52013PC0564

Proposta għal REGOLAMENT TA’ IMPLIMENTAZZJONI TAL-KUNSILL li testendi d-dazju antidumping definittiv impost mir-Regolament ta’ Implimentazzjoni (UE) Nru 511/2010 fuq l-importazzjonijiet ta’ wajer tal-molibdenu, li fih mill-inqas 99,95 % tal-piż tiegħu jikkonsisti f’molibdenu, li minnu d-dimensjoni trażversali massima taqbeż il-1,35 mm imma ma taqbiżx 4,0 mm (“il-prodott ikkonċernat”) li joriġina mir-Repubblika Popolari taċ-Ċina. fuq l-importazzjonijiet ta' wajer tal-molibdenu li fih mill-inqas 97 % tal-piż tiegħu jikkonsisti f’molibdenu, li minnu d-dimensjoni trasversali massima taqbeż il-1,35 mm imma ma taqbiżx l-4,0 mm (“il-prodott ikkonċernat”) li joriġina mir-Repubblika Popolari taċ-Ċina. /* COM/2013/0564 final - 2013/0272 (NLE) */


MEMORANDUM TA’ SPJEGAZZJONI

1.           IL-KUNTEST TAL-PROPOSTA

Raġunijiet għall-proposta u l-għanijiet tagħha

Din il-proposta tikkonċerna l-applikazzjoni tar-Regolament tal-Kunsill (KE) Nru 1225/2009 tat-30 ta’ Novembru 2009 dwar il-protezzjoni kontra l-importazzjonijiet dumped minn pajjiżi mhux membri tal-Komunità Ewropea (“ir-Regolament bażiku”) fl-investigazzjoni ta’ evażjoni possibbli tal-miżuri antidumping imposti mir-Regolament tal-Kunsill (KE) Nru 511/2010 fuq l-importazzjonijiet ta’ wajer tal-molibdenu, li fih mill-inqas 99,95 % tal-piż tiegħu jikkonsisti f’molibdenu, b’dimensjoni trażversali massima li taqbeż il-1.35 mm imma ma taqbiżx 4,0 mm (“il-prodott ikkonċernat”) li joriġina mir-ir-Repubblika Popolari taċ-Ċina b’importazzjoni ta’ wajers tal-molibdenu b'modifika żgħira, li fihom, 97 % tal-piż jew aktar iżda inqas minn 99,95 % ta’ molibdenu, li joriġinaw fir-Repubblika Popolari taċ-Ċina.

Il-kuntest ġenerali Din il-proposta qed issir fil-kuntest tal-implimentazzjoni tar-Regolament bażiku u hija r-riżultat ta' investigazzjoni li twettqet skont ir-rekwiżiti sostantivi u proċedurali stipulati fir-Regolament bażiku u b’mod partikolari fl-Artikolu 13 tiegħu.

Dispożizzjonijiet eżistenti fil-qasam tal-proposta Il-miżuri kienu imposti mir-Regolament tal-Kunsill (KE) Nru 511/2010 li jimponi dazju antidumping definittiv fuq l-importazzjonijiet ta’ wajer tal-molibdenu, li fih mill-inqas 99,95 % tal-piż tiegħu jikkonsisti f’molibdenu, li minnu d-dimensjoni trażversali massima taqbeż il-1,35 mm imma ma taqbiżx 4,0 mm (“il-prodott ikkonċernat”) li joriġina mir-Repubblika Popolari taċ-Ċina.

Il-konsistenza mal-politiki u mal-għanijiet l-oħra tal-Unjoni Mhux applikabbli.

2.           RIŻULTATI TAL-KONSULTAZZJONIJIET MAL-PARTIJIET INTERESSATI U VALUTAZZJONIJIET TAL-IMPATT

Konsultazzjoni tal-partijiet interessati

Il-partijiet interessati kkonċernati fil-proċediment kellhom il-possibbiltà li jiddefendu l-interessi tagħhom matul l-investigazzjoni, skont id-dispożizzjonijiet tar-Regolament bażiku.

Ġbir u użu ta' għarfien espert

Ma kienx hemm bżonn ta’ għarfien espert estern.

Valutazzjoni tal-impatt Din il-proposta hi r-riżultat tal-implimentazzjoni tar-Regolament bażiku. Ir-Regolament bażiku ma jipprevedix valutazzjoni tal-impatt ġenerali iżda fih lista eżawrjenti ta' kundizzjonijiet li jridu jiġu vvalutati.

3.           L-ELEMENTI LEGALI TAL-PROPOSTA

Sommarju tal-azzjoni proposta Il-proposta mehmuża għal Regolament ta' Implimentazzjoni tal-Kunsill hija bbażata fuq is-sejbiet tal-investigazzjoni, li kkonfermat li kienet qiegħda ssir evażjoni tal-miżuri u li l-kriterji l-oħra kollha għall-istabbiliment ta' evażjoni kif stabbilit f'Artikolu 13(1) tar-Regolament bażiku intlaħqu. Huwa għalhekk propost li l-Kunsill jadotta l-proposta mehmuża biex jestendi l-miżuri antidumping fuq wajer tal-molibdenu, li fih mill-inqas 99,95 % tal-piż tiegħu jikkonsisti f’molibdenu li joriġinaw mir-Repubblika Popolari taċ-Ċina għall-importazzjonijiet ta’ ċerti wajers tal-molibdenu b'modofika żgħira li fihom, 97 % tal-piż jew aktar iżda inqas minn 99,95 % ta’ molibdenu, li joriġinaw fir-Repubblika Popolari taċ-Ċina. Ir-Regolament tal-Kunsill relevanti għandu jiġi ppubblikat fil-Ġurnal Uffiċjali tal-Unjoni Ewropea mhux aktar tard mid-19 ta’ Settembru 2013.

Bażi legali Ir-Regolament tal-Kunsill (KE) Nru 1225/2009 tat-30 ta' Novembru 2009 dwar il-protezzjoni kontra l-importazzjonijiet dumped minn pajjiżi mhux membri tal-Komunità Ewropea, u b'mod partikolari l-Artikolu 13 tiegħu,

Il-prinċipju ta' sussidjarjetà Il-proposta taqa’ taħt il-kompetenza esklusiva tal-Unjoni. Għalhekk, il-prinċipju tas-sussidjarjetà ma japplikax.

Il-prinċipju tal-proporzjonalità Il-proposta hija konformi mal-prinċipju tal-proporzjonalità għar-raġunijiet li ġejjin:

Il-forma ta' azzjoni hi deskritta fir-Regolament imsemmi hawn fuq u ma tħalli l-ebda skop għal deċiżjoni nazzjonali.

Mhijiex applikabbli indikazzjoni ta' kif jiġi minimizzat u jsir proporzjonali mal-għan tal-proposta, il-piż finanzjarju u amministrattiv li jaqa' fuq l-Unjoni, il-gvernijiet nazzjonali, l-awtoritajiet reġjonali u lokali, l-operaturi ekonomiċi u ċ-ċittadini.

L-għażla tal-istrumenti

L-istrumenti proposti: Regolament.

