<!DOCTYPE html PUBLIC "yes" "xhtml1-strict.dtd">
<html xmlns="http://www.w3.org/1999/xhtml">
<!--GENDOC2XHTML # converter_version: 1.2.15-->
  <head>
    <title>2025-10-202510C123202402340-00-TRA-DOC-MT-ARRET-C-0234-24-202510100-07_00</title>
    <meta content="text/html; charset=utf-8" http-equiv="Content-Type"/>
    <meta content="" name="Gendoc_DGTGeneratedDate"/>
    <meta content="0" name="MSIP_Label_6bd9ddd1-4d20-43f6-abfa-fc3c07406f94_ContentBits"/>
    <meta content="Commission Use" name="MSIP_Label_6bd9ddd1-4d20-43f6-abfa-fc3c07406f94_Name"/>
    <meta content="mt-MT" name="Gendoc_Lang"/>
    <meta content="" name="Gendoc_GenerationDate"/>
    <meta content="" name="IsFlattened"/>
    <meta content="1" name="NumProc"/>
    <meta content="Final" name="Gendoc_EditionType"/>
    <meta content="0001" name="Gendoc_CaseNumberSuite"/>
    <meta content="19/11/2025 15:45:51" name="Gendoc_LastVerificationDate"/>
    <meta content="" name="Gendoc_ProcedureNumber"/>
    <meta content="mt" name="Gendoc_LangCode"/>
    <meta content="ARR" name="TypeDoc"/>
    <meta content="5hYiaR8tXoIxIsh6hAXbON0PDkW3Yd49nbzx/Ai+nz0Ja4Zwk81LqZ9Mej4R7RU26MebzcVpI+IVDb9QGXgYcHtdoAntpMGyalLy6zgUt2vqmZ7DBI86+8Ae/X25/L7X0ZA1ZY/XBR5SIgB2G/70NjHHXO2puDWVHFwlMeQ6zZ4=" name="GenDocUID"/>
    <meta content="P" name="TypeProc"/>
    <meta content="" name="CreateCustomParts"/>
    <meta content="OK" name="ReadyToPublish"/>
    <meta content="svc_wsgendoc" name="Gendoc_User"/>
    <meta content="10, 3, 0, 1" name="MSIP_Label_6bd9ddd1-4d20-43f6-abfa-fc3c07406f94_Tag"/>
    <meta content="" name="EP_Mode"/>
    <meta content="" name="Gendoc_DGTGenerated"/>
    <meta content="" name="Gendoc_Vademecum"/>
    <meta content="true" name="MSIP_Label_6bd9ddd1-4d20-43f6-abfa-fc3c07406f94_Enabled"/>
    <meta content="24476c20-f139-486a-82f0-2a9d66500744" name="MSIP_Label_6bd9ddd1-4d20-43f6-abfa-fc3c07406f94_ActionId"/>
    <meta content="0234" name="NumeroOrdre"/>
    <meta content="2024" name="Annee"/>
    <meta content="P" name="Gendoc_ProcedureType"/>
    <meta content="" name="EP_Version"/>
    <meta content="MT" name="Langue"/>
    <meta content="" name="Gendoc_DGTGeneratedUser"/>
    <meta content="b24c8b06-522c-46fe-9080-70926f8dddb1" name="MSIP_Label_6bd9ddd1-4d20-43f6-abfa-fc3c07406f94_SiteId"/>
    <meta content="FAST_document_go_ok" name="Gendoc_LastVerificationStatus"/>
    <meta content="ARR_C" name="Gendoc_GendocTemplateType"/>
    <meta content="TRUE" name="WithoutAuthorBlockFlatP"/>
    <meta content="GenDoc 01-10-25 14:00:29" name="Created"/>
    <meta content="" name="Canevas3_Vademecum"/>
    <meta content="2025-10-28T11:59:50Z" name="MSIP_Label_6bd9ddd1-4d20-43f6-abfa-fc3c07406f94_SetDate"/>
    <meta content="TRUE" name="WithoutAuthorBlock"/>
    <meta content="" name="Gendoc_CaseYear"/>
    <meta content="false" name="Generation_In_Progress"/>
    <meta content="C" name="Juridiction"/>
    <meta content="df5315d980b64493910155b0412cc97b" name="DocumentIdentifier"/>
    <meta content="0234" name="Gendoc_CaseNumber"/>
    <meta content="ImportedWithoutSource" name="SdlIdentifier"/>
    <meta content="RP" name="NatureAff"/>
    <meta content="RP" name="Gendoc_CaseNature"/>
    <meta content="0001" name="NumSuite"/>
    <meta content="C" name="Gendoc_Juridiction"/>
    <meta content="Standard" name="MSIP_Label_6bd9ddd1-4d20-43f6-abfa-fc3c07406f94_Method"/>
  </head>
  <body>
    <div style="header">
      <div id="rId25" style="first"/>
      <div id="rId21" style="even">Sentenza tat-23.10.2025 – Kawża C‑234/24</div>
      <div id="rId22" style="default">Brose Prievidza</div>
    </div>
    <p class="C19Centre" id="para-1" title="page-1">
      SENTENZA TAL-QORTI TAL-ĠUSTIZZJA (L-Għaxar Awla)
    </p>
    <p class="C19Centre" id="para-2" title="page-1">
      23 ta’ Ottubru 2025  (<span class="note footnote notemarker">
<a id="c-1" href="#t-1">*</a>
</span>)
    </p>
    <p class="C71Indicateur" id="para-3" title="page-1">
      “Rinviju għal deċiżjoni preliminari – Tassazzjoni – Sistema komuni ta’ taxxa fuq il-valur miżjud (VAT) – Direttiva 2006/112/KE – Artikolu 138(1) – Direttiva 2008/9/KE – Artikolu 4(b) – Rimbors tal-VAT lill-persuni taxxabbli mhux stabbiliti fl-Istat Membru tar-rimbors – Provvista prinċipali u provvista anċillari – Diviżjoni artifiċjali ta’ provvista waħda – Assenza ta’ moviment tas-suġġett tal-kunsinna”
    </p>
    <p class="C02AlineaAltA" id="para-4" title="page-1">
      Fil-Kawża C‑234/24,
    </p>
    <p class="C02AlineaAltA" id="para-5" title="page-1">
      li għandha bħala suġġett talba għal deċiżjoni preliminari skont l-Artikolu 267 TFUE, imressqa mill-Varhoven administrativen sad (il-Qorti Amministrattiva Suprema, il-Bulgarija), permezz ta’ deċiżjoni tas‑27 ta’ Marzu 2024, li waslet fil-Qorti tal-Ġustizzja fis‑27 ta’ Marzu 2024, fil-proċedura
    </p>
    <p class="C02AlineaAltA" id="para-6" title="page-1">
      Brose Prievidza, spol. s r.o.
    </p>
    <p class="C02AlineaAltA" id="para-7" title="page-1">
      vs
    </p>
    <p class="C02AlineaAltA" id="para-8" title="page-1">
      Direktor na Direktsia “Obzhalvane i danachno-osiguritelna praktika” – Sofia pri Tsentralno upravlenie na Natsionalnata agentsia za prihodite,
    </p>
    <p class="C19Centre" id="para-9" title="page-1">
      IL-QORTI TAL-ĠUSTIZZJA (L-Għaxar Awla),
    </p>
    <p class="C02AlineaAltA" id="para-10" title="page-1">
      komposta minn J. Passer, President tal-Awla, D. Gratsias u B. Smulders (Relatur), Imħallfin,
    </p>
    <p class="C02AlineaAltA" id="para-11" title="page-1">
      Avukat Ġenerali: J. Kokott,
    </p>
    <p class="C02AlineaAltA" id="para-12" title="page-1">
      Reġistratur: A. Calot Escobar,
    </p>
    <p class="C02AlineaAltA" id="para-13" title="page-1">
      wara li rat il-proċedura bil-miktub,
    </p>
    <p class="C02AlineaAltA" id="para-14" title="page-1">
      wara li kkunsidrat l-osservazzjonijiet ippreżentati:
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">għal Brose Prievidza, spol. s r.o., minn E. Evtimov, Y. Mateeva, S. Vasilev u V. Vidolovet, advokati, kif ukoll minn B. Lazarov,</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">għad-Direktor na Direktsia “Obzhalvane i danachno-osiguritelna praktika” – Sofia pri Tsentralno upravlenie na Natsionalnata agentsia za prihodite, minn E. Pavlova,</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">għall-Kummissjoni Ewropea, minn P. Carlin u D. Drambozova, bħala aġenti,</p>
</td>
</tr>
</table>
    <p class="C02AlineaAltA" id="para-18" title="page-1">
      wara li semgħet il-konklużjonijiet tal-Avukata Ġenerali, ippreżentati fis-seduta tat‑22 ta’ Mejju 2025,
    </p>
    <p class="C02AlineaAltA" id="para-19" title="page-1">
      tagħti l-preżenti
    </p>
    <p class="C75Debutdesmotifs" id="para-20" title="page-1">
      Sentenza
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">1</p>
</td>
<td valign="top">
<p class="normal">It-talba għal deċiżjoni preliminari tirrigwarda l-interpretazzjoni tad-Direttiva tal-Kunsill 2008/9/KE tat‑12 ta’ Frar 2008 li tistabbilixxi regoli dettaljati għar-rifużjoni tat-taxxa fuq il-valur miżjud, prevista fid-Direttiva 2006/112/KE, għal persuni taxxabbli mhux stabbiliti fl-Istat Membru ta’ rifużjoni iżda stabbiliti fi Stat Membru ieħor (ĠU 2008, L 44, p. 23).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">2</p>
</td>
<td valign="top">
<p class="normal">Din it-talba tressqet fil-kuntest ta’ tilwima bejn Brose Prievidza, spol. s r.o., kumpannija stabbilita fis-Slovakkja, u d-Direktor na Direktsia “Obzhalvane i danachno-osiguritelna praktika” – Sofia pri Tsentralno upravlenie na Natsionalnata agentsia za prihodite (id-Direttur tad-Direttorat “Appelli u Prassi fil-Qasam tat-Tassazzjoni u tas-Sigurtà Soċjali” ta’ Sofija fi ħdan l-Aġenzija Nazzjonali tad-Dħul Pubbliku, il-Bulgarija) (iktar ’il quddiem id-“Direttur tal-Awtorità tat-Taxxa”), dwar id-dritt għar-rimbors tat-taxxa fuq il-valur miżjud (VAT) li għaliha kienet suġġetta l-kunsinna ta’ tagħmir.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Il-kuntest ġuridiku</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Id-dritt tal-Unjoni</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Id-Direttiva 2006/112</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">3</p>
</td>
