|
Iris Oifigiúil |
GA Sraith L |
|
2026/2344 |
19.10.2026 |
CINNEADH (AE) 2026/2344 ÓN gCOMHAIRLE
an 13 Deireadh Fómhair 2026
lena mbunaítear an seasamh atá le glacadh thar ceann an Aontais Eorpaigh maidir le rúin áirithe a ndéanfar vótáil orthu ag an 24ú Comhthionól Ginearálta den Eagraíocht Idirnáisiúnta um Fhíniúin agus um Fhíon
TÁ COMHAIRLE AN AONTAIS EORPAIGH,
Ag féachaint don Chonradh ar Fheidhmiú an Aontais Eorpaigh, agus go háirithe Airteagal 43 de, i gcomhar le hAirteagal 218(9), de,
Ag féachaint don togra ón gCoimisiún Eorpach,
De bharr an mhéid seo a leanas:
|
(1) |
Déanfaidh an Eagraíocht Idirnáisiúnta um Fhíniúin agus um Fhíon (OIV) scrúdú ar rúin (‘na dréachtrúin ó OIV’) agus d’fhéadfadh sé go nglacfadh sí na rúin sin sa chéad Chomhthionól Ginearálta eile a bheidh aici a thionólfar an 16 Deireadh Fómhair 2026. Má ghlactar na dréachtrúin ó OIV, beidh éifeachtaí dlíthiúla acu don Aontas de réir bhrí Airteagal 218(9) den Chonradh. |
|
(2) |
Níl an tAontas ina chomhalta de OIV. Mar sin féin, an 20 Deireadh Fómhair 2017 dheonaigh OIV don Aontas an stádas ar leith dá bhforáiltear in Airteagal 4 de Rialacha Nós Imeachta OIV. |
|
(3) |
Tá 20 Ballstát an Aontais ina gcomhaltaí de OIV. Is féidir leis na Ballstáit sin leasuithe ar na dréachtrúin ó OIV a mholadh, agus iarrfar orthu na dréachtrúin ó OIV a ghlacadh ag an gcéad Tionól Ginearálta eile de OIV. |
|
(4) |
De bhun Rialachán (AE) Uimh. 1308/2013 ó Pharlaimint na hEorpa agus ón gComhairle (1) agus Rialachán Tarmligthe (AE) 2019/934 ón gCoimisiún (2), beidh éifeachtaí dlíthiúla le rúin áirithe arna nglacadh agus arna bhfoilsiú ag OIV don Aontas. |
|
(5) |
Foráiltear le hAirteagal 80(3), pointe (a), de Rialachán (AE) Uimh. 1308/2013 go mbeidh ar an gCoimisiún, agus cleachtais fhíoneolaíocha á n-údarú aige, na cleachtais fhíoneolaíocha agus na modhanna anailíse a mhol agus a d’fhoilsigh OIV a thabhairt san áireamh. |
|
(6) |
Foráiltear le hAirteagal 80(5) de Rialachán (AE) Uimh. 1308/2013, agus modhanna anailíse á leagan síos ag an gCoimisiún lena gcinnfear comhdhéanamh tháirgí earnáil an fhíona, go mbunóidh sé na modhanna sin ar aon mhodh ábhartha arna mholadh agus arna fhoilsiú ag OIV mura rud é go mbeidís neamhéifeachtach nó neamhchuí i bhfianaise an chuspóra atá á shaothrú ag an Aontas. |
|
(7) |
Foráiltear le hAirteagal 90(2) de Rialachán (AE) Uimh. 1308/2013 i dtaca le táirgí earnáil an fhíona a allmhairítear isteach san Aontas, go dtáirgfear na táirgí sin i gcomhréir le cleachtais fhíoneolaíocha arna n-údarú ag an Aontas de bhun an Rialacháin sin nó, roimh an údarú sin, i gcomhréir le cleachtais fhíoneolaíocha arna moladh agus arna bhfoilsiú ag OIV. |
|
(8) |
Foráiltear le hAirteagal 9(1) de Rialachán Tarmligthe (AE) 2019/934, i gcás nach leagann an Coimisiún síos sonraíochtaí íonachta agus sainaitheantais na substaintí a úsáidtear i gcleachtais fhíoneolaíocha, gurb iad na sonraíochtaí sin na sonraíochtaí dá dtagraítear i gcolún 4 de Thábla 2 i gCuid A d’Iarscríbhinn I a ghabhann leis an Rialachán sin, a thagraíonn do mholtaí OIV. |
|
(9) |
