<!DOCTYPE html PUBLIC "yes" "xhtml1-strict.dtd">
<html xmlns="http://www.w3.org/1999/xhtml">
<!--GENDOC2XHTML # converter_version: 1.2.15-->
  <head>
    <title>2026-05-202605C121202304830-00-TRA-DOC-GA-ARRET-C-0483-23-202603185-07_00</title>
    <meta content="text/html; charset=utf-8" http-equiv="Content-Type"/>
    <meta content="true" name="ParExtraits_2021"/>
    <meta content="" name="Gendoc_DGTGeneratedDate"/>
    <meta content="0" name="MSIP_Label_6bd9ddd1-4d20-43f6-abfa-fc3c07406f94_ContentBits"/>
    <meta content="Commission Use" name="MSIP_Label_6bd9ddd1-4d20-43f6-abfa-fc3c07406f94_Name"/>
    <meta content="ga-IE" name="Gendoc_Lang"/>
    <meta content="" name="Gendoc_GenerationDate"/>
    <meta content="" name="IsFlattened"/>
    <meta content="1" name="NumProc"/>
    <meta content="Final" name="Gendoc_EditionType"/>
    <meta content="0001" name="Gendoc_CaseNumberSuite"/>
    <meta content="15/10/2026 14:15:49" name="Gendoc_LastVerificationDate"/>
    <meta content="" name="Gendoc_ProcedureNumber"/>
    <meta content="ga" name="Gendoc_LangCode"/>
    <meta content="ARR" name="TypeDoc"/>
    <meta content="M5HIAu0ZM9yDTF3M/xUyAWpWZjSHtLlD1gA/9mutJwrRtlvYdeCij/X4d2zi/idH8+vJIqb6Mluu53MKKOrEMlKDP5B7mTdFTJR1W4i4Bt3yYJ1rjjT/7WuBefijBkyPQkNO7BOzgfza0wr6QWKU6YWFwcV1WD9dHgdGspnx/rQ=" name="GenDocUID"/>
    <meta content="P" name="TypeProc"/>
    <meta content="" name="CreateCustomParts"/>
    <meta content="OK" name="ReadyToPublish"/>
    <meta content="svc_wsgendoc" name="Gendoc_User"/>
    <meta content="10, 3, 0, 1" name="MSIP_Label_6bd9ddd1-4d20-43f6-abfa-fc3c07406f94_Tag"/>
    <meta content="" name="EP_Mode"/>
    <meta content="" name="Gendoc_DGTGenerated"/>
    <meta content="" name="Gendoc_Vademecum"/>
    <meta content="true" name="MSIP_Label_6bd9ddd1-4d20-43f6-abfa-fc3c07406f94_Enabled"/>
    <meta content="53eb2871-15cc-40e1-8477-694e0ed031d4" name="MSIP_Label_6bd9ddd1-4d20-43f6-abfa-fc3c07406f94_ActionId"/>
    <meta content="0483" name="NumeroOrdre"/>
    <meta content="2023" name="Annee"/>
    <meta content="P" name="Gendoc_ProcedureType"/>
    <meta content="" name="EP_Version"/>
    <meta content="GA" name="Langue"/>
    <meta content="" name="Gendoc_DGTGeneratedUser"/>
    <meta content="b24c8b06-522c-46fe-9080-70926f8dddb1" name="MSIP_Label_6bd9ddd1-4d20-43f6-abfa-fc3c07406f94_SiteId"/>
    <meta content="FAST_document_go_ok" name="Gendoc_LastVerificationStatus"/>
    <meta content="ARR_C" name="Gendoc_GendocTemplateType"/>
    <meta content="TRUE" name="WithoutAuthorBlockFlatP"/>
    <meta content="GenDoc 28-09-26 09:34:02" name="Created"/>
    <meta content="" name="Canevas3_Vademecum"/>
    <meta content="2026-10-14T08:05:11Z" name="MSIP_Label_6bd9ddd1-4d20-43f6-abfa-fc3c07406f94_SetDate"/>
    <meta content="TRUE" name="WithoutAuthorBlock"/>
    <meta content="" name="Gendoc_CaseYear"/>
    <meta content="false" name="Generation_In_Progress"/>
    <meta content="C" name="Juridiction"/>
    <meta content="15312b1d759d4b0b8363d571fc8101d5" name="DocumentIdentifier"/>
    <meta content="0483" name="Gendoc_CaseNumber"/>
    <meta content="ImportedWithoutSource" name="SdlIdentifier"/>
    <meta content="RP" name="NatureAff"/>
    <meta content="RP" name="Gendoc_CaseNature"/>
    <meta content="0001" name="NumSuite"/>
    <meta content="C" name="Gendoc_Juridiction"/>