<td valign="top">
<p class="normal">It-Titolu IV tad-Direttiva tal-Kunsill 2006/112/KE tat‑28 ta’ Novembru 2006 dwar is-sistema komuni ta’ taxxa fuq il-valur miżjud (ĠU 2006, L 347, p. 1, rettifika fil-ĠU 2007, L 335, p. 60), kif emendata bid-Direttiva tal-Kunsill (UE) 2018/1910 tal‑4 ta’ Diċembru 2018 (ĠU 2018, L 311, p. 3) (iktar ’il quddiem id-“Direttiva 2006/112”), intitolat “Transazzjonijiet taxxabbli”, jinkludi l-Kapitolu 1, intitolat “Provvista ta’ merkanzija”, li fih jinsab l-Artikolu 14 ta’ din id-direttiva, li jipprovdi, fil-paragrafu 1 tiegħu:</p>
</td>
</tr>
</table>
    <p class="C02AlineaAltA" id="para-27" title="page-2">
      “‘Provvista ta’ merkanzija’ għandha tfisser it-trasferiment tad-dritt ta’ sid li jiddisponi minn proprjetà tanġibbli.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">4</p>
</td>
<td valign="top">
<p class="normal">It-Titolu IV tal-imsemmija direttiva jinkludi l-Artikolu 20 tal-istess direttiva, li jipprovdi, fl-ewwel paragrafu tiegħu:</p>
</td>
</tr>
</table>
    <p class="C02AlineaAltA" id="para-29" title="page-2">
      “‘Akkwist intra-Komunitarju ta’ merkanzija’ għandha tfisser l-akkwist tad-dritt li tiddisponi bħala sid ta’ proprjetà tanġibbli mobbli, mibgħuta jew ittrasportata għand il-persuna li qed takkwista l-merkanzija, mill-bejjiegħ jew f’ismu jew il-persuna li qed takkwista l-merkanzija, fi Stat Membru minbarra dak li minnu ntbagħtet jew kienet ittrasportata l-merkanzija.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">5</p>
</td>
<td valign="top">
<p class="normal">It-Titolu IX tad-Direttiva 2006/112, intitolat “Eżenzjonijiet”, jinkludi l-Kapitolu 4, intitolat “Eżenzjonijiet għal transazzjonijiet intra-Komunitarji”, li jinkludi l-Artikolu 138 ta’ din id-direttiva, li jipprevedi, fil-paragrafu 1 tiegħu:</p>
</td>
</tr>
</table>
    <p class="C02AlineaAltA" id="para-31" title="page-2">
      “L-Istati Membri għandhom jeżentaw il-provvista ta’ merkanzija mibgħuta jew ittrasportata lejn destinazzjoni barra mit-territorju tagħhom iżda li tkun fil-Komunità [Ewropea], mill-bejjiegħ jew f’ismu jew mill-persuna li takkwista l-merkanzija, meta jiġu sodisfatti l-kondizzjonijiet li ġejjin:
    </p>
    <p class="C09Marge0avecretrait" id="para-32" title="page-2">
      (a) il-merkanzija tiġi fornuta lil persuna taxxabbli oħra, jew lil persuna ġuridika mhux taxxabbli li taġixxi bħala tali fi Stat Membru li ma jkunx dak li minnu tkun bdiet tintbagħat jew tkun bdiet tiġi ttrasportata l-merkanzija;
    </p>
    <p class="C09Marge0avecretrait" id="para-33" title="page-2">
      (b) il-persuna taxxabbli jew il-persuna ġuridika mhux taxxabbli li lilha ssir il-provvista tkun identifikata għall-finijiet tal-VAT fi Stat Membru li ma jkunx dak li minnu tkun bdiet tintbagħat jew tkun bdiet tiġi ttrasportata l-merkanzija u tkun indikat dan in-numru ta’ identifikazzjoni tal-VAT lill-fornitur.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">6</p>
</td>
<td valign="top">
<p class="normal">L-Artikolu 169 tal-imsemmija direttiva jipprovdi, fil-punt (a) tiegħu:</p>
</td>
</tr>
</table>
    <p class="C02AlineaAltA" id="para-35" title="page-2">
      “Minbarra t-tnaqqis msemmi fl-Artikolu 168, il-persuna taxxabbli għandha tkun intitolata li tnaqqas l-VAT imsemmija hemmhekk, safejn il-merkanzija u s-servizzi jintużaw għal finijiet ta’ dan li ġej:
    </p>
    <p class="C09Marge0avecretrait" id="para-36" title="page-2">
      (a) transazzjonijiet li għandhom x’jaqsmu ma’ l-attivitajiet msemmijin fit-tieni subparagrafu ta’ l-Artikolu 9(1), li twettqu barra mill-Istat Membru li fih dik it-taxxa hi dovuta jew imħallsa, li fir-rigward tiegħu il-VAT tista’ titnaqqas jekk dawn twettqu f’dak l-Istat Membru;
    </p>
    <p class="C09Marge0avecretrait" id="para-37" title="page-2">
      […]”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">7</p>
</td>
<td valign="top">
<p class="normal">L-Artikolu 170 tad-Direttiva 2006/112 jipprovdi:</p>
</td>
</tr>
</table>
    <p class="C02AlineaAltA" id="para-39" title="page-3">
      “Il-persuni taxxabbli kollha li, fit-tifsira ta’ […] l-Artikolu 2(1) u l-Artikolu 3 tad-Direttiva [2008/9] u l-Artikolu 171 ta’ din id-Direttiva, mhumiex stabbiliti fl-Istat Membru li fih jixtru merkanzija u servizzi jew jimpurtaw merkanzija soġġetta għall-VAT għandhom ikunu intitolati jirċievu rifużjoni ta’ dik il-VAT safejn il-merkanzija u s-servizzi huma użati għall-finijiet ta’ dan li ġej:
    </p>
    <p class="C09Marge0avecretrait" id="para-40" title="page-3">
      (a) transazzjonijiet imsemmija fl-Artikolu 169;
    </p>
    <p class="C09Marge0avecretrait" id="para-41" title="page-3">
      […]”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">8</p>
</td>
<td valign="top">
<p class="normal">L-Artikolu 171(1) ta’ din id-direttiva jipprovdi:</p>
</td>
</tr>
</table>
    <p class="C02AlineaAltA" id="para-43" title="page-3">
      “Għandha ssir rifużjoni tal-VAT lil persuni taxxabbli li mhumiex stabbiliti fl-Istat Membru li fih jixtru merkanzija u servizzi jew jimpurtaw merkanzija soġġetti għall-VAT, imma li huma stabbiliti fi Stat Membru ieħor, skond ir-regoli dettaljati stabbiliti fid-Direttiva [2008/9].”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Id-Direttiva 2008/9</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">9</p>
</td>
<td valign="top">
<p class="normal">Skont l-Artikolu 1 tad-Direttiva 2008/9:</p>
</td>
</tr>
</table>
    <p class="C02AlineaAltA" id="para-46" title="page-3">
      “Din id-Direttiva tistabbilixxi r-regoli dettaljati għar-rifużjoni [tal-VAT] previsti fl-Artikolu 170 tad-Direttiva [2006/112], għal persuni taxxabbli, li mhumiex stabbiliti fl-Istat Membru ta’ rifużjoni, li jissodisfaw il-kondizzjonijiet stabbiliti fl-Artikolu 3.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">10</p>
</td>
<td valign="top">
<p class="normal">L-Artikolu 2 tad-Direttiva 2008/9 jipprevedi:</p>
</td>
</tr>
</table>
    <p class="C02AlineaAltA" id="para-48" title="page-3">
      “Għall-finijiet ta’ din id-Direttiva, għandhom japplikaw id-definizzjonijiet li ġejjin:
    </p>
    <p class="C09Marge0avecretrait" id="para-49" title="page-3">
      (1) ‘persuna taxxabbli mhux stabbilita fl-Istat Membru ta’ rifużjoni’ tfisser persuna taxxabbli fis-sens ta’ l-Artikolu 9(1) tad-Direttiva [2006/112] li ma tkunx stabbilita fl-Istat Membru ta’ rifużjoni iżda stabbilita fit-territorju ta’ Stat Membru ieħor;
    </p>
    <p class="C09Marge0avecretrait" id="para-50" title="page-3">
      (2) ‘Stat Membru ta’ rifużjoni’ tfisser l-Istat Membru li fih il-VAT kienet imposta lil persuna taxxabbli mhux stabbilita fl-Istat Membru ta’ rifużjoni fir-rigward ta’ oġġetti jew servizzi fornuti lilha minn persuni oħra taxxabbli f’dak l-Istat Membru jew fir-rigward ta’ l-importazzjoni ta’ oġġetti f’dak l-Istat Membru;
    </p>
    <p class="C02AlineaAltA" id="para-51" title="page-3">
      […]”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">11</p>
</td>
<td valign="top">
<p class="normal">L-Artikolu 4 tad-Direttiva 2008/9 jipprovdi:</p>
</td>
</tr>
</table>
    <p class="C02AlineaAltA" id="para-53" title="page-3">
      “Din id-Direttiva m’għandhiex tapplika fir-rigward ta’:
    </p>
    <p class="C09Marge0avecretrait" id="para-54" title="page-4">
      (a) ammonti ta’ VAT li, skond il-leġislazzjoni ta’ l-Istat Membru ta’ rifużjoni, ġew fatturati b’mod żbaljat;
    </p>
    <p class="C09Marge0avecretrait" id="para-55" title="page-4">
      (b) ammonti ta’ VAT fatturati fir-rigward tal-fornimenti ta’ oġġetti li l-forniment tagħhom huwa, jew jista’ jkun, eżentat skond l-Artikolu 138 jew l-Arikolu 146(1)(b) tad-Direttiva [2006/112].”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Id-dritt Bulgaru</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Iz-ZDDS</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">12</p>
</td>
<td valign="top">
<p class="normal">L-Artikolu 53 taż-Zakon za danak varhu dobavenata stoynost (il-Liġi dwar it-Taxxa fuq il-Valur Miżjud) (DV Nru 63, tal‑4 ta’ Awwissu 2006) (iktar ’il quddiem iz-“ZDDS”) jipprovdi:</p>
</td>
</tr>
</table>
    <p class="C02AlineaAltA" id="para-59" title="page-4">
      “(1) Rata ta’ taxxa żero għandha tiġi applikata għall-kunsinni intra-Komunitarji msemmija fl-Artikolu 7, bl-eċċezzjoni tal-kunsinni intra-Komunitarji eżentati skont l-Artikolu 38(2).
