(1)

Le Rialachán (AE) 2019/881 ó Pharlaimint na hEorpa agus ón gComhairle (3), cuirtear creat ar bun chun scéimeanna Eorpacha um dheimhniú cibearshlándála a bhunú chun leibhéal leormhaith cibearshlándála a áirithiú le haghaidh táirgí teicneolaíochta faisnéise agus cumarsáide (TFC), seirbhísí TFC agus próisis TFC san Aontas, agus chun ilroinnt an mhargaidh inmheánaigh a sheachaint maidir le scéimeanna um dheimhniú cibearshlándála san Aontas.

(2)

Chun athléimneacht an Aontais in aghaidh cibirionsaithe a áirithiú agus chun aon leochaileachtaí sa mhargadh inmheánach a chosc, tá sé beartaithe leis an Rialachán seo go gcomhlánófar an creat rialála cothrománach lena mbunaítear ceanglais chuimsitheacha chibearshlándála le haghaidh táirgí ag a bhfuil eilimintí digiteacha de bhun Rialachán (AE) 2024/2847 ó Pharlaimint na hEorpa agus ón gComhairle (4) trí fhoráil a dhéanamh maidir le cuspóirí slándála le haghaidh seirbhísí slándála bainistithe chomh maith le cur i bhfeidhm agus iontaofacht na seirbhísí sin.

(3)

Soláthraíonn soláthraithe seirbhísí slándála bainistithe mar a shainmhínítear in Airteagal 6, pointe (40), de Threoir (AE) 2022/2555 ó Pharlaimint na hEorpa agus ón gComhairle (5) seirbhísí slándála bainistithe. Dá bhrí sin, ba cheart an sainmhíniú ar sheirbhísí slándála bainistithe sa Rialachán seo a bheith comhsheasmhach leis an sainmhíniú ar sholáthraithe seirbhísí slándála bainistithe i dTreoir (AE) 2022/2555. Is é atá i gceist leis na seirbhísí sin gníomhaíochtaí a bhaineann le bainistiú riosca cibearshlándála a gcustaiméirí a dhéanamh, nó cúnamh a thabhairt do na gníomhaíochtaí sin, agus tá tábhacht mhéadaitheach ag baint leo i ndáil le teagmhais a chosc agus a mhaolú. Dá réir sin, meastar gur eintitis fhíor-riachtanacha nó thábhachtacha iad soláthraithe na seirbhísí sin a bhaineann le hearnáil ardchriticiúlachta de bhun Threoir (AE) 2022/2555. Mar a luaitear in aithris 86 den Treoir sin, tá tábhacht ar leith leis an ról atá ag soláthraithe seirbhísí slándála bainistithe i réimsí amhail freagairt ar theagmhais, tástáil treáite, iniúchtaí slándála agus an chomhairleoireacht chun cúnamh a thabhairt d’eintitis lena n-iarrachtaí teagmhais a chosc agus a bhrath, freagairt dóibh nó téarnamh uathu. Mar sin féin, díríodh cibirionsaithe freisin ar sholáthraithe seirbhísí slándála bainistithe agus, mar gheall ar a ndlúth-chomhtháthú in oibríochtaí a gcustaiméirí, tá riosca ar leith ag baint leo. Tá sé tábhachtach, dá bhrí sin, go mbeadh eintitis fhíor-riachtanacha agus thábhachtacha de réir bhrí Threoir (AE) 2022/2555 níos dícheallaí agus soláthraithe seirbhísí slándála bainistithe á roghnú acu.

(4)

Áirítear sa sainmhíniú ar sheirbhísí slándála bainistithe faoin Rialachán seo liosta neamh-uileghabhálach de sheirbhísí slándála bainistithe a d’fhéadfadh cáiliú do scéimeanna Eorpacha um dheimhniú cibearshlándála, amhail láimhseáil teagmhas, tástáil treáite, iniúchtaí slándála, agus comhairliúchán a bhaineann le tacaíocht theicniúil. Le seirbhísí slándála bainistithe, d’fhéadfaí seirbhísí cibearshlándála a chuimsiú a thacaíonn leis an ullmhacht do theagmhais, le teagmhais a chosc, a bhrath, a anailísiú agus a mhaolú, leis an bhfreagairt orthu agus le téarnamh uathu. D’fhéadfadh soláthar faisnéise cibearbhagairtí agus measúnú riosca a bhaineann le tacaíocht theicniúil cáiliú mar sheirbhísí slándála bainistithe freisin. D’fhéadfadh scéimeanna Eorpacha ar leithligh um dheimhniú cibearshlándála le haghaidh seirbhísí slándála bainistithe éagsúla a bheith ann. Sna deimhnithe Eorpacha cibearshlándála arna n-eisiúint i gcomhréir le scéimeanna den sórt sin, ba cheart tagairt a dhéanamh do sheirbhísí slándála bainistithe sonracha de chuid soláthraí sonrach de na seirbhísí sin.

