet huwa obbligat jipprovdi l-informazzjoni li ġejja: it-tip ta’ prodotti tal-ikel, il-kwantità, l-oriġini, id-destinatarju kif ukoll id-data tal-wasla fil-post tad-destinazzjoni  (<span class="note footnote notemarker">
<a id="c-8" href="#t-8">8</a>
</span>). Is-supplimenti tal-ikel jagħmlu parti mill-prodotti tal-ikel koperti mid-Digriet Nru 172/2015  (<span class="note footnote notemarker">
<a id="c-9" href="#t-9">9</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">6.</p>
</td>
<td valign="top">
<p class="normal">PRAGON ippreżentat rikors quddiem il-Městský soud v Praze (il-Qorti Muniċipali ta’ Praga, ir-Repubblika Ċeka) sabiex tikkontesta l-kontroll imwettaq fis‑7 ta’ Ġunju 2021. Fis‑6 ta’ Ottubru 2022, il-Qorti Muniċipali ta’ Praga ċaħdet ir-rikors. Għalhekk PRAGON ippreżentat appell ta’ kassazzjoni quddiem in-Nejvyšší správní soud (il-Qorti Amministrattiva Suprema, ir-Repubblika Ċeka), li, permezz ta’ sentenza tal‑10 ta’ Mejju 2023, annullat is-sentenza tal-Qorti Muniċipali ta’ Praga u bagħtet lura l-kawża quddiem din tal-aħħar sabiex teżamina, b’mod partikolari, il-kompatibbiltà tad-Digriet Nru 172/2015 mad-dritt tal-Unjoni. Fit‑12 ta’ Ottubru 2023, il-Qorti Muniċipali ta’ Praga ddeċidiet li l-obbligu ta’ komunikazzjoni minn qabel kien konformi mal-Artikolu 9(7) tar-Regolament (UE) 2017/625  (<span class="note footnote notemarker">
<a id="c-10" href="#t-10">10</a>
</span>) u, konsegwentement, ċaħdet mill-ġdid ir-rikors ta’ PRAGON.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">7.</p>
</td>
<td valign="top">
<p class="normal">Għalhekk din tal-aħħar ippreżentat it-tieni appell quddiem il-qorti tar-rinviju li quddiemha hija ssostni, essenzjalment, li l-obbligu ta’ komunikazzjoni previst mid-Digriet Nru 172/2015 jimplika li l-merkanzija tista’ tiġi kkunsinnata fir-Repubblika Ċeka biss mill-inqas 24 siegħa wara li tiġi ordnata u li dan huwa ostakolu mhux tariffarju li jikser id-dritt tal-Unjoni. Barra minn hekk, PRAGON issostni li l-prodotti tal-ikel li jinsabu barra mit-territorju Ċek huma s-suġġett ta’ trattament diskriminatorju meta mqabbel ma’ dak li jingħata lill-merkanzija li diġà tinsab f’dan it-territorju u li ma hijiex suġġetta għal obbligu ta’ komunikazzjoni minn qabel u għalhekk tista’ tiġi kkummerċjalizzata immedjatament. PRAGON issostni li d-Digriet Nru 172/2015 jikser b’mod manifest il-moviment liberu tal-merkanzija.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">8.</p>
</td>
<td valign="top">
<p class="normal">Min-naħa tagħha, il-qorti tar-rinviju tistaqsi jekk l-obbligu li kull wasla li toriġina minn Stat Membru ieħor tal-prodotti tal-ikel koperti mid-Digriet Nru 172/2015 tiġi kkomunikata 24 siegħa bil-quddiem lill-awtorità ta’ kontroll huwiex kompatibbli mad-dritt tal-Unjoni meta kunsinna nazzjonali ta’ prodotti tal-ikel tal-istess kategorija ta’ riskju ma taqax taħt tali obbligu. Barra minn hekk, minn dan l-obbligu ta’ komunikazzjoni jirriżulta proċess iktar kumpless ta’ kunsinna li huwa wkoll iktar għali, ħaġa li tista’ tiddisswadi lill-operaturi tas-settur milli jikkummerċjalizzaw il-prodotti tal-ikel ikkonċernati fit-territorju Ċek. Għalhekk id-Digriet Nru 172/2015 jista’ jikkostitwixxi miżura li għandha effett ekwivalenti għal restrizzjoni kwantitattiva fis-sens tal-Artikolu 36 TFUE. Tali miżura tista’ madankollu tkun iġġustifikata taħt il-kundizzjonijiet previsti mid-dritt tal-Unjoni. L-Artikolu 9(7) tar-Regolament 2017/265 jeżiġi wkoll ċerta relazzjoni ta’ proporzjonalità. Issa, in-natura sistematika tal-obbligu ta’ komunikazzjoni jwassal lill-qorti tar-rinviju sabiex tiddubita min-natura proporzjonata tiegħu.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">9.</p>
</td>
<td valign="top">
<p class="normal">Il-mistoqsijiet tal-qorti tar-rinviju jirrigwardaw ukoll il-portata tal-obbligu ta’ informazzjoni. Hija tistaqsi jekk sitwazzjoni li fiha l-informazzjoni tiġi rikjesta fil-mument tal-wasla tal-merkanzija u tkun immirata lejn ir-riskji attwali tkunx iktar adatta għar-rekwiżiti tad-dritt tal-Unjoni u konformi magħhom.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">10.</p>
</td>
<td valign="top">
<p class="normal">Fl-aħħar nett, għalkemm il-qorti tar-rinviju tiddubita li l-obbligu sistematiku ta’ informazzjoni minn qabel previst mid-Digriet Nru 172/2015 huwa proporzjonat għat-twettiq tal-għan imfittex, hija tammetti li dawn id-dubji huma iktar u iktar evidenti f’dak li jirrigwarda l-kategorija partikolari tal-prodotti tal-ikel li jikkonsistu f’supplimenti tal-ikel li n-natura tagħhom hija kunsiderevolment differenti meta mqabbla mal-prodotti tal-ikel l-oħra koperti minn dan id-digriet. Il-qorti tar-rinviju tirrimarka li d-Digriet Nru 172/2015 ġie emendat fl-2024  (<span class="note footnote notemarker">
<a id="c-11" href="#t-11">11</a>
</span>). Il-lista tal-prodotti tal-ikel suġġetti għall-obbligu ta’ komunikazzjoni minn qabel tnaqqset għal ħames prodotti tal-ikel li fosthom għadhom inklużi s-supplimenti tal-ikel minħabba r-riskju ta’ eventwali preżenza ta’ sustanzi anaboliċi, ta’ prodotti farmaċewtiċi, ta’ ormoni u ta’ kontaminanti perikolużi oħra bħalma huma l-metalli tqal jew l-idrokarbonji aromatiċi  (<span class="note footnote notemarker">
<a id="c-12" href="#t-12">12</a>
</span>). Madankollu, il-qorti tar-rinviju tistaqsi jekk dan huwiex suffiċjenti sabiex tiġi ġġustifikata l-preżenza tagħhom fil-lista tal-prodotti tal-ikel li għalihom japplika l-obbligu ta’ komunikazzjoni u ta’ informazzjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">11.</p>
</td>
<td valign="top">
<p class="normal">F’dawn iċ-ċirkustanzi, in-Nejvyšší správní soud (il-Qorti Amministrattiva Suprema, ir-Repubblika Ċeka) iddeċidiet li tissospendi l-proċeduri quddiemha u, permezz ta’ deċiżjoni li waslet fir-Reġistru tal-Qorti tal-Ġustizzja fl‑24 ta’ Settembru 2024, li tagħmel id-domanda preliminari li ġejja lill-Qorti tal-Ġustizzja:</p>
</td>
</tr>
</table>
    <p class="C02AlineaAltA" id="para-23" title="page-6">
      “L-Artikolu 34 TFUE, fid-dawl tal-Artikolu 36 TFUE u tal-Artikolu 9(7) tar-[Regolament 2017/625], jipprekludi leġiżlazzjoni ta’ Stat Membru li timponi fuq id-destinatarju ta’ supplimenti tal-ikel li joriġinaw minn Stat Membru ieħor obbligu ġenerali li jikkomunika mill-inqas 24 siegħa bil-quddiem il-wasla tagħhom fil-post tad-destinazzjoni u li jipprovdi l-informazzjoni neċessarja għall-analiżi tar-riskji u għall-ippjanar tal-kontrolli uffiċċjali?”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">12.</p>
</td>
<td valign="top">
