IARSCRÍBHINN

Teimpléad le haghaidh na tuarascála bliantúla ar fheidhmíocht ó na Ballstáit chuig an gCoimisiún maidir leis an gCiste um Thearmann, Imirce agus Lánpháirtíocht, dá dtagraítear in Airteagal 35 de Rialachán (AE) 2021/1147

AITHEANTAS

CCI
Teideal
Leagan
An bhliain chuntasaíochta
An dáta a d’fhormheas an coiste faireacháin an tuarascáil

1.   Feidhmíocht

1.1.   Dul chun cinn ar an gcur chun feidhme – Airteagal 35(2), pointe (a), de Rialachán (AE) 2021/1147

I gcás gach cuspóra ar leith, tuairisc a thabhairt ar dhul chun cinn maidir le cur chun feidhme an chláir agus maidir le clocha míle agus spriocanna a leagtar amach ann a bhaint amach, agus na sonraí is déanaí don bhliain chuntasaíochta, mar a cheanglaítear faoi Airteagal 42 de Rialachán (AE) 2021/1060 á gcur san áireamh. Is tagairt é sin do na sonraí carnacha a cuireadh ar fáil faoin 31 Iúil den bhliain roimh an mbliain a gcuirtear an tuarascáil isteach.

Laistigh de gach cuspóir sonrach, b’fhearr go mbeadh an fhaisnéis faoin dul chun cinn bunaithe ar na bearta cur chun feidhme, ar ghníomhaíochtaí táscacha agus ar thorthaí inmhianaithe a shainaithnítear sa chlár.

Ina theannta sin, tabhair tuairisc ar aon chéim a glacadh agus ar ghníomhaíochtaí ábhartha a bhaineann le cur chun feidhme na comhpháirtíochta de réir Airteagal 8(2) de Rialachán (AE) 2021/1060.

Cuir téacs isteach anseo. Fad uasta: 7 000 carachtar

1.2.   Saincheisteanna a bhfuil tionchar acu ar fheidhmíocht – Airteagal 35(2), pointe (b), de Rialachán (AE) 2021/1147

I gcás gach sainchuspóra, tabhair tuairisc ar aon saincheist a bhfuil tionchar acu ar fheidhmíocht an chláir le linn na bliana cuntasaíochta agus ar aon ghníomh a rinneadh chun aghaidh a thabhairt orthu.

Nuair is féidir agus nuair is ábhartha, moltar duit idirdhealú a dhéanamh idir saincheisteanna a bhaineann le:

—	tearcthuairisciú ar éachtaí (1);

—	socrú spriocanna (2);

—	moilleanna nós imeachta agus acmhainn riaracháin (3);

—	athruithe comhthéacsúla (4);

—	dearadh agus/nó cur chun feidhme na n-oibríochtaí (5);

—	aon ábhar eile.

Tabhair tuairisc ar aon athrú ar straitéis nó ar chuspóirí náisiúnta, nó ar aon fhachtóir a bhféadfadh athruithe a bheith mar thoradh orthu sa todhchaí, chomh maith leis na modhnuithe ar na spriocanna a mheastar de réir na modheolaíochta chun an creat feidhmíochta a bhunú, modhnuithe atá ann de bharr na n-athruithe sin.

Cuir san áireamh faisnéis maidir le haon tuairim réasúnaithe a thabharfaidh an Coimisiún maidir le himeachtaí um shárú faoi Airteagal 258 den Chonradh ar Fheidhmiú an Aontais Eorpaigh (CFAE), agus atá nasctha le cur chun feidhme an chiste.

Cuir téacs isteach anseo. Fad uasta: 7 000 carachtar

1.3.   Bearta maolaithe sonracha

Más ábhartha, tabhair tuairisc go hachomair ar an gcaoi ar chuidigh gníomhaíochtaí an chláir le maolú a dhéanamh ar éifeachtaí aon athrú tobann ar an mbrú imirce a eascraíonn as aon mheathlú gan choinne ar an staid shocheacnamaíoch nó ar an staid pholaitiúil i dtríú tíortha ábhartha. Nuair is féidir, déan tagairt do mhéid na n-acmhainní a ath-imscartar chun na críche sin, agus do na haschuir agus na torthaí gaolmhara a baineadh amach.

