|
Iris Oifigiúil |
GA Sraith L |
|
2025/1053 |
28.5.2025 |
CINNEADH (AE) 2025/1053 ÓN gCOIMISIÚN
an 19 Bealtaine 2025
maidir le comhsheasmhacht na spriocanna feidhmíochta atá sa dréachtphlean feidhmíochta a chuir Poblacht na Seice isteach de bhun Rialachán (CE) Uimh. 549/2004 ó Pharlaimint na hEorpa agus ón gComhairle leis na spriocanna feidhmíochta uile-Aontais le haghaidh an cheathrú tréimhse thagartha den scéim feidhmíochta agus muirearaithe le haghaidh an Aerspáis Eorpaigh Aonair
(tugadh fógra faoi leis an doiciméad C(2025)2924)
(Is é an téacs Seicise amháin atá barántúil)
TÁ AN COIMISIÚN EORPACH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (CE) Uimh. 549/2004 ó Pharlaimint na hEorpa agus ón gComhairle an 10 Márta 2004 lena leagtar síos an creat chun an t-aerspás Eorpach aonair a chruthú (an creat-Rialachán) (1), agus go háirithe Airteagal 11(3), pointe (c), de,
Ag féachaint do Rialachán (AE) 2024/2803 ó Pharlaimint na hEorpa agus ón gComhairle an 23 Deireadh Fómhair 2024 maidir le cur chun feidhme an Aerspáis Eorpaigh Aonair (2), agus go háirithe Airteagal 58(3) de,
Ag féachaint do Rialachán Cur Chun Feidhme (AE) 2019/317 ón gCoimisiún an 11 Feabhra 2019 lena leagtar síos scéim feidhmíochta agus muirearaithe san aerspás Eorpach aonair agus lena n-aisghairtear Rialacháin Cur Chun Feidhme (AE) Uimh. 390/2013 agus (AE) Uimh. 391/2013 (3), agus go háirithe Airteagal 14(2), an dara mír de,
De bharr an mhéid seo a leanas:
BREITHNITHE GINEARÁLTA
|
(1) |
De bhun Airteagal 11 de Rialachán (CE) Uimh. 549/2004, tá na Ballstáit le pleananna a tharraingt suas, ar an leibhéal náisiúnta nó ar leibhéal na mbloc feidhme aerspáis (‘FABanna’), lena n-áirítear spriocanna feidhmíochta, le haghaidh gach tréimhse tagartha den scéim feidhmíochta agus muirearaithe le haghaidh seirbhísí aerloingseoireachta agus feidhmeanna líonra. Áireofar sna pleananna sin spriocanna feidhmíochta áitiúla atá comhsheasmhach leis na spriocanna feidhmíochta uile-Aontais le haghaidh na tréimhse tagartha lena mbaineann. |
|
(2) |
Leagadh síos na spriocanna feidhmíochta uile-Aontais i leith an cheathrú tréimhse thagartha (‘TT4’, 2025-2029) i gCinneadh Cur Chun Feidhme (AE) 2024/1688 ón gCoimisiún (4). |
|
(3) |
Tá dréachtphlean feidhmíochta tarraingthe suas ag gach Ballstát do TT4, pleananna a cuireadh faoi bhráid an Choimisiúin lena measúnú faoin 1 Deireadh Fómhair 2024. Tar éis don Choimisiún a fhíorú gurbh iomlán do na dréachtphleananna feidhmíochta sin, d’iarr sé ar na Ballstáit dréachtphleananna feidhmíochta cothrom le dáta a chur isteach faoin 15 Samhain 2024. |
|
(4) |
An measúnú ón gCoimisiún a chuirtear i láthair sa Chinneadh seo, tá sé bunaithe ar an dréachtphlean feidhmíochta cothrom le dáta le haghaidh TT4 a chuir Poblacht na Seice isteach (‘an dréachtphlean feidhmíochta’). |
|
(5) |
An Comhlacht Athbhreithnithe Feidhmíochta (‘CAF’), comhlacht a thugann cúnamh don Choimisiún chun an scéim feidhmíochta a chur chun feidhme, chuir sé tuarascáil faoi bhráid an Choimisiúin ina bhfuil a chomhairle faoin measúnú ar na dréachtphleananna feidhmíochta. |