<p class="normal">Ġew ippreżentati osservazzjonijiet bil-miktub minn PRAGON, mill-Gvern Ċek u mill-Kummissjoni Ewropea, li s-sottomissjonijiet orali tagħhom instemgħu wkoll waqt is-seduta li nżammet quddiem il-Qorti tal-Ġustizzja fit‑18 ta’ Settembru 2025.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">II.</p>
</td>
<td valign="top">
<p class="normal">Analiżi</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">13.</p>
</td>
<td valign="top">
<p class="normal">Mil-leġiżlazzjoni Ċeka jirriżulta li, meta jimportaw fit-territorju Ċek ċertu numru ta’ prodotti tal-ikel li minnhom jagħmlu parti s-supplimenti tal-ikel, l-operaturi ekonomiċi huma obbligati jinformaw lill-Awtorità Nazzjonali ta’ Kontroll Agroalimentari mill-inqas 24 siegħa qabel il-wasla tal-imsemmija prodotti tal-ikel fil-post tad-destinazzjoni bl-imminenza ta’ din il-wasla  (<span class="note footnote notemarker">
<a id="c-13" href="#t-13">13</a>
</span>). Id-destinatarju ta’ prodotti tal-ikel li joriġinaw minn Stat Membru ieħor jew minn pajjiż terz għandu jispeċifika lil din l-awtorità t-tip ta’ prodotti tal-ikel ikkonċernati; il-kwantità kkunsinnata; l-Istat Membru jew il-pajjiż terz ta’ oriġini kif ukoll l-isem u l-indirizz tal-kunsinnatur; l-isem, l-indirizz u n-numru ta’ identifikazzjoni tad-destinatarju tal-prodotti tal-ikel importati u; fl-aħħar nett, id-data tal-wasla fil-post tad-destinazzjoni. Din l-informazzjoni għandha tiġi pprovduta permezz ta’ formola li għandha timtela online  (<span class="note footnote notemarker">
<a id="c-14" href="#t-14">14</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">14.</p>
</td>
<td valign="top">
<p class="normal">PRAGON, bħala kumpannija li timporta supplimenti tal-ikel, hija għalhekk suġġetta għall-obbligu li tikkomunika sistematikament kull wasla ta’ supplimenti tal-ikel li joriġinaw minn Stati Membri oħra. Hija indikat fis-sottomissjonijiet bil-miktub tagħha, mingħajr ma ġiet kontradetta mill-Gvern Ċek, li wettqet 142 komunikazzjoni mill‑21 ta’ Settembru 2016.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">15.</p>
</td>
<td valign="top">
<p class="normal">Permezz tad-domanda preliminari unika tagħha, il-qorti tar-rinviju, adita għat-tieni darba fil-kuntest tal-istess tilwima nazzjonali, tistaqsi lill-Qorti tal-Ġustizzja dwar il-kompatibbiltà tal-leġiżlazzjoni Ċeka, kif għadni kemm iddeskrivejt, mad-dritt tal-Unjoni. Peress li dik il-qorti ssemmi, f’din id-domanda, kemm id-dispożizzjonijiet tad-dritt primarju kif ukoll ir-Regolament 2017/625, huwa neċessarju li jiġi ddefinit il-qafas ta’ analiżi sabiex tiġi ddeterminata r-regola tad-dritt tal-Unjoni li fid-dawl tagħha ser ikollha tiġi eżaminata l-leġiżlazzjoni Ċeka.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">A.</p>
</td>
<td valign="top">
<p class="normal">Determinazzjoni tal-qafas ta’ analiżi</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">16.</p>
</td>
<td valign="top">
<p class="normal">Preliminarjament, għandu jiġi rrilevat li, skont ġurisprudenza stabbilita, meta qasam kien is-suġġett ta’ armonizzazzjoni eżawrjenti fuq il-livell tal-Unjoni Ewropea, kull miżura nazzjonali relatata miegħu għandha tiġi evalwata fid-dawl tad-dispożizzjonijiet ta’ dik il-miżura ta’ armonizzazzjoni u mhux f’dak tad-dritt primarju  (<span class="note footnote notemarker">
<a id="c-15" href="#t-15">15</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">17.</p>
</td>
<td valign="top">
<p class="normal">L-istess bħall-Gvern Ċek u l-Kummissjoni, jidhirli li d-dispożizzjonijiet tad-dritt primarju invokati – jiġifieri l-Artikoli 34 u 36 TFUE – ma jikkostitwixxux il-qafas ta’ analiżi sabiex tingħata risposta għad-domanda preliminari magħmula lill-Qorti tal-Ġustizzja.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">18.</p>
</td>
<td valign="top">
<p class="normal">Fil-fatt, f’dak li jirrigwarda l-kontrolli uffiċjali intiżi li jiggarantixxu l-osservanza tal-leġiżlazzjoni tal-Unjoni dwar l-ikel  (<span class="note footnote notemarker">
<a id="c-16" href="#t-16">16</a>
</span>), dan huwa qasam li kien is-suġġett ta’ armonizzazzjoni permezz tar-Regolament 2017/625.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">19.</p>
</td>
<td valign="top">
<p class="normal">Il-premessa 3 ta’ dan ir-regolament tfakkar li “[i]l-leġislazzjoni tal-Unjoni tipprevedi sett ta’ regoli armonizzati li jiżguraw li l-ikel […] ikun[…] sikur[…] u bni[n], u li l-attivitajiet li jista’ jkollhom impatt fuq is-sikurezza tal-katina agroalimentari […] jitwettqu f’konformità ma’ rekwiżiti speċifiċi”. Iktar ’il quddiem, il-leġiżlatur tal-Unjoni jfakkar li “[i]r-responsabbiltà għall-infurzar tal-leġislazzjoni tal-Unjoni dwar il-katina agroalimentari tinsab f’idejn l-Istati Membri, li l-awtoritajiet kompetenti tagħhom jimmonitorjaw u jivverifikaw, billi jorganizzaw kontrolli uffiċjali, li r-rekwiżiti rilevanti tal-Unjoni jkunu rispettati u infurzati b’mod effettiv”  (<span class="note footnote notemarker">
<a id="c-17" href="#t-17">17</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">20.</p>
</td>
<td valign="top">
<p class="normal">Barra minn hekk, mill-premessa 16 tar-Regolament 2017/625 jirriżulta li dan tal-aħħar iħassar u jissostitwixxi r-Regolament (KE) Nru 882/2004  (<span class="note footnote notemarker">
<a id="c-18" href="#t-18">18</a>
</span>), li kien “stabbilixxa qafas leġislattiv waħdieni għall-organizzazzjoni ta’ kontrolli uffiċjali” u “pprovda […] qafas legali konsolidat li jappoġġa approċċ integrat għat-twettiq ta’ kontrolli uffiċjali tul il-katina agroalimentari”. Ir-Regolament 2017/625 għandu l-għan li “il-qafas leġislattiv ġenerali jiġi razzjonalizzat u simplifikat, [billi jintegra] r-regoli applikabbli għall-kontrolli uffiċjali f’oqsma speċifiċi jiġu integrati f’qafas leġislattiv waħdieni għall-kontrolli”  (<span class="note footnote notemarker">
<a id="c-19" href="#t-19">19</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">21.</p>
</td>
<td valign="top">
<p class="normal">Għalhekk jirriżulta mir-rieda espliċita tal-leġiżlatur tal-Unjoni li dan jixtieq “jistabbilixxi qafas armonizzat tal-Unjoni għall-organizzazzjoni ta’ kontrolli uffiċjali […] tul il-katina agroalimentari kollha”  (<span class="note footnote notemarker">
<a id="c-20" href="#t-20">20</a>
</span>) u “jiġi żgurat approċċ armonizzat fir-rigward ta’ kontrolli uffiċjali u attivitajiet uffiċjali oħra mwettqa bil-ħsieb li tiġi żgurata l-applikazzjoni tal-leġislazzjoni tal-Unjoni dwar il-katina agroalimentari”  (<span class="note footnote notemarker">
