2007D0361 — MT — 30.05.2007 — 000.001


Dan id-dokument ġie magħmul bil-ħsieb li jintuża bħala għodda ta’ dokumentazzjoni u l-istituzzjonijiet ma jassumu l-ebda responsabbiltà għall-kontenut tiegħu

►B

DEĊIŻJONI TAL-KUMMISSJONI

ta' l-4 ta’ Mejju 2007

dwar id-determinazzjoni ta' stokkijiet żejda ta' prodotti agrikoli barra z-zokkor u l-konsegwenzi finanzjarji ta' l-eliminazzjoni tagħhom fir-rigward ta' l-adeżjoni tar-Repubblika Ċeka, l-Estonja, Ċipru, il-Latvja, il-Litwanja, l-Ungerija, Malta, il-Polonja, is-Slovenja u s-Slovakkja

(notifikata taħt id-dokument numru C(2007) 1979)

(It-testi biċ-Ċek, bil-Grieg, bl-Estonjan, bil-Latvjan, bil-Litwan, bil-Malti, bil-Polakk, bis-Slovakk u bis-Sloven biss huma awtentiċi)

(2007/361/KE)

(ĠU L 138, 30.5.2007, p.14)


Ikkoreġut b'

►C1

Rettifika, ĠU L 032, 6.2.2008, p. 31  (361/07)




▼B

DEĊIŻJONI TAL-KUMMISSJONI

ta' l-4 ta’ Mejju 2007

dwar id-determinazzjoni ta' stokkijiet żejda ta' prodotti agrikoli barra z-zokkor u l-konsegwenzi finanzjarji ta' l-eliminazzjoni tagħhom fir-rigward ta' l-adeżjoni tar-Repubblika Ċeka, l-Estonja, Ċipru, il-Latvja, il-Litwanja, l-Ungerija, Malta, il-Polonja, is-Slovenja u s-Slovakkja

(notifikata taħt id-dokument numru C(2007) 1979)

(It-testi biċ-Ċek, bil-Grieg, bl-Estonjan, bil-Latvjan, bil-Litwan, bil-Malti, bil-Polakk, bis-Slovakk u bis-Sloven biss huma awtentiċi)

(2007/361/KE)



IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat ta' l-Adeżjoni tar-Repubblika Ċeka, l-Estonja, Ċipru, il-Latvja, il-Litwanja, l-Ungerija, Malta, il-Polonja, is-Slovenja u s-Slovakkja,

Wara li kkunsidrat l-Att ta' l-Adeżjoni tar-Repubblika Ċeka, l-Estonja, Ċipru, il-Latvja, il-Litwanja, l-Ungerija, Malta, il-Polonja, is-Slovenja u s-Slovakkja, u b'mod partikolari l-paragrafu 4 tal-Kapitolu 4 ta' l-Anness IV tiegħu,

Billi:

(1)

Il-Paragrafu 2 tal-Kapitolu 4 ta' l-Anness IV ta' l-Att ta' l-Adeżjoni ta' l-2003 jipprovdi li kwalunkwe stokk ta' prodott agrikolu kemm privat kif ukoll pubbliku, li fid-data ta' l-adeżjoni kien f'ċirkulazzjoni ħielsa fit-territorju tar-Repubblika Ċeka, l-Estonja, Ċipru, il-Latvja, il-Litwanja, l-Ungerija, Malta, il-Polonja, is-Slovenja u s-Slovakkja (minn hawn 'il quddiem “l-Istati Membri l-ġodda”), u li taqbeż il-kwantità li tista' tkun ikkunsidrata bħala trasferiment normali ta' stokk trid tiġi eliminata bi spejjeż għall-Istati Membri l-ġodda. Il-kunċett ta' trasferiment normali ta' stokk għandu jiġi definit għal kull prodott fuq bażi tal-kriterji u l-għanijiet speċifiċi għal kull organizzazzjoni tas-suq.

(2)

Kemm il-kriterji kif ukoll l-għanijiet partikolari ta' kull organizzazzjoni tas-suq u r-relazzjoni tal-prezzijiet fl-Istati Membri l-ġodda qabel l-adeżjoni u l-prezzijiet Komunitarji jfissru li t-trasferiment normali ta' stokk għandu jiġi vvalutat fid-dawl ta' fatturi li jvarjaw minn settur għal ieħor.

(3)

Il-bażi li fuqha jsir il-kalkolu tal-livelli ta' stokkijiet żejda għandha tkun is-somma tal-varjazzjoni fil-produzzjoni domestika ma' l-importazzjoni bi tnaqqis ta' l-esportazzjoni fit-tnax-il xahar immedjatament qabel l-adeżjoni, jiġifieri mill-1 ta' Mejju 2003 sat-30 ta' April 2004, imqabbla mas-somma tal-medja tal-varjazzjoni fil-produzzjoni domestika ma' l-importazzjoni bi tnaqqis ta' l-esportazzjoni għat-tliet perjodi ta' tnax-il xahar ta' qabel.

(4)

Il-Kummissjoni stiednet lill-Istati Membri l-ġodda biex jikkumentaw dwar il-metodoloġija ġenerali tal-kalkolu u biex jippreżentaw kwalunkwe argument dwar sitwazzjonijiet speċifiċi li jiġġustifikaw stokkijiet ogħla minn livelli normali. Bħala l-ewwel pass il-Kummissjoni mbagħad ipproċediet biex tivvaluta l-kummenti dwar il-metodoloġija ġenerali u tiffinalizza l-metodoloġija bbażata fuq analiżi ġenerali tas-sitwazzjoni biex toħloq approċċ orizzontali applikabbli għall-Istati Membri l-ġodda kollha. Bħala t-tieni pass, saret evalwazzjoni ta' l-argumenti speċifiċi mressqa mill-Istati Membri l-ġodda. Ir-riżultati ta' l-eżerċizzju orizzontali ġew aġġustati fuq il-bażi tar-riżultat ta' din l-evalwazzjoni.

(5)

Għandu jsir aġġustament fir-riżultati tal-kalkoli biex jikkunsidraw il-fatt li xi kategoriji ta' prodotti, bħal butir u żejt tal-butir, kwalitajiet differenti ta' ross, ħobs, żrieragħ, alkoħol ta' l-inbid, tabakk, u ċereali, jistgħu effettivament jinbidlu wieħed ma' l-ieħor, sabiex żieda fil-livelli ta' stokkijiet ta' ċerti prodotti fi grupp tista' tiġi bbilanċjata bi tnaqqis fil-livelli ta' stokkijiet ta' prodotti oħra fil-grupp.

(6)

L-Istati Membri l-ġodda ssuġġerew li l-produzzjoni u l-kummerċ setgħu kienu suġġetti għal tendenza ta' tkabbir matul il-perjodu kkunsidrat, b'mod partikolari fejn l-iżvilupp ekonomiku ta' l-ekonomiji tagħhom kienu affettwati mill-prospett ta' adeżjoni għall-Unjoni Ewropea. In-nuqqas tal-kunsiderazzjoni ta' din it-tendenza jista' jwassal għal stima għolja wisq tal-livelli ta' stokkijiet żejda. Għalhekk il-kalkolu ġie aġġustat permezz ta' l-introduzzjoni ta' mekkaniżmu li jikkunsidra din it-tendenza kemm fil-produzzjoni kif ukoll fil-kummerċ. ►C1  L-applikazzjoni ta' dan il-mekkaniżmu għandha taġġusta wkoll tendenzi simili fil-konsum intern. ◄

(7)

Il-kalkolu għandu jkun ibbażat fuq id-dejta uffiċjali ta' l-Eurostat ta' kull xahar mibgħuta mill-Istati Membri, fejn hija disponibbli. F'każijiet fejn din id-dejta mhix disponibbli jew mhix kompluta, għandu jiġi applikat metodu ta' l-aħjar stima billi jintużaw għejjun oħra ta' tagħrif disponibbli, stabbiliti b'kuntatt mill-qrib ma' l-Istati Membri l-ġodda.

(8)

L-għejjun oħra ta' tagħrif li ntużaw huma dejta annwali ta' l-Eurostat, dejta mill-karti tal-bilanċi ta' l-Istati Membri l-ġodda għall-prodotti kkonċernati, u dejta mibgħuta uffiċjalment lill-Kummissjoni mill-Istati Membri l-ġodda li hija ċċertifkata mill-awtorità nazzjonali ta' l-istatistika.

(9)

Fuq talba ta' Stati Membri ġodda ġew ikkunsidrati ċerti sitwazzjonijiet speċifiċi għall-pajjiżi , b'mod partikolari ċerti ċirkustanzi speċifiċi li fihom inġemgħu xi stokkijiet.

(10)

Għandu jiġi introdott limitu sabiex ikopri sitwazzjonijiet fejn l-ammonti ta' stokkijiet żejda li jirriżultaw huma relattivament żgħar meta mqabbla ma' l-ammont li jista' jiġi kkunsidrat bħala trasferiment normali ta' stokk. Dan jagħmel tajjeb għall-marġini ta' żbalji tat-tagħrif statistiku miġbur f'ċirkustanzi partikolari tal-perjodu ta' qabel l-adeżjoni u l-kumplessità u l-għan ta' dan l-eżerċizzju. M'għandux ikun hemm ħlas, għalhekk, minn Stat Membru ġdid fuq l-ammont ta' stokk żejjed ta' prodott partikolari, kif ikkalkulat, jekk dan l-ammont ma jkunx aktar minn 10 % ta' dak li jista' jitqies bħala trasferiment normali ta' stokk għal dak il-prodott fl-Istat Membru l-ġdid ikkonċernat.

(11)

Il-metodu l-aktar xieraq għall-kalkolu tal-konsegwenzi finanzjarji ta' l-istokkijiet żejda fid-dawl ta' l-għan tal-paragrafu 2 tal-Kapitolu 4 ta' l-Anness IV ta' l-Att ta' Adeżjoni ta' l-2003 għandu jkun evalwazzjoni ta' l-ispiża tar-rimi tagħhom f'kull settur ikkonċernat. Fil-każijiet fejn kien hemm refużjonijiet fuq l-esportazzjoni għal prodotti fis-sena wara l-adeżjoni, mhux xieraq li l-konsegwenzi finanzjarji jiġu stabbiliti fuq bażi tad-differenza bejn il-livell tal-prezz intern u estern, kif rifless bir-refużjoni medja ta' l-esportazzjoni matul il-perjodu ta' tnax-il xahar immedjatament wara l-adeżjoni.

(12)

Għal prodotti mhux suġġetti ghal refużjonijiet fuq esportazzjoni f'każijiet bħal faqqiegħ ippreservat, tewm, frott magħsur, li għalihom xi Stati Membri stabbilixxew livelli sinifikanti ta' stokkijiet żejda, huwa xieraq li jittieħdu d-differenzi bejn il-prezzijiet medji interni u esterni bħala bażi għal approċċ ekwivalenti. Minħabba n-natura temporanja tal-konsegwenzi finanzjarji ġejjin mill-istipulazzjoni ta' stokkijiet żejda għal prodotti agrikoli differenti f'xi Stati Membri ġodda, l-ammonti li jikkorispondu għandhom jitħallsu mill-Istati Membri kkonċernati lill-baġit Komunitarju. Jeħtieġ li tiġi ffissata d-data ta' meta jridu jitħallsu dawn il-pagamenti.

(13)

Minħabba l-konsegwenzi finanzjarji importanti li jista' jiffaċċja Stat Membru, huwa ġustifikat li l-perjodu għall-ħlas ta' dawn l-ammonti mill-Istati Membri kkonċernati jinfirex fuq erba' snin.

