(1)

Fil-komunikazzjonijiet tagħha tad-29 ta’ Jannar 2025 bit-titolu “Boxxla għall-Kompetittività tal-UE” u tal-11 ta’ Frar 2025 bit-titolu “Ewropa aktar sempliċi u rapida: Komunikazzjoni dwar l-implimentazzjoni u s-simplifikazzjoni”, il-Kummissjoni enfasizzat il-ħtieġa li tissaħħaħ il-kompetittività, titrawwem l-innovazzjoni, u jiġi appoġġat it-tkabbir madwar l-Unjoni, u f’dan ir-rigward is-simplifikazzjoni u t-tnaqqis tal-piż amministrattiv huma fatturi abilitanti kritiċi. Għalhekk jeħtieġ jiġu indirizzati l-piżijiet regolatorji għaljin, il-kumplessitajiet tad-dritt tal-Unjoni u l-implimentazzjoni tagħha, inkluż l-obbligi tar-rapportar eċċessiv, filwaqt li tingħata attenzjoni lill-ħtiġijiet speċifiċi tal-entitajiet żgħar u medji.

(2)

Il-Kummissjoni, fil-komunikazzjoni tagħha tad-19 ta’ Frar 2025 dwar viżjoni għall-agrikoltura u għall-ikel, tisħaq li biex jiġu xprunati l-innovazzjoni u s-sostenibbiltà fil-prattiki agrikoli, il-bdiewa jenħtieġ li jkunu intraprendituri u fornituri li ma jġorrux piżijiet amministrattivi jew regolatorji bla bżonn. Dik il-perspettiva u d-diversità tas-settur jeħtieġu approċċi mfassla apposta iktar milli soluzzjonijiet ta’ “kulħadd f’keffa waħda”, apparti l-verifiki tar-realtà tad-dritt tal-Unjoni, u simplifikazzjonijiet, filwaqt li jitqiesu wkoll il-benefiċċji miksuba bit-teknoloġiji diġitali, bħal teknoloġiji li jippermettu rapportar awtomatizzat. Jeħtieġ jinstab bilanċ aħjar bejn ir-rekwiżiti u l-inċentivi biex tiġi ggwidata t-tranżizzjoni lejn is-sostenibbiltà tal-biedja u biex trawwem l-innovazzjoni. Il-ħtiġijiet speċjali tal-azjendi agrikoli żgħar, li fuqhom tissejjes il-vitalità tal-komunitajiet rurali għax dawn jipproteġu n-natura u l-għajxien, jeħtieġu appoġġ iktar adegwat u sempliċi permezz tal-Politika Agrikola Komuni (PAK) u tnaqqis fil-piż amministrattiv. L-azjendi agrikoli żgħar spiss ikunu fi żvantaġġ biex jaċċessaw u jużaw il-finanzjament, u dan ifixkel il-kapaċità tagħhom li jinvestu, jinnovaw u jaħtfu l-opportunitajiet ta’ żvilupp.

(3)

Ir-Regolament (UE) 2021/2115 tal-Parlament Ewropew u tal-Kunsill (3) jistabbilixxi regoli dwar l-appoġġ għall-pjanijiet strateġiċi li għandhom jitfasslu mill-Istati Membri skont il- PAK (Pjanijiet Strateġiċi tal-PAK) u jiġu ffinanzjati mill-Fond Agrikolu Ewropew ta’ Garanzija (FAEG) u mill-Fond Agrikolu Ewropew għall-Iżvilupp Rurali (FAEŻR). Ir-Regolament (UE) 2021/2116 tal-Parlament Ewropew u tal-Kunsill (4) jistabbilixxi regoli dwar il-finanzjament, il-ġestjoni u l-monitoraġġ tal-PAK. Fl-2024, ġie adottat ir-Regolament (UE) 2024/1468 tal-Parlament Ewropew u tal-Kunsill (5) ħalli l-qafas ta’ appoġġ tal-PAK tal-Unjoni jiġi aġġustat aħjar għar-realtajiet tal-azjendi agrikoli, tittejjeb l-amministrazzjoni tal-Pjanijiet Strateġiċi tal-PAK mill-Istati Membri, u jitnaqqas il-piż relatat mal-verifiki. Barra minn hekk, il-Kummissjoni adottat ir-Regolament Delegat (UE) 2024/1235 (6) li jemenda r-Regolament Delegat tal-Kummissjoni (UE) 2022/126 (7), li jipprevedi b’mod partikolari l-possibbiltà li l-Istati Membri jaġġustaw il-proporzjon ta’ referenza għall-istandard tal-kundizzjoni agrikola u ambjentali tajba (KAAT) 1 abbażi ta’ bidliet strutturali fis-sistemi tal-biedja, kif ukoll derogi mill-obbligu li jimponu obbligi ta’ rikonverżjoni fuq il-bdiewa u benefiċjarji oħra.

(4)

Il-feedback u l-esperjenza mis-sentejn ta’ implimentazzjoni tal-Pjanijiet Strateġiċi tal-PAK skont il-qafas legali attwali tal-PAK tal-Unjoni jindikaw li hemm bżonn iktar aġġustamenti limitati tal-qafas legali sabiex jiġu indirizzati l-konġestjonijiet u l-kumplessitajiet identifikati. Dawk jinkludu l-fatt li ċerti ċirkostanzi, prattiki u ħtiġijiet speċifiċi ta’ ċerti gruppi ta’ bdiewa, bħall-bdiewa organiċi, il-bdiewa żgħażagħ, il-bdiewa nisa, il-bdiewa f’żoni muntanjużi, il-bdiewa b’azjendi agrikoli żgħar u l-bdiewa li jrabbu l-bhejjem, għadhom ma ġewx ikkunsidrati biżżejjed fil-qafas legali tal-PAK tal-Unjoni, u dan ma jippermettix lill-Istati Membri jaġġustaw id-diversi strumenti għaċ-ċirkostanzi, il-prattiki u l-ħtiġijiet speċifiċi ta’ dawk il-bdiewa. Barra minn hekk, ċerti opportunitajiet ta’ simplifikazzjoni fil-PAK, bħal pereżempju li jintużaw somom f’daqqa jew alternattivi tal-kostijiet issimplifikati, ma jinħatfux biżżejjed minħabba l-kumplessitajiet fl-implimentazzjoni u l-ġestjoni tagħhom. Dak jista’ jwassal għal rekwiżiti li jikkoinċidu jew li jkunu ambigwi għall-bdiewa, jikkumplika l-aċċess tal-bdiewa għall-appoġġ, u jxekkel l-opportunitajiet ta’ żvilupp tan-negozju għall-bdiewa, inkluż għall-bdiewa żgħażagħ u l-bdiewa ġodda. Hemm ukoll ċerti riġiditajiet fir-regoli li qed iħallu impatt fuq kif l-Istati Membri jimmaniġġjaw u jemendaw il-Pjanijiet Strateġiċi tal-PAK tagħhom u jissodisfaw l-obbligi tar-rapportar tagħhom. Fl-aħħar nett, hemm bżonn ikompli jittaffa l-piż taż-żjarat u l-verifiki fuq il-post kemm għall-bdiewa kif ukoll għall-korpi amministrattivi, b’mod partikolari billi jiġu introdotti metodoloġiji iktar effiċjenti għall-valutazzjonijiet tal-kwalità u l-kontrolli tal-kundizzjonalità tas-Sistema Integrata ta’ Amministrazzjoni u Kontroll (SIAK). Jekk jingħelbu dawk il-konġestjonijiet, il-kumplessitajiet u r-riġiditajiet, dan għandu jgħin lill-Istati Membri jużaw il-Pjanijiet Strateġiċi tal-PAK ħalli jimmassimizzaw l-opportunitajiet għall-ġid tal-bdiewa u ta’ benefiċjarji oħra tal-PAK, inaqqsu l-piż amministrattiv u l-kumplessità, u jużaw aħjar ir-riżorsi skarsi. Sabiex jiġi massimizzat l-effett tal-pagamenti diretti mogħtija skont is-sistema ta’ appoġġ stabbilita mill-qafas legali tal-PAK, b’mod partikolari fir-rigward ta’ introjtu ġust u standards tal-għajxien deċenti għall-bdiewa, huwa importanti li l-miżuri nazzjonali barra mill-PAK jitfasslu b’tali mod li ma jaffettwawx pagamenti diretti b’mod negattiv.

(5)

L-Artikolu 4(3), il-punt (c), tar-Regolament (UE) 2021/2115 jistabbilixxi li, meta żona agrikola tintuża bħala bur u ma tkunx ġiet inkluża fin-newba tal-għelejjel għal ħames snin jew iktar, din għandha titqies bħala bur permanenti. Madanakollu, xi sistemi tal-biedja jinvolvu newba tal-għelejjel f’raba’ li jinħadem, fejn il-ħaxix jew foraġġ erbaċew ieħor ma jkunux ġew inklużi fin-newba tal-għelejjel għal perijodi itwal minn ħames snin, iżda fejn dawk iż-żoni ma jinħartux biex jibqgħu raba’ li jinħadem. B’konsegwenza ta’ dan, il-bdiewa fl-Istati Membri fejn jiġu applikati tali sistemi tal-biedja qed isibu diffikultajiet fil-ġestjoni tan-newba agronomika tagħhom u biex jibqgħu vijabbli filwaqt li jissodisfaw ir-rekwiżiti tal-implimentazzjoni tal-istandard tal-KAAT 1. Barra minn hekk, l-użu ta’ newba tal-għelejjel itwal bil-bwar jista’ jġib benefiċċji sinifikanti f’termini ta’ bijodiversità u servizzi tal-ekosistema, filwaqt li jagħti flessibbiltà akbar lill-bdiewa fil-ġestjoni agronomika tagħhom. Għalhekk, biex jiġu promossi tali prattiki agronomiċi flessibbli u sostenibbli għall-ġestjoni tal-bwar, jenħtieġ li jkun possibbli li l-Istati Membri jestendu l-perijodu li jiddetermina l-klassifikazzjoni ta’ żona bħala bur permanenti minn ħamsa għal seba’ snin. Għalhekk, l-Artikolu 4(3), il-punt (c), tar-Regolament (UE) 2021/2115 jenħtieġ li jiġi emendat skont dan.

(6)

Madankollu, il-konverżjoni awtomatika ta’ raba’ li jinħadem f’bur permanenti wara perijodu fiss tista’ toħloq pressjoni regolatorja bla bżonn għall-bdiewa li jixtiequ jżommu l-art tagħhom ikklassifikata bħala raba’ li jinħadem. Għalhekk, sabiex tiġi pprovduta flessibbiltà akbar, jenħtieġ li l-Istati Membri jkunu jistgħu jiddeċiedu li art ikklassifikata bħala raba’ li jinħadem fl-1 ta’ Jannar 2026 tibqa’ tinħadem, anke meta l-perijodu ta’ ħames jew seba’ snin ikun skada. F’każ bħal dan, il-bdiewa jenħtieġ li jingħataw il-possibbiltà li ma jipparteċipawx fid-deċiżjoni meħuda mill-Istat Membru u li jkomplu japplikaw ir-regola tal-konverżjoni tar-raba’ li jinħadem tagħhom f’bur permanenti wara l-iskadenza tal-perijodu ta’ ħames jew seba’ snin. Sabiex jiġu żgurati l-konsistenza u ċ-ċertezza legali, jenħtieġ li l-Istati Membri li jimplimentaw tali flessibbiltà jiżguraw ukoll li d-deċiżjoni tagħhom ma taffettwax l-impenji ambjentali pluriennali kontinwi meħuda skont l-Artikolu 70 tar-Regolament (UE) 2021/2115, u li l-benefiċjarji jingħataw il-possibbiltà li jemendaw jew jirtiraw kif xieraq l-applikazzjoni msemmija fl-Artikolu 69(1) tar-Regolament (UE) 2021/2116 fis-sena ta’ wara d-deċiżjoni tal-Istati Membri.

(7)

Biex jitnaqqas kemm jista’ jkun ir-riskju ta’ impatti negattivi fuq is-suq uniku u l-kummerċ internazzjonali tal-pagamenti f’każ ta’ kriżi l-ġodda lill-bdiewa wara diżastri naturali, avvenimenti klimatiċi avversi jew avvenimenti katastrofiċi f’konformità mal-Artikolu 78a tar-Regolament (UE) 2021/2115, l-interventi li bihom għandu jingħata dak l-appoġġ tal-Unjoni jenħtieġ li jfassluhom l-Istati Membri b’tali mod li jikkwalifikaw skont il-kriterji tal-Anness 2 tal-Ftehim tad-WTO dwar l-Agrikoltura.

(8)

L-Artikolu 11 tar-Regolament (UE) 2021/2115 jipprevedi mekkaniżmu għall-implimentazzjoni tal-memorandum ta’ qbil dwar iż-żrieragħ żejtnin, inklużi dispożizzjonijiet dwar iż-żidiet tal-outputs ippjanati u l-koeffiċjenti ta’ tnaqqis ħalli jkun evitat li tinqabeż iż-żona massima ta’ appoġġ għall-Unjoni kollha. Din id-dispożizzjoni jeħtieġ tiġi emendata biex tqis l-emendi tal-Artikolu 119 ta’ dak ir-Regolament, introdotti b’dan ir-Regolament.

(9)

Is-sistema tal-kundizzjonalità li tinkludi r-rekwiżiti statutorji ta’ ġestjoni (RSĠ) u l-istandards tal-KAAT għandha l-għan li tikkontribwixxi għall-iżvilupp ta’ agrikoltura sostenibbli b’iżjed sensibilizzazzjoni, fuq in-naħa tal-benefiċjarji, dwar il-ħtieġa tal-konformità ma’ dawk l-istandards u r-rekwiżiti bażiċi. Għandha l-għan ukoll li żżid il-konsistenza tal-PAK mal-objettivi tal-ambjent, tas-saħħa pubblika, tas-saħħa tal-pjanti u tat-trattament xieraq tal-annimali segwiti bid-dritt tal-Unjoni. Iżda meta jitqies li ż-żona agrikola ġestita mill-bdiewa b’azjenda agrikola żgħira li jibbenefikaw minn pagamenti skont l-interventi msemmija fl-Artikolu 28 tar-Regolament (UE) 2021/2115 hi limitata, jekk tiġi applikata s-sistema tal-kundizzjonalità għal dawn il-bdiewa b’azjenda agrikola żgħira, li jmexxu l-maġġoranza tal-azjendi agrikoli fl-Unjoni, dan ma jagħtix benefiċċji suffiċjenti meta mqabbel mal-kostijiet sinifikanti, u jimponi piż amministrattiv importanti fuq dawk il-bdiewa u l-amministrazzjonijiet nazzjonali. Biex jitnaqqsu dawn il-kostijiet u jiġi ffaċilitat il-piż amministrattiv relatat, huwa xieraq li l-bdiewa b’azjenda agrikola żgħira jiġu eżentati mill-applikazzjoni tas-sistema tal-kundizzjonalità.