Mezzi oħra ma jkunux adegwati għar-raġuni li ġejja: Ir-Regolament bażiku msemmi hawn fuq ma jipprovdix għal għażliet alternattivi.

4.           IMPLIKAZZJONI BAĠITARJA

Il-proposta ma għandha l-ebda implikazzjoni għall-baġit tal-Unjoni.

2013/0272 (NLE)

Proposta għal

REGOLAMENT TA’ IMPLIMENTAZZJONI TAL-KUNSILL

li testendi d-dazju antidumping definittiv impost mir-Regolament ta’ Implimentazzjoni (UE) Nru 511/2010 fuq l-importazzjonijiet ta’ wajer tal-molibdenu, li fih mill-inqas 99,95 % tal-piż tiegħu jikkonsisti f’molibdenu, li minnu d-dimensjoni trażversali massima taqbeż il-1,35 mm imma ma taqbiżx 4,0 mm (“il-prodott ikkonċernat”) li joriġina mir-Repubblika Popolari taċ-Ċina. fuq l-importazzjonijiet ta' wajer tal-molibdenu li fih mill-inqas 97 % tal-piż tiegħu jikkonsisti f’molibdenu, li minnu d-dimensjoni trasversali massima taqbeż il-1,35 mm imma ma taqbiżx l-4,0 mm (“il-prodott ikkonċernat”) li joriġina mir-Repubblika Popolari taċ-Ċina.

IL-KUNSILL TAL-UNJONI EWROPEA,

Wara li kkunsidra it-Trattat dwar il-Funzjonament tal-Unjoni Ewropea,

Wara li kkunsidra ir-Regolament tal-Kunsill (KE) Nru 1225/2009 tat-30 ta’ Novembru 2009 dwar il-protezzjoni kontra l-importazzjonijiet dumped minn pajjiżi mhux membri tal-Komunità Ewropea[1] ("ir-Regolament bażiku"), u b’mod partikolari l-Artikolu 13 tiegħu,

Wara li kkunsidra l-proposta mressqa mill-Kummissjoni Ewropea wara li kkonsultat mal-Kumitat Konsultattiv,

Billi:

1.           Proċedura

1.1.        Il-miżuri eżistenti

(1)       F’Diċembru 2009, il-Kummissjoni Ewropea (‘il-Kummissjoni’) bir-Regolament (UE) Nru1247/2009[2] (“ir-Regolament antidumping proviżorju ), imponiet dazju antidumping proviżorju l-importazzjonijiet ta’ wajer tal-molibdenu, li fih mill-inqas 99,95 % tal-piż tiegħu jikkonsisti f’molibdenu, b’dimensjoni trasversali massima li taqbeż il-1,35 mm imma ma taqbiżx l-4,0 mm li joriġina fir-Repubblika Popolari taċ-Ċina (“RPĊ”).

(2)       F’Ġunju 2010, il-Kunsill, permezz tar-Regolament ta’ Implimentazzjoni (UE) Nru 511/2010[3], impona dazju antidumping ta’ 64,3 % fuq l-istess importazzjonijiet. Dawn il-miżuri minn issa 'l quddiem se jissejħu 'il-miżuri fis-seħħ' u l-investigazzjoni li wasslet biex jidħlu l-miżuri fis-seħħ minn issa 'l quddiem se tissejjaħ 'l-investigazzjoni oriġinali'.

(3)       F’Jannar 2012, wara investigazzjoni kontra l-evażjoni skont l-Artikolu 13 tar-Regolament bażiku, bir-Regolament ta’ Implimentazzjoni (UE) Nru 14/2012[4] il-Kunsill estenda l-miżuri fis-seħħ għal importazzjonijiet tal-prodott ikkonċernat ikkonsenjat mill-Malasja, sew jekk iddikjarat li joriġina fil-Malasja u sew jekk le.

1.2.        Talba

(4)       F’Novembru 2012, il-Kummissjoni rċeviet talba skont l-Artikoli 13 (3) u 14 (5) tar-Regolament bażiku biex tinvestiga l-possibbiltà ta’ evażjoni tal-miżuri antidumping imposti fuq ċerti wajers tal-molibdenu li joriġinaw mir-RPĊ minn importazzjonijiet ta’ ċerti wajers tal-molibdenu b'modifika żgħira, li fihom, 97 % tal-piz jew aktar iżda inqas minn 99,95 % ta’ molibdenu, li joriġinaw mir-RPĊ, u biex tagħmel importazzjonijiet bħal dawn soġġetti għal reġistrazzjoni.

(5)       It-talba tressqet minn Plansee SE (“Plansee”), produttur tal-Unjoni ta’ ċerti wajers tal-molibdenu li pparteċipa fl-investigazzjoni oriġinali.

(6)       It-talba kien fiha biżżejjed evidenza prima facie li l-miżuri antidumping fuq l-importazzjonijiet ta’ ċerti wajers tal-molibdenu li joriġinaw fir-RPĊ qegħdin jiġu evażi permezz ta’ importazzjonijiet ta’ ċertu wajers tal-molibdenu b'modifika żgħira li fihom 97 % tal-piż jew aktar iżda inqas minn 99,95 % ta’ molibdenu, li joriġina mir-RPĊ.

1.3.        Il-bidu

(7)       Wara li stabbiliet wara konsultazzjoni mal-Kumitat Konsultattiv, li hemm biżżejjed evidenza prima facie biex jingħata bidu għal investigazzjoni skont l-Artikoli 13 (3) u 14 (5) tar-Regolament bażiku, il-Kummissjoni nediet investigazzjoni skont ir-Regolament (UE) Nru 1236/2012[5] (“ir-Regolament tat-tnedija”) tal-evazjoni possibbli ta' miżuri tal-antidumping imposti fuq l-importazzjonijiet ta’ ċerti wajers tal-molibdenu li joriġinaw fir-RPĊ u tat ukoll istruzzjonijiet lill-awtoritajiet tad-dwana biex jirreġistraw l-importazzjonijiet fl-Unjoni ta’ wajer tal-molibdenu, li fih, f’piż, 97 % jew aktar iżda inqas minn 99,95 % ta’ molibdenu, b’dimensjoni trażversali massima li taqbeż il-1,35 mm imma ma taqbiżx l-4,0 mm u li attwalment jaqa’ taħt il-kodiċi NM ex 8102 96 00 (kodiċi TARIC 8102 96 00 30), li joriġina fir-Repubblika tal-Poplu taċ-Ċina, mill-21 ta’ Diċembru 2012.

1.4.        Il-prodott ikkonċernat u l-prodott investigat

(8)       Il-prodott ikkonċernat huwa l-istess kif definit fl-investigazzjoni oriġinali, jiġifieri wajer tal-molibdenu, li fih mill-inqas 99,95 % tal-piż tiegħu jikkonsisti f’molibdenu, b’dimensjoni trażversali massima li taqbeż il-1,35 mm imma ma taqbiżx l-4,0 mm,(molibdenu pur) li joriġina mir-RPĊ, li fil-preżent huwa ikklassifikat bil-kodiċi NM ex 8102 96 00.

(9)       Il-prodott li qed jiġi investigat, jiġifieri l-prodott li allegatament qed jevadi, huwa l-istess bħal dak definit fil-premessa (7) li fih, 97 % mill-piż jew aktar iżda inqas minn 99,95 % ta’ molibdenu, b’dimensjoni trażversali massima li taqbeż il-1,35 mm imma ma taqbiżx l-4,0 mm li joriġina fir-RPĊ.

1.5.        Investigazzjoni u partijiet ikkonċernati bl-investigazzjoni

(10)     Il-Kummissjoni uffiċjalment avżat lill-awtoritajiet tar-RPĊ bil-bidu tal-investigazzjoni u bagħtet il-kwestjonarji lill-produtturi esportaturi fir-RPĊ u l-importaturi fl-Unjoni magħrufa li huma kkonċernati. Il-partijiet interessati ngħataw l-opportunità li jressqu l-opinjonijiet tagħhom bil-miktub u li jitolbu smigħ fiż-żmien stipulat fir-Regolament ta’ tnedija. Il-partijiet kollha kienu infurmati li nuqqas ta’ kooperazzjoni tista’ twassal għall-applikazzjoni tal-Artikolu 18 tar-Regolament bażiku u għal sejbiet li jkunu bbażati fuq il-fatti disponibbli.

(11)     Żewġ produtturi esportaturi ssottomettew tweġiba għall-kwestjonarju lill-Kummissjoni. Waħda minn dawn il-kumpaniji, li wkoll ikkooperat matul l-investigazzjoni oriġinali, hija produttur esportatur ġenwin tal-prodott li qed jiġi investigat. Rigward it-tieni waħda, din il-kumpanija ma rrappurtat ebda bejgħ tal-prodott li qed jiġi investigat. Għalhekk, is-sottomissjoni tagħha kienet injorata.

(12)     Erba' produtturi esportaturi ssottomettew tweġiba għall-kwestjonarju lill-Kummissjoni. Wieħed minnhom ma rrapporta l-ebda importazzjonijiet tal-prodott li qed jiġi investigat u nstab li aktar kien utent ta’ wajer tal-molibdenu.

(13)     Il-Kummissjoni wettqet stħarriġ fuq il-post fuq żewġ binjiet tal-produttur esportatur Ċiniż, li kkoopera:

---        Jinduicheng Molybdenum Co., Ltd., No88, Jinye 1st Road, Hi-Tech Industry Developing Zone, Xi’an, Shaanxi Province, P.R. Iċ-Ċina (“JDC”);

---        Jinduicheng Guangming Co., Ltd., No104 Mihe Road, Zhoucun District, Zibo City, P.R. Iċ-Ċina

u fil-bini tal-importatur tal-Unjoni li ġej:

---        Gtv verschleißschutz GmbH, vor der neuwiese 7, id-57629 luckenbach, il-Ġermanja ('GTV‘).

(14)     It-tliet importaturi oħra ma saritilhomx żjara, iżda s-sottomissjonijiet tagħhom ġew mistħarrġa kif imiss matul l-investigazzjoni.

1.6.        l-investigazzjoni u perjodi ta’ rappurtar

(15)     Il-perjodu tal-investigazzjoni kien stabbilit mill-1 ta’ Jannar 2008 sat-30 ta’ Settembru 2012 (“PI”) sabiex jiġi investigat il-bdil allegat fid-drawwiet tal-kummerċ. Il-perjodu ta’ rappurtar (“RP”) kopra l-perijodu mill-1 ta’ Ottubru 2011 sat-30 ta’ Settembru 2012, biex tinvestiga jekk l-importazzjonijiet isirux bi prezzijiet aktar baxxi mill-prezz mhux dannuż stabbilit fl-investigazzjoni li wasslet għall-miżuri eżistenti, u l-eżistenza ta’ dumping.

2.           Riżultati tal-investigazzjoni

2.1.        Kunsiderazzjonijiet ġenerali

(16)     Skont l-Artikolu 13 (1) tar-Regolament bażiku, il-valutazzjoni tal-eżistenza tal-prattiki ta’ evażjoni possibbli saret billi ġie analizzat b'suċċess: (1) jekk kienx hemm tibdil fix-xejra tal-kummerċ bejn ir-RPĊ u l-Unjoni; (2) jekk din il-bidla nibbtitx minn xi prattika, proċess jew ħidma li għalihom ma kienx hemm raġuni jew ġustifikazzjoni ekonomika suffiċjenti għajr l-impożizzjoni tad-dazju; (3) jekk kienx hemm evidenza ta’ ħsara jew jekk l-effetti rimedjali tad-dazju ġewx kompromessi f'termini tal-prezzijiet u/jew tal-kwantitajiet tal-prodott investigat; u (4) jekk kienx hemm evidenza ta' dumping b'rabta mal-valuri normali stabbiliti preċedentement għall-prodott simili, jekk neċessarju skont id-dispożizzjonijiet tal-Artikolu 2 tar-Regolament bażiku.

2.2.        Modifika żgħira u karatteristiċi essenzjali

(17)     l-investigazzjoni wriet li l-prodott li qed ikun investigat hu wajer magħmula minn molibdenu (bejn 99,6 % u 99,7 %) u normalment lantanum (“la”) (bejn 0,25 % u 0,35 %). Din il-liga fiha wkoll elementi kimiċi oħra u hija magħrufa bħala ‘molibdenu trattat” jew “Mola” jew “ML”. Il-prodott ikkonċernat u l-prodott investigat it-tnejn li huma attwalment jaqgħu taħt il-kodiċi NM 8102 96 00. Kif spjegat hawn taħt, l-investigazzjoni ma sabet l-ebda differenza fil-proċess ta’ produzzjoni tal-prodott investigat u l-prodott ikkonċernat, minbarra ż-żieda ta’ persentaġġ baxx ta’ lantanum ma' molibdenu pur fl-istadju ta' taħlit. Barra dan, il-produttur esportatur li kkoopera kkonferma li l-ispiża tal-produzzjoni tal-prodott li qed jiġi investigat hija simili għall-ispiża tal-prodott ikkonċernat. Dan jimplika li m’hemm l-ebda benefiċċju ekonomiku għall-produttur esportatur biex jipproduċi l-prodott li qed jiġi investigat għajr l-evitar tal-miżuri fis-seħħ. Barra minn hekk, instab li l-utenti tal-prodott ikkonċernat qalbu għall-prodott li qed jiġi investigat wara l-impożizzjoni tal-miżuri proviżorji, li jimplika li m’hemmx differenza bejn il-prodott ikkonċernat u l-prodott taħt konsiderazzjoni għall-utenti.

(18)     Kif imsemmi fil-premessa (15) tar-regolament antidumping proviżorju antidumping, il-prodott ikkonċernat jintuża l-aktar bħala kisi fil-manifattura ta’ partijiet tal-karrozzi (jiġifieri kaxxi tal-ingranaġġ), partijiet ta’ ajruplani jew bħala kuntatti elettriċi. Id-dijametri li kienu l-aktar negozjati tal-prodott ikkonċernat huma 2,31 mm u 3,17 mm, użati għal sprejar bil-fjamma jew bl-ark.

(19)     Tliet partijiet sostnew li l-prodott li qed ikun investigat u l-prodott ikkonċernat għandhom karatteristiċi essenzjali differenti. Fuq talba ta’ tnejn minnhom, sar smigħ b’konfrontazzjoni mal-GTV, JDC u Plansee, ippresedut mill-Uffiċjal tas-Seduta f’April 2013. Kif spjegat fid-dettall hawn taħt, matul is-seduta l-attenzjoni ewlenija kienet fuq l-allegati differenzi tekniċi bejn il-prodott ikkonċernat u l-prodott investigat, u ġustifikazzjoni ekonomika għall-importazzjoni ta’ dan tal-aħħar fis-suq tal-Unjoni.

(20)     GTV u JDC argumentaw matul is-seduta u bil-miktub li l-prodott li qed jiġi investigat għandu karatteristiċi fiżiċi essenzjali differenti li huma differenti sew mill-prodott ikkonċernat. B’mod aktar speċifiku, huma sostnew li d-duttibbiltà, jiġifieri l-kapaċità tal-materjal li għandu biex jiġi irtirat b’mod lonġitudinali għal taqsima mnaqqsa mingħajr ksur taħt l-azzjoni ta’ forza tensili, it-titwil parametri u l-proprjetajiet ta' kisi tal-prodott li qed jiġi investigat jitjiebu b'mod partikolari meta mqabbla mal-prodott ikkonċernat.

(21)     B’appoġġ għal din it-talba, iż-żewġ partijiet issottomettew għadd ta’ artikoli u studji bil-għan li juru li t-taħlit ta' molibdenu u lantanum jwassal għal prodott b’reżistenza aħjar għal falliment minħabba fraġilità u titwil aħjar mill-prodott ikkonċernat. Dawn il-partijiet sostnew ukoll li l-informazzjoni ppubblikata fuq il-websajt ta' Plansee tipprovdi xhieda li l-prodott li qed jiġi investigat għandu l-proprjetajiet imtejba meta mqabbel mal-prodott ikkonċernat.

(22)     Rigward il-karatteristiċi tal-prodott, sabiex jiġi evalwat jekk il-prodott li qed jiġi investigat u tal-prodott konċernat għandhomx il-karatteristiċi essenzjali differenti, Plansee pproponiet li tagħti mandat lil istitut indipendenti biex jipparaguna l-prodott ikkonċernat u l-prodott investigat.

(23)     Wara s-seduta, it-talba ta’ hawn fuq ġiet ivvalutata abbażi tal-evidenza miġbura matul l-investigazzjoni, b’mod partikolari l-ordnijiet ta’ xiri li jintbagħtu minn importaturi lill-produttur esportatur, l-ispjegazzjonijiet ipprovduti mill-produttur esportatur dwar il-proċess ta’ produzzjoni tiegħu, il-kontenut ta’ kimiki u karatteristiċi ta' titwil u tensilità msemmija fiċ-ċertifikati ta’ kwalitajiet, il-fatturi kummerċjali maħruġa mill-produttur esportatur u n-nuqqas ta’ kull informazzjoni kummerċjali relatata ma’ karatteristika mtejjba tal-prodott li qed jiġi investigat meta mqabbel mal-prodott ikkonċernat li ġie mibgħut lil kwalunkwe konsumatur. l-informazzjoni kollha kkonfermat li proprjetajiet aħjar ma kinux mitluba mill-konsumaturi u lanqas provduta mill-produttur tal-prodott li qed jiġi investigat. Għalhekk, ġie konkluż li l-opinjoni ta’ espert mhijiex meħtieġa. B’konsegwenza, din it-talba ġiet miċħuda.

(24)     F’dan ir-rigward, l-investigazzjoni kkonfermat li l-kwalitajiet imtejba imsemmija hawn fuq fil-premessa (20) jiddependu fuq il-kontenut ta’ lantanu u fuq jekk il-proċess ta’ produzzjoni ottimizzata qed jintuża. Madankollu, il-produttur esportatur li kkoopera ma wriex li introduċa proċessi ta’ produzzjoni ottimiżżata għall-prodott investigat esportat lejn l-UE matul il-PI. It-talba kienet għalhekk irrifjutata minħabba li bla bazi.

(25)     Parti waħda stqarret li l-prodott li qed ikun investigat tejjeb il-proprjetajiet ta' kisi. Madankollu, il-parti ma tatx biżżejjed evidenza biex issostni din id-dikjarazzjoni. It-talba kienet għalhekk irrifjutata minħabba li bla bazi.

(26)     Żewġ partijiet iddikjaraw li l-reżistenza għall-qsim tjiebet għall-prodott li qed jiġi investigat. Dan ifisser li l-wajer qatt ma jinqasam meta jinħall ġo magna tal-isprejar. Madankollu, dawn il-partijiet intalbu jipprovdu dokumentazzjoni ta’ appoġġ iżda naqsu milli jgħamlu dan. Fin-nuqqas ta’ kwalunkwe evidenza ta’ sostenn, din it-talba ġiet injorata.

(27)     Fid-dawl ta’ dak li ntqal hawn fuq, ġie konkluż li l-prodott li qed jiġi investiga m'għandu ebda proprjetajiet differenti meta mqabbel mal-prodott ikkonċernat..

(28)     Barra minn hekk, l-evidenza miġbura matul iż-żjarat ta’ verifika turi li l-utenti/importaturi ma talbux speċifikament il-prodott b’karatteristiċi fiżiċi aħjar kif deskritt hawn fuq fil- Premessa (20) meta għamlu l-ordnijiet tagħhom. L-ebda wieħed minnhom ma talab għal kontenut speċifiku ta’ lantanum iżda talbu għal mill-anqas 99 % ta’ molibdenu. Klijent wieħed biss talab għal karatteristiċi fiżiċi speċifiċi għall-parametri ta’ titwil u tensilità. F’dan il-każ, il-produttur esportatur ittestja dawn il-parametri u pprovda lill-klijent b'ċertifikati ta’ kwalità. Minħabba li dawn iċ-ċertifikati ingħataw ukoll għall-prodott ikkonċernat, kien possibbli li wieħed iqabbel iż-żewġ prodotti għal dawn il-parametri. Il-paragun wera li l-ħtiġijiet għal titwil u tensility kienu identiċi għaż-żewġ prodotti.

(29)     Barra minn hekk, l-investigazzjoni wriet li l-produttur esportatur ma infurmax lis-suq jew lill-klijenti tiegħu dwar l-allegati vantaġġi tal-prodott li qed jiġi investigat fuq il-prodott ikkonċernat u ma poġġiex dawn il-wajers MoLa b'modifika żgħira fis-suq bħala prodott ġdid jew differenti.

(30)     Ibbażat fuq privattiva rreġistrata minn Plansee f’Jannar tal-1996, parti waħda stqarret li l-prodott ikkonċernat u l-prodott li qed jiġi investigat huma prodotti differenti. l-analiżi ta’ din id-dikjarazzjoni wriet li l-privattiva ma tikkonċernax il-prodott investigat iżda l-użu ta’ liga tal-molibdenu bħala kunduttur li jwassal il-kurrent għal lampi, tubi u komponenti simili. Barra minn hekk, id-dijametri ta’ dan it-tip ta’ prodott huma inqas mid-dijametri definiti għall-prodott li qed jiġi investigat. Barra minn hekk, kif imsemmi hawn fuq fil-premessa (24), l-allegata kwalitajiet imtejba ta’ MoLa fuq il-prodott konċernat jiddependu mill-użu ta’ proċess ta’ produzzjoni ottimizzata. Il-pretensjoni hija għalhekk miċħuda.

(31)     Għalhekk, għandu jiġi konkluż li mill-perspettiva tal-konsumatur il-prodott ikkonċernat u l-prodott li qed jiġi investigat huma simili ħafna.

(32)     Parti waħda sostniet li l-offerti kummerċjali ppubblikata fuq il-websajt ta' Plansee juru li huma joffru l-prodott investigat mhux biss fil-qasam tal-isprejjatura tas-sħana iżda wkoll f’diversi oqsma oħra (jiġifieri l-komponenti tal-fanali, industriji tal-qtugħ tal-wajers). Madankollu, Plansee kkummentat li l-informazzjoni kummerċjali li tiġi ppubblikata fis-sit elettroniku tagħha tindika d-dijametri li għalihom għandha provvista. Barra minn hekk, l-investigazzjoni wriet li l-bejgħ ta’ Plansee għal oqsma oħra huwa limitat ħafna (jiġifieri inqas minn 2 % fil-kwantità meta mqabbel mal-bejgħ tal-prodott ikkonċernat) u li ntuża proċess ta’ produzzjoni ottimizzata. Għalhekk, din il-klejm ġiet miċħuda.

(33)     Parti waħda sostniet li Plansee kienet diġa' qed tipproduċi l-prodott li qed jiġi investigat meta ressqet l-ilment li wassal għall-inizjazzjoni tal-investigazzjoni oriġinali u billi Plansee tikkunsidra li l-prodott li qed ikun investigat u l-prodott ikkonċernat għandhom l-istess karatteristiċi essenzjali, dawn għandhom ikunu inklużi fl-ambitu tal-investigazzjoni oriġinali. Madankollu, kif spjegat hawn fuq premessa (32), l-investigazzjoni kkonfermat li dan il-wajer MoLa partikolari huwa differenti mill-prodott li qed jiġi investigat. Id-dijametri tal-prodott huma ġeneralment inqas minn 1 mm u jintuża primarjament fl-industrija tad-dawl. Barra minn hekk, kif imsemmi hawn isfel fit-Tabella 1, l-importazzjonijiet tal-prodott li qed jiġi investigat bdew biss wara li ġew imposti l-miżuri proviżorji fuq il-prodott ikkonċernat. Għalhekk, fin-nuqqas ta’ importazzjonijiet tal-prodott li qed jiġi investigat matul il-PI tal-investigazzjoni oriġinali, ma kien hemm ebda raġuni biex tinkludi dan il-prodott fl-ambitu tal-prodott. Il-pretensjoni hija għalhekk miċħuda bħala infondata.

(34)     Parti waħda sostniet li t-tnaqqis fl-espansjoni tal-firxa minn 99,95 % għal 97 % se jkopri kull tip ta’ ligi tal-molibdenu u b’konsegwenza, dawn il-prodotti ma jkunux disponibbli fuq is-suq tal-UE (jiġifieri pereżempju għas-suq li qed jitfassal mill-ġdid). L-ewwel nett, din il-parti ma ppreżentat ebda evidenza li tappoġġja din l-istqarrija. It-tieni, l-investigazzjoni wriet li produttur esportatur wieħed biss kien qed jesporta MoLa fl-Unjoni matul il-PI u ebda ligi oħrajn li kienu jkunu koperti mid-definizzjoni tal-prodott li qed jiġi investigat. It-tielet l-investigazzjoni wriet li s-suq fl-UE għat-tfassil mill-ġdid u l-bejgħ ta’ ligi tal-molibdenu huwa limitat ħafna. Fl-aħħar nett, l-estensjoni tal-miżuri mhix ser tgħamilha impossibbli li ssir importazzjoni tal-prodott investigat. It-talba ġiet għalhekk irrifjutata.

(35)     Safejn huma kkonċernati d-domandi ta' jekk il-modifika msemmija fi premessa (19) biddlitx jew le l-karatteristiċi essenzjali tal-prodott ikkonċernat, l-informazzjoni provduta mill-partijiet li kkooperaw analizzata fi premessa (24) sa premessa (32), rrivelat lil-prodott li qed jiġi investigat għandu l-istess karatteristiċi fiżiċi bażiċi u l-istess użu bħall-prodott ikkonċernat.

(36)     B’konsegwenza ta’ dan, instab li ma hemm l-ebda differenzi rilevanti fil-karatteristiċi fiżiċi bejn il-prodott investigat u l-prodott ikkonċernat. Għalhekk, ġie konkluż li l-prodott li qed jiġi investigat huwa meqjus bħala prodott simili skont it-tifsira tal-Artikolu 1 (4) tar-Regolament bażiku.

(37)     Għalhekk, għandu jiġi konkluż li l-prodott li qed ikun investigat għandu biss modifika żgħira meta mqabbel mal-prodott ikkonċernat, importat għall-ebda ġustifikazzjoni ekonomika oħra għajr li jevadi d-dazji antidumping fis-seħħ.

2.3.        Il-bidla fix-xejra tal-kummerċ

2.3.1.     L-importazzjonijiet tal-fili tal-molibdenu lejn l-Unjoni

(38)     L-informazzjoni dwar l-importazzjonijiet tal-Unjoni ma jistgħux ikunu direttament miksuba mid-dejta tal-Eurostat, peress li l-kodiċi tan-NM li taħtu il-prodott li qed jiġi investigat huwa ddikjarat jinkludi wkoll prodotti oħra minbarra l-prodott li qed jiġi investigat. Għalhekk, fin-nuqqas ta’ statistiċi speċifiċi ta’ importazzjoni għall-prodott li qed jiġi investigat, id-dejta tal-Eurostat ġiet aġġustata skont il-metodu ssuġġerit fit-talba. Għaldaqstant, il-volum tal-importazzjonijiet tal-prodott li qed jiġi investigat lejn l-Unjoni ġie stabbilit fuq il-bażi ta’ stima tal-konsum tal-UE tal-wajers tal-molibdenu aġġustata bil-produzzjoni totali tal-UE tal-prodott ikkonċernat. Dan il-metodu nstab li kien kredibbli biex tinkiseb dejta dwar il-prodott li qed jiġi investigat.

(39)     Kif imsemmi fil-premessa (11), produttur li jesporta fl-RPĊ wieħed biss ma kkooperax fl-investigazzjoni. Madankollu, abbażi tat-tqabbil tat-tagħrif mogħti minn dan il-produttur esportatur bid-dejta aġġustata tal-Eurostat imsemmija fil-premessa preċedenti, ġie stabbilit li din il-kumpanija tirrappreżenta l-parti l-kbira tal-importazzjonijiet totali tal-UE tal-prodott li qed jiġi investigat waqt il-PI u għalhekk ġiet meqjusa bħala r-rappreżentant tal-importazzjonijiet totali tal-UE ta’ ċerti wajers tal-molibdenu.

(40)     Kif jidher fit-tabella hawn taħt, l-importazzjonijiet fl-Unjoni tal-prodott ikkonċernat waqfu għal kollox wara l-impożizzjoni tal-miżuri definittivi f’Ġunju 2010 u kienu immedjatament sostitwit permezz ta’ importazzjonijiet tal-prodott li qed jiġi investigat.

Tabella 1: L-evoluzzjoni tal-importazzjonijiet tal-prodott ikkonċernat u l-prodott li qed jiġi investigat li joriġina mir-RPĊ

Importazzjonijiet lejn l-UE || 2008 || 2009 || 01/01/2010 * — 16/06/2010 || 17/06/2010** - 31/12/2010 || 2010 || 2011 || RP * * *

(1) Importazzjonijiet Totali – (Tunellati bl-indiċijiet) || 100 || 31 || 10 || 17 || 27 || 128 || 99

Importazzjonijiet Totali || 100 % || 100 % || 100 % || 100 % || 100 % || 100 % || 100 %

Il-Prodott Ikkonċernat || 100 % || 100 % || 20 % || 0 % || 7 % || 0 % || 0 %

 Il-Prodott li qed jiġi Investigat || 0 % || 0 % || 80 % || 100 % || 93 % || 100 % || 100 %

(1) Indiċjati fuq il-bażi ta’ volum f’kg irrapportata mill-produttur esportatur li kkoopera. (jiġifieri 2008 = 100). Irreferi għal premessa (37). Importazzjonijiet= il-Prodott ikkonċernat + il-Prodott li qed jiġi investigat * il-perjodu korrispondenti għall-impożizzjoni tal-miżuri proviżorji * il-perjodu korrispondenti għall-impożizzjoni tal-miżuri definittivi * * * RP = perjodu ta’ rappurtar mill-1 ta’ Ottubru 2011 sat-30 ta’ Settembru 2012 Sors: sottomissjoni JDC

(41)     l-investigazzjoni kkonfermat li l-partijiet li xtraw il-prodott li qed jiġi investigat wara l-impożizzjoni tad-dazju proviżorju kienu qed jixtru l-prodott ikkonċernat qabel l-impożizzjoni tal-miżuri. Dawn il-partijiet xtraw 99,8 % tal-kwantità totali tal-prodott li qed jiġi investigat matul il-PR.

(42)     Żewġ partijiet interessati sostnew li sa mis-sena 2007, bdew proġett biex jiġi żviluppat il-prodott li qed jiġi investigat fir-RPĊ u għalhekk l-esportazzjonijiet tal-prodotti taħt l-investigazzjoni ma kienx marbut mal-impożizzjoni tal-miżuri fuq il-prodott ikkonċernat. Madankollu, l-investigazzjoni ma kkonfermatx il-materjalità ta’ tali proġett. B’kollox, email waħda, il-minuti ta’ konferenza telefonika waħda u l-esportazzjoni ta’ kampjun tal-prodott li qed jiġi investigat għal analiżi ulterjuri ġew ipprovduti. Barra minn hekk, dan il-proġett ma rriżultax f’kull bejgħ tal-prodott li qed jiġi investigat lejn l-UE qabel l-impożizzjoni tal-miżuri proviżorji fuq il-prodott ikkonċernat, jiġifieri f’Ottubru 2010. Madankollu, il-fatt li proġett allegatament kien mibdi fl-2007 ma biddilx is-sejba li l-prodott ikkonċernat u l-prodott investigat huma simili. Il-konklużjoni li ntlaħqet fl-investigazzjoni li ma kien hemm l-ebda ġustifikazzjoni ekonomika għall-esportazzjoni tal-prodott li qed jiġi investigat minn l-impożizzjoni tal-miżuri fuq il-prodott ikkonċernat tibqa' valida wkoll.

(43)     l-investigazzjoni wriet ukoll li l-ebda bejgħ tal-prodott li qed jiġi investigat ma sar lejn pajjiżi oћra minbarra l-UE u li kwantitajiet limitati biss inbiegħu fis-suq Ċiniż matul l-PI kif jidher fit-tabella 2 hawn taħt.

Tabella 2: Il-prodott taħt is-suq tal-investigazzjoni

|| 2008 || 2009 || 01/01/2010-16/06/2010 || 17/06/2010-31/12/2010 || 2010 || 2011 || 01/10/2011-30/09/2012

(1) Bejgħ Totali (indiċjat) || 100 || 96 || 863 || 1529 || 2393 || 11168 || 8123

 Il-Bejgħ Totali; || 100 % || 100 % || 100 % || 100 % || 100 % || 100 % || 100 %

Il-bejgħ domestiku (RPĊ) || 100 % || 100 % || 5 % || 4 % || 4 % || 0.4 % || 2 %

Bejgħ fl-UE || 0 % || 0 % || 95 % || 96 % || 95 % || 99,6 % || 98 %

 Bejgħ f'pajjiżi oħra || 0 % || 0 % || 0 % || 0 % || 0 % || 0 % || 0 %

(1) Il--metodoloġija hekk kif deskritta għal Tabella 1. Sors: sottomissjoni JDC

(44)     Fuq din il-bażi, l-allegazzjoni kienet miċħuda.

2.3.2.     Konklużjoni dwar il-bidla fix-xejra tal-kummerċ

(45)     Iż-żieda totali tal-esportazzjonijiet tal-prodott li qed jiġi investigat lejn l-UE mir-RPĊ wara l-impożizzjoni ta’ miżuri proviżorji u definittivi u t-tnaqqis b'mod parallel tal-importazzjonijiet tal-prodott ikkonċernat ikkostitwew bidla fix-xejra tal-kummerċ bejn ir-RPĊ u l-Unjoni.

2.4.        In-natura tal-prassi ta’ evażjoni u raġuni xierqa jew ġustifikazzjoni ekonomika insuffiċjenti

(46)     L-Artikolu 13(1) tar-regolament bażiku jitlob li l-bidla fix-xejra tal-kummerċ tinbet minn prattika, proċess jew ħidma li għalihom ma hemmx raġuni valida jew ġustifikazzjoni ekonomika suffiċjenti għajr għall-impożizzjoni tad-dazju.

(47)     Kif issemma fil-premessa (41), ġie konkluż li hemm bidla fir-rutina tal-kummerċ.

(48)     Kif imsemmi fi pmeressi (28) u (29),ġie konkluż li la l-produttur esportatur u lanqas l-importatur ma infurmaw lis-suq jew lill-klijenti tagħhom dwar l-allegati vantaġġi tal-prodott li qed jiġi investigat fuq il-prodott ikkonċernat u ma poġġewx il-prodott li qed jiġi investigat fis-suq bħala prodott ġdid jew differenti.

(49)     Barra minn hekk, kemm il-prodott konċernat u l-prodott investigat jintużaw prinċipalment bħala sprej wajers fl-industrija tal-karozzi u l-utenti tal-aħħar taż-żewġ prodotti huma l-istess.