Tabhair aird ar leith ar ghníomhaíochtaí arna ndéanamh chun na héifeachtaí den athrú tobann den sórt sin a mhaolú agus a bhféadfaí nach mbeadh a ngnóthachtáil gafa go hiomlán ag na comhtháscairí aschuir agus toraidh.

Cuir téacs isteach anseo. Fad uasta: 4 000 carachtar

1.4.   Tacaíochta oibriúcháin, 21(3) de Rialachán (AE) 2021/1147

Má úsáideadh tacaíocht oibriúcháin le linn na bliana cuntasaíochta, tabhair tuairisc ar an gcaoi ar chuidigh sé le cuspóirí an chiste a bhaint amach (6).

Má bhíonn costas iomlán carnach incháilithe na tacaíochta oibriúcháin le haghaidh na n-oibríochtaí a roghnaíodh le haghaidh tacaíochta níos mó ná 15 % de leithdháileadh iomlán an chláir ag deireadh na bliana cuntasaíochta, mínigh na cúiseanna. Ina theannta sin, má tá riosca ann go sárófar an tairseach faoi dheireadh na clárthréimhse, tabhair tuairisc ar na bearta atá beartaithe chun é a mhaolú.

Cuir téacs isteach anseo. Fad uasta: 4 000 carachtar

1.5.   Gníomhartha sonracha (7)

Tabhair tuairisc ar phríomhéachtaí aon ghníomh sonrach a rinneadh le linn na bliana cuntasaíochta, agus ar an gcaoi a rannchuidigh siad le cuspóirí an chláir a bhaint amach agus le breisluach an Aontais a ghiniúint (8).

Tabhair tuairisc ar an gcaoi ar tháinig na gníomhartha aonair chun cinn, ó thaobh nósanna imeachta de (9) agus go hoibríochtúil (10) agus tarraing aird ar aon saincheist a dhéanann difear dá bhfeidhmíocht, go háirithe aon riosca tearc-chaiteachais.

Más ábhartha, déan an t-eolas seo a bhriseadh síos go leibhéal an tionscadail. Má táthar ag súil le haon imeacht ón bpleanáil bhunaidh, mínigh na cúiseanna atá leis sin, tabhair tuairisc ar aon ghníomh maolaithe a rinneadh, agus tabhair an t-amchlár athbhreithnithe.

Cuir téacs isteach anseo. Fad uasta: 5 000 carachtar

Cuir isteach sa Tábla thíos sonraí na ngníomhartha sonracha náisiúnta go léir a cuireadh chun feidhme sa chlár. Ba cheart go mbeadh an tuairisciú ar ghníomhartha sonracha trasnáisiúnta comhsheasmhach leis an rogha tuairiscithe arna roghnú (11).

Cuspóir Sonrach	Ainm/uimhir thagartha an ghnímh	Tairbhí	Tréimhse Chur chun Feidhme	Costais incháilithe (12)	Caiteachas incháilithe (13)	Dul chun cinn maidir leis na táscairí coiteanna agus/nó táscairí clár-shonracha ábhartha (14)
						Aschur	Toradh

1.6.   Athlonnú agus athshuíomh – Airteagal 35(2), pointí (g) agus (h), de Rialachán (AE) 2021/1147

Tuairisc ar na figiúirí comhdhlúite don bhliain chuntasaíochta sa tábla thíos.

