Recommendation for a COUNCIL RECOMMENDATION on the National Reform Programme 2011 of Hungaryand delivering a Council opinionon the updated Convergence Programme of Hungary, 2011-2015
Rakkomandazzjoni għal RAKKOMANDAZZJONI TAL-KUNSILL dwar il-Programm Nazzjonali ta' Riforma
tal-Ungerija għall-2011
u l-għoti tal-opinjoni tal-Kunsill
dwar il-Programm ta’ Konverġenza aġġornat tal-Ungerija, 2011-2015 IL-KUNSILL TAL-UNJONI EWROPEA, Wara li kkunsidra t-Trattat dwar
il-Funzjonament tal-Unjoni Ewropea, u partikolarment l-Artikoli 121(2)
u 148(4) tiegħu, Wara li kkunsidra r-Regolament tal-Kunsill
(KE) Nru 1466/97 tas-7 ta’ Lulju 1997 dwar
it-tisħiħ tas-sorveljanza ta' pożizzjonijiet ta' baġit u
s-sorveljanza u l-koordinazzjoni ta' politika ekonomika[1], u partikolarment l-Artikolu 9(3)
tiegħu, Wara li kkunsidra r-rakkomandazzjoni
tal-Kummissjoni Ewropea[2], Wara li kkunsidra l-konklużjonijiet
tal-Kunsill, Wara li kkunsidra l-opinjoni tal-Kumitat
tal-Impjiegi, Wara li ġie kkonsultat il-Kumitat
Ekonomiku u Finanzjarju, Billi: (1)
Fis-26 ta’ Marzu 2010, il-Kunsill
Ewropew qabel mal-proposta tal-Kummissjoni Ewropea li tvara strateġija
ġdida għall-impjiegi u t-tkabbir, Ewropa 2020, imsejsa fuq
koordinazzjoni msaħħa tal-politiki ekonomiċi, li tiffoka fuq
l-oqsma ewlenin fejn jeħtieġ azzjoni biex tingħata spinta
lill-potenzjal tal-Ewropa għat-tkabbir sostenibbli u l-kompetittività. (2)
Fit-13 ta’ Lulju 2010, il-Kunsill
adotta rakkomandazzjoni dwar il-linji gwida ġenerali għall-politiki
ekonomiċi tal-Istati Membri u l-Unjoni (mill-2010 sal-2014) u fil-21 ta’ Ottubru 2010,
il-Kunsill adotta deċiżjoni dwar il-linji gwida għall-politiki
dwar l-impjiegi tal-Istati Membri[3], li
flimkien jiffurmaw il-"linji gwida integrati". L-Istati Membri
ġew mistiedna jqisu l-linji gwida integrati fil-politiki ekonomiċi u
okkupazzjonali nazzjonali. (3)
Fit-12 ta’ Jannar 2011,
il-Kummissjoni adottat l-ewwel Stħarriġ Annwali dwar it-Tkabbir, li
kien il-bidu ta’ ċiklu ġdid ta’ governanza ekonomika fl-UE u l-ewwel
semestru Ewropew ta’ koordinazzjoni integrata u ex ante ta’ politika,
imsejjes fuq l-istrateġija Ewropa 2020. (4)
Fil-25 ta’ Marzu 2011, il-Kunsill
Ewropew endorsja l-prijoritajiet għall-konsolidazzjoni fiskali u r-riforma
strutturali (bi qbil mal-konklużjonijiet tal-Kunsill tal-15 ta’ Frar u s-7 ta’ Marzu 2011
u b'żieda mal-Istħarriġ Annwali dwar it-Tkabbir
mill-Kummissjoni). Hu saħaq il-ħtieġa li tingħata prijorità
għat-tfassil ta’ baġits tajbin u għat-treġġigħ
lura tas-sostenibilità fiskali, għat-tnaqqis tal-qgħad permezz ta’
riformi fis-suq tax-xogħol u li jsiru sforzi ġodda biex jittejjeb
