(1)

Ar mhaithe le cosaint tomhaltóirí, agus i gcomhréir le hAirteagal 31 de Rialachán (AE) 2023/1114, ba cheart d’eisitheoirí comharthaí sócmhainn-tagartha, agus, i gcás inarb infheidhme, na heintitis tríú páirtí dá dtagraítear in Airteagal 34(5), an chéad fhomhír, pointe (h), den Rialachán sin, faisnéis a sholáthar do shealbhóirí comharthaí sócmhainn-tagartha agus do pháirtithe leasmhara eile maidir leis na nósanna imeachta láimhseála gearán. Thairis sin, ba cheart do na heisitheoirí agus na heintitis tríú páirtí sin teimpléad comhchuibhithe a chur ar fáil dóibh sna teangacha a úsáideann na heisitheoirí agus na heintitis tríú páirtí sin chun a gcuid seirbhísí a mhargú nó sna teangacha a úsáideann siad chun cumarsáid a dhéanamh le sealbhóir na gcomharthaí sócmhainn-tagartha.

(2)

Chun trédhearcacht a áirithiú do ghearánaigh agus chun a chur ar a gcumas rochtain éifeachtach a bheith acu ar nósanna imeachta gearáin agus iad a úsáid, ba cheart a áireamh san fhaisnéis sin go ndéantar a ngearáin a chomhdú agus a láimhseáil saor in aisce, sna teangacha a úsáideann eisitheoirí na gcomharthaí sócmhainn-tagartha agus, i gcás inarb infheidhme, na heintitis tríú páirtí, chun a seirbhísí a mhargú, nó sna teangacha a úsáideann siad chun cumarsáid a dhéanamh le sealbhóir na gcomharthaí sócmhainn-tagartha, agus i dteangacha oifigiúla an Bhallstáit baile agus na mBallstát óstach, ar teangacha oifigiúla de chuid an Aontais iad freisin.

(3)

Chun nósanna imeachta éagsúla láimhseála gearán a sheachaint i measc eisitheoirí comharthaí sócmhainn-tagartha agus eintitis tríú páirtí, ba cheart do ghearánaigh a bheith in ann a gcuid gearán a dhéanamh trí úsáid a bhaint as teimpléad comhchuibhithe sna nósanna imeachta láimhseála gearán leis na heisitheoirí sin, agus, i gcás inarb infheidhme, leis na heintitis tríú páirtí, gan beann ar an áit a bhfuil na heisitheoirí nó na heintitis tríú páirtí sin bunaithe nó ar an áit ar dáileadh an comhartha laistigh den Aontas. Mar sin féin, fiú má dhéanann an gearánach an gearán i bhformáid seachas an teimpléad, ba cheart don eisitheoir, agus don eintiteas tríú páirtí, an gearán a láimhseáil fós agus gan diúltú dó ar an gcúis sin.

(4)

Chun nósanna imeachta éifeachtacha agus trédhearcacha a áirithiú chun gearáin ó shealbhóirí comharthaí sócmhainn-tagartha agus ó pháirtithe leasmhara eile a láimhseáil go pras, go cothrom agus go comhsheasmhach, ba cheart don eisitheoir comharthaí sócmhainn-tagartha, agus i gcás inarb infheidhme, d’eintitis tríú páirtí, a admháil go bhfuarthas gearán ina luaitear go soiléir an dáta a fuarthas é agus, i gcás ina gcomhdaítear foirm leictreonach ghearáin, cóip den ghearán a chur ar fáil don ghearánach. Thairis sin, ba cheart d’eisitheoir comharthaí sócmhainn-tagartha measúnú a dhéanamh an bhfuil an gearán inghlactha agus an bhfuil an fhaisnéis ábhartha uile is gá ann don imscrúdú gearán agus ba cheart dó aon fhaisnéis bhreise is gá chun imscrúdú agus láimhseáil phras agus éifeachtach a dhéanamh ar an ngearán a iarraidh go pras ar shealbhóirí comharthaí sócmhainn-tagartha agus ar pháirtithe leasmhara eile.

