IL-KUMMISSJONI EWROPEA
Brussell, 18.12.2020
COM(2020) 848 final
KOMUNIKAZZJONI TAL-KUMMISSJONI LILL-PARLAMENT EWROPEW U LILL-KUNSILL
L-aġġustament tekniku tal-qafas finanzjarju għall-2021 f’konformità mal-Artikolu 4 tar-Regolament tal-Kunsill (UE, Euratom) 2020/2093 li jistabbilixxi l-qafas finanzjarju pluriennali għas-snin mill-2021 sal-2027
1.Introduzzjoni
Ir-Regolament tal-Kunsill (UE, Euratom) 2020/2093 li jistabbilixxi l-qafas finanzjarju pluriennali għas-snin mill-2021 sal-2027 1 (ir-Regolament QFP) jinkludi t-tabella tal-qafas finanzjarju għall-EU-27 għall-perjodu 2021-2027, espress fi prezzijiet tal-2018 (it-Tabella 1).
L-għan ta’ din il-komunikazzjoni huwa li r-riżultat tal-aġġustament tekniku għall-2021 jingħata lill-awtorità baġitarja f’konformità mal-Artikolu 4 tar-Regolament QFP. B’mod partikolari, l-aġġustament tekniku jistabbilixxi l-limiti massimi tan-nefqa bil-prezzijiet attwali bbażati fuq id-deflatur fiss ta’ 2 % kif previst fl-Artikolu 4(2) tar-Regolament QFP.
Abbażi tal-aħħar previżjonijiet ekonomiċi 2 , il-komunikazzjoni tipprovdi wkoll il-kalkolu tal-marġni taħt il-limitu massimu tar-riżorsi proprji stabbilit skont id-Deċiżjoni tal-Kunsill dwar is-sistema tar-riżorsi proprji tal-Unjoni Ewropea adottata skont l-Artikolu 311(3) TFUE, li hija attwalment fis-seħħ 3 .
Il-Komunikazzjoni tippreżenta wkoll il-kalkolu tal-ammonti disponibbli skont l-Istrument ta’ Marġni Uniku skont l-Artikolu 11 tar-Regolament QFP. Mis-sena 2022, il-Kummissjoni se tikkalkula wkoll, kif previst fl-Artikolu 5 tar-Regolament QFP, l-aġġustamenti speċifiċi għall-programmmi elenkati fl-Anness II tar-Regolament QFP u se tinkludihom fil-komunikazzjoni dwar l-aġġustament tekniku.
Skont l-Artikolu 4(1) tar-Regolament QFP, il-Kummissjoni se tagħmel l-aġġustament tekniku fil-qafas finanzjarju u kull sena se tikkomunika r-riżultati lill-awtorità baġitarja, qabel il-proċedura baġitarja għas-sena n+1. Minħabba li l-aġġustament tekniku għas-sena 2021 huwa bbażat fuq id-dispożizzjonijiet tar-Regolament QFP li ma kienx ġie adottat qabel il-bidu tal-proċedura baġitarja għas-sena 2021, dan l-aġġustament, b’mod eċċezzjonali, ma sarx qabel il-proċedura baġitarja. Madankollu, l-baġit għall-2021 jenħtieġ li jkun skont il-limiti massimi u l-ammonti li jirriżultaw minn dan l-aġġustament tekniku.
Skont l-Artikolu 4(4) tar-Regolament tal-QFP ma jsir l-ebda aġġustament tekniku ulterjuri fir-rigward tas-sena inkwistjoni, la matul is-sena u lanqas bħala korrezzjonijiet ex post matul is-snin ta’ wara.
2.It-termini tal-aġġustament tat-tabella tal-Qafas Finanzjarju Pluriennali (l-Anness - it-tabelli 1-2)
It-Tabella 1 fl-Anness turi l-qafas finanzjarju pluriennali għall-EU-27 fi prezzijiet tal-2018 tar-Regolament QFP aġġustati skont l-Artikolu 2(1).
It-Tabella 2 turi l-qafas finanzjarju pluriennali għall-EU-27 aġġustat fi prezzijiet attwali.