    </p>
    <p class="C02AlineaAltA" id="para-60" title="page-4">
      (2) […] Għall-finijiet tal-applikazzjoni tar-rata ta’ taxxa żero msemmija fil-paragrafu 1, il-fornitur għandu jkollu fil-pussess tiegħu:
    </p>
    <p class="C09Marge0avecretrait" id="para-61" title="page-4">
      1. dokumenti relatati mal-kunsinna kif iddefiniti fir-regolament ta’ implementazzjoni tal-liġi, u
    </p>
    <p class="C09Marge0avecretrait" id="para-62" title="page-4">
      2. […] dokumenti relatati mal-ispedizzjoni jew mat-trasport tal-oġġetti mit-territorju nazzjonali lejn it-territorju ta’ Stat Membru ieħor, kif iddefiniti fl-Artikolu 45a tar-[Regolament ta’ Implimentazzjoni tal-Kunsill (UE) Nru 282/2011 tal‑15 ta’ Marzu 2011 li jistabbilixxi miżuri ta’ implimentazzjoni fir-rigward tad-Direttiva 2006/112/KE dwar is-sistema komuni ta’ taxxa fuq il-valur miżjud (ĠU 2011, L 77, p. 1), kif emendat bir-Regolament ta’ Implimentazzjoni tal-Kunsill (UE) 2018/1912 tal‑4 ta’ Diċembru 2018 (ĠU 2018, L 311, p. 10)], iktar ’il quddiem imsejjaħ ir-’Regolament ta’ Implimentazzjoni (UE) Nru 282/2011’, jew kif iddefiniti fir-regolament ta’ implimentazzjoni tal-liġi.
    </p>
    <p class="C02AlineaAltA" id="para-63" title="page-4">
      (3) […]”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">13</p>
</td>
<td valign="top">
<p class="normal">L-Artikolu 81 taz-ZDDS, intitolat “Rimbors tat-taxxa lill-persuni li ma humiex stabbiliti fit-territorju nazzjonali”, jipprovdi:</p>
</td>
</tr>
</table>
    <p class="C02AlineaAltA" id="para-65" title="page-4">
      “(1) It-taxxa mħallsa għandha tiġi rrimborsata:
    </p>
    <p class="C09Marge0avecretrait" id="para-66" title="page-4">
      1. lill-persuni taxxabbli li ma humiex stabbiliti fit-territorju nazzjonali iżda li huma stabbiliti u rreġistrati għall-finijiet tal-VAT fi Stat Membru ieħor għall-oġġetti li jkunu xtraw u għas-servizzi li jkunu rċevew fit-territorju nazzjonali;
    </p>
    <p class="C09Marge0avecretrait" id="para-67" title="page-5">
      […]
    </p>
    <p class="C02AlineaAltA" id="para-68" title="page-5">
      (2) Il-modalitajiet u d-dokumenti meħtieġa għar-rimbors tat-taxxa msemmi fil-paragrafu 1 għandhom jiġu stabbiliti permezz ta’ digriet tal-Ministru għall-Finanzi.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">14</p>
</td>
<td valign="top">
<p class="normal">Skont l-Artikolu 128 taz-ZDDS:</p>
</td>
</tr>
</table>
    <p class="C02AlineaAltA" id="para-70" title="page-5">
      “Meta l-provvista prinċipali tkun akkumpanjata minn provvista oħra u meta l-ħlas jiġi ddeterminat b’mod komuni, għandu jitqies li din hija provvista prinċipali waħda.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Id-Digriet Nru N‑9</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">15</p>
</td>
<td valign="top">
<p class="normal">L-Artikolu 1 tan-Naredba no N‑9 za vazstanoviavaneto na danaka varhu dobavenata stoynost na danachno zadalzheni litsa, neustanoveni v darzhavata chlenka po vazstanoviavane, no ustanoveni v druga darzhava – chlenka na Evropeiskia sayuz, izdadena ot ministara na finansite (id-Digriet Nru N‑9 dwar ir-rimbors tat-taxxa fuq il-valur miżjud lill-persuni taxxabbli li ma humiex stabbiliti fl-Istat Membru tar-rimbors, iżda li huma stabbiliti fi Stat Membru ieħor tal-Unjoni Ewropea, maħruġ mill-Ministru għall-Finanzi), tas‑16 ta’ Diċembru 2009 (DV Nru 101, tat-18 ta’ Diċembru 2009) (iktar ’il quddiem id-“Digriet Nru N‑9”), jipprevedi:</p>
</td>
</tr>
</table>
    <p class="C02AlineaAltA" id="para-73" title="page-5">
      “(1) Dan id-digriet jirregola:
    </p>
    <p class="C09Marge0avecretrait" id="para-74" title="page-5">
      1. […] il-kundizzjonijiet u l-modalitajiet li skonthom il-[VAT] iffatturata għandha tiġi rrimborsata lil persuni taxxabbli stabbiliti u rreġistrati għall-finijiet tal-[VAT] fi Stat Membru ieħor tal-Unjoni Ewropea, fir-rigward ta’ oġġetti li jkunu xtraw, ta’ servizzi li jkunu ġew ipprovduti lilhom jew ta’ importazzjonijiet imwettqa fit-territorju nazzjonali;
    </p>
    <p class="C09Marge0avecretrait" id="para-75" title="page-5">
      […]
    </p>
    <p class="C02AlineaAltA" id="para-76" title="page-5">
      (2) Dan id-digriet ma japplikax għall-ammonti li jikkorrispondu għal [VAT] iffatturata indebitament, inkluż f’dak li jirrigwarda l-kunsinni intra-Komunitarji mwettqa u l-esportazzjonijiet.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Il-kawża prinċipali u d-domanda preliminari</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">16</p>
</td>
<td valign="top">
<p class="normal">Brose Prievidza hija kumpannija stabbilita u rreġistrata għall-finijiet tal-VAT fis-Slovakkja. L-attività tagħha tikkonsisti, b’mod partikolari, fil-produzzjoni ta’ kontrolli ta’ twieqi u ta’ moduli ta’ bibien għal vetturi bil-mutur. Għall-manifattura ta’ dawn il-prodotti, hija tixtri komponenti mingħand “Integrated Micro-Electronics Bulgaria” EOOD (iktar ’il quddiem “IME Bulgaria”), impriża stabbilita fil-Bulgarija. Il-qorti tar-rinviju tikklassifika l-provvista ta’ dawn il-komponenti minn din tal-aħħar lil Brose Prievidza bħala kunsinni intra-Komunitarji.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">17</p>
</td>
<td valign="top">
<p class="normal">Brose Fahrzeugteile SE &amp; Co. KG (iktar ’il quddiem “Brose Coburg”) hija kumpannija stabbilita fil-Ġermanja u rreġistrata għall-finijiet tal-VAT fil-Ġermanja u fil-Bulgarija. Mill-proċess li għandha quddiemha l-Qorti tal-Ġustizzja jirriżulta li hija tagħmel parti, bħal Brose Prievidza, mill-grupp Brose, li jipproduċi b’mod partikolari sistemi mekatroniċi għall-karozzeriji u għall-intern ta’ vetturi intiżi għall-manifatturi ta’ vetturi bil-mutur.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">18</p>
</td>
<td valign="top">
<p class="normal">Brose Coburg ordnat mingħand IME Bulgaria tagħmir speċifiku għall-manifattura tal-komponenti li kellhom jiġu integrati f’dawn is-sistemi. Fl‑14 ta’ Mejju 2020, il-bejgħ ta’ dan it-tagħmir ġie ffatturat minn IME Bulgaria lil Brose Coburg. Minkejja li l-imsemmi tagħmir sar il-proprjetà ta’ din tal-aħħar, huwa baqa’ għand IME Bulgaria, li tużah esklużivament sabiex timmanifattura l-komponenti msemmija iktar ’il fuq, intiżi għal Brose Prievidza.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">19</p>
</td>
<td valign="top">
<p class="normal">Fis‑7 ta’ Ġunju 2021, Brose Coburg biegħet l-istess tagħmir lil Brose Prievidza. F’dan ir-rigward, hija ħarġet fattura dwar il-bejgħ ta’ tagħmir fil-forma ta’ għodda, imsejjaħ “Spindel set imsemmi fl-Anness S-T 08-Р‑9965 – Portaġġ unitarju awtomatiku fis-sistema ta’ wweldjar” (iktar ’il quddiem it-“tagħmir kontenzjuż”), bl-ammont nett ta’ EUR 62 000 miżjud bil-VAT Bulgara, li tħallset. It-tagħmir kontenzjuż baqa’ għand IME Bulgaria għall-finijiet tal-manifattura ta’ dawn il-komponenti.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">20</p>
</td>
<td valign="top">
<p class="normal">Fl‑10 ta’ Marzu 2022, Brose Prievidza talbet, għall-perijodu mill‑1 ta’ Jannar sal‑31 ta’ Diċembru 2021, ir-rimbors ta’ din il-VAT. Permezz ta’ avviż ta’ tpaċija u ta’ rimbors tal‑15 ta’ Lulju 2022, din it-talba ġiet miċħuda. Din id-deċiżjoni ġiet ikkonfermata mid-Direttur tal-Awtorità tat-Taxxa.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">21</p>
</td>
<td valign="top">
<p class="normal">L-Administrativen sad Sofia-grad (il-Qorti Amministrattiva tal-Belt ta’ Sofija, il-Bulgarija) ċaħdet ir-rikors ta’ Brose Prievidza kontra dan l-avviż ta’ tpaċija u ta’ rimbors. Dik il-qorti qieset, essenzjalment, li, peress li l-kunsinna tat-tagħmir kontenzjuż kienet anċillari għall-kunsinni intra-Komunitarji tal-komponenti prodotti minn IME Bulgaria, hija kellha tkun suġġetta għall-istess sistema fiskali. Dawn iż-żewġ tranżazzjonijiet kienu ġew diviżi artifiċjalment. Għalhekk, skont l-Artikolu 53(1) taz-ZDDS, il-provvista ta’ dan it-tagħmir kellha tkun suġġetta għal rata ta’ taxxa żero b’tali mod li Brose Coburg ma kellhiex issemmi l-VAT fuq il-fattura relatata mal-kunsinna tal-imsemmi tagħmir. Għaldaqstant, konformement mal-Artikolu 1(2) tad-Digriet Nru N‑9, li jittrasponi fid-dritt Bulgaru l-Artikolu 4(b) tad-Direttiva 2008/9, Brose Prievidza ma kellhiex dritt għar-rimbors tal-VAT li hija ħallset.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">22</p>