Líon na ndaoine a ligeadh isteach ar fhoras athlonnaithe
Líon na ndaoine a ligtear isteach ar fhoras daonnúil i gcomhréir le hAirteagal 19(2) de Rialachán (AE) 2021/1147
Líon na ndaoine leochaileacha a ligtear isteach ar fhoras daonnúil i gcomhréir le hAirteagal 19(3) de Rialachán (AE) 2021/1147
Líon na n-iarratasóirí nó na dtairbhithe ar chosaint idirnáisiúnta a aistríodh isteach
Líon na n-iarratasóirí nó na dtairbhithe ar chosaint idirnáisiúnta a aistríodh amach

Más ábhartha, tabhair tuairisc ar aon cheartú nó athrú a rinneadh ar na luachanna a sheoltar go débhliantúil tríd an modúl tarchurtha sonraí sa Chóras um Bainistiú Cistí san Aontas Eorpach (SFC), agus a léirítear sa tábla thuas sna figiúirí comhdhlúite don bhliain chuntasaíochta.

Cuir téacs isteach anseo. Fad uasta: 2 500 carachtar

1.7.   In 2024 amháin: Leanúint na dtionscadal – Airteagal 39(4), pointe (e), de Rialachán (AE) 2021/1147

Tuairiscigh ar aon tionscadail ar leanadh ar aghaidh tar éis an 1 Eanáir 2021 a roghnaíodh agus ar cuireadh tús leo faoi Rialachán (AE) Uimh. 516/2014 ó Pharlaimint na hEorpa agus ón gComhairle (15), i gcomhréir le Rialachán (AE) Uimh. 514/2014 ó Pharlaimint na hEorpa agus ón gComhairle (16).

Cuir téacs isteach anseo. Fad uasta: 4 000 carachtar

2.   Comhlántacht – Airteagal 35(2), pointe (c), de Rialachán (AE) 2021/1147

Tabhair tuairisc ar an gcomhlántacht agus, más ábhartha, ar na sineirgí a baineadh amach i rith na bliana cuntasaíochta idir na gníomhartha a fhaigheann tacaíocht ón gciste agus an tacaíocht arna soláthar ag cistí eile de chuid an Aontais, go háirithe ionstraimí maoinithe seachtracha (17), Ciste Sóisialta na hEorpa + (CSE+) nó a réamhtheachtaithe, Ciste Forbraíochta Réigiúnaí na hEorpa (CFRE) – bíodh sé faoi spriocanna na hInfheistíochta le haghaidh Post agus Fáis nó an Chomhair Chríocha Eorpaigh –, an Ciste Slándála Inmheánaí (ISF) agus an Ionstraim um Bainistiú Teorann agus Víosaí (BMVI) (18).

Tabhair aird ar leith ar:

—	comhlántacht le hionstraimí maoinithe sheachtraigh an Aontais maidir le gníomhartha a dhéantar i dtríú tíortha nó i ndáil le tríú tíortha, lena leagtar béim ar na gnéithe atá comhsheasmhach le prionsabail agus le cuspóirí ginearálta bheartas seachtrach an Aontais; agus

—	sásraí cumasúcháin a úsáid, amhail socruithe eagraíochtúla agus nós imeachta atá ann cheana a chuidíonn le sineirgí agus comhlántachtaí a bhaint amach, agus aon ghníomh ar cuireadh chun feidhme chun iad a fheabhsú sa bhliain chuntasaíochta.

Más ábhartha, tabhair tuairisc ar chomhlántacht na ngníomhartha ar cuireadh i gcrích ó thaobh comhar idirghníomhaireachta freisin (19).

Cuir téacs isteach anseo. Fad uasta: 6 000 carachtar

3.   Cur chun feidhme acquis, comhar agus dlúthpháirtíocht an Aontais – Airteagal 35(2), pointe (d), de Rialachán (AE) 2021/1147

Tabhair tuairisc go hachomair ar an gcaoi, le linn na bliana cuntasaíochta, ar chuidigh an clár le cur chun feidhme acquis an Aontais (comhlacht dhlí an Aontais) maidir le tearmann, imirce dhleathach, lánpháirtiú, filleadh agus imirce neamhrialta agus pleananna gníomhaíochta ábhartha, agus maidir le comhar agus dlúthpháirtíocht idir na Ballstáit.