|
(6) |
I gcomhréir le hAirteagal 14(1) de Rialachán Cur Chun Feidhme (AE) 2019/317, rinne an Coimisiún measúnú ar chomhsheasmhacht na spriocanna feidhmíochta áitiúla a chuimsítear sna dréachtphleananna feidhmíochta ar bhonn na gcritéar a leagtar síos i bpointe 1 d’Iarscríbhinn IV a ghabhann leis an Rialachán Cur Chun Feidhme sin, agus imthosca áitiúla á gcur san áireamh i gcás inarb ábhartha. |
|
(7) |
Chomhlánaigh an Coimisiún a mheasúnú ar an dréachtphlean feidhmíochta le hathbhreithniú ar na heilimintí a leagtar amach i bpointe 2 d’Iarscríbhinn IV a ghabhann leis an Rialachán Cur Chun Feidhme sin. Maidir le pointe 2.1(d)(vii) d’Iarscríbhinn IV a ghabhann le Rialachán Cur Chun Feidhme (AE) 2019/317, tugann an Coimisiún dá aire nach ndearna sé, mar chuid den athbhreithniú sin, anailís mhionsonraithe ar an modheolaíocht arna húsáid ag Poblacht na Seice chun costais a leithdháileadh idir seirbhísí faoi bhealach agus seirbhísí críochfoirt le linn TT4. Dá bhrí sin, níor tháinig an Coimisiún ar aon chonclúid, ag an gcéim seo, maidir lena mhéid a chomhlíonann an mhodheolaíocht sin maidir le leithdháileadh costas pointí (e) agus (f) d’Airteagal 15(2) de Rialachán (CE) Uimh. 550/2004 ó Pharlaimint na hEorpa agus ón gComhairle (5) agus Airteagal 22(5) de Rialachán Cur Chun Feidhme (AE) 2019/317. |
MEASÚNÚ ÓN gCOIMISIÚN
Measúnú ar na spriocanna sábháilteachta
|
(8) |
Maidir leis an réimse tábhachtach feidhmíochta a bhaineann leis an tsábháilteacht, rinneadh measúnú ar chomhsheasmhacht na spriocanna atá sa dréachtphlean feidhmíochta i gcomhréir le pointe 1.1 d’Iarscríbhinn IV a ghabhann le Rialachán Cur Chun Feidhme (AE) 2019/317. |
|
(9) |
Is iad seo a leanas na spriocanna feidhmíochta i bpríomhréimse feidhmíochta na sábháilteachta a mholann Poblacht na Seice i leith éifeachtacht na bainistíochta sábháilteachta, arna miondealú de réir na gcuspóirí bainistíochta sábháilteachta agus arna léiriú mar leibhéil cur chun feidhme:
|
|||||||||||||||||||||||||||||||||||||||||||||
|
(10) |
Fuair an Coimisiún gurb ionann na spriocanna feidhmíochta sábháilteachta a mholann Poblacht na Seice le haghaidh an tsoláthraí seirbhísí aerloingseoireachta ‘ANS CR’ agus trí cinn de na spriocanna sábháilteachta uile-Aontais i leith gach bliana féilire TT4, agus go bhfuil an cuspóir ‘dearbhú sábháilteachta’ a bhaint amach ó 2026 ar aghaidh agus go bhfuil an cuspóir ‘bainistiú riosca sábháilteachta’ beartaithe le bheith bainte amach sa bhliain 2029. |
|
(11) |
Tugann an Coimisiún dá aire go leagtar amach sa dréachtphlean feidhmíochta bearta le haghaidh ANS CR chun na spriocanna sábháilteachta áitiúla a bhaint amach, amhail próisis phráinnfhreagartha athdheartha a chur chun feidhme, faireachán agus oiliúint sábháilteachta feabhsaithe, agus cleachtaí nuashonraithe laistigh de dhearbhú sábháilteachta. |
|
(12) |