(5)

Is féidir le soláthraithe seirbhísí slándála bainistithe ról tábhachtach a bheith acu freisin maidir le gníomhaíochtaí de chuid an Aontais lena dtacaítear le freagairt agus téarnamh tosaigh i gcásanna teagmhas suntasach agus teagmhas cibearshlándála mórscála, ag brath ar sheirbhísí ó sholáthraithe príobháideacha iontaofa agus ar thástáil eintiteas criticiúil le haghaidh leochaileachtaí féideartha bunaithe ar mheasúnuithe riosca slándála comhordaithe ar leibhéal an Aontais. D’fhéadfadh sé go mbeadh ról ag deimhniú seirbhísí slándála bainistithe i roghnú soláthraithe iontaofa seirbhísí slándála bainistithe mar a shainmhínítear i Rialachán (AE) 2025/38 ó Pharlaimint na hEorpa agus ón gComhairle (6).

(6)

Ní hamháin go bhfuil deimhniú seirbhísí slándála bainistithe ábhartha sa phróiseas roghnúcháin do Chúltaca Cibearshlándála an Aontais a bunaíodh le Rialachán (AE) 2025/38 ach is táscaire cáilíochta riachtanach é freisin le haghaidh eintitis phríobháideacha agus phoiblí a bhfuil sé beartaithe acu seirbhísí den sórt sin a cheannach. I bhfianaise chriticiúlacht na seirbhísí slándála bainistithe agus íogaireacht na sonraí a phróiseáiltear, d’fhéadfaí treoraíocht thábhachtach agus dearbhú tábhachtach maidir le hiontaofacht na seirbhísí sin a sholáthar do chustaiméirí ionchasacha leis an deimhniú. Le scéimeanna Eorpacha um dheimhniú cibearshlándála le haghaidh seirbhísí slándála bainistithe, tá sé beartaithe go rannchuideofar le hilroinnt an mhargaidh inmheánaigh a sheachaint. Dá bhrí sin, tá sé d’aidhm ag an Rialachán seo feidhmiú an mhargaidh inmheánaigh a fheabhsú.

(7)

Maidir le scéimeanna Eorpacha um dheimhniú cibearshlándála le haghaidh seirbhísí slándála bainistithe, ba cheart glacadh na seirbhísí sin agus iomaíocht mhéadaithe idir soláthraithe seirbhísí slándála bainistithe a bheith mar thoradh ar na scéimeanna sin. Gan dochar don chuspóir a áirithiú go bhfuil leibhéil leordhóthanacha agus iomchuí eolais theicniúil ábhartha agus ionracais ghairmiúil ábhartha ag soláthraithe den sórt sin, ba cheart do scéimeanna den sórt sin um dheimhniú, dá bhrí sin, iontráil sa mhargadh agus tairiscint seirbhísí slándála bainistithe a éascú trí shimpliú a dhéanamh, a mhéid is féidir, ar an ualach rialála, riaracháin agus airgeadais a d’fhéadfadh a bheith ar sholáthraithe, go háirithe fiontair bheaga agus mheánmhéide (FBManna), lena n-áirítear micrifhiontair, agus seirbhísí slándála bainistithe á dtairiscint acu. Ina theannta sin, chun glacadh seirbhísí slándála bainistithe a spreagadh agus an t-éileamh orthu a spreagadh, ba cheart do na scéimeanna Eorpacha um dheimhniú cibearshlándála rannchuidiú lena n-inrochtaineacht, go háirithe le haghaidh gníomhaithe beaga, amhail FBManna, lena n-áirítear micrifhiontair, chomh maith le húdaráis áitiúla agus réigiúnacha a bhfuil acmhainneacht theoranta agus acmhainní teoranta acu, ach a bhíonn níos mó i mbaol sáruithe cibearshlándála a bhfuil impleachtaí airgeadais, dlíthiúla, clú agus oibríochtúla acu.