Cuir téacs isteach anseo. Fad uasta: 4 000 carachtar

4.   Cumarsáid agus Infheictheacht – Airteagal 35(2), pointe (e), de Rialachán (AE) 2021/1147

Tabhair tuairisc ar an gcaoi ar cuireadh gníomhaíochtaí cumarsáide agus infheictheachta i gcrích le linn na bliana cuntasaíochta. Déan tagairt go háirithe d’aon dul chun cinn atá déanta ar na cuspóirí atá leagtha amach sa straitéis chumarsáide, arna dtomhas ag na táscairí ábhartha agus ag a gcuid spriocanna. Más ábhartha, tabhair tuairisc ar aon dea-chleachtas maidir le dul i dteagmháil leis na spriocghrúpaí agus/nó torthaí na dtionscadal a scaipeadh agus leas a bhaint astu.

Cuir téacs isteach anseo. Fad uasta: 4 000 carachtar

Cuir nasc chuig an tairseach suímh ghréasáin dá dtagraítear in Airteagal 46, pointe (b), de Rialachán (AE) 2021/1060 ar fáil, agus, más éagsúil, chuig an suíomh gréasáin dá dtagraítear in Airteagal 49(1) den Rialachán sin.

5.   Coinníollacha cumasúcháin agus prionsabail chothrománacha

5.1.   Coinníollacha Cumasúcháin – Airteagal 35(2), pointe (f), de Rialachán (AE) 2021/1147

Tabhair tuairisc ar an gcaoi ar áirithíodh gur comhlíonadh na coinníollacha cumasúcháin is infheidhme in Iarscríbhinn III de Rialachán (AE) 2021/1060 agus gur cuireadh i bhfeidhm iad le linn na bliana cuntasaíochta, go háirithe maidir le Cairt um Chearta Bunúsacha an Aontais Eorpaigh a chomhlíonadh. Más ábhartha, tabhair tuairisc ar aon athrú a raibh tionchar aige ar an gcaoi ar comhlíonadh na coinníollacha cumasúcháin, dá bhforáiltear in Airteagal 15(6) de Rialachán (AE) 2021/1060.

Cuir téacs isteach anseo. Fad uasta: 5 000 carachtar

5.2.   Comhlíonadh leis na prionsabail chothrománacha – Airteagal 9 de Rialachán (AE) 2021/1060

Tabhair tuairisc ar an gcaoi ar cinntíodh le linn na bliana cuntasaíochta gur comhlíonadh na prionsabail chothrománacha atá leagtha síos sa Rialachán maidir le Soláthar Coiteann, go háirithe comhionannas idir fir agus mná agus príomhshruthú inscne a chur chun cinn, chomh maith le hidirdhealú a sheachaint, bunaithe ar inscne, ar bhunadh ciníoch nó eitneach, reiligiún nó creideamh, míchumas, aois nó claonadh gnéasach.

Cuir téacs isteach anseo. Fad uasta: 5 000 carachtar

6.   Tionscadail i dtríú tíortha nó i ndáil leo - Airteagal 35(2), pointe (i), de Rialachán (AE) 2021/1147

Tabhair tuairisc ar aon ghníomh a bheidh ar siúl i dtríú tíortha nó i ndáil leo le linn na bliana cuntasaíochta agus conas a thugann siad sin breisluach don Aontas maidir leis na cuspóirí atá leagtha síos ag an gciste a bhaint amach. Sonraigh ainmneacha na dtríú tíortha lena mbaineann. Tabhair tuairisc ina soiléirítear nach bhfuil na gníomhartha a fhaigheann tacaíocht ón gciste dírithe ar fhorbairt, go bhfreastalaíonn siad ar leas bheartais inmheánacha an Aontais agus go bhfuil siad comhsheasmhach le gníomhaíochtaí a dhéantar laistigh den Aontas. Más ábhartha, déan tagairt do na comhairliúcháin leis an gCoimisiún sular formheasadh an tionscadal (Airteagal 16(11) de Rialachán (AE) 2021/1147).

Cuir téacs isteach anseo. Fad uasta: 6 000 carachtar

7.   Achoimre – Airteagal 35(2) de rialachán (AE) 2021/1147

Tabhair achoimre ar an Ailt 1 go 6, a aistreofar agus a chuirfear ar fáil don phobal.