(50)     Parti waħda stqarret li l-prodott li qed ikun investigat jipprovdi titjib sinifikanti meta jintuża bħala sprej wajer. Dan it-titjib għandu impatt fuq il-produttività ta’ komponenti tat-tagħmir ta' kisi, billi tiġi mminimizzata l-interruzzjoni tal-produzzjoni minħabba falliment ta' wajers fraġli. Madankollu, l-investigazzjoni kkonfermat li din il-parti ma poġġietx il-prodott li qed jiġi investigat fuq is-suq u lanqas infurmat lill-klijenti tagħha dwar l-allegati karatteristiċi tekniċi differenti jew dwar t-titjib miġjub mill-prodott li qed jiġi investigat. Barra minn hekk, il-klijenti ma talbux b'mod speċifikament għal titjib. It-talba kienet għalhekk irrifjutata minħabba li bla bazi.

(51)     Parti waħda sostniet li utent wieħed bidel il-prodott li qed jiġi investigat minħabba nuqqasijiet tekniċi tal-prodott ikkonċernat. Madankollu, din il-parti intalbet tipprovdi dokumentazzjoni ta’ appoġġ iżda naqset milli tagħmel dan. Fin-nuqqas ta’ kwalunkwe evidenza ta’ sostenn, din it-talba ġiet injorata.

(52)     GTV sostniet li MoLa użati għal kisi bl-isprej jipprovdu riżultati aħjar meta jitqies il-kisi micro hardness. Dan jippermetti li jiġi evitat it-tkagħbir permezz ta' trasferiment ta' materjal mill-wiċċ ta’ komponent li jħakkek fuq kontroparti. Din il-parti ssottomettiet ir-riżultati tat-test minn laboratorju indipendenti li juri li l-micro hardness tista' titjieb b’użu ta’ MoLa. Madankollu, il-metodoloġija użata minn laboratorju indipendenti ma ggarantietx l-eżitu minħabba li t-test kien realizzat fuq lott wieħed biss ta’ wajer filwaqt li din il-parti sostniet li test ieħor l-analiżi għandu jkopri għadd kbir ta’ lottijiet. Barra minn hekk, il-kompożizzjoni kimika ta’ kampjun ittestjat ma ġietx analizzata li jfisser li m’hemm l-ebda garanzija li l-lott analizzat kien attwalment il-prodott li qed jiġi investigat. It-talba kienet għalhekk irrifjutata minħabba li bla bazi.

(53)     L-investigazzjoni ma żvelat l-ebda kawża adegwata jew ġustifikazzjoni ekonomika oħra għall-importazzjonijiet tal-prodott li qed jiġi investigat minbarra l-evitar tal-ħlas tad-dazju fis-seħħ.

(54)     Huwa għalhekk konkluż li, fin-nuqqas ta’ kwalunkwe kawża jew ġustifikazzjoni ekonomika suffiċjenti fi ħdan it-tifsira tat-tieni sentenza tal-Artikolu 13 (1) tar-Regolament bażiku, il-bidla fix-xejra tal-kummerċ bejn ir-RPĊ u l-Unjoni kienet minħabba l-impożizzjoni tal-miżuri fis-seħħ.

2.5.        L-imminar tal-effetti rimedjali tad-dazju f’termini ta’ prezzijiet u/jew il-kwalitajiet tal-prodott simili

(55)     Biex tivvaluta jekk l-importazzjonijiet tal-prodott investigat, f’termini ta’ kwantitajiet u prezzijiet, xekklux l-effetti remedjali tal-miżuri fis-seħħ, id-dejta pprovduta minn produttur esportatur li kkoopera, kif deskritt fil-premessa (39) intużawx.

(56)     Iż-żieda fl-importazzjonijiet tal-prodott investigat mir-RPĊ f'dak li għandu x'jaqsam mal-impożizzjoni tal-miżuri proviżorji kienet sinifikattiva f’termini ta’ kwantitajiet. Il-livell tal-importazzjonijiet lejn l-UE mir-RPĊ fil-PR jikkorrispondi mal-livell tal-importazzjonijiet tal-prodott ikkonċernat li joriġina mir-RPĊ lejn l-Unjoni fl-2008, qabel l-impożizzjoni tal-miżuri.

(57)     Il-paragun tal-livell ta’ eliminazzjoni tad-dannu kif stabbilit fir-Regolament oriġinali u l-medja differenzjata tal-prezz tal-esportazzjoni wera bejgħ bi prezz imraħħas sinifikanti. Għaldaqstant ġie konkluż li l-effetti rimedjali tal-miżuri fis-seħħ qed jiddgħajfu kemm f'termini ta’ kwantità kif ukoll ta’ prezz.

2.6.        L-evidenza ta’ dumping fir-rigward tal-valur normali li kien stabbilit preċedentement għall-prodott simili

(58)     Il-prezzijiet tal-esportazzjoni tal-prodott li qed jiġi investigat ġew stabbiliti fuq il-bażi tal-informazzjoni vverifikata mogħtija mill-produttur esportatur li kkoopera.

(59)     Dawn il-prezzijiet ta’ esportazzjoni instabu li huma kemxjen anqas meta mqabbla mal-prezzijiet tal-esportazzjoni tal-prodott ikkonċernat stabbilit qabel fl-investigazzjoni oriġinali. Żewġ partijiet interessati kkonfermaw li hemm kważi l-ebda differenza fil-prezz bejn il-prodott konċernat u l-prodott li qed jiġi investigat.

(60)     Għalhekk, skont l-Artikolu 13 (1) tar-Regolament bażiku, ġie kkunsidrat xieraq li jitqabbel il-valur normali stabbilit qabel fl-investigazzjoni oriġinali mal-prezz tal-esportazzjoni tal-prodott li qed jiġi investigat.

(61)     Kif imsemmi fil-premessa (24) u (25) tar-regolament proviżorju, l-Istati Uniti tal-Amerika tqiesu li huma pajjiż xieraq b’ekonomija tas-suq analoga. Peress li l-produttur tal-pajjiż analogu għamel biss bejgħ marġinali fis-suq domestiku tal-Istati Uniti, instab li ma jkunx raġjonevoli li tintuża d-dejta tal-bejgħ domestiku tal-Istati Uniti għall-finijiet tad-determinazzjoni jew il-konstruzzjoni ta' valur normali. Għaldaqstant, il-valur normali għar-RPĊ kien stabbilit fuq il-bażi tal-prezzijiet tal-esportazzjoni mill-Istati Uniti lejn pajjiżi terzi oħra, inkluża l-Unjoni.

(62)     Parti waħda sostniet li l-valur normali stabbilit fl-investigazzjoni oriġinali għandu jiġi aġġustat minħabba li l-prezz tal-ossidu tal-molibdenu, li huwa fattur deċiżiv għall-iffissar tal-prezzijiet tal-prodott konċernat kif ukoll tal-prodott investigat, naqas drastikament fil-perjodu ta’ rappurtar ta’ din l-investigazzjoni. Kif imsemmi hawn fuq fil-premessa (61), il-valur normali waqt l-investigazzjoni oriġinali ġie stabbilit fuq il-bażi tal-prezzijiet għall-esportazzjoni minn produttur li jinsab fl-Istati Uniti tal-Amerika u mhux fuq il-bażi tal-ispejjeż tagħha. Għalhekk, kwalunkwe aġġustament ibbażat fuq l-ispejjeż ma jidhirx li huwa xieraq f’dan il-każ. Minħabba li l-prezz tal-materja prima ewlenija naqas b’mod sinifikanti jidher anki b’mod aktar ċar li l-elementi tal-prezzijiet għandhom jintużaw biex jistabbilixxu valur normali rilevanti f’dan il-każ.