(10)

L-istandards tal-KAAT imsemmija fl-Artikolu 13 tar-Regolament (UE) 2021/2115 huma parti mis-sistema tal-kundizzjonalità msemmija fl-Artikolu 12 ta’ dak ir-Regolament. Huma jikkontribwixxu għall-mitigazzjoni tat-tibdil fil-klima u l-adattament għalih, kif ukoll għall-protezzjoni tal-ambjent, u dan jinkludi l-ilma, il-ħamrija u l-bijodiversità tal-ekosistemi. Il-prinċipji ġenerali li fuqhom tistrieħ il-produzzjoni organika skont l-Artikolu 5 tar-Regolament (UE) 2018/848 tal-Parlament Ewropew u tal-Kunsill (8) jinkludu l-preservazzjoni tal-elementi naturali tal-pajsaġġ, bħas-siti ta’ wirt naturali, u l-użu responsabbli tal-enerġija u tar-riżorsi naturali, bħall-ilma, il-ħamrija, il-materja organika u l-arja.

(11)

L-istandard tal-KAAT 1, elenkat fl-Anness III tar-Regolament (UE) 2021/2115, għandu l-għan li jżomm bur permanenti biex tiġi ppreservata l-ħażna ta’ karbonju. Il-punti 1.7.3 u 1.9.1.1 tal-Anness II tar-Regolament (UE) 2018/848 jenfasizzaw l-importanza li jiġi massimizzat l-użu tar-ragħa u tal-mergħa, peress li dan jipprevjeni l-konverżjoni ta’ bur permanenti f’użi oħra tal-art, u f’konformità mal-objettiv ewlieni tal-istandard tal-KAAT 1 jippreserva l-ħażna ta’ karbonju fi bwar permanenti. L-istandards tal-KAAT 3, 5 u 6, elenkati fl-Anness III tar-Regolament (UE) 2021/2115, għandhom l-għan li – rispettivament – iżommu l-materja organika tal-ħamrija, jillimitaw l-erożjoni, u jipproteġu l-ħamrija matul perijodi sensittivi. Dawk l-objettivi diġà ntlaħqu bil-prattiki tal-ħdim tar-raba’ u tal-kultivazzjoni applikati fil-produzzjoni organika tal-pjanti, b’mod partikolari dawk imsemmija fil-punt 1.9 tal-Anness II tar-Regolament (UE) 2018/848. L-istandard tal-KAAT 4, elenkat fl-Anness III tar-Regolament (UE) 2021/2115, għandu l-għan li jipproteġi l-ilma mit-tniġġis. Bl-istess mod, il-punti 1.5, 1.7, 1.9 u 1.10 tal-Anness II tar-Regolament (UE) 2018/848 għandhom l-għan li jnaqqsu r-riskju ta’ tniġġis tal-ilma billi jillimitaw l-użu ta’ prodotti mediċinali veterinarji, jillimitaw l-użu ta’ fertilizzanti u pestiċidi, u jillimitaw id-densità tal-trobbija. L-esperjenza wriet li l-biedja organika tħalli impatt pożittiv fir-rigward tal-lissija tan-nutrijenti u t-tnixxijiet, u dan jagħmilha inqas probabbli li bidwi organiku jikkomprometti l-kwalità tal-ilma, u b’hekk jilħaq l-objettiv ewlieni tal-istandard tal-KAAT 4. Għalhekk, minħabba l-prinċipji u r-regoli stabbiliti fir-Regolament (UE) 2018/848 u l-prattiki eżistenti skont is-sistemi tal-biedja organika, il-bdiewa ċċertifikata skont ir-Regolament (UE) 2018/848 jenħtieġ li jitqiesu konformi mal-istandards tal-KAAT 1, 3, 4, 5, 6 u, kif diġà huwa l-każ, 7 fir-rigward tal-unitajiet tal-produzzjoni organika u l-unitajiet tal-produzzjoni fil-fażi ta’ konverżjoni tagħhom, kif definiti fir-Regolament (UE) 2018/848. Sabiex jitnaqqas il-piż amministrattiv fuq l-awtoritajiet kompetenti tal-Istati Membri meta jkunu qed jistinkaw biex japplikaw dik il-possibbiltà tal-preżunzjoni ta’ konformità ma’ ċerti standards tal-KAAT bl-iktar mod xieraq, jenħtieġ li l-Istati Membri jkollhom il-possibbiltà li jiddeċiedu li tali preżunzjoni tal-konformità tapplika biss meta l-azjenda kollha kemm hi tal-bidwi ċċertifikata f’konformità mar-Regolament (UE) 2018/848 tkun tikkonsisti f’unitajiet ta’ produzzjoni organika jew unitajiet ta’ produzzjoni fil-fażi ta’ konverżjoni kif definiti fir-Regolament (UE) 2018/848, jew fiż-żewġ unitajiet ta’ produzzjoni tali.

(12)

Biex tittejjeb il-konsistenza tar-rekwiżiti għall-bdiewa u jiġi ssimplifikat l-istabbiliment tal-istandards tal-KAAT mill-Istati Membri, jenħtieġ li jiġi emendat l-Artikolu 13(1) tar-Regolament (UE) 2021/2115 biex jiġi ċċarat li l-Istati Membri jistgħu jistabbilixxu l-istandards tal-KAAT fil-Pjanijiet Strateġiċi tal-PAK tagħhom b’mod konsistenti mar-rekwiżiti nazzjonali obbligatorji, dment li dawk ir-rekwiżiti nazzjonali jkunu konformi mal-istandards tal-KAAT elenkati fl-Anness III ta’ dak ir-Regolament. B’mod partikolari, jenħtieġ, li jiġi ċċarat li l-istandards tal-KAAT stabbiliti fil-Pjanijiet Strateġiċi tal-PAK m’għandhomx għalfejn imorru lil hinn mir-rekwiżiti nazzjonali obbligatorji eżistenti, dment li dawk ir-rekwiżiti nazzjonali jkunu konformi mal-istandards tal-KAAT elenkati fl-Anness III tar-Regolament (UE) 2021/2115, b’mod partikolari mal-objettivi ewlenin ta’ dawk l-istandards tal-KAAT.

(13)

L-Artikolu 13(2a) tar-Regolament (UE) 2021/2115 jenħtieġ li jiġi emendat sabiex l-Istati Membri jkunu jistgħu, meta jimplimentaw l-istandards tal-KAAT, jipprevedu derogi temporanji mir-rekwiżiti tal-istandards minimi anke fil-każ ta’ mard tal-pjanti jew infestazzjonijiet ta’ pesti, li jipprevjenu lill-bdiewa milli jikkonformaw ma’ dawk ir-rekwiżiti f’sena partikolari.

(14)

L-istandard tal-KAAT 9 jimponi projbizzjoni fuq il-konverżjoni jew il-ħrit ta’ bwar permanenti ddeżinjati bħala ambjentalment sensittivi fis-siti ta’ Natura 2000. Madankollu, l-esperjenza wriet li jaf ikun hemm sitwazzjonijiet eċċezzjonali fejn tali bur permanenti ambjentalment sensittiv issirlu ħsara, pereżempju minn speċijiet invażivi, u jafu jkunu meħtieġa miżuri xierqa biex jiġu indirizzati sitwazzjonijiet bħal dawn, inklużi eċċezzjonijiet għall-projbizzjoni fuq il-ħrit taż-żoni kkonċernati sabiex jiġi rrestawrat tali bur permanenti, ħalli jiġi żgurat li r-rekwiżiti tal-istandard tal-KAAT 9 jikkontribwixxu għall-protezzjoni tal-ħabitats u tal-ispeċijiet. F’konformità mal-objettiv ta’ simplifikazzjoni, l-Istati Membri jistgħu b’mod partikolari jużaw is-sistemi ta’ kontroll eżistenti tagħhom fis-siti ta’ Natura 2000 abbażi ta’ analiżi tar-riskju. Barra minn hekk, l-Istati Membri jistgħu jużaw rekwiżiti obbligatorji stabbiliti fil-pjanijiet ta’ ġestjoni ta’ Natura 2000, dment li dawk ir-rekwiżiti jikkonformaw mal-istandard tal-KAAT 9 elenkat fl-Anness III tar-Regolament (UE) 2021/2115.

(15)

L-Artikolu 19 tar-Regolament (UE) 2021/2115 jippermetti lill-Istati Membri jżommu sa 3 % tal-pagamenti diretti li jridu jitħallsu lil bidwi biex jappoġġaw il-kontribuzzjoni tal-bdiewa għal għodod għall-ġestjoni tar-riskju. Jekk Stat Membru jiddeċiedi li juża dik l- għażla, dan it-tnaqqis għandu japplika għall-benefiċjarji kollha tal-pagamenti diretti f’sena partikolari. L-esperjenza turi li huma biss ftit l-Istati Membri li jużaw dik l-għażla. Id-diskussjonijiet mal-Istati Membri wrew li n-nuqqas ta’ għodod għall-ġestjoni tar-riskju, kemm jekk stabbiliti mill-Istati Membri jew jekk huma disponibbli tramite assigurazzjoni privata, disponibbli għall-bdiewa kollha li jirċievu pagamenti diretti, huwa ostaklu għall-implimentazzjoni ta’ dik id-dispożizzjoni. Sabiex jiżdiedu l-adozzjoni u l-użu ta’ dik l- għażla, huwa neċessarju li jiġi emendat dak l-Artikolu 19 sabiex l-implimentazzjoni tiegħu tkun iktar flessibbli u tiġi adattata għall-għodod eżistenti għall-ġestjoni tar-riskju fl-Istati Membri. B’riżultat ta’ dik l-emenda, l-Istati Membri li jiddeċiedu li jużaw l-għażla li jżommu sa 3 % tal-pagamenti diretti li għandhom jitħallsu lil bidwi bħala kontribuzzjoni tal-bdiewa għall-għodod għall-ġestjoni tar-riskju jenħtieġ li jkunu jistgħu jiddeċiedu jekk din tapplikax għall-bdiewa kollha li jirċievu pagamenti diretti f’sena partikolari, jew jekk tapplikax għall-bdiewa li għalihom jeżistu għodod għall-ġestjoni tar-riskju f’sena partikolari, bil-kundizzjoni li d-deċiżjoni tagħhom tikkorrispondi għall-għodod għall-ġestjoni tar-riskju fis-seħħ.

(16)

L-iskema tal-pagament simplifikata mfassla mill-Istati Membri għall-bdiewa b’azjenda agrikola żgħira skont l-Artikolu 28 tar-Regolament (UE) 2021/2115 tnaqqas il-kumplessità tal-proċess tal-applikazzjoni għall-appoġġ għall-introjtu, kemm għall-bdiewa b’azjenda agrikola żgħira kif ukoll għall-amministrazzjonijiet. Sabiex tissaħħaħ l-attraenza tagħha u jkun hemm numru akbar ta’ bdiewa b’azjenda agrikola żgħira li jiġu mħeġġa jibbenefikaw minn dik l-iskema, jenħtieġ li jiżdied l-ammont massimu li jistgħu jirċievu skont dik l-iskema. Sabiex titrawwem il-parteċipazzjoni tal-bdiewa b’azjenda agrikola żgħira li jibbenefikaw mill-pagamenti msemmija f’dak l-Artikolu fl-ekoskemi msemmija fl-Artikolu 31 ta’ dak ir-Regolament, l-Istati Membri jenħtieġ li jkollhom il-possibbiltà li jeskludu l-pagamenti li jirċievu dawk il-bdiewa bl-ekoskemi mill-ammont massimu ta’ pagament imsemmi fl-Artikolu 28 ta’ dak ir-Regolament.

(17)

Meta Stat Membru jiddeċiedi, skont l-Artikolu 28, it-tieni paragrafu, tar-Regolament (UE) 2021/2115 li l-pagament lill-bdiewa b’azjenda agrikola żgħira msemmi fl-ewwel paragrafu, tal-Artikolu 28, ta’ dak ir-Regolament m’għandux jissostitwixxi l-appoġġ għall-ekoskemi stabbiliti skont l-Artikolu 31 ta’ dak ir-Regolament, l-ekoskemi jenħtieġ li jkomplu jikkonformaw mar-rekwiżiti kollha stabbiliti fl-Artikolu 31(5) ta’ dak ir-Regolament. Dak il-prinċipju jenħtieġ li jiġi rrispettat ukoll fir-rigward tal-interventi skont l-Artikolu 70 ta’ dak ir-Regolament fir-rigward tal-bdiewa li jirċievu l-pagamenti msemmija fl-Artikolu 28 ta’ dak ir-Regolament. Biex tkun żgurata l-konformità mal-prinċipju ġenerali li l-pagamenti jingħataw biss għall-impenji li jmorru lil hinn mir-rekwiżiti tal-kundizzjonalità, u biex tiġi ssalvagwardjata l-ambizzjoni tal-interventi, li jiffurmaw parti mill-arkitettura ambjentali u klimatika tal-PAK, il-bdiewa li jirċievu l-pagamenti msemmija fl-Artikolu 28 ta’ dak ir-Regolament jenħtieġ li jirċievu biss pagamenti skont l-ekoskemi msemmija fl-Artikolu 31 ta’ dak ir-Regolament jew pagamenti skont l-interventi msemmija fl-Artikolu 70 ta’ dak ir-Regolament jekk jikkonformaw mal-kundizzjonijiet stabbiliti fl-Artikolu 31(5), l-ewwel subparagrafu, il-punt (a), ta’ dak ir-Regolament jew mal-kundizzjonijiet stabbiliti fl-Artikolu 70(3), l-ewwel subparagrafu, il-punt (a), ta’ dak ir-Regolament.

(18)

Biex ikun żgurat li l-impatt fuq is-sitwazzjoni finanzjarja u ekonomika tal-bdiewa kkonċernati jinżamm limitat meta l-Istati Membri jżidu t-twettiq tal-objettivi ambjentali, klimatiċi, tat-trattament xieraq tal-annimali u tar-reżistenza antimikrobika, billi jżommu jew jadottaw leġiżlazzjoni nazzjonali li tmur lil hinn mir-rekwiżiti minimi korrispondenti stabbiliti fid-dritt tal-Unjoni, l-Artikolu 31(5) tar-Regolament (UE) 2021/2115 jeħtieġ jiġi emendat. Jenħtieġ li tali emenda tippermetti l-Istati Membri jagħtu appoġġ għall-impenji li jikkontribwixxu għall-konformità mar-rekwiżiti obbligatorji imposti bid-dritt nazzjonali li jmorru lil hinn mir-rekwiżiti minimi stabbiliti fid-dritt tal-Unjoni, irrispettivament minn jekk dawn għadhomx kif ġew imposti jew jekk jeżistux diġà. Barra minn hekk, it-tneħħija tal-limitazzjoni tal-perijodu li matulu jista’ jingħata appoġġ għall-impenji skont l-ekoskemi għandha tissimplifika l-ġestjoni tal-ekoskemi għall-Istati Membri. Huwa jnaqqas il-bżonn ta’ modifiki tal-ekoskemi fil-Pjanijiet Strateġiċi tal-PAK matul dan il-perijodu tal-programmazzjoni minħabba bidliet ta’ tali leġiżlazzjoni nazzjonali jew minħabba l-iskadenza tal-perijodu ta’ 24 xahar li matulu huwa possibbli li jingħata appoġġ għall-impenji li jikkontribwixxu għall-konformità ma’ tali leġiżlazzjoni nazzjonali.