it-tkabbir. Talab lill-Istati Membri biex isarrfu dawn il-prijoritajiet
f'miżuri konkreti li jiġu inklużi fil-Programmi ta’ Stabilità
jew ta’ Konverġenza u fil-Programmi Nazzjonali ta’ Riforma. (5)
Fil-15 ta’ April 2011, l-Ungerija
ressqet il-verżjoni aġġornata tagħha tal-Programm ta’
Konverġenza 2011 li tkopri l-perjodu 2011-2015 u l-Programm Nazzjonali ta’
Riforma 2011 tagħha. Sabiex jitqiesu l-konnessjonijiet bejniethom,
iż-żewġ programmi ġew ivvalutati fl-istess waqt. (6)
L-Ungerija ntlaqtet ħażin ħafna
bill-kriżi tal-ħarifa 2008, u l-pajjiż tilef l-aċċess
għall-finanzjament ibbażat fuq is-suq. Biex tegħleb dwan
id-diffikultajiet, l-Ungerija implimentat programm ta’ aġġustament li
ffoka fuq il-konsolidazzjoni fiskali u s-superviżjoni tas-settur
finanzjarju u kienet appoġġata minn assistenza finazjarja mill-UE u
mill-FMI. F’dan l-isfond, il-pajjiż reġa’ kiseb aċċess
għas-suq fir-rebbiegħa tal-2009 u l-ekonomija ħarġet
mir-riċessjoni: wara tnaqqis ta’ 6,7% fl-2009, fl-2010 l-PDG kiber b’1,2%,
sostnut minn żidiet fl-esportazzjoni. Fl-istess ħin, il-qgħad
żdied ulterjorment għal iktar minn 11% mil-livell ta' qabel
il-kriżi ta’ 8%. Fit-tieni nofs tal-2010 l-gvern ħabbar tnaqqis
sinifikanti tat-taxxa, li għandhom jiġu implimentati bejn l-2010 u l-2013.
Biex jillimita d-deterjorazzjoni fiskali, b’mod parallel, huwa introduċa
imposti straordinarji u ddeċieda li jabolixxi l-pilastru tal-pensjonijiet
privati mandatorji. Minkejja li dan ippermetta t-trażżin l-infiq
eċċessiv fl-2010 għal 0,4% tal-PDG 'il fuq mill-mira
tad-defiċit ta’ 3,8% tal-PDG u se jirriżulta f’surplus fl-2011,
il-pożizzjoni sottostanti ddeterjorat b'mod sinifikanti. F’dan l-isfond, u
bil-ħsieb li jissaħħaħ il-potenzjal ta' tkabbir ekonomiku,
f'Marzu 2011 il-gvern ħabbar programm ta' riforma struturali u adotta
miżuri ulterjuri ta' konsolidazzjoni. (7)
Abbażi tal-valutazzjoni tal-Programm ta’
Konverġenza aġġornat skont ir-Regolament tal-Kunsill (KE)
Nru 1466/97, il-Kunsill huwa tal-opinjoni li, abbażi tat-tbassir
tar-rebbiegħa tal-2011 tal-Kummissjoni, ix-xenarju makroekonomiku
sottostanti għall-proġettazzjonijiet baġitarji huma kemxejn wisq
favorevoli, b’mod partikolari fir-rigward tal-iżviluppi tad-domanda
domestika. L-aġġornament huwa intenzjonat biex jikkoreġi
d-defiċit eċċessiv sal-iskadenza tal-2011 stabbilita
mill-Kunsill, li se tinkiseb b’surplus ta’ 2% tal-PDG permezz ta’ dħul
sinifikanti ta’ darba mill-assi tal-pensjonijiet. Il-baġit se jinbidel f’defiċit
ta’ 2,5% tal-PDG fl-2012 u sussegwentement jonqos gradwalment għal 1,5%
tal-PDG fl-2015, l-aktar b'riżultat tat-trażżin tan-nefqa.
