|
Iris Oifigiúil |
GA Sraith L |
|
2023/2450 |
30.10.2023 |
RIALACHÁN TARMLIGTHE (AE) 2023/2450 ÓN gCOIMISIÚN
an 25 Iúil 2023
lena bhforlíontar Treoir (AE) 2022/2557 ó Pharlaimint na hEorpa agus ón gComhairle trí liosta seirbhísí fíor-riachtanacha a bhunú
(Téacs atá ábhartha maidir le LEE)
TÁ AN COIMISIÚN EORPACH,
Ag féachaint don Chonradh ar Fheidhmiú an Aontais Eorpaigh,
Ag féachaint do Threoir (AE) 2022/2557 ó Pharlaimint na hEorpa agus ón gComhairle an 14 Nollaig 2022 maidir le hathléimneacht eintiteas criticiúil agus lena n-aisghairtear Treoir 2008/114/CE ón gComhairle (1), go háirithe Airteagal 5(1) de,
De bharr an mhéid seo a leanas:
|
(1) |
Is é is aidhm do Threoir (AE) 2022/2557 a áirithiú i gcás seirbhísí atá fíor-riachtanach le haghaidh cothabháil feidhmeanna sochaíocha agus gníomhaíochtaí eacnamaíocha, go ndéanfar iad a sholáthar ar bhealach gan bhac sa mhargadh inmheánach agus go bhfeabhsófar athléimneacht eintiteas criticiúil a sholáthraíonn na seirbhísí sin. |
|
(2) |
Chun na críche sin agus de bhun Airteagal 5(1) de Threoir (AE) 2022/2557, tugtar de chumhacht don Choimisiún gníomh tarmligthe a ghlacadh lena mbunófar liosta neamh-uileghabhálach de sheirbhísí fíor-riachtanacha sna hearnálacha agus sna fo-earnálacha a leagtar amach san Iarscríbhinn a ghabhann leis an Treoir sin. Tá an liosta sin le húsáid ag na húdaráis inniúla chun measúnú riosca a dhéanamh agus tá an measúnú riosca le húsáid chun eintitis chriticiúla a shainaithint ina dhiaidh sin. |
|
(3) |
Ba cheart liosta na seirbhísí fíor-riachtanacha a tharraingt suas ar bhealach cineálach, chun chun freastal ar shainiúlachtaí na mBallstát amhail méid, dlús daonra, nó suíomh geografach. Níor cheart ach seirbhísí fíor-riachtanacha sna catagóirí eintiteas a leagtar amach san Iarscríbhinn a ghabhann le Treoir (AE) 2022/2557 a chumhdach leis áfach. Chuige sin, níor cheart ach seirbhísí a sholáthraíonn eintitis a thagann faoi na catagóirí sin a mheas mar sheirbhísí fíor-riachtanacha, mar a shainmhínítear in Airteagal 2, pointe (5) de Threoir (AE) 2022/2557. |
|
(4) |
Ar bhonn níos ginearálta, ba cheart liosta na seirbhísí fíor-riachtanacha a úsáid i bhfianaise fhorálacha ábhartha uile Threoir (AE) 2022/2557. Áirítear leis sin an sainmhíniú gurb iad is seirbhísí fíor-riachtanacha seirbhísí atá ríthábhachtach chun feidhmeanna sochaíocha, gníomhaíochtaí eacnamaíocha, sláinte agus sábháilteacht phoiblí nó an comhshaol a chothabháil, chomh maith leis an sainmhíniú ar eintiteas riaracháin phoiblí agus na forálacha maidir le raon feidhme na Treorach sin. De bhun Airteagal 1(6) de Threoir (AE) 2022/2557, eisiatar eintitis riaracháin phoiblí a dhéanann a ngníomhaíochtaí i réimsí na slándála náisiúnta, na slándála poiblí, na cosanta nó fhorfheidhmiú an dlí, lena n-áirítear cionta coiriúla a imscrúdú, a bhrath agus a ionchúiseamh. |
|
(5) |
Dá réir sin, maidir leis na gníomhaíochtaí eacnamaíocha a liostaítear ar bhonn neamh-uileghabhálach sa Rialachán tarmligthe seo, níor cheart a mheas gur seirbhísí fíor-riachtanacha iad, chun críoch an Rialacháin tharmligthe seo agus Threoir (AE) 2022/2557, ach amháin i gcás ina gcáilíonn siad mar sheirbhísí fíor-riachtanacha mar a shainmhínítear sa Treoir sin, |
TAR ÉIS AN RIALACHÁN SEO A GHLACADH:
Airteagal 1
Ábhar
Leis an Rialachán seo, de bhun Airteagal 5(1) de Threoir (AE) 2022/2557, bunaítear liosta neamh-uileghabhálach de sheirbhísí fíor-riachtanacha, mar a shainmhínítear in Airteagal 2, pointe (5) den Treoir sin, sna hearnálacha agus sna fo-earnálacha a leagtar amach san Iarscríbhinn a ghabhann leis an Treoir sin.
