|
14.11.2022 |
GA |
Iris Oifigiúil an Aontais Eorpaigh |
L 293/48 |
CINNEADH (CBES) 2022/2205 ÓN gCOISTE POLAITIÚIL AGUS SLÁNDÁLA
an 9 Samhain 2022
maidir le Ceannasaí Fórsa an Aontais Eorpaigh a cheapadh le haghaidh oibríocht mhíleata an Aontais Eorpaigh chun cuidiú le bac agus cosc a chur le gníomhartha píoráideachta agus le robáil armtha amach ó chósta na Somáile agus iad a chur faoi chois (Atalanta) agus lena n-aisghairtear Cinneadh (CBES) 2022/1224 (ATALANTA/6/2022)
TÁ AN COISTE POLAITIÚIL AGUS SLÁNDÁLA,
Ag féachaint don Chonradh ar an Aontas Eorpach, agus go háirithe Airteagal 38 de,
Ag féachaint do Ghníomhaíocht Chomhpháirteach 2008/851/CBES ón gComhairle an 10 Samhain 2008 maidir le hoibríocht mhíleata an Aontais Eorpaigh chun cuidiú le bac agus cosc a chur le gníomhartha píoráideachta agus le robáil armtha amach ó chósta na Somáile (1), agus iad a chur faoi chois, agus go háirithe Airteagal 6(1) di,
De bharr an mhéid seo a leanas:
|
(1) |
Faoi Airteagal 6(1) de Ghníomhaíocht Chomhpháirteach 2008/851/CBES, thug an Chomhairle údarú don Choiste Polaitiúil agus Slándála na cinntí ábhartha a dhéanamh maidir le Ceannasaí Fórsa an Aontais Eorpaigh a cheapadh le haghaidh oibríocht mhíleata an Aontais Eorpaigh chun cuidiú le bac agus cosc a chur le gníomhartha píoráideachta agus le robáil armtha amach ó chósta na Somáile agus iad a chur faoi chois (Atalanta) (“Ceannasaí Fórsa an Aontais Eorpaigh”). |
|
(2) |
An 13 Iúil 2022, ghlac an Coiste Polaitiúil agus Slándála Cinneadh (CBES) 2022/1224 (2), lena gceaptar an Seachaimiréal Rui Miguel Marcelo CORREIA ina Cheannasaí Fórsa an Aontais Eorpaigh. |
|
(3) |
An 16 Meán Fómhair 2022, mhol Ceannasaí Oibríochtúil an Aontais Eorpaigh go ndéanfaí an Captaen (Cabhlach) Nuno Filipe Cortes LOPES a cheapadh ina Cheannasaí Fórsa an Aontais Eorpaigh nua amhail ón 2 Nollaig 2022. Chuir údaráis na Portaingéile in iúl go dtabharfar ardú céime don Chaptaen (Cabhlach) Nuno Filipe Cortes LOPES agus go ndéanfar Ceannasóir de sula gceapfar é ina Cheannasaí Fórsa an Aontais Eorpaigh. |
|
(4) |
An 22 Meán Fómhair 2022, chomhaontaigh Coiste Míleata an Aontais leis an moladh sin. |
|
(5) |
Ba cheart, dá bhrí sin, Cinneadh (CBES) 2022/1224 a aisghairm, |
TAR ÉIS AN CINNEADH SEO A GHLACADH:
Airteagal 1
Leis seo, ceaptar an Ceannasóir Nuno Filipe Cortes LOPES mar Cheannasaí Fórsa an Aontas Eorpaigh le haghaidh oibríocht mhíleata an Aontais Eorpaigh chun cuidiú le bac agus cosc a chur le gníomhartha píoráideachta agus le robáil armtha amach ó chósta na Somáile agus iad a chur faoi chois (Atalanta) ón 2 Nollaig 2022.
Airteagal 2
Leis seo, déantar Cinneadh (CBES) 2022/1224 a aisghairm.
Airteagal 3
Tiocfaidh an Cinneadh seo i bhfeidhm an 2 Nollaig 2022.
Arna dhéanamh sa Bhruiséil, an 9 Samhain 2022.
Thar ceann an Choiste Pholaitiúil agus Slándála
D. PRONK
An Cathaoirleach
(1) IO L 301, 12.11.2008, lch. 33.
(2) Cinneadh (CBES) 2022/1224 ón gCoiste polaitiúil agus slándála an 13 Iúil 2022 maidir le ceapachán Cheannasaí Fórsa an Aontais Eorpaigh d’oibríocht mhíleata an Aontais Eorpaigh chun cuidiú le bac agus cosc a chur le gníomhartha píoráideachta agus le robáil armtha amach ó chósta na Somáile agus iad a chur faoi chois (Atalanta), agus lena n-aisghairtear Cinneadh (CBES) 2022/1179 (ATALANTA/5/2022), (IO L 188, 15.7.2022, lch. 150).