L-aġġornament jikkonferma li l-objettiv ta' terminu medju (OTM)
tal-pajjiż għall-pożizzjoni baġitarja f'termini strutturali,
li hu defiċit ta' 1,5% tal-PDG. L-istrateġija ta’ konsolidazzjoni
hija mistennija tnaqqas id-defiċit baġitarju b’mod strutturali u
tpoġġi d-dejn fit-triq tan-niżla biex jilħaq 64% tal-PDG
sal-2015. Madanakollu, jidher li din hija posposta biex tikkoinċidi
mat-titjib strutturali li mhux ser jibda qabel l-2012, filwaqt li
d-deterjorazzjoni strutturali kumulattiva ta’ iktar minn 3% tal-PDG matul 2010
u 2011 mhijiex konformi mar-rakomandazzjonijiet tal-Kunsill ta’ Lulju 2009, li
jitolbu lill-Ungerija tikseb aġġustament strutturali ta’ mill-inqas 0,5%
tal-PDG. It-tbassir tar-rebbiegħa, li jassumi xi riskji ta’
implimentazzjoni, juri defiċit ta’ 3,3.% tal-PDG fl-2012 Abbażi ta’
dan ma jistax ikun eskluż li l-limiti minimi jistgħu jinkisru darba
oħra f’dik is-sena sakemm ma jittiħdux miżuri ulterjuri.
Addizjonalment, it-triq tad-defiċit proġettat ma tipprovdix
għall-aġġustamenti strutturali neċessarji li jiżguraw
il-ksib tal-OTM sa tmiem il-perjodu tal-programm; b’mod partikolari, ma hemm
l-ebda aġġustament strutturali ulterjuri lil hinn mill-2013.
Finalment, it-tneħħija tal-pilastru tal-pensjoni privata mandatorja u
l-inċentivi b’saħħithom pprovduti biex jaqilbu
għall-pilastru tal-pensjoni pubblika jirriżultaw fi dħul
addizzjonali f’termini qosra u medji iżda wkoll iżidu l-obligi fuq
termini itwal u għalhekk jistgħu jiddeterjoraw is-sostenibbiltà
fiskali fit-tul. (8)
Il-konsolidazzjoni fiskali tibqa' sfida ewlenija.
Mingħajr implimentazzjoni rigoruża tal-miżuri mħabbra u
miżuri addizzjonali ta’ natura strutturali ma jistax ikun żgurat li
d-defiċit eċċessiv ikun korrett fuq bażi sostenibbli u li
jsir progress xieraq biex jintlaħaq l-Objettiv ta' Terminu Medju. Barra
minn hekk, il-konsolidazzjoni fiskali se tgħin ukoll biex jibda jitnaqqas
id-dejn u biex tittejjeb is-sostenibbiltà fit-tul, li tidher li qiegħda
f'riskju medju. L-użu sħiħ ta’ dħul mhux mistenni jista'
jgħin biex jaċċellera l-konsolidazzjoni fiskali. F’dan l-isfond,
ir-rapporti bi-annwali dwar il-progress tal-Proċedura tad-Defiċit
Eċċessiv se jservu bħala għodda utli
għall-monitoraġġ mill-qrib tal-progress tal-konsolidazzjoni
fiskali. (9)
Il-Kostituzzjoni riċentament adottata
tistabbilixxi trażżin kostituzzjonali tad-dejn mal-50% tal-PDG u
tagħti lill-Kunsill Fiskali id-dritt ta’ veto fuq il-baġit annwali,
li jista’ jkun l-ewwel pass lejn it-titjib tal-qafas baġitarju.
