|
28.10.2022 |
MT |
Il-Ġurnal Uffiċjali tal-Unjoni Ewropea |
L 280/1 |
REGOLAMENT TA’ IMPLIMENTAZZJONI TAL-KUNSILL (UE) 2022/2073
tas-27 ta’ Ottubru 2022
li jimplimenta r-Regolament (UE) Nru 101/2011 dwar miżuri restrittivi diretti kontra ċerti persuni u entitajiet u korpi fid-dawl tas-sitwazzjoni fit-Tuneżija
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea,
Wara li kkunsidra r-Regolament tal-Kunsill (UE) Nru 101/2011 tal-4 ta’ Frar 2011 dwar miżuri restrittivi diretti kontra ċerti persuni u entitajiet u korpi fid-dawl tas-sitwazzjoni fit-Tuneżija (1), u b’mod partikolari l-Artikolu 12 tiegħu,
Wara li kkunsidra l-proposta mir-Rappreżentant Għoli tal-Unjoni għall-Affarijiet Barranin u l-Politika ta’ Sigurtà,
Billi:
|
(1) |
Fl-4 ta’ Frar 2011, il-Kunsill adotta r-Regolament (UE) Nru 101/2011. |
|
(2) |
Abbażi ta’ rieżami mill-Kunsill, jenħtieġ li l-entrati għal seba’ persuni u l-informazzjoni dwar id-drittijiet tad-difiża tagħhom u d-dritt tagħhom għal protezzjoni ġudizzjarja effettiva jitħassru. |
|
(3) |
Għalhekk l-Anness I għar-Regolament (UE) Nru 101/2011 jenħtieġ li jiġi emendat skont dan, |
ADOTTA DAN IR-REGOLAMENT:
Artikolu 1
L-Anness I tar-Regolament (UE) Nru 101/2011 huwa emendat kif jinsab fl-Anness għal dan ir-Regolament.
Artikolu 2
Dan ir-Regolament għandu jidħol fis-seħħ fil-jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, is-27 ta’ Ottubru 2022.
Għall-Kunsill
Il-President
M. BEK
ANNESS
Fit-taqsimiet A u B tal-Anness I tar-Regolament (UE) Nru 101/2011, jitħassru l-entrati għall-persuni li ġejjin:
|
“4. |
Mohamed Ben Moncef Ben Mohamed TRABELSI”; |
|
“36. |
Kaïs Ben Slaheddine Ben Haj Hamda BEN ALI”; |
|
“37. |
Hamda Ben Slaheddine Ben Haj Hamda BEN ALI”; |
|
“38. |
Najmeddine Ben Slaheddine Ben Haj Hamda BEN ALI”; |
|
“39. |
Najet Bent Slaheddine Ben Haj Hamda BEN ALI”; |
|
“43. |
Imed Ben Habib Ben Bouali LTAIEF”; |
|
“44. |
Naoufel Ben Habib Ben Bouali LTAIEF”. |