(19)

L-istandard tal-KAAT 2, elenkat fl-Anness III tar-Regolament (UE) 2021/2115, għandu l-għan li jipproteġi l-ħamrija b’livell għoli ta’ karbonju. L-istandard 9 tal-KAAT, elenkat fl-Anness III għar-Regolament (UE) 2021/2115, għandu l-għan li jipproteġi l-ħabitats u l-ispeċi permezz ta’ projbizzjoni fuq il-konverżjoni jew il-ħrit ta’ bwar permanenti ddeżinjati bħala bwar permanenti ambjentalment sensittivi f’siti tan-Natura 2000. L-esperjenza wriet li, filwaqt li tiggarantixxi l-protezzjoni ta’ ħamrija rikka fil-karbonju u bwar permanenti sensittivi għall-ambjent fis-siti tan-Natura 2000, rispettivament, r-rekwiżiti stabbiliti fil-Pjanijiet Strateġiċi tal-PAK skont l-istandards tal-KAAT 2 u 9 ħolqu sfidi għall-bdiewa u għall-Istati Membri, b’mod partikolari fir-rigward tal-vijabbiltà ekonomika tal-bdiewa kkonċernati. Il-konformità ma’ ċerti rekwiżiti stabbiliti skont l-istandards tal-KAAT 2 u 9, bħal dawk li jinvolvu limitazzjoni tal-produzzjoni jew projbizzjoni fuq il-konverżjoni jew il-ħrit ta’ bwar permanenti ambjentalment sensittivi f’siti Natura 2000, tista’ tkun għalja għall-bdiewa jew tillimita b’mod sinifikanti l-kapaċità tagħhom li jibdlu jew jaġġustaw l-użu tal-art tagħhom. Barra minn hekk, l-istandards tal-KAAT 2 u 9 qed iħalli impatt fuq il-bdiewa f’xi Stati Membri iktar milli f’oħrajn minħabba l-proporzjonijiet differenti ta’ artijiet mistagħdra u torbieri jew bwar permanenti sensittivi għall-ambjent f’siti tan-Natura 2000 fit-territorji tagħhom. Filwaqt li jinżammu r-rekwiżiti eżistenti skont l-istandards tal-KAAT 2 u 9, fejn xieraq, stabbiliti b’mod konsistenti mar-rekwiżiti nazzjonali obbligatorji, kif introdotti minn dan ir-Regolament, jenħtieġ li jkun possibbli li l-bdiewa jiġu kkumpensati għall-konformità mal-obbligi li jirriżultaw minn dawk l-istandards. Għalhekk, jenħtieġ li jkun possibbli li l-Istati Membri jeskludu l-istandards tal-KAAT 2 u 9 mir-rekwiżit stabbilit fl-Artikolu 31(5), il-punt (a), ta’ dak ir-Regolament. Dan għandu jippermetti lill-Istati Membri jipprovdu appoġġ fil-Pjanijiet Strateġiċi tal-PAK tagħhom skont l-ekoskemi msemmija fl-Artikolu 31 ta’ dak ir-Regolament sabiex il-bdiewa attivi kkonċernati mill-istandards tal-KAAT 2 jew 9 jissodisfaw ir-rekwiżiti ta’ dawk l-istandards filwaqt li jżommu livell għoli ta’ protezzjoni tal-artijiet mistagħdra u tat-torbiera, b’mod partikolari l-potenzjal tas-sekwestru tal-karbonju ta’ dawk iż-żoni u livell għoli ta’ protezzjoni ta’ bwar permanenti ambjentalment sensittivi f’siti tan-Natura 2000, rispettivament.

(20)

Biex ikun jista’ jingħata appoġġ għall-metodi tal-biedja organika għall-bhejjem bħala parti mill-ekoskemi msemmija fl-Artikolu 31 tar-Regolament (UE) 2021/2115, jenħtieġ li jkun possibbli li l-Istati Membri jiddeċiedu li l-appoġġ mogħti għall-impenji relatati mal-konverżjoni jew iż-żamma ta’ prattiki u metodi tal-biedja organika f’konformità mar-Regolament (UE) 2018/848 għandu jieħu l-forma ta’ pagament annwali għall-unitajiet tal-bhejjem. Jenħtieġ li jiġi ċċarat ukoll li l-appoġġ għall-impenji li jtejbu l-prattiki tal-biedja relatati mat-trobbija tan-naħal jista’ jingħata fil-forma ta’ pagament annwali għall-kaxxi tan-naħal għax dan se jissimplifika l-kalkolu tal-pagamenti għal dawk l-impenji. Biex tkun żgurata l-koerenza tad-definizzjonijiet użati fil-Pjanijiet Strateġiċi tal-PAK, il-“kaxxa tan-naħal” għall-finijiet tal-għoti ta’ appoġġ skont l-ekoskemi msemmija fl-Artikolu 31 tar-Regolament (UE) 2021/2115 jenħtieġ li tfisser “kaxxa tan-naħal” kif definita fl-att delegat imsemmi fl-Artikolu 56, il-punt (b), ta’ dak ir-Regolament.

(21)

L-Artikolu 48 tar-Regolament (UE) 2021/2115 jenħtieġ li jiġi emendat biex titħassar ir-referenza għall-approvazzjoni annwali tal-prestazzjoni, fid-dawl tat-tħassir ta’ dik il-proċedura mir-Regolament (UE) 2021/2116 b’dan ir-Regolament.

(22)

L-organizzazzjonijiet tal-produtturi u l-assoċjazzjonijiet tal-organizzazzjonijiet tal-produtturi fis-settur tal-frott u l-ħxejjex jaqdu rwol importanti fit-tisħiħ tal-pożizzjoni tal-bdiewa fil-katina tal-provvista. L-appoġġ mill-PAK lil dawk l-organizzazzjonijiet għandu importanza kritika biex jiġu indirizzati kwistjonijiet speċifiċi u objettivi settorjali jew biex jiġu ppremjati l-prattiki li jagħmlu l-ġid. Għalhekk, jixraq li l-organizzazzjonijiet tal-produtturi u l-assoċjazzjonijiet tal-organizzazzjonijiet tal-produtturi li jimplementaw, fil-programmi operazzjonali tagħhom, intervent settorjali wieħed jew iktar b’rabta ma’ kwalunkwe objettiv imsemmi fl-Artikolu 46, il-punt (d), (e), (f), (h), (i) jew (j), tar-Regolament (UE) 2021/2115, jitħallew jibbenefikaw mil-limitu miżjud tal-assistenza finanzjarja tal-Unjoni msemmi fl-Artikolu 52(2) ta’ dak ir-Regolament, dment li l-ammont li jaqbeż il-limiti stabbiliti fl-Artikolu 52(2), l-ewwel subparagrafu, ta’ dak ir-Regolament jintefaq biss biex jiġu ffinanzjati dawk l-interventi settorjali.

(23)

L-Artikolu 69 tar-Regolament (UE) 2021/2115 jenħtieġ li jiġi emendat biex it-titolu tat-tip ta’ intervent għall-iżvilupp rurali msemmi fil-punt (e) ta’ dak l-Artikolu jiġi allinjat mal-emendi tal-Artikolu 75 ta’ dak ir-Regolament u biex jiġi inkluż it-titolu tat-tip il-ġdid ta’ intervent imsemmi fl-Artikolu 78a ta’ dak ir-Regolament.

(24)

Biex ikun żgurat li l-impatt fuq is-sitwazzjoni finanzjarja u ekonomika tal-bdiewa kkonċernati jinżamm limitat meta l-Istati Membri jżidu t-twettiq tal-objettivi ambjentali, klimatiċi, tat-trattament xieraq tal-annimali u tar-reżistenza antimikrobika billi jżommu jew jadottaw leġiżlazzjoni nazzjonali li tmur lil hinn mir-rekwiżiti minimi korrispondenti stabbiliti fil-liġi tal-Unjoni, jeħtieġ li l-Artikolu 70(3) tar-Regolament (UE) 2021/2115 jiġi emendat. Jenħtieġ li tali emenda tippermetti lill-Istati Membri jagħtu appoġġ għall-impenji li jikkontribwixxu għall-konformità mar-rekwiżiti obbligatorji imposti bil-liġi nazzjonali li jmorru lil hinn mir-rekwiżiti minimi stabbiliti fil-liġi tal-Unjoni, irrispettivament minn jekk dawn ikunx għadhom kif ġew imposti jew jekk kinux jeżistu diġà. Barra minn hekk, it-tneħħija tal-limitazzjoni tal-perijodu li matulu jista’ jingħata appoġġ għall-impenji agroambjentali klimatiċi tissimplifika l-ġestjoni ta’ dawk l-impenji għall-Istati Membri. Hija tnaqqas il-ħtieġa ta’ modifiki f’dawk l-interventi fil-Pjanijiet Strateġiċi tal-PAK tul dan il-perijodu tal-programmazzjoni minħabba bidliet ta’ tali leġiżlazzjoni nazzjonali jew minħabba l-iskadenza tal-perijodu tal-24 xahar li matulu jkun possibbli li jingħata appoġġ għall-impenji li jikkontribwixxu għall-konformità ma’ tali leġiżlazzjoni nazzjonali.

(25)

L-esperjenza wriet li r-rekwiżiti stabbiliti fil-Pjanijiet Strateġiċi tal-PAK skont l-istandards tal-KAAT 2 u 9 ħolqu sfidi sinifikanti għall-bdiewa u għall-Istati Membri, b’mod partikolari fir-rigward tal-vijabbiltà ekonomika tal-bdiewa kkonċernati, filwaqt li jiggarantixxu l-protezzjoni tal-ħamrija b’livell għoli ta’ karbonju u bwar permanenti sensittivi għall-ambjent f’siti tan-Natura 2000, rispettivament. Il-konformità ma’ ċerti rekwiżiti stabbiliti skont l-istandards tal-KAAT 2 u 9, bħal dawk li jinvolvu limitazzjoni tal-produzzjoni jew il-projbizzjoni fuq il-konverżjoni jew il-ħrit ta’ bwar permanenti sensittivi għall-ambjent f’siti Natura 2000, tista’ tkun għalja għall-bdiewa jew tillimita ferm il-kapaċità tagħhom li jibdlu jew jaġġustaw l-użu tal-art tagħhom. Barra minn hekk, l-istandards tal-KAAT 2 u 9 iħalli impatt fuq il-bdiewa f’xi Stati Membri iktar milli f’oħrajn minħabba l-proporzjonijiet differenti ta’ artijiet mistagħdra u torbieri jew bwar permanenti sensittivi għall-ambjent f’siti tan-Natura 2000 fit-territorji tagħhom. Filwaqt li jinżammu r-rekwiżiti eżistenti skont l-istandards tal-KAAT 2 u 9, meta dan ikun xieraq, stabbiliti b’mod konsistenti mar-rekwiżiti nazzjonali obbligatorji, kif introdotti b’dan ir-Regolament, jenħtieġ li jkun possibbli li l-bdiewa jiġu kkumpensati għall-konformità mal-obbligi li jirriżultaw minn dawk l-istandards. Għalhekk, jenħtieġ li jkun possibbli li l-Istati Membri jeskludu l-istandards tal-KAAT 2 u 9 mir-rekwiżit stabbilit fl-Artikolu 70(3), il-punt (a), tar-Regolament (UE) 2021/2115 għall-interventi bbażati fuq l-Artikolu 70 ta’ dak ir-Regolament. Dak għandu jippermetti lill-Istati Membri jipprovdu appoġġ fil-Pjanijiet Strateġiċi tal-PAK tagħhom skont l-interventi msemmija fl-Artikolu 70 ta’ dak ir-Regolament sabiex il-bdiewa u benefiċjarji oħra kkonċernati mill-istandards tal-KAAT 2 u 9 jissodisfaw ir-rekwiżiti tal-istandard filwaqt li jinżamm livell għoli ta’ protezzjoni tal-artijiet mistagħdra u tat-torbieri, b’mod partikolari l-potenzjal tas-sekwestru tal-karbonju ta’ dawn iż-żoni, u livell għoli ta’ protezzjoni ta’ bwar permanenti ambjentalment sensittivi f’siti tan-Natura 2000, rispettivament.

(26)

Skont l-Artikolu 70(8) tar-Regolament (UE) 2021/2115, l-Istati Membri għandhom jistabbilixxu pagamenti għall-impenji agroambjentali klimatiċi jew għall-impenji ta’ konverżjoni għall-biedja organika jew ta’ żamma ta’ prattiċi u metodi ta’ biedja organika biss bħala pagamenti għal kull ettaru. Biex tkun żgurata l-konsistenza mal-appoġġ bl-ekoskemi msemmija fl-Artikolu 31 ta’ dak ir-Regolament, jenħtieġ li jkun possibbli li l-Istati Membri, f’każijiet ġustifikati debitament, jagħtu appoġġ għal tali impenji fil-forma ta’ pagament għal kull unità tal-bhejjem. Biex jiġu ffaċilitati attivitajiet li jkunu ta’ benefiċċju għall-ambjent fil-każ tat-trobbija tan-naħal, jenħtieġ li jkun possibbli li jingħata appoġġ għall-impenji agroambjentali klimatiċi jew għall-impenji ta’ konverżjoni għall-biedja organika jew ta’ żamma ta’ biedja organika fil-forma ta’ pagament għal kull kaxxa tan-naħal. Biex tiġi żgurata l-koerenza tad-definizzjonijiet użati fil-Pjanijiet Strateġiċi tal-PAK, “kaxxa tan-naħal” għall-finijiet tal-għoti ta’ appoġġ għal dawk l-impenji jenħtieġ li tfisser “kaxxa tan-naħal” kif definit fl-att delegat imsemmi fl-Artikolu 56, il-punt (b), tar-Regolament (UE) 2021/2115.

(27)

L-Artikolu 72(5) tar-Regolament (UE) 2021/2115 jistabbilixxi regoli dwar il-kalkolu tal- pagamenti għal żvantaġġi speċifiċi għaż-żona biex jikkumpensaw għall-kostijiet addizzjonali u l-introjtu mitluf li jirriżultaw minn konformità ma’ ċerti rekwiżiti obbligatorji li jmorru lil hinn mill-istandards rilevanti tal-KAAT. Dan ma jagħtix pagamenti għal żvantaġġi speċifiċi għaż-żona li jirriżultaw mill-istandards rilevanti tal-KAAT. Madankollu, il-konformità ma’ ċerti rekwiżiti stabbiliti skont l-istandard tal-KAAT 2 tista’ tkun għalja għall-bdiewa peress li dawn jinvolvu limitazzjonijiet tal-produzzjoni minħabba restrizzjonijiet sinifikanti fuq l-użu tal-art. Sabiex jiġu integrati l-kostijiet relatati mal-konformità tal-istandard tal-KAAT 2 fil-kalkolu tal-pagamenti għal żvantaġġi speċifiċi għaż-żona li jirriżultaw mill-konformità ma’ ċerti rekwiżiti obbligatorji, jenħtieġ li jkun possibbli li l-Istati Membri jinkludu l-iżvantaġġi f’tali kalkoli li jirriżultaw mir-rekwiżiti ta’ dak l-istandard tal-KAAT.