Ar bhonn na dtorthaí a leagtar amach in aithrisí (9), (10) agus (11), agus de bhrí go bhfuil na spriocanna feidhmíochta sábháilteachta uile-Aontais a leagtar amach i gCinneadh Cur Chun Feidhme (AE) 2024/1688 le baint amach faoi bhliain dheireanach TT4, is é sin 2029, ba cheart a mheas, maidir leis na spriocanna feidhmíochta sábháilteachta áitiúla a chuimsítear sa dréachtphlean feidhmíochta, go bhfuil siad comhsheasmhach leis na spriocanna feidhmíochta uile-Aontais. |
Measúnú ar na spriocanna comhshaoil
|
(13) |
Maidir le príomhréimse feidhmíochta an chomhshaoil, rinneadh measúnú ar chomhsheasmhacht na spriocanna maidir le meánéifeachtúlacht chothrománach eitilte faoi bhealach an ruthaig eitilte iarbhír, ar bhonn an chritéir a leagtar síos i bpointe 1.2 d’Iarscríbhinn IV a ghabhann le Rialachán Cur Chun Feidhme (AE) 2019/317. Dá réir sin, cuireadh spriocanna comhshaoil a mholann Poblacht na Seice i gcomparáid leis na luachanna tagartha ábhartha le haghaidh éifeachtúlacht chothrománach na heitilte faoi bhealach a leagtar amach i bPlean feabhsúcháin líonra aerbhealaí na hEorpa, arna tharraingt suas i gcomhréir le hIarscríbhinn I a ghabhann le Rialachán Cur Chun Feidhme (AE) 2019/123 ón gCoimisiún (6) agus a bhí ar fáil tráth a glacadh na spriocanna feidhmíochta uile-Aontais le haghaidh TT4, is é sin an 2 Iúil 2024. |
|
(14) |
Is iad seo a leanas na spriocanna feidhmíochta comhshaoil a mholann Poblacht na Seice le haghaidh TT4 mar aon leis na luachanna tagartha náisiúnta comhfhreagracha ó phlean feabhsúcháin líonra aerbhealaí na hEorpa, arna léiriú mar mheánéifeachtúlacht chothrománach eitilte faoi bhealach an ruthaig eitilte iarbhír:
|
|
(15) |
Tugann an Coimisiún faoi deara gurb ionann na dréachtspriocanna comhshaoil a mholann Poblacht na Seice agus na luachanna tagartha náisiúnta comhfhreagracha i gcás gach bliana féilire le linn TT4. |
|
(16) |
Tugann an Coimisiún dá aire gur chuir Poblacht na Seice i láthair sa dréachtphlean feidhmíochta bearta chun na spriocanna comhshaoil áitiúla a bhaint amach, lena gcuimsítear leathnú breise an aerspáis saorbhealaigh trasteorann agus cur chun feidhme teascógaithe feabhsaithe aerspáis. |
|
(17) |
Ar bhonn na dtorthaí a leagtar amach in aithrisí (14), (15) agus (16), ba cheart a mheas go bhfuil na spriocanna i dtaca leis an réimse tábhachtach feidhmíochta a bhaineann leis an gcomhshaol atá sa dréachtphlean feidhmíochta comhsheasmhach leis na spriocanna feidhmíochta uile-Aontais le haghaidh TT4. |
Measúnú ar na spriocanna acmhainneachta
|
(18) |
Maidir le príomhréimse feidhmíochta na hacmhainneachta, rinneadh measúnú ar chomhsheasmhacht na spriocanna a chuir an Poblacht na Seice isteach maidir leis an meánmhoill i mbainistiú na sreibhe aerthráchta (‘BSAT’) faoi bhealach in aghaidh na heitilte, ar bhonn an chritéir a leagtar síos i bpointe 1.3 d’Iarscríbhinn IV a ghabhann le Rialachán Cur Chun Feidhme (AE) 2019/317. Dá réir sin, cuireadh na spriocanna a mholann Poblacht na Seice i gcomparáid leis na luachanna tagartha ábhartha a leagtar amach sa Phlean Oibríochtaí Líonra, arna tharraingt suas i gcomhréir le hAirteagal 9 de Rialachán Cur Chun Feidhme (AE) 2019/123 ón gCoimisiún agus a bhí ar fáil tráth a glacadh na spriocanna feidhmíochta uile-Aontais le haghaidh TT4, is é sin an 2 Iúil 2024. |