<a id="c-21" href="#t-21">21</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">22.</p>
</td>
<td valign="top">
<p class="normal">Ir-Regolament 2017/625 jistabbilixxi, skont l-Artikolu 1(1)(a) tiegħu, regoli għat-twettiq tal-kontrolli uffiċjali u japplika “għall-kontrolli uffiċjali mwettqa biex tiġi vverifikata l-konformità mar-regoli […] bil-fini li tiġi applikata l-leġislazzjoni tal-Unjoni f’oqsma ta’ […] l-ikel u s-sikurezza tal-ikel”  (<span class="note footnote notemarker">
<a id="c-22" href="#t-22">22</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">23.</p>
</td>
<td valign="top">
<p class="normal">L-Artikolu 2(1)(a) tar-Regolament 2017/625 jiddefinixxi l-kontrolli uffiċjali bħala “attivitajiet imwettqa mill-awtoritajiet kompetenti […] sabiex jivverifikaw [li jkun hemm] konformità min-naħa tal-operaturi ma’ dan ir-Regolament u mar-regoli msemmija fl-Artikolu 1(2)”.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">24.</p>
</td>
<td valign="top">
<p class="normal">L-Artikolu 3 tar-Regolament 2017/625 jirreferi għall-Artikolu 2 tar-Regolament (KE) Nru 178/2002 għad-definizzjoni tal-prodotti tal-ikel, li għalhekk għandha tfisser “kull sustanza jew prodott, sew jekk ipproċessat, parzjalment ipproċessat jew mhux ipproċessat, maħsub li jkun, jew raġonevolment mistenni li jittiekel mill-bniedem”.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">25.</p>
</td>
<td valign="top">
<p class="normal">Min-naħa tagħha, l-appartenenza tas-supplimenti tal-ikel għall-kategorija tal-prodotti tal-ikel hija ddeterminata mid-Direttiva 2002/46/KE tal-Parlament Ewropew u tal-Kunsill tal‑10 ta’ Ġunju 2022 dwar l-approssimazzjoni tal-liġijiet tal-Istati Membri dwar is-supplimenti ta’ l-ikel  (<span class="note footnote notemarker">
<a id="c-23" href="#t-23">23</a>
</span>) minn fejn jirriżulta li dawn tal-aħħar huma “oġġetti ta’ l-ikel li l-għan tagħhom huwa li jissupplementaw id-dieta normali u [li jikkostitwixxu] l- fonti kkonċentrati ta’ nutrijenti jew sustanzi oħrajn b’effett nutrizzjonali jew fiżjoloġiku, waħedhom jew f’għaqdiet, mibjugħa b’dożi, jiġifieri forom, bħala kapsuli, pastillji, pirmli, pilloli u forom oħra bħalhom, borżetti tat-terra, ampulli ta’ likwidi, flixkien tal-qtar, u forom oħra ta’ likwidi u trabijiet, intiżi li jkunu meħudin fi kwantitajiet ta’ miżura żgħira”  (<span class="note footnote notemarker">
<a id="c-24" href="#t-24">24</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">26.</p>
</td>
<td valign="top">
<p class="normal">Mill-kunsiderazzjonijiet preċedenti jirriżulta li d-dritt tal-Unjoni u, b’mod partikolari, ir-Regolament 2017/625 wettqu armonizzazzjoni eżawrjenti tar-regoli applikabbli għall-kontrolli uffiċjali tal-prodotti tal-ikel, fosthom is-supplimenti tal-ikel.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">27.</p>
</td>
<td valign="top">
<p class="normal">Ir-rekwiżit ta’ komunikazzjoni minn qabel mal-wasla tas-supplimenti tal-ikel li joriġinaw minn Stat Membru tal-Unjoni fit-territorju Ċek jikkostitwixxi wieħed mill-modalitajiet tal-kontrolli uffiċjali fis-sens tar-Regolament 2017/625 u ġie adottat, kif fakkar il-Gvern Ċek, għall-finijiet tal-analiżi tar-riskji skont ir-Regolament Nru 178/2002.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">28.</p>
</td>
<td valign="top">
<p class="normal">Peress li jaqa’ fil-qasam irregolat mid-dispożizzjonijiet ta’ armonizzazzjoni tar-Regolament 2017/625, ir-rekwiżit ta’ komunikazzjoni minn qabel għandu jiġi evalwat fid-dawl tad-dispożizzjonijiet ta’ dan tal-aħħar u, b’mod partikolari, tal-Artikolu 9(7) tiegħu.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">B.</p>
</td>
<td valign="top">
<p class="normal">Fuq it-tifsira u l-portata tal-Artikolu 9(7) tar-Regolament 2017/625</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">29.</p>
</td>
<td valign="top">
<p class="normal">Għall-finijiet tal-interpretazzjoni ta’ dispożizzjoni tad-dritt tal-Unjoni, l-approċċ analitiku jimponi tradizzjonalment li wieħed jibda bl-eżami tal-kliem  (<span class="note footnote notemarker">
<a id="c-25" href="#t-25">25</a>
</span>). Infakkar li l-Artikolu 9(7) tar-Regolament 2017/625 jipprovdi li, “[s]afejn strettament meħtieġ għall-organizzazzjoni tal-kontrolli uffiċjali”, l-Istati Membri jistgħu jeżiġu li l-operaturi jirrapportaw il-wasla fit-territorju tagħhom ta’ oġġetti li joriġinaw minn Stat Membru ieħor. Mill-qari ta’ din id-dispożizzjoni jista’ jiġi dedott li r-Regolament 2017/625 huwa bbażat fuq il-prinċipju li tali wasla ma tagħtix lok għal informazzjoni minn qabel lill-awtoritajiet kompetenti u li huwa biss b’mod eċċezzjonali li l-Istati Membri jistgħu jipprevedu dan. L-Istati Membri li jixtiequ jagħmlu użu minn din il-possibbiltà huma obbligati jibbażaw il-prassi tagħhom fuq rekwiżiti li jirriżultaw mill-organizzazzjoni tal-kontrolli uffiċjali, u huwa biss sa fejn huwa strettament neċessarju għal din l-organizzazzjoni li l-irrapportar minn qabel tal-wasla tal-prodotti tal-ikel jista’ jiġi aċċettat. Bħala miżura li tidderoga mill-moviment liberu tal-prodotti tal-ikel fit-territorju tal-Unjoni, l-Artikolu 9(7) tar-Regolament 2017/625 għandu jiġi interpretat strettament.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">30.</p>
</td>
<td valign="top">
<p class="normal">Barra minn hekk, mill-kuntest normattiv tal-Artikolu 9(7) tar-Regolament 2017/625 jirriżulta li dan tal-aħħar jaqa’ taħt l-artikolu ddedikat għar-regoli ġenerali applikabbli għall-kontrolli uffiċjali. L-awtoritajiet kompetenti għandhom iwettqu kontrolli uffiċjali fuq l-operaturi kollha – li għandhom ir-responsabbiltà primarja għas-sigurtà tal-prodotti tal-ikel  (<span class="note footnote notemarker">
<a id="c-26" href="#t-26">26</a>
</span>) u li huma obbligati jikkooperaw għat-twettiq tal-kontrolli uffiċjali  (<span class="note footnote notemarker">
<a id="c-27" href="#t-27">27</a>
</span>) – fuq bażi regolari, skont ir-riskji  (<span class="note footnote notemarker">
<a id="c-28" href="#t-28">28</a>
</span>) u bi frekwenza adegwata filwaqt li jittieħdu inkunsiderazzjoni r-riskji identifikati, kwalunkwe informazzjoni li tindika l-possibbiltà li l-konsumatur jista’ jitqarraq, il-fatti preċedenti tal-operaturi, l-affidabbiltà u r-riżultati tal-awtokontrolli mwettqa mill-operaturi jew kwalunkwe informazzjoni li tagħti x’jifhem li seta’ twettaq ksur tal-leġiżlazzjoni tal-Unjoni dwar l-ikel  (<span class="note footnote notemarker">
<a id="c-29" href="#t-29">29</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">31.</p>
