(1)

Fl-interess tal-protezzjoni tal-konsumatur, u f’konformità mal-Artikolu 31 tar-Regolament (UE) 2023/1114, l-emittenti tat-tokens irreferenzjati ma’ assi, u, fejn applikabbli, l-entitajiet terzi kif imsemmija fl-Artikolu 34(5), l-ewwel subparagrafu, il-punt (h), ta’ dak ir-Regolament, jenħtieġ li jipprovdu lid-detenturi ta’ tokens irreferenzjati ma’ assi u lil partijiet interessati oħra b’informazzjoni dwar il-proċeduri għat-trattament tal-ilmenti. Barra minn hekk, jenħtieġ li dawk l-emittenti u l-entitajiet terzi jqiegħdu għad-dispożizzjoni tagħhom mudell armonizzat bil-lingwi li dawk l-emittenti u l-entitajiet terzi jużaw biex jikkummerċjalizzaw is-servizzi tagħhom jew bil-lingwi li jużaw biex jikkomunikaw mad-detentur tat-tokens irreferenzjati ma’ assi.

(2)

Sabiex tiġi żgurata t-trasparenza għall-ilmentaturi u jkunu jistgħu jaċċessaw u jużaw b’mod effettiv il-proċeduri tal-ilmenti, jenħtieġ li tali informazzjoni tinkludi li l-ilmenti tagħhom jiġu ppreżentati u ttrattati mingħajr ħlas, bil-lingwi użati mill-emittenti tat-tokens irreferenzjati ma’ assi u, fejn applikabbli, mill-entitajiet terzi, biex jikkummerċjalizzaw is-servizzi tagħhom, jew bil-lingwi li jużaw biex jikkomunikaw mad-detentur tat-tokens irreferenzjati ma’ assi, u bil-lingwi uffiċjali tal-Istat Membru tad-domiċilju u tal-Istati Membri ospitanti, li huma wkoll lingwi uffiċjali tal-Unjoni.

(3)

Sabiex jiġu evitati proċeduri diverġenti għat-trattament tal-ilmenti fost l-emittenti tat-tokens irreferenzjati ma’ assi u l-entitajiet terzi, jenħtieġ li l-ilmentaturi jkunu jistgħu jippreżentaw l-ilmenti tagħhom bl-użu ta’ mudell armonizzat fil-proċeduri tat-trattament tal-ilmenti lil dawk l-emittenti, u, fejn applikabbli, lill-entitajiet terzi, irrispettivament minn fejn ikunu stabbiliti dawk l-emittenti jew l-entitajiet terzi jew fejn it-token ikun ġie distribwit fl-Unjoni. Madankollu, anki jekk l-ilmentatur jippreżenta l-ilment f’format ieħor għajr il-mudell, l-emittent, u l-entità terza, xorta jenħtieġ li jittrattaw l-ilment u ma jirrifjutawhx għal dik ir-raġuni.

(4)

Sabiex jiġu żgurati proċeduri effettivi u trasparenti għat-trattament fil-pront, ġust u konsistenti tal-ilmenti mid-detenturi tat-tokens irreferenzjati ma’ assi u partijiet interessati oħra, jenħtieġ li l-emittent tat-tokens irreferenzjati ma’ assi, u fejn applikabbli, l-entitajiet terzi, jirrikonoxxu li rċevew ilment li jsemmi b’mod ċar id-data tal-wasla tiegħu u, meta tiġi ppreżentata formola elettronika tal-ilmenti, jipprovdu lill-ilmentatur b’kopja tal-ilment. Barra minn hekk, jenħtieġ li l-emittent tat-tokens irreferenzjati ma’ assi jivvaluta jekk l-ilment huwiex ammissibbli u jekk fihx l-informazzjoni rilevanti kollha meħtieġa għall-investigazzjoni tal-ilmenti u jitlob minnufih mingħand id-detenturi tat-tokens irreferenzjati ma’ assi u partijiet interessati oħra kwalunkwe informazzjoni addizzjonali meħtieġa għall-investigazzjoni u t-trattament fil-pront u effettivi tal-ilment.