|
(19) |
Is iad seo a leanas na dréachtspriocanna acmhainneachta eitiltí faoi bhealach a mholann Poblacht na Seice i leith TT4, arna léiriú i nóiméid moille BSAT in aghaidh na heitilte, mar aon leis na luachanna tagartha comhfhreagracha ón bPlean Oibríochtaí Líonra:
|
|
(20) |
Tugann an Coimisiún faoi deara gurb ionann na dréachtspriocanna comhshaoil a mholann Poblacht na Seice agus na luachanna tagartha náisiúnta comhfhreagracha le haghaidh gach bliana féilire le linn TT4. |
|
(21) |
Tugann an Coimisiún dá aire gur chuir Poblacht na Seice i láthair sa dréachtphlean feidhmíochta bearta chun a spriocanna acmhainneachta faoi bhealach a bhaint amach. Áirítear ar na bearta sin rialtóirí aerthráchta a earcú agus oiliúint a chur orthu, amanna oscailte teascóige a bharrfheabhsú, teascógú feabhsaithe aerspáis a chur chun feidhme agus tuilleadh forbartha a dhéanamh ar an gcóras bainistíochta aerthráchta. |
|
(22) |
Ar bhonn na dtorthaí a leagtar amach in aithrisí (19), (20) agus (21), ba cheart a mheas go bhfuil na spriocanna i dtaca leis an réimse tábhachtach feidhmíochta a bhaineann leis an acmhainneacht atá sa dréachtphlean feidhmíochta comhsheasmhach leis na spriocanna feidhmíochta uile-Aontais le haghaidh TT4. |
Athbhreithniú ar na spriocanna acmhainneachta maidir le seirbhísí aerloingseoireachta críochfoirt
|
(23) |
I gcomhréir le pointe 2.1(b) d’Iarscríbhinn IV a ghabhann le Rialachán Cur Chun Feidhme (AE) 2019/317, chomhlánaigh an Coimisiún a mheasúnú ar dhréachtphlean feidhmíochta trí athbhreithniú a dhéanamh ar na spriocanna feidhmíochta acmhainneachta le haghaidh seirbhísí aerloingseoireachta críochfoirt a leagtar amach i leith na n-aerfort dá dtagraítear in Airteagail 1(3) agus (4) den Rialachán Cur Chun Feidhme sin. Fuarthas go bhfuil na spriocanna sin ina gcúis imní. |
|
(24) |
Tugann an Coimisiún dá aire go dtagann meath suntasach ar an meánmhoill BSAT isteach in aghaidh na bliana i gcomparáid leis an tríú tréimhse tagartha (‘TT3’) mar thoradh ar na spriocanna acmhainneachta críochfoirt a mholtar le haghaidh TT4. Go deimhin, socraítear na spriocanna TT4 a mholtar ag 0,40 nóiméad in aghaidh na heitilte, cé gurb é idir 0,01 agus 0,15 nóiméad in aghaidh na heitilte an fheidhmíocht iarbhír a taifeadadh in TT3. |
|
(25) |
Measann an Coimisiún, dá bhrí sin, gur cheart do Phoblacht na Seice, i dtaca le glacadh a phlean feidhmíochta chríochnaithigh i gcomhréir le hAirteagal 16, pointe (a) de Rialachán Cur Chun Feidhme (AE) 2019/317, breis údair a thabhairt maidir leis na spriocanna acmhainneachta críochfoirt i leith TT4 i bhfianaise na mbreithnithe a leagtar amach in aithris (24), sin nó ba cheart di na spriocanna sin a athbhreithniú anuas. |
Measúnú ar na spriocanna costéifeachtúlachta
|
(26) |