(14)

Billi l-kumitati ta' ġestjoni kkonċernati ma tawx l-opinjonijiet tagħhom fiż-żmien stipulat mill-presidenti tagħhom,

ADOTTAT DIN ID-DEĊIŻJONI:



Artikolu 1

Il-kwantitajiet ta' prodotti agrikoli fiċ-ċirkulazzjoni ħielsa fl-Istati Membri l-ġodda fid-data ta' l-adeżjoni li jeċċedu l-kwantitajiet li jistgħu jkunu kkunsidrati bħala trasferiment normali ta' stokk fl-1 ta' Mejju 2004, u l-ammonti li għandhom jitħallsu mill-Istati Membri l-ġodda bħala konsegwenza ta' l-ispiża ta' l-eliminazzjoni ta' dawk il-kwantitajiet huma stipulati fl-Anness.

Artikolu 2

1.  L-ammonti stipulati fl-Anness għandhom jitqiesu bħala dħul għal baġit Komunitarju.

2.  L-Istati Membri jistgħu jħallsu dawn l-ammonti stipulati fl-Anness lill-baġit Komunitarju f'erba' pagamenti indaqs. L-ewwel pagament irid jitħallas sa l-aħħar jum tat-tieni xahar wara x-xahar li fih din id-Deċiżjoni tiġi nnotifikata lill-Istat Membru l-ġdid ikkonċernat. Pagamenti sussegwenti għandhom jitħallsu sal-31 ta' Mejju 2008, il-31 ta' Mejju 2009 u l-31 ta' Mejju 2010 rispettivament.

Artikolu 3

Din id-Deċiżjoni hija indirizzata lir-Repubblika Ċeka, l-Estonja, Ċipru, il-Latvja, il-Litwanja, Malta, il-Polonja, is-Slovenja u s-Slovakkja.




ANNESS



Kwantitajiet li jaqbżu l-istokkijiet carryover normali u l-ammonti i għandhom jitħallsu mill-Istati Membri l-ġodda

 

Ir-Repubblika Ċeka

L-Estonja

Ċipru

Il-Latvja

Il-Litwanja

Malta

Il-Polonja

Is-Slovenja

Is-Slovakkja

Grupp ta' prodotti

Kwantità f'tunnel-lati

Ammont f'€1 000

Kwantità f'tunnel-lati

Ammont f'€1 000

Kwantità f'tunnel-lati

Ammont f'€1 000

Kwantità f'tunnel-lati

Ammont f'€1 000

Kwantità f'tunnel-lati

Ammont f'€1 000

Kwantità f'tunnel-lati

Ammont f'€1 000

Kwantità f'tunnel-lati

Ammont f'€1 000

Kwantità f'tunnel-lati

Ammont f'€1 000

Kwantità f'tunnel-lati

Ammont f'€1 000

Laħam (1)

13 524

6 221

 
 
 
 
 
 
 
 
 
 

18 758

7 773

 
 
 
 

Ħalib (2)

 
 

4 908

6 538

 
 
 
 

2 804

2 971

521

288

551

752

 
 
 
 

Frott (3)

18 383

4 943

 
 
 
 
 
 

658

180

 
 

3 994

2 228

971

375

6 355

3 049

Ross

21 021

1 123

88

4

2 153

115

 
 

569

30

 
 

22 915

1 224

340

18

10 950

585

Inbid

 
 

572

42

 
 

2 775

203

 
 
 
 

6 435

472

 
 
 
 

Total:

 

12 287

 

6 584

 

115

 

203

 

3 181

 

288

 

12 449

 

393

 

3 634

(1)   4 sottogruppi: Ċanga u vitella, Laħam tal-majjal, Nagħaġ u Mogħoż, Tjur.

(2)   4 sottogruppi: Ġobon, SMP, WMP, Butir u Żejt tal-butir.

(3)   9 sottogruppi: Faqqiegħ, Mandolin, Pineapple, Għasir il-larinġ, Għasir it-tuffieħ, Tadam, Tewm, Għasir l-għeneb.