(63)     l-aġġustament fuq il-valur normali ġie għalhekk stabbilit fuq il-bażi tal-evoluzzjoni tal-prezzijiet tal-prodott ikkonċernat. Peress li l-produttur tal-Istati Uniti waqqaf l-attività tiegħu u l-ebda informazzjoni ma kienet disponibbli mill-pajjiż analogu, l-aġġustament ġie kkalkulat fuq il-bażi tal-prezzijiet irrapportati minn Plansee fl-investigazzjoni oriġinali u matul il-PR. Dan wassal biex ikun hemm aġġustament ‘l isfel ta’ madwar 20 % mal-valur normali stabbilit fl-investigazzjoni oriġinali.

(64)     Skont l-Artikoli 2(11) u 2(12) tar-Regolament bażiku, id-dumping ġie kkalkolat permezz ta’ tqabbil bejn il-valut normali tal-medja differenzjata kif stabbilit fir-Regolament oriġinali u l-prezzijiet medji differenzjati tal-prodott li qed jiġi investigat stabbiliti matul il-PR ta' din l-investigazzjoni espress bħala perċentwali tal-prezz nett liberu fil-fruntiera tal-Unjoni, qabel id-dazju doganali.

(65)     It-tqabbil tal-valur normali medju peżat aġġustat u l-prezzijiet medji peżati ta’ esportazzjoni wera l-eżistenza ta' dumping.

3.           TALBIET GĦALL-EŻENZJONI

(66)     Produttur esportatur wieħed fir-RPĊ talab eżenzjoni mill-miżuri estiżi possibbli skont l-Artikolu 13(4) tar-Regolament bażiku ppreżenta tweġiba għall-kwestjonarju.

(67)     l-investigazzjoni madankollu kkonfermat li dan il-produttur evada il-miżuri fis-seħħ. Għalhekk ġie konkluż li t-talba tiġi miċħuda.

4.           MIŻURI

(68)     Minħabba s-sejbiet ta’ hawn fuq, ġie konkluż li d-dazju antidumping definittiv impost fuq l-importazzjonijiet ta’ wajers tal-molibdenu li joriġinaw mir-RPĊ ġie evaż permezz ta’ importazzjonijiet ta’ ċertu wajers tal-molibdenu b'modifika żgħira li joriġinaw mir-RPĊ.

(69)     Skont l-ewwel sentenza tal-Artikolu 13 (1) tar-Regolament bażiku, il-miżuri antidumping eżistenti fuq l-importazzjoni tal-prodott ikkonċernat li joriġina mir-RPĊ għandhom jiġu estiżi għall-importazzjonijiet tal-prodott li qed jiġi investigat.

(70)     Skont l-Artikoli 13 (3) u 14 (5) tar-Regolament bażiku, li jipprevedu li kull miżura estiża għandha tkun applikata kontra l-importazzjoni rreġistrata mid-data tar-reġistrazzjoni, id-dazju antidumping għandu jinġabar fuq l-importazzjonijiet kollha fl-Unjoni ta’ wajer tal-molibdenu, li fih 97 % tal-piż jew aktar iżda inqas minn 99,95 % ta’ molibdenu, b’dimensjoni trażversali massima li taqbeż il-1,35 mm imma ma taqbiżx l-4,0 mm u li attwalment jaqgħu taħt il-kodiċi NM ex 8102 96 00 (kodiċi TARIC 8102 96 00 30) li daħlu fl-Unjoni skont ir-reġistrazzjoni imposta mir-Regolament tal-bidu.

5.           INFORMAZZJONI

(71)     Il-partijiet kollha interessati ġew mgħarrfa bil-fatti u l-kunsiderazzjonijiet essenzjali li wasslu għall-konklużjonijiet imsemmija u ġew mistiedna biex jikkummentaw. Kienu kkunsidrati l-kummenti orali u miktuba li tressqu mill-partijiet. L-ebda wieħed mill-argumenti ppreżentati ma ta lok għal modifika tas-sejbiet definittivi.

ADOTTA DAN IR-REGOLAMENT:

Artikolu 1

Id-dazju antidumping definittiv impost mir-Regolament ta’ Implimentazzjoni (UE) Nru 511/2010 fuq l-importazzjonijiet ta’ wajer tal-molibdenu, li fih mill-inqas 99,95 % tal-piż tiegħu jikkonsisti f’molibdenu, li minnu d-dimensjoni trażversali massima taqbeż il-1,35 mm imma ma taqbiżx l-4,0 mm li joriġina mir-Repubblika Popolari taċ-Ċina.qed tkun estiża hawnhekk fuq l-importazzjonijiet fl-Unjoni ta' wajer tal-molibdenu li fih mill-inqas 97 % tal-piż tiegħu jikkonsisti f’molibdenu, li minnu d-dimensjoni trażversali massima taqbeż il-1,35 mm imma ma taqbiżx l-4,0 mm li joriġina mir-Repubblika Popolari taċ-Ċina u li attwalment jaqa’ taħt il-kodiċi CN ex 8102 96 00 (kodiċi TARIC 8102 96 00 30).

Artikolu 2

Id-dazju għandu jinġabar fuq importazzjonijiet irreġistrati skont l-Artikolu 2 tar-Regolament ta’ Implimentazzjoni (UE) Nru 1236/2012 u l-Artikoli 13 (3) u 14 (5) tar-Regolament (KE) Nru 1225/2009 tal-importazzjonijiet fl-Unjoni ta’ wajer tal-molibdenu, li fih, 97 % mill-piż jew aktar iżda inqas minn 99,95 % ta’ molibdenu, b’dimensjoni trasversali massima li taqbeż il-1,35 mm imma ma taqbiżx l-4,0 mm u li attwalment jaqa’ taħt il-kodiċi NM ex 8102 96 00 (kodiċi TARIC 8102 96 00 30), li joriġinaw fir-Repubblika tal-Poplu taċ-Ċina.

Artikolu 3

L-awtoritajiet tad-dwana huma b'dan ordnati li jtemmu r-reġistrazzjoni tal-importazzjonijiet stabbilita skont l-Artikolu 2 tar-Regolament (UE) 1236/2012.

Artikolu 4

Dan ir-Regolament għandu jidħol fis-seħħ l-għada tal-jum tal-pubblikazzjoni tiegħu f' Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell,

                                                                       Għall-Kunsill

                                                                       Il-President

[1]               ĠU L 343, 22.12.2009, p. 51.

[2]               ĠU L 336, 18.12.2009, p. 16.

[3]               ĠU L 150, 16.6.2010, p. 17.

[4]               ĠU L 8, 12.1.2012, p. 22.

[5]               ĠU L 350, 20.12.2012, p.51.