Maidir le príomhréimse feidhmíochta na costéifeachtúlachta, rinneadh measúnú ar chomhsheasmhacht na spriocanna a áirítear sna dréachtphleananna feidhmíochta maidir leis an gcostas aonaid arna shuí (‘CAAS’) le haghaidh seirbhísí aerloingseoireachta eitiltí faoi bhealach, ar bhonn na gcritéar a leagtar síos i bpointí 1.4(a), (b) agus (c) d’Iarscríbhinn IV a ghabhann le Rialachán Cur Chun Feidhme (AE) 2019/317. Is iad na critéir sin an treocht CAAS le linn TT4, an treocht fhadtéarmach CAAS le linn TT3 agus TT4 (2020-2029), agus luach bonnlíne CAAS ar leibhéil an limistéir muirearaithe i gcomparáid le meánluach na limistéar muirearaithe a bhfuil timpeallacht oibríochtúil agus eacnamaíoch chomhchosúil ag soláthraithe seirbhísí aerloingseoireachta iontu. |
|
(27) |
Is iad seo a leanas na spriocanna costéifeachtúlachta faoi bhealach a mholann Poblacht na Seice le haghaidh TT4, agus na luachanna bonnlíne gaolmhara:
|
|
(28) |
Maidir leis an gcritéar measúnaithe a leagtar amach i bpointe 1.4.(a) d’Iarscríbhinn IV a ghabhann le Rialachán Cur Chun Feidhme (AE) 2019/317, tugann an Coimisiún faoi deara go sáraíonn treocht CAAS Phoblacht na Seice ar leibhéal an limistéir muirearaithe de -1,3 % le linn TT4 an treocht uile-Aontais de -1,2 % le linn na tréimhse céanna. |
|
(29) |
Maidir leis an gcritéar measúnaithe a leagtar amach i bpointe 1.4(b) d’Iarscríbhinn IV a ghabhann le Rialachán Cur Chun Feidhme (AE) 2019/317, tugann an Coimisiún dá aire go bhfuil treocht CAAS fhadtéarmach Phoblacht na Seice le linn TT3 agus TT4 ar leibhéal an limistéir muirearaithe, mar atá +0,2 %, níos measa ná an treocht fhadtéarmach uile-Aontais le linn na tréimhse céanna, mar atá -1,0 %. |
|
(30) |
Tugann an Coimisiún dá aire, áfach, gur chaill Poblacht na Seice sciar suntasach de na traseitiltí a bhfreastalaíodh sí orthu go stairiúil, mar thoradh ar chogadh foghach na Rúise i gcoinne na hÚcráine. Leanann an laghdú tráchta sin ar aghaidh le linn TT4 chun tionchar mór a imirt ar fheidhmíocht costéifeachtúlachta an tsoláthraí seirbhísí aerloingseoireachta agus, go háirithe, bíonn tionchar diúltach aige ar threocht fhadtéarmach CAAS Phoblacht na Seice. |
|
(31) |
Dá bhrí sin, is gá agus is iomchuí scrúdú a dhéanamh, chun críoch an chritéir measúnaithe dá dtagraítear in aithris (29), an gcomhlíonfadh Poblacht na Seice an treocht CAAS fhadtéarmach uile-Aontais in éagmais na n-imthosca dá dtagraítear in aithris (30). |
|
(32) |
Chuige sin, rinne an Coimisiún treocht fhadtéarmach CAAS a athríomh i bhfianaise an chaillteanais struchtúraigh tráchta a mheastar a bheidh ann do Phoblacht na Seice mar thoradh ar an gcogadh san Úcráin, arna thomhas in aonaid seirbhíse faoi bhealach. Is é an toradh atá ar an athríomh sin treocht CAAS choigeartaithe fhadtéarmach le haghaidh Phoblacht na Seice de -2,3 %, rud a sháraíonn an treocht CAAS fhadtéarmach uile-Aontais de -1,0 %. Dá bhrí sin, thángthas ar an gconclúid go gcomhlíonann Poblacht na Seice an critéar measúnaithe dá dtagraítear in aithris (29) tar éis éifeacht an laghdaithe shuntasaigh tráchta mar thoradh ar an gcogadh san Úcráin a chur san áireamh. |
