|
8.9.2022 |
GA |
Iris Oifigiúil an Aontais Eorpaigh |
L 233/50 |
CINNEADH (CBES) 2022/1482 ÓN GCOISTE POLAITIÚIL AGUS SLÁNDÁLA
an 25 Lúnasa 2022
maidir le Ceannasaí Fórsa Mhisean an Aontais Eorpaigh a cheapadh ar Mhisean an Aontais Eorpaigh le haghaidh Oiliúint Mhíleata i Mósaimbíc (EUTM Mozambique) (EUTM Mozambique/1/2022)
TÁ AN COISTE POLAITIÚIL AGUS SLÁNDÁLA,
Ag féachaint don Chonradh ar an Aontas Eorpach, agus go háirithe Airteagal 38 de,
Ag féachaint do Chinneadh (CBES) 2021/1143 ón gComhairle an 12 Iúil 2021 maidir le Misean an Aontais Eorpaigh le haghaidh Oiliúint Mhíleata i Mósaimbíc (EUTM Mozambique) (1), agus go háirithe Airteagal 5(1) de,
De bharr an mhéid seo a leanas:
|
(1) |
Le Cinneadh (CBES) 2021/1143, ceapadh an Briogáidire-Ghinearál Nuno LEMOS PIRES ina Cheannasaí Fórsa Mhisean an Aontais Eorpaigh ar Mhisean an Aontais Eorpaigh le haghaidh Oiliúint Mhíleata i Mósaimbíc (EUTM Mozambique). |
|
(2) |
De bhun Airteagal 5(1) de Chinneadh (CBES) 2021/1143, thug an Chomhairle údarú don Choiste Polaitiúil agus Slándála cinntí a dhéanamh maidir le rialú polaitiúil agus treoir straitéiseach EUTM Mozambique, lena n-áirítear na cinntí ábhartha maidir le Ceannasaithe Fórsa Mhisean an Aontais Eorpaigh ina dhiaidh sin a cheapadh ar EUTM Mozambique. |
|
(3) |
An 22 Iúil 2022, mhol Ceannasaí Oibríochta an Aontais Eorpaigh go ndéanfaí an Captaen Cabhlaigh Rogério Paulo Figueira MARTINS de BRITO a cheapadh ina Cheannasaí Fórsa nua Mhisean an Aontais Eorpaigh ar EUTM Mozambique amhail ón 9 Meán Fómhair 2022. Chuir údaráis na Portaingéile in iúl go dtabharfar ardú céime don Chaptaen Cabhlaigh Rogério Paulo Figueira MARTINS de BRITO go Ceannasóir nuair a cheapfar ina Cheannasaí Fórsa ar Mhisean an Aontais Eorpaigh é. |
|
(4) |
An 26 Iúil 2022, thacaigh Coiste Míleata an Aontais leis an moladh sin agus d’aontaigh sé go molfadh an Coiste Polaitiúil agus Slándála an moladh seo a fhormheas. |
|
(5) |
Ba cheart cinneadh maidir leis an gCaptaen Cabhlaigh Rogério Paulo Figueira MARTINS de BRITO a cheapadh ina Cheannasaí Fórsa Mhisean an Aontais Eorpaigh ar EUTM Mozambique amhail ón 9 Meán Fómhair 2022, |
TAR ÉIS AN CINNEADH SEO A GHLACADH:
Airteagal 1
Leis seo, déantar an Ceannasóir Rogério Paulo Figueira MARTINS de BRITO a cheapadh ina Cheannasaí Fórsa Mhisean an Aontais Eorpaigh ar Mhisean an Aontais Eorpaigh le haghaidh Oiliúint Mhíleata i Mósaimbíc (EUTM Mozambique) amhail ón 9 Meán Fómhair 2022.
Airteagal 2
Tiocfaidh an Cinneadh seo i bhfeidhm ar dháta a ghlactha.
Arna dhéanamh sa Bhruiséil, an 25 Lúnasa 2022.
Thar ceann an Choiste Pholaitiúil agus Slándála
D. PRONK
An Cathaoirleach