</td>
<td valign="top">
<p class="normal">Il-kontrolli għandhom jitwettqu fi “kwalunkwe stadju tal-produzzjoni l-ipproċessar, id-distribuzzjoni u l-użu [tal-oġġetti]”  (<span class="note footnote notemarker">
<a id="c-30" href="#t-30">30</a>
</span>) u għandhom jiġu adattati skont is-sitwazzjonijiet u, b’mod partikolari, skont jekk il-prodotti tal-ikel jinsabux diġà fit-territorju tal-Unjoni jew ikunux deħlin f’dan it-territorju  (<span class="note footnote notemarker">
<a id="c-31" href="#t-31">31</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">32.</p>
</td>
<td valign="top">
<p class="normal">Barra minn hekk, l-interpretazzjoni tal-Artikolu 9(7) tar-Regolament 2017/625 għandha tiġi kkompletata b’mod utli mill-qari tal-premessa 37 ta’ dan ir-regolament li tagħmel riferiment għall-preżenza ta’ “ċirkostanzi eċċezzjonali” sabiex tiġi kkunsidrata l-possibbiltà li l-Istati Membri jeżiġu informazzjoni minn qabel tal-wasla ta’ oġġetti li joriġinaw minn Stati Membri oħra. Dan jikkuntrasta nettament mal-komunikazzjoni minn qabel obbligatorja u sistematika li barra minn hekk hija prevista mill-imsemmi regolament għal ċerti kategoriji ta’ prodotti tal-ikel li jidħlu fl-Unjoni  (<span class="note footnote notemarker">
<a id="c-32" href="#t-32">32</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">33.</p>
</td>
<td valign="top">
<p class="normal">Barra minn hekk, il-premessa 34 tar-Regolament 2017/625 tistieden lill-awtoritajiet kompetenti “iqisu l-interessi [tal-operaturi] meta jorganizzaw u jwettqu l-attivitajiet ta’ kontroll uffiċjali, u […] jillimitaw tali piż għal dak li jkun meħtieġ għat-twettiq ta’ kontrolli uffiċjali effiċjenti u effettivi”.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">34.</p>
</td>
<td valign="top">
<p class="normal">Peress li l-kawża prinċipali tikkonċerna s-supplimenti tal-ikel, il-kuntest normattiv tal-Artikolu 9(7) tar-Regolament 2017/625 għandu jiġi estiż għad-Direttiva 2002/46 li minnha jirriżulta, minn naħa, li l-Istati Membri għandhom jiżguraw li s-supplimenti tal-ikel ikunu jistgħu jiġu kkummerċjalizzati fl-Unjoni biss jekk ikunu konformi mar-regoli previsti minn din id-direttiva  (<span class="note footnote notemarker">
<a id="c-33" href="#t-33">33</a>
</span>) u, min-naħa l-oħra, li l-Istati Membri jistgħu jeżiġu li l-manifattur jew il-persuna responsabbli għat-tqegħid fis-suq fit-territorju tagħhom jinformaw lill-awtorità kompetenti b’din il-kummerċjalizzazzjoni permezz tat-trażmissjoni tal-mudell tat-tikketta użata għall-prodott ikkonċernat  (<span class="note footnote notemarker">
<a id="c-34" href="#t-34">34</a>
</span>). F’dan ir-rigward, nirrileva li prodott tal-ikel li jkun konformi mar-rekwiżiti settorjali tal-Unjoni għandu jitqies li huwa sikur  (<span class="note footnote notemarker">
<a id="c-35" href="#t-35">35</a>
</span>), ħaġa li ma tipprekludix lill-awtoritajiet kompetenti milli jkunu jistgħu jieħdu miżuri xierqa sabiex jimponu restrizzjonijiet għat-tqegħid tiegħu fis-suq jew sabiex jeżiġu l-irtirar tiegħu biss “meta jkun hemm raġunijiet ta’ suspett, li minkejja dik il-konformità, dak l-ikel ma jkunx tajjeb”  (<span class="note footnote notemarker">
<a id="c-36" href="#t-36">36</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">35.</p>
</td>
<td valign="top">
<p class="normal">F’dak li jirrigwarda l-interpretazzjoni teleoloġika, ir-Regolament 2017/625 jirregola l-kontrolli uffiċjali li huma essenzjali sabiex tiġi ggarantita l-konformità tal-prodotti tal-ikel mal-leġiżlazzjoni applikabbli fi ħdan l-Unjoni u, b’mod partikolari, mar-regoli stabbiliti għall-protezzjoni tas-saħħa tal-bniedem  (<span class="note footnote notemarker">
<a id="c-37" href="#t-37">37</a>
</span>). Dan ir-regolament isegwi l-azzjoni tar-Regolament Nru 882/2004 li huwa jissostitwixxi u li kien “tejjeb b’mod sinifikanti l-effiċjenza tal-kontrolli uffiċjali, l-infurzar tal-leġislazzjoni tal-Unjoni dwar il-katina agroalimentari, u l-livell ta’ protezzjoni minn riskji għas-saħħa tal-bniedem, tal-annimali u tal-pjanti […]”  (<span class="note footnote notemarker">
<a id="c-38" href="#t-38">38</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">36.</p>
</td>
<td valign="top">
<p class="normal">Għandu wkoll jittieħed inkunsiderazzjoni l-fatt li r-Regolament 2017/625 ġie adottat abbażi tal-Artikolu 43(2), l-Artikolu 114 u l-Artikolu 168(4)(b) TFUE. Billi stabbilixxa l-Artikolu 9(7) ta’ dan ir-regolament, il-leġiżlatur tal-Unjoni kellu l-intenzjoni li jfittex bilanċ speċifiku bejn il-moviment liberu tal-prodotti tal-ikel u livell għoli ta’ protezzjoni tas-saħħa tal-bniedem u tal-annimali kif ukoll tal-ambjent  (<span class="note footnote notemarker">
<a id="c-39" href="#t-39">39</a>
</span>). Il-leġiżlatur tal-Unjoni żgura wkoll li jiggarantixxi livell għoli ta’ protezzjoni tal-konsumaturi u li jżomm il-fiduċja ta’ dawn tal-aħħar  (<span class="note footnote notemarker">
<a id="c-40" href="#t-40">40</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">37.</p>
</td>
<td valign="top">
<p class="normal">Mill-kunsiderazzjonijiet preċedenti jirriżulta li l-Artikolu 9(7) tar-Regolament 2017/625 jikkonkretizza, fid-dritt sekondarju, paradigma kostituzzjonali ekonomika tal-Unjoni. Għaldaqstant, dan għandu jiġi interpretat billi jittieħdu inkunsiderazzjoni l-elementi fundamentali li ġejjin: it-tfittxija ta’ livell għoli ta’ protezzjoni tas-saħħa tal-bniedem fil-kuntest ta’ suq intern li jiffunzjona; rekwiżit ta’ kontrolli effettivi filwaqt li l-operaturi jiġu ppreżervati minn piż amministrattiv eċċessiv u; fl-aħħar nett, qafas ġuridiku ddifferenzjat għal oġġetti li diġà jinsabu fit-territorju tal-Unjoni u li diġà huma suġġetti għal regoli settorjali.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">38.</p>
</td>
<td valign="top">
<p class="normal">Huwa fid-dawl ta’ dawn l-elementi fundamentali li issa għandha tiġi eżaminata l-leġiżlazzjoni inkwistjoni fil-kawża prinċipali  (<span class="note footnote notemarker">
<a id="c-41" href="#t-41">41</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">C.</p>
</td>
<td valign="top">
<p class="normal">Fuq il-kompatibbiltà tal-leġiżlazzjoni nazzjonali inkwistjoni fil-kawża prinċipali mal-Artikolu 9(7) tar-Regolament 2017/625</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">39.</p>
</td>
<td valign="top">
