|
3.3.2010 |
MT |
Il-Ġurnal Uffiċjali tal-Unjoni Ewropea |
L 52/51 |
DEĊIŻJONI TAL-KUMMISSJONI
tat-2 ta’ Marzu 2010
li tirrikonoxxi fil-prinċipju l-kompletezza tad-dossiers imressqa għal eżaminazzjoni dettaljata bil-ħsieb tal-inklużjoni possibbli tat-Trichoderma asperelleum (strain T34) u l-isopyrazam fl-Anness I għad-Direttiva tal-Kunsill 91/414/KEE
(notifikata bid-dokument numru C(2010) 1099)
(Test b’relevanza għaż-ŻEE)
(2010/132/UE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Komunità Ewropea,
Wara li kkunsidrat id-Direttiva tal-Kunsill 91/414/KEE tal-15 ta’ Lulju 1991 li tikkonċerna t-tqegħid fis-suq ta’ prodotti għall-protezzjoni tal-pjanti (1), u partikolarment l-Artikolu 6(3) tagħha,
Billi:
|
(1) |
Id-Direttiva 91/414/KEE tipprevedi l-iżvilupp ta’ lista Komunitarja ta’ sustanzi attivi awtorizzati għall-inkorporazzjoni fil-prodotti għall-protezzjoni tal-pjanti. |
|
(2) |
Fit-22 ta’ April 2009 il-Biocontrol Technologies S.L. ressqet dossier għas-sustanza attiva Trichoderma asperellum (strain T34) lill-awtoritajiet tar-Renju Unit flimkien ma’ applikazzjoni sabiex tinkiseb l-inklużjoni tiegħu fl-Anness I tad-Direttiva 91/414/KEE. Għall-isopyrazam, is-Syngenta Crop Protection AG ressqet dossier lill-awtoritajiet tar-Renju Unit fil-25 ta’ Novembru 2008, flimkien ma’ applikazzjoni biex din is-sustanza tiddaħħal fl-Anness I għad-Direttiva 91/414/KEE. |
|
(3) |
L-awtoritajiet tar-Renju Unit indikaw lill-Kummissjoni li, fuq investigazzjoni preliminari, id-dossiers għas-sustanza attiva kkonċernata jidhru li jissodisfaw ir-rekwiżiti tad-dejta u l-informazzjoni stipulati fl-Anness II tad-Direttiva 91/414/KEE. Il-dossiers imressqa jidhru li jissodisfaw ukoll ir-rekwiżiti tad-dejta u l-informazzjoni stabbiliti fl-Anness III tad-Direttiva 91/414/KEE rigward prodott wieħed għall-protezzjoni tal-pjanti li fih is-sustanza attiva kkonċernata. B’konformità mal-Artiklu 6(2) tad-Direttiva 91/414/KEE, id-dossiers tressqu mill-applikanti rispettivi lill-Kummissjoni u lill-Istati Membri l-oħra, u kienu riferiti lill-Kumitat Permanenti dwar il-Katina Alimentari u s-Saħħa tal-Annimali. |
|
(4) |
Permezz ta’ din id-Deċiżjoni għandu jiġi formalment ikkonfermat fil-livell tal-Unjoni Ewropea li d-dossiers għandhom jitqiesu konformi fil-prinċipju mal-kundizzjonijiet dwar id-dejta u l-informazzjoni stabbiliti fl-Anness II u, għal tal-inqas prodott wieħed għall-protezzjoni tal-pjanti li fih is-sustanza attiva kkonċernata, mar-rekwiżiti stabbiliti fl-Anness III tad-Direttiva 91/414/KEE. |
|
(5) |
Il-miżuri stipulati f’dan ir-Regolament huma skont l-opinjoni tal-Kumitat Permanenti dwar il-Katina Alimentari u s-Saħħa tal-Annimali, |
ADOTTAT DIN ID-DEĊIŻJONI:
Artikolu 1
Id-dossiers dwar is-sustanzi attivi identifikati fl-Anness għal din id-Deċiżjoni, li kienu tressqu lill-Kummissjoni u lill-Istati Membri sabiex tinkiseb l-inklużjoni ta’ dawn is-sustanzi fl-Anness I għad-Direttiva 91/414/KEE, fil-prinċipju jissodisfaw ir-rekwiżiti dwar id-dejta u l-informazzjoni stipulati stabbiliti fl-Anness II għal dik id-Direttiva.
Id-dossiers jissodisfaw ukoll ir-rekwiżiti dwar id-dejta u l-informazzjoni stipulati fl-Anness III ta’ din id-Direttiva fir-rigward ta’ prodott wieħed għall-protezzjoni tal-pjanti li fih is-sustanza attiva, fid-dawl tal-użi proposti.
Artikolu 2
L-Istat Membru relatur għandu jeżamina fid-dettall id-dossiers imsemmija fl-Artikolu 1 u għandu jikkomunika lill-Kummissjoni l-konklużjonijiet tal-analiżijiet tiegħu flimkien ma’ rakkomandazzjonijiet dwar l-inklużjoni jew le fl-Anness I għad-Direttiva 91/414/KEE tas-sustanzi attivi msemmija fl-Artikolu 1 u kwalunkwe kundizzjoni dwar dawn l-inklużjonijiet mill-iktar fis u mhux aktar tard minn perjodu ta’ sena mid-data tal-pubblikazzjoni ta’ din id-Deċiżjoni f’Il-Ġurnal Uffiċjali tal-Unjoni Ewropea.
Artikolu 3
Din id-Deċiżjoni hija indirizzata lill-Istati Membri.
Magħmul fi Brussell, it-2 ta’ Marzu 2010.
Għall-Kummissjoni
John DALLI
Membru tal-Kummissjoni
ANNESS
IS-SUSTANZI ATTIVI KKONĊERNATI MINN DIN ID-DEĊIŻJONI
|
Nru |
Isem Komuni, Numru tal-Identifikazzjoni CIPAC |
Applikant |
Data tal-applikazzjoni |
Stat Membru Relatur |
|
1 |
Trichoderma asperellum (strain T34) Nru CIPAC: mhux rilevanti |
Biocontrol Technologies S.L. |
22.4.2009 |
Renju Unit |
|
2 |
Isopyrazam Nru CIPAC: Syn-isomer: 683777-13-1 Anti-isomer: 683777-14-2 |
Syngenta Crop Protection AG |
25.11.2008 |
Renju Unit |