Madanakollu, dettalji importanti se jkunu speċifikati biss
fil-liġijiet ‘kardinali’ sussegwenti (pereżempju, ir-regoli
numeriċi temporanji se jkun fis-seħħ sakemm il-proporzjoni
tad-dejn jonqos għall-50%, l-interpretazzjoni preċiża
tal-klawsola liberatorja, eċċ). L-impożizzjoni ta’ limitu
massimu għad-dejn nominali, jekk din tintuża bħala strument
ħolistiku tista', Ceteris paribus, twassal għal qagħda fiskali
pro-ċiklika. Addizjonalment, il-mandat tal-korp fiskali mġedded huwa
relattivament strett (it-tħejjija ta' opinjoni fuq l-abbozz
tal-baġit, bi dritt għall-veto) u ma jkoprix iċ-ċiklu
baġitarju fl-intier tiegħu (pereżempju permess ta’ valutazzjonijiet
f’ħin reali tal-politiki l-ġodda b’implikazzjonijiet baġitarji
maġġuri). Finalment, aspetti oħra tal-governanza fiskali,
bħall-orjentazzjoni ta’ nofs it-terminu tal-politika fiskali u l-kwistjoni
tat-trasparenza għadhom ma ġewx ikkjarifikati. (10)
Ir-rata tal-impjiegi hija fost l-iktar baxxi fl-UE
(60,4%). Ir-rata tal-impjiegi tan-nisa hija wkoll baxxa (55,0%), waqt li
d-distakk bejn fir-rati tal-impjiegi bejn in-nisa li għandhom tfal ta' età
0-6 snin u dawk li ma għandhomx tfal ta' din l-età huwa t-tieni l-ikbar
fl-UE (33,6, kontra. il-medja tal-UE ta’ 12,1 punt perċentwali). Hemm
nuqqasijiet serji kemm fil-kapaċità kif ukoll fil-kwalità tas-servizzi ta’
ħarsien matul il-jum fl-Ungerija, bi provvediment partikolarment skars lil
hinn mill-ibliet il-kbar, u f’reġjuni b’rata ta’ qgħad għolja
ħafna. It-titjib tal-provvediment tal-ħarsien ta’ matul il-jum ikun
miżura importanti biex tiffaċilita l-parteċipazzjoni
taż-żewġ ġenituri fil-forza tax-xogħol. (11)
L-Ungerija għandha piż ta’ tassazzjoni
relattivament kbir fuq ix-xogħol. Is-sistema ta’ tassazzjoni ġdida
fuq l-introjtu personali tindirizza parzjalment l-effetti negattivi fuq
l-impjiegi, iżda l-piż tat-tassazzjoni fuq dawk li l-qligħ
tagħhom huwa baxx u li ma għandhomx tfal fil-fatt żdied,
speċjalment meta titqies it-tneħħija gradwali tal-krediti
tat-taxxa fuq l-impjieg. (12)
Is-Servizz Pubbliku tal-Impjiegi (PES) ibati minn
kapaċità amministrattiva insuffiċjenti, u injezzjonijiet
preċedenti ta’ fondi ma rnexxielhomx itejbu l-effiċjenza tas-servizzi
fl-integrazzjoni tal-persuni qiegħda fis-suq tax-xogħol. Il-finanzjament
tal-programmi tal-impjiegi mhux suffiċjentament marbut mar-riżultati.
Id-durata tal-benefiċċji tal-qgħad riċentament tnaqqset
għall-liktar livelli baxxi fl-UE. L-impatt ta' din il-miżura fuq
is-suq tax-xogħol jeħtieġ li jkun ivvalutat, partikolarment biex
tkun determinata l-effikaċja tagħha li tgħolli
l-parteċipazzjoni fl-impjiegi. (13)
Il-faqar u fatturi relatati bħan-nuqqas ta’
impjiegi jew livelli baxxi ta’ edukazzjoni komplew jaffetwaw xi gruppi
żvantaġġati, partikolarment ir-Roma, b’mod sproporzjonat. Dawk
b’ħiliet baxxi għandhom rata partikolarment baxxa ta’ impjiegi (36,8%
meta mqabbla mal-medja Ewropea ta’ 53,4%), speċjalment fost l-irġiel.