<p class="normal">Skont il-Gvern Ċek, l-awtoritajiet nazzjonali għandhom bżonn il-komunikazzjoni minn qabel u informazzjoni li takkumpanjaha sabiex jiżguraw l-effettività tal-kontrolli dwar l-osservanza tar-rekwiżiti tal-leġiżlazzjoni dwar l-ikel u, b’mod partikolari, tas-sigurtà tal-prodotti tal-ikel. Huwa essenzjali li jkunu jistgħu jiġu organizzati l-kontrolli direttament mill-ewwel ħolqa tal-katina ta’ distribuzzjoni fit-territorju tal-Istat Membru kkonċernat, peress li l-awtoritajiet kompetenti ma għandhomx informazzjoni minn qabel dwar dawn il-prodotti tal-ikel.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">40.</p>
</td>
<td valign="top">
<p class="normal">Qabelxejn, nenfasizza li huwa minnu li sistema ta’ komunikazzjoni minn qabel sistematika tippermetti li jiġu informati b’mod perfett l-awtoritajiet nazzjonali responsabbli għall-organizzazzjoni tal-kontrolli uffiċjali. Madankollu, tali sistema ma tiħux inkunsiderazzjoni, f’tali każ, l-għan l-ieħor li jfittex li jilħaq il-leġiżlatur tal-Unjoni u li jirrigwarda l-funzjonament tas-suq intern.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">41.</p>
</td>
<td valign="top">
<p class="normal">Barra minn hekk, id-Digriet Nru 172/2015 ma jiħux inkunsiderazzjoni l-oriġini tal-prodotti tal-ikel u jissuġġetta lill-operaturi għall-istess obbligu ta’ komunikazzjoni minn qabel, kemm jekk dawn ikunu prodotti tal-ikel li joriġinaw minn Stat Membru tal-Unjoni kemm jekk ikunu prodotti tal-ikel li joriġinaw minn pajjiżi terzi  (<span class="note footnote notemarker">
<a id="c-42" href="#t-42">42</a>
</span>). Din l-assenza ta’ distinzjoni skont l-oriġini tal-prodotti tal-ikel ma hijiex konformi mar-Regolament 2017/625  (<span class="note footnote notemarker">
<a id="c-43" href="#t-43">43</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">42.</p>
</td>
<td valign="top">
<p class="normal">Barra minn hekk, il-leġiżlazzjoni nazzjonali inkwistjoni fil-kawża prinċipali tidher li ma hijiex suffiċjentement immirata, kemm f’dak li jirrigwarda l-prodotti tal-ikel koperti minnha kif ukoll f’dak li jirrigwarda l-perikoli allegati u l-perijodu li matulu hija rikjesta l-komunikazzjoni minn qabel.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">43.</p>
</td>
<td valign="top">
<p class="normal">Fil-fatt, minn naħa, l-issuġġettar tas-supplimenti tal-ikel kollha għal dan ir-rekwiżit ma jidhirx li huwa “strettament meħtieġ” peress li għandu jkun possibbli li jiġu identifikati, fi ħdan dawn is-supplimenti, dawk li jeħtieġu iktar sorveljanza, u għalhekk kontrolli. Id-Direttiva 2002/46 tipprovdi, pereżempju, li “l-Istati Membri jistgħu, b’konformità mar-regoli tat-Trattat, ikomplu japplikaw ir-restrizzjoniet nazzjonali eżistenti jew il-projbizzjoniet fuq il-kummerċ fis-supplimenti ta’ l-ikel li jkollhom vitamini u minerali mhux inklużi fil-lista f’Anness I jew fil-forom mhux elenkati f’Anness II”  (<span class="note footnote notemarker">
<a id="c-44" href="#t-44">44</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">44.</p>
</td>
<td valign="top">
<p class="normal">Nosserva wkoll li mill-proċess ma jirriżultax li r-Repubblika Ċeka għamlet użu mill-possibbiltà offruta mid-Direttiva 2002/46 li teżiġi t-trażmissjoni tal-mudell ta’ tikketta sabiex tiffaċilita l-kontrolli  (<span class="note footnote notemarker">
<a id="c-45" href="#t-45">45</a>
</span>), li diġà tista’ tikkostitwixxi sors primarju ta’ informazzjoni għall-awtoritajiet. Fid-dawl ta’ din il-possibbiltà offruta mid-dritt tal-Unjoni, il-Gvern Ċek ma rnexxilux jistabbilixxi kif l-issuġġettar tas-supplimenti tal-ikel kollha għall-obbligu ta’ komunikazzjoni minn qabel mal-wasla tagħhom fit-territorju jirriżulta li huwa strettament neċessarju għat-twettiq tal-kontrolli uffiċjali  (<span class="note footnote notemarker">
<a id="c-46" href="#t-46">46</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">45.</p>
</td>
<td valign="top">
<p class="normal">Min-naħa l-oħra, f’dak li jirrigwarda r-riskji allegati, nirrileva wkoll li l-Gvern Ċek jibbaża ruħu fuq allegazzjonijiet eċċessivament ġenerali li s-supplimenti tal-ikel spiss jinkludu dożi ta’ prodotti kkonċentrati ferm u l-preżenza ta’ sustanzi anaboliċi, ta’ prodotti mediċinali, ta’ ormoni u ta’ prodotti pprojbiti oħra jew ta’ forom ipprojbiti oħra ta’ minerali, ta’ metalli, ta’ kontaminanti jew ta’ idrokarbonji aromatiċi.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">46.</p>
</td>
<td valign="top">
<p class="normal">Fl-aħħar nett, obbligu sistematiku ta’ komunikazzjoni minn qabel li jkopri, b’mod permanenti, kategorija sħiħa ta’ prodotti tal-ikel ma jidhirx li huwa konformi mal-ispirtu li wassal għall-adozzjoni tal-Artikolu 9(7) tar-Regolament 2017/625 peress li huwa preċiżament l-eżatt oppost ta’ miżura li hija “strettament meħtieġ[a]” għall-organizzazzjoni tal-kontrolli uffiċjali u peress li ma hija prevista ebda evalwazzjoni mill-ġdid tas-sitwazzjoni, skont skeda fissa u regolari.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">47.</p>
</td>
<td valign="top">
<p class="normal">Minbarra n-natura insuffiċjentement immirata tiegħu, huwa wkoll diffiċli li wieħed jikkonvinċi ruħu min-natura strettament neċessarja ta’ dan l-obbligu mill-qari tat-tabella ta’ statistiċi pprovduta minn PRAGON  (<span class="note footnote notemarker">
<a id="c-47" href="#t-47">47</a>
</span>). Minn din it-tabella jirriżulta li fl‑2015, ġew sottomessi 175 935 komunikazzjoni lill-awtoritajiet Ċeki għal 3 128 kontroll imwettqa. Fl‑2022, dawn l-istess awtoritajiet irċevew 280 202 komunikazzjoni għal 767 kontroll imwettqa. Bejn l‑2015 u l‑2022, in-numru ta’ komunikazzjonijiet żdied b’59 % filwaqt li, f’dan l-istess perijodu, il-kontrolli naqsu b’75 %  (<span class="note footnote notemarker">
<a id="c-48" href="#t-48">48</a>
</span>). Il-Gvern Ċek irrikonoxxa waqt is-seduta li kontroll jitwettaq biss f’0.5 % tal-importazzjonijiet ikkomunikati, filwaqt li spjega li t-terminu ta’ 24 siegħa qabel kien jippermetti lill-awtoritajiet janalizzaw ir-riskji u jiddeterminaw jekk kontroll huwiex neċessarju jew le abbażi tal-informazzjoni li takkumpanja l-komunikazzjoni. Jidhirli li l-Gvern Ċek għaldaqstant ammetta impliċitament l-isproporzjon manifest bejn in-numru ta’ komunikazzjonijiet li l-operaturi kellhom jissottomettu ruħhom għalihom għal snin sħaħ meta mqabbel man-numru ta’ kontrolli realment imwettqa.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">48.</p>
</td>
<td valign="top">
<p class="normal">Barra minn hekk, nammetti li ma jidhirlix li l-perikolożità allegata, kif imfakkra iktar ’il fuq  (<span class="note footnote notemarker">
<a id="c-49" href="#t-49">49</a>
</span>), hija tant ikkorroborata mill-konstatazzjoni li 0.5 % biss tal-komunikazzjonijiet wasslu lill-awtoritajiet Ċeki sabiex jiddeċiedu li jwettqu kontroll  (<span class="note footnote notemarker">
<a id="c-50" href="#t-50">50</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">49.</p>
</td>
<td valign="top">
<p class="normal">Għalhekk għandu jiġi konkluż li l-leġiżlazzjoni inkwistjoni fil-kawża prinċipali ma tosservax ir-relazzjoni stretta ta’ neċessità stabbilita mill-Artikolu 9(7) tar-Regolament 2017/625 li minnha jirriżulta mingħajr ambigwità li l-obbligu li jiġu rrapportati l-wasliet ta’ prodotti tal-ikel ma jistax ikun sistematiku u kontinwu, iżda għandu jkun ibbażat fuq ċirkustanzi partikolari u temporanji, biss sa fejn dan huwa indispensabbli għat-twettiq tal-kontrolli uffiċjali previsti minn dan ir-regolament  (<span class="note footnote notemarker">
<a id="c-51" href="#t-51">51</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">III.</p>
</td>
<td valign="top">
<p class="normal">Konklużjoni</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">50.</p>
</td>
<td valign="top">
<p class="normal">Għall-kunsiderazzjonijiet kollha preċedenti, nipproponi li l-Qorti tal-Ġustizzja tirrispondi kif ġej għad-domanda magħmula min-Nejvyšší správní soud (il-Qorti Amministrattiva Suprema, ir-Repubblika Ċeka):</p>
</td>
</tr>
</table>
    <p class="C02AlineaAltA" id="para-68" title="page-16">
      L-Artikolu 9(7) tar-Regolament (UE) 2017/625 tal-Parlament Ewropew u tal-Kunsill tal‑15 ta’ Marzu 2017 dwar il-kontrolli uffiċjali u attivitajiet uffiċjali oħra mwettqa biex jiżguraw l-applikazzjoni tal-liġi tal-ikel u tal-għalf, ta’ regoli dwar is-saħħa u t-trattament xieraq tal-annimali, dwar is-saħħa tal-pjanti u dwar prodotti għall-protezzjoni tal-pjanti li jemenda r-Regolamenti (KE) Nru 999/2001, (KE) Nru 396/2005, (KE) Nru 1069/2009, (KE) Nru 1107/2009, (UE) Nru 1151/2012, (UE) Nru 652/2014, (UE) 2016/429 u (UE) 2016/2031 tal-Parlament Ewropew u tal-Kunsill, ir-Regolamenti tal-Kunsill (KE) Nru 1/2005 u (KE) Nru 1099/2009 u d-Direttivi tal-Kunsill 98/58/KE, 1999/74/KE, 2007/43/KE, 2008/119/KE u 2008/120/KE, u li jħassar ir-Regolamenti (KE) Nru 854/2004 u (KE) Nru 882/2004 tal-Parlament Ewropew u tal-Kunsill, id-Direttivi tal-Kunsill 89/608/KEE, 89/662/KEE, 90/425/KEE, 91/496/KEE, 96/23/KE, 96/93/KE u 97/78/KE u d-Deċiżjoni tal-Kunsill 92/438/KEE (Regolament dwar il-Kontrolli Uffiċjali)
    </p>
    <p class="C02AlineaAltA" id="para-69" title="page-16">
      għandu jiġi interpretat fis-sens li
    </p>
    <p class="C02AlineaAltA" id="para-70" title="page-16">
      jipprekludi leġiżlazzjoni li tipprevedi obbligu, ġenerali u kontinwu, ta’ komunikazzjoni minn qabel sistematika tal-wasla fit-territorju nazzjonali ta’ kategorija sħiħa ta’ prodotti tal-ikel, bħas-supplimenti tal-ikel, li tkun akkumpanjata mill-obbligu li tiġi pprovduta l-informazzjoni meqjusa neċessarja għall-analiżi tar-riskji u għall-ippjanar tal-kontrolli uffiċjali.
    </p>
    <div/>
  <hr class="note"/>
<p class="note footnote">(<span class="note footnote notemarker">
<a id="t-1" href="#c-1">1</a>
</span>) Lingwa oriġinali: il-Franċiż.</p>
<p class="note footnote">(<span class="note footnote notemarker">
<a id="t-2" href="#c-2">2</a>
</span>) Ara https://www.towardsfnb.com/insights/europe-dietary-supplements-market.</p>
<p class="note footnote">(<span class="note footnote notemarker">
<a id="t-3" href="#c-3">3</a>
</span>) Mill-proċess li għandha l-Qorti tal-Ġustizzja għad-dispożizzjoni tagħha jirriżulta li dan huwa d-Digriet Nru 172/2015 fil-verżjoni tiegħu fis-seħħ sal‑31 ta’ Awwissu 2024, jiġifieri kif emendat bid-Digriet Nru 141/2017.</p>
<p class="note footnote">(<span class="note footnote notemarker">
<a id="t-4" href="#c-4">4</a>
</span>) L-Artikolu 3d(3) tal-Liġi dwar il-Prodotti tal-Ikel jipprovdi li “[l-]operatur tas-settur tal-ikel li, fil-post tad-destinazzjoni, jirċievi prodotti tal-ikel iddefiniti mil-leġiżlazzjoni ta’ implimentazzjoni li joriġinaw minn Stat Membru ieħor tal-Unjoni jew minn pajjiż terz, huwa obbligat jinforma lill-awtorità ta’ kontroll kompetenti skont l-Artikolu 16(4) jew (5) bil-wasla tagħhom skont il-leġiżlazzjoni ta’ implimentazzjoni li, abbażi tal-analiżi tar-riskji prevista fl-Artikolu 3 tar-Regolament (KE) Nru 178/2002 tal-Parlament Ewropew u tal-Kunsill [tat‑28 ta’ Jannar 2002 li jistabilixxi l-prinċipji ġenerali u l-ħtiġijiet tal-liġi dwar l-ikel, li jistabilixxi l-Awtorità Ewropea dwar is-Sigurtà fl-Ikel u jistabbilixxi l-proċeduri fi kwistjonijiet ta’ sigurtà ta’ l-ikel (ĠU Edizzjoni Speċjali bil-Malti, Kapitolu 15, Vol. 6, p. 463, iktar ’il quddiem ir-‘Regolament Nru 178/2002’)] għandha tiddetermina t-tip ta’ prodott tal-ikel, id-data, il-portata u l-modalitajiet tal-komunikazzjoni, sa fejn ikun neċessarju għall-organizzazzjoni tal-kontrolli uffiċjali”.</p>
<p class="note footnote">(<span class="note footnote notemarker">
<a id="t-5" href="#c-5">5</a>
</span>) L-Artikolu 1(1) tad-Digriet Nru 172/2015 jistabbilixxi li dan “jirregola l-portata tal-obbligi ta’ informazzjoni tal-operatur tas-settur tal-ikel fil-post tad-destinazzjoni […], skont il-leġiżlazzjoni tal-Unjoni direttament applikabbli”. L-Artikolu 1(3) ta’ dan id-digriet jispeċifika li l-imsemmi digriet “japplika biss meta l-post tad-destinazzjoni jkun il-post tal-ewwel riċezzjoni”.</p>
<p class="note footnote">(<span class="note footnote notemarker">
<a id="t-6" href="#c-6">6</a>
</span>) Id-Digriet Nru 172/2015, fil-verżjoni tiegħu applikabbli għall-kawża prinċipali, kien ikopri ċerti speċi ta’ frott frisk, ċerti speċi ta’ ħxejjex friski, il-patata, il-peprin, is-supplimenti tal-ikel kif ukoll kważi l-prodotti tal-ikel kollha li ġejjin mill-annimali.</p>
<p class="note footnote">(<span class="note footnote notemarker">
<a id="t-7" href="#c-7">7</a>
</span>) Kif jirriżulta mill-Artikolu 2 tad-Digriet Nru 172/2015.</p>
<p class="note footnote">(<span class="note footnote notemarker">
<a id="t-8" href="#c-8">8</a>
</span>) Kif jirriżulta mill-Artikolu 2(1) tad-Digriet Nru 172/2015.</p>
<p class="note footnote">(<span class="note footnote notemarker">
<a id="t-9" href="#c-9">9</a>
</span>) L-Artikolu 1(2) ta’ dan id-digriet jistabbilixxi l-lista tal-prodotti tal-ikel li huma suġġetti għal obbligu ta’ komunikazzjoni minn qabel mal-wasla tagħhom fit-territorju Ċek. Il-punt e) ta’ din il-lista jkopri, b’mod speċifiku, is-supplimenti tal-ikel. Mill-Artikolu 2(1)(g) tal-Liġi dwar il-Prodotti tal-Ikel jirriżulta li dawn tal-aħħar huma ddefiniti bħala “prodott tal-ikel intiż li jissupplimenta d-dieta normali li hija sors ikkonċentrat ta’ vitamini u ta’ minerali jew ta’ sustanzi oħra b’effett nutrittiv jew fiżjoloġiku, li jinsabu fil-prodott tal-ikel waħdu jew f’kombinazzjoni, intiż għall-konsum dirett fi kwantitajiet żgħar imkejla”.</p>