</td>
<td valign="top">
<p class="normal">Brose Prievidza kkontestat din id-deċiżjoni quddiem il-Varhoven administrativen sad (il-Qorti Amministrattiva Suprema, il-Bulgarija), li hija l-qorti tar-rinviju.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">23</p>
</td>
<td valign="top">
<p class="normal">Fit-talba tagħha għal deċiżjoni preliminari, dik il-qorti tesponi l-ewwel nett li hija tal-opinjoni, fid-dawl tal-kunsiderazzjonijiet magħmula fis-sentenza tal‑21 ta’ Frar 2008, Part Service (C‑425/06, EU:C:2008:108, punti 56 u 57), li l-Administrativen sad Sofia-grad (il-Qorti Amministrattiva tal-Belt ta’ Sofija) kellha raġun tqis li l-kunsinni minn IME Bulgaria, minn naħa, tal-komponenti għall-finijiet tal-attività ta’ Brose Prievidza u, min-naħa l-oħra, tat-tagħmir kontenzjuż kienu ġew diviżi b’mod artifiċjali. Diversi elementi kienu jimmilitaw f’dan is-sens, bħalma huma r-rabta materjali li tgħaqqad lil Brose Coburg u Brose Prievidza, il-fatt li l-kunsinni tal-komponenti saru direttament minn IME Bulgaria lil Brose Prievidza, filwaqt li t-tagħmir kontenzjuż neċessarju għall-manifattura ta’ dawn il-komponenti ġie kkunsinnat indirettament, jiġifieri permezz ta’ Brose Coburg, kif ukoll il-fatt li, meħuda waħedha, il-kunsinna ta’ dan it-tagħmir kienet tidher li ma kellhiex loġika ekonomika peress li l-imsemmi tagħmir baqa’ għand IME Bulgaria, li tużah biss sabiex timmanifattura l-imsemmija komponenti. Mill-banda l-oħra, b’differenza mis-sitwazzjoni inkwistjoni fis-sentenza tal‑21 ta’ Frar 2008, Part Service (C‑425/06, EU:C:2008:108), ebda intenzjoni ta’ abbuż fiskali ma ġiet allegata, u lanqas ipprovata, f’dan il-każ.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">24</p>
</td>
<td valign="top">
<p class="normal">It-tieni nett, l-imsemmija qorti madankollu tiddubita li l-kunsinna tat-tagħmir kontenzjuż, li hija tqis li hija anċillari għall-kunsinni ta’ komponenti, tista’ tiġi kklassifikata bħala tranżazzjoni eżentata jew li tista’ tiġi eżentata mill-VAT peress li dan it-tagħmir ma ġiex ittrasportat barra mill-Bulgarija.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">25</p>
</td>
<td valign="top">
<p class="normal">Barra minn hekk, hija ssemmi l-ġurisprudenza tagħha, li hija bbażata fuq is-sentenzi tal-Qorti tal-Ġustizzja tal‑25 ta’ Frar 1999, CPP (C‑349/96, EU:C:1999:93, punt 26), tal‑21 ta’ Frar 2008, Part Service (C‑425/06, EU:C:2008:108, punt 48), u tas‑27 ta’ Ottubru 2005, Levob Verzekeringen u OV Bank (C‑41/04, EU:C:2005:649), li minnha joħroġ li l-kunsinni ta’ tagħmir li jakkumpanjaw il-kunsinni intra-Komunitarji ta’ komponenti mmanifatturati bl-għajnuna ta’ dan it-tagħmir huma suġġetti għall-istess sistema fiskali, li jimplika, f’dan il-każ, li l-kunsinna tat-tagħmir kontenzjuż għandha tiġi ntaxxata b’rata ta’ taxxa żero. F’tali każ, skont l-Artikolu 1(2) tad-Digriet Nru N‑9, li ttraspona l-Artikolu 4(b) tad-Direttiva 2008/9, kumpannija stabbilita fi Stat Membru ieħor li lilha ġie ffatturat tali tagħmir ma għandhiex dritt għar-rimbors tal-VAT fil-Bulgarija.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">26</p>
</td>
<td valign="top">
<p class="normal">B’dan premess, il-qorti tar-rinviju għandha dubju dwar jekk dan ir-raġunament huwiex konformi mad-dritt tal-Unjoni, minn naħa, fid-dawl tal-kunsiderazzjonijiet magħmula fis-sentenza tal‑21 ta’ Ottubru 2021, Wilo Salmson France (C‑80/20, EU:C:2021:870). Fil-fatt, fil-kawża li tat lok għal dik is-sentenza, bħal f’dan il-każ, it-tagħmir iffatturat ma kienx ħareġ mit-territorju tal-Istat Membru tal-fornitur u l-oġġetti prodotti bl-għajnuna ta’ dan it-tagħmir kienu s-suġġett ta’ kunsinni intra-Komunitarji. Issa, fl-imsemmija sentenza, l-eżistenza ta’ dritt għar-rimbors ma ġietx ikkontestata mill-Qorti tal-Ġustizzja.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">27</p>
</td>
<td valign="top">
<p class="normal">Min-naħa l-oħra, il-qorti tar-rinviju tirrileva li l-kawża li hija adita biha hija differenti, b’mod partikolari, f’dak li jirrigwarda n-numru ta’ persuni involuti fil-provvisti kkonċernati, mill-kawżi li taw lok għas-sentenzi tas‑27 ta’ Ottubru 2005, Levob Verzekeringen u OV Bank (C‑41/04, EU:C:2005:649), u tas‑27 ta’ Settembru 2012, Field Fisher Waterhouse (C‑392/11, EU:C:2012:597), relatati ma’ tranżazzjonijiet ikkunsidrati bħala li jifformaw provvista unika waħda. Hija tenfasizza li, f’dan il-każ, huma involuti tliet entitajiet. Barra minn hekk, fil-kawża li tat lok għas-sentenza tal‑21 ta’ Frar 2008, Part Service (C‑425/06, EU:C:2008:108), bħal fil-kawża li għandha quddiemha, fornituri differenti kkunsinnaw tagħmir lil destinatarju wieħed. Madankollu, fil-kawża li tat lok għal din l-aħħar sentenza, is-separazzjoni artifiċjali tal-provvisti kellha l-għan li jitwettaq abbuż fiskali, li ma huwiex il-każ hawnhekk.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">28</p>
</td>
<td valign="top">
<p class="normal">F’dawn iċ-ċirkustanzi, il-Varhoven administrativen sad (il-Qorti Amministrattiva Suprema) iddeċidiet li tissospendi l-proċedura quddiemha u li tagħmel id-domanda preliminari li ġejja lill-Qorti tal-Ġustizzja:</p>
</td>
</tr>
</table>
    <p class="C02AlineaAltA" id="para-91" title="page-8">
      “Id-destinatarju jista’ jinvoka, taħt id-Direttiva [2008/9], dritt għar-rimbors tal-VAT imħallsa fir-rigward ta’ kunsinna ta’ tagħmir (għodda), f’sitwazzjoni fejn is-suġġett tal-kunsinna ma jkunx ħareġ mit-territorju tal-Istat Membru tal-fornitur u fejn ikun biss b’mod artifiċjali li l-provvista tal-għodda ġiet mifruda mill-kunsinni intra-Komunitarji ta’ oġġetti ffabbrikati permezz ta’ dan it-tagħmir u indirizzati lill-istess destinatarju?”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq id-domanda preliminari</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">29</p>
</td>
<td valign="top">
<p class="normal">Preliminarjament, għandu l-ewwel nett jiġi osservat li, fil-kawża prinċipali, tinsab inkwistjoni s-sitwazzjoni ta’ persuna taxxabbli stabbilita fi Stat Membru differenti minn dak li fih sar ix-xiri tal-oġġett. Fil-fatt, f’din il-kawża, huwa paċifiku li t-tagħmir kontenzjuż inbiegħ minn Brose Coburg, stabbilita fil-Ġermanja u rreġistrata għall-finijiet tal-VAT fil-Ġermanja kif ukoll fil-Bulgarija, lil Brose Prievidza, stabbilita fis-Slovakkja.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">30</p>
</td>
<td valign="top">
<p class="normal">Huwa paċifiku wkoll li l-kunsinna ta’ dan it-tagħmir seħħet u li l-VAT tħallset fil-Bulgarija. Fil-fatt, il-qorti tar-rinviju kkonstatat f’dan ir-rigward li, f’dan il-każ, wara l-manifattura tat-tagħmir kontenzjuż, il-proprjetà f’dan tal-aħħar kienet ġiet ittrasferita suċċessivament lil Brose Coburg, u mbagħad lil Brose Prievidza.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">31</p>
</td>
<td valign="top">
<p class="normal">F’dan il-kuntest, għandu jitfakkar, bħalma għamlet l-Avukata Ġenerali fil-punt 30 tal-konklużjonijiet tagħha, li dan it-trasferiment u, għaldaqstant, il-kunsinna fis-sens tal-Artikolu 14(1) tad-Direttiva 2006/112, ma kinitx imdaħħla inkwistjoni mill-fatt li persuna żammet il-pussess tal-oġġett ikkonċernat, pereżempju sabiex tużah hija stess, bħalma għamlet f’dan il-każ IME Bulgaria, li tuża t-tagħmir kontenzjuż bl-uniku għan li tipproduċi komponenti ordnati minn Brose Prievidza. Il-Qorti tal-Ġustizzja diġà ddeċidiet li t-trasferiment tas-setgħa li wieħed jiddisponi bħala proprjetarju minn oġġett tanġibbli, fis-sens ta’ dan l-Artikolu 14(1), la jeħtieġ li l-parti li lilha jiġi ttrasferit dan l-oġġett tanġibbli tkun iżżomm fiżikament dan l-oġġett u lanqas li l-imsemmi oġġett tanġibbli jkun fiżikament ittrasportat lilha u/jew li hija tirċevih fiżikament (sentenza tas‑17 ta’ Ottubru 2024, Digital Charging Solutions, C‑60/23, EU:C:2024:896, punt 27 u l-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">32</p>
</td>
<td valign="top">