|
(33) |
Maidir leis an gcritéar a leagtar amach i bpointe 1.4(c) d’Iarscríbhinn IV a ghabhann le Rialachán Cur Chun Feidhme (AE) 2019/317, tugann an Coimisiún faoi deara go bhfuil an luach bonnlíne EUR 58,10 le haghaidh CAAS Phoblacht na Seice, luach arna shloinneadh i dtéarmaí réadacha ag praghsanna 2022 (‘EUR2022’), 13,6 % níos airde ná meánluach bonnlíne an ghrúpa comparáide ábhartha, is é sin EUR 51,14 in EUR2022, a leagtar amach in Airteagal 7, de Chinneadh Cur Chun Feidhme (AE) 2024/1688. |
|
(34) |
Nuair a eisiatar tionchar diúltach na n-athruithe tráchta a eascraíonn as cogadh foghach na Rúise i gcoinne na hÚcráine, is léir go gcomhlíonann Poblacht na Seice treocht uile-Aontais an DUC agus treocht fhadtéarmach uile-Aontais an DUC araon. Dá bhrí sin, measann an Coimisiún nach bac é an diall ón meánluach bonnlíne CAAS le haghaidh 2024 dá dtagraítear in aithris (33) ar spriocanna feidhmíochta costéifeachtúlachta Poblacht na Seice a bheith comhsheasmhach leis na spriocanna feidhmíochta costéifeachtúlachta uile-Aontais. |
|
(35) |
Ar bhonn na dtorthaí a leagtar amach in aithrisí (27) go (34), ba cheart a mheas go bhfuil na spriocanna i dtaca leis an réimse tábhachtach feidhmíochta a bhaineann le costéifeachtúlacht atá sa dréachtphlean feidhmíochta comhsheasmhach leis na spriocanna feidhmíochta uile-Aontais le haghaidh TT4. |
Athbhreithniú ar na spriocanna costéifeachtúlachta le haghaidh seirbhísí aerloingseoireachta críochfoirt
|
(36) |
I gcomhréir le pointe 2.1(c) d’Iarscríbhinn IV a ghabhann le Rialachán Cur Chun Feidhme (AE) 2019/317, chomhlánaigh an Coimisiún a mheasúnú ar dhréachtphlean feidhmíochta trí athbhreithniú a dhéanamh ar na spriocanna feidhmíochta costéifeachtúlachta le haghaidh seirbhísí aerloingseoireachta críochfoirt a leagtar amach i leith na n-aerfort dá dtagraítear in Airteagal 1(3) agus (4) den Rialachán Cur Chun Feidhme sin. Fuarthas amach nach bhfuil na spriocanna sin ina gcúis imní. |
Athbhreithniú ar na scéimeanna dreasachta um acmhainneacht faoi bhealach agus acmhainneacht críochfoirt
|
(37) |
I gcomhréir le pointe 2.1.(f) d’Iarscríbhinn IV a ghabhann le Rialachán Cur Chun Feidhme (AE) 2019/317, chomhlánaigh an Coimisiún a mheasúnú ar an dréachtphlean feidhmíochta le hathbhreithniú ar na scéimeanna dreasachtaí chun na spriocanna acmhainneachta a bhaint amach (‘scéimeanna dreasachta um acmhainneacht’) dá dtagraítear in Airteagal 11 den Rialachán Cur Chun Feidhme sin. Suíodh gur cúis imní iad na scéimeanna dreasachta um acmhainneacht le haghaidh TT4 arna mbunú ag Poblacht na Seice le haghaidh seirbhísí faoi bhealach agus seirbhísí críochfoirt. |
|
(38) |