(28)

Sabiex ikun żgurat li l-bdiewa jkollhom iktar żmien u flessibbiltà biex jaġġustaw għar-rekwiżiti ġodda tal-liġit tal-Unjoni tal-Unjoni f’kuntest dejjem iktar diffiċli ta’ tensjonijiet ġeopolitiċi, sfidi strutturali u diffikultajiet ekonomiċi relatati, fost l-oħrajn, ma’ prezzijiet għoljin tal-enerġija u tal-input, l-Artikolu 73(5) tar-Regolament (UE) 2021/2115 jenħtieġ li jiġi emendat. Jenħtieġ li tali emenda testendi il-perijodu li matulu jista’ jingħata appoġġ għall-investimenti li jikkontribwixxu għall-konformità ma’ tali rekwiżiti ġodda minn 24 għal 36 xahar mid-data li fiha dawk ir-rekwiżiti l-ġodda jsiru obbligatorji għall-azjenda.

(29)

Is-settur tal-biedja tal-Unjoni qed jiffaċċja diffikultajiet demografiċi b’forza tax-xogħol li qed tixjieħ. Filwaqt li huwa kruċjali li jiġu attirati l-bdiewa żgħażagħ biex jiġi żgurat futur sostenibbli għall-agrikoltura, il-ħolqien u l-iżvilupp ta’ attività ekonomika ġdida fis-settur agrikolu minn bdiewa żgħażagħ huma sfida finanzjarja. Sabiex jiġi ffaċilitat iktar l-istabbiliment tagħhom għall-ewwel darba, il-perijodu tal-eliġibbiltà għall-investimenti biex jikkonformaw ma’ standards ġodda tal-Unjoni jenħtieġ li jiġi estiż għall-bdiewa żgħażagħ.

(30)

Biex jissaħħu l-kompetittività u s-sostenibbiltà tas-sistema tal-ikel tal-Unjoni, hemm bżonn investimenti sinifikanti u żvilupp tan-negozju. B’mod partikolari, jenħtieġ li jitħeġġeġ l-iżvilupp tal-azjendi agrikoli żgħar, li qed jiffaċċjaw sfidi partikolari u li huma potenzjalment ekonomikament vijabbli. Fl-istess ħin, hemm bżonn li tiġi ssimplifikata l-implimentazzjoni tal-appoġġ għall-azjendi agrikoli żgħar biex jiġi minimizzat il-piż amministrattiv. Biex jiġu indirizzati dawk il-ħtiġijiet, huwa xieraq li jiġi emendat l-Artikolu 75 tar-Regolament (UE) 2021/2115 biex jinkludi l-iżvilupp tan-negozju tal-azjendi agrikoli żgħar fost l-interventi li l-Istati Membri jistgħu jappoġġaw, u biex jipprevedi appoġġ ta’ somma f’daqqa ta’ EUR 75 000 għal dak l-intervent. Għal raġunijiet ta’ konsistenza, l-Istati Membri jenħtieġ li jużaw l-istess definizzjoni ta’ azjendi agrikoli żgħar għall- investimenti skont l-Artikolu 73(4), il-punt (b), ta’ dak ir-Regolament u għall-iżvilupp tan-negozju skont l-Artikolu 75 ta’ dak ir-Regolament.

(31)

L-interventi ta’ ġestjoni tar-riskju huma utli ħafna biex il-bdiewa jsiru iktar reżiljenti, u għalhekk, jenħtieġ li jitħeġġu. Madankollu, l-esperjenza wriet li r-regoli attwali huma riġidi wisq biex dak it-tip ta’ intervent jintuża sal-potenzjal sħiħ tiegħu. B’mod partikolari, jidher li l-formola attwali tal-kalkolu tat-telf mhix adattata għas-sitwazzjoni speċifika ta’ ċerti benefiċjarji, bħall-bdiewa żgħażagħ, għal żoni b’għelejjel permanenti jew għal,każijiet ġustifikati oħra li għalihom il-formola tal-kalkolu tat-telf mhix adegwata. Biex jiżdied l-użu tal-għodod għall-ġestjoni tar-riskju skont l-Artikolu 76 tar-Regolament (UE) 2021/2115, l-Istati Membri jenħtieġ li jkollhom iktar flessibbiltà fil-kalkolu tat-telf għal dawn il-benefiċjarji jew l-għelejjel, li tippermettilhom iqisu s-sitwazzjonijiet speċifiċi tagħhom.

(32)

Sabiex jappoġġaw b’mod effiċjenti lill-bdiewa li l-produzzjoni tagħhom tkun ġarrbet ħsara minħabba diżastri naturali, avvenimenti klimatiċi avversi jew avvenimenti katastrofiċi oħra, bħal tifqigħat epiżootiċi u tifqigħat ta’ pesti ta’ kwarantina, l-Istati Membri jenħtieġ li jkunu jistgħu jipprovdu pagamenti f’każ ta’ kriżi b’interventi tal-iżvilupp rurali. Jenħtieġ li tali tipi ta’ appoġġ joffru ċerta flessibbiltà suffiċjenti lill-Istati Membri waqt li jippjanaw l-interventi. Meta jikkalkulaw it-telf tal-produzzjoni li għandu jiġi kkumpensat, jenħtieġ li l-Istati Membri jkunu jistgħu jużaw l-indiċijiet u jqisu l-iżviluppi reċenti fil-prezzijiet sabiex il-kalkolu jirrifletti l-valur reali tas-suq. Sabiex tkun żgurata ġestjoni finanzjarja tajba tal-fondi tal-Unjoni, jenħtieġ li l-Istati Membri jiżguraw li l-kumpens totali li jirċievi l-bidwi, flimkien ma’ forom oħra ta’ appoġġ mill-Unjoni jew nazzjonali, inklużi finanzjament nazzjonali addizzjonali, u finanzjament minn assigurazzjoni privata jew skemi oħra ta’ ġestjoni tar-riskju, ma jwassalx għal kumpens żejjed jew finanzjament doppju.

(33)

L-Artikolu 79(1) tar-Regolament (UE) 2021/2115 jistabbilixxi r-regoli li jikkonċernaw l-istabbiliment, mill-awtoritajiet ta’ ġestjoni, ta’ kriterji tal-għażla għall-interventi relatati ma’ ċerti tipi ta’ intervent. Il-lista tat-tipi ta’ intervent li għalihom l-Istati Membri għandhom jużaw il-kriterji tal-għażla jenħtieġ li tiġi emendata biex jitqiesu l-emendi fit-tipi ta’ intervent imsemmija fl-Artikolu 75 ta’ dak ir-Regolament.

(34)

L-Artikolu 80 tar-Regolament (UE) 2021/2015 jistabbilixxi r-regoli u l-prinċipji għall-implimentazzjoni tal-istrumenti finanzjarji fil-PAK. L-Artikolu 80(2) ta’ dak ir-Regolament jiżgura l-konsistenza mar-Regolament (UE) 2021/1060 tal-Parlament Ewropew u tal-Kunsill (9) dwar l-istrumenti finanzjarji. Biex tissaħħaħ aktar is-sinerġiji fl-implimentazzjoni u fil-kontroll bejn l-istrumenti finanzjarji tal-PAK u l-istrumenti finanzjarji l-oħra rregolati bir-Regolament (UE) 2021/1060, l-Artikolu 80 tar-Regolament (UE) 2021/2115 jenħtieġ li jiġi emendat biex ikun żgurat li r-rekwiżiti rigward ir-rendikont tal-entrati għall-istrumenti finanzjarji jkunu l-istess fir-Regolament (UE) 2021/2115 u fir-Regolament (UE) 2021/1060.

(35)

L-Artikolu 80(3) tar-Regolament (UE) 2021/2115 jistabbilixxi l-limitu massimu applikabbli tal-ekwivalenti tal-għotja grossa meta l-istrumenti finanzjarji jappoġġaw attivitajiet li jaqgħu fil-kamp ta’ applikazzjoni tal-Artikolu 42 tat-Trattat dwar il-Funzjonament tal-Unjoni Ewropea (TFUE). Biex ikun żgurat allinjament mal-bidliet introdotti dan l-aħħar fir-reġim ġenerali tal-għajnuna mill-istat skont l-Artikolu 3(2) tar-Regolament tal-Kummissjoni (UE) 2023/2831 (10), il-limitu massimu jeħtieġ jiżdied kif xieraq. Barra minn hekk, il-perijodu ta’ referenza jenħtieġ li jinbidel minn snin fiskali għal snin bi qbil mal-Artikolu 3(2) tar-Regolament (UE) 2023/2831. Fir-rigward tal-appoġġ għall-kapital operatorju għal attivitajiet barra mill-kamp ta’ applikazzjoni tal-Artikolu 42 tat-TFUE, ir-regoli ġenerali dwar l-għajnuna mill-Istat għandhom ikomplu japplikaw.

(36)

L-Artikolu 80(5) tar-Regolament (UE) 2021/2115 jiddefinixxi l-eliġibbiltà tan-nefqa meta l-appoġġ jingħata bi strumenti finanzjarji. Biex ikunu żgurati ċ-ċarezza u t-trattament ugwali skont l-istrumenti finanzjarji kollha rregolati bir-Regolament (UE) 2021/1060, l-Artikolu 80(5) tar-Regolament (UE) 2021/2115 jenħtieġ li jiġi emendat biex jiġu stabbiliti r-regoli tal-eliġibbiltà fir-rigward tat-taxxa fuq valur miżjud (“VAT”).

(37)

L-Artikolu 81 tar-Regolament (UE) 2021/2115 jistabbilixxi r-regoli u l-kundizzjonijiet għat-trasferimenti mill-Istati Membri tal-allokazzjonijiet tal-FAEŻR għall-Programm InvestEU stabbilit bir-Regolament (UE) 2021/523 tal-Parlament Ewropew u tal-Kunsill (11). Biex ikun żgurat l-akbar użu possibbli tal-possibbiltajiet introdotti ġodda skont l-Artikolu 10a(4) tar-Regolament (UE) 2021/523, jenħtieġ li jiġi emendat l-Artikolu 81 tar-Regolament (UE) 2021/2115.

(38)

L-Artikolu 83 tar-Regolament (UE) 2021/2115 jistabbilixxi r-regoli għall-kalkolu u l-applikazzjoni ta’ għażliet ta’ kostijiet issimplifikati. Biex tiġi ssimplifikata u tingħata spinta lill-implimentazzjoni tal-investimenti u ta’ interventi oħra tal-iżvilupp rurali u biex jiżdied l-użu tal-għażliet ta’ kostijiet issimplifikati, jenħtieġ li jkunu jistgħu jintużaw il-metodi tal-kalkolu stabbiliti skont ir-Regolament (UE) 2021/1060 mingħajr il-bżonn ta’ ġustifikazzjonijiet ulterjuri.

(39)

L-Artikolu 86(2) u (3) tar-Regolament (UE) 2021/2115 jistabbilixxi regoli dwar l-eliġibbiltà tan-nefqa li tirriżulta mill-emendi tal-Pjanijiet Strateġiċi tal-PAK għall-kontribuzzjoni mill-FAEG u mill-FAEŻR, rispettivament. Biex jiġu ssimplifikati r-regoli dwar l-eliġibbiltà tan-nefqa, jittejbu s-sinerġiji bejn il-FAEG u l-FAEŻR, u tiżdied il-flessibbiltà tal-Istati Membri biex jiddeterminaw id-data tad-dħul fis-seħħ tal-emendi relatati mal-FAEG tal-Pjanijiet Strateġiċi tal-PAK, huwa xieraq li titħalla n-nefqa li tirriżulta minn emenda strateġika approvata ta’ Pjan Strateġiku tal-PAK għall-kontribuzzjoni tal-FAEG tkun eliġibbli mid-data tad-dħul fis-seħħ tal-emenda stabbilita mill-Istat Membru kkonċernat f’konformità mal-Artikolu 119(8) ta’ dak ir-Regolament, iżda mhux qabel id-data tal-preżentazzjoni lill-Kummissjoni tat-talba għall-emenda. Għal emendi oħra fil-Pjanijiet Strateġiċi tal-PAK relatati mal-FAEG, in-nefqa jenħtieġ li tkun eliġibbli għal kontribuzzjoni mill-FAEG mid-data tan-notifika tal-emenda lill-Kummissjoni, kif stabbilit fl-Artikolu 119(9) tar-Regolament (UE) 2021/2115, kif emendat b’dan ir-Regolament.

(40)

Għall-fini li jiġi żgurat finanzjament adegwat għat-tip il-ġdid ta’ intervent għall-pagamenti f’każ ta’ kriżi lill-bdiewa wara diżastri naturali, avvenimenti klimatiċi avversi jew avvenimenti katastrofiċi, jenħtieġ li l-Istati Membri jkunu jistgħu jirriżervaw ċertu sehem mill-finanzjament tal-FAEŻR għal dak it-tip ta’ intervent. Madankollu, bil-ħsieb li jkun żgurat li jibqa’ disponibbli finanzjament biżżejjed biex ikopri l-prijoritajiet l-oħra tal-PAK, dak is-sehem jenħtieġ li jkun limitat għal ammont annwali massimu disponibbli għal kull Stat Membru li jikkorrispondi għal 3 % tat-total ikkombinat tal-pagamenti diretti u l-finanzjament tal-FAEŻR kull sena.

(41)

Minħabba n-natura speċjali tiegħu, it-tip il-ġdid ta’ intervent għall-pagamenti f’każ ta’ kriżi lill-bdiewa wara diżastri naturali, avvenimenti klimatiċi avversi jew avvenimenti katastrofiċi jenħtieġ li jkun eżentat mill-obbligu li jikkontribwixxi għall-indikaturi tar-riżultati elenkati fl-Anness I tar-Regolament (UE) 2021/2115.

(42)

Huwa xieraq li l-Istati Membri b’reġjuni ultraperiferiċi jitħallew jittrasferixxu parti mill-ammont tal-pakkett allokat minn qabel għall-iżvilupp rurali ddedikat għar-reġjuni ultraperiferiċi favur miżuri ta’ finanzjament permezz tal-Programmi ta’ Soluzzjonijiet Speċifiċi Relatati mal-Periferiċità u l-Insularità (il-“programmi POSEI”). Jenħtieġ li tali flessibbiltà żżid l-allokazzjonijiet finanzjarji massimi stabbiliti fir-Regolament (UE) Nru 228/2013 tal-Parlament Ewropew u tal-Kunsill (12) għall-programmi POSEI għall-ammont trasferit għal dawn il-programmi mill-pakkett tal-iżvilupp rurali.