(5)

D’fhonn cóir chomhionann a áirithiú san Aontas, ba cheart a shonrú cad a bheadh i gceist le ‘tréimhse réasúnta’ d’eisitheoir comharthaí sócmhainn-tagartha toradh a chuid imscrúduithe a chur in iúl. Ba cheart don eisitheoir an gearánach a choinneáil ar an eolas faoi dhul chun cinn an nós imeachta láimhseála gearán agus freagra a thabhairt gan moill mhíchuí agus in aon chás laistigh de na teorainneacha ama a shocraítear ar an leibhéal náisiúnta chun aghaidh a thabhairt ar ghearáin arna ndéanamh ag gearánaigh, i gcás inarb infheidhme. Ba cheart don eisitheoir gach gearán a mheasúnú, agus easnaimh a d’fhéadfadh a bheith athfhillteach a shainaithint.

(6)

I gcomhréir le prionsabal an íoslaghdaithe sonraí, níor cheart ach sonraí pearsanta atá riachtanach chun an gearán a láimhseáil a iarraidh.

(7)

Tá an Rialachán seo bunaithe ar na dréachtchaighdeáin theicniúla rialála a chuir an tÚdarás Baincéireachta Eorpach faoi bhráid an Choimisiúin, agus a forbraíodh i ndlúthchomhar leis an Údarás Eorpach um Urrúis agus Margaí.

(8)

Rinne an tÚdarás Baincéireachta Eorpach comhairliúcháin phoiblí oscailte a reáchtáil maidir leis na dréachtchaighdeáin theicniúla rialála ar a bhfuil an Rialachán sin bunaithe, rinne sé anailís ar na costais agus ar na tairbhí a d’fhéadfadh a bheith ag baint leo agus d’iarr sé comhairle ar an nGrúpa Eorpach Geallsealbhóirí Baincéireachta arna bhunú i gcomhréir le hAirteagal 37 de Rialachán (AE) Uimh. 1093/2010 ó Pharlaimint na hEorpa agus ón gComhairle (2).

(9)

Chuathas i gcomhairle leis an Maoirseoir Eorpach ar Chosaint Sonraí i gcomhréir le hAirteagal 42(1) de Rialachán (AE) 2018/1725 ó Pharlaimint na hEorpa agus ón gComhairle (3) agus thug sé tuairim an 21 Meitheamh 2024,

(a)

teimpléad chun gearáin a dhéanamh mar a leagtar amach san Iarscríbhinn a fhorbairt agus a chur ar fáil do shealbhóirí comharthaí sócmhainn-tagartha agus do pháirtithe leasmhara eile, lena n-áirítear comhlachais tomhaltóirí a dhéanann ionadaíocht ar shealbhóirí comharthaí sócmhainn-tagartha;

(b)

a áirithiú go mbeidh sealbhóirí comharthaí sócmhainn-tagartha agus aon pháirtí leasmhar eile in ann an méid seo a leanas a dhéanamh:

(c)

a admháil go bhfuarthas gearán ina luaitear go soiléir an dáta a fuarthas é agus, i gcás ina gcomhdaítear foirm leictreonach ghearáin, cóip den ghearán sin a sholáthar don ghearánach;

(d)

gearáin agus bearta arna ndéanamh mar fhreagairt orthu a thaifeadadh, go hinmheánach, ar bhealach iomchuí, amhail trí chlár leictreonach slán, agus ar feadh tréimhse réasúnach ama agus in aon chás ar feadh tréimhse nach faide ná mar a cheadaítear faoi cheanglais uainiúcháin náisiúnta, i gcás inarb infheidhme;

(e)

glacadh le gearán agus é a láimhseáil fiú má dhéanann an gearánach an gearán i bhformáid seachas an teimpléad a leagtar amach san Iarscríbhinn;

(f)

fógra príobháideachais a sholáthar don ghearánach a bheidh ag gabháil leis an teimpléad dá bhforáiltear san Iarscríbhinn a ghabhann leis an Rialachán seo, i gcomhréir le hAirteagail 13 agus 14 de Rialachán (AE) 2016/679 ó Pharlaimint na hEorpa agus ón gComhairle (4).

(a)

an tuairisc ar an nós imeachta láimhseála gearán agus an teimpléad a leagtar amach san Iarscríbhinn a fhoilsiú sna teangacha a úsáideann siad chun a gcuid seirbhísí a mhargú nó sna teangacha a úsáideann siad chun cumarsáid a dhéanamh le sealbhóir na gcomharthaí sócmhainn-tagartha;

(b)

a áirithiú go bhfuil gearánaigh in ann gearáin a dhéanamh: