|
Il-Ġurnal Uffiċjali |
MT Is-serje C |
|
C/2024/5520 |
12.9.2024 |
Notifika preliminari ta’ konċentrazzjoni
(Il-Każ M.11705 — TIKEHAU CAPITAL / BOUYGUES / SERENA INDUSTRIAL PARTNERS / BELLOVA JV)
Każ li jista’ jiġi kkunsidrat għal proċedura ssimplifikata
(Test b'rilevanza għaż-ŻEE)
(C/2024/5520)
1.
Fl-4 ta’ Settembru 2024, il-Kummissjoni Ewropea rċeviet notifika ta’ konċentrazzjoni skont l-Artikolu 4 tar-Regolament tal-Kunsill (KE) Nru 139/2004 (1).Din in-notifika tikkonċerna l-impriżi li ġejjin:
|
— |
Egis Airport Operation SAS (“Egis Airport Operation”, Franza), ikkontrollata minn Tikehau Capital SCA (“Tikehau”, Franza), |
|
— |
Egis Investment Partners France II SCA (“Egis Investment Partners”, Franza), ikkontrollata minn Tikehau, |
|
— |
Bouygues Construction Airport Concessions (Franza), ikkontrollata minn Bouygues S.A. (“Bouygues”, Franza), |
|
— |
Impact V. S.à.r.l (“Impact V.”, il-Lussemburgu), ikkontrollata minn Serena Industrial Partners GP S.à.r.l (“Serena”, il-Lussemburgu), |
|
— |
Bellova SAS (“Bellova”, Franza), kumpanija ġdida li se tkun responsabbli għall-operat, il-ġestjoni, il-manutenzjoni u l-promozzjoni tal-ajruport ta’ Beauvais-Tillé fi Franza. |
Egis Airport Operation, Egis Investment Partners, Bouygues Construction Airport Concessions u Impact V. se jakkwistaw, skont it-tifsira tal-Artikolu 3(1)(b) u l-Artikolu 3(4) tar-Regolament dwar l-Għaqdiet, il-kontroll konġunt ta’ Bellova kollha kemm hi.
Il-konċentrazzjoni titwettaq permezz ta’ xiri ta’ ishma u kuntratt.
2.
L-attivitajiet kummerċjali tal-impriżi kkonċernati huma dawn li ġejjin:|
— |
Egis Airport Operation topera fis-settur tal-ġestjoni u tal-operat tal-ajruporti, prinċipalment fl-Ewropa u fl-Afrika. Tikehau hija attiva fil-ġestjoni tal-assi u tal-investiment, inkluż fl-Ewropa, fl-Asja u fl-Amerika ta’ Fuq. |
|
— |
Egis Investment Partners hija speċjalizzata fl-investiment u fil-ġestjoni ta’ parteċipazzjonijiet azzjonarji fi proġetti ta’ infrastruttura, inkluż id-disinn, il-kostruzzjoni, is-servizzjar, il-manutenzjoni, l-operat u l-finanzjament. Sal-lum, din il-kumpanija ma għandha l-ebda attività ħlief għall-proġett ta’ konċessjoni għall-ajruport ta’ Beauvais-Tillé fi Franza. |
|
— |
Bouygues Construction Airport Concessions hija vettura maħluqa bl-għan li tinvesti, f’isem Bouygues, f’konċessjonijiet tal-ajruport. Din il-kumpanija ma għandha l-ebda attività, bl-eċċezzjoni tal-proġett ta’ konċessjoni tal-ajruport ta’ Beauvais. Bouygues hija attiva fis-setturi tal-kostruzzjoni, tax-xogħlijiet pubbliċi, tat-telekomunikazzjoni u tal-media. |
|
— |
Impact V. hija vettura ta’ investiment li tirrispondi għall-offerti pubbliċi fil-qasam tal-infrastruttura fi Franza. Serena Industrial Partners, li tispeċjalizza fl-iżvilupp ta’ infrastruttura ta’ daqs medju fis-setturi tal-mobbiltà, tal-ambjent u tal-infrastruttura soċjali, hija preżenti fl-Ewropa u fiċ-Ċilì. |
3.
Il-kumpanija l-ġdida Bellova se tkun responsabbli għall-operat, il-ġestjoni, il-manutenzjoni u l-promozzjoni tal-ajruport ta’ Beauvais-Tillé fi Franza.
4.
Wara analiżi preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.Skont l-Avviż tal-Kummissjoni dwar trattament simplifikat għal ċerti konċentrazzjonijiet skont ir-Regolament tal-Kunsill (KE) Nru 139/2004 dwar il-kontroll ta’ konċentrazzjonijiet bejn l-impriżi (2), jenħtieġ li jiġi nnutat li dan il-każ jista’ jiġi kkunsidrat għal trattament skont il-proċedura stabbilita fl-Avviż.
5.
Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta.Dawn il-kummenti jeħtieġ li jaslu għand il-Kummissjoni mhux aktar tard minn għaxart ijiem wara id-data ta’ din il-pubblikazzjoni. Jenħtieġ li r-referenza li ġejja dejjem tiġi speċifikata:
M.11705 – TIKEHAU CAPITAL / BOUYGUES / SERENA INDUSTRIAL PARTNERS / BELLOVA JV
Il-kummenti jistgħu jintbagħtu lill-Kummissjoni permezz tal-posta elettronika jew bil-posta. Uża d-dettalji ta’ kuntatt ta’ hawn taħt:
Email: COMP-MERGER-REGISTRY@ec.europa.eu
L-indirizz postali:
|
European Commission |
|
Directorate-General for Competition |
|
Merger Registry |
|
1049 Bruxelles/Brussel |
|
BELGIQUE/BELGIË |
(1) ĠU L 24, 29.1.2004, p. 1 (“ir-Regolament dwar l-Għaqdiet”).
ELI: http://data.europa.eu/eli/C/2024/5520/oj
ISSN 1977-0987 (electronic edition)