—

Tambur, ar ardán cumarsáide digiteach é, agus a shócmhainní, sonraí agus comhaontuithe gaolmhara etc. is gá le haghaidh a oibríochtaí, atá faoi úinéireacht UC AB faoi láthair, atá á rialú ag Enento Group Plc (“Tambur”, an tSualainn),

—

Danske Bank A/S, Danmark, Sverige Filial (“Danske Bank”, an Danmhairg),

—

Länsförsäkringar Bank AB, (“Länsförsäkringar Bank”, an tSualainn),

—

Nordea Bank Abp (“Nordea”, an Fhionlainn),

—

SBAB Bank AB (publ) (“SBAB Bank”, an tSualainn),

—

Skandinaviska Enskilda Banken AB (publ) (“SEB”, an tSualainn),

—

Svenska Handelbanken AB (publ) (“Handelbanken”, an tSualainn),

—

Swedbank AB (publ) (“Swedbank”, an tSualainn).

—

Is ardán cumarsáide digiteach é Tambur a thacaíonn le bainc agus le gníomhairí eastáit réadaigh i margadh na Sualainne i dtaca lena bpróisis idirbheart réadmhaoine cónaithe.

—

Is cuideachta seirbhísí airgeadais atá lonnaithe sa Danmhairg é Danske Bank. Tá Danske Bank gníomhach i mbaincéireacht mhiondíola agus mhórdhíola, scéimeanna pinsin, árachas, airgeadas morgáiste, bainistíocht sócmhainní, bróicéireacht, eastát réadach, agus seirbhísí léasaithe; go príomha sna tíortha Nordacha agus i dtíortha eile i dTuaisceart na hEorpa.

—

Is cuideachta seirbhísí airgeadais atá lonnaithe sa tSualainn é Länsförsäkringar Bank a thairgeann seirbhísí sa tSualainn. Cuireann Länsförsäkringar Bank seirbhísí airgeadais ar fáil do chustaiméirí corparáideacha miondíola, talmhaíochta agus FBManna, lena n-áirítear iasachtaí, coigilteas, seirbhísí comhairleacha, taiscí, seirbhísí cuntais agus íocaíochtaí agus táirgí pinsin. Tá Länsförsäkringar Bank gníomhach i léasú/fruilcheannach trí fhochuideachta freisin.

—

Banc atá lonnaithe san Fhionlainn is ea Nordea, a chuireann réimse iomlán seirbhísí ar fáil laistigh de na ceithre phríomhréimse gnó: baincéireacht phearsanta, baincéireacht ghnó, corparáidí agus institiúidí móra, chomh maith le bainistiú sócmhainní agus rachmais; go príomha sna ceithre mhargadh baile Nordacha – an Danmhairg, an Fhionlainn, an Iorua agus an tSualainn.

—

Is banc Sualannach faoi úinéireacht stáit é SBAB Bank a fheidhmíonn i margadh iasachtaí tithíochta na Sualainne, atá dírithe ar dhaoine aonair, ar chomhlachais tionóntaí agus ar chuideachtaí. Cuireann SBAB Banc táirgí coigiltis agus iasachtaí neamhurraithe ar fáil freisin.

—

Banc atá lonnaithe sa tSualainn is ea SEB, a thairgeann réimse iomlán seirbhísí airgeadais do chustaiméirí príobháideacha agus corparáideacha, lena n-áirítear baincéireacht infheistíochta, baincéireacht mhiondíola agus mhórdhíola, iasachtaí, coigilteas, árachas, iasachtaí morgáiste, bainistíocht sócmhainní agus infheistíochta, seirbhísí comhairleacha, agus léasú; go háirithe sna tíortha Nordacha, sna tíortha Baltacha agus sa Ghearmáin.

—

Banc atá lonnaithe sa tSualainn is ea Handelsbanken, a thairgeann réimse iomlán seirbhísí airgeadais, lena gcumhdaítear an réimse baincéireachta ina iomláine, lena n-áirítear idirbhearta corparáideacha traidisiúnta, baincéireacht agus trádáil infheistíochta, chomh maith le baincéireacht mhiondíola, árachas saoil san áireamh; go háirithe sna tíortha Nordacha, sa Ríocht Aontaithe agus san Ísiltír.

—

Banc atá lonnaithe sa tSualainn is ea Swedbank, a thairgeann réimse iomlán seirbhísí airgeadais do chustaiméirí miondíola agus corparáideacha agus don earnáil phoiblí, lena n-áirítear iasachtaí, coigilteas, seirbhísí comhairleacha, taiscí, seirbhísí cuntas agus íocaíochtaí agus táirgí pinsin; go príomha sna tíortha Nordacha agus sna tíortha Baltacha.

European Commission

Directorate-General for Competition

Merger Registry

1049 Bruxelles/Brussel

BELGIQUE/BELGIË