Skont l-estimi, 70% tal-popolazzjoni tar-Roma jgħixu taħt il-livell
minimu tal-faqar. Maġġoranza kbira minnhom jgħixu f’reġjuni
żvantaġġati, b’aċċess limitat
għall-opportunitajiet tas-suq tax-xogħol u għas-servizzi
pubbliċi. (14)
L-SMEs kienu mfixxkla mill-kumplessità tal-qafas
regolatorju, piż amministrattiv għoli, u responsabbiltà u trasparenza
limitati fl-amministrazzjoni pubblika. L-aċċess tal-SMEs għal
finanzjament fi stadju bikri kien iktar skars mill-medja tal-UE. Il-Programm
Nazzjonali ta’ Riforma jinkludi numru ta’ miżuri biex inaqqsu
l-piżijiet amministrattivi. Ir-rwol ta’ mekkaniżmi mhux bankarji ta’
finanzjament baqa’ lura meta mqabbel ma dak ta' pajjiżi oħra Ewropej.
L-effikaċja tal-programmi preċedenti biex isostnu s-settur ma kinitx
evalwata sistematikament. (15)
Il-Kummissjoni evalwat il-Programm ta’
Konverġenza u l-Programm Nazzjonali ta’ Riforma għall-Ungerija u
kkunsidrat l-intenzjoni tal-gvern li jirrefletti l-Patt Euro Plus[4]. Hija mhux biss qieset ir-rilevanza
tagħhom għall-politika fiskali u soċjoekonomika sostenibbli
fl-Ungerija, imma wkoll lejn kemm josservaw ir-regoli u l-gwida tal-UE,
fid-dawl tal-ħtieġa tat-tisħiħ tal-governanza ekonomika
kumplessiva tal-Unjoni Ewropea billi jiġi pprovdut kontribut fil-livell
tal-UE għad-deċiżjonijiet nazzjonali futuri.Hija tikkunsidra li
l-istrateġija ta’ aġġustament fiskali prinċipalment
ibbażata fuq in-nefqa qiegħda lura Għalhekk, l-iskadenza tal-2011
stabbilita mill-Kunsill biex id-defiċit jitniżżel taħt
il-limitu ta’ 3% tal-PDG hija rrispettata biss minħabba dħul
sinifikanti ta’ darba mill-assi tal-pensjonijiet Titjib strutturali mhux se
jibda qabel l-2012 u, fil-kunsiderazzjoni tar-riskji ta’ implimentazzjoni, ma
jistax ikun eskluż li l-limitu jista' jinqabeż għal darba
oħra f'dik is-sena sakemm ma jittiħdux miżuri ulterjuri. Barra
minn hekk, fuq terminu itwal, il-Programm ta’ Konverġenza ma jiżgurax
progress ulterjuri lejn l-OTM. Miżuri ulterjuri biex tiżdied
il-parteċipazzjoni fis-suq tax-xogħol u jkunu mmodernizzati
s-servizzi għall-impjiegi jgħinu biex iżidu l-opportunitajiet
tax-xogħol. Tnaqqis ulterjuri tal-piżijijet amministrattivi
jgħinu biex itejjeb l-ambjent tan-negozju u jgħin lill-SMEs jikbru. (16)
Fid-dawl ta’ din il-valutazzjoni, meta jitqiesu
wkoll ir-Rakkomandazzjonijiet tal-Kunsill skont l-Artikolu 126(7)
tat-Trattat dwar il-Funzjonament tal-Unjoni Ewropea tas-7 ta’ Lulju 2009,
il-Kunsill eżamina l-aġġornament tal-2011 tal-Programm ta’
Konverġenza tal-Ungerija u l-opinjoni tiegħu[5] hija riflessa partikolarment
fir-rakomandazzjoni taħt (1) u (2) spjegata hawn taħt.
