SENTENZA TAL-QORTI TAL-ĠUSTIZZJA (Il-Ħames Awla)
28 ta’ Novembru 2024 ( *1 )
“Rinviju għal deċiżjoni preliminari – Politika ekonomika u monetarja – Sistema Ewropea ta’ kontijiet nazzjonali u reġjonali – Obbligi ta’ dikjarazzjoni statistika applikabbli għal fondi tal-pensjoni – Sistemi ta’ pensjoni speċjali għall-professjonijiet liberi – Affiljazzjoni u kontribuzzjonijiet obbligatorji”
Fil-Kawżi magħquda C‑758/22 u C‑759/22,
li għandhom bħala suġġett talbiet għal deċiżjoni preliminari skont l-Artikolu 267 TFUE, imressqa mill-Bundesverwaltungsgericht (il-Qorti Amministrattiva Federali, il-Ġermanja), permezz ta’ deċiżjonijiet tas‑27 ta’ Settembru 2022, li waslu fil-Qorti tal-Ġustizzja fil‑15 ta’ Diċembru 2022, fil-proċeduri
Bayerische Ärzteversorgung,
Bayerische Architektenversorgung,
Bayerische Apothekerversorgung,
Bayerische Rechtsanwalts- und Steuerberaterversorgung,
Bayerische Ingenieurversorgung-Bau m. Psychotherapetenversorgung (C‑758/22),
Sächsische Ärzteversorgung (C‑759/22)
vs
Deutsche Bundesbank,
IL-QORTI TAL-ĠUSTIZZJA (Il-Ħames Awla),
komposta minn I. Jarukaitis, President tar-Raba’ Awla, li qiegħed jaġixxi bħala President tal-Ħames Awla, E. Regan u Z. Csehi (Relatur), Imħallfin,
Avukat Ġenerali: M. Campos Sánchez-Bordona,
Reġistratur: M. Siekierzyńska, Amministratriċi,
wara li rat il-proċedura bil-miktub u wara s-seduta tat‑13 ta’ Diċembru 2023,
wara li kkunsidrat l-osservazzjonijiet ippreżentati:
|
– |
għall-Bayerische Ärzteversorgung, għall-Bayerische Architektenversorgung, għall-Bayerische Apothekerversorgung, għall-Bayerische Rechtsanwalts- und Steuerberaterversorgung, għall- Bayerische Ingenieurversorgung‑Bau m. Psychotherapeutenversorgung, minn S. Altenschmidt u P. Müller, Rechtsanwälte, |
|
– |
għas-Sächsische Ärzteversorgung, minn C. Köhler, Rechtsanwalt, |
|
– |
għad-Deutsche Bundesbank, minn L. Luyken, M. Mogendorf u W. Spoerr, Rechtsanwälte, |
|
– |
għall-Kummissjoni Ewropea, minn F. Blanc, S. Delaude u L. Mantl, bħala aġenti, |
|
– |
għall-Bank Ċentrali Ewropew (BĊE), minn S. J. Hlásková Murphy, K. Kaiser u B. van der Eem, bħala aġenti, |
wara li semgħet il-konklużjonijiet tal-Avukat Ġenerali, ippreżentati fis-seduta tad‑29 ta’ Frar 2024,
tagħti l-preżenti
Sentenza
|
1 |
It-talbiet għal deċiżjoni preliminari jirrigwardaw l-interpretazzjoni tar-Regolament (UE) 2018/231 tal-Bank Ċentrali Ewropew tas‑26 ta’ Jannar 2018 dwar rekwiżiti ta’ rappurtar statistiku għal fondi tal-pensjoni (ĠU 2018, L 45, p. 3, rettifika fil-ĠU 2019, L 132, p. 47), moqri flimkien mar-Regolament (UE) Nru 549/2013 tal-Parlament Ewropew u tal-Kunsill tal‑21 ta’ Mejju 2013 dwar is-sistema Ewropea tal-kontijiet nazzjonali u reġjonali fl-Unjoni Ewropea (ĠU 2013, L 174, p. 1). |
|
2 |
Dawn it-talbiet tressqu fil-kuntest ta’ żewġ kawżi bejn diversi istituzzjonijiet ta’ previdenza, jiġifieri, minn naħa, il-Bayerische Ärzteversorgung (il-fond ta’ previdenza tat-tobba ta’ Bayern), il-Bayerische Architektenversorgung (il-fond ta’ previdenza tal-periti ta’ Bayern), il-Bayerische Apothekerversorgung (il-fond ta’ previdenza tal-ispiżjara ta’ Bayern), il-Bayerische Rechtsanwalts- und Steuerberaterversorgung (il-fond ta’ previdenza tal-avukati u tal-kontabbilisti ta’ Bayern), u l-Bayerische Ingenieurversorgung-Bau mit Psychotherapetenversorgung (il-fond ta’ previdenza tal-inġiniera ċivili kif ukoll tal-psikoterapewti ta’ Bayern), fil-Kawża C‑758/22, u, min-naħa l-oħra, is-Sächsische Ärzteversorgung (fond ta’ previdenza tat-tobba tal-Land ta’ Sachsen, il-Ġermanja), fil-Kawża C‑759/22, u, min-naħa l-oħra, id-Deutsche Bundesbank (il-Bank Federali tal-Ġermanja), dwar l-issuġġettar ta’ dawn l-istituzzjonijiet ta’ previdenza għal obbligu ta’ dikjarazzjoni statistika applikabbli għall-fondi ta’ pensjoni. |
Il‑kuntest ġuridiku
Id‑dritt tal‑Unjoni
Ir‑Regolament Nru 549/2013.