<p class="note footnote">(<span class="note footnote notemarker">
<a id="t-10" href="#c-10">10</a>
</span>) Regolament tal-Parlament Ewropew u tal-Kunsill tal-15 ta’ Marzu 2017 dwar il-kontrolli uffiċjali u attivitajiet uffiċjali oħra mwettqa biex jiżguraw l-applikazzjoni tal-liġi tal-ikel u tal-għalf, ta’ regoli dwar is-saħħa u t-trattament xieraq tal-annimali, dwar is-saħħa tal-pjanti u dwar prodotti għall-protezzjoni tal-pjanti li jemenda r-Regolamenti (KE) Nru 999/2001, (KE) Nru 396/2005, (KE) Nru 1069/2009, (KE) Nru 1107/2009, (UE) Nru 1151/2012, (UE) Nru 652/2014, (UE) 2016/429 u (UE) 2016/2031 tal-Parlament Ewropew u tal-Kunsill, ir-Regolamenti tal-Kunsill (KE) Nru 1/2005 u (KE) Nru 1099/2009 u d-Direttivi tal-Kunsill 98/58/KE, 1999/74/KE, 2007/43/KE, 2008/119/KE u 2008/120/KE, u li jħassar ir-Regolamenti (KE) Nru 854/2004 u (KE) Nru 882/2004 tal-Parlament Ewropew u tal-Kunsill, id-Direttivi tal-Kunsill 89/608/KEE, 89/662/KEE, 90/425/KEE, 91/496/KEE, 96/23/KE, 96/93/KE u 97/78/KE u d-Deċiżjoni tal-Kunsill 92/438/KEE (Regolament dwar il-Kontrolli Uffiċjali) (ĠU 2017, L 95, p. 1, rettifika fil-ĠU 2017, L 137, p. 40). Fil-mument li fih seħħ il-kontroll inkwistjoni fil-kawża prinċipali, ir-Regolament 2017/625 kien ġie emendat bir-Regolament Delegat tal-Kummissjoni (UE) 2019/478 tal‑14 ta’ Jannar 2019 li jemenda r-Regolament [2017/625] fir-rigward tal-kategoriji ta’ kunsinni li jkunu soġġetti għal kontrolli uffiċjali fil-postijiet ta’ kontroll fuq il-fruntiera (ĠU 2019, L 82, p. 4) kif ukoll bir-Regolament Delegat tal-Kummissjoni (UE) 2019/2127 tal‑10 ta’ Ottubru 2019 li jemenda r-Regolament [2017/625] fir-rigward tad-data tal-applikazzjoni ta’ ċerti dispożizzjonijiet tad-Direttivi tal-Kunsill 91/496/KEE, 97/78/KE u 2000/29/KE (ĠU 2019, L 321, p. 111). L-Artikolu 9(7) tar-Regolament Nru 2017/625 jistabbilixxi li “[s]afejn strettament meħtieġ għall-organizzazzjoni tal-kontrolli uffiċjali, l-Istati Membri ta’ destinazzjoni jistgħu jitolbu lill-operaturi li jkollhom annimali jew oġġetti mwassla lilhom minn Stat Membru ieħor jirrappurtaw il-wasla ta’ tali annimali jew oġġetti”.</p>
<p class="note footnote">(<span class="note footnote notemarker">
<a id="t-11" href="#c-11">11</a>
</span>) Permezz tad-Digriet Nru 235/2024.</p>
<p class="note footnote">(<span class="note footnote notemarker">
<a id="t-12" href="#c-12">12</a>
</span>) Kif jirriżulta mill-espożizzjoni tal-motivi tad-Digriet Nru 235/2024 li daħal fis-seħħ fl‑1 ta’ Settembru 2024.</p>
<p class="note footnote">(<span class="note footnote notemarker">
<a id="t-13" href="#c-13">13</a>
</span>) Mill-proċess li għandha l-Qorti tal-Ġustizzja għad-dispożizzjoni tagħha jirriżulta li l-leġiżlazzjoni Ċeka kienet tipprevedi inizjalment obbligu ta’ komunikazzjoni f’terminu ta’ 48 siegħa qabel il-wasla fit-territorju: ara l-punt 5 tat-talba għal deċiżjoni preliminari kif ukoll il-punt 46 tal-osservazzjonijiet bil-miktub tal-Gvern Ċek.</p>
<p class="note footnote">(<span class="note footnote notemarker">
<a id="t-14" href="#c-14">14</a>
</span>) Ara l-punt 5 tat-talba għal deċiżjoni preliminari.</p>
<p class="note footnote">(<span class="note footnote notemarker">
<a id="t-15" href="#c-15">15</a>
</span>) Ara s-sentenzi tal‑14 ta’ Diċembru 2004, Il‑Kummissjoni vs Il‑Ġermanja (C‑463/01, EU:C:2004:797, punt 36 u l-ġurisprudenza ċċitata); tal‑11 ta’ Lulju 2019, Il‑Kummissjoni vs Il-Greċja (Tsipouro) (C‑91/18, EU:C:2019:600, punt 44 u l-ġurisprudenza ċċitata); tad‑19 ta’ Jannar 2023, CIHEF et (C‑147/21, EU:C:2023:31, punt 26) u tal‑20 ta’ Marzu 2025, Anib et (C‑728/22 sa C‑730/22, EU:C:2025:200, punt 65 u l-ġurisprudenza ċċitata).</p>
<p class="note footnote">(<span class="note footnote notemarker">
<a id="t-16" href="#c-16">16</a>
</span>) Kif iddefinita fl-Artikolu 3(1) tar-Regolament Nru 178/2002. Ara wkoll l-Artikolu 3(1) tar-Regolament 2017/625.</p>
<p class="note footnote">(<span class="note footnote notemarker">
<a id="t-17" href="#c-17">17</a>
</span>) Premessa 15 tar-Regolament 2017/625.</p>
<p class="note footnote">(<span class="note footnote notemarker">
<a id="t-18" href="#c-18">18</a>
</span>) Regolament tal-Parlament Ewropew u tal-Kunsill tad‑29 ta’ April 2004 dwar il-kontrolli uffiċjali mwettqa biex tiġi żgurata l-verifikazzjoni tal-konformità mal-liġi ta’ l-għalf u l-ikel, mar-regoli dwar s-saħħa ta’ l-annimali u l-welfare ta’ l-annimali (ĠU Edizzjoni Speċjali bil-Malti, Kapitolu 3, Vol. 45, p. 200, rettifika fil-ĠU 2015, L 187, p. 91).</p>
<p class="note footnote">(<span class="note footnote notemarker">
<a id="t-19" href="#c-19">19</a>
</span>) Premessa 19 tar-Regolament 2017/625.</p>
<p class="note footnote">(<span class="note footnote notemarker">
<a id="t-20" href="#c-20">20</a>
</span>) Premessa 20 tar-Regolament 2017/625. L-idea ta’ qafas leġiżlattiv uniku hija rrepetuta fil-premessa 43 ta’ dan ir-regolament.</p>
<p class="note footnote">(<span class="note footnote notemarker">
<a id="t-21" href="#c-21">21</a>
</span>) Premessa 99 tar-Regolament 2017/625.</p>
<p class="note footnote">(<span class="note footnote notemarker">
<a id="t-22" href="#c-22">22</a>
</span>) Artikolu 1(2)(a) tar-Regolament 2017/625.</p>
<p class="note footnote">(<span class="note footnote notemarker">
<a id="t-23" href="#c-23">23</a>
</span>) ĠU Edizzjoni Speċjali bil-Malti, Kapitolu 13, Vol. 29, p. 490.</p>
<p class="note footnote">(<span class="note footnote notemarker">
<a id="t-24" href="#c-24">24</a>
</span>) Artikolu 2(a) tad-Direttiva 2002/46.</p>
<p class="note footnote">(<span class="note footnote notemarker">
<a id="t-25" href="#c-25">25</a>
</span>) Fost ġurisprudenza abbundanti, ara s-sentenza tal‑4 ta’ Settembru 2025, Kwizda Pharma II (C‑451/24, EU:C:2025:663, punt 55 u l-ġurisprudenza ċċitata).</p>
<p class="note footnote">(<span class="note footnote notemarker">
<a id="t-26" href="#c-26">26</a>
</span>) Ara l-premessa 30 u l-Artikolu 17(1) tar-Regolament Nru 178/2002. Ara wkoll, fir-rigward tal-leġiżlazzjoni tal-Unjoni dwar l-iġjene tal-prodotti tal-ikel, is-sentenza tas‑6 ta’ Ottubru 2011, Albrecht et (C‑382/10, EU:C:2011:639, punt 20).</p>
<p class="note footnote">(<span class="note footnote notemarker">