Il-qafas finanzjarju espress bħala perċentwal tal-introjtu nazzjonali gross (ING) tal-Unjoni huwa aġġornat bl-aħħar previżjonijiet ekonomiċi disponibbli mill-Kummissjoni Ewropea (il-Ħarifa 2020). Skont din il-previżjoni, l-ING għall-2021 huwa stabbilit għal EUR 13 896 720 miljun fi prezzijiet attwali għall-EU-27.
2.1.Ir-riżultati ewlenin tal-aġġustament tekniku tal-Qafas Finanzjarju Pluriennali għall-2021
Il-limitu massimu globali tal-QFP għall-approprjazzjonijiet ta’ impenn għall-2021 huwa ta’EUR 163 483 miljun fi prezzijiet kurrenti, li huwa ekwivalenti għal 1,18 % tal-ING. Il-limitu massimu kumplessiv tal-QFP għall-approprjazzjonijiet ta’ pagament jikkorrispondi għal EUR 166 140 miljun fi prezzijiet attwali, ekwivalenti għal 1,20 % tal-ING.
Bl-applikazzjoni tad-Deċiżjoni tal-Kunsill għas-sistema ta’ riżorsi proprji attwalment fis-seħħ, dan iħalli marġni taħt il-limitu massimu tar-riżorsi proprji għall-approprjazzjonijiet ta’ pagament ta’ EUR 621 miljun. Madankollu, bl-applikazzjoni tad-Deċiżjoni tal-Kunsill tal-14 ta’ Diċembru 2020, 2020/2053/UE, Euratom fuq is-sistema tar-riżorsi proprji, il-limitu massimu tar-riżorsi proprji għall-approprjazzjonijiet ta’ pagament huwa stabbilit għal 1,40 % tal-ING, li huwa ekwivalenti għal EUR 194 554 miljun fl-2021. Dan jirriżulta f’marġni bejn il-limitu massimu tal-QFP għall-approprjazzjonijiet ta’ pagament u l-limitu massimu tar-riżorsi proprji għall-approprjazzjonijiet ta’ pagament ta’ EUR 28 414 miljun, jew 0,20 % tal-ING. Ladarba d-Deċiżjoni tal-Kunsill 2020/2053/EU, Euratom tidħol fis-seħħ, din se tapplika b’mod retroattiv mill-1 ta’ Jannar 2021.
It-tabella ta’ hawn taħt tipprovdi informazzjoni għall-perjodu 2021-2027 dwar il-marġni f’perċentwal tal-ING bejn il-limitu massimu tal-QFP għall-approprjazzjonijiet ta’ pagament u l-limitu massimu tar-riżorsi proprji għall-approprjazzjonijiet ta’ pagament ta’ 1,20 % tal-ING attwalment fis-seħħ. Għal finijiet ta’ informazzjoni, it-tabella tipprovdi wkoll il-marġni abbażi tal-limitu massimu propost tar-riżorsi proprji ġodda ta’ 1,40 % tal-ING.
|
F’% tal-ING tal-EU27 |
2021 |
2022 |
2023 |
2024 |
2025 |
2026 |
2027 |
2021-2027 |
|
Il-limitu massimu tal-QFP għall-approprjazzjonijiet ta’ pagament |
1,20 % |
1,15 % |
1,10 % |
1,09 % |
1,07 % |
1,06 % |
1,06 % |
1,10 % |
|
Il-marġni taħt il-limitu massimu tar-riżorsi proprji fl-applikazzjoni tad-Deċiżjoni tal-Kunsill 2014/335/UE, Euratom |
0,00 % |
0,05 % |
0,10 % |
0,11 % |
0,13 % |
0,14 % |
0,14 % |
0,10 % |
|
Il-marġni taħt il-limitu massimu tar-riżorsi proprji fl-applikazzjoni tad-Deċiżjoni tal-Kunsill 2020/2053/UE, Euratom |
0,20 % |
0,25 % |
0,30 % |
0,31 % |
0,33 % |
0,34 % |
0,34 % |
0,30 % |
2.2.Aġġustament tas-sottolimitu massimu għall-Intestatura 3
Skont l-Artikolu 2(1) tar-Regolament QFP, is-sottolimitu għall-Intestatura 3 għan-nefqa relatata mas-suq u għall-pagamenti diretti (l-ewwel pilastru tal-politika agrikola komuni - PAK) fil-perjodu mill-2021 sal-2027 għandu jiġi aġġustat wara li jsiru t-trasferimenti bejn l-ewwel u t-tieni pilastri tal-PAK, f’konformità mal-att legali li jistabbilixxi dawn it-trasferimenti. L-ammont totali tal-limitu massimu għall-approprjazzjonijiet ta’ impenn għall-Intestatura 3 ma jinbidilx.
