L_2022043GA.01001001.xml

RIALACHÁN CUR CHUN FEIDHME (AE) 2022/271 ÓN gCOIMISIÚN

an 23 Feabhra 2022

lena gceartaítear Rialachán Cur Chun Feidhme (AE) 2020/1760 maidir le hullmhóid Bacillus subtilis DSM 25841 a údarú mar bhreiseán beatha le haghaidh gach speicis mhucúil, cránacha san áireamh, seachas cránacha atá ag tál ionas go rachaidh sé chun tairbhe do bhainbh diúil (sealbhóir údarú Chr. Hansen A/S)

(Téacs atá ábhartha maidir le LEE)

TÁ AN COIMISIÚN EORPACH,

Ag féachaint don Chonradh ar Fheidhmiú an Aontais Eorpaigh,

Ag féachaint do Rialachán (CE) Uimh. 1831/2003 ó Pharlaimint na hEorpa agus ón gComhairle an 22 Meán Fómhair 2003 maidir le breiseáin lena n-úsáid i gcothú ainmhithe (1), agus go háirithe Airteagal 9(2) de,

De bharr an mhéid seo a leanas:

(1)

Le Rialachán Cur Chun Feidhme (AE) 2020/1760 ón gCoimisiún (2), rinneadh úsáid Bacillus subtilis DSM 25841 a údarú mar bhreiseán beatha le haghaidh gach speicis mhucúil, cránacha san áireamh, seachas cránacha atá ag tál ionas go rachaidh sé chun tairbhe do bhainbh diúil, ar feadh tréimhse 10 mbliana.

(2)	San Iarscríbhinn a ghabhann le Rialachán Cur Chun Feidhme (AE) 2020/1760, cuireadh isteach uimhir aitheantais mhícheart sa cholún “Uimhir aitheantais an bhreiseáin”.

(3)	Dá bhrí sin, ba cheart Rialachán Cur Chun Feidhme (AE) 2020/1760 a cheartú dá réir. Ar mhaithe le soiléireacht, is iomchuí an Iarscríbhinn a ghabhann leis an Rialachán Cur Chun Feidhme sin a ionadú ina hiomláine leis an leagan ceartaithe de.

(4)	Chun go bhféadfaidh oibreoirí gnólachtaí beatha lipéadú an bhreiseáin agus na beatha ainmhithe a bhfuil an breiseán iontu a oiriúnú do théarmaí ceartaithe an údaraithe, ba cheart foráil a dhéanamh maidir le hidirthréimhse i dtaca leis na táirgí sin a chur ar an margadh.

(5)	Chun ionchais dhlisteanacha na bpáirtithe leasmhara a chaomhnú maidir le téarmaí údaraithe an bhreiseáin, ba cheart an Rialachán seo a theacht i bhfeidhm mar ábhar práinne.

(6)	Na bearta dá bhforáiltear sa Rialachán seo, is bearta iad atá i gcomhréir leis an tuairim ón mBuanchoiste um Plandaí, Ainmhithe, Bia agus Beatha,

TAR ÉIS AN RIALACHÁN SEO A GHLACADH:

Airteagal 1

Cuirfear an Iarscríbhinn a ghabhann leis an Rialachán seo in ionad na hIarscríbhinne a ghabhann le Rialachán Cur Chun Feidhme (AE) 2020/1760.

Airteagal 2

1. An ullmhóid a shonraítear san Iarscríbhinn agus réamh-mheascáin a bhfuil an tsubstaint sin iontu a tháirgtear agus a lipéadaítear roimh an 25 Lúnasa 2022 i gcomhréir leis na rialacha is infheidhme roimh an 25 Feabhra 2022, féadfar leanúint dá gcur ar an margadh go dtí go mbeidh na stoic atá ann cheana ídithe.

2. Ábhair bheatha agus beatha chumaisc ina bhfuil an ullmhóid agus na réamh-mheascáin dá dtagraítear i mír 1 agus a tháirgtear agus a lipéadaítear roimh an 25 Feabhra 2023 i gcomhréir leis na rialacha is infheidhme roimh an 25 Feabhra 2022, féadfar leanúint dá gcur ar an margadh go dtí go mbeidh na stoic atá ann cheana ídithe.

Airteagal 3

Tiocfaidh an Rialachán seo i bhfeidhm an lá tar éis lá a fhoilsithe in Iris Oifigiúil an Aontais Eorpaigh.

Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.

Arna dhéanamh sa Bhruiséil, 23 Feabhra 2022.

Thar ceann an Choimisiúin

An tUachtarán

Ursula VON DER LEYEN

(1) IO L 268, 18.10.2003, lch. 29.

(2) Rialachán Cur Chun Feidhme (AE) 2020/1760 ón gCoimisiún an 25 Samhain 2020 maidir le hullmhóid Bacillus subtilis DSM 25841 a údarú mar bhreiseán beatha le haghaidh gach speicis mhucúil, cránacha san áireamh, seachas cránacha atá ag tál ionas go rachaidh sé chun tairbhe do bhainbh diúil (sealbhóir údarú Chr. Hansen A/S) (IO L 397, 26.11.2020, lch. 6).

IARSCRÍBHINN

Uimhir aitheantais an bhreiseáin

Ainm shealbhóir an údaraithe

Breiseán

Comhdhéanamh, foirmle cheimiceach, tuairisc, modh anailíse

Speiceas nó catagóir ainmhí

Uasteorainn aoise

Íoschion

Uaschion

Íoschion

Uaschion

Forálacha eile

Deireadh na tréimhse údaraithe

CFU/kg d’ábhar beatha iomlán ina bhfuil cion taise 12 %

CFU/l d’uisce óil

Catagóir na mbreiseán zóiteicniúil. Feidhmghrúpa: cobhsaitheoirí fhlóra na stéige

4b1902

Chr. Hansen A/S

Bacillus subtilis

DSM 25841

Comhdhéanamh an bhreiseáin

Ullmhóid Bacillus subtilis DSM 25841 ina bhfuil íosmhéid 1,25 × 1010 CFU/g de bhreiseán

Foirm sholadach

Tréithriú na substainte gníomhaí

Spóir inmharthana Bacillus subtilis DSM 25841

Modh anailíse (1)

Maidir le sainaitheantas Bacillus subtilis DSM 25841: Sainaitheantas: Leictreafóiréis Ghlóthaí Bhíogréimse (PFGE)

Maidir le Bacillus subtilis DSM 25841 sa bhreiseán beathaithe, sna réamh-mheascáin agus sna ábhair bheatha a áireamh: Modh an leata ar phláta agus úsáid á baint as agar soighe trioptóin - EN 15784

Gach speiceas mucúil, cránacha san áireamh,

seachas cránacha atá ag tál ionas go rachaidh sé chun tairbhe do bhainbh diúil

5 × 108

1,7 × 108

1.	Sna treoracha maidir le húsáid an bhreiseáin agus na réamh-mheascán, déanfar na dálaí stórála agus an chobhsaíocht i leith cóireáil teasa a shonrú.

2.	Féadfar an breiseán a úsáid in uisce óil.

3.	Maidir le húsáid an bhreiseáin in uisce óil, áiritheofar scaipeadh aonchineálach an bhreiseáin.

I gcás úsáideoirí an bhreiseáin agus na réamh-mheascán, bunóidh oibreoirí gnólachtaí beathaithe nósanna imeachta oibríochtúla agus bearta eagraíochtúla chun aghaidh a thabhairt ar na rioscaí a d’fhéadfadh eascairt as a n-úsáid: íogróir riospráide féideartha, greannú craicinn féideartha agus íogróir súl nó íogróir deirmeach féideartha. I gcás nach féidir na rioscaí sin a dhíothú nó a laghdú a oiread agus is féidir leis na nósanna imeachta agus na bearta sin, is le trealamh cosanta pearsanta a úsáidfear an breiseán agus na réamh-mheascáin.

16.12.2030

(1) Tá sonraí faoi na modhanna anailíse ar fáil ag an seoladh seo a leanas sa tSaotharlann Tagartha: https://ec.europa.eu/jrc/en/eurl/feed-additives/evaluation-reports