(43)

L-Artikolu 119(4) tar-Regolament (UE) 2021/2115 jipprevedi l-approvazzjoni tal-Kummissjoni tat-talbiet għall-emendi fil-Pjanijiet Strateġiċi tal-PAK ippreżentati mill-Istati Membri. L-Artikolu 119(9) ta’ dak ir-Regolament jippermetti lill-Istati Membri jagħmlu u japplikaw modifiki għall-elementi tal-Pjanijiet Strateġiċi tal-PAK tagħhom li jappartjenu għall-interventi msemmija fit-Titolu III, il-Kapitolu IV, ta’ dak ir-Regolament. Dawk il-modifiki huma inklużi fit-talba li jmiss għal emenda tal-Pjanijiet Strateġiċi tal-PAK li għandha tiġi approvata mill-Kummissjoni. L-esperjenza wriet li, anke fejn ma jbiddlux l-orjentazzjoni strateġika tal-Pjanijiet Strateġiċi tal-PAK, l-emendi spiss ikun fihom bosta elementi tekniċi li jagħmluhom kumplessi u onerużi għall-Istati Membri, u jwasslu għal dewmien fil-proċeduri tal-approvazzjoni. Dan jinterferixxi mal-adattament f’waqtu u effettiv tal-Pjanijiet Strateġiċi tal-PAK għar-realtajiet ekonomiċi li qed jinbidlu u għall-ħtiġijiet tal-bdiewa u benefiċjarji oħra fl-Istati Membri u għandu impatt negattiv fuq l-implimentazzjoni ta’ dawk il-Pjanijiet Strateġiċi tal-PAK. Biex tiġi ssimplifikata u tittejjeb l-effiċjenza tal-proċeduri ta’emenda, b’mod partikolari fir-rigward tal-elementi tal-Pjanijiet Strateġiċi tal-PAK li mhumiex ta’ natura strateġika, jenħtieġ li l-approvazzjoni tal-Kummissjoni tkun meħtieġa biss għall-emendi strateġiċi tal-Pjanijiet Strateġiċi tal-PAK. Għal dak il-għan, jenħtieġ li jiġu definiti emendi strateġiċi fir-Regolament (UE) 2021/2115 bħala emendi ta’ elementi importanti tal-Pjanijiet Strateġiċi tal-PAK li jħallu impatt sinifikanti fuq l-istrateġija u l-loġika ta’ intervent ta’ dawk il-pjanijiet, inklużi t-trasferimenti tal-allokazzjonijiet finanzjarji bejn il-FAEŻR u l-FAEG, l-allokazzjonijiet finanzjarji massimi u minimi, u l-bidliet fil-pjanijiet fil-mira u finanzjarji. L-Istati Membri jenħtieġ li jkunu jistgħu jagħmlu u japplikaw l-emendi l-oħra kollha fil-Pjanijiet Strateġiċi tal-PAK tagħhom malli jinnotifikawhom lill-Kummissjoni.Jenħtieġ li dawk l-emendi ma jkunux soġġetti għall-approvazzjoni tal-Kummissjoni.

(44)

Biex tkun żgurata l-kompatibbiltà tal-Pjanijiet Strateġiċi tal-PAK mal-qafas legali tal-PAK, il-Kummissjoni jenħtieġ li jkollha s-setgħa li toġġezzjona għall-emendi notifikati meta tqis li dawk l-emendi ma jkunux kompatibbli mar-Regolament (UE) 2021/2115 jew mar-Regolament (UE) 2021/2116 jew mal-atti delegati u ta’ implimentazzjoni adottati skonthom. Biex tkun żgurata ċ-ċertezza legali lill-bdiewa u benefiċjarji oħra, l-Istati Membri jenħtieġ li, malli jirċievu oġġezzjoni mill-Kummissjoni għal emenda notifikata, ma japplikawx dik l-emenda u jneħħu tali emenda mill-Pjan Strateġiku tal-PAK emendat kif ippreżentat lill-Kummissjoni. In-nefqa relatata ma’ tali emendi jenħtieġ li lanqas ma tkun eliġibbli għal kontribuzzjoni mill-FAEG jew mill-FAEŻR. L-esperjenza turi li l-Istati Membri jistgħu jinnotifikaw emendi kumplessi u numerużi tal-Pjanijiet Strateġiċi tal-PAK tagħhom. Għalhekk, il-Kummissjoni jenħtieġ li jkollha perjodu taż-żmien raġonevoli biex tivvaluta l-emendi notifikati u fejn meħtieġ, biex toġġezzjona għalihom. L-Istati Membri jenħtieġ li jkollhom il-possibbiltà jissottomettu emendi li l-Kummissjoni tkun oġġezzjonat l-approvazzjoni tagħhom bħala parti minn talba għal emenda strateġika kif imsemmi fl-Artikolu 119(2) tar-Regolament (UE) 2021/2115, kif emendat minn dan ir-Regolament. Dak jiżgura li dawk l-emendi jieħdu effett legali biss jekk jikkonformaw mar-Regolament (UE) 2021/2115 u mar-Regolament (UE) 2021/2116, kif ukoll mal-atti delegati u ta’ implimentazzjoni adottati skont dawn.

(45)

L-Artikolu 119(8), it-tielet subparagrafu, tar-Regolament (UE) 2021/2115 jipprevedi li l-Istati Membri jeħtiġilhom jiddeterminaw data tad-dħul fis-seħħ għall-emendi tal-Pjanijiet Strateġiċi tal-PAK relatati mal-FAEG. Jenħtieġ li tali data tkun aktar tard mid-data tal-approvazzjoni tat-talba għall-emenda mill-Kummissjoni. Biex tiżdied il-flessibbiltà għall-Istati Membri fl-istabbiliment tad-dati tad-dħul fis-seħħ għall-emendi strateġiċi tal-Pjanijiet Strateġiċi tal-PAK relatati mal-FAEG u biex jiżdiedu s-sinerġiji bejn ir-regoli applikabbli għall-emendi strateġiċi tal-Pjanijiet Strateġiċi tal-PAK relatati mal-FAEG u l-emendi tal-Pjanijiet Strateġiċi tal-PAK relatati mal-FAEŻR, jenħtieġ li jkun possibbli li l-Istati Membri jistabbilixxu d-data tad-dħul fis-seħħ għall-emendi strateġiċi tal-Pjanijiet Strateġiċi tal-PAK bejn id-data tal-preżentazzjoni lill-Kummissjoni tat-talba għall-emenda strateġika msemmija fl-Artikolu 119(2) tar-Regolament (UE) 2021/2115, kif emendat b’dan ir-Regolament, u d-data tal-approvazzjoni ta’ tali talba mill-Kummissjoni.

(46)

L-Artikolu 120 tar-Regolament (UE) 2021/2115 jiżgura li l-Pjanijiet Strateġiċi tal-PAK jiġu aġġornati biex ikunu jirriflettu l-emendi li saru fl-atti leġiżlattivi elenkati fl-Anness XIII ta’ dak ir-Regolament dwar l-ambjent u l-klima li għalihom jenħtieġ li jikkontribwixxu l-Pjanijiet Strateġiċi tal-PAK uli magħhom jenħtieġ li jkunu konsistenti. Għal dak il-għan, l-Istati Membri jridu jivvalutaw jekk il-Pjanijiet Strateġiċi tal-PAK tagħhom jenħtieġx li jiġu emendati, u, fejn meħtieġ jenħtieġ li jippreżentaw talba għal emenda, meta kwalunkwe att leġiżlattiv jiġi modifikat. Sabiex jiġu evitati proċessi amministrattivi bla bżonn waqt il-fażi aħħarija tal-implimentazzjoni tal-Pjanijiet Strateġiċi tal-PAK, jenħtieġ li jitħassar l-Artikolu 120 tar-Regolament (UE) 2021/2115.

(47)

L-Artikolu 122 tar-Regolament (UE) 2021/2115 jenħtieġ li jiġi emendat biex jirrifletti l-emendi fl-Artikolu 119 ta’ dak ir-Regolament, introdotti b’dan ir-Regolament.

(48)

L-Artikolu 124(4) tar-Regolament (UE) 2021/2115 jenħtieġ li jiġi emendat biex il-kumitat ta’ monitoraġġ ikun jista’ jagħti l-opinjoni tiegħu dwar id-data tad-dħul fis-seħħ tal-emendi kollha relatati mal-FAEG sabiex ikun żgurat li l-bdiewa u l-benefiċjarji jkollhom żmien biżżejjed biex iqisu l-emendi proposti.

(49)

L-Artikolu 134 tar-Regolament (UE) 2021/2115 jistabbilixxi r-rekwiżiti dwar il-kontenut tar-rapporti annwali dwar il-prestazzjoni u l-proċedura applikabbli għalihom, li huma bażi għall-approvazzjoni annwali tal-prestazzjoni msemmija fl-Artikolu 54 tar-Regolament (UE) 2021/2116. Fid-dawl tat-tħassir ta’ dan ir-Regolament mir-Regolament (UE) 2021/2116 tal-proċedura tal-approvazzjoni annwali tal-prestazzjoni, dawk ir-rekwiżiti jenħtieġ li jiġu modifikati. Jenħtieġ li tali modifika tinkludi t-tħassir ta’ informazzjoni meħtieġa biss għall-finijiet ta’ dik il-proċedura, bħall-informazzjoni dwar l-ammonti unitarji realizzati u l-ġustifikazzjonijiet li jeħtiġilhom jagħtu l-Istati Membri meta l-ammonti unitarji realizzati jaqbżu l-ammonti unitarji ppjanati korrispondenti stabbiliti fil-Pjanijiet Strateġiċi tal-PAK.

(50)

L-Artikolu 134(7) tar-Regolament (UE) 2021/2115 jeħtieġ jiġi ċċarat biex tissaħħaħ ir-rabta bejn ir-rapport annwali dwar il-prestazzjoni u l-eżami biennali tal-prestazzjoni msemmi fl-Artikolu 135 ta’ dak ir-Regolament, b’rabta mal-inklużjoni ta’ ġustifikazzjonijiet fir-rapport annwali dwar nuqqasijiet mill-istadji importanti għall-finijiet tal-eżami biennali tal-prestazzjoni.

(51)

Skont l-Artikolu 134(13) tar-Regolament (UE) 2021/2115, il-Kummissjoni tista’ tagħmel osservazzjonijiet dwar rapport annwali dwar il-prestazzjoni ammissibbli fi żmien xahar mill-preżentazzjoni tiegħu. L-esperjenza wriet li l-valutazzjoni tal-ammissibbiltà tar-rapport annwali dwar il-prestazzjoni skont l-Artikolu 134(3) ta’ dak ir-Regolament u l-valutazzjoni komprensiva tar-rapport annwali dwar il-prestazzjoni ppreżentat nnifsuma jistgħux tagħhom jenħtieġx. Għalhekk, jeħtieġ li tiġi emendata d-data li minnha jiġi kkalkolat il-limitu ta’ żmien biex jintbagħtu l-osservazzjonijiet, imsemmi fl-Artikolu 134(13) ta’ dak ir-Regolament, sad-data li fiha r-rapport annwali dwar il-prestazzjoni jsir ammissibbli, f’konformità mal-Artikolu 134(3) ta’ dak ir-Regolament.

(52)

Skont l-Artikolu 159 tar-Regolament (UE) 2021/2115, sal-31 ta’ Diċembru 2025, il-Kummissjoni jeħtiġilha tirrieżamina l-lista tal-atti leġiżlattivi fl-Anness XIII ta’ dak ir-Regolament u, fejn xieraq, tagħmel proposti leġiżlattivi biex iżżid atti leġiżlattivi addizzjonali ma’ dak l-Anness. Fid-dawl tat-tħassir tal-Artikolu 120 ta’ dak ir-Regolament, jenħtieġ li l-Artikolu 159 ta’ dak ir-Regolament jitħassar ukoll b’dan ir-Regolament biex tiġi żgurata l-koerenza tal-Pjanijiet Strateġiċi tal-PAK u biex jiġi evitat it-tfixkil tal-implimentazzjoni tal-Pjanijiet Strateġiċi tal-PAK mill-awtoritajiet nazzjonali, mill-bdiewa u minn benefiċjarji oħra.

(53)

L-Anness I tar-Regolament (UE) 2021/2115 jistabbilixxi indikaturi tal-impatt, indikaturi tar-riżultati u indikaturi tal-output skont l-Artikolu 7 ta’ dak ir-Regolament. It-tabella “Approvazzjoni tal-prestazzjoni annwali – OUTPUT – Tipi ta’ Interventi u l-indikaturi tal-output tagħhom” fl-Anness I ta’ dak ir-Regolament jenħtieġ li tiġi sostitwita biex jiġu introdotti indikaturi tal-output marbuta mat-tip ta’ intervent introdott ġdid u t-tipi emendati ta’ intervent u biex jitqies it-tħassir b’dan ir-Regolament tal-approvazzjoni annwali dwar il-prestazzjoni prevista fl-Artikolu 54 tar-Regolament (UE) 2021/2116.

(54)

L-Anness II tar-Regolament (UE) 2021/2115 jelenka l-paragrafi rilevanti tal-Anness 2 tal-Ftehim tad-WTO dwar l-Agrikoltura għal kull tip ta’ intervent ta’ dak ir-Regolament. Għalhekk, it-tip ta’ intervent għall-pagamenti f’każ ta’ kriżi lill-bdiewa wara diżastri naturali, avvenimenti klimatiċi avversi jew avvenimenti katastrofiċi jenħtieġ li jiġi inkluż f’dak l-Anness II.

(55)

L-istandard tal-KAAT 1, elenkat fl-Anness III tar-Regolament (UE) 2021/2115, għandu l-għan li jżomm il-bwar permanenti sabiex tiġi ppreservata l-ħażna ta’ karbonju abbażi ta’ proporzjon ta’ bwar permanenti fir-rigward tażżona agrikola fil-livell nazzjonali, reġjonali, subreġjonali, grupp ta’ azjenda jew livell ta’ azjendi meta mqabbel mas-sena ta’ referenza 2018, bi tnaqqis massimu ta’ 5 % meta mqabbel mas-sena ta’ referenza. Bidliet strutturali li jistgħu jseħħu fl-azjendi agrikoli tul il-perjodu ta’ programmazzjoni 2023-2027, b’mod partikolari fis-settur tal-bhejjem, jistgħu jkunu akkumpanjati ma’ bidliet rapidi fl-użu tal-art fil-livell ta’ azjenda agrikola, b’mod partikolari biex jittaffew l-impatti tat-tibdil fil-klima fuq id-disponibbiltà tal-għalf u tal-magħlef. Madankollu, tali bidliet strutturali jistgħu jidhru biss fid-data disponibbli b’dewmien. Tali evoluzzjoni tal-bidliet strutturali fl-azjendi agrikoli tista’ twassal għal varjazzjonijiet fil-proporzjon annwali tal-bwar permanenti meta mqabbla mas-sena ta’ referenza 2018. Fid-dawl ta’ dawn il-varjazzjonijiet u biex tiġi ffaċilitata l-implimentazzjoni tal-istandard tal-KAAT 1, il-perċentwal massimu tat-tnaqqis tal-proporzjon ta’ bwar permanenti meta mqabbel mas-sena ta’ referenza 2018 jenħtieġ li jiżdied għal 10 % sabiex l-Istati Membri jkunu jistgħu jqisu l-iżviluppi tul il-perjodu ta’ programmazzjoni 2023-2027 u l-ħtiġijiet tal-azjendi agrikoli, b’mod partikolari fis-settur tal-bhejjem.