Le dréachtrúin OENO-MICRO 20-669A agus OENO-MICRO 20-669B, moltar cur i bhfeidhm réimsí leictreacha bíogacha, a cheadaítear le haghaidh fíonchaor faoi láthair, a leathnú chuig úrfhíon agus fíon faoi seach, le haghaidh cobhsú micribhitheolaíoch. Le Dréachtrún OENO-TECHNO 14-540B, bunaítear cleachtais fhíoneolaíocha shonracha le haghaidh fíonta páirt-dhí-alcólaithe. Le Dréachtrúin OENO-TECHNO 23-734 agus OENO-TECHNO 23-735, moltar an chóireáil le coirníní stiréine-dévinilbeinséine asúiteacha le haghaidh úrfhíon geal agus fíon geal faoi seach a leathnú chun comhdhúile polaifeanólacha ocsaídithe agus in-ocsaídithe atá freagrach as donnú a dhíothú. Le Dréachtrún OENO-TECHNO 14-544, moltar polaidémheitilsiolocsán a chur leis le linn choipeadh alcólach an úrfhíona chun foirmiú cúir a chosc. Le Dréachtrún OENO-TECHNO 20-672A, moltar silice mhéiseapóiriúil fheidhmiúil a úsáid in úrfhíon chun próitéiní éagobhsaí a bhaint ar bhealach roghnaitheach. Le Dréachtrún OENO-TECHNO 21-706, tugtar cothrom le dáta cóireáil fíonta ina bhfuil mannapróitéiní giosta trí na cuspóirí le haghaidh fíonta geala agus fíonta rosé agus a dáileog uasta a shainiú. Le Dréachtrún OENO-TECHNO 23-730, méadaítear teorainn inghlactha thiúchan an aigéid shorbaigh i bhfíon ó 200 go 250 mg/L go sonrach le haghaidh Vitis labrusca agus a gcuid hibridí agus le haghaidh tosca cáilíochtúla speisialta nó traidisiúin a bhaineann go sonrach le tíortha áirithe, mar a bhunaítear leis an reachtaíocht náisiúnta. Le Dréachtrún OENO-TECHNO 25-761, tugtar cothrom le dáta comhad 3.4.21 maidir le músclóir coipthe mhalalachtaigh trí chineál an mhúsclóra ceallalóis a shonrú. I gcomhréir le hAirteagal 80(3), pointe (a), de Rialachán (AE) Uimh. 1308/2013 agus le hAirteagal 9(1) de Rialachán Tarmligthe (AE) 2019/934, beidh éifeachtaí dlíthiúla leis na rúin sin, má ghlactar iad. |
|
(10) |
Le Dréachtrún OENO-SPECIF 21-695, cuirtear an monagraf maidir le roisíní crágtha an fheidhmghrúpa imínidé-aicéiteach stiréine-dévinilbeinséine leis an Codex Idirnáisiúnta Fíoneolaíochta; agus le Dréachtrún OENO-SPECIF 23-727, tugtar cothrom le dáta an monagraf maidir le haigéad citreach, go príomha trí idirdhealú a dhéanamh idir an dá fhoirm, mar atá monaihiodráit agus ainhidriúil. I gcomhréir le hAirteagal 9 de Rialachán Tarmligthe (AE) 2019/934, beidh éifeachtaí dlíthiúla leis na rúin sin, má ghlactar é. |
|
(11) |
Le Dréachtrún OENO-SCMA 24-754, moltar modheolaíocht chun an cóimheas iseatópach strointiam (87Sr/86Sr) i bhfíonta a chinneadh a chur leis an gCoimre ar Mhodhanna Idirnáisiúnta Anailíse ar Fhíon agus ar Úrfhíon. I gcomhréir le hAirteagal 80(5) de Rialachán (AE) Uimh. 1308/2013, beidh éifeachtaí dlíthiúla leis an rún sin, má ghlactar é. |
|
(12) |
Le Dréachtrún SECSAN-SECUAL 23-722, tugtar cothrom le dáta aicmiú na dtainniní fíoneolaíocha trí na cásanna inar féidir iad a mheas mar bhreiseán nó mar áis phróiseála a shainiú. I gcomhréir le hAirteagal 80(3), pointe (a) de Rialachán (AE) Uimh. 1308/2013, agus le hAirteagal 9 de Rialachán Tarmligthe (AE) 2019/934, beidh éifeachtaí dlíthiúla leis an rún sin, má ghlactar é. |
|
(13) |
Rinne saineolaithe eolaíocha agus teicniúla earnáil an fhíona plé fairsing ar na dréachtrúin OIV, atá le rannchuidiú le comhchuibhiú idirnáisiúnta na gcaighdeán fíona agus atá le creat a bhunú lena n-áiritheofar iomaíocht chóir i dtrádáil tháirgí earnáil an fhíona. Dá bhrí sin, ba cheart tacú leis na dréachtrúin sin ó OIV. |
|
(14) |
Dréachtrún eile a bhfuil éifeachtaí dlíthiúla aige ar dhlí an Aontais, má ghlactar é, i gcomhréir le hAirteagal 80(3), pointe (a), de Rialachán (AE) Uimh. 1308/2013 atá le cur isteach lena ghlacadh ag an gComhthionól Ginearálta is ea dréachtrún OENO-TECHNO 14-540A. Liostaítear sa rún sin cleachtais fhíoneolaíocha a cheadaítear chun fíon dí-alcólaithe a tháirgeadh. Go sonrach le haghaidh na cóireála ‘6.34 Gliocról a chur leis’, moltar sa dréachtrún nár cheart tiúchan iomlán an ghliocróil san fhíon dí-alcólaithe a bheith níos mó ná 50 g/L. D’fhoilsigh an tÚdarás Eorpach um Shábháilteacht Bia (‘an tÚdarás’) tuairim eolaíoch le déanaí maidir le sábháilteacht an ghéarnochta ar an mbreiseán bia gliocról (E 422) ó dheochanna, lena n-áirítear fíonta dí-alcólaithe. Is é conclúid na tuairime go sáródh tiúchan 50 g/L i bhfíonta dí-alcólaithe an ghéardháileog thagartha sna grúpaí uile sa daonra. Léirítear sa tuairim freisin, le haghaidh grúpaí donra éagsúla, uastiúchainí theoiriciúla an ghliocróil iomláin (E 422) i bhfíon dí-alcólaithe ar tiúchaint iad nach sáraíonn nochtadh orthu an ghéardháileog thagartha, mar aon leis na méideanna comhfhreagracha fíona dhí-alcólaithe a thomhlaítear aon uair amháin. I bhfianaise na dtorthaí sin, agus sula mbunófar aon uasleibhéal gliocróil sa dréachtrún OENO-TECHNO 14-540A, tá gá le measúnú cuimsitheach breise ar bhonn sonraí turgnamhacha, lena gcumhdaítear sainaithint an mhodha anailíse, an gaol le láithreacht tosaigh gliocróil sa táirge, tionchar an phróisis dí-alcólúcháin ar a thiúchan, an t-íosleibhéal gliocróil eisiginiúil i ndáil lena fheidhm theicneolaíoch agus an sainmhíniú ar straitéis iomchuí bainistithe riosca. Dá bhrí sin, níor cheart tacú leis an dréachtrún OENO-TECHNO 14-540A ach amháin má bhaintear an chóireáil shonrach ‘6.34 Gliocról a chur leis’ den rún, ionas go mbeifear in ann an measúnú eolaíoch cuimsitheach thuasluaite a dhéanamh. |
|
(15) |
Chun go mbeidh an tsolúbthacht is gá ann le linn na caibidlíochta roimh Thionól Ginearálta OIV a thionólfar an 16 Deireadh Fómhair 2026, ba cheart údarú a thabhairt do na Ballstáit ar comhaltaí de OIV iad athruithe teicniúla ar na dréachtrúin OIV sin a aontú ar choinníoll nach n-athraítear a substaint leis na hathruithe sin. |
|
(16) |
Is iomchuí an seasamh atá le glacadh thar ceann an Aontais ag cruinnithe OIV i ndáil leis na dréachtrúin ó OIV a bhunú maidir le hábhair atá faoina inniúlacht. Ba cheart do na Ballstáit ar comhaltaí de OIV iad an seasamh sin a chur in iúl ag cruinnithe OIV, ag gníomhú dóibh go comhpháirteach chun leas an Aontais, |
TAR ÉIS AN CINNEADH SEO A GHLACADH:
Airteagal 1
Leagtar amach san Iarscríbhinn a ghabhann leis an gCinneadh seo an seasamh atá le glacadh thar ceann an Aontais ag an 24ú Comhthionól Ginearálta den Eagraíocht Idirnáisiúnta um Fhíniúin agus um Fhíon (OIV).
