(1)

I gcomhréir le Cinneadh (AE) 2025/2376 ón gComhairle (2) , síníodh an Comhaontú idir an tAontas Eorpach agus Ríocht Aontaithe na Breataine Móire agus Thuaisceart Éireann maidir le comhar i dtaca le cur i bhfeidhm a ndlíthe iomaíochta faoi seach (‘an Comhaontú’) an 25 Feabhra 2026, faoi réir a thabhairt i gcrích ar dháta níos déanaí.

(2)

Is é is cuspóir don Chomhaontú creat a chur chun cinn agus a sholáthar le haghaidh an chomhair agus an chomhordaithe atá ann cheana in ábhair iomaíochta idir údaráis iomaíochta an Aontais agus a Bhallstát, de pháirt, agus údaráis iomaíochta Ríocht Aontaithe na Breataine Móire agus Thuaisceart na hÉireann (‘an Ríocht Aontaithe’), den pháirt eile, d’fhonn dlíthe iomaíochta an Aontais agus na Ríochta Aontaithe a fhorfheidhmiú ar bhealach níos éifeachtaí. Cé go n-oibríonn údaráis iomaíochta an Aontais agus na Ríochta Aontaithe i gcomhar ar bhonn Airteagal 361(2) den Chomhaontú Trádála agus Comhair idir an tAontas Eorpach agus an Comhphobal Eorpach do Fhuinneamh Adamhach, de pháirt, agus Ríocht Aontaithe na Breataine Móire agus Thuaisceart Éireann, den pháirt eile (3), an 30 Nollaig 2020 (‘an Comhaontú Trádála agus Comhair’), luaitear in Airteagal 361(4) go bhféadfaidh na páirtithe comhaontú ar leith a dhéanamh maidir le comhar agus comhordú in ábhair iomaíochta. Mar sin, is comhaontú forlíontach de réir bhrí Airteagal 2 ar an gComhaontú Trádála agus Comhair é an Comhaontú.

(3)

D’aithin an Coimisiún trí bhíthin Chinneadh Cur Chun Feidhme (AE) 2021/1772 ón gCoimisiún (4) go n-áirithíonn an Ríocht Aontaithe leibhéal leordhóthanach cosanta do shonraí pearsanta a aistrítear faoi raon feidhme Rialachán (AE) 2016/679 ó Pharlaimint na hEorpa agus ón gComhairle (5) ón Aontas chuig an Ríocht Aontaithe.

(4)

Ba cheart an Comhaontú a fhormheas thar ceann an Aontais.

(5)

Chuathas i gcomhairle leis an Maoirseoir Eorpach ar Chosaint Sonraí i gcomhréir le hAirteagal 42(1) de Rialachán (AE) 2018/1725 ó Pharlaimint na hEorpa agus ón gComhairle (6) agus thug sé a thuairim uaidh an 15 Iúil 2025 ,