    <meta content="Standard" name="MSIP_Label_6bd9ddd1-4d20-43f6-abfa-fc3c07406f94_Method"/>
  </head>
  <body>
    <div style="header">
      <div id="rId24" style="first"/>
      <div id="rId20" style="even">Breithiúnas an 21. 5. 2026 – Cás C‑483/23</div>
      <div id="rId21" style="default">T Trust</div>
    </div>
    <p class="C19Centre" id="para-1" title="page-1">
      BREITHIÚNAS NA CÚIRTE (an Chéad Dlísheomra)
    </p>
    <p class="C19Centre" id="para-2" title="page-1">
      21 Bealtaine 2026  (<span class="note footnote notemarker">
<a id="c-1" href="#t-1">*</a>
</span>)
    </p>
    <p class="C71Indicateur" id="para-3" title="page-1">
      (Tarchur chun réamhrialú – Comhbheartas eachtrach agus slándála – Bearta sriantacha arna nglacadh i bhfianaise an fhogha mhíleata faoin Úcráin – Rialachán (AE) Uimh. 269/2014 – Airteagal 2(1) – Cistí agus acmhainní eacnamaíocha a reo – Iontaobhas a bhunú – Socraitheoir na hiontaoibhe a liostaítear in Iarscríbhinn I a ghabhann le Rialachán Uimh. 269/2014 – Cistí agus acmhainní eacnamaíocha a cuireadh leis an iontaobhas a reo – Na coincheapa ‘ar le’ agus ‘rialú’)
    </p>
    <p class="C02AlineaAltA" id="para-4" title="page-1">
      I gCás C‑483/23,
    </p>
    <p class="C02AlineaAltA" id="para-5" title="page-1">
      IARRAIDH ar réamhrialú de bhun Airteagal 267 CFAE, ó Tribunale amministrativo regionale per il Lazio (an Chúirt Réigiúnach Riaracháin, Lazio, an Iodáil), trí bhreith an 11 Aibreán 2023, a fuarthas ag an gCúirt an 26 Iúil 2023, sna himeachtaí
    </p>
    <p class="C02AlineaAltA" id="para-6" title="page-1">
      A,
    </p>
    <p class="C02AlineaAltA" id="para-7" title="page-1">
      B,
    </p>
    <p class="C02AlineaAltA" id="para-8" title="page-1">
      C,
    </p>
    <p class="C02AlineaAltA" id="para-9" title="page-1">
      D,
    </p>
    <p class="C02AlineaAltA" id="para-10" title="page-1">
      T
    </p>
    <p class="C02AlineaAltA" id="para-11" title="page-1">
      v
    </p>
    <p class="C02AlineaAltA" id="para-12" title="page-1">
      Ministero dell’Economia e delle Finanze,
    </p>
    <p class="C02AlineaAltA" id="para-13" title="page-1">
      Comitato di Sicurezza Finanziaria,
    </p>
    <p class="C02AlineaAltA" id="para-14" title="page-1">
      Agenzia del Demanio,
    </p>
    <p class="C19Centre" id="para-15" title="page-1">
      tugann AN CHÚIRT (an Chéad Dlísheomra),
    </p>
    <p class="C02AlineaAltA" id="para-16" title="page-1">
      agus í comhdhéanta mar seo a leanas: F. Biltgen, Uachtarán Dlísheomra, T. von Danwitz, Leas-Uachtarán na Cúirte, ag feidhmiú mar Bhreitheamh den Chéad Dlísheomra, I. Ziemele (Rapóirtéir), A. Kumin agus S. Gervasoni, Breithiúna,
    </p>
    <p class="C02AlineaAltA" id="para-17" title="page-1">
      Abhcóide Ginearálta: M. Campos Sánchez-Bordona,
    </p>
    <p class="C02AlineaAltA" id="para-18" title="page-1">
      Cláraitheoir: G. Chiapponi, Riarthóir,
    </p>
    <p class="C02AlineaAltA" id="para-19" title="page-1">
      ag féachaint don nós imeachta i scríbhinn agus tar éis éisteacht an 8 Bealtaine 2025,
    </p>
    <p class="C02AlineaAltA" id="para-20" title="page-1">
      tar éis breithniú a dhéanamh ar na barúlacha arna dtíolacadh thar ceann na bpáirtithe seo a leanas:
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">A, B, C, D agus T, ag F. Centonze, F. Ciancio, G. Lovaste, M. Magnano, A. Neri, A. Saccucci agus F. Sciaudone, avvocati,</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">Rialtas na hIodáile, ag S. Fiorentino agus G. Palmieri, i gcáil Gníomhairí, le cúnamh ó P. Gentili agus L. Paolucci, avvocati dello Stato,</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">Rialtas na Beilge, ag A. De Brouwer, C. Pochet agus M. Van Regemorter, i gcáil Gníomhairí,</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">Rialtas na Gearmáine, ag J. Möller, i gcáil Gníomhaire,</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">Rialtas na Fraince, ag B. Fodda, E. Timmermans agus B. Travard, i gcáil Gníomhairí,</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">Rialtas na hÍsiltíre, ag M. K. Bulterman agus A. Hanje, i gcáil Gníomhairí,</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">Rialtas na Fionlainne, ag M. Pere, i gcáil Gníomhaire,</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">an Coimisiún Eorpach, ag D. Bianchi, M. Carpus-Carcea, H. Krämer agus L. Puccio, i gcáil Gníomhairí,</p>
</td>
</tr>
</table>
    <p class="C02AlineaAltA" id="para-29" title="page-1">
      tar éis éisteacht le Tuairim an Abhcóide Ghinearálta ag éisteacht an 10 Iúil 2025,
    </p>
    <p class="C02AlineaAltA" id="para-30" title="page-1">
      an Breithiúnas seo a leanas:
    </p>
    <p class="C75Debutdesmotifs" id="para-31" title="page-1">
      Breithiúnas
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">1</p>
</td>
<td valign="top">
<p class="normal">Baineann an iarraidh ar réamhrialú le léiriú Airteagal 2(1) de Rialachán (AE) Uimh. 269/2014 ón gComhairle an 17 Márta 2014 a bhaineann le bearta sriantacha i ndáil le gníomhaíochtaí lena mbaintear an bonn d’iomláine chríochach, de cheannasacht agus de neamhspleáchas na hÚcráine nó ar bagairt iad na gníomhaíochtaí sin ar an méid sin (IO 2014 L 78, lch. 6), arna leasú le Rialachán (AE) 2022/330 ón gComhairle an 25 Feabhra 2022 (IO 2022 L 51, lch. 1) (‘Rialachán Uimh. 269/2014’).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">2</p>
</td>
<td valign="top">
<p class="normal">Rinneadh an iarraidh in imeachtaí idir A, B, C, D agus T, ar thaobh amháin, agus Ministero dell’Economia e delle Finanze (an Aireacht Geilleagair agus Airgeadais, an Iodáil) (‘an Aireacht’), Comitato di Sicurezza Finanziaria (an Coiste Slándála Airgeadais, an Iodáil) agus Agenzia del Demanio (an Ghníomhaireacht Maoine Poiblí, an Iodáil), ar an taobh eile, maidir le reo scaireanna agus maoine i gcuideachtaí A, B, C agus D.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">An dlí lena mbaineann</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Dlí idirnáisiúnta</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">3</p>
</td>
<td valign="top">
<p class="normal">Foráiltear le hAirteagal 2 den Choinbhinsiún maidir leis an Dlí is Infheidhme ar Iontaobhais agus ar iad a Aithint, a tugadh i gcrích sa Háig an 1 Iúil 1985 (‘Coinbhinsiún na Háige’), arna shíniú agus arna dhaingniú ag Poblacht na hIodáile:</p>
</td>
</tr>
</table>
    <p class="C02AlineaAltA" id="para-37" title="page-2">
      ‘Chun críocha an Choinbhinsiúin seo, ciallaíonn “iontaobhas” aon chaidreamh dlíthiúil a chruthaíonn duine, an socraitheoir – trí ghníomh inter vivos nó mar gheall ar bhás – i gcás ina gcuirtear maoine faoi rialú iontaobhaí chun leasa tairbhí nó chun críche sonraithe.