Airteagal 2
Déanfaidh na Ballstáit den Aontas atá ina gcomhaltaí de OIV, ag gníomhú dóibh go comhpháirteach chun leas an Aontais, an seasamh dá dtagraítear in Airteagal 1 a chur in iúl.
Airteagal 3
1. I gcás inar dóigh go ndéanfar difear, le faisnéis eolaíoch nua nó faisnéis theicniúil nua arna cur i láthair roimh chruinnithe OIV, nó lena linn, don seasamh dá dtagraítear in Airteagal 1, iarrfaidh na Ballstáit ar Comhaltaí de OIV iad go gcuirfear an vótáil i dTionól Ginearálta OIV ar athlá go dtí go leagfar síos seasamh an Aontais ar bhonn na faisnéise eolaíche nó teicniúla nua sin.
2. Tar éis comhordúcháin agus in éagmais cinneadh eile ón gComhairle lena leagtar síos an seasamh atá le glacadh thar ceann an Aontais, féadfaidh na Ballstáit ar Comhaltaí de OIV iad, ag gníomhú dóibh go comhpháirteach chun leas an Aontais, athruithe teicniúla a aontú ar na dréachtrúin ó OIV dá dtagraítear san Iarscríbhinn a ghabhann leis an gCinneadh seo nach n-athraítear substaint na ndréachtrún leo.
Airteagal 4
Tiocfaidh an Cinneadh seo i bhfeidhm ar dháta a ghlactha.
Arna dhéanamh i Lucsamburg, an 13 Deireadh Fómhair 2026.
Thar ceann na Comhairle
An tUachtarán
T. BYRNE
(1) Rialachán (AE) Uimh. 1308/2013 ó Pharlaimint na hEorpa agus ón gComhairle an 17 Nollaig 2013 lena mbunaítear comheagrú na margaí i dtáirgí talmhaíochta agus lena n-aisghairtear Rialacháin (CEE) Uimh. 922/72, (CEE) Uimh. 234/79, (CE) Uimh. 1037/2001, agus (CE) Uimh. 1234/2007 ón gComhairle (IO L 347, 20.12.2013, lch. 671, ELI: http://data.europa.eu/eli/reg/2013/1308/oj).
(2) Rialachán Tarmligthe (AE) 2019/934 ón gCoimisiún an 12 Márta 2019 lena bhforlíontar Rialachán (AE) Uimh. 1308/2013 ó Pharlaimint na hEorpa agus ón gComhairle a mhéid a bhaineann le limistéir fíonsaothrúcháin inar féidir an neart alcóil a mhéadú, cleachtais fhíoneolaíocha údaraithe agus srianta is infheidhme maidir le táirgeadh agus caomhnú táirgí fíniúna, an t-íoschéatadán alcóil i gcás fotháirgí agus a ndiúscairt, agus foilsiú comhad de chuid OIV (IO L 149, 7.6.2019, lch. 1, ELI: http://data.europa.eu/eli/reg_del/2019/934/oj).
