1.

Oġġetti maħsubin għall-eżekuzzjoni tal-bnedmin, kif ġej:

1.1.

Forok, giljottini u xfafar għall-giljottini

1.2.

Siġġijiet elettriċi għall-fini tal-eżekuzzjoni tal-bnedmin

1.3.

Kmamar mingħajr arja, magħmulin pereżempju mill-azzar u mill-ħġieġ, maħsubin għall-fini tal-eżekuzzjoni tal-bnedmin bl-amministrazzjoni ta’ gass jew sustanza letali.

1.4.

Sistemi awtomatiċi għall-injezzjoni tad-drogi maħsubin għall-fini tal-eżekuzzjoni tal-bnedmin bl-amministrazzjoni ta’ sustanza kimika letali

2.

Oġġetti li mhumiex xierqa għall-użu mill-awtoritajiet tal-infurzar tal-liġi biex irażżnu l-bnedmin, kif ġej:

2.1.

Apparat għax-xokkijiet elettriċi li hu maħsub biex jintlibes fuq il-ġisem minn individwu mrażżan, bħal ċintorini, kmiem u manetti, maħsubin biex irażżnu l-bnedmin bl-amministrazzjoni ta’ xokkijiet elettriċi.

2.2.

Manetti tas-saba’ l-kbir, manetti tas-swaba’, skrejjen tas-saba’ l-kbir, u tas-swaba’.

2.3.

Felq bl-iżbarra, strumenti ta’ trażżin tar-riġlejn bil-piż u ktajjen tal-gruppi li jinkludu felq bl-izbarra jew strumenti ta’ trażżin tar-riġlejn bil-piż.

1.

Felq bl-iżbarra huma qajd jew ċrieki tal-għaksa b’mekkaniżmu li jsakkar, marbuta ma’ żbarra riġida li tipikament hija tal-metall.

2.

Dan il-punt jinkludi felq bl-izbarra u strumenti ta’ trażżin tar-riġlejn bil-piż li huma marbuta ma’ manetti ordinarji permezz ta’ katina.

2.4.

Ktajjen ta’ gruppi

2.5.

Manetti tas-saqajn

2.6.

Manetti mfassla biex jiġu ankrati mal-ħajt, l-art jew is-saqaf

2.7.

Siġġijiet ta’ trażżin: siġġijiet mgħammra b’qajd jew apparat ieħor biex irażżan il-bnedmin.

2.8.

Twavel tal-qajd u sodod tal-qajd: twavel u sodod bil-qajd jew apparat ieħor li jrażżan il-bnedmin.

2.9.

Sodod bil-gaġġa: sodod li jinkludu gaġġa (erba’ ġnub u saqaf) jew struttura simili li tagħlaq bniedem fil-konfini tas-sodda, bis-saqaf jew ġenb wieħed jew aktar tas-sodda li huma mgħammrin bi żbarri metalliċi jew oħrajn, u li jkunu jistgħu jinfetħu biss minn barra

2.10.

Sodod bix-xibka: sodod li għandhom gaġġa (erba’ ġnub u saqaf) jew struttura simili li tagħlaq bniedem fil-konfini tas-sodda, bis-saqaf jew ġenb wieħed jew aktar tas-sodda li jkollhom xibka, u li jkunu jistgħu jinfetħu biss minn barra

2.11.

Braneż u blindfolds iddisinjati biss għal skopijiet ta’ infurzar tal-liġi biex jimblukkaw il-vista u/jew jagħlqu l-wiċċ ta’ persuna/detenut, inklużi tali braneż u blindfolds meta konnessi permezz ta’ katina ma’ manetti ordinarji jew sistemi ta’ trażżin oħrajn.

3.

Apparat portabbli li mhuwiex addattat għall-użu mill-awtoritajiet tal-infurzar tal-liġi għall-fini tal-kontroll tal-irvellijiet jew tal-awtoprotezzjoni, kif ġej:

3.1.

Lembubi magħmulin mill-metall jew materjal ieħor li jkollhom xaft b’ponot tal-metall

3.2.

Lembubi jew lembubi mwieżna mlibbsin ġilda ħoxna jew lastku b’piż addizzjonali ddisinjat biex iżid l-impatt kinetiku fuq il-persuna fil-mira u ngwanti ppeżati jew apparat simili ieħor

1.

Lembuba mwieżna: Apparat ċatt li jikkonsisti minn metall (azzar molla) imlibbes ġilda jew lastku oħxon u li jintuża biex persuna tissawwat jew tingħata daqqiet; jew lembuba qasira li tikkonsisti f’azzar molla mdawwar bil-ġilda, xi drabi ppeżata f’tarf minnhom biċ-ċomb, u użata biex jingħataw daqqiet lil persuna.

2.

L-ingwanti ppeżati normalment ikunu magħmula mill-ġilda u fuq l-għadam, is-swaba’, jew il-wara tal-id ikollhom trab tal-azzar jew ċomb meħjutin fil-materjal.

3.3.

Lathis

3.4.

Tarki b’ponot tal-metall

3.5.

Korazza tal-ġisem b’tappini bil-ponta jew serrazzjonijiet magħmula mill-metall jew materjal iebes ieħor.

4.

Frosti kif ġej:

4.1.

Frosti oħra b’aktar minn siegla jew strixxa waħda, bħal sawwatiet jew cats o’nine tails.

4.2.

Frosti li jkollhom siegla jew strixxa waħda jew aktar li magħhom ikollhom snanar, ganċijiet, tappini bil-ponta, wajer tal-metall jew oġġetti simili li jsaħħu l-impatt tas-siegla jew tal-istrixxa.

4.3.

“Sjamboks”

5.

Armi u tagħmir li jxerrdu sustanzi kimiċi inkapaċitanti jew irritanti jew projettili tal-impatt u munizzjon relatat li mhumiex adatti għall-użu mill-awtoritajiet tal-infurzar tal-liġi għall-fini ta’ kontroll tal-irvellijiet jew tal-awtoprotezzjoni.

5.1.

Tagħmir fiss għat-tixrid ta’ sustanzi kimiċi inkapaċitanti jew irritanti fi spazji magħluqin, li jista’ jitwaħħal mal-ħajt jew ma’ saqaf ġo bini, jinkludi kaxxetta ta’ aġenti kimiċi irritanti jew inkapaċitanti u jiġu attivati permezz ta’ sistema ta’ kontroll mill-bogħod.

5.2.

Tagħmir u projettili esplożivi għall-iddispensar ta’ kwantitajiet dannużi ta’ aġenti għall-kontroll tal-irvellijiet minn pjattaformi fl-ajru.

1.

Prodotti maħsubin għat-trażżin tal-bnedmin, kif ġej:

1.1.

Qajd

1.

Qajd huma sistemi ta’ trażżin li jikkonsistu minn żewġ manetti jew ċrieki b’mekkaniżmu li jsakkar, b’katina jew żbarra li tgħaqqadhom.

2.

Din il-partita ma tikkontrollax is-sistemi ta’ trażżin tar-riġlejn jew il-ktajjen tal-gruppi pprojbiti bil-partiti 2.3 u 2.4 tal-Anness II.

3.

Dan il-punt ma jikkontrollax “manetti ordinarji”. Il-manetti ordinarji huma manetti li jissodisfaw il-kundizzjonijiet kollha li ġejjin:

1.2.

Manetti individwali jew ċrieki b’mekkaniżmu li jsakkar li għandhom ċirkonferenza ikbar mill-massimu ta’ 165 mm meta l-krikk jinsab fl-aħħar talja li tidħol fil-mekkaniżmu li jsakkar.

1.3.

Manetti tar-riġlejn

1.

Il-manetti tar-riġlejn huma sistemi ta’ trażżin li jikkonsistu f’żewġ manetti, normalment magħmula mill-metall, maqfulin mal-għaksa, u mwaħħlin b’katina li tippermetti lid-detenut jitħarrek ftit. Id-daqs tal-manetti normalment ikun akbar minn dak tal-manetti ordinarji u jkun aġġustabbli.

2.

Din il-partita ma tikkontrollax is-sistemi ta’ trażżin tar-riġlejn jew il-ktajjen tal-gruppi pprojbiti bil-partiti 2.3, 2.4, 2.5 u 2.6 tal-Anness II.

1.4.

Barnużi tal-bżieq: inklużi barnużi magħmula minn xibka, li għandhom għata għall-ħalq li tipprevjeni li wieħed jobżoq.

2.

Armi u apparat maħsuba għall-fini tal-infurzar tal-liġi inkluż il-kontroll tal-irvellijiet jew tal-awtoprotezzjoni, kif ġej:

2.1.

Armi ta’ skariku elettriku li jistgħu jinġarru li jistgħu jimmiraw biss lejn individwu wieħed kull darba li jkun amministrat xokk elettriku, inkluż iżda mhux limitat għal-lembubi tax-xokkijiet elettriċi, tarki tax-xokkijiet elettriċi, pistoli tax-xokkijiet u pistoli tad-darts tax-xokkijiet elettriċi

1.

Din il-partita ma tikkontrollax ċinturini tax-xokkijiet elettriċi u apparati oħrajn li jaqgħu taħt il-partita 2.1 tal-Anness II.

2.

Dan il-punt ma jikkontrollax lit-tagħmir individwali tax-xokk elettroniku meta jakkumpanja lill-utent tiegħu għall-protezzjoni personali tal-utent stess.

2.2.

Kits li fihom il-komponenti essenzjali kollha għall-assemblaġġ ta’ armi tal-iskariku elettriku li jinġarru, ikkontrollati bil-partita 2.1.

—

l-unità li tipproduċi xokk elettriku,

—

l-iswiċċ, kemm jekk fuq remote control kemm jekk le, u

—

l-elettrodi jew, fejn applikabbli, il-wajers li permezz tagħhom għandhom jiġu amministrati x-xokkijiet elettriċi.

2.3.

Armi tal-iskariku elettriku fissi jew li jiġu mmuntati li jkopru żona wiesgħa u jistgħu jimmiraw lejn individwi multipli b’xokkijiet elettriċi

2.4.

Lanċaturi ta’ projettili tal-impatt kinetiċi b’tir wieħed (KIP) u projettili tal-impatt kinetiċi assoċjati

2.5.

Lanċjaturi u apparati ta’ disseminazzjoni inklużi lanċjaturi ta’ kanen multipli

2.6.

Munizzjon li fih projettili ta’ impatt kinetiċi multipli

3.

Armi u tagħmir għad-disseminazzjoni ta’ sustanzi kimiċi inkapaċitanti jew irritanti għall-użu mill-awtoritajiet tal-infurzar tal-liġi għall-fini tal-kontroll tal-irvellijiet jew awtodifiża, kif ġej:

3.1.

Armi u tagħmir li jistgħu jinġarru li jew jamministraw doża ta’ sustanza kimika inkapaċitanti jew irritanti li jimmiraw lejn individwu wieħed jew iferrxu doża ta’ tali sustanza fil-forma ta’ daħna ta’ sprej ċpar jew sħaba li taffettwa żona żgħira, meta s-sustanza kimika hija amministrata jew imferrxa.

1.

Din il-partita ma tikkontrollax l-apparat ikkontrollat mill-partita ML7(e) tal-Lista Militari Komuni tal-Unjoni Ewropea (1).

2.

Din il-partita ma tikkontrollax tagħmir individwali li jista’ jinġarr, anki jekk ikun fih sustanza kimika, meta jakkumpanja lill-utent tiegħu għall-protezzjoni personali tal-utent stess.

3.

Minbarra sustanzi kimiċi rilevanti, bħal aġenti għall-kontroll tal-irvellijiet jew PAVA, l-oġġetti kkontrollati bil-partiti 3.3, 3.4 u 3.7 għandhom jitqiesu li huma sustanzi kimiċi inkapaċitanti jew irritanti.

3.2.

Vanillilamide tal-aċidu pelargoniku (PAVA) (CAS RN 2444-46-4)

3.3.

Oleoreżina tal-kapsiku (OC) (CAS RN 8023-77-6)

3.4.

Taħlitiet li fihom mill-inqas 0,3 % skont il-piż ta’ PAVA jew OC u solvent (bħal etanol,1-propanol jew eżan), li jistgħu jiġu amministrati bħala aġenti inkapaċitanti jew irritanti, b’mod partikolari f’aerosols u f’forma likwida, jew użati għall-manifattura ta’ aġenti inkapaċitanti jew irritanti

1.

Din il-partita ma tikkontrollax zlazi u preparati għalihom, sopop jew preparati għalihom u kondimenti mħallta jew taħwir, sakemm il-PAVA jew l-OC ma jkunux l-uniku togħma kostitwenti fihom.

2.

Din il-partita ma tikkontrollax prodotti mediċinali li għalihom ingħatat awtorizzazzjoni għal tqegħid fis-suq f’konformità mal-liġi tal-Unjoni (2).

3.5.

Apparat fiss jew li jiġi mmuntat għat-tifrix ta’ aġenti kimiċi inkapaċitanti jew irritanti li jkopri firxa wiesgħa u mhux maħsub biex jitwaħħal ma’ ħajt jew ma’ saqaf ġewwa bini.

1.

Din il-partita ma tikkontrollax l-apparat ikkontrollat mill-partita ML7(e) tal-Lista Militari Komuni tal-Unjoni Ewropea.

2.

Din il-partita tikkontrolla wkoll kanuni tal-ilma.

3.

Minbarra sustanzi kimiċi rilevanti, bħal aġenti għall-kontroll tal-irvellijiet jew PAVA, l-oġġetti kkontrollati bil-partiti 3.3 u 3.4 għandhom jitqiesu li huma sustanzi kimiċi inkapaċitanti jew irritanti.

3.6.

Projettili ta’ kalibru kbir b’aġenti għall-kontroll tal-irvellijiet.

3.7.

Taħlitiet kimiċi malodoranti fformulati biex jipproduċu riħa qawwija u mhux pjaċevoli għal skopijiet ta’ kontroll tal-irvellijiet sakemm ma jkunux ta’ ħsara u ma jkollhom l-ebda effett fit-tul fuq is-saħħa.

1.

Din il-partita hija definita bħala taħlita mfassla biss għal skopijiet ta’ infurzar tal-liġi li fiha mill-inqas waħda mill-firxiet ta’ sustanzi kimiċi li ġejjin ifformulati biex jipproduċu riħa tinten u profondament mhux pjaċevoli u li tista’ tinxtered permezz ta’ sprej li jinżamm fl-idejn, granati, projettili lanċjati, droni, u kanuni tal-ilma:

2.

Din il-partita ma tikkontrollax taħlitiet kimiċi malodoranti li mhumiex maħsuba għal skopijiet ta’ infurzar tal-liġi.