    </p>
    <p class="C02AlineaAltA" id="para-38" title="page-2">
      Beidh na saintréithe seo a leanas ag an iontaobhas:
    </p>
    <p class="C09Marge0avecretrait" id="para-39" title="page-2">
      (a) is eastát ar leithligh iad maoine an iontaobhais agus ní cuid de mhaoine an iontaobhaí iad;
    </p>
    <p class="C09Marge0avecretrait" id="para-40" title="page-2">
      (b) beidh teideal ar mhaoine an iontaobhais ag an iontaobhaí nó ag duine eile thar ceann an iontaobhaí;
    </p>
    <p class="C09Marge0avecretrait" id="para-41" title="page-2">
      (c) beidh údarás ag an iontaobhaí agus beidh sé freagrach agus cuntasach as na maoine a riaradh, a bhainistiú nó a dhiúscairt de réir théarmaí an iontaobhais agus na rialacha speisialta a fhorchuirtear ar an iontaobhaí le dlí.
    </p>
    <p class="C02AlineaAltA" id="para-42" title="page-2">
      Cé go gcoinníonn an socraitheoir sainchumais áirithe nó go bhfuil cearta áirithe ag an iontaobhaí mar thairbhí, ní gá go gcuireann sé sin bac ar iontaobhas a bheith ann.’
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">4</p>
</td>
<td valign="top">
<p class="normal">Foráiltear leis an gcéad fhomhír d’Airteagal 6 den Choinbhinsiún sin:</p>
</td>
</tr>
</table>
    <p class="C02AlineaAltA" id="para-44" title="page-2">
      ‘Rialófar an t‑iontaobhas leis an dlí a roghnóidh an socraitheoir. Ní mór an rogha a dhéanamh go sainráite nó de thoradh fhorálacha na hionstraime lena gcruthaítear an t‑iontaobhas nó trí fhianaise a thabhairt ar aird, a léirítear, más gá, le cúnamh ó imthosca an cháis.’
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">5</p>
</td>
<td valign="top">
<p class="normal">Foráiltear don mhéid seo a leanas in Airteagal 11 den Choinbhinsiún sin:</p>
</td>
</tr>
</table>
    <p class="C02AlineaAltA" id="para-46" title="page-3">
      ‘Déanfar iontaobhas a chruthaítear de réir an dlí arna chinneadh ag an gcaibidil roimhe seo a aithint mar iontaobhas.
    </p>
    <p class="C02AlineaAltA" id="para-47" title="page-3">
      Ciallóidh aitheantas ar a laghad go bhfuil maoine an iontaobhais ar leithligh ó mhaoine pearsanta an iontaobhaí agus go bhféadfaidh an t‑iontaobhaí gníomhú mar ghearánaí nó mar chosantóir, nó láithriú mar iontaobhaí os comhair nótaire nó aon duine a fheidhmíonn údarás poiblí.