(56)

L-istandard tal-KAAT 4, elenkat fl-Anness III tar-Regolament (UE) 2021/2115, għandu l-għan li jkunu protetti l-mogħdijiet tax-xmajjar mit-tniġġis u mit-tnixxijiet bl-istabbiliment ta’ strixxi ta’ lqugħ tul il-mogħdijiet tal-ilma. L-esperjenza wriet, li għall-finijiet ta’ dan l-istandard tal-KAAT, l-Istati Membri jenħtieġ li jkollhom il-possibbiltà li jallinjaw id-definizzjoni ta’ “mogħdija tal-ilma” mad-definizzjoni ta’ mogħdija tal-ilma stabbilita mill-Istati Membri fil-leġiżlazzjoni nazzjonali, inkluż fil-leġiżlazzjoni nazzjonali li timplimenta d-dritt tal-Unjoni, li hi parti mill-RSĠ elenkat fl-Anness III ta’ dak ir-Regolament. Id-definizzjoni ta’ mogħdija tal-ilma użata mill-Istati Membri għall-finijiet tal-istandard tal-KAAT 4, madankollu, jenħtieġ li tkun konformi mal-objettiv ewlieni ta’ dak l-istandard tal-KAAT, b’mod partikolari l-objettiv li jitnaqqas ir-riskju li jiġu esklużi l-mogħdijiet tal-ilma iżgħar li jistgħu jġorru tniġġis fid-direzzjoni tal-ilma, mill-ambitu ta’ dak l-istandard tal-KAAT.

(57)

Jenħtieġ li jiġu emendati l-Artikolu 21(1) li jistabbilixxi r-regoli dwar il-pagamenti ta’ kull xahar, u l-Artikolu 32(8) tar-Regolament (UE) 2021/2116 li jistabbilixxi r-regoli dwar il-pagamenti interim, biex jitqies it-tħassir b’dan ir-Regolament tal-approvazzjoni annwali tal-prestazzjoni prevista fl-Artikolu 54 ta’ dak ir-Regolament. Barra minn hekk, l-Artikolu 21(2) tar-Regolament (UE) 2021/2116 jenħtieġ li jiġi emendat ukoll biex ikun żgurat li, wara l-emendi introdotti minn dan ir-Regolament fl-Artikolu 86(2) u fl-Artikolu 119(8) tar-Regolament (UE) 2021/2115, in-nefqa li ssir eliġibbli għall-kontribuzzjoni tal-FAEG minn data tad-dħul fis-seħħ li tiġi qabel id-data tal-approvazzjoni tal-emenda mill-Kummissjoni iżda wara d-data tal-preżentazzjoni tat-talba għall-emenda lill-Kummissjoni, tiġi ddikjarata lill-Kummissjoni biss wara l-approvazzjoni tal-emenda mill-Kummissjoni f’konformità mal-Artikolu 119(10) tar-Regolament (UE) 2021/2115. Għal dan il-għan, jenħtieġ li jkun possibbli li tiġi ddikjarata n-nefqa, li ma tistax tiġi ddikjarata fix-xahar ikkonċernat minħabba approvazzjoni pendenti ta’ emenda fix-xhur sussegwenti tal-istess sena finanzjarja jew, mhux iktar tard, fil-kontijiet annwali ta’ dik is-sena finanzjarja li jridu jintbagħtu lill-Kummissjoni sal-15 ta’ Frar tas-sena ta’ wara dik is-sena finanzjarja. Meta tiġi ddeterminata d-data tad-dħul fis-seħħ ta’ emenda u sabiex ikun żgurat li kwalunkwe nefqa li tirriżulta mill-emenda diġà mħallsa lill-benefiċjarji tkun tista’ tiġi ddikjarata fis-sena finanzjarja rispettiva, l-Istati Membri jenħtieġ li jqisu l-limiti taż-żmien għall-proċedura tal-approvazzjoni stabbiliti fl-Artikolu 119 tar-Regolament (UE) 2021/2115.

(58)

L-Artikolu 40 tar-Regolament (UE) 2021/2116 dwar is-sospensjoni tal-pagamenti b’rabta mal-approvazzjoni annwali tal-prestazzjoni jeħtieġ li jiġi emendat biex jitqies it-tħassir b’dan ir-Regolament tal-approvazzjoni annwali tal-prestazzjoni prevista fl-Artikolu 54 ta’ dak ir-Regolament.

(59)

L-Artikolu 44(2) tar-Regolament (UE) 2021/2116 jipprevedi li l-Istati Membri jistgħu jagħmlu pagamenti bil-quddiem sa 50 % għall-interventi fil-forma ta’ pagamenti diretti u għall-miżuri msemmija fil-Kapitolu IV tar-Regolament (UE) Nru 228/2013 u fil-Kapitolu IV tar-Regolament (UE) Nru 229/2013 tal-Parlament Ewropew u tal-Kunsill (13) u jistgħu jagħmlu pagamenti bil-quddiem sa 75 % għall-interventi għall-iżvilupp rurali bbażati fuq l-erja u bbażati fuq l-annimal skont ir-Regolament (UE) 2021/2115. L-Artikolu 44(6) tar-Regolament (UE) 2021/2116 jipprevedi li fuq talba ta’ Stat Membru, fil-każ ta’ emerġenza, il-Kummissjoni għandha tadotta, fejn xieraq, atti ta’ implimentazzjoni li jidderogaw mill-Artikolu 44(2) ta’ dak ir-Regolament biss sal-punt u għall-perjodu li huma strettament meħtieġa. Għal kull waħda mis-snin fil-perjodu ta’ programmazzjoni attwali, jiġifieri s-snin 2023, 2024 u 2025, l-Istati Membri talbu derogi mill-Artikolu 44(2) tar-Regolament (UE) 2021/2116 biex jippermettu rata ogħla ta’ pagamenti bil-quddiem. Ir-raġunijiet għal dawk id-derogi kienu wesgħin, inkluż il-kunflitt militari fl-Ewropa u fil-Lvant Nofsani, il-kundizzjonijiet ħżiena tat-temp u l-avvenimenti klimatiċi eċċezzjonali, u ż-żidiet mhux previsti fil-prezzijiet tal-input u fl-inflazzjoni għall-bdiewa, flimkien ma’ prezzijiet relattivament baxxi tal-komoditajiet agrikoli. Peress li dawk il-pressjonijiet addizzjonali x’aktarx li ma jiġux solvuti fis-sena 2026 jew 2027, huwa xieraq, għal raġunijiet ta’ simplifikazzjoni, li b’mod permanenti jinbidlu r-rati massimi għall-pagamenti bil-quddiem fir-Regolament (UE) 2021/2116, sabiex tkun tista’ titħallas ir-rata ogħla għall-bqija tal-perjodu ta’ programmazzjoni attwali.

(60)

L-Artikolu 53 tar-Regolament (UE) 2021/2116 jipprevedi li abbażi tal-informazzjoni msemmija fl-Artikolu 9(3), l-ewwel subparagrafu, il-punti (a) u (d), ta’ dak ir-Regolament, il-Kummissjoni jeħtiġilha tadotta atti ta’ implimentazzjoni li jkun fihom id-deċiżjoni tagħha dwar l-approvazzjoni tal-kontijiet tal-aġenziji tal-pagamenti akkreditati b’rabta man-nefqa msemmija fl-Artikolu 5(2) u fl-Artikolu 6 ta’ dak ir-Regolament. L-Artikolu 53 tar-Regolament (UE) 2021/2116 jenħtieġ li jiġi emendat biex jitqies it-tħassir b’dan ir-Regolament tal-approvazzjoni annwali tal-prestazzjoni prevista fl-Artikolu 54 tar-Regolament (UE) 2021/2116.

(61)

L-Artikolu 54 tar-Regolament (UE) 2021/2116 jipprevedi li meta n-nefqa msemmija fl-Artikolu 5(2) u fl-Artikolu 6 ta’ dak ir-Regolament u li tikkorrispondi għall-interventi msemmija fit-Titolu III tar-Regolament (UE) 2021/2115 ma jkollhiex output korrispondenti kif irrappurtat fir-rapport annwali dwar il-prestazzjoni msemmi fl-Artikolu 9(3) u fl-Artikolu 10 tar-Regolament (UE) 2021/2116 u fl-Artikolu 134 tar-Regolament (UE) 2021/2115, il-Kummissjoni jeħtiġilha tadotta atti ta’ implimentazzjoni qabel il-15 ta’ Ottubru tas-sena ta’ wara s-sena baġitarja kkonċernata biex tistabbilixxi l-ammonti li jridu jitnaqqsu mill-finanzjament tal-Unjoni. L-esperjenza miksuba bl-ewwel sena tal-implimentazzjoni tal-eżerċizzju tal-approvazzjoni annwali tal-prestazzjoni, u bit-tħejjija tal-eżerċizzju tat-tieni sena, turi li l-Istati Membri jġorru piż amministrattiv sproporzjonat fit-tħejjija tar-rapport annwali tal-prestazzjoni u fl-għoti tal-informazzjoni meħtieġa għalih, kif ukoll matul l-approvazzjoni annwali tal-prestazzjoni. Biex jittaffa l-piż amministrattiv fuq l-Istati Membri, jenħtieġ li titħassar l-approvazzjoni annwali tal-prestazzjoni prevista fl-Artikolu 54 tar-Regolament (UE) 2021/2116. Ir-rekwiżit li n-nefqa magħmula mill-aġenziji tal-pagamenti trid tkun taqbel ma’ output korrispondenti, kif stabbilit fl-Artikolu 37(1), il-punt (b)(i), ta’ dak ir-Regolament, hu kopert bil-proċedura ta’ konformità msemmija fl-Artikolu 55 ta’ dak ir-Regolament.

(62)

Ir-rekwiżit li n-nefqa trid issir f’konformità mas-sistemi ta’ governanza applikabbli, stabbiliti fl-Artikolu 37(1), il-punt (b)(ii), tar-Regolament (UE) 2021/2116, hu kkontrollat mill-aġenziji tal-pagamenti, u wara ssir verifika mill-korpi taċ-ċertifikazzjoni kull sena, u mill-Kummissjoni fil-forma ta’ rieżamijiet tal-opinjonijiet u r-rapporti tal-korp taċ-ċertifikazzjoni u bħala parti mis-segwitu dwar is-sejbiet, kif ukoll tul il-proċeduri ta’ konformità msemmija fl-Artikolu 55 ta’ dak ir-Regolament. Dawk il-proċeduri jipprovdu wkoll assigurazzjoni li l-outputs realizzati jinkisbu f’konformità mad-dritt tal-Unjoni. Flimkien mal-eżami biennali tal-prestazzjoni msemmi fl-Artikolu 135 tar-Regolament (UE) 2021/2115, dawk il-proċeduri jiżguraw ukoll li l-Istati Membri jilħqu l-istadji importanti u l-miri msemmija fl-Artikolu 109(1), il-punt (a), ta’ dak ir-Regolament, stabbiliti minnhom bħala parti mis-sistemi tal-prestazzjoni tagħhom fil-Pjanijiet Strateġiċi tal-PAK. Għalhekk, l-Artikolu 54 tar-Regolament (UE) 2021/2116 jenħtieġ li jitħassar.

(63)

Jeħtieġ li jinkiseb aktar allinjament tal-istrumenti finanzjarji tal-PAK u istrumenti finanzjarji ta’ politiki loħra taħt ġestjoni kondiviża fil-kuntest ta’ irregolaritajiet u korrezzjonijiet finanzjarji, meta l-korpi li jimplimentaw l-istrumenti finanzjarji juru li ġie ssodisfat sett ta’ kundizzjonijiet kumulattivi. Għalhekk, l-Artikolu 57 tar-Regolament (UE) 2021/2116 jenħtieġ li jiġi emendat biex tkun żgurata l-konsistenza mal-Artikolu 103(6) tar-Regolament (UE) 2021/1060.

(64)

Il-bdiewa ripetutament ilmentaw dwar il-pressjoni kkawżata mill- fatt li li jkollhom jgħaddu minn verifiki multipli matul is-sena. L-Istati Membri diġà għandhom il-possibbiltà li jgħaqqdu flimkien diversi verifiki fi żjara waħda fi żjara waħda fuq il-post. Biex jitnaqqas in-numru ta’ żjarat fuq il-post għal kull azjenda agrikola u b’hekk jittaffa l-piż amministrattiv fuq il-benefiċjarji, meta possibbli, jenħtieġ li l-Istati Membri ma jagħżlux benefiċjarju li jkun diġà ntgħażel għal verifika fuq il-post f’dik is-sena, ħlief meta ċ-ċirkostanzi jkunu jeżiġu verifika ulterjuri biex tiġi żgurata l-protezzjoni tal-interessi finanzjarji tal-Unjoni. Barra minn hekk, jenħtieġ li dak it-tnaqqis ma jnaqqasx il-livell tal-verifiki. Għal dak il-għan, l-Artikolu 60(1) tar-Regolament (UE) 2021/2116 jenħtieġ li jiġi emendat kif xieraq.

(65)

L-Artikolu 67(1) tar-Regolament (UE) 2021/2116 jenħtieġ li jiġi emendat sabiex titħassar ir-referenza għall-approvazzjoni annwali tal-prestazzjoni msemmija fl-Artikolu 54 ta’ dak ir-Regolament.

(66)

L-esperjenza miksuba turi li l-valutazzjonijiet tal-kwalità tas-sistema għall-identifikazzjoni tal-biċċiet tar-raba’ (LPIS), tas-sistema tal-Applikazzjoni Ġeospazjali (GSA) u tas-Sistema ta’ Monitoraġġ tal-Erja (AMS) jenħtieġ li jiġu fużi f’waħda. Peress li dawk is-sistemi huma intrinsikament marbutin, hu diffiċli li ssir valutazzjoni tal-kwalità ta’ sistema partikolari li ma tkunx tqis l-impatt fuq l-oħrajn. Barra minn hekk, meta l-valutazzjonijiet tal-kwalità jiġu fużi f’waħda, l-amministrazzjonijiet tal-Istati Membri jgawdu minn tnaqqis fl-ammont ta’ xogħol relatat mal-proċeduri tal-ispezzjoni u mal-obbligi tar-rapportar. Apparti dan, meta meħtieġ, l-Istati Membri jiksbu l-vantaġġ li jipproponu azzjoni ta’ rimedju waħda li tkun tinkludi dawk it-tliet sistemi, minflok ma jimplimentaw azzjonijiet separati, u b’hekk iżidu l-effiċjenza tagħhom. Għal dak il-għan, jenħtieġ li jiddaħħal artikolu ġdid fir-Regolament (UE) 2021/2116 u r-referenzi rilevanti jenħtieġ li jiġu emendati kif xieraq.