|
3 |
Skont il-premessi 1, 3, 12 u 14 tar-Regolament Nru 549/2013:
[…]
[…]
[…]
|
|
4 |
Skont l-Artikolu 1(2) ta’ dan ir-regolament: “Is-SEK 2010 jipprevedi:
[…]” |
|
5 |
L-Anness A tal-imsemmi regolament jinkludi l-Kapitolu 1, intitolat “Karatteristiċi ġenerali u prinċipji bażiċi”, li l-punti 1.34, 1.35, 1.37 u 1.57 huma fformulati kif ġej:
Tabella 1.1
[…]
[…]
|
|
6 |
L-Anness A tar-Regolament Nru 549/2013 jinkludi, fil-Kapitolu 2 tiegħu, intitolat “Unitajiet u raggruppamenti tal-unitajiet”, il-punti 2.32 sa 2.35, 2.38, 2.40, 2.43, 2.105 sa 2.110 u 2.117, li jipprovdu:
Dijagramma2.1 —Allokazzjoni tal-unitajiet għas-setturi
[…]
[…]
[…]
Tabella 2.2 – It-tip ta’ produttur, u l-attivitajiet prinċipali u l-funzjonijiet ikklassifikati skont is-settur
[…] Fondi tal‑pensjoni (S.129)
[…] Il‑fondi tas‑sigurtà soċjali (S.1314)
Normalment, ma teżisti l-ebda rabta diretta bejn l-ammont tal-kontribuzzjonijiet imħallsa minn individwu u r-riskju li għalih l-individwu huwa espost.” |
|
7 |
Fl-Anness A ta’ dan ir-regolament hemm il-Kapitolu 3, intitolat “Transazzjonijiet fi prodotti u assi mhux prodotti”, li l-punti 3.17 sa 3.19, 3.24, 3.26 sa 3.28 jipprovdu kif ġej:
[…]
[…]
[…]
Unitajiet istituzzjonali: distinzjoni bejn tas-suq, għall-użu finali proprju u mhux tas‑suq
Tabella 3.1 – Id-distinzjoni bejn produtturi għas-suq, produtturi għall-użu finali proprju u produtturi mhux għas-suq għall-unitajiet istituzzjonali
|
||||||||||||||||||||||||||||||||||||||||||||||||||||||||||||||||||||
|
8 |
L-Anness A tal-imsemmi regolament jinkludi l-Kapitolu 17, li l-punt 17.43 tiegħu jipprovdi: “Definizzjoni: L-iskemi tal-pensjoni tas-sigurtà soċjali huma skemi tal-assigurazzjoni kuntrattwali fejn il-benefiċjarji bħala parteċipanti ta’ skema tal-assigurazzjoni soċjali huma obbligati mill-gvern ġenerali jassiguraw kontra x-xjuħija u riskji oħra relatati mal-età bħal diżabbiltà, saħħa, eċċ. Il-pensjonijiet tas-sigurtà soċjali huma pprovduti lill-benefiċjarji mill-gvern ġenerali.” |
|
9 |
Il-Kapitolu 20 tal-Anness A, intitolat “Il-kontijiet tal-gvern”, jinkludi fost l-oħrajn il-punti 20.05, 20.15, 20.32 sa 20.34, 20.38, 20.39, 20.306, 20.309 u 20.310, li jipprovdu: “DEFINIZZJONI TAS-SETTUR TAL-GVERN ĠENERALI
[…] NPIs klassifikati fis-settur tal-gvern ġenerali […]
[…]
[…]
Indikatur wieħed jista’ jkun biżżejjed biex jiġi stabbilit kontroll. Madankollu, jekk NPI li tkun iffinanzjata prinċipalment mill-gvern tibqa’ kapaċi tiddetermina l-politika jew il-programm tagħha sa punt sinifikanti skont kif imsemmi fl-indikaturi l-oħra, għalhekk ma tkunx meqjusa li hija kkontrollata mill-gvern. Fil-parti l-kbira tal-każijiet, għadd ta’ indikaturi jistgħu jindikaw kontroll b’mod kollettiv. Deċiżjoni bbażata fuq dawn l-indikaturi kollha tkun waħda ġudizzjarja min-natura tagħha. […] Intermedjazzjoni finanzjarja u l-limitu tal-gvern
[…] Fondi tal‑pensjonijiet
[…] IS-SETTUR PUBBLIKU […]
[…] Kontroll tas‑settur pubbliku
[…]
|
Ir‑Regolament 2018/231
|
10 |
Skont il-premessa 2 tar-Regolament 2018/231: “L-iskop tal-impożizzjoni ta’ rekwiżiti ta’ rappurtar statistiku fuq PFs huwa li l-BĊE jingħata statistika adegwata dwar l-attivitajiet finanzjarji tas-subsettur tal-PFs fl-Istati Membri li l-munita tagħhom hija l-euro (iktar ’il quddiem ‘Stati Membri taż-żona tal-euro’), li għandhom jitqiesu bħala territorju ekonomiku wieħed. Il-ġbir ta’ informazzjoni statistika dwar PFs huwa meħtieġ sabiex jissodisfa ħtiġijiet analitiċi regolari u ad hoc, biex jagħti appoġġ lill-BĊE fit-twettiq ta’ analiżi monetarja u finanzjarja, u għall-kontribut tas-SEBĊ għall-istabbiltà tas-sistema finanzjarja.” |
|
11 |
L-Artikolu 1 ta’ dan ir-regolament jipprovdi: “Għall-għanijiet ta’ dan ir-Regolament: 1) ‘fond tal-pensjoni’ (PF)’ (subsettur S.129 tal-ESA 2010) tfisser korporazzjoni finanzjarja jew kważi-korporazzjoni li hija prinċipalment imqabbda f’intermedjazzjoni finanzjarja bħala konsegwenza tal-ġabra ta’ riskji soċjali u bżonnijiet tal-persuni assigurati (assigurazzjoni soċjali). Fond tal-pensjoni bħala skema ta’ assigurazzjoni soċjali jipprovdi dħul fl-irtirar u jista’ jipprovdi benefiċċji għall-mewt u d-diżabilità. Dawn li ġejjin mhumiex inklużi fid-definizzjoni: […]
[…]” |
Id‑dritt Ġermaniż
Il‑VersoG
|
12 |
F’Bayern, l-istituzzjonijiet ta’ previdenza huma s-suġġett, b’mod partikolari, tal-Artikolu 1, intitolat “Forma ġuridika, sede, kamp ta’ applikazzjoni, setgħa leġiżlattiva”, tal-Gesetz über das öffentliche Versorgungswesen (il-Liġi dwar is-Sistema Pubblika ta’ Previdenza), tas‑16 ta’ Ġunju 2008 (BayGVBl. p. 182), fil-verżjoni tagħha applikabbli għall-fatti fil-Kawża C‑758/22 (iktar ’il quddiem il-“VersoG”). |
|
13 |
