|
15.11.2008 |
MT |
Il-Ġurnal Uffiċjali ta’ l-Unjoni Ewropea |
L 306/98 |
AZZJONI KONĠUNTA TAL-KUNSILL 2008/862/PESK
ta’ l-10 ta’ Novembru 2008
li temenda l-Azzjoni Konġunta 2005/889/PESK dwar l-istabbiliment ta’ Missjoni tal-Unjoni Ewropea ta’ Assistenza fil-Fruntieri għall-Punt ta’ Qsim ta’ Rafah (EUBAM Rafah)
IL-KUNSILL TAL-UNJONI EWROPEA,
Wara li kkunsidra t-Trattat dwar l-Unjoni Ewropea, u b’mod partikolari l-Artikolu 14 tiegħu,
Billi
|
(1) |
Fil-25 ta’ Novembru 2005, il-Kunsill adotta l-Azzjoni Konġunta 2005/889/PESK dwar l-istabbiliment ta’ Missjoni tal-Unjoni Ewropea ta’ Assistenza fil-Fruntieri għall-Punt ta’ Qsim ta’ Rafah (EUBAM Rafah) (1). |
|
(2) |
Il-mandat ta’ dik il-Missjoni kien estiż sal-24 ta’ Novembru 2008 bl-Azzjoni Konġunta tal-Kunsill 2008/379/PESK (2). |
|
(3) |
L-Azzjoni Konġunta 2005/889/PESK għandha tkun estiża ulterjorment sal-24 ta’ Novembru 2009, |
ADOTTA DIN L-AZZJONI KONĠUNTA:
Artikolu 1
L-Azzjoni Konġunta 2005/889/PESK hija b’dan emendata kif ġej:
|
(1) |
L-Artikolu 13 għandu jiġi sostitwit b’dan li ġej: “1. L-ammont ta’ referenza finanzjarju maħsub biex ikopri n-nefqa relatata mal-missjoni għall-perijodu mill-25 ta’ Novembru 2008 sal-24 ta’ Novembru 2009 għandu jkun ta’ EUR 2.5 miljun”; |
|
(2) |
L-Artikolu 16 għandu jiġi sostitwit b’dan li ġej: “Artikolu 16 Dħul fis-seħħ Din l-Azzjoni Konġunta għandha tidħol fis-seħħ fil-jum tal-adozzjoni tagħha. Din l-Azzjoni Konġunta għandha tiskadi fl-24 ta’ Novembru 2009.” |
|
(3) |
L-Artikolu 17 għandhu jiġi sostitwit b’dan li ġej: “Artikolu 17 Reviżjoni Din l-Azzjoni Konġunta għandha tiġi riveduta sat-30 ta’ Settembru 2009.” |
|
(4) |
Is-subparagrafu li ġej għandu jiżdied mal-Artikolu 18: “Id-Deċiżjonijiet tal-KPS skont l-Artikolu 10(1) fir-rigward tal-ħatra tal-Kap tal-Missjoni għandhom ukoll jiġu ppubblikati f’Il-Ġurnal Uffiċjali ta’ l-Unjoni Ewropea.”. |
Artikolu 2
Din l-Azzjoni Konġunta għandha tidħol fis-seħħ fil-jum tal-adozzjoni tagħha.
Artikolu 3
Din l-Azzjoni Konġunta għandha tiġi ppubblikata fil-Ġurnal Uffiċjali tal-Unjoni Ewropea.
Magħmul fi Brussell, 10 ta’ Novembru 2008.
Għall-Kunsill
Il-President
B. KOUCHNER