Ar a laghad, cumhdófar san achoimre na pointí go léir atá liostaithe in Airteagal 35(2), agus b’fhearr go mbeadh sé struchtúrtha timpeall orthu.

Spreagtar úsáid a bhaint as pointí urchair, téacs trom nó ceannteidil faisnéiseach, ionas gur féidir le geallsealbhóirí leasmhara príomh-éachtaí an chláir agus na príomhcheisteanna a mbíonn tionchar acu ar a fheidhmíocht, a shainaithint go héasca.

Cuir téacs isteach anseo. Fad uasta: 7 500 carachtar

---

(1)  Tagraíonn sé seo don chás ina bhfuil bearna idir an spriocráta gnóthachtála ainmniúil arna thomhas ag na táscairí agus an dul chun cinn iarbhír maidir leis an gcur chun feidhme. Mar shampla, d’fhéadfadh tearcthuairisciú a dhéanamh ar aschuir agus ar thorthaí mar gheall ar shaincheisteanna le forbairt an chórais TF, oibríochtaí leanúnacha nach bhfuil aschur agus torthaí tuairiscithe fós ina leith, saincheisteanna le bailiú sonraí as a dtagann tuairisciú mall nó neamhiomlán, srl.

(2)  Tagraíonn sé seo do chás nach bhfuil an ráta gnóthachtála sprice ísle de bharr dul chun cinn mall ach go bhfuil sé ann de bharr socrú sprice mícheart nó neamhréadúil. D’fhéadfadh go n-áireofaí leis ceachtanna a foghlaimíodh maidir le modheolaíocht a bhunú chun spriocanna a shocrú – amhail toimhdí míchearta nó neamhiomlána nó saincheisteanna leis na luachanna tagarmharcála a roghnaíodh – agus aon athrú atá beartaithe uirthi.

(3)  Mar shampla, saincheisteanna a bhaineann le nósanna imeachta tairisceana, saincheisteanna le nósanna imeachta iniúchta, saincheisteanna a bhaineann le heaspa acmhainní ar leibhéal an údaráis bhainistíochta, moill gan choinne maidir le glacadh an chláir, srl.

(4)  D’fhéadfadh go n-áireofaí leis seo, mar shampla, tosca socheacnamaíocha nó polaitiúla, athruithe ar an gcomhthéacs rialála, srl.

(5)  Mar shampla, saincheisteanna a bhaineann le raon feidhme na gníomhaíochta (e.g. critéir incháilitheachta), ús íseal ó thairbhithe nó ó rannpháirtithe, aon imeacht i gcur chun feidhme na gníomhaíochta, srl.

(6)  Más ábhartha chun na críche sin, déan tagairt don fhaisnéis atá faoi raon feidhme Rialachán (AE) 2021/1147 agus atá ar fáil mar thoradh ar mheastóireachtaí Schengen, arna déanamh i gcomhréir le Rialachán (AE) Uimh. 1053/2013 ón gComhairle an 7 Deireadh Fómhair 2013 lena mbunaítear sásra meastóireachta agus faireacháin chun cur i bhfeidhm acquis Schengen a fhíorú agus lena n-aisghairtear Cinneadh an Choiste Feidhmiúcháin an 16 Meán Fómhair 1998 lena mbunaítear Buanchoiste um mheastóireacht agus cur chun feidhme Schengen (IO L 295, 6.11.2013, lch. 27), agus Rialachán (AE) 2022/922 ón gComhairle an 9 Meitheamh 2022 maidir le sásra meastóireachta agus faireacháin a bhunú chun cur i bhfeidhm acquis Schengen a fhíorú, agus lena n-aisghairtear Rialachán (AE) Uimh. 1053/2013 (IO L 160, 15.6.2022, lch. 1).