B'kunsiderazzjoni tal-konklużjonijiet tal-Kunsill Ewropew tal-25 ta’ Marzu 2011,
il-Kunsill eżamina l-Programm Nazzjonali ta’ Riforma tal-Ungerija, B’DAN JIRRAKKOMANDA li l-Ungerija
għandha tieħu azzjoni fil-perjodu 2011-2012 biex: (1)
Issaħħaħ l-isforz fiskali biex
titnaqqas id-deterjorazzjoni strutturali fl-2011 impliċita fit-2%
tas-surplus tal-baġit tal-PDG u tevita li l-bilanċ baġitarju
jerġa' jaqbeż il-limitu ta’ 3% tal-PDG fl-2012. Tadotta miżuri
fiskali addizzjonali ta’ natura permanenti mhux iktar tard mill-baġit tal-2012
biex tiżgura l-miri baġitarji għall-2012 u l-2013 fil-Programm
ta' Konverġenza. Tiżgura progress lejn l-objettiv ta' terminu medju
b’mill inqas 0,5% tal-PDG annwali sa tmiem il-programm u tuża dħul
mhux mistenni biex taċċelera l-konsolidazzjoni fiskali. (2)
Tadotta u timplimenta r-regolamenti li
jispeċifikaw l-aspetti operazzjonali tal-qafas kostituzzjonali ġdid
ta’ governananza fiskali, inkluż, inter alia, ir-regoli numeriċi fuq
livell ċentrali u lokali li se jkunu implimentati sakemm il-proporzjon
tad-dejn ikun naqas taħt il-50% tal-PDG. Twessa' l-mandat tal-Kunsill
Fiskali biex ikopri ċ-ċiklu baġitarju sħiħ,
partikolarment permezz ta’ valutazzjonijiet fil-ħin reali ta’ politiki
ġodda bi'implikazzjonijiet baġitarji maġġuri u
ssaħħaħ il-qafas fiskali biex ikopri l-ippjanar fiskali
multiannwali u biex itejjeb it-trasparenza tal-finanzi pubbliċi. (3)
Iżżid l-parteċipazzjoni fis-suq
tax-xogħol billi ttaffi l-impatt tar-riforma tat-taxxa fuq dawk bi
qligħ baxx b’manjiera newtrali fuq il-baġit. Isaħħaħ
il-miżuri biex tinkoraġġixxi l-parteċipazzjoni tan-nisa
fis-suq tax-xogħol billi tespandi l-faċilitajiet ta' ħarsien
tat-tfal u dawk preskolastiċi. (4)
Tieħu l-passi biex isaħħaħ
il-kapaċità tas-Servizz Pubbliku tal-Impjiegi u fornituri oħra biex
iżżid il-kwailta u l-effikaċja tat-taħriġ,
l-assistenza għat-tfittxija għax-xogħol u s-servizzi
individwalizzati. Torbot il-finanazjament tal-programmi mar-riżultati.
F’konsultazzjoni mal-partijiet involuti, tintroduċi programmi mfassla
apposta, għal dawk b’ħiliet limitati u gruppi oħra
partikolarment żvantaġġati. (5)
Ittejjeb l-ambjent tan-negozju billi timplimenta
l-miżuri kollha maħsuba għar-riforma regolatorja u
għat-tnaqqis tal-piżijiet amministrattivi fil-Programm Nazzjonali ta'
Riforma; tivvaluta l-effikaċja tal-politiki attwali ta’ sostenn
għall-SMEs u taġġusta l-programmi pubbliċi sabiex ittejjeb
l-aċċess għal finanzjament mhux bankarju. Magħmul fi Brussell, Għall-Kunsill Il-President [1] ĠU L 209, 2.8.1997, p. 1. [2] ĠU C , , p. . [3] Miżmuma għall-2011 bid-Deċiżjoni
tal-Kunsill 2011/308/UE tad-19 ta’ Mejju 2011. [4] SEC(2011) 725. [5] Prevista fl-Artikolu 9(3) tar-Regolament
tal-Kunsill (KE) Nru 1466/97.