Is-sottolimitu għall-Intestatura 3 ġie aġġustat għall-ewwel darba fl-aġġustament tekniku tal-QFP għall-2021.
L-iskadenza għas-sottomissjoni tan-notifiki mill-Istati Membri lill-Kummissjoni kienet fil-31 ta’ Diċembru 2019 u t-8 ta’ Frar 2020. Ir-riżultat ġie stabbilit fir-Regolament Delegat tal-Kummissjoni (UE) 2020/756 tal-1 ta’ April 2020 4 . Fid-dawl tal-kriżi tal-COVID-19, dan ir-Regolament Delegat ġie emendat ulterjorment bir-Regolament Delegat tal-Kummissjoni (UE) 2020/1314 tal-10 ta’ Lulju 2020 5 .
Il-modifika tas-sottolimitu għall-Intestatura 3 fi prezzijiet attwali teħtieġ li tiġi konvertita fi prezzijiet tal-2018 sabiex ikun jista’ jitwettaq l-aġġustament tekniku tat-tabella tal-QFP fi prezzijiet tal-2018. Għal dan l-għan il-bilanċ nett l-ewwel jiġi ttrasformat fi prezzijiet tal-2018 permezz tad-deflatur fiss ta’ 2%. Dan imbagħad jiġi aġġustat ’il fuq sabiex jinkiseb is-sottolimitu aġġustat billi l-limiti massimi tal-QFP jingħataw biss f’miljuni ta’ euro. Huwa biss permezz ta’ din il-proċedura ta’ aġġustament ’il fuq li jista’ jiġi żgurat li s-sottolimitu tal-QFP ikun dejjem ogħla mill-bilanċ nett disponibbli għan-nefqa skont il-Fond Agrikolu Ewropew ta’ Garanzija (FAEG). Id-differenza żgħira li tirriżulta ma tikkostitwixxix marġni disponibbli, iżda tirriżulta esklussivament mill-operazzjoni ta’ ammonti maqtugħin għad-dritt. Għal kull baġit annwali, il-Kummissjoni se tuża l-ammonti eżatti tal-bilanċ nett disponibbli għan-nefqa tal-FAEG.
It-tabella ta’ hawn taħt turi r-riżultat nett (f’miljuni ta’ euro) tat-trasferiment bejn iż-żewġ pilastri tal-PAK u l-impatt tagħhom fuq is-sottolimitu tal-Intestatura 3.
3.Strumenti Speċjali
Hemm għadd ta’ strumenti speċjali li huma disponibbli barra mil-limiti massimi tan-nefqa tal-qafas finanzjarju pluriennali 2021-2027. Dawn l-istrumenti għandhom l-għan li jiżguraw rispons rapidu għal ċirkustanzi eċċezzjonali jew mhux previsti, u li jipprovdu, sa ċerti limiti, daqsxejn ta’ flessibbiltà lil hinn mil-limiti massimi tan-nefqa miftiehma.
3.1.Strumenti tematiki speċjali
3.1.1.Fond Ewropew ta’ Aġġustament għall-Globalizzazzjoni
Skont l-Artikolu 8 tar-Regolament QFP, il-Fond Ewropew ta’ Aġġustament għall-Globalizzazzjoni jista’ jiġi mobilizzat sa massimu ta’ EUR 186 miljun fis-sena fi prezzijiet tal-2018, jew EUR 197,4 miljun fl-2021 fi prezzijiet kurrenti (EUR 1 467,4 miljun għall-perjodu kollu fi prezzijiet kurrenti 6 ). Ammonti mhux użati mis-sena ta’ qabel ma jistgħux jiġu riportati.