Tugann an Coimisiún dá aire nach bhfuil ach 0,75 % de na costais arna suí i gceist leis an míbhuntáiste airgeadais uasta atá sa scéim dreasachta um acmhainneacht faoi bhealach agus sa scéim dreasachta um acmhainneacht críochfoirt a áirítear sa dréachtphlean feidhmíochta críochnaitheach. Ag féachaint don chomhairle shaineolach a chuir CAF ar fáil, measann an Coimisiún nach gcomhlíonann na huas-mhíbhuntáistí airgeadais le haghaidh na scéimeanna dreasachta um acmhainneacht arna leagan amach ag Poblacht na Seice Airteagal 11(3), pointe (a), de Rialachán Cur Chun Feidhme (AE) 2019/317, lena gceanglaítear go mbeidh ‘tionchar ábhartha ag scéimeanna dreasachta den sórt sin ar ioncam atá i mbaol’. |
|
(39) |
Dá bhrí sin, ba cheart do Phoblacht na Seice athbhreithniú a dhéanamh, i ndáil le glacadh a phlean feidhmíochta chríochnaithigh de bhun Airteagal 16, pointe (a), de Rialachán Cur Chun Feidhme (AE) 2019/317, ar a scéimeanna dreasachta um acmhainneacht i gcaoi a fhágann go socraítear an míbhuntáiste airgeadais uasta a eascraíonn as na scéimeanna dreasachta sin ar leibhéal ag a bhfuil tionchar ábhartha ar an ioncam faoi riosca, mar a cheanglaítear le hAirteagal 11(3), pointe (a) de Rialachán Cur Chun Feidhme (AE) 2019/317. Is é tuairim an Choimisiúin é gur cheart go mbeadh uas-mhíbhuntáiste airgeadais i gceist, sa chaoi sin, ar chomhionann le 1 % de na costais bhliantúla arna suí nó ar mhó ná sin mar thoradh ar an athbhreithniú sin. |
CONCLÚIDÍ
|
(40) |
I bhfianaise an mhéid thuas, ba cheart a mheas go bhfuil na spriocanna feidhmíochta atá i ndréachtphlean feidhmíochta Phoblacht na Seice comhsheasmhach leis na spriocanna feidhmíochta uile-Aontais le haghaidh TT4, |
TAR ÉIS AN CINNEADH SEO A GHLACADH:
Airteagal 1
Na spriocanna feidhmíochta atá sa dréachtphlean feidhmíochta a chuir Poblacht na Seice isteach le haghaidh an cheathrú tréimhse thagartha (‘TT4’), agus a liostaítear san Iarscríbhinn a ghabhann leis an gCinneadh seo, tá siad comhsheasmhach leis na spriocanna feidhmíochta uile-Aontais le haghaidh TT4 a leagtar amach i gCinneadh Cur Chun Feidhme (AE) 2024/1688.
Airteagal 2
Is chuig Poblacht na Seice a dhírítear an Cinneadh seo.
Arna dhéanamh sa Bhruiséil, an 19 Bealtaine 2025.
Thar ceann an Choimisiúin
Apostolos TZITZIKOSTAS
Comhalta den Choimisiún
(1) IO L 96, 31.3.2004, lch. 1, ELI: http://data.europa.eu/eli/reg/2004/549/oj.
(2) IO L, 2024/2803, 11.11.2024, ELI: http://data.europa.eu/eli/reg/2024/2803/oj.
(3) IO L 56, 25.2.2019, lch. 1, ELI: http://data.europa.eu/eli/reg_impl/2019/317/oj.
(4) Cinneadh Cur Chun Feidhme (AE) 2024/1688 ón gCoimisiún an 12 Meitheamh 2024 lena leagtar síos spriocanna feidhmíochta ar fud an Aontais le haghaidh an líonra um bainistíocht aerthráchta i ndáil leis an gceathrú tréimhse thagartha dar tús an 1 Eanáir 2025 agus dar críoch an 31 Nollaig 2029 (IO L, 2024/1688, 17.6.2024, ELI: http://data.europa.eu/eli/dec_impl/2024/1688/oj).
(5) Rialachán (CE) Uimh. 550/2004 ó Pharlaimint na hEorpa agus ón gComhairle an 10 Márta 2004 maidir le soláthar seirbhísí aerloingseoireachta a san aerspás Eorpach aonair (an Rialachán maidir le soláthar seirbhísí) (IO L 96, 31.3.2004, lch. 10, ELI http://data.europa.eu/eli/reg/2004/550/oj).