(8)

Tá sé tábhachtach tacaíocht a thabhairt do FBManna, lena n-áirítear micrifhiontair, chun an Rialachán seo a chur chun feidhme agus chun na sainscileanna cibearshlándála agus an saineolas cibearshlándála is gá a fháil chun seirbhísí slándála bainistithe a sholáthar atá i gcomhréir leis na ceanglais a leagtar síos sa Rialachán seo. Leis an gClár don Eoraip Dhigiteach a bunaíodh le Rialachán (AE) 2021/694 ó Pharlaimint na hEorpa agus ón gComhairle (7) agus le cláir ábhartha eile de chuid an Aontais, foráiltear gur cheart don Choimisiún tacaíocht airgeadais agus theicniúil a bhunú lena gcuirtear ar chumas na bhfiontar sin rannchuidiú le fás gheilleagar an Aontais agus leibhéal coiteann na cibearshlándála san Aontas a neartú, lena n-áirítear trí chuíchóiriú a dhéanamh ar an tacaíocht airgeadais ón gClár don Eoraip Dhigiteach agus ó chláir ábhartha eile de chuid an Aontais agus trí thacaíocht a thabhairt do FBManna, lena n-áirítear micrifhiontair.

(9)

Le scéimeanna Eorpacha um dheimhniú cibearshlándála le haghaidh seirbhísí slándála bainistithe, ba cheart rannchuidiú le hinfhaighteacht seirbhísí slána ardcháilíochta lena ráthaítear aistriú digiteach sábháilte, agus ba cheart rannchuidiú le baint amach na spriocanna a cuireadh ar bun i gClár Beartais 2030 don Deacáid Dhigiteach a bunaíodh le Cinneadh (AE) 2022/2481 ó Pharlaimint na hEorpa agus ón gComhairle (8), go háirithe maidir leis an sprioc go dtosódh 75 % de ghnóthais an Aontais ag baint úsáid as seirbhísí néalríomhaireachta, mórshonraí nó an intleacht shaorga, go mbainfeadh níos mó ná 90 % de FBManna, lena n-áirítear micrifhiontair, bunleibhéal déine digití amach ar a laghad agus go mbeadh príomhsheirbhísí poiblí inrochtana ar líne.

(10)

Chomh maith le táirgí TFC, seirbhísí TFC nó próisis TFC a chur in úsáid, soláthraítear gnéithe seirbhíse breise go minic le seirbhísí slándála bainistithe, ar gnéithe iad a bhíonn ag brath ar inniúlachtaí, saineolas agus taithí pearsanra soláthraithe seirbhísí den sórt sin. Ba cheart leibhéal an-ard de na hinniúlachtaí sin, den saineolas sin agus den taithí sin, chomh maith le nósanna imeachta inmheánacha iomchuí, a bheith mar chuid de na cuspóirí slándála chun cáilíocht an-ard de na seirbhísí slándála bainistithe a sholáthraítear a áirithiú. Chun a áirithiú gur féidir gach gné de sheirbhísí slándála bainistithe a chumhdach le scéimeanna tiomnaithe Eorpacha um dheimhniú cibearshlándála, is gá, dá bhrí sin, Rialachán (AE) 2019/881 a leasú. Ba cheart torthaí agus moltaí na meastóireachta agus an athbhreithnithe dá bhforáiltear i Rialachán (AE) 2019/881 a chur san áireamh.

(11)

D’fhonn fás margaidh inmheánaigh iontaofa de chuid an Aontais a éascú, agus comhpháirtíochtaí á gcruthú le tríú tíortha atá ar aon intinn leis an Aontas, ba cheart an próiseas deimhniúcháin a bhunaítear laistigh den chreat Eorpach um dheimhniú cibearshlándála dá bhforáiltear le Rialachán (AE) 2019/881 a chur chun feidhme ar bhealach lena n-éascaítear aithint idirnáisiúnta agus ailíniú le caighdeáin idirnáisiúnta.