<a id="t-27" href="#c-27">27</a>
</span>) Ara l-Artikolu 15 tar-Regolament 2017/625.</p>
<p class="note footnote">(<span class="note footnote notemarker">
<a id="t-28" href="#c-28">28</a>
</span>) Ir-riskju huwa ddefinit bħala “funzjoni tal-probabbiltà ta’ effett negattiv fuq is-saħħa tal-bniedem, tal-annimali jew tal-pjanti, fuq it-trattament xieraq tal-annimali jew fuq l-ambjent u tas-severità ta’ dak l-effett, b’konsegwenza għall-periklu” (punt 24 tal-Artikolu 3 tar-Regolament 2017/625). Min-naħa tagħha, l-analiżi tar-riskji hija ddefinita bħala “il-proċess li jikkonsisti fi tliet komponenti interkonnessi: l-istima tar-riskju, l-amministrazzjoni tar-riskju u l-komunikazzjoni tar-riskju” (punt 10 tal-Artikolu 3 tar-Regolament Nru 178/2002).</p>
<p class="note footnote">(<span class="note footnote notemarker">
<a id="t-29" href="#c-29">29</a>
</span>) Ara l-Artikolu 9(1)(a) sa (e), rispettivament, tar-Regolament 2017/625.</p>
<p class="note footnote">(<span class="note footnote notemarker">
<a id="t-30" href="#c-30">30</a>
</span>) Artikolu 10(1)(a) tar-Regolament 2017/625.</p>
<p class="note footnote">(<span class="note footnote notemarker">
<a id="t-31" href="#c-31">31</a>
</span>) Ara l-Artikolu 9(6) tar-Regolament 2017/625.</p>
<p class="note footnote">(<span class="note footnote notemarker">
<a id="t-32" href="#c-32">32</a>
</span>) Ara l-premessa 53, l-Artikolu 47(1) u l-Artikolu 56(3)(a) u (4) tar-Regolament 2017/625. Il-Kummissjoni adottat ir-Regolament Delegat tal-Kummissjoni (UE) 2024/2104 tas‑27 ta’ Ġunju 2024 li jissupplimenta r-Regolament (UE) 2017/625 fir-rigward tal-każijiet u l-kundizzjonijiet li fihom l-awtoritajiet kompetenti jistgħu jitolbu lill-operaturi jinnotifikaw il-wasla ta’ ċerti oġġetti li jidħlu fl-Unjoni (ĠU L, 2024/2104).</p>
<p class="note footnote">(<span class="note footnote notemarker">
<a id="t-33" href="#c-33">33</a>
</span>) Ara l-Artikolu 3 tad-Direttiva 2002/46.</p>
<p class="note footnote">(<span class="note footnote notemarker">
<a id="t-34" href="#c-34">34</a>
</span>) Ara l-Artikolu 10 tad-Direttiva 2002/46.</p>
<p class="note footnote">(<span class="note footnote notemarker">
<a id="t-35" href="#c-35">35</a>
</span>) Ara l-Artikolu 14(7) tar-Regolament Nru 178/2002.</p>
<p class="note footnote">(<span class="note footnote notemarker">
<a id="t-36" href="#c-36">36</a>
</span>) Artikolu 14(8) tar-Regolament Nru 178/2002.</p>
<p class="note footnote">(<span class="note footnote notemarker">
<a id="t-37" href="#c-37">37</a>
</span>) Ara l-premessa 53 tar-Regolament 2017/625 dwar il-kontrolli mad-dħul fl-Unjoni.</p>
<p class="note footnote">(<span class="note footnote notemarker">
<a id="t-38" href="#c-38">38</a>
</span>) Premessa 16 tar-Regolament 2017/625.</p>
<p class="note footnote">(<span class="note footnote notemarker">
<a id="t-39" href="#c-39">39</a>
</span>) Ara, b’analoġija, is-sentenza tad‑19 ta’ Jannar 2023, CIHEF et (C‑147/21, EU:C:2023:31, punt 64).</p>
<p class="note footnote">(<span class="note footnote notemarker">
<a id="t-40" href="#c-40">40</a>
</span>) Ara l-premessi 2 u 3, l-Artikolu 1(2)(a) u l-Artikolu 9(1)(b) tar-Regolament 2017/625.</p>
<p class="note footnote">(<span class="note footnote notemarker">
<a id="t-41" href="#c-41">41</a>
</span>) Kif indikat mill-qorti tar-rinviju, jidher li l-Kummissjoni diġà kkontestat il-konformità ta’ din il-leġiżlazzjoni mad-dritt tal-Unjoni billi, fl‑24 ta’ Jannar 2019, bagħtet intimazzjoni lir-Repubblika Ċeka. Fid-data ta’ dawn il-konklużjonijiet, il-proċedura (li, skont dak li stqarret il-Kummissjoni waqt is-seduta, hija, għalissa, “iffriżata”) għadha fil-fażi prekontenzjuża tagħha u l-aħħar att formali ta’ din il-proċedura jmur lura għal Novembru 2021.</p>
<p class="note footnote">(<span class="note footnote notemarker">
<a id="t-42" href="#c-42">42</a>
</span>) Mill-intervent tal-Kummissjoni sabiex tadotta r-Regolament Delegat 2024/2104 jista’ jiġi dedott li saħansitra l-prodotti tal-ikel li joriġinaw minn pajjiżi terzi li għalihom ir-Regolament 2017/625 ma jipprevedix obbligu ta’ komunikazzjoni tal-wasla fit-territorju tal-Unjoni jistgħu jiġu suġġetti għal tali obbligu biss taħt il-kundizzjonijiet previsti minn dan ir-regolament delegat.</p>
<p class="note footnote">(<span class="note footnote notemarker">
<a id="t-43" href="#c-43">43</a>
</span>) Ara l-punt 37 ta’ dawn il-konklużjonijiet.</p>
<p class="note footnote">(<span class="note footnote notemarker">
<a id="t-44" href="#c-44">44</a>
</span>) Artikolu 4(7) tad-Direttiva 2002/46.</p>
<p class="note footnote">(<span class="note footnote notemarker">
<a id="t-45" href="#c-45">45</a>
</span>) Ara l-punt 34 ta’ dawn il-konklużjonijiet.</p>
<p class="note footnote">(<span class="note footnote notemarker">
<a id="t-46" href="#c-46">46</a>
</span>) Infakkar ukoll li mill-Artikolu 11 tad-Direttiva 2002/46 jirriżulta li, mingħajr preġudizzju għall-Artikolu 4(7) ta’ din id-direttiva, “l-Istati Membri ma għandhomx […] jipprojbixxu jew jillimitaw il-kummerċ fil-prodotti msemmija f’Artikolu 1 li jkunu konformi ma’ din id-Direttiva”.</p>
<p class="note footnote">(<span class="note footnote notemarker">
<a id="t-47" href="#c-47">47</a>
</span>) Ara p. 13 tal-osservazzjonijiet bil-miktub ta’ PRAGON.</p>
<p class="note footnote">(<span class="note footnote notemarker">
<a id="t-48" href="#c-48">48</a>
</span>) L-aħħar kolonna ta’ din it-tabella tindika n-numru ta’ kontrolli li jirrigwardaw importazzjonijiet li joriġinaw minn Stati Membri oħra tal-Unjoni. Fl‑2022, 667 mis‑767 kontroll imwettqa kienu jikkonċernaw dawn l-importazzjonijiet. Mistieden jirreaġixxi dwar dan il-punt waqt is-seduta, il-Gvern Ċek indika li ma jifhimx din iċ-ċifra peress li l-importazzjonijiet li joriġinaw minn pajjiżi terzi huma suġġetti għal kontrolli sistematiċi.</p>
<p class="note footnote">(<span class="note footnote notemarker">
<a id="t-49" href="#c-49">49</a>
</span>) Ara l-punt 45 ta’ dawn il-konklużjonijiet.</p>
<p class="note footnote">(<span class="note footnote notemarker">
<a id="t-50" href="#c-50">50</a>
</span>) Iktar u iktar peress li, fost dawn iż‑0.5 % ta’ komunikazzjonijiet segwiti minn kontroll, proporzjon probabbilment iktar baxx ikun wassal għal konstatazzjoni ta’ nuqqas ta’ konformità.</p>
<p class="note footnote">(<span class="note footnote notemarker">
<a id="t-51" href="#c-51">51</a>
</span>) Bl-istess mod, ara s-sentenza tal‑20 ta’ Ottubru 2005, Il‑Kummissjoni vs L-Isvezja (C‑111/03, EU:C:2005:619, punt 59).</p>
</body>
</html>