<p class="normal">Il-qorti tar-rinviju tesponi madankollu li hija tal-opinjoni li, f’dan il-każ, il-kunsinna tat-tagħmir kontenzjuż lil Brose Prievidza u l-kunsinni intra-Komunitarji lil din tal-aħħar tal-komponenti mmanifatturati bl-għajnuna ta’ dan it-tagħmir, eżentati mill-VAT, ġew diviżi artifiċjalment b’tali mod li l-kunsinna tal-imsemmi tagħmir għandha titqies li taqa’ taħt l-istess sistema fiskali bħall-kunsinni ta’ dawn il-komponenti. Għaldaqstant, dik il-qorti għandha dubji dwar id-dritt għar-rimbors tal-VAT imħallsa fil-Bulgarija minn Brose Prievidza fuq il-kunsinna tat-tagħmir kontenzjuż, filwaqt li għandha dubju, fl-istess ħin, dwar il-kompatibbiltà mad-dritt tal-Unjoni tal-evalwazzjoni tagħha tas-sitwazzjoni inkwistjoni fil-kawża prinċipali.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">33</p>
</td>
<td valign="top">
<p class="normal">It-tieni nett, għandu jitfakkar li l-Artikolu 171 tad-Direttiva 2006/112 jipprevedi, fil-paragrafu 1 tiegħu, li r-rimbors tal-VAT favur persuni taxxabbli li ma humiex stabbiliti fl-Istat Membru li fih huma jwettqu b’mod partikolari xiri ta’ oġġetti u ta’ servizzi suġġetti għat-taxxa, iżda li huma stabbiliti fi Stat Membru ieħor, għandu jsir skont il-modalitajiet previsti mid-Direttiva 2008/9.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">34</p>
</td>
<td valign="top">
<p class="normal">Għalkemm fid-domanda preliminari tagħha l-qorti tar-rinviju ma tiċċita ebda dispożizzjoni speċifika ta’ din l-aħħar direttiva, mit-talba għal deċiżjoni preliminari tagħha jirriżulta li hija qiegħda titlob interpretazzjoni tal-Artikolu 4(b) tagħha. Fil-fatt, fil-motivazzjoni tagħha tar-rinviju għal deċiżjoni preliminari, dik il-qorti titlaq mill-premessa li l-kunsinna tat-tagħmir kontenzjuż kellha tkun suġġetta għall-istess sistema fiskali bħall-kunsinni tal-komponenti li jikkostitwixxu kunsinni intra-Komunitarji eżentati skont l-Artikolu 138 tad-Direttiva 2006/112. Barra minn hekk, hija tirrileva, b’mod partikolari, ir-rabta bejn l-Artikolu 4(b) tad-Direttiva 2008/9 u l-leġiżlazzjoni nazzjonali, jiġifieri l-Artikolu 1(2) tad-Digriet Nru N‑9, li jipprovdi li r-rimbors tal-VAT imħallsa għal kunsinni ta’ oġġetti li għandhom jitqiesu bħala tranżazzjonijiet intra-Komunitarji huwa eskluż.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">35</p>
</td>
<td valign="top">
<p class="normal">F’dawn iċ-ċirkustanzi, għandu jitqies li, permezz tad-domanda tagħha, il-qorti tar-rinviju qiegħda essenzjalment tistaqsi jekk l-Artikolu 4(b) tad-Direttiva 2008/9, moqri flimkien mal-Artikolu 138(1) u mal-Artikolu 171 tad-Direttiva 2006/112, għandux jiġi interpretat fis-sens li jipprekludi li jiġi rrifjutat ir-rimbors tal-VAT li għaliha kienet suġġetta kunsinna ta’ tagħmir lil persuna taxxabbli stabbilita fi Stat Membru li ma huwiex l-Istat Membru tax-xiri ta’ dan l-oġġett, minħabba li din il-kunsinna għandha tiġi eżentata mill-VAT bħala kunsinna intra-Komunitarja, f’sitwazzjoni fejn din għandha titqies li tagħmel parti minn provvista ekonomika waħda inseparabbli, jew bħala anċillari għal provvista prinċipali kkostitwita minn kunsinni intra-Komunitarji ta’ oġġetti prodotti permezz ta’ dan it-tagħmir u intiżi għal din il-persuna taxxabbli, minkejja li l-imsemmi tagħmir ma ħariġx fiżikament mit-territorju tal-Istat Membru tal-fornitur tiegħu.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">36</p>
</td>
<td valign="top">
<p class="normal">Sabiex tingħata risposta għal din id-domanda, għandu jiġi eżaminat, minn naħa, jekk provvista ta’ oġġett tistax tiġi kkunsidrata bħala provvista intra-Komunitarja anki jekk l-oġġett inkwistjoni ma ħariġx mill-Istat Membru tal-fornitur tiegħu u, min-naħa l-oħra, jekk, f’ċirkustanzi bħal dawk inkwistjoni fil-kawża prinċipali, il-kunsinna ta’ tagħmir tistax titqies li tifforma parti minn provvista waħda inseparabbli jew li hija anċillari għal kunsinni intra-Komunitarji ta’ oġġetti prodotti permezz ta’ dan it-tagħmir.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">37</p>
</td>
<td valign="top">
<p class="normal">F’dan ir-rigward, għandu jitfakkar, fl-ewwel lok, li l-Qorti tal-Ġustizzja diġà ddeċidiet li, bħad-dritt għal tnaqqis, id-dritt għal rimbors jikkostitwixxi prinċipju fundamentali tas-sistema komuni tal-VAT stabbilita mil-leġiżlazzjoni tal-Unjoni u ma jistax, bħala prinċipju, jiġi limitat. Dan id-dritt għandu jiġi eżerċitat immedjatament fir-rigward tat-taxxi kollha li għalihom kienu suġġetti t-tranżazzjonijiet imwettqa fi stadju preċedenti. Is-sistema ta’ tnaqqis u, għaldaqstant, ta’ rimbors, hija intiża li teħles kompletament lill-imprenditur mill-piż tal-VAT dovuta jew imħallsa fil-kuntest tal-attivitajiet ekonomiċi tiegħu kollha. Is-sistema komuni tal-VAT tiggarantixxi, għaldaqstant, in-newtralità fir-rigward tal-piż fiskali tal-attivitajiet ekonomiċi kollha, irrispettivament mill-għanijiet jew mir-riżultati ta’ dawn l-attivitajiet, bil-kundizzjoni li l-imsemmija attivitajiet ikunu, bħala prinċipju, huma stess suġġetti għall-VAT (sentenza tas‑16 ta’ Mejju 2024, Slovenské Energetické Strojárne, C‑746/22, EU:C:2024:403, punt 35 u l-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">38</p>
</td>
<td valign="top">
<p class="normal">Skont l-Artikolu 1 tagħha, l-għan tad-Direttiva 2008/9 huwa li tistabbilixxi l-modalitajiet għar-rimbors tal-VAT, kif previst fl-Artikolu 170 tad-Direttiva 2006/112, għal persuni taxxabbli mhux stabbiliti fl-Istat Membru ta’ rimbors li jissodisfaw il-kundizzjonijiet stabbiliti fl-Artikolu 3 tad-Direttiva 2008/9.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">39</p>
</td>
<td valign="top">
<p class="normal">Madankollu, din l-aħħar direttiva la għandha l-għan li tiddetermina l-kundizzjonijiet għall-eżerċizzju u lanqas ma għandha l-għan li tiddetermina l-portata tad-dritt għar-rimbors. Fil-fatt it-tieni paragrafu tal-Artikolu 5 tal-imsemmija direttiva jispeċifika li, bla ħsara għall-Artikolu 6 tal-istess direttiva u għall-finijiet ta’ din tal-aħħar, id-dritt għar-rimbors tal-VAT tal-input imħallsa għandu jiġi ddeterminat skont id-Direttiva 2006/112 kif applikata fl-Istat Membru tar-rimbors (ara, f’dan is-sens, is-sentenza tal‑21 ta’ Ottubru 2021, Wilo Salmson France, C‑80/20, EU:C:2021:870, punti 62 u 63 kif ukoll il-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">40</p>
</td>
<td valign="top">
<p class="normal">Madankollu, skont l-Artikolu 4(b) tagħha, id-Direttiva 2008/9 ma tapplikax għall-ammonti ta’ VAT iffatturati għal kunsinni ta’ oġġetti li huma eżentati, jew li jistgħu jkunu eżentati, b’mod partikolari, skont l-Artikolu 138 tad-Direttiva 2006/112.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">41</p>
</td>
<td valign="top">
<p class="normal">Skont l-Artikolu 138(1)(a) tad-Direttiva 2006/112, l-Istati Membri għandhom jeżentaw il-kunsinni ta’ oġġetti mibgħuta jew ittrasportati barra mit-territorju rispettiv tagħhom, iżda fl-Unjoni, mill-bejjiegħ, mix-xerrej jew f’isimhom, bil-kundizzjoni li l-oġġetti jkunu kkunsinnati lil persuna taxxabbli oħra jew lil persuna ġuridika mhux taxxabbli, li taġixxi bħala tali fi Stat Membru li ma jkunx dak tat-tluq tal-ispedizzjoni jew tat-trasport tal-oġġetti.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">42</p>
</td>
<td valign="top">
<p class="normal">Skont ġurisprudenza stabbilita, l-eżenzjoni ta’ kunsinna ta’ oġġett, fis-sens ta’ dan l-Artikolu 138, issir applikabbli biss jekk id-dritt li wieħed jiddisponi minn oġġett bħala proprjetarju kien ġie ttrasferit lix-xerrej, jekk il-fornitur jistabbilixxi li dan l-oġġett intbagħat jew ġie ttrasportat fi Stat Membru ieħor u jekk, wara din l-ispedizzjoni jew dan it-trasport, l-imsemmi oġġett kien fiżikament ħareġ mit-territorju tal-Istat Membru ta’ kunsinna (sentenza tas‑26 ta’ Lulju 2017, Toridas, C‑386/16, EU:C:2017:599, punt 30 u l-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">43</p>
</td>
<td valign="top">
<p class="normal">Minn dan isegwi li, fl-assenza taċ-ċaqliq fiżiku tal-oġġett ikkonċernat barra mit-territorju ta’ dan l-aħħar Stat Membru, kunsinna ma tistax tiġi kklassifikata bħala kunsinna intra-Komunitarja.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">44</p>
</td>