IARSCRÍBHINN
Na Ballstáit den Aontas atá ina gcomhaltaí den Eagraíocht Idirnáisiúnta um Fhíniúin agus um Fhíon (OIV), ag gníomhú dóibh go comhpháirteach thar ceann an Aontais, tacóidh siad leis na dréachtrúin seo a leanas ag céim 7 le linn Chomhthionól Ginearálta OIV atá beartaithe don 16 Deireadh Fómhair 2026, agus beidh an tacaíocht sin faoi réir aon athbhreithnithe a dhéanfar amach anseo ar bhonn forbairtí nua:
|
— |
OENO-MICRO 20-669A: Cobhsú micribhitheolaíoch úrfhíona le réimsí leictreacha bíogacha; |
|
— |
OENO-MICRO 20-669B: Cobhsú micribhitheolaíoch fíonta le réimsí leictreacha bíogacha; |
|
— |
OENO-TECHNO 14-540B: Cleachtais fhíoneolaíocha shonracha le haghaidh fíon páirt-dhí-alcólaithe, faoi réir na tuisceana gur cheart an roinn maidir le ‘Milsiú’ agus go háirithe an Sainmhíniú ‘Milseoirí a chur le fíon dí-alcólaithe’ a léirmhíniú mar ní atá teoranta do na táirgí a liostaítear in ‘Oideasú’; |
|
— |
OENO-TECHNO 14-544: Cóireáil le polaidémheitilsiolocsán - cód idirnáisiúnta na gcleachtas fíoneolaíoch a thabhairt cothrom le dáta; |
|
— |
OENO-TECHNO 20-672A: Cóireáil le silice mhéiseapóiriúil fheidhmiúil chun úrfhíonta a chobhsú ó thaobh próitéine de; |
|
— |
OENO-TECHNO 21-706: Comhad 3.3.13 ‘Cóireáil fíonta le mannapróitéiní giosta’ a thabhairt cothrom le dáta; |
|
— |
OENO-TECHNO 23-730: Teorainn aigéid shorbaigh i bhfíon; |
|
— |
OENO-TECHNO 23-734: Cóireáil úrfhíona ghil le coirníní stiréine-dévinilbeinséine asúiteacha chun comhdhúile polaifeanólacha atá freagrach as donnú a dhíothú; |
|
— |
OENO-TECHNO 23-735: Cóireáil fíona ghil le coirníní stiréine-dévinilbeinséine asúiteacha chun comhdhúile polaifeanólacha atá freagrach as donnú a dhíothú; |
|
— |
OENO-TECHNO 25-761: Comhad 3.4.21 ‘Músclóirí coipthe mhalalachtaigh’ a thabhairt cothrom le dáta; |
|
— |
OENO-SPECIF 21-695: Monagraf maidir le roisíní crágtha stiréine-dévinilbeinséine le feidhmghrúpa imínidé-aicéiteach; |
|
— |
OENO-SPECIF 23-727: Monagraf maidir le haigéad citreach a thabhairt cothrom le dáta; |
|
— |
OENO-SCMA 24-754: Modh anailíse chun an cóimheas iseatópach strointiam (87Sr/86Sr) i bhfíonta a chinneadh (Modh de chineál IV); |
|
— |
SECSAN-SECUAL 23-722: Aicmiú tainniní fíoneolaíocha mar bhreiseán nó mar áis phróiseála a thabhairt cothrom le dáta. |
Na Ballstáit den Aontas atá ina gcomhaltaí den Eagraíocht Idirnáisiúnta um Fhíniúin agus um Fhíon (OIV), ag gníomhú dóibh go comhpháirteach thar ceann an Aontais, tacóidh siad leis an dréachtrún seo a leanas ag céim 7 le linn Chomhthionól Ginearálta OIV atá beartaithe don 16 Deireadh Fómhair 2026 má chomhlíontar an coinníoll a chuirtear in iúl, agus sa chás sin amháin, agus beidh an tacaíocht sin faoi réir aon athbhreithniú a dhéanfar amach anseo ar bhonn forbairtí nua:
|
— |
OENO-TECHNO 14-540A: baintear an chóireáil shonrach ‘6.34 Gliocról a chur leis’ de théacs an rúin. |
ELI: http://data.europa.eu/eli/dec/2026/2344/oj
ISSN 1977-0839 (electronic edition)