(6) Rialachán Cur Chun Feidhme (AE) 2019/123 ón gCoimisiún an 24 Eanáir 2019 lena leagtar síos rialacha mionsonraithe maidir le feidhmeanna líonra bainistíochta aerthráchta (BAT) a chur chun feidhme agus lena n-aisghairtear Rialachán (AE) Uimh. 677/2011 ón gCoimisiún (IO L 28, 31.1.2019, lch. 1, ELI: http://data.europa.eu/eli/reg_impl/2019/123/oj).
IARSCRÍBHINN
Na spriocanna feidhmíochta atá i ndréachtphlean feidhmíochta Poblacht na Seice, agus a bhfuarthas go bhfuil siad comhsheasmhach leis na spriocanna feidhmíochta uile-Aontais le haghaidh an cheathrú tréimhse thagartha
PRÍOMHRÉIMSE FEIDHMÍOCHTA NA SÁBHÁILTEACHTA
|
Poblacht na Seice |
Spriocanna le haghaidh éifeachtacht na bainistíochta sábháilteachta, arna léiriú mar leibhéal cur chun feidhme, i raon idir leibhéil A agus D de chuid Ghníomhaireacht Sábháilteachta Eitlíochta an Aontais Eorpaigh (‘EASA’) |
|||||
|
Soláthraí seirbhísí aerloingseoireachta |
Cuspóir na bainistíochta sábháilteachta |
2025 |
2026 |
2027 |
2028 |
2029 |
|
ANS CR |
Beartas agus cuspóirí sábháilteachta |
C |
C |
C |
C |
C |
|
Bainistíocht riosca sábháilteachta |
C |
C |
C |
C |
D |
|
|
Dearbhú sábháilteachta |
B |
C |
C |
C |
C |
|
|
Cur chun cinn na sábháilteachta |
C |
C |
C |
C |
C |
|
|
Cultúr sábháilteachta |
C |
C |
C |
C |
C |
|
PRÍOMHRÉIMSE FEIDHMÍOCHTA AN CHOMHSHAOIL
|
Poblacht na Seice |
2025 |
2026 |
2027 |
2028 |
2029 |
|
Spriocanna i bpríomhréimse feidhmíochta an chomhshaoil, arna léiriú mar mheánéifeachtúlacht chothrománach eitilte faoi bhealach an ruthaig eitilte iarbhír |
2,54 % |
2,52 % |
2,49 % |
2,45 % |
2,43 % |
PRÍOMHRÉIMSE FEIDHMÍOCHTA NA hACMHAINNEACHTA
|
Poblacht na Seice |
2025 |
2026 |
2027 |
2028 |
2029 |
|
Spriocanna i bpríomhréimse feidhmíochta na hacmhainneachta, arna léiriú i nóiméid moille BSAT faoi bhealach in aghaidh na heitilte |
0,19 |
0,14 |
0,11 |
0,10 |
0,10 |
PRÍOMHRÉIMSE FEIDHMÍOCHTA NA COSTÉIFEACHTÚLACHTA
|
Limistéar muirearaithe faoi bhealach Phoblacht na Seice |
Luach bonnlíne 2019 |
Luach bonnlíne 2024 |
2025 |
2026 |
2027 |
2028 |
2029 |
|
Spriocanna agus luachanna bonnlíne i bpríomhréimse feidhmíochta na costéifeachtúlachta, arna léiriú mar chostas aonaid arna shuí (i dtéarmaí réadacha ag praghsanna 2022) |
CZK 1 315,2 |
CZK 1 425,1 |
CZK 1 426,6 |
CZK 1 425,3 |
CZK 1 393,9 |
CZK 1 383,9 |
CZK 1 336,2 |
|
EUR 53,62 |
EUR 58,10 |
EUR 58,16 |
EUR 58,11 |
EUR 56,82 |
EUR 56,42 |
EUR 54,47 |
ELI: http://data.europa.eu/eli/dec/2025/1053/oj
ISSN 1977-0839 (electronic edition)