(5)

Sabiex jiġi żgurat trattament ugwali fl-Unjoni, jenħtieġ li jiġi speċifikat x’jikkostitwixxi “perjodu raġonevoli” biex emittent ta’ tokens irreferenzjati ma’ assi jikkomunika l-eżitu tal-investigazzjonijiet tiegħu. L-emittent jenħtieġ li jżomm lill-ilmentatur infurmat dwar il-progress tal-proċedura tat-trattament tal-ilmenti u jipprovdi tweġiba mingħajr dewmien żejjed u fi kwalunkwe każ fil-limiti ta’ żmien stabbiliti fil-livell nazzjonali biex jiġu indirizzati l-ilmenti ppreżentati mill-ilmentaturi, fejn applikabbli. L-emittent jenħtieġ li jivvaluta l-ilmenti kollha, filwaqt li jidentifika n-nuqqasijiet li jistgħu jkunu rikorrenti.

(6)

F’konformità mal-prinċipju tal-minimizzazzjoni tad-data, jenħtieġ li tintalab biss id-data personali li hija meħtieġa għat-trattament tal-ilment.

(7)

Dan ir-Regolament huwa bbażat fuq l-abbozz tal-istandards tekniċi regolatorji, żviluppat f’kooperazzjoni mill-qrib mal-Awtorità Ewropea tat-Titoli u s-Swieq, ippreżentat lill-Kummissjoni mill-Awtorità Bankarja Ewropea.

(8)

L-Awtorità Bankarja Ewropea wettqet konsultazzjonijiet pubbliċi miftuħa dwar l-abbozz tal-istandards tekniċi regolatorji li fuqu huwa bbażat dan ir-Regolament, analizzat il-kostijiet u l-benefiċċji relatati potenzjali u talbet il-parir tal-Grupp tal-Partijiet Bankarji Interessati stabbilit f’konformità mal-Artikolu 37 tar-Regolament (UE) Nru 1093/2010 tal-Parlament Ewropew u tal-Kunsill (2).

(9)

Il-Kontrollur Ewropew għall-Protezzjoni tad-Data ġie kkonsultat f’konformità mal-Artikolu 42(1) tar-Regolament (UE) 2018/1725 tal-Parlament Ewropew u tal-Kunsill (3) u ta opinjoni fil-21 ta’ Ġunju 2024,

(a)

jiżviluppaw u jagħmlu disponibbli għad-detenturi ta’ tokens irreferenzjati ma’ assi u partijiet interessati oħra, inklużi assoċjazzjonijiet tal-konsumaturi li jirrappreżentaw detenturi ta’ tokens irreferenzjati ma’ assi, mudell għat-tressiq tal-ilmenti kif stabbilit fl-Anness;

(b)

jiżguraw li d-detenturi ta’ tokens irreferenzjati ma’ assi u kwalunkwe parti interessata oħra jkunu jistgħu:

(c)

jirrikonoxxu li rċevew ilment u jsemmu b’mod ċar id-data tal-wasla tiegħu u, fejn tiġi ppreżentata formola elettronika tal-ilmenti, jipprovdu lill-ilmentatur b’kopja ta’ dak l-ilment;

(d)

jirreġistraw, internament, l-ilmenti u l-miżuri meħuda b’reazzjoni għalihom b’mod xieraq, bħal permezz ta’ reġistru elettroniku sigur, u għal perjodu ta’ żmien raġonevoli u fi kwalunkwe każ mhux itwal minn dak permess skont ir-rekwiżiti ta’ żmien nazzjonali, fejn applikabbli;

(e)

jaċċettaw u jittrattaw ilment anki jekk l-ilmentatur iressaq l-ilment f’format ieħor għajr il-mudell stabbilit fl-Anness;

(f)

jipprovdu lill-ilmentatur avviż ta’ privatezza li jakkumpanja l-mudell ipprovdut fl-Anness ta’ dan ir-Regolament, f’konformità mal-Artikoli 13 u 14 tar-Regolament (UE) 2016/679 tal-Parlament Ewropew u tal-Kunsill (4).

(a)

jippubblikaw id-deskrizzjoni tal-proċedura tat-trattament tal-ilmenti u l-mudell stabbilit fl-Anness bil-lingwi li jużaw biex jikkummerċjalizzaw is-servizzi tagħhom jew bil-lingwi li jużaw biex jikkomunikaw mad-detentur tat-tokens irreferenzjati ma’ assi;

(b)

jiżguraw li l-ilmentaturi jkunu jistgħu jressqu lmenti: