10.7.2009   

MT

Il-Ġurnal Uffiċjali tal-Unjoni Ewropea

L 179/61


DEĊIŻJONI TAL-KUNSILL IMLAQQA’ FIL-KOMPOŻIZZJONI TA’ KAPIJIET TA’ STAT JEW GVERN

tad-9 ta’ Lulju 2009

li jinnomina l-persuna li biħsiebu jaħtar bħala President tal-Kummissjoni għall-perijodu 2009-2014

(2009/532/KE)

IL-KUNSILL TAL-UNJONI EWROPEA, IMLAQQA’ FIL-KOMPOŻIZZJONI TA’ KAPIJIET TA’ STAT JEW GVERN,

Wara li kkunsidra t-Trattat li jistabbilixxi l-Komunità Ewropea, u b’mod partikolari l-Artikolu 213(1), it-tieni u t-tielet subparagrafi, u l-Artikolu 214(2), l-ewwel subparagrafu tiegħu, kif ukoll il-Protokoll dwar it-tkabbir tal-Unjoni Ewropea, u b’mod partikolari l-Artikolu 4(3) tiegħu,

IDDEĊIEDA KIF ĠEJ:

Artikolu 1

Is-Sur José Manuel DURÃO BARROSO huwa b’dan innominat bħala l-persuna li l-Kunsill biħsiebu jaħtar bħala President tal-Kummissjoni għall-perijodu mill-1 ta’ Novembru 2009 sal-31 ta’ Ottubru 2014.

Artikolu 2

Din id-Deċiżjoni għandha tintbagħat lill-Parlament Ewropew.

Artikolu 3

Din id-Deċiżjoni għandha tiġi ppubblikata f’Il-Ġurnal Uffiċjali tal-Unjoni Ewropea.

Magħmul fi Brussell, id-9 ta’ Lulju 2009.

Għall-Kunsill

Il-President

F. REINFELDT