|
18.1.2023 |
GA |
Iris Oifigiúil an Aontais Eorpaigh |
L 16/34 |
CINNEADH (CBES) 2023/123 ÓN gCOMHAIRLE
an 17 Eanáir 2023
lena leasaítear Cinneadh (CBES) 2019/97 mar thaca leis an gCoinbhinsiún maidir le hAirm Bhitheolaíocha agus Thocsaine faoi chuimsiú Straitéis an Aontais i gcoinne Leathadh Arm Ollscriosta
TÁ COMHAIRLE AN AONTAIS EORPAIGH,
Ag féachaint don Chonradh ar an Aontas Eorpach, agus go háirithe Airteagal 28(1) agus Airteagal 31(1) de,
Ag féachaint don togra ó Ardionadaí an Aontais do Ghnóthaí Eachtracha agus don Bheartas Slándála,
De bharr an mhéid seo a leanas:
|
(1) |
An 21 Eanáir 2019, ghlac an Chomhairle Cinneadh (CBES) 2019/97 (1), lena bhforáiltear do thréimhse 36 mhí chun tionscadal a chur chun feidhme, tréimhse a thosnaíonn ar dháta thabhairt i gcrích an chomhaontaithe dá dtagraítear in Airteagal 3(3) den Chinneadh sin. |
|
(2) |
Bhí an tréimhse cur chun feidhme le dul in éag an 4 Feabhra 2022. |
|
(3) |
An 8 Iúil 2021, d’iarr Oifig na Náisiún Aontaithe um Ghnóthaí Dí-Armála (UNODA), atá freagrach as cur chun feidhme teicniúil na dtionscadal dá dtagraítear in Airteagal 1 de Chinneadh (CBES) 2019/97, síneadh 12 mhí gan chostas ar an tréimhse cur chun feidhme. An 19 Samhain 2021, ghlac an Chomhairle Cinneadh (CBES) 2021/2033 (2) lena gcuirtear síneadh leis an tréimhse cur chun feidhme go dtí an 4 Feabhra 2023. |
|
(4) |
Le litir an 29 Deireadh Fómhair 2022, d’iarr UNODA síneadh 12 mhí gan chostas eile ar an tréimhse cur chun feidhme mar gheall ar na dúshláin cur chun feidhme a bhaineann le paindéim COVID-19. |
|
(5) |
Maidir le síneadh a chur le tréimhse cur chun feidhme na dtionscadal dá dtagraítear in Airteagal 1 de Chinneadh (CBES) 2019/97 go dtí an 4 Feabhra 2024, níl aon impleachtaí aige sin maidir le hacmhainní airgeadais. |
|
(6) |
Dá bhrí sin, ba cheart Cinneadh (CBES) 2019/97 a leasú dá réir sin, |
TAR ÉIS AN CINNEADH SEO A GHLACADH:
Airteagal 1
Cuirtear an méid seo a leanas in ionad Airteagal 5(2) de Chinneadh (CBES) 2019/97:
“2. Rachaidh an Cinneadh seo in éag an 4 Feabhra 2024.”.
Airteagal 2
Tiocfaidh an Cinneadh seo i bhfeidhm ar dháta a ghlactha.
Arna dhéanamh sa Bhruiséil, an 17 Eanáir 2023.
Thar ceann na Comhairle
An tUachtarán
E. SVANTESSON
(1) Cinneadh (CBES) 2019/97 ón gComhairle an 21 Eanáir 2019 mar thaca leis an gCoinbhinsiún maidir le hAirm Bhitheolaíocha agus Thocsaine, faoi chuimsiú Straitéis an Aontais i gcoinne Leathadh Arm Ollscriosta (IO L 19, 22.1.2019, lch. 11).
(2) Cinneadh (CBES) 2021/2033 ón gComhairle an 19 Samhain 2021 lena leasaítear Cinneadh (CBES) 2019/97 mar thaca leis an gCoinbhinsiún maidir le hAirm Bhitheolaíocha agus Thocsaine, faoi chuimsiú Straitéis an Aontais i gcoinne Leathadh Arm Ollscriosta (IO L 415, 22.11.2021, lch. 29).