(67)

Abbażi tal-ewwel snin ta’ implimentazzjoni, jidher li hu żejjed li jsiru verifiki fuq il-post fir-rigward tal-interventi li diġà huma mmonitorjati mid-data tas-satelliti Sentinel ta’ Copernicus jew minn data oħra b’tal-inqas valur ekwivalenti, u dawn qed jixħtu piż mhux ġustifikat fuq l-Istati Membri u l-bdiewa. Għalhekk, għal dawk il-kundizzjonijiet tal-eliġibbiltà, jenħtieġ li l-Istati Membri ma ikunux obbligati jwettqu verifiki fuq il-post, inklużi dawk imwettqa mill-bogħod permezz tal-użu tat-teknoloġija. Għal dak il-għan, l-Artikolu 72 tar-Regolament (UE) 2021/2116 jenħtieġ li jiġi emendat kif xieraq.

(68)

L-esperjenza miksuba bl-applikazzjoni tas-sistema tal-kontroll tal-kundizzjonalità, inkluż bil-proċeduri ta’ konformità, uriet li ċerti kundizzjonijiet huma riġidi bla bżonn u jimponu piż żejjed fuq l-Istati Membri, mingħajr ma neċessarjament itejbu l-protezzjoni tal-fondi tal-Unjoni. Biex tiġi ssimplifikata s-sistema ta’ kontroll u jitnaqqas il-piż amministrattiv filwaqt li tinżamm l-effettività tagħha fil-verifika tal-konformità mar-rekwiżiti tal-kundizzjonalità, l-Istati Membri jenħtieġ li jingħataw iktar flessibbiltà fit-tfassil tas-sistemi ta’ kontroll tagħhom. Għal dak il-għan, jenħtieġ li jitħassar ir-rekwiżit għal analiżi annwali tas-sistema ta’ kontroll, u l-fatturi li jridu jitqiesu fl-analiżi tar-riskju jenħtieġ li jitħallew fid-diskrezzjoni tal-Istati Membri.

(69)

Ir-Regolament (UE) 2024/1468 li emenda l-Artikoli 83 u 84 tar-Regolament (UE) 2021/2116 biex jitnaqqas il-piż minn fuq il-bdiewa b’azjenda agrikola żgħira u l-amministrazzjonijiet nazzjonali relatati mal-kontrolli u l-penali tal-kundizzjonalità. B’mod speċifiku, dan jeżenta lill-bdiewa li d-daqs massimu tal-azjenda tagħhom ma jaqbiżx l-10 ettari ta’ erja agrikola ddikjarata f’konformità mal-Artikolu 69(1) tar-Regolament (UE) 2021/2116, mill-kontrolli tal-kundizzjonalità u mill-applikazzjoni tal-penali amministrattivi għal nuqqas ta’ konformità mar-rekwiżiti tal-kundizzjonalità. Madankollu, l-applikazzjoni ġeospazjali msemmija fl-Artikolu 69(1) tar-Regolament (UE) 2021/2116 tinkludi żoni li mhumiex żoni agrikoli u hemm restrizzjonijiet tekniċi biex jiġu kkalkolati ż-żoni agrikoli, peress li xi wħud mill-elementi u l-karatteristiċi tal-pajsaġġ jistgħu jitħallew barra mill-kejl jew jistgħu ivarjaw fid-daqs maż-żmien. Għalhekk, l-eżenzjonijiet jenħtieġ li jkunu bbażati fuq iż-żona eliġibbli għall-pagamenti u l-appoġġ rilevanti għall-kundizzjonalità.

(70)

Barra minn hekk, il-benefiċjarji żgħar li mhumiex bdiewa, bħall-ġestjonarji tal-art, ma jistgħux jibbenefikaw mill-eżenzjonijiet mill-kontrolli tal-kundizzjonalità u mill-penali. Madankollu l-piż amministrattiv marbut mal-kontrolli u mal-applikazzjoni tal-penali għal dawk ir-rekwiżiti tal-kundizzjonalità previsti fir-Regolament (UE) 2021/2116 jista’ jkun ukoll kbir b’mod sproporzjonat għal dawk il-benefiċjarji. Bl-istess mod, peress li ż-żona agrikola ġestita minn dawk il-benefiċjarji hija limitata u l-penali huma ġeneralment baxxi għall-benefiċjarji ż-żgħar, l-applikazzjoni tal-penali tista’ twassal għal piż sproporzjonat fuq l-amministrazzjonijiet tal-Istati Membri. Għalhekk, jenħtieġ li anki l-benefiċjarji żgħar li mhumiex bdiewa jkunu eżenti mill-kontrolli tal-kundizzjonalità u mill-applikazzjoni tal-penali amministrattivi għar-rekwiżiti tal-kundizzjonalità. Madankollu hu importanti li l-PAK tissokta tikkontribwixxi għall-objettivi ambjentali stabbiliti fl-Artikolu 6(1), il-punti (d), (e) u (f), tar-Regolament (UE) 2021/2115 permezz ta’ rekwiżiti tal-kundizzjonalità, u biex tiżgura l-istabbiltà ta’ dawk ir-rekwiżiti bħala l-linja bażi komuni għall-Istati Membri u l-benefiċjarji. Għalhekk, ir-rekwiżiti tal-kundizzjonalità jenħtieġ li jkomplu japplikaw għall-benefiċjarji kollha elenkati fl-Artikolu 83(1) tar-Regolament (UE) 2021/2116.

(71)

Il-piż amministrattiv marbut mal-kontrolli għar-rekwiżiti tal-istandard 7 tal-KAAT previsti fir-Regolament (UE) 2021/2116 jista’ jkun sproporzjonatament għoli għal bdiewa iżgħar u għall-amministrazzjonijiet nazzjonali. Għalhekk, il-piż għal bdiewa iżgħar u għall-amministrazzjonijiet nazzjonali marbut mal-kontrolli previsti fir-Regolament (UE) 2021/2116 jenħtieġ li jittaffa fir-rigward tal-istandard 7 tal-KAAT. Il-bdiewa li d-daqs massimu tal-azjenda tagħhom ma jaqbiżx it-30 ettaru ta’ erja agrikola ddikjaratajenħtieġ li jiġu eżentati mill-kontrolli tar-rekwiżiti tal-istandard 7 tal-KAAT.

(72)

Peress li ż-żona agrikola taħt ir-rekwiżiti tal-istandard 7 tal-GAEC ġestita minn bdiewa iżgħar hija limitata, u l-applikazzjoni ta’ penali tista’ twassal għal piż sproporzjonat għall-amministrazzjonijiet tal-Istati Membri, il-bdiewa iżgħar eżentati mill-kontrolli tal-kundizzjonalità fir-rigward tal-istandard 7 tal-GAEC jenħtieġ li jiġu eżentati wkoll mill-applikazzjoni ta’ penali amministrattivi għal nuqqas ta’ konformità mar-rekwiżiti tal-istandard 7 tal-GAEC.

(73)

L-Artikoli 102 u 103 tar-Regolament (UE) 2021/2116 li jistabbilixxi regoli dwar l-eżerċizzju tad-delega ta’ setgħat biex jiġu adottati atti delegati u l-proċedura tal-kumitat applikabbli għal atti ta’ implimentazzjoni, jenħtieġ li jiġu emendati biex iqisu l-emendi ta’ dispożizzjonijiet oħrajn tar-Regolament (UE) 2021/2116, b’mod partikolari t-tħassir tal-Artikolu 54 tiegħu, introdott b’dan ir-Regolament.

(74)

Sabiex tkun żgurata l-koerenza fost id-diversi dispożizzjonijiet tar-Regolament (UE) 2021/2116, dak ir-Regolament jenħtieġ li jiġi emendat biex jitħassru r-referenzi għall-proċedura tal-approvazzjoni annwali tal-prestazzjoni, b’mod partikolari r-referenzi għall-Artikolu 54 ta’ dak ir-Regolament.

(75)

Ir-Regolamenti (UE) 2021/2115 u (UE) 2021/2116 għalhekk jenħtieġ li jiġu emendati kif xieraq.

(76)

Jenħtieġ li jiġu stabbiliti dispożizzjonijiet tranżizzjonali b’rabta mal-emendi għall-Artikolu 119 tar-Regolament (UE) 2021/2115, introdotti b’dan ir-Regolament, biex ikun żgurat li t-talbiet għall-emendi u n-notifiki tal-modifiki fil-Pjanijiet Strateġiċi tal-PAK sottomessi mill-Istati Membri lill-Kummissjoni qabel id-dħul fis-seħħ ta’ dan ir-Regolament jiġu approvati bil-proċeduri applikabbli waqt il-preżentazzjoni ta’ dawk it-talbiet għall-emendi jew in-notifiki.

(77)

Sabiex jitqies it-tħassir, permezz ta’ dan ir-Regolament, tal-approvazzjoni annwali tal-prestazzjoni prevista fl-Artikolu 54 tar-Regolament (UE) 2021/2116, jenħtieġ li tiġi delegata lill-Kummissjoni s-setgħa li tadotta atti skont l-Artikolu 290 tat-Trattat dwar il-Funzjonament tal-Unjoni Ewropea fir-rigward tal-emendar tar-Regolament Delegat tal-Kummissjoni (UE) 2022/127 (14) kif xieraq. Huwa partikolarment importanti li l-Kummissjoni twettaq konsultazzjonijiet xierqa matul ix-xogħol tagħha ta’ tħejjija, ukoll fil-livell ta’ esperti, u li dawk il-konsultazzjonijiet jiġu mwettqa f’konformità mal-prinċipji stipulati fil-Ftehim Interistituzzjonali tat-13 ta’ April 2016 dwar it-Tfassil Aħjar tal-Liġijiet (15). B’mod partikolari, biex tiġi żgurata parteċipazzjoni ugwali fit-tħejjija ta’ atti delegati, il-Parlament Ewropew u l-Kunsill jirċievu d-dokumenti kollha fl-istess ħin li jirċevuhom l-esperti tal-Istati Membri, u l-esperti tagħhom ikollhom aċċess sistematiku għal-laqgħat tal-gruppi tal-esperti tal-Kummissjoni li jittrattaw it-tħejjija ta’ atti delegati.

(78)

Sabiex ikunu żgurati kondizzjonijiet uniformi għall-implimentazzjoni ta’ dan ir-Regolament fid-dawl tat-tħassir tal-approvazzjoni annwali tal-prestazzjoni prevista fl-Artikolu 54 tar-Regolament (UE) 2021/2116, jenħtieġ li jingħataw setgħat ta’ implimentazzjoni lill-Kummissjoni biex taġġorna r-Regolament ta’ Implimentazzjoni tal-Kummissjoni (UE) 2022/128 (16) kif xieraq. Jenħtieġ li dawk is-setgħat ikunu eżerċitati f’konformità mar-Regolament (UE) Nru 182/2011 tal-Parlament Ewropew u tal-Kunsill (17).

(79)

Sabiex tiġi żgurata implimentazzjoni bla xkiel tal-miżuri introdotti b’dan ir-Regolament u sabiex jinkiseb il-grad meħtieġ ta’ koerenza bejn, minn naħa waħda, it-tnaqqis tal-piż amministrattiv għall-awtoritajiet tal-Istati Membri involuti fit-tħejjija tar-rapport annwali dwar il-prestazzjoni għas-sena finanzjarja agrikola 2025 u, min-naħa l-oħra, it-tħassir tal-approvazzjoni annwali tal-prestazzjoni mis-sena finanzjarja agrikola 2025, dan ir-Regolament jenħtieġ li jidħol fis-seħħ fil-jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea. Id-dispożizzjonijiet rilevanti dwar ir-rapport annwali dwar il-prestazzjoni u l-approvazzjoni tal-prestazzjoni jenħtieġ li japplikaw fir-rigward tas-sena finanzjarja agrikola 2025 u s-snin finanzjarji agrikoli sussegwenti kollha u jenħtieġ li ma jkollhom l-ebda impatt fuq is-snin finanzjarji agrikoli ta’ qabel.

(80)

Peress li l-objettivi ta’ dan ir-Regolament ma jistgħux jinkisbu b’mod suffiċjenti mill-Istati Membri, iżda jistgħu minflok, minħabba r-rabtiet bejn dan ir-Regolament u l-istrumenti l-oħra tal-PAK, u minħabba l-garanzija pluriennali ta’ finanzjament mill-Unjoni u l-mod kif dan ir-Regolament huwa marbut b’mod inseparabbli mal-kisba tal-prijoritajiet tal-Unjoni, jinkisbu aħjar fil-livell tal-l-Unjoni, l-Unjoni tista’ tadotta miżuri, f’konformità mal-prinċipju tas-sussidjarjetà kif stabbilit fl-Artikolu 5 tat-Trattat dwar l-Unjoni Ewropea. F’konformità mal-prinċipju ta’ proporzjonalità kif stabbilit f’dak l-Artikolu, dan ir-Regolament ma jmurx lil hinn minn dak li huwa meħtieġ sabiex jinkisbu dawk l-objettivi.

(81)

Il-Kontrollur Ewropew għall-Protezzjoni tad-Data ġie kkonsultat skont l-Artikolu 42(1) tar-Regolament (UE) 2018/1725 tal-Parlament Ewropew u tal-Kunsill (18) u ta opinjoni fl-10 ta’ Lulju 2025,

(1)

fl-Artikolu 4(3), il-punt (c), l-ewwel subparagrafu huwa sostitwit b’dan li ġej:

“ ‘bur permanenti u mergħa permanenti’ (flimkien imsejħa ‘bwar permanenti’) għandhom ikunu art li tintuża għat-tkabbir tal-ħaxix jew ta’ foraġġ erbaċew ieħor b’mod naturali (li jżarra’) jew b’kultivazzjoni (miżrugħa) u li ma tkunx ġiet inkluża fin-newba tal-għelejjel tal-azjenda għal ħames snin jew aktar jew, fejn l-Istati Membri jiddeċiedu hekk, għal seba’ snin jew aktar u, fejn l-Istati Membri jiddeċiedu hekk, li ma tkunx inħartet, jew inħadmet, jew ma tkunx reġgħet inżergħet b’tipi differenti ta’ ħaxix jew foraġġ erbaċew ieħor, għal ħames snin jew aktar jew għal seba’ snin jew aktar; tista’ tinkludi speċijiet oħra bħal arbuxxell jew siġar, tajbin għar-ragħa u, fejn l-Istati Membri jiddeċiedu hekk, speċijiet oħra bħal arbuxxell jew siġar li jipproduċu għalf tal-annimali, dment li l-ħaxix u foraġġ erbaċew ieħor jibqgħu predominanti.

L-Istati Membri jistgħu jiddeċiedu li art li kienet ikklassifikata bħala raba’ li jinħadem fl-1 ta’ Jannar 2026 tibqa’ kklassifikata bħala raba’ li jinħadem u ma tiġix ikklassifikata mill-ġdid bħala bur permanenti anke jekk il-perjodu msemmi fl-ewwel subparagrafu jkun skada u l-art ma tkunx inħartet, jew ma tkunx inħadmet, jew ma tkunx inżergħet mill-ġdid b’tipi differenti ta’ ħaxix jew foraġġ erbaċew ieħor.”