Airteagal 2
Liosta neamh-uileghabhálach de sheirbhísí fíor-riachtanacha
Is mar seo a leanas a bheidh an liosta neamh-uileghabhálach de sheirbhísí fíor-riachtanacha dá dtagraítear in Airteagal 1:
|
(1) |
earnáil an fhuinnimh:
|
|
(2) |
earnáil an iompair:
|
|
(3) |
earnáil na baincéireachta:
|
|
(4) |
earnáil bhonneagar an mhargaidh airgeadais:
|
|
(5) |
an earnáil sláinte:
|
|
(6) |
earnáil an uisce óil: soláthar uisce óil agus dáileadh uisce óil, cé is moite de dháileadh uisce lena thomhailt ag an duine, i gcás inar cuid neamhriachtanach í an tseirbhís sin de ghníomhaíocht ghinearálta dáileoirí a dháileann tráchtearraí agus earraí eile (soláthróirí agus dáileoirí uisce atá ceaptha do thomhaltas an duine); |
|
(7) |
earnáil an fhuíolluisce: bailiú, cóireáil agus diúscairt fuíolluisce cé is moite de fhuíolluisce uirbeach, fuíolluisce tí nó fuíolluisce tionsclaíoch a bhailiú, a dhiúscairt nó a chóireáil i gcás nach cuid riachtanach iad de ghníomhaíochtaí ginearálta gnóthas (gnóthais a dhéanann fuíolluisce uirbeach, tí agus tionsclaíoch a bhailiú, a dhiúscairt nó a chóireáil); |
|
(8) |
earnáil an bhonneagair dhigitigh:
|
|
(9) |
earnáil an riaracháin phoiblí: seirbhísí a sholáthraíonn eintitis riaracháin phoiblí de réir bhrí Airteagal 2, pointe (10), de Threoir (AE) 2022/2557, de chuid rialtas láir mar a shainmhíníonn na Ballstáit i gcomhréir leis an dlí náisiúnta (eintitis riaracháin phoiblí de chuid rialtais láir); |
|
(10) |
earnáil an spáis: oibriú bonneagair ar talamh atá faoi úinéireacht, faoi bhainistiú agus faoi oibriú na mBallstát nó páirtithe príobháideacha a thacaíonn le soláthar seirbhísí spásbhunaithe, cé is moite de sholáthraithe líonraí cumarsáide leictreonaí poiblí (oibreoirí bonneagair ar talamh); |
|
(11) |
earnáil an bhia a tháirgeadh, a phróiseáil agus a dháileadh (gnólachtaí bia a bhíonn ag gabháil go heisiach do lóistíocht agus do dháileadh mórdhíola agus do tháirgeadh agus próiseáil thionsclaíoch ar mhórscála):
|
Airteagal 3
Tiocfaidh an Rialachán seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.
Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.
Arna dhéanamh sa Bhruiséil, an 25 Iúil 2023.
Thar ceann an Choimisiúin
An tUachtarán
Ursula VON DER LEYEN
ELI: http://data.europa.eu/eli/reg_del/2023/2450/oj
ISSN 1977-0839 (electronic edition)