<td valign="top">
<p class="normal">Għandu jitfakkar ukoll li kunsinna intra-Komunitarja li taqa’ taħt l-Artikolu 138(1) tad-Direttiva 2006/112 għandha bħala korollarju akkwist intra-Komunitarju, kif iddefinit fl-Artikolu 20 ta’ din id-direttiva (sentenza tas‑26 ta’ Lulju 2017, Toridas, C‑386/16, EU:C:2017:599, punt 31).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">45</p>
</td>
<td valign="top">
<p class="normal">Issa, minn din l-aħħar dispożizzjoni jirriżulta li akkwist jista’ jiġi kklassifikat bħala akkwist intra-Komunitarju biss jekk l-oġġett ikun ġie ttrasportat jew mibgħut fi Stat Membru ieħor bix-xerrej bħala destinazzjoni. Minn dan isegwi li l-kundizzjonijiet għall-applikazzjoni tal-Artikolu 138(1) tad-Direttiva 2006/112 ma jistgħux jiġu ssodisfatti jekk l-oġġett li kien is-suġġett tal-kunsinna lix-xerrej ma jkunx ħareġ fiżikament mit-territorju tal-Istat Membru ta’ kunsinna (ara, f’dan is-sens, is-sentenza tas‑26 ta’ Lulju 2017, Toridas, C‑386/16, EU:C:2017:599, punti 32 u 33).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">46</p>
</td>
<td valign="top">
<p class="normal">Il-fatt li l-oġġett inbiegħ minn kumpannija stabbilita fi Stat Membru differenti minn dak tax-xerrej u differenti minn dak fejn jinsab fiżikament dan l-oġġett ma jdaħħalx inkwistjoni din il-konklużjoni. Fil-fatt, mill-punti 43 u 45 ta’ din is-sentenza jirriżulta li, mingħajr trasport jew spedizzjoni lejn ix-xerrej barra mit-territorju tal-Istat Membru ta’ kunsinna, la jista’ jkun hemm akkwist intra-Komunitarju u lanqas, għaldaqstant, kunsinna intra-Komunitarja eżentata.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">47</p>
</td>
<td valign="top">
<p class="normal">F’dan il-każ, mit-talba għal deċiżjoni preliminari jirriżulta li t-tagħmir kontenzjuż kien is-suġġett ta’ żewġ tranżazzjonijiet ta’ bejgħ, li permezz tagħhom id-dritt li wieħed jiddisponi minn dan it-tagħmir ġie ttrasferit, inizjalment, minn IME Bulgaria lil Brose Coburg u, sussegwentement, minn din tal-aħħar lil Brose Prievidza. Madankollu, dan l-oġġett ma ġiex ittrasportat jew mibgħut lejn xerrejja suċċessivi, iżda baqa’ fit-territorju tal-Istat Membru tal-fornitur.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">48</p>
</td>
<td valign="top">
<p class="normal">Jekk, f’tali ċirkustanzi, il-kundizzjonijiet għall-applikazzjoni tal-Artikolu 138 tad-Direttiva 2006/112 ma humiex issodisfatti, fatt li għandu jiġi kkonstatat mill-qorti tar-rinviju, isegwi li r-rimbors tal-VAT li għaliha kien suġġett l-akkwist ta’ dan l-oġġett ma jistax jiġi eskluż bl-applikazzjoni tal-Artikolu 4(b) tad-Direttiva 2008/9.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">49</p>
</td>
<td valign="top">
<p class="normal">Fit-tieni lok, fir-rigward tar-relazzjoni bejn kunsinni intra-Komunitarji u kunsinna bħal dik tat-tagħmir kontenzjuż, għandu jiġi rrilevat li mit-tieni subparagrafu tal-Artikolu 1(2) u mill-Artikolu 2 tad-Direttiva 2006/112 jirriżulta li kull tranżazzjoni għandha, bħala prinċipju, tiġi kkunsidrata bħala tranżazzjoni distinta u indipendenti (ara, f’dan is-sens, is-sentenzi tas‑27 ta’ Ottubru 2005, Levob Verzekeringen u OV Bank, C‑41/04, EU:C:2005:649, punt 20; tal‑21 ta’ Frar 2008, Part Service, C‑425/06, EU:C:2008:108, punt 50 u l-ġurisprudenza ċċitata, kif ukoll tas‑17 ta’ Ottubru 2024, Digital Charging Solutions, C‑60/23, EU:C:2024:896, punt 47).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">50</p>
</td>
<td valign="top">
<p class="normal">Kif fakkret l-Avukata Ġenerali fil-punt 42 tal-konklużjonijiet tagħha, dan il-prinċipju japplika anki meta bejn diversi provvisti tkun teżisti ċerta rabta, fid-dawl tal-konnessjoni ekonomika tat-tranżazzjonijiet kollha inkwistjoni u tal-iskop komuni tagħhom (ara, f’dan is-sens, is-sentenza tal‑4 ta’ Settembru 2019, KPC Herning, C‑71/18, EU:C:2019:660, punt 44 u l-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">51</p>
</td>
<td valign="top">
<p class="normal">Għaldaqstant, f’sitwazzjoni bħal dik inkwistjoni fil-kawża prinċipali, anki jekk l-uniku għan tal-kunsinni ta’ komponenti, minn naħa, u dak tat-tagħmir kontenzjuż, min-naħa l-oħra, kien li jiġu eżegwiti l-ordnijiet ta’ manifattura ta’ komponenti għal Brose Prievidza, kif ikkunsidrat l-Administrativen sad Sofia-grad (il-Qorti Amministrattiva tal-Belt ta’ Sofija) fir-rigward tal-kunsinni inkwistjoni fil-kawża prinċipali, dan l-għan jew din l-eventwali konnessjoni ekonomika bejn dawn il-kunsinni ma jimplikax awtomatikament li hemm lok li l-imsemmija kunsinni jitqiesu li jikkostitwixxu tranżazzjoni waħda fis-sens tad-Direttiva 2006/112.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">52</p>
</td>
<td valign="top">
<p class="normal">B’dan premess, huwa possibbli li jkollha ssir eċċezzjoni għall-prinċipju stabbilit fil-punt 49 ta’ din is-sentenza. Fil-fatt, it-tranżazzjoni kkostitwita minn provvista waħda mill-perspettiva ekonomika ma għandhiex tiġi diviża artifiċjalment sabiex ma tinbidilx il-funzjonalità tas-sistema tal-VAT (sentenzi tas‑27 ta’ Ottubru 2005, Levob Verzekeringen u OV Bank, C‑41/04, EU:C:2005:649, punt 20, u tas‑16 ta’ Frar 2023, DGRFP Cluj, C‑519/21, EU:C:2023:106, punt 58 kif ukoll il-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">53</p>
</td>
<td valign="top">
<p class="normal">Skont ġurisprudenza stabbilita, għandu jitqies li teżisti provvista unika meta żewġ elementi jew atti, jew iktar, ipprovduti mill-persuna taxxabbli lill-klijent ikunu tant marbuta mill-qrib li jifformaw, oġġettivament, provvista ekonomika waħda inseparabbli, li d-diviżjoni tagħha tkun ta’ natura artifiċjali (sentenzi tas‑27 ta’ Ottubru 2005, Levob Verzekeringen u OV Bank, C‑41/04, EU:C:2005:649, punt 22, kif ukoll tas‑17 ta’ Ottubru 2024, Digital Charging Solutions, C‑60/23, EU:C:2024:896, punt 47 u l-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">54</p>
</td>
<td valign="top">
<p class="normal">Barra minn hekk, f’ċerti ċirkustanzi, diversi provvisti formalment distinti, li jistgħu jiġu pprovduti b’mod separat u b’hekk jagħtu lok, kull waħda minnhom, għal tassazzjoni jew għal eżenzjoni, għandhom jitqiesu li huma tranżazzjoni unika meta ma jkunux indipendenti. Dan ikun b’mod partikolari l-każ meta element wieħed jew iktar ikollhom jitqiesu li jikkostitwixxu l-provvista prinċipali filwaqt li, għall-kuntrarju, elementi oħra jkollhom jitqiesu bħala provvista jew provvisti anċillari li għalihom japplika l-istess trattament fiskali li japplika għall-provvista prinċipali (sentenzi tas‑27 ta’ Ottubru 2005, Levob Verzekeringen u OV Bank, C‑41/04, EU:C:2005:649, punt 21 u l-ġurisprudenza ċċitata; tal‑20 ta’ April 2023, Dyrektor Krajowej Informacji Skarbowej, C‑282/22, EU:C:2023:312, punt 30; kif ukoll tas‑17 ta’ Ottubru 2024, Digital Charging Solutions, C‑60/23, EU:C:2024:896, punt 48).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">55</p>
</td>
<td valign="top">
<p class="normal">Fil-kuntest tal-kooperazzjoni stabbilita skont l-Artikolu 267 TFUE, huma l-qrati nazzjonali li għandhom jiddeterminaw jekk, fiċ-ċirkustanzi tal-każ partikolari, il-provvista kkonċernata tikkostitwixxix provvista unika u li għandhom jagħmlu l-evalwazzjonijiet definittivi kollha ta’ fatt f’dan ir-rigward. Madankollu, il-Qorti tal-Ġustizzja għandha tagħti lil dawn il-qrati l-elementi kollha ta’ interpretazzjoni li jaqgħu taħt id-dritt tal-Unjoni u li jistgħu jkunu utli għall-eżitu tal-kawża mressqa quddiemhom (sentenza tas‑17 ta’ Ottubru 2024, Digital Charging Solutions, C‑60/23, EU:C:2024:896, punt 49 u l-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">56</p>
</td>
<td valign="top">
<p class="normal">F’dan il-każ, mid-deċiżjoni tar-rinviju jirriżulta li l-komponenti mmanifatturati permezz tat-tagħmir kontenzjuż kienu s-suġġett ta’ diversi kunsinni intra-Komunitarji mwettqa direttament minn IME Bulgaria lil Brose Prievidza bħala d-destinatarja. Dan it-tagħmir li l-kunsinna tiegħu kienet suġġetta għall-VAT inkwistjoni fil-kawża prinċipali nbiegħ minn Brose Coburg lil din tal-aħħar, iżda baqa’ fil-Bulgarija u tqiegħed għad-dispożizzjoni ta’ IME Bulgaria.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">57</p>