(7)  I gcás gníomhartha sonracha de chineál trasnáisiúnta, braitheann raon feidhme na roinne ar dháileadh na ról agus na bhfreagrachtaí idir na Ballstáit ceannais agus na Ballstáit rannpháirteacha eile, chomh maith le rogha an mhodha tuairiscithe a úsáidtear. Tugtar tuairisc air seo i nóta ón gCoimisiún an 14 Feabhra 2022 - Gníomhartha sonracha trasnáisiúnta faoin gCiste um Thearmann, Imirce agus Lánpháirtíocht (AMIF), an Ionstraim le haghaidh Tacaíocht Airgeadais don Bhainistiú Teorainneacha agus don Bheartas Víosaí (BMVI), agus an Ciste Slándála Inmheánaí (ISF). – Socruithe idir comhpháirtithe (Ares (2022)1060102).

(8)  Sainmhínítear breisluach an Aontais mar thorthaí a ghiniúint thar an méid a bheadh bainte amach ag Ballstáit ag gníomhú dóibh féin.

(9)  Mar shampla, maidir le gníomhaíochtaí soláthair nó le haon bheart ullmhúcháin eile a glacadh.

(10)  Mar shampla, i dtéarmaí táirgí insoláthartha, aschuir, torthaí srl.

(11)  Mar atá leagtha amach i nóta ón gCoimisiún an 14 Feabhra 2022 (Ares (2022)1060102).

(12)  Costas incháilithe iomlán na n-oibríochtaí roghnaithe, arna thuairisciú don Choimisiún faoin 31 Iúil den bhliain chuntasaíochta dheireanach.

(13)  Méid iomlán an chaiteachais incháilithe arna dhearbhú ag na tairbhithe don údarás bainistíochta, faoin 31 Iúil den bhliain chuntasaíochta dheireanach.

(14)  Más ionann gníomhaíochtaí sonracha agus breisiú ar oibríochtaí roimhe seo agus nach bhfuil aon socrú tiomanta faireacháin ann, tuairiscigh an t-aschur agus na torthaí pro-rata.

(15)  Rialachán (AE) Uimh. 516/2014 ó Pharlaimint na hEorpa agus ón gComhairle an 16 Aibreán 2014 lena mbunaítear an Ciste um Thearmann, Imirce agus Lánpháirtíocht, lena leasaítear Cinneadh 2008/381/CE ón gComhairle agus lena n-aisghairtear Cinneadh Uimh. 573/2007/CE agus Cinneadh Uimh. 575/2007/CE ó Pharlaimint na hEorpa agus ón gComhairle agus Cinneadh 2007/435/CE ón gComhairle (IO L 150, 20.5.2014, lch. 168).

(16)  Rialachán (AE) Uimh. 514/2014 ó Pharlaimint na hEorpa agus ón gComhairle an 16 Aibreán 2014 lena leagtar síos na forálacha ginearálta maidir leis an gCiste um Thearmann, Imirce agus Lánpháirtíocht agus maidir leis an ionstraim le haghaidh tacaíocht airgeadais do chomhar póilíneachta, don choireacht a chosc agus a chomhrac, agus do bhainistíocht ghéarchéime (IO L 150, 20.5.2014, lch. 112).

(17)  Go háirithe, e.g. an Ionstraim um Chomharsanacht, Forbairt agus Comhar Idirnáisiúnta (NDICI) – An Eoraip Dhomhanda agus an Ionstraim um Chúnamh Réamhaontachais (IPA).

(18)  D’fhéadfadh comhlántacht le haon chistí ábhartha eile de chuid an Aontais (e.g. an tSaoráid Téarnaimh agus Athléimneachta, Erasmus+, Eoraip na Cruthaitheachta, an Ciste Comhtháthaithe, an Ciste um Aistriú Cóir, srl.) a bheith ábhartha freisin.

(19)  Ar nós comhar ar leibhéal an Aontais idir na Ballstáit, agus idir na Ballstáit agus comhlachtaí, oifigí agus gníomhaireachtaí ábhartha de chuid an Aontais, chomh maith le comhar ar an leibhéal náisiúnta i measc na n-údarás inniúil laistigh de gach Ballstát.