L-Artikolu 9 tal-VersoG, intitolat “Prinċipji li jirregolaw l-attivitajiet kummerċjali”, jipprovdi, fil-paragrafi 1 sa 3 tiegħu: “(1) L-istituzzjonijiet ta’ previdenza għandhom iwettqu l-attivitajiet tagħhom abbażi tal-mutwalità u esklużivament għall-finijiet ta’ utilità pubblika. Huma għandhom jipprattikaw ġestjoni ekonomika u prudenti. L-assi tal-istituzzjonijiet ta’ previdenza għandhom ikunu separati. (2) L-istituzzjonijiet ta’ previdenza għandhom ikopru l-ispejjeż amministrattivi tagħhom, inklużi r-remunerazzjonijiet tal-uffiċjali u tal-impjegati kif ukoll il-benefiċċji mogħtija lill-aventi kawża, permezz tar-riżorsi proprji tagħhom. It-tqassim bejn id-diversi istituzzjonijiet ta’ previdenza għandu jsir skont l-ispejjeż effettivament sostnuti. (3) Ir-riżorsi u l-assi tal-istituzzjonijiet ta’ previdenza jistgħu jintużaw biss għat-twettiq tad-dmirijiet ta’ previdenza tagħhom. Fil-każ ta’ xoljiment ta’ istituzzjoni, il-fondi li jifdal għandhom jitħallsu lill-membri, lill-assigurati u lill-benefiċjarji, skont id-dispożizzjonijiet tal-istatuti.” |
|
14 |
L-Artikolu 10 tal-VersoG, intitolat “Statuti”, jipprovdi, fil-paragrafi 1 sa 3 tiegħu: “(1) L-istituzzjonijiet ta’ previdenza għandhom jirregolaw l-affarijiet tagħhom permezz ta’ statuti skont din il-liġi. (2) L-istatuti għandhom jinkludu, minbarra l-elementi speċifikament imsemmija f’din il-liġi, dispożizzjonijiet li jikkonċernaw:
(3) L-istatuti u l-emendi tagħhom għandhom jitfasslu mill-president tal-bord amministrattiv wara approvazzjoni prudenzjali u ppubblikati fil-Bayerischer Staatsanzeiger. Huma għandhom jidħlu fis-seħħ fil-jum ta’ wara l-pubblikazzjoni tagħhom, sakemm ma tiġix stabbilita data oħra.” |
|
15 |
It-tieni parti tal-VersoG, intitolata “Fond ta’ previdenza tat-tobba ta’ Bayern, Fond ta’ previdenza tal-ispiżjara tal-Bayern, Fond ta’ previdenza tal-periti ta’ Bayern, Fond ta’ previdenza tal-inġiniera ċivili kif ukoll tal-psikoterawpewti ta’ Bayern, Fond ta’ previdenza tal-avukati u tal-kontabbilisti ta’ Bayern”, li fiha hemm inkluż l-Artikolu 28 ta’ din il-liġi, intitolat “Kompiti”. Dan l-artikolu jipprovdi, fit-tielet sentenza tiegħu, li “l-istituzzjonijiet ta’ previdenza għandhom jissodisfaw il-kundizzjonijiet sabiex il-membri tagħhom jiġu eżentati mill-obbligu li jkunu assigurati mal-iskema ta’ assigurazzjoni għall-pensjoni statutorja”. |
|
16 |
L-Artikolu 30 tal-VersoG, intitolat “Adeżjoni”, jiddikjara, fil-paragrafi 1 u 3 tiegħu: “(1) L-affiljazzjoni f’istituzzjonijiet ta’ previdenza hija obbligatorja. (2) L-istatuti jistgħu jipprovdu eċċezzjonijiet u eżenzjonijiet mill-affiljazzjoni obbligatorja, b’mod partikolari meta l-membru tal-professjoni:
[…] (3) Il-membri obbligatorji li jkunu waqfu milli jkunu affiljati jistgħu jibqgħu membri volontarji, skont id-dispożizzjonijiet tal-istatuti.” |
|
17 |
L-Artikolu 31 tal-VersoG, intitolat “Kontribizzjonijiet, tranżizzjoni”, jipprovdi, fil-paragrafi 1 u 4 tiegħu: “(1) Il-membri għandhom iħallsu kontribuzzjonijiet skont id-dispożizzjonijiet tal-istatuti. L-istatuti jistgħu jipprevedu kontribuzzjonijiet minimi indipendenti mid-dħul. Huma jistgħu jistipulaw li, sabiex tinżamm il-protezzjoni tal-pensjoni, għandhom jitħallsu kontribuzzjonijiet xierqa għall-perijodi mingħajr attività professjonali jew lukrattiva jew mingħajr dħul. Il-kontribuzzjoni obbligatorja ma għandhiex taqbeż il-limitu li jiddetermina l-eżenzjoni mit-taxxa fuq il-kumpanniji li tibbenefika minnu l-istituzzjoni ta’ previdenza. […] (4) L-istatuti jistgħu jippermettu ħlasijiet volontarji addizzjonali sabiex jiżdiedu d-drittijiet tal-pensjoni. Dawn, miżjuda mal-kontribuzzjoni obbligatorja, ma għandhomx jaqbżu l-limitu stabbilit fir-raba’ sentenza tal-paragrafu 1.” |
|
18 |
L-Artikoli 33 sa 36 u 38 tal-VersoG jippreċiżaw ir-regoli dwar l-affiljazzjoni obbligatorja mal-istituzzjonijiet ta’ previdenza kkonċernati. |
Il-Liġi dwar l-Assoċjazzjonijiet tal-Professjonisti tas-Saħħa ta’ Sachsen
|
19 |
L-Artikolu 6 tas-Sächsisches Heilberufekammergesetz (il-Liġi dwar l-Assoċjazzjonijiet tal-Professjonijiet tas-saħħa ta’ Sachsen), tal‑24 ta’ Mejju 1994 (SächsGVBl. p. 935), fil-verżjoni tagħha applikabbli għall-kawża prinċipali fil-Kawża C‑759/22, intitolat “Istituzzjonijiet ta’ previdenza”, kien jipprevedi: “(1) L-assoċjazzjonijiet jistgħu, permezz tal-istatuti tagħhom, joħolqu istituzzjoni ta’ previdenza sabiex tiġi żgurata l-previdenza tal-affiljati tagħhom u tal-membri tal-familja tagħhom. […] L-affiljati tal-assoċjazzjoni għandhom ikunu membri tal-istituzzjoni ta’ previdenza skont l-istatuti. […] (3) L-istatuti għandhom jistabbilixxu regoli dwar:
[…] L-istatuti jistgħu jipprevedu l-kundizzjonijiet li taħthom affiljat jista’ jittrasferixxi l-kontribuzzjonijiet li huwa jkun ħallas lill-istituzzjoni ta’ previdenza jew lil istituzzjoni oħra ta’ assigurazzjoni rregolata mid-dritt pubbliku jew lil istituzzjoni ta’ previdenza oħra fil-kategorija professjonali tiegħu (istituzzjoni ta’ previdenza professjonali), kif ukoll il-kundizzjonijiet u l-ammont tad-dritt għar-rimbors tal-kontribuzzjonijiet imħallsa meta tispiċċa l-affiljazzjoni. […] (4) L-assi tal-istituzzjoni ta’ previdenza jikkostitwixxu patrimonju speċjali li huwa disponibbli biss sabiex jissodisfa l-obbligi tal-istituzzjoni ta’ previdenza. Huwa għandu jiġi ġestit separatament mill-assi l-oħra tal-assoċjazzjoni. Dan jista’ jintuża biss għal skopijiet awtorizzati mil-liġi, inkluż il-kumpens għall-ispejjeż amministrattivi meħtieġa.” |
Il‑kawżi prinċipali u d‑domandi preliminari
|
20 |
Matul is-snin 2018 u 2019, ir-rikorrenti fil-kawża prinċipali rċevew komunikazzjonijiet mingħand il-Bank Federali tal-Ġermanja li informawhom li, skont l-Artikoli 1 u 2 tar-Regolament 2018/231, huma kienu suġġetti, bħala fondi ta’ pensjoni, għal obbligi ta’ dikjarazzjoni statistika li abbażi tagħhom huma kellhom jittrażmettu, mit‑30 ta’ Settembru 2019, informazzjoni iktar preċiża dwar is-sitwazzjoni finanzjarja tagħhom, fuq bażi trimestrali għal ċerti rikorrenti u fuq bażi annwali għal oħrajn. |
|
21 |
Ir-rikorrenti fil-kawża prinċipali adixxew lill-Verwaltungsgericht Frankfurt am Main (il-Qorti Amministrattiva ta’ Frankfurt am Main, il-Ġermanja) b’rikors intiż, prinċipalment, għall-annullament ta’ dawn il-komunikazzjonijiet u, sussidjarjament, għall-konstatazzjoni li huma ma humiex suġġetti għall-obbligi ta’ dikjarazzjoni statistika msemmija iktar ’il fuq. |
|
22 |
Dik il-qorti ċaħdet dawn ir-rikorsi, minħabba li r-rikorrenti fil-kawża prinċipali huma fondi ta’ pensjoni, fis-sens tal-punt 1 tal-Artikolu 1 tar-Regolament 2018/231 u li, konsegwentement, huma suġġetti għal obbligi ta’ dikjarazzjoni skont l-Artikolu 2(1) ta’ dan ir-regolament. Skont din il-qorti, l-istituzzjonijiet ta’ previdenza bħar-rikorrenti fil-kawża prinċipali jagħmlu parti, bħala produtturi tas-suq, minn kumpanniji b’kapital finanzjarju u jaqgħu għalhekk taħt is-subsettur tal-fond tal-pensjoni (S.129) tas-SEK 2010 previst mir-Regolament Nru 549/2013. Fil-kuntest tal-attività prinċipali tagħhom, huma jipprovdu servizzi ta’ previdenza. Sabiex jagħmlu dan, huma jistabbilixxu prezzijiet sinjifikattivi mill-perspettiva ekonomika. L-istess japplika fir-rigward tal-benefiċċji obbligatorji. Fin-nuqqas ta’ għajnuna mill-Istat, l-istituzzjonijiet ta’ previdenza jkunu obbligati jirregolaw il-kontribuzzjonijiet u l-benefiċċji b’mod li jiggarantixxu l-kapaċità kontributtiva tagħhom. Fi kwalunkwe każ, il-klassifikazzjoni tal-benefiċċji obbligatorji bħala produzzjoni tas-suq tirriżulta, b’mod partikolari, mill-punt 3.19 tal-Anness A tar-Regolament Nru 549/2013, peress li r-rikorrenti fil-kawża prinċipali koprew matul diversi snin mill-inqas 50 % tal-ispejjeż tagħhom bil-bejgħ tal-prodotti tagħhom. L-imsemmija qorti ssostni li l-punt 1.37 tal-Anness A ta’ dan ir-regolament ma jipprekludix tali klassifikazzjoni, peress li din id-dispożizzjoni tapplika biss għall-entitajiet tas-settur pubbliku, li r-rikorrenti fil-kawża prinċipali ma jagħmb6lux parti minnhom sa fejn dawn ma humiex ikkontrollati mill-Istat. Konsegwentement, allokazzjoni lis-subsettur tal-fondi tas-sigurtà soċjali (S.1314) tas-SEK 2010, li għalih ma japplikax l-obbligu ta’ informazzjoni, hija eskluża wkoll. Il-punt 20.39 tal-Anness A tal-imsemmi regolament jikkonferma din il-klassifikazzjoni bħala fond ta’ pensjoni tar-rikorrenti fil-kawża prinċipali. Skont din id-dispożizzjoni, skema ta’ kontribuzzjonijiet predeterminati ġestita minn entità pubblika ma għandhiex titqies bħala skema ta’ sigurtà soċjali jekk, bħalma huwa l-każ għar-rikorrenti fil-kawża prinċipali, topera mingħajr garanzija mill-Istat fir-rigward tal-ammont tal-benefiċċji li għandhom jitħallsu u dan l-ammont, li jiddependi fuq il-qligħ tal-attiv ġestit, huwa neċessarjament inċert. |
|
23 |
Ir-rikorrenti fil-kawża prinċipali ppreżentat rikors għal reviżjoni quddiem il-Bundesverwaltungsgericht (il-Qorti Amministrattiva Federali, il-Ġermanja), li hija l-qorti tar-rinviju. Huma jsostnu li ma humiex produtturi tas-suq. Is-servizzi obbligatorji tagħhom, li jikkostitwixxu l-parti l-kbira tal-produzzjoni tagħhom, ma jinbigħux bi prezzijiet ekonomikament sinjifikattivi. F’dan ir-rigward, l-affiljati li għandhom obligu ta’ affiljazzjoni ma jistgħux liberament jiddeċiedu li jixtru benefiċċji ta’ previdenza abbażi tal-kontribuzzjonijiet mitluba, li jikser waħda mill-kundizzjonijiet li jikkaratterizzaw l-eżistenza ta’ tali prezzijiet, jiġifieri dik tal-punt (b) tal-ewwel paragrafu tal-punt 3.19 tal-Anness A tar-Regolament Nru 549/2013, li tipprovdi li “il-konsumaturi għandhom il-libertà li jixtru jew li ma jixtrux u jagħmlu l-għażla abbażi tal-prezzijiet li jintalbu”. Ir-rikorrenti jsostnu li l-kriterju ta’ 50 % previst fit-tielet subparagrafu tal-punt 3.19 tal-Anness A ta’ dan ir-regolament, fejn unità istituzzjonali li, fuq perijodu fit-tul u sostenibbli, tkopri minn tal-inqas 50 % tal-ispejjeż tagħha ta’ produzzjoni bil-bejgħ tagħha, tiġi kklassifikata bħala produttur tas-suq, ma huwiex rilevanti, peress li jservi biss sabiex jiġi ddeterminat il-valur tal-produzzjoni. Fi kwalunkwe każ, l-istituzzjonijiet ta’ previdenza, bħall-assigurazzjoni għall-pensjoni statutorja, jaqgħu taħt is-sigurtà soċjali. |
|
24 |
Il-Bank Federali tal-Ġermanja jsostni li s-sentenza tal-Verwaltungsgericht Frankfurt am Main (il-Qorti Amministrattiva ta’ Frankfurt am Main) ma hijiex ivvizzjata bl-iżbalji ta’ liġi allegati. |
|
25 |
Il-qorti tar-rinviju għandha dubji dwar il-klassifikazzjoni tar-rikorrenti fil-kawża prinċipali, fid-dawl, b’mod partikolari, tal-punt 1(f) tal-Artikolu 1 tar-Regolament 2018/231 u tal-punti 1.37, 2.107, 2.117, 3.17 sa 3.19, 3.24, 3.26, 17.43, 20.10, 20.12 u 20.39 tal-Anness A tar-Regolament Nru 549/2013. Hija tistaqsi jekk għandhomx jiġu kklassifikati bħala fondi ta’ pensjoni jew bħala fondi ta’ sigurtà soċjali, jew inkella jekk għandhomx jiġu kklassifikati mod ieħor. |
|
26 |
Din il-qorti tenfasizza li r-rikorrenti fil-kawża prinċipali huma stabbilimenti rregolati mid-dritt pubbliku li għandhom personalità ġuridika. Huma jistgħu jeżerċitaw biss attività ta’ interess ġenerali u ma jistgħux jużaw ir-riżorsi u l-patrimonju tagħhom ħlief għall-finijiet tat-twettiq tal-funzjoni tagħhom ta’ servizz pubbliku. Huma għandhom isostnu l-ispejjeż amministrattivi tagħhom, inkluża r-remunerazzjoni tal-persunal tagħhom u l-benefiċċji mogħtija lill-aventi kawża, mir-riżorsi proprji stess. |
|
27 |
Il-qorti tar-rinviju ssostni li, skont id-dritt Ġermaniż, il-maġġoranza l-kbira tal-affiljati mal-iskemi tar-rikorrenti fil-kawża prinċipali huma suġġetti għal affiljazzjoni obbligatorja minħabba l-fatt li jeżerċitaw il-professjoni tagħhom f’Bayern jew f’Sachsen. Meta tintemm din l-affiljazzjoni obbligatorja, ikun possibbli li wieħed jibqa’ affiljat fuq bażi volontarja, sabiex ikun jista’ jkompli jikseb drittijiet għall-pensjoni. Ir-rikorrenti fil-kawża prinċipali jiddeterminaw, fl-istatuti tagħhom, il-ġbir ta’ kontribuzzjonijiet jew ta’ kontribuzzjonijiet għall-finanzjament tal-missjoni tagħhom, kif ukoll il-kundizzjonijiet, in-natura, l-ammont u t-tneħħija tad-drittijiet għall-pensjoni. Il-pagamenti addizzjonali volontarji huma possibbli wkoll, iżda huma limitati għal massimu awtorizzat. Ir-rikorrenti fil-kawża prinċipali jipprovdu iktar minn 50 % tal-benefiċċji tagħhom lill-affiljati tagħhom suġġetti għal affiljazzjoni obbligatorja. |
|
28 |
F’dawn iċ-ċirkustanzi, il-Bundesverwaltungsgericht (il-Qorti Amministrattiva Federali) iddeċidiet li tissospendi l-proċeduri quddiemha u li tagħmel lill-Qorti tal-Ġustizzja d-domandi preliminari segwenti, li huma fformulati f’termini identiċi fil-Kawżi C‑443/14 u C‑444/22:
|
Fuq id‑domandi preliminari
|
29 |
Permezz tad-domandi tagħha, il-qorti tar-rinviju tistaqsi, essenzjalment, jekk id-dispożizzjonijiet tal-Anness A tar-Regolament Nru 549/2013 għandhomx jiġu interpretati fis-sens li jaqgħu taħt il-kunċett ta’ “fondi ta’ pensjoni”, fis-sens tal-punt 2.105 ta’ dan l-anness, u konsegwentement, għandhom ikunu suġġetti għall-obbligi ta’ dikjarazzjoni statistika previsti mir-Regolament 2018/231, l-istituzzjonijiet ta’ previdenza li joffru benefiċċji li jkopru r-riskji ta’ rtirar, ta’ mewt u ta’ invalidità favur affiljati li fil-parti l-kbira huma suġġetti għal obbligu ta’ affiljazzjoni minħabba l-eżerċizzju ta’ professjoni partikolari. |
|
30 |
Għandu jitfakkar li mill-premessa 14 tar-Regolament Nru 549/2013 jirriżulta li s-SEK 2010, għall-finijiet tal-Unjoni, u b’mod partikolari għad-definizzjoni u l-monitoraġġ tal-politiki ekonomiki u soċjali tal-Unjoni, tistabbilixxi qafas ta’ referenza intiż għat-tfassil tal-kontijiet tal-Istati Membri. F’dan ir-rigward, skont il-premessa 3 ta’ dan ir-regolament, it-tfassil ta’ dawn il-kontijiet għandu jsir abbażi ta’ prinċipji uniċi li ma humiex suġġett għal interpretazzjoni differenti, b’mod li jippermetti l-kisba ta’ riżultati paragunabbli (sentenza tat‑13 ta’ Lulju 2023, Ferrovienord, C‑363/21 u C‑364/21, EU:C:2023:563, punt 64 kif ukoll il-ġurisprudenza ċċitata). |