</td>
<td valign="top">
<p class="normal">Issa, l-ewwel nett, il-fatt li diversi kunsinni ta’ oġġetti identiċi, f’dan il-każ il-komponenti, seħħew bejn l-istess kumpanniji ma huwiex biżżejjed sabiex ikun jista’ jitqies li dawn il-kunsinni għandhom, fihom infushom u indipendentement mill-kunsinna tat-tagħmir kontenzjuż, jitqiesu bħala tranżazzjoni unika. Fil-fatt, l-identiċità tas-suġġett ta’ dawn il-kunsinni ma timplikax awtomatikament li dawn jifformaw, oġġettivament, provvista ekonomika waħda inseparabbli, li d-diviżjoni tagħha tkun ta’ natura artifiċjali.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">58</p>
</td>
<td valign="top">
<p class="normal">Dan jgħodd iktar u iktar meta żewġ kunsinni ta’ oġġetti differenti, f’dan il-każ it-tagħmir kontenzjuż u l-komponenti, jitwettqu minn żewġ fornituri indipendenti. Fil-fatt, kif irrilevat l-Avukata Ġenerali, essenzjalment, fil-punti 46 u 47 tal-konklużjonijiet tagħha, mill-perspettiva ta’ konsumatur medju, it-trattament separat ta’ kunsinni mwettqa minn żewġ fornituri indipendenti jidher perfettament loġiku.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">59</p>
</td>
<td valign="top">
<p class="normal">Barra minn hekk, kif diġà ġie rrilevat fil-punti 50 u 51 ta’ din is-sentenza, il-fatt li teżisti ċerta rabta bejn it-tranżazzjonijiet, peress li t-tagħmir kontenzjuż huwa neċessarju għall-manifattura tal-komponenti, ma jimplikax li hemm lok li dawn it-tranżazzjonijiet jitqiesu li jikkostitwixxu tranżazzjoni waħda, u lanqas, għaldaqstant, li jitqiesu bħala provvisti inseparabbli.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">60</p>
</td>
<td valign="top">
<p class="normal">Madankollu, b’mod eċċezzjonali, żewġ provvisti pprovduti minn żewġ fornituri indipendenti jistgħu jitqiesu bħala provvista unika kumplessa. Dan ikun il-każ meta jiġi stabbilit li tkun seħħet diviżjoni artifiċjali ta’ dawn il-provvisti.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">61</p>
</td>
<td valign="top">
<p class="normal">Tali sitwazzjoni ttieħdet inkunsiderazzjoni mill-Qorti tal-Ġustizzja fis-sentenza tal‑21 ta’ Frar 2008, Part Service (C‑425/06, EU:C:2008:108). Issa, huwa fuq il-punti 56 u 57 ta’ dik is-sentenza, li fihom il-Qorti tal-Ġustizzja rrilevat il-karatteristiċi tat-tranżazzjonijiet inkwistjoni fil-kawża li tat lok għall-imsemmija sentenza, li l-qorti tar-rinviju bbażat ruħha, kif tippreċiża fid-deċiżjoni tar-rinviju tagħha, sabiex tikkunsidra li l-kunsinni tal-komponenti u dik tat-tagħmir kontenzjuż kellhom jitqiesu bħala li jifformaw provvista unika li għandha tiġi rregolata mill-istess sistema fiskali.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">62</p>
</td>
<td valign="top">
<p class="normal">Madankollu, l-indikazzjonijiet li jinsabu fil-punti 56 u 57 tas-sentenza tal‑21 ta’ Frar 2008, Part Service (C‑425/06, EU:C:2008:108), ma jistgħux jippermettu li jitqies li kunsinni bħal dawk inkwistjoni fil-kawża prinċipali kienu s-suġġett ta’ diviżjoni artifiċjali, peress li ebda waħda mill-karatteristiċi tat-tranżazzjonijiet deskritti mill-Qorti tal-Ġustizzja f’dan ir-rigward ma hija paragunabbli ma’ dawk ta’ dawn il-provvisti.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">63</p>
</td>
<td valign="top">
<p class="normal">Fil-fatt, b’differenza minn sitwazzjoni legali bħal dik inkwistjoni fil-kawża prinċipali, iż-żewġ kumpanniji li kienu jipprovdu servizzi lill-istess klijent fil-kawża li tat lok għal dik is-sentenza kienu marbuta peress li kienu jagħmlu parti mill-istess grupp. Barra minn hekk, l-oriġini ta’ kull kunsinna bħal dawk inkwistjoni fil-kawża prinċipali ma tinsabx f’diviżjoni intenzjonata tal-provvista min-naħa tal-fornitur, iżda tinsab f’kuntratti distinti konklużi ma’ żewġ fornituri indipendenti b’tali mod li, ikkunsidrati waħda waħda, dawn il-kunsinni jsegwu loġika ekonomika individwali. Barra minn hekk, f’dan il-każ, il-qorti tar-rinviju qieset li la huwa allegat u lanqas muri li l-kumpannija destinatarja tad-diversi kunsinni, jiġifieri Brose Prievidza, kienet qiegħda tipprova tikseb vantaġġ fiskali indebitu li jirriżulta minn trattament fiskali differenti tal-kunsinni kkonċernati, filwaqt li l-Qorti tal-Ġustizzja fakkret, essenzjalment fil-punti 58 sa 62 tas-sentenza tal‑21 ta’ Frar 2008, Part Service (C‑425/06, EU:C:2008:108), li dan l-element għandu rwol essenzjali fil-klassifikazzjoni ta’ tranżazzjonijiet bħala li huma s-suġġett ta’ diviżjoni artifiċjali.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">64</p>
</td>
<td valign="top">
<p class="normal">Barra minn hekk, il-fatt li tagħmir ma jkunx intiż għall-produzzjoni ta’ parti waħda jew ta’ lott wieħed ta’ partijiet, u lanqas ma jkun intiż sabiex jiġi integrat fil-komponenti, iżda sabiex jintuża għall-produzzjoni f’serje ta’ dawn il-partijiet jew komponenti, jista’ jikkontribwixxi sabiex jintwera li l-kunsinna ta’ dan it-tagħmir ma hijiex tant marbuta mill-qrib ma’ kunsinna speċifika ta’ partijiet li għandha titqies li tifforma ma’ din il-kunsinna speċifika ta’ partijiet, oġġettivament, provvista ekonomika waħda inseparabbli.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">65</p>
</td>
<td valign="top">
<p class="normal">It-tieni nett, fir-rigward tal-kwistjoni dwar jekk provvista għandhiex titqies li hija anċillari għal provvista prinċipali, dan ikun il-każ, skont ġurisprudenza stabbilita, meta din il-provvista ma tikkostitwixxix, għall-klijent, għan fih innifsu iżda tkun mezz sabiex jibbenefika fl-aħjar kundizzjonijiet mis-servizz prinċipali tal-fornitur (ara, f’dan is-sens, is-sentenzi tal‑21 ta’ Frar 2008, Part Service, C‑425/06, EU:C:2008:108, punt 52 u l-ġurisprudenza ċċitata; tas‑16 ta’ Frar 2023, DGRFP Cluj, C‑519/21, EU:C:2023:106, punt 60 u l-ġurisprudenza ċċitata; kif ukoll tas‑17 ta’ Ottubru 2024, Digital Charging Solutions, C‑60/23, EU:C:2024:896, punt 48). Minn dan isegwi li, jekk, għall-kuntrarju, kull waħda minn dawn il-provvisti jkollha, għall-klijent, funzjoni jew skop individwali, u ebda provvista ma tkun tista’ titqies li hija anċillari fir-rigward tal-oħra.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">66</p>
</td>
<td valign="top">
<p class="normal">B’hekk, meta x-xiri ta’ tagħmir indispensabbli għall-manifattura ta’ oġġetti, li jitqiegħed għad-dispożizzjoni tal-fornitur ta’ dawn l-oġġetti, jagħti lix-xerrej tiegħu garanzija li tippermettilu jiżgura l-pożizzjoni tiegħu fil-konfront ta’ dan il-fornitur, b’mod partikolari fil-każ ta’ insolvenza ta’ dan tal-aħħar, jew anki jippermetti lil dan ix-xerrej jittrasferixxi jew iċaqlaq dan it-tagħmir, fil-każ fejn il-proċess ta’ produzzjoni jkun jeħtieġ dan, tali ċirkustanza tikkostitwixxi indizju qawwi tal-fatt li l-kunsinna tal-imsemmi tagħmir tikkostitwixxi għan fiha nnifisha għal dan ix-xerrej u li, għaldaqstant, din il-kunsinna ma għandhiex titqies li hija anċillari għall-kunsinna ta’ partijiet immanifatturati permezz tiegħu, li jkollha skop ieħor.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">67</p>
</td>
<td valign="top">
<p class="normal">Barra minn hekk, bħala għodda, jista’ jiġi preżunt, bla ħsara għal verifika mill-qorti tar-rinviju, li tagħmir ser jintuża matul iċ-ċiklu kollu tal-produzzjoni tal-oġġetti mmanifatturati bl-għajnuna tiegħu, raġuni għaliex dan it-tagħmir tqiegħed għad-dispożizzjoni tal-manifattur. Għalhekk, il-kunsinna ta’ tali tagħmir għandha skop individwali meta mqabbla mad-diversi kunsinni tal-komponenti, b’tali mod li din il-kunsinna ma tistax titqies li hija anċillari għalihom.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">68</p>
</td>
<td valign="top">
<p class="normal">Għalkemm huwa minnu li l-fatt li t-tagħmir jikkostitwixxi kundizzjoni preliminari għal kull kunsinna sussegwenti ta’ oġġetti mmanifatturati permezz tiegħu jista’ jindika li l-akkwist tiegħu jikkostitwixxi l-mezz sabiex wieħed jibbenefika fl-aħjar kundizzjonijiet mill-kunsinna ta’ dawn l-oġġetti u, għaldaqstant, jista’ jidher li huwa provvista anċillari għal dik tal-kunsinna ta’ dawn l-oġġetti, dan l-element għandu madankollu jiġi kkunsidrat fiċ-ċirkustanzi kollha li fihom iseħħu dawn it-tranżazzjonijiet.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">69</p>