(12)

Tá bearna thallainne roimh an Aontas, arb é is príomhthréith di ganntanas gairmithe oilte, chomh maith le timpeallacht bhagartha atá ag athrú go tapa mar a aithnítear i dteachtaireacht ón gCoimisiún an 18 Aibreán 2023 dar teideal ‘An bhearna thallainne chibearshlándála a dhúnadh chun borradh a chur faoi iomaíochas, fás agus athléimneacht an Aontais (“An tAcadamh Scileanna Cibearshlándála”)’. Tá éagsúlacht idir acmhainní oideachais agus cineálacha oiliúna foirmiúla agus is féidir eolas a fháil ar bhealaí éagsúla: ar bhealach foirmiúil, mar shampla tríd an ollscoil nó cúrsaí nó ar bhealach neamhfhoirmiúil, mar shampla trí oiliúint ar an láthair oibre nó taithí oibre sa réimse ábhartha. Dá bhrí sin, chun teacht chun cinn seirbhísí slándála bainistithe ar ardcháilíocht a éascú agus chun forléargas níos fearr a fháil ar chomhdhéanamh lucht saothair cibearshlándála an Aontais, tá sé tábhachtach comhar idir na Ballstáit, an Coimisiún, Gníomhaireacht an Aontais Eorpaigh um Chibearshlándáil (ENISA) a bunaíodh le Rialachán (AE) 2019/881 agus geallsealbhóirí, lena n-áirítear ón earnáil phríobháideach agus ón lucht acadúil, a neartú trí chomhpháirtíochtaí príobháideacha poiblí a fhorbairt, trí thacaíocht a thabhairt do thionscnaimh taighde agus nuálaíochta, trí chaighdeáin chomhchoiteanna a fhorbairt agus a aithint go frithpháirteach agus trí scileanna cibearshlándála a dheimhniú, lena n-áirítear tríd an gCreat Eorpach um Scileanna Cibearshlándála. Le comhar den sórt sin, d’éascófaí soghluaisteacht gairmithe cibearshlándála laistigh den Aontas freisin agus d’éascófaí comhtháthú eolais agus oiliúna a bhaineann leis an gcibearshlándáil i gcláir oideachais, agus rochtain ar phrintíseachtaí agus ar chúrsaí oiliúna á háirithiú an tráth céanna do dhaoine óga, lena n-áirítear daoine a bhfuil cónaí orthu i réigiúin faoi mhíbhuntáiste, amhail oileáin, ceantair inar tearc an daonra, ceantair thuaithe agus ceantair iargúlta. Tá sé tábhachtach go mbeadh sé d’aidhm ag comhar den sórt sin níos mó ban agus cailíní a mhealladh sa réimse agus go rannchuideodh sé le haghaidh a thabhairt ar an mbearna idir na hinscní san eolaíocht, sa teicneolaíocht, san innealtóireacht agus sa mhatamaitic, agus go mbeadh sé d’aidhm ag an earnáil phríobháideach oiliúint ar an láthair oibre a chur ar fáil lena dtugtar aghaidh ar na scileanna is mó atá ar éileamh, agus baint á tabhairt don riarachán poiblí agus do ghnólachtaí nuathionscanta, chomh maith le FBManna, lena n-áirítear micrifhiontair. Tá sé tábhachtach freisin go n-oibreodh soláthraithe agus na Ballstáit i gcomhar le chéile agus go rannchuideoidís le bailiú sonraí a bhaineann leis an staid agus le héabhlóid an mhargaidh saothair cibearshlándála.

(13)

Tá ról tábhachtach ag ENISA maidir le scéimeanna iarrthacha Eorpacha um dheimhniú cibearshlándála a ullmhú. Ba cheart don Choimisiún measúnú a dhéanamh ar na hacmhainní buiséadacha is gá le haghaidh phlean bunaíochta ENISA, i gcomhréir leis an nós imeachta a leagtar amach in Airteagal 29 de Rialachán (AE) 2019/881, agus dréachtbhuiséad ginearálta an Aontais á ullmhú aige.

(14)

Déantar foráil sa Rialachán seo maidir le leasuithe spriocdhírithe ar Rialachán (AE) 2019/881 chun bunú scéimeanna Eorpacha um dheimhniú cibearshlándála le haghaidh seirbhísí slándála bainistithe a éascú. Agus an méid sin á dhéanamh aige, sonraítear agus soiléirítear leis forálacha áirithe den Rialachán sin a bhaineann le hullmhú agus feidhmiú na scéimeanna Eorpacha uile um dheimhniú cibearshlándála d’fhonn a dtrédhearcacht agus a n-oscailteacht a áirithiú. Leis na leasuithe deireanacha sin, atá teoranta do Rialachán (AE) 2019/881 a shonrú nó a shoiléiriú, go háirithe na leasuithe a bhaineann leis an bhfaisnéis atá le soláthar ag ENISA, agus scéim iarrthach á tarchur aige, na meithleacha ad hoc a bhunaítear i gcás gach scéime iarrthaí, agus faisnéis agus comhairliúchán maidir le scéimeanna Eorpacha um dheimhniú cibearshlándála, níor cheart dochar a dhéanamh, ar bhealach ar bith, don mheastóireacht níos leithne ná don athbhreithniú níos leithne ar an Rialachán sin a cheanglaítear de bhun Airteagal 67 den Rialachán sin, go háirithe an mheastóireacht ar thionchar, éifeachtacht agus éifeachtúlacht an teidil den Rialachán sin a bhaineann leis an gcreat um dheimhniú cibearshlándála. Ba cheart an mheastóireacht agus an t-athbhreithniú maidir leis an teideal sin a bheith bunaithe ar chomhairliúchán leathan leis na geallsealbhóirí agus ar anailís iomlán chríochnúil ar na nósanna imeachta lena mbaineann.

(15)

Ós rud é nach féidir leis na Ballstáit cuspóir an Rialacháin seo, eadhon bunú scéimeanna Eorpacha um dheimhniú cibearshlándála le haghaidh seirbhísí slándála bainistithe a éascú, a ghnóthú go leordhóthanach agus, de bharr fhairsinge agus éifeachtaí an Rialacháin, gur fearr is féidir é a ghnóthú ar leibhéal an Aontais, féadfaidh an tAontas bearta a ghlacadh, i gcomhréir le prionsabal na coimhdeachta a leagtar amach in Airteagal 5 den Chonradh ar an Aontas Eorpach. I gcomhréir le prionsabal na comhréireachta a leagtar amach san Airteagal sin, ní théann an Rialachán seo thar a bhfuil riachtanach chun an cuspóir sin a ghnóthú.

(16)

Chuathas i gcomhairle leis an Maoirseoir Eorpach ar Chosaint Sonraí i gcomhréir le hAirteagal 42(1) de Rialachán (AE) 2018/1725 ó Pharlaimint na hEorpa agus ón gComhairle (9) agus thug an Maoirseoir tuairim an 10 Eanáir 2024,

(1)

in Airteagal 1(1), an chéad fhomhír, cuirtear an méid seo a leanas in ionad phointe (b):

;

(2)

leasaítear Airteagal 2 mar a leanas:

(3)

in Airteagal 4, cuirtear an méid seo a leanas in ionad mhír 6:

(4)

leasaítear Airteagal 8 mar a leanas:

(5)

cuirtear an méid seo a leanas in ionad Airteagal 46:

(6)

leasaítear Airteagal 47 mar a leanas:

(7)

leasaítear Airteagal 49 mar a leanas:

(8)

cuirtear an t-airteagal seo a leanas isteach:

(9)

leasaítear Airteagal 51 mar a leanas:

(10)

cuirtear an t-airteagal seo a leanas isteach:

(11)

leasaítear Airteagal 52 mar a leanas:

(12)

in Airteagal 53, cuirtear an méid seo a leanas in ionad mhíreanna 1, 2 agus 3:

(13)

in Airteagal 54, leasaítear mír 1 mar a leanas:

(14)

leasaítear Airteagal 56 mar a leanas:

(15)

in Airteagal 57, cuirtear an méid seo a leanas in ionad mhíreanna 1 agus 2:

(16)

leasaítear Airteagal 58 mar a leanas:

(17)

in Airteagal 59(3), cuirtear an méid seo a leanas in ionad phointí (b) agus (c):

;

(18)

in Airteagal 67, cuirtear an méid seo a leanas in ionad mhíreanna 2 agus 3:

(19)

leasaítear an Iarscríbhinn i gcomhréir leis an Iarscríbhinn a ghabhann leis an Rialachán.