|
31 |
Kif jirriżulta mill-Artikolu 1(2)(a) tal-imsemmi regolament, is-SEK 2010 tipprevedi metodoloġija, li tinsab fl-Anness A, dwar in-normi, id-definizzjonijiet, in-nomenklaturi u r-regoli tal-kontabbiltà komuni, intiża li tippermetti t-tfassil ta’ kontijiet nazzjonali u ta’ tabelli fuq bażijiet paragunabbli għall-finijiet tal-Unjoni. |
|
32 |
Skont l-punt 1.01 ta’ dan l-anness, is-SEK 2010 tikkostitwixxi “qafas ta’ kontabbiltà internazzjonalment kompatibbli għal deskrizzjoni sistematika u dettaljata ta’ ekonomija totali (jiġifieri reġjun, pajjiż jew grupp ta’ pajjiżi), il-komponenti tiegħu u r-relazzjonijiet tiegħu ma’ ekonomiji totali oħrajn”. |
|
33 |
L-imsemmi anness, imfassal bħala manwal, huwa kompost minn 24 kapitolu, li huma deskritti fil-qosor fil-punti 1.03 u 1.04 tiegħu. Il-Kapitolu 1 ikopri l-karatteristiċi bażiċi tas-SEK u jistabbilixxi l-prinċipji. Dan il-kapitolu jiddeskrivi l-unitajiet statistiċi fundamentali u r-raggruppamenti tagħhom u jagħti ħarsa ġenerali lejn is-sekwenza tal-kontijiet. Il-Kapitolu 2 jiddeskrivi l-unitajiet istituzzjonali użati fil-kejl tal-ekonomija, u kif dawn l-unitajiet jiġu klassifikati f’setturi u fi gruppi oħra għall-finijiet ta’ analiżi. Il-Kapitolu 20 jittratta l-kontijiet tas-settur tal-amministrazzjoni pubblika. |
|
34 |
Il-punti 1.34 u 1.57 tal-Anness A tar-Regolament Nru 549/2013 jipprevedu r-rabta ta’ kull unità istituzzjonali – iddefinita bħala entità ekonomika li għandha l-kapaċità li żżomm beni u assi, li tidħol f’impenji, li teżerċita attivitajiet ekonomiċi u li twettaq, f’isimha stess, tranżazzjonijiet ma’ unitajiet oħra – ma’ wieħed mis-sitt setturi prinċipali identifikati mis-SEK 2010, jiġifieri l-kumpanniji mhux finanzjarji, il-kumpanniji finanzjarji, l-amministrazzjoni pubblika, l-unitajiet domestiċi, l-istituzzjonijiet mingħajr skop ta’ lukru li jservu lill-unitajiet domestiċi u l-bqija tad-dinja (ara, f’dan is-sens, is-sentenza tat‑13 ta’ Lulju 2023, Ferrovienord, C‑363/21 u C‑364/21, EU:C:2023:563, punt 64 kif ukoll il-ġurisprudenza ċċitata). |
|
35 |
Minn dawn id-dispożizzjonijiet, kif ukoll mill-punt 2.41 ta’ dan l-anness, jirriżulta li dawn is-setturi jeskludu lil xulxin reċiprokament b’tali mod li unità istituzzjonali tista’ tappartjeni biss għal settur jew subsettur wieħed. Konformement mal-punt 2.32 tal-istess anness, kull settur u sottosettur jiġbor flimkien l-unitajiet istituzzjonali li għandhom tip ta’ mġiba ekonomika simili. |
|
36 |
Is-sottosettur tal-fondi ta’ pensjoni jaqa’ taħt is-settur tal-kumpanniji finanzjarji, kif jippreċiża l-punt 2.66 tal-Anness A tar-Regolament Nru 549/2013. Konsegwentement, bħal kull unità istituzzjonali ta’ dan is-settur, il-fondi ta’ pensjoni huma kklassifikati bħala “produtturi tas-suq”, konformement mad-definizzjoni tal-kunċett ta’ “kumpanniji finanzjarji” li tinsab fil-punt 2.55 ta’ dan l-anness. |
|
37 |
Fir-rigward ta’ din il-klassifikazzjoni tal-fondi ta’ pensjoni bħala “produtturi tas-suq”, għandha tiġi enfasizzata l-eżistenza ta’ partikolarità speċifika għall-attivitajiet ta’ dawn il-fondi, li huma ddettaljati fil-punti 2.105 sa 2.110 tal-imsemmi anness. Fil-fatt, mill-punt 2.108 tal-istess anness jirriżulta li, kuntrarjament għall-kumpanniji tal-assigurazzjoni għall-ħajja, “il-fondi tal-pensjonijiet huma ristretti bil-liġi għal gruppi speċifiċi ta’ impjegati u persuni li jaħdmu għal rashom”. Għalhekk, is-subsettur tal-fondi ta’ pensjoni jiġbor fi gruppi kumpanniji finanzjarji li ma humiex liberi li jipproponu s-servizzi tagħhom lill-pubbliku kollu. |
|
38 |
F’dan il-każ, mid-deċiżjonijiet ta’ rinviju jirriżulta li l-istituzzjonijiet ta’ previdenza inkwistjoni fil-kawża prinċipali, li jeżerċitaw l-attività tagħhom f’Bayern (Kawża C‑758/22) u f’Sachsen (Kawża C‑759/22), jiggarantixxu lill-membri tagħhom benefiċċji fil-każ ta’ rtirar, ta’ mewt, u ta’ invalidità u huma organizzati fuq bażi settorjali, fis-sens li l-parti l-kbira tal-affiljati tagħhom huma suġġetti għal obbligu legali ta’ affiljazzjoni minħabba l-eżerċizzju ta’ professjoni partikolari bħal dik ta’ tabib, ta’ spiżjar, ta’ avukat jew ta’ perit. |
|
39 |
Barra minn hekk, hija din l-organizzazzjoni settorjali tal-istituzzjonijiet ta’ previdenza u l-obbligu ta’ affiljazzjoni korrelattiv tal-membri tagħhom li wasslu lill-qorti tar-rinviju sabiex tistaqsi jekk l-attivitajiet ta’ dawn l-istituzzjonijiet jistgħux jaqgħu taħt il-kunċett ta’ “produzzjoni tas-suq” jew ta’ “attività tas-suq” fis-sens tal-Anness A tar-Regolament Nru 549/2013. |
|
40 |
Madankollu, għandu jiġi rrilevat li tali organizzazzjoni settorjali tal-fondi ta’ pensjoni hija espressament prevista fil-punti 2.107 u 2.108 tal-Anness A tar-Regolament Nru 549/2013, kif ġie indikat fil-punt 37 ta’ din is-sentenza. Minkejja din il-partikolarità, il-leġiżlatur tal-Unjoni għażel li jikklassifika l-fondi ta’ pensjoni bħala kumpanniji finanzjarji u, għaldaqstant, bħala produtturi tas-suq. Għaldaqstant, f’dan il-każ, ma huwiex neċessarju li wieħed jistaqsi dwar l-interpretazzjoni tal-kunċett ta’ “produzzjoni tas-suq” jew ta’ “attività kummerċjali”, iżda li jiġi ddeterminat jekk istituzzjonijiet ta’ previdenza bħal dawk inkwistjoni fil-kawża prinċipali jistgħux jiġu kklassifikati bħala “fondi ta’ pensjoni” fid-dawl tal-kriterji stabbiliti fil-punti 2.105 sa 2.110 ta’ dan l-anness. |
|
41 |
F’dan ir-rigward, mill-kliem tal-punti 2.105 sa 2.110 tal-Anness A tar-Regolament Nru 549/2013 jista’ jiġi dedott li l-attivitajiet tal-fondi ta’ pensjoni jissodisfaw il-kriterji li ġejjin. |
|
42 |
Fl-ewwel lok, mill-punti 2.105 u 2.107 ta’ dan l-anness jirriżulta li l-fondi ta’ pensjoni, li l-funzjoni prinċipali tagħhom hija li jipprovdu servizzi ta’ intermedjazzjoni finanzjarja li jirriżultaw mill-mutwalizzazzjoni tar-riskji u tal-bżonnijiet soċjali tal-persuni assigurati, jiggarantixxu benefiċċji lill-assigurat fil-każ ta’ rtirar. Dawn il-fondi jistgħu jiggarantixxu wkoll benefiċċji lill-persuna assigurata fil-każ ta’ invalidità kif ukoll benefiċċji lill-konjuġi u lit-tfal tal-persuna assigurata fil-każ tal-mewt tagħha. |
|
43 |
Fit-tieni lok, il-punt 2.106 tal-istess anness jistipula li l-fondi ta’ pensjoni, li huma distinti mill-unitajiet li ħolquhom, għandhom l-awtonomija tad-deċiżjoni u għandhom kontabbiltà sħiħa. |
|
44 |
Fit-tielet lok, u kif indikat fil-punt 37 ta’ din is-sentenza, il-punti 2.107 u 2.108 tal-Anness A tar-Regolament Nru 549/2013 jippreċiżaw li, b’differenza mill-kumpanniji ta’ assigurazzjoni għall-ħajja, il-fondi ta’ pensjoni huma legalment obbligati li jirriżervaw is-servizzi tagħhom għal gruppi speċifiċi ta’ impjegati u ta’ persuni li jaħdmu għal rashom, bħal, b’mod partikolari, il-persuni li jeżerċitaw l-istess professjoni. |
|
45 |
Fir-raba’ lok, il-punt 2.110 ta’ dan l-anness jeskludi mill-kunċett ta’ “fondi ta’ pensjoni” l-amministrazzjonijiet ta’ sigurtà soċjali msemmija fil-punt 2.117 tal-imsemmi anness. Skont dan l-aħħar punt, l-amministrazzjonijiet tas-sigurtà soċjali, li l-attività prinċipali tagħhom hija l-provvista ta’ benefiċċji soċjali, huma kkaratterizzati mill-fatt li, minn naħa, ċerti gruppi tal-popolazzjoni huma legalment obbligati jipparteċipaw fl-iskema jew li jħallsu kontribuzzjonijiet u, min-naħa l-oħra, l-amministrazzjonijiet pubbliċi jistabbilixxu jew japprovaw il-kontribuzzjonijiet u l-benefiċċji, mingħajr ma normalment teżisti rabta diretta bejn l-ammont tal-kontribuzzjonijiet imħallsa minn individwu u r-riskji li huwa espost għalihom. |
|
46 |
F’dan ir-rigward, mill-punt 20.39 tal-Anness A tar-Regolament Nru 549/2013, li jaqa’ taħt il-Kapitolu 20 ta’ dan l-anness intitolat “Il-kontijiet tal-gvern ġenerali”, jirriżulta li skema tal-pensjoni, anki jekk stabbilita minn unità tal-amministrazzjoni pubblika, ma tistax titqies bħala skema ta’ sigurtà soċjali u għandha tiġi kklassifikata fis-subsettur tal-fondi ta’ pensjoni meta l-livell tal-benefiċċji ma jkunx iggarantit mill-amministrazzjoni pubblika u meta jkun inċert għaliex jiddependi fuq il-prestazzjoni tal-assi. |
|
47 |
Skont ġurisprudenza stabbilita, fil-kuntest tal-proċedura prevista fl-Artikolu 267 TFUE, ibbażata fuq separazzjoni ċara tal-funzjonijiet bejn il-qrati nazzjonali u l-Qorti tal-Ġustizzja, din tal-aħħar ma għandhiex ġurisdizzjoni sabiex tinterpreta d-dritt nazzjonali u hija biss il-qorti nazzjonali li għandha tikkonstata u tevalwa l-fatti tat-tilwima fil-kawża prinċipali kif ukoll li tiddetermina l-portata eżatta tad-dispożizzjonijiet leġiżlattivi, regolamentari jew amministrattivi nazzjonali (sentenza tat‑28 ta’ April 2022, SeGEC et, C‑277/21, EU:C:2022:318, punt 21 kif ukoll il-ġurisprudenza ċċitata). |
|
48 |
Madankollu, il-Qorti tal-Ġustizzja, mitluba sabiex tagħti risposta utli lill-qorti tar-rinviju, hija kompetenti sabiex tagħtiha indikazzjonijiet ibbażati fuq il-proċess tal-kawża prinċipali kif ukoll fuq l-osservazzjonijiet bil-miktub ippreżentati quddiemha, li huma ta’ natura li jippermettu lill-imsemmija qorti tagħti deċiżjoni (sentenza tat‑28 ta’ April 2022, SeGEC et, C‑277/21, EU:C:2022:318, punt 22 kif ukoll il-ġurisprudenza ċċitata). |
|
49 |
F’dan il-każ, mill-ispjegazzjonijiet ipprovduti mill-qorti tar-rinviju jirriżulta li l-attivitajiet tal-istituzzjonijiet ta’ sigurtà soċjali inkwistjoni fil-kawżi prinċipali għandhom il-karatteristiċi li ġejjin. |
|
50 |
L-ewwel nett, huwa paċifiku li dawn l-istituzzjonijiet ta’ sigurtà soċjali jiggarantixxu lill-affiljati tagħhom benefiċċji fil-każ ta’ rtirar, ta’ mewt u ta’ invalidità. |
|
51 |
It-tieni nett, mill-indikazzjonijiet ipprovduti mill-qorti tar-rinviju jirriżulta li l-istituzzjonijiet ta’ previdenza inkwistjoni fil-Kawża C‑758/22, li għandhom personalità ġuridika, igawdu minn dritt ta’ awtoġestjoni u jżommu kontabbiltà proprja. Skont l-istess indikazzjonijiet, l-istituzzjoni ta’ previdenza inkwistjoni fil-Kawża C‑759/22, minkejja li hija organu li għandu personalità ġuridika parzjali tal-ordni tat-tobba, hija indipendenti fuq il-livell organizzattiv u ekonomiku, tgawdi minn awtonomija wiesgħa, għandha patrimonju tagħha stess u żżomm kontabbiltà sħiħa. Tali istituzzjonijiet ta’ assigurazzjoni reċiproka, li jgawdu minn awtonomija ta’ ġestjoni u jżommu kontabbiltà tagħhom, jissodisfaw il-kriterju stabbilit fil-punt 43 ta’ din is-sentenza. |
|
52 |
It-tielet nett, mill-indikazzjonijiet ipprovduti mill-qorti tar-rinviju msemmija fil-punt 38 ta’ din is-sentenza jirriżulta wkoll li l-maġġoranza l-kbira tal-affiljati tal-istituzzjonijiet ta’ sigurtà soċjali inkwistjoni fil-kawża prinċipali huma suġġetti għal obbligu legali ta’ affiljazzjoni minħabba l-eżerċizzju ta’ attività professjonali partikolari, peress li dawn l-istituzzjonijiet ta’ assigurazzjoni reċiproka bħala prinċipju ma humiex awtorizzati jipprovdu s-servizzi tagħhom lil persuni oħra. Konsegwentement, tali istituzzjonijiet jidhru li jissodisfaw il-kriterju msemmi fil-punt 44 ta’ din is-sentenza. |
|
53 |
Ir-raba’ nett, mid-deċiżjonijiet tar-rinviju jirriżulta li l-livell tal-benefiċċji offruti lill-affiljati, li ma huwiex iggarantit mill-amministrazzjonijiet pubbliċi, jiddependi mill-ammont tal-kontribuzzjonijiet imħallsa kif ukoll mill-prestazzjoni tal-istituzzjoni ta’ previdenza kkonċernata fil-ġestjoni tal-assi. Barra minn hekk, il-qorti tar-rinviju indikat li l-istituzzjonijiet ta’ sigurtà soċjali inkwistjoni fil-kawża prinċipali jiddeterminaw, fil-kuntest stabbilit minn dispożizzjonijiet legali, l-ammont tal-kontribuzzjonijiet li huma jirċievu u l-ammont tal-benefiċċji li huma joffru. Għaldaqstant, tali istituzzjonijiet ta’ previdenza jissodisfaw il-kriterji, imsemmija fil-punti 45 u 46 ta’ din is-sentenza, li jeskludu l-klassifikazzjoni ta’ skema ta’ sigurtà soċjali favur dik ta’ fond ta’ pensjoni. |
|
54 |
Minn dan isegwi li, għalkemm l-attivitajiet tal-istituzzjonijiet ta’ previdenza inkwistjoni fil-kawżi prinċipali għandhom effettivament il-karatteristiċi elenkati fil-punti 50 sa 53 ta’ din is-sentenza, fatt li għandu jiġi kkonstatat mill-qorti tar-rinviju, dawn l-istituzzjonijiet jistgħu jiġu kklassifikati fis-subsettur tal- “fondi ta’ pensjoni” fis-sens tal-punt 2.105 tal-Anness A tar-Regolament Nru 549/2013. |
|
55 |
Fid-dawl tal-kunsiderazzjonijiet kollha preċedenti, ir-risposta għad-domandi magħmula għandha tkun li d-dispożizzjonijiet tal-Anness A tar-Regolament Nru 549/2013 għandhom jiġu interpretati fis-sens li jaqgħu taħt il-kunċett ta’ “fondi ta’ pensjoni”, fis-sens tal-punt 2.105 ta’ dan l-anness, u konsegwentement, għandhom ikunu suġġetti għall-obbligi ta’ dikjarazzjoni statistika previsti mir-Regolament 2018/231, l-istituzzjonijiet ta’ previdenza li l-attivitajiet tagħhom ikollhom il-karatteristiċi kollha segwenti:
|
Fuq l‑ispejjeż
|
56 |
Peress li l-proċedura għandha, fir-rigward tal-partijiet fil-kawża prinċipali, in-natura ta’ kwistjoni mqajma quddiem il-qorti tar-rinviju, hija din il-qorti li tiddeċiedi fuq l-ispejjeż. L-ispejjeż sostnuti għas-sottomissjoni tal-osservazzjonijiet lill-Qorti tal-Ġustizzja, minbarra dawk tal-imsemmija partijiet, ma jistgħux jitħallsu lura. |
|
Għal dawn il-motivi, Il-Qorti tal-Ġustizzja (Il-Ħames Awla) taqta’ u tiddeċiedi: |
|
Id-dispożizzjonijiet tal-Anness A tar-Regolament (UE) Nru 549/2013 tal-Parlament Ewropew u tal-Kunsill tal‑21 ta’ Mejju 2013 dwar is-sistema Ewropea tal-kontijiet nazzjonali u reġjonali fl-Unjoni Ewropea |
|
għandhom jiġu interpretati fis-sens li: |
|
jaqgħu taħt il-kunċett ta’ “fondi ta’ pensjoni”, fis-sens tal-punt 2.105 ta’ dan l-anness, u konsegwentement, għandhom ikunu suġġetti għall-obbligi ta’ dikjarazzjoni statistika previsti mir-Regolament (UE) 2018/231 tal-Bank Ċentrali Ewropew tas‑26 ta’ Jannar 2018 dwar rekwiżiti ta’ rappurtar statistiku għal fondi tal-pensjoni, l-istituzzjonijiet ta’ previdenza li l-attivitajiet tagħhom ikollhom il-karatteristiċi kollha segwenti: |
|
|
Firem |
( *1 ) Lingwa tal-kawża: il-Ġermaniż.