</td>
<td valign="top">
<p class="normal">Fil-fatt, il-qorti tar-rinviju għandha tieħu inkunsiderazzjoni r-realtà ekonomika u kummerċjali bħala element rilevanti għall-klassifikazzjoni ta’ kunsinna bħala anċillari jew, għall-kuntrarju, indipendenti (ara, f’dan is-sens, is-sentenza tas‑26 ta’ Mejju 2016, National Exhibition Centre, C‑130/15, EU:C:2016:357, punt 22). It-teħid inkunsiderazzjoni tar-realtà ekonomika tat-tranżazzjonijiet inkwistjoni, li tkun, bħala prinċipju, riflessa fir-relazzjonijiet kuntrattwali tal-partijiet, huwa kkunsidrat bħala kriterju fundamentali għall-applikazzjoni tas-sistema komuni tal-VAT (ara, f’dan is-sens, is-sentenza tat‑22 ta’ Frar 2018, T‑2, C‑396/16, EU:C:2018:109, punt 43 u l-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">70</p>
</td>
<td valign="top">
<p class="normal">F’dan ir-rigward, il-mudell ta’ impriża tal-grupp li minnu jagħmlu parti wħud mill-kumpanniji involuti fil-kunsinni inkwistjoni fil-kawża prinċipali jikkostitwixxi element li għandu jittieħed inkunsiderazzjoni mill-qorti nazzjonali. F’dan il-każ, Brose Prievidza esponiet, fl-osservazzjonijiet bil-miktub tagħha ppreżentati quddiem il-Qorti tal-Ġustizzja, li l-fatt li t-tagħmir kontenzjuż inbiegħ l-ewwel minn IME Bulgaria lil Brose Coburg qabel ma hija akkwistatu hija stess mingħand din tal-aħħar, huwa ġġustifikat miċ-ċentralizzazzjoni, permezz ta’ Brose Coburg, tal-ordnijiet ta’ għodda fi ħdan il-grupp Brose. Fil-fatt, fil-mument tal-ordni ta’ tagħmir, l-entità tal-grupp li għandha tipproduċi l-partijiet li jinkludu l-komponenti mmanifatturati permezz ta’ dan it-tagħmir ma tkunx għadha magħrufa. L-għażla ta’ din l-entità tiddependi b’mod partikolari mis-sitwazzjoni ġeografika tal-klijenti u tal-kumpannija terza li tipproduċi l-imsemmi tagħmir. Madankollu, wara li l-imsemmija entità tkun intgħażlet, iseħħ it-trasferiment tal-istess tagħmir lilha. Issa, bla ħsara għal verifika mill-qorti tar-rinviju, il-mod kif jitwettqu l-affarijiet fi ħdan il-grupp Brose jidher li jikkorrispondi għar-realtà ekonomika u kummerċjali tat-tranżazzjonijiet ta’ kunsinna inkwistjoni fil-kawża prinċipali, li hija riflessa mill-kuntratti ta’ bejgħ suċċessivi tat-tagħmir kontenzjuż, li fir-rigward tagħhom il-qorti tar-rinviju kkonstatat li ma jikkostitwixxux arranġament bl-għan li jitwettaq abbuż fiskali jew sabiex jinkiseb vantaġġ fiskali indebitu. Kull kunsinna, kemm jekk tikkonċerna dan it-tagħmir jew il-komponenti, tidher li tikkorrispondi għal stadju fil-proċess ta’ produzzjoni tal-partijiet immanifatturati li jinkludu dawn tal-aħħar, u dan jista’ jiġġustifika li dawn il-kunsinni differenti jiġu kklassifikati bħala provvisti indipendenti li għandhom jiġu ntaxxati b’mod indipendenti.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">71</p>
</td>
<td valign="top">
<p class="normal">Fl-aħħar nett, mid-deċiżjoni tar-rinviju jirriżulta li l-kunsinni intra-Komunitarji tal-komponenti u dik tat-tagħmir kontenzjuż kienu s-suġġett ta’ fatturazzjoni distinta. Issa, f’dan ir-rigward, il-Qorti tal-Ġustizzja diġà kkunsidrat, essenzjalment, li, għalkemm miċ-ċirkustanzi tal-kawża prinċipali jirriżulta li l-klijent għandu l-intenzjoni jixtri provvisti distinti, it-tranżazzjoni mwettqa għandha titqies li tinkludi provvisti indipendenti, anki jekk dan il-klijent ikun ħallas prezz wieħed (ara, f’dan is-sens, is-sentenza tal‑25 ta’ Frar 1999, CPP, C‑349/96, EU:C:1999:93, punti 31 u 32). A fortiori, meta l-provvisti kienu s-suġġett ta’ ħlas separat, dan l-element, minkejja li ma huwiex determinanti fih innifsu (ara, f’dan is-sens, is-sentenza tas‑26 ta’ Mejju 2016, National Exhibition Centre, C‑130/15, EU:C:2016:357, punt 21), jimmilita favur klassifikazzjoni tal-provvisti kkonċernati bħala provvisti indipendenti.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">72</p>
</td>
<td valign="top">
<p class="normal">Jekk, fid-dawl tal-karatteristiċi u tal-għanijiet individwali tagħhom kif ukoll taċ-ċirkustanzi kollha li fihom seħħew il-kunsinni inkwistjoni fil-kawża prinċipali, il-qorti tar-rinviju tasal għall-konklużjoni li l-kunsinna tat-tagħmir kontenzjuż għandha tiġi kklassifikata bħala indipendenti fil-konfront tal-kunsinni tal-komponenti, din il-kunsinna ma tkunx tista’ tiġi kklassifikata bħala intra-Komunitarja u, għaldaqstant, eżentata skont l-Artikolu 138 tad-Direttiva 2006/112. Għaldaqstant, f’dan il-każ, ir-rimbors tal-VAT imħallsa ma jkunx jista’ jiġi eskluż skont l-Artikolu 4(b) tad-Direttiva 2008/9.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">73</p>
</td>
<td valign="top">
<p class="normal">Fid-dawl tal-kunsiderazzjonijiet preċedenti kollha, ir-risposta għad-domanda magħmula għandha tkun li l-Artikolu 4(b) tad-Direttiva 2008/9, moqri flimkien mal-Artikolu 138(1) u mal-Artikolu 171 tad-Direttiva 2006/112, għandu jiġi interpretat fis-sens li jipprekludi li jiġi rrifjutat ir-rimbors tal-VAT li għaliha kienet suġġetta kunsinna ta’ tagħmir lil persuna taxxabbli stabbilita fi Stat Membru li ma jkunx l-Istat Membru tax-xiri ta’ dan l-oġġett, meta l-imsemmi tagħmir ma jkunx ħareġ fiżikament mit-territorju tal-Istat Membru tal-fornitur tiegħu, ħlief jekk, fid-dawl taċ-ċirkustanzi kollha li jikkaratterizzaw it-tranżazzjonijiet inkwistjoni, din il-kunsinna jkollha titqies li tifforma parti minn provvista ekonomika waħda inseparabbli jew li hija anċillari għal provvista prinċipali kkostitwita minn kunsinni intra-Komunitarji ta’ oġġetti prodotti permezz ta’ dan it-tagħmir u intiżi għal din il-persuna taxxabbli.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq l-ispejjeż</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">74</p>
</td>
<td valign="top">
<p class="normal">Peress li l-proċedura għandha, fir-rigward tal-partijiet fil-kawża prinċipali, in-natura ta’ kwistjoni mqajma quddiem il-qorti tar-rinviju, hija dik il-qorti li għandha tiddeċiedi fuq l-ispejjeż. L-ispejjeż sostnuti għas-sottomissjoni tal-osservazzjonijiet lill-Qorti tal-Ġustizzja, barra dawk tal-imsemmija partijiet, ma jistgħux jitħallsu lura.</p>
</td>
</tr>
</table>
    <p class="C41DispositifIntroduction" id="para-140" title="page-17">
      Għal dawn il-motivi, Il-Qorti tal-Ġustizzja (L-Għaxar Awla) taqta’ u tiddeċiedi:
    </p>
    <p class="C30Dispositifalinea" id="para-141" title="page-17">
      L-Artikolu 4(b) tad-Direttiva tal-Kunsill 2008/9/KE tat‑12 ta’ Frar 2008 li tistabbilixxi regoli dettaljati għar-rifużjoni tat-taxxa fuq il-valur miżjud, prevista fid-Direttiva 2006/112/KE, għal persuni taxxabbli mhux stabbiliti fl-Istat Membru ta’ rifużjoni iżda stabbiliti fi Stat Membru ieħor, moqri flimkien mal-Artikolu 138(1) u mal-Artikolu 171 tad-Direttiva tal-Kunsill 2006/112/KE tat‑28 ta’ Novembru 2006 dwar is-sistema komuni ta’ taxxa fuq il-valur miżjud, kif emendata bid-Direttiva tal-Kunsill (UE) 2018/1910 tal‑4 ta’ Diċembru 2018,
    </p>
    <p class="C30Dispositifalinea" id="para-142" title="page-17">
      għandu jiġi interpretat fis-sens li:
    </p>
    <p class="C30Dispositifalinea" id="para-143" title="page-17">
      jipprekludi li jiġi rrifjutat ir-rimbors tat-taxxa fuq il-valur miżjud li għaliha kienet suġġetta kunsinna ta’ tagħmir lil persuna taxxabbli stabbilita fi Stat Membru li ma jkunx l-Istat Membru tax-xiri ta’ dan l-oġġett, meta l-imsemmi tagħmir ma jkunx ħareġ fiżikament mit-territorju tal-Istat Membru tal-fornitur tiegħu, ħlief jekk, fid-dawl taċ-ċirkustanzi kollha li jikkaratterizzaw it-tranżazzjonijiet inkwistjoni, din il-kunsinna jkollha titqies li tifforma parti minn provvista ekonomika waħda inseparabbli jew li hija anċillari għal provvista prinċipali kkostitwita minn kunsinni intra-Komunitarji ta’ oġġetti prodotti permezz ta’ dan it-tagħmir u intiżi għal din il-persuna taxxabbli.
    </p>
    <div class="signatures">
<p class="C77Signatures" id="para-144" title="page-17">
<span class="signatory">Firem</span>
</p>
</div>
    <div/>
  <hr class="note"/>
<p class="note footnote">(<span class="note footnote notemarker">
<a id="t-1" href="#c-1">*</a>
</span>)  Lingwa tal-kawża: il-Bulgaru.</p>
</body>
</html>