(2)

fl-Artikolu 10, it-tieni paragrafu huwa sostitwit b’dan li ġej:

“B’mod partikolari, l-appoġġ bażiku għall-introjtu għas-sostenibbiltà, l-appoġġ ridistributtiv komplementari għall-introjtu għas-sostenibbiltà, l-appoġġ komplementari għall-introjtu għall-bdiewa żgħażagħ u l-iskemi għall-klima, l-ambjent u t-trattament xieraq tal-annimali, u l-pagamenti f’każ ta’ kriżi lill-bdiewa wara diżastri naturali, avvenimenti klimatiċi avversi jew avvenimenti katastrofiċi għandhom jikkwalifikaw skont il-kriterji tal-paragrafi tal-Anness 2 tal-Ftehim tad-WTO dwar l-Agrikoltura elenkati fl-Anness II ta’ dan ir-Regolament għal dawk l-interventi. Għal interventi oħra, il-paragrafi fl-Anness 2 tal-Ftehim tad-WTO dwar l-Agrikoltura elenkati fl-Anness II ta’ dan ir-Regolament huma indikattivi, u dawk l-interventi jistgħu minflok jikkonformaw ma’ paragrafu tal-Anness 2 tal-Ftehim tad-WTO dwar l-Agrikoltura li mhux elenkat fl-Anness II ta’ dan ir-Regolament, jekk dak ikun speċifikat u spjegat fil-Pjan Strateġiku tal-PAK.”

(3)

l-Artikolu 11 huwa emendat kif ġej:

(4)

fl-Artikolu 12, jiddaħħal il-paragrafu li ġej:

(5)

L-Artikolu 13 huwa emendat kif ġej:

(6)

L-Artikolu 19 huwa sostitwit b’dan li ġej:

(7)

L-Artikolu 28 huwa sostitwit b’dan li ġej:

(8)

L-Artikolu 31 huwa emendat kif ġej:

(9)

l-Artikolu 48 huwa sostitwit b’dan li ġej:

(10)

fl-Artikolu 49, l-ewwel paragrafu huwa sostitwit b’dan li ġej:

“Fis-settur tal-frott u l-ħxejjex imsemmi fl-Artikolu 42, il-punt (a), l-Istati Membri għandhom isegwu wieħed jew aktar mill-objettivi stabbiliti fl-Artikolu 46. L-objettivi stabbiliti fl-Artikolu 46, il-punti (d) sa (i) u (k), għandhom ikopru l-prodotti fil-forma friska jew ipproċessata, filwaqt li l-objettivi stabbiliti fil-punti l-oħra ta’ dak l-Artikolu għandhom ikopru biss il-prodotti fil-forma friska.”

(11)

fl-Artikolu 52(2), it-tieni subparagrafu huwa sostitwit b’dan li ġej:

“Dawk il-limiti jistgħu jiżdiedu b’0,5 punti perċentwali, meta l-programm operazzjonali jkun fih intervent wieħed jew aktar marbuta ma’ xi wieħed mill-objettivi msemmija fl-Artikolu 46, il-punti (d), (e), (f), (h), (i) jew (j), diment li l-ammont li jaqbeż il-perċentwal rilevanti stabbilit fl-ewwel subparagrafu ta’ dan il-paragrafu jintuża biss biex tiġi ffinanzjata n-nefqa li tirriżulta mill-implimentazzjoni ta’ dawk l-interventi. Fil-każ tal-assoċjazzjonijiet tal-organizzazzjonijiet tal-produtturi, inkluż l-assoċjazzjonijiet tranżnazzjonali tal-organizzazzjonijiet tal-produtturi, dawk l-interventi jistgħu jiġu implimentati mill-assoċjazzjoni f’isem il-membri tagħha.”

(12)

l-Artikolu 69 huwa emendat kif ġej:

(13)

l-Artikolu 70 huwa emendat kif ġej:

(14)

fl-Artikolu 72(5), jiżdied is-subparagrafu li ġej:

“B’deroga mill-ewwel subparagrafu ta’ dan il-paragrafu, l-Istati Membri jistgħu jiddeċiedu li fil-kalkolu jinkludu l-kostijiet addizzjonali u l-introjtu mitluf b’rabta mal-iżvantaġġi li jirriżultaw mill-konformità mal-istandard tal-KAAT 2 stabbilit fil-Kapitolu I, it-Taqsima 2, ta’ dan it-Titolu.”

(15)

l-Artikolu 73 huwa emendat kif ġej:

(16)

l-Artikolu 75 huwa emendat kif ġej:

(17)

fl-Artikolu 76(5), l-ewwel subparagrafu huwa sostitwit b’dan li ġej:

“L-Istati Membri għandhom jiżguraw li l-appoġġ jingħata biss biex jiġi kopert it-telf li jaqbeż il-limitu ta’ mqar 20 % tal-produzzjoni annwali medja jew tal-introjtu annwali medju tal-bidwi fil-perijodu preċedenti ta’ tliet snin, jew medja ta’ tliet snin abbażi tal-perijodu preċedenti ta’ ħames snin, esklużi l-ogħla entrata u l-iktar waħda baxxa. L-għodod għall-ġestjoni tar-riskju tal-produzzjoni settorjali għandhom jikkalkulaw it-telf fil-livell ta’ azjenda, fil-livell ta’ attività tal-azjenda fis-settur ikkonċernat, jew b’rabta maż-żona speċifika assigurata.

Fejn l-metodi tal-kalkolu msemmija fl-ewwel subparagrafu ma jkunux xierqa, l-Istati Membri jistgħu jivvalutaw it-telf abbażi tal-produzzjoni annwali medja jew tal-introjtu annwali medju tal-bidwi tul perijodu li ma jaqbiżx it-tmien snin, esklużi l-ogħla entrata u l-iktar waħda baxxa.

L-Istati Membri jistgħu japplikaw valutazzjoni alternattiva xierqa għall-kalkolu tat-telf tal-bdiewa żgħażagħ u tal-bdiewa ġodda.”

(18)

fl-Artikolu 77(8), il-punt (b) huwa sostitwit b’dan li ġej:

;

(19)

fit-Titolu III, il-Kapitolu IV, it-Taqsima 1, jiżdied l-Artikolu li ġej:

(*2)  Ir-Regolament ta’ Implimentazzjoni tal-Kummissjoni (UE) 2018/1882 tat-3 ta’ Diċembru 2018 dwar l-applikazzjoni ta’ ċerti regoli għall-prevenzjoni u l-kontroll tal-mard għal kategoriji ta’ mard elenkat u li jistabbilixxi lista ta’ speċijiet u gruppi ta’ speċijiet li jippreżentaw riskju konsiderevoli għat-tixrid ta’ dak il-mard elenkat (ĠU L 308, 4.12.2018, p. 21, ELI: http://data.europa.eu/eli/reg_impl/2018/1882/oj).”;"

(20)

fl-Artikolu 79(1), l-ewwel subparagrafu huwa sostitwit b’dan li ġej:

“Wara li tikkonsulta l-kumitat tal-monitoraġġ imsemmi fl-Artikolu 124 (‘il-kumitat tal-monitoraġġ’), l-awtorità ta’ ġestjoni nazzjonali, l-awtoritajiet ta’ ġestjoni reġjonali meta rilevanti, jew il-korpi intermedji maħtura għandhom jistabbilixxu kriterji tal-għażla għall-interventi taħt it-tipi ta’ intervent li ġejjin: l-investimenti, l-istabbiliment ta’ bdiewa żgħażagħ u ta’ bdiewa ġodda, il-bidu ta’ negozji rurali u l-iżvilupp tan-negozji ta’ azjendi agrikoli żgħar, il-kooperazzjoni, l-iskambju tal-għarfien u t-tixrid tal-informazzjoni. Dawk il-kriterji tal-għażla għandu jkollhom l-għan li jiżguraw it-trattament ugwali tal-applikanti, l-użu aħjar tar-riżorsi finanzjarji u l-immirar tal-appoġġ skont l-iskop tal-interventi.”

(21)

l-Artikolu 80 huwa emendat kif ġej:

(22)

l-Artikolu 81 huwa emendat kif ġej:

(23)

fl-Artikolu 83(2), jiddaħħal il-punt li ġej:

;

(24)

fl-Artikolu 86, il-paragrafi 2 u 3 huma sostitwiti b’dan li ġej:

(25)

jiddaħħal l-Artikolu li ġej:

(26)

fl-Artikolu 103, jiżdied il-paragrafu li ġej:

(27)

fl-Artikolu 111, it-tieni subparagrafu huwa sostitwit b’dan li ġej:

“Il-punt (e) tal-ewwel paragrafu ma għandux japplika għat-tip ta’ intervent fis-settur tal-apikultura msemmi fl-Artikolu 55(1), il-punti (a) u (c) sa (g), l-interventi skont it-tip ta’ intervent fis-settur tal-inbid imsemmi fl-Artikolu 58(1), il-punti (h) sa (k), l-azzjonijiet ta’ informazzjoni u ta’ promozzjoni għal skemi tal-kwalità skont it-tip ta’intervent għall-kooperazzjoni msemmi fl-Artikolu 77, u l-interventi skont it-tip ta’ intervent għall-pagamenti f’każ ta’ kriżi lill-bdiewa wara diżastri naturali, avvenimenti klimatiċi avversi jew avvenimenti katastrofiċi msemmija fl-Artikolu 78a.”

(28)

l-Artikolu 119 huwa sostitwit b’dan li ġej:

(29)

l-Artikolu 120 huwa mħassar;

(30)

fl-Artikolu 122, il-punt (a) huwa sostitwit b’dan li ġej:

;

(31)

fl-Artikolu 124(4), il-punt (d) huwa sostitwit b’dan li ġej:

;

(32)

l-Artikolu 134 huwa emendat kif ġej:

(33)

fl-Artikolu 155(3), il-parti introduttorja hija sostitwita b’dan li ġej:

“In-nefqa relatata mal-impenji legali lejn il-benefiċjarji mġarrba skont il-miżuri pluriennali msemmija fl-Artikoli 22, 28, 29, 33 u 34 tar-Regolament (UE) Nru 1305/2013 jew il-miżura msemmija fl-Artikolu 31 ta’ dak ir-Regolament tista’ tkun eliġibbli għal kontribuzzjoni tal-FAEŻR fil-perijodu tal-Pjan Strateġiku tal-PAK, soġġett għall-kundizzjonijiet li ġejjin:”

(34)

l-Artikolu 159 huwa mħassar;

(35)

l-Annessi I, II u III huma emendati f’konformità mal-Anness I ta’ dan ir-Regolament;

(36)

it-test stabbilit fl-Anness II ta’ dan ir-Regolament jiżdied bħala l-Anness XV.

(1)

fl-Artikolu 9(3), l-ewwel subparagrafu, il-punt (b) huwa sostitwit b’dan li ġej:

;

(2)

fl-Artikolu 10(1), il-punt (b) huwa sostitwit b’dan li ġej:

;

(3)

fl-Artikolu 12(2), l-ewwel subparagrafu, il-punt (c) huwa sostitwit b’dan li ġej:

;

(4)

fl-Artikolu 21 huwa emendat kif ġej:

(5)

fl-Artikolu 32, il-paragrafu 8 huwa sostitwit b’dan li ġej:

(6)

l-Artikolu 40 huwa emendat kif ġej:

(7)

fl-Artikolu 44(2), it-tieni subparagrafu huwa sostitwit b’dan li ġej:

“Minkejja l-ewwel subparagrafu, l-Istati Membri jistgħu:

(8)

fl-Artikolu 45(1), il-punt (a) huwa sostitwit b’dan li ġej:

;

(9)

fl-Artikolu 53(1), it-tieni subparagrafu huwa sostitwit b’dan li ġej:

“Dawk l-atti ta’ implimentazzjoni għandhom ikopru l-kompletezza, il-preċiżjoni u l-veraċità tal-kontijiet annwali sottomessi u għandhom ikunu mingħajr preġudizzju għall-kontenut tal-atti ta’ implimentazzjoni adottati sussegwentement skont l-Artikolu 55.”

(10)

l-Artikolu 54 huwa mħassar;

(11)

fl-Artikolu 57, jiżdied il-paragrafu li ġej:

(12)

fl-Artikolu 60(1), jiżdied is-subparagrafu li ġej:

“Meta benefiċjarju jkun intgħażel għal verifika fuq il-post b’rabta ma’ applikazzjoni għall-għajnuna, talba għal pagament jew dwar il-konformità mar-regoli dwar il-kundizzjonalità skont l-Artikolu 83, l-Istati Membri għandhom, sa fejn ikun possibbli u filwaqt li jqisu r-riskji assoċjati, ma jagħżlux lil dak il-benefiċjarju għal kampjun sussegwenti ta’ verifika u kontroll għal dik is-sena, ħlief meta ċ-ċirkostanzi jkunu jeħtieġu verifika ulterjuri sabiex tiġi żgurata l-protezzjoni effettiva tal-interessi finanzjarji tal-Unjoni. Din id-dispożizzjoni m’għandhiex tnaqqas il-livell tal-verifiki.”

(13)

fl-Artikolu 67(1), l-ewwel paragrafu huwa sostitwit b’dan li ġej:

“L-Istati Membri għandhom jirreġistraw u jżommu d-data u d-dokumentazzjoni kollha b’rabta mal-eżiti annwali rrappurtati fil-kuntest tar-rapport tal-progress fl-ilħuq tal-miri stabbiliti fil-Pjan Strateġiku tal-PAK u mmonitorjati f’konformità mal-Artikolu 128 tar-Regolament (UE) 2021/2115.”

(14)

fl-Artikolu 68, il-paragrafu 3 huwa mħassar.

(15)

l-Artikolu 69 huwa emendat kif ġej:

(16)

fl-Artikolu 70, il-paragrafu 2 huwa mħassar.

(17)

jiddaħħal l-Artikolu li ġej:

(18)

l-Artikolu 72 huwa sostitwit b’dan li ġej:

(19)

fl-Artikolu 74, il-punt (a) huwa sostitwit b’dan li ġej:

;

(20)

l-Artikolu 75 huwa sostitwit b’dan li ġej:

(21)

L-Artikolu 83 huwa emendat kif ġej:

(22)

l-Artikolu 84 huwa emendat kif ġej:

(23)

L-Artikolu 102 huwa emendat kif ġej:

(24)

Fl-Artikolu 103(1), it-tieni subparagrafu hu sostitwit b’dan li ġej:

“Għall-finijiet tal-Artikoli 11, 12, 17, 18, 23, 26, 32, 39 sa 44, 47, 51 sa 53, 55, 58, 59, 60, 64, 75, 82, 92, 95 u 100, fir-rigward ta’ kwistjonijiet relatati mal-interventi fil-forma ta’ pagamenti diretti, l-interventi f’ċerti setturi, l-interventi għall-iżvilupp rurali u l-organizzazzjoni komuni tas-swieq, il-Kummissjoni għandha tkun assistita mill-Kumitat dwar il-Fondi Agrikoli, mill-Kumitat tal-Politika Agrikola Komuni stabbilit bir-Regolament (UE) 2021/2115 u mill-Kumitat għall-Organizzazzjoni Komuni tas-Swieq Agrikoli stabbilit bir-Regolament (UE) Nru 1308/2013, rispettivament.”.