3.1.2.Riżerva ta’ Solidarjetà u Għajnuna ta’ Emerġenza
Skont l-Artikolu 9 tar-Regolament QFP, ir-Riżerva ta’ Solidarjetà u Għajnuna ta’ Emerġenza tista’ tiġi mobilizzata sal-ammont massimu ta’ EUR 1 200 miljun fis-sena bil-prezzijiet tal-2018, jew EUR 1 273,4 miljun bi prezzijiet kurrenti għall-2021 (EUR 9 467,2 miljun għall-perjodu kollu bi prezzijiet kurrenti). Il-parti tal-ammont mhux użat tas-sena preċedenti tista’ tiġi riportata għas-sena ta’ wara.
Mid-data ta ’din il-Komunikazzjoni, l-ammont li ma ntefaqx ta’ EUR 47,981,598 mill-Fond ta ’Solidarjetà tal-UE se jiġi ttrasferit mis-sena 2020 għas-sena 2021.
3.1.3.Ir-Riżerva ta’ Aġġustament għall-Brexit
Skont l-Artikolu 10 tar-Regolament QFP, ir-Riżerva ta’ Aġġustament għall-Brexit tista’ tiġi mobilizzata għal ammont totali ta’ EUR 5 000 miljun fi prezzijiet tal-2018 matul il-perjodu 2021-2027. L-ammont għandu jiddaħħal fil-baġit bħala provvediment.
3.2.Strument speċjali mhux tematiku
3.2.1.Strument ta’ Marġni Uniku
F’konformità mal-Artikolu 4(1)(c) tar-Regolament QFP, l-aġġustament tekniku għandu jikkomunika l-ammont disponibbli f’approprjazzjonijiet ta’ impenn taħt l-Istrument ta’ Marġni Uniku kif imsemmi fil-punt (a) tal-ewwel subparagrafu tal-Artikolu 11(1). L-ebda ammont ma huwa disponibbli għall-2021 sa issa.
L-ammont massimu totali msemmi fil-punt (a) tal-ewwel subparagrafu tal-Artikolu 11(2) huwa 0,04 % tal-ING tal-UE-27, li huwa ekwivalenti għal EUR 5 558,7 miljun fl-2021.
L-ammont massimu totali msemmi fil-punt (b) tal-ewwel subparagrafu tal-Artikolu 11(2) huwa 0,03 % tal-ING tal-UE-27, li huwa ekwivalenti għal EUR 4 169,0 miljun fl-2021.
F’konformità mal-Artikolu 4(1)(d) tar-Regolament QFP, l-aġġustament tekniku għandu jikkomunika l-ammont ta’ aġġustament tal-limitu massimu għall-approprjazzjonijiet ta’ pagament taħt l-Istrument ta’ Marġni Uniku kif imsemmi fil-punt (b) tal-ewwel subparagrafu tal-Artikolu 11(1). L-ebda ammont ma huwa disponibbli għall-2021 sa issa.
3.2.2.Strument ta’ Flessibbiltà
Skont l-Artikolu 12 tar-Regolament QFP, l-Istrument ta’ Flessibbiltà jista’ jiġi mobilizzat sal-ammont annwali massimu ta’ EUR 915 miljun fi prezzijiet tal-2018, jew EUR 971,0 miljun fl-2021 fi prezzijiet attwali (EUR 7 218,7-il miljun għall-perjodu kollu fi prezzijiet attwali). Il-porzjon tal-ammonti annwali mhux użati tas-sentejn preċedenti jista’ jiġi riportat.
4.Tabella sommarja u konklużjonijiet
It-tabelli ta’ hawn taħt jiġbru fil-qosor il-bidliet fil-limiti massimi tal-approprjazzjonijiet ta’ impenn u ta’ pagament fil-qafas finanzjarju abbażi tal-Artikoli 2(1) u 4 tar-Regolament QFP bi prezzijiet kurrenti u tal-2018:
