|
7.4.2022 |
GA |
Iris Oifigiúil an Aontais Eorpaigh |
L 108/16 |
RIALACHÁN CUR CHUN FEIDHME (AE) 2022/557 ÓN gCOIMISIÚN
an 1 Aibreán 2022
maidir le haicmiú earraí áirithe san Ainmníocht Chomhcheangailte
TÁ AN COIMISIÚN EORPACH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (AE) Uimh. 952/2013 ó Pharlaimint na hEorpa agus ón gComhairle an 9 Deireadh Fómhair 2013 lena leagtar síos Cód Custaim an Aontais (1), agus go háirithe Airteagal 57(4) agus Airteagal 58(2) de,
De bharr an mhéid seo a leanas:
|
(1) |
Chun a áirithiú go gcuirtear an Ainmníocht Chomhcheangailte atá i gceangal le Rialachán (CEE) Uimh. 2658/87 ón gComhairle (2) i bhfeidhm go haonfhoirmeach, is gá bearta a ghlacadh maidir le haicmiú na n-earraí dá dtagraítear san Iarscríbhinn a ghabhann leis an Rialachán seo. |
|
(2) |
Le Rialachán (CEE) Uimh. 2658/87, leagadh síos na rialacha ginearálta maidir le léirmhíniú na hAinmníochta Comhcheangailte. Tá feidhm ag na rialacha sin freisin maidir le haon ainmníocht eile atá bunaithe go hiomlán uirthi nó a bhfuil cuid di bunaithe uirthi nó a chuireann aon fhoroinn bhreise léi agus a bhunaítear le forálacha sonracha de chuid an Aontais, d’fhonn bearta taraife agus bearta eile i ndáil le trádáil in earraí a chur i bhfeidhm. |
|
(3) |
De bhun na rialacha ginearálta sin, na hearraí a bhfuil tuairisc orthu i gcolún (1) den tábla a leagtar amach san Iarscríbhinn, is earraí iad ba cheart a aicmiú faoin gcód AC a luaitear i gcolún (2), de bhua na gcúiseanna a leagtar amach i gcolún (3) den tábla sin. |
|
(4) |
Maidir le faisnéis taraife cheangailteach arna heisiúint i leith na n-earraí a bhaineann leis an Rialachán seo, ar faisnéis í nach bhfuil i gcomhréir leis an Rialachán seo, is iomchuí a fhoráil go bhféadfaidh an sealbhóir an fhaisnéis sin a agairt fós, go ceann tréimhse áirithe, i gcomhréir le hAirteagal 34(9) de Rialachán (AE) Uimh. 952/2013. Is tréimhse trí mhí ba cheart a bheith sa tréimhse sin. |
|
(5) |
Na bearta dá bhforáiltear sa Rialachán seo, is bearta iad atá i gcomhréir leis an tuairim ón gCoiste um an gCód Custaim, |
TAR ÉIS AN RIALACHÁN SEO A GHLACADH:
Airteagal 1
Na hearraí a bhfuil tuairisc orthu i gcolún (1) den tábla a leagtar amach san Iarscríbhinn, aicmeofar iad faoi chuimsiú na hAinmníochta Comhcheangailte faoin gcód AC a luaitear i gcolún (2) den tábla sin.
Airteagal 2
Faisnéis taraife cheangailteach nach bhfuil i gcomhréir leis an Rialachán seo, féadfar í a agairt fós i gcomhréir le hAirteagal 34(9) de Rialachán (AE) Uimh. 952/2013 go ceann tréimhse trí mhí ó dháta theacht i bhfeidhm an Rialacháin seo.
Airteagal 3
Tiocfaidh an Rialachán seo i bhfeidhm an fichiú lá tar éis lá a fhoilsithe in Iris Oifigiúil an Aontais EorpaighIris Oifigiúil an Aontais Eorpaigh.
Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.
Arna dhéanamh sa Bhruiséil, 1 Aibreán 2022.
Thar ceann an Choimisiúin
Gerassimos THOMAS
An tArd-Stiúrthóir
Ard-Stiúrthóireacht an Chánachais agus an Aontais Custaim
(1) IO L 269, 10.10.2013, lch. 1.
(2) Rialachán (CEE) Uimh. 2658/87 ón gComhairle an 23 Iúil 1987 maidir leis an ainmníocht taraife agus staidrimh agus leis an gComhtharaif Chustaim (IO L 256, 7.9.1987, lch. 1).
IARSCRÍBHINN
|
Tuairisc ar na hearraí |
Aicmiú (Cód AC) |
Cúiseanna |
||||||
|
(1) |
(2) |
(3) |
||||||
|
2309 90 31 |
Cinntear an t-aicmiú le rialacha ginearálta 1 agus 6 maidir le léirmhíniú na hAinmníochta Comhcheangailte, le Nóta 1 a ghabhann le Caibidil 23 agus le foclaíocht na gcód AC 2309 , 2309 90 agus 2309 90 31 . Tá saintréithe bunúsacha an ábhair bhunaidh caillte ag an táirge trí bhíthin a chodánaithe i ndeighilteoir lártheifeach. Dá bhrí sin, déantar an táirge a eisiamh óna aicmiú faoi cheannteideal 1106 mar phlúr ó ghlasra léagúmacha triomaithe, agus eisiatar é freisin óna aicmiú faoi cheannteideal 2005 mar tháirge glasra a ndearnadh ullmhú breise air. Eisiatar é freisin óna aicmiú faoi cheannteideal 2302 óir ní iarmhar é an táirge ó chriathrú, ó rilleadh ná ó oibriú eile plandaí léagúmacha (féach Nóta Míniúcháin an Chórais Chomhchuibhithe a ghabhann le ceannteideal 2302 , Ítim (C)). Is d’aon ghnó a táirgeadh an táirge ó phlúr pise. Rinneadh próiseáil bhreise air, agus is mar fharae ainmhithe a úsáidtear é agus mar sin amháin (féach freisin Nóta Míniúcháin an Chórais Chomhchuibhithe a ghabhann le Caibidil 23). Dá bhrí sin, is faoi chód AC 2309 90 31 atá an táirge le haicmiú, mar ullmhóid eile de chineál a úsáidtear mar bheatha ainmhithe, ina bhfuil cion stáirse is lú ná 10 % de réir meáchain. |
||||||
|
2309 90 51 |
Cinntear an t-aicmiú le rialacha ginearálta 1 agus 6 maidir le léirmhíniú na hAinmníochta Comhcheangailte, le Nóta 1 a ghabhann le Caibidil 23 agus le foclaíocht na gcód AC 2309 , 2309 90 agus 2309 90 51 . Tá saintréithe bunúsacha an ábhair bhunaidh caillte ag an táirge trí bhíthin a chodánaithe i ndeighilteoir lártheifeach. Dá bhrí sin, déantar an táirge a eisiamh óna aicmiú faoi cheannteideal 1106 mar phlúr ó ghlasra léagúmacha triomaithe, agus eisiatar é freisin óna aicmiú faoi cheannteideal 2005 mar tháirge glasra a ndearnadh ullmhú breise air. Eisiatar é freisin óna aicmiú faoi cheannteideal 2302 óir ní iarmhar é an táirge ó chriathrú, ó rilleadh ná ó oibriú eile plandaí léagúmacha (féach Nóta Míniúcháin an Chórais Chomhchuibhithe a ghabhann le ceannteideal 2302 , Ítim (C)). Is d’aon ghnó a táirgeadh an táirge ó phlúr pise. Rinneadh próiseáil bhreise air, agus is mar fharae ainmhithe a úsáidtear é agus mar sin amháin (féach freisin Nóta Míniúcháin an Chórais Chomhchuibhithe a ghabhann le Caibidil 23). Dá bhrí sin, is faoi chód AC 2309 90 51 atá an táirge le haicmiú, mar ullmhóid eile de chineál a úsáidtear mar bheatha ainmhithe, ina bhfuil cion stáirse is mó ná 30 % de réir meáchain. |