    </p>
    <p class="C02AlineaAltA" id="para-48" title="page-3">
      A mhéid a cheanglaítear nó a fhoráiltear amhlaidh leis an dlí is infheidhme maidir leis an iontaobhas, is éard a bheidh i gceist go háirithe leis an aitheantas sin:
    </p>
    <p class="C09Marge0avecretrait" id="para-49" title="page-3">
      (a) nach féidir le creidiúnaithe pearsanta an iontaobhaí maoine an iontaobhais a urghabháil;
    </p>
    <p class="C09Marge0avecretrait" id="para-50" title="page-3">
      (b) go ndéanfar maoine an iontaobhais a scaradh ó mhaoine an iontaobhaí i gcás dhócmhainneacht an iontaobhaí;
    </p>
    <p class="C09Marge0avecretrait" id="para-51" title="page-3">
      (c) nach cuid den réimeas na maoine pósta ná d’eastát an iontaobhaí iad maoine an iontaobhais;
    </p>
    <p class="C09Marge0avecretrait" id="para-52" title="page-3">
      (d) go gceadófaí éileamh chun maoine an iontaobhais a aisghabháil i gcásanna ina ndéanann an t‑iontaobhaí, de shárú ar na hoibleagáidí a eascraíonn as an iontaobhas, maoine an iontaobhais a mheascadh lena mhaoine pearsanta nó iad a dhiúscairt.
    </p>
    <p class="C02AlineaAltA" id="para-53" title="page-3">
      Mar sin féin, leanfaidh cearta agus oibleagáidí tríú páirtí atá ina shealbhóir ar mhaoine an iontaobhais de bheith faoi rialú an dlí arna chinneadh le rialacha an fhóraim maidir le coimhlint dlí.’
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Dlí an Aontais</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Cinneadh 2014/145/CBES</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">6</p>
</td>
<td valign="top">
<p class="normal">Foráiltear le haithrisí 1, 4 agus 5 de Chinneadh 2014/145/CBES ón gComhairle an 17 Márta 2014 a bhaineann le bearta sriantacha i ndáil le gníomhaíochtaí lena mbaintear an bonn d’iomláine chríochach, de cheannasacht agus de neamhspleáchas na hÚcráine nó ar bagairt iad na gníomhaíochtaí sin ar an méid sin (IO 2014 L 78, lch. 16):</p>
</td>
</tr>
</table>
    <p class="C09Marge0avecretrait" id="para-57" title="page-4">
      ‘(1) An 6 Márta 2014, cháin Cinn Stáit nó Rialtais Bhallstáit an Aontais [Eorpaigh] go láidir an sárú gan chúis a rinne Cónaidhm na Rúise ar cheannasacht agus ar iomláine chríochach na hÚcráine agus d’iarr siad ar Chónaidhm na Rúise a fórsaí armtha a tharraingt siar láithreach chuig a n‑áiteanna buanstáisiúin, i gcomhréir leis na comhaontuithe ábhartha. [...] Mheas na Cinn Stáit nó Rialtais go bhfuil an cinneadh ó Ardchomhairle Phoblacht Fhéinrialaitheach na Crimé reifreann a reáchtáil maidir le stádas na críche sin amach anseo contrártha do Bhunreacht na hÚcráine agus, dá bhrí sin, go bhfuil sé neamhdhleathach.
    </p>
    <p class="C02AlineaAltA" id="para-58" title="page-4">
      [...]
    </p>
    <p class="C09Marge0avecretrait" id="para-59" title="page-4">
      (4) Sna himthosca atá ann faoi láthair, ba cheart srianta taistil agus reo sócmhainní a fhorchur ar dhaoine atá freagrach as gníomhaíochtaí a bhaineann an bonn d’iomláine chríochach, de cheannasacht agus de neamhspleáchas na hÚcráine nó ar bagairt iad na gníomhaíochtaí sin ar an méid sin, lena n‑áirítear gníomhaíochtaí maidir le stádas aon chuid den chríoch amach anseo atá contrártha le Bunreacht na hÚcráine, agus ar dhaoine nó eintitis a bhfuil baint acu leo.
    </p>
    <p class="C09Marge0avecretrait" id="para-60" title="page-4">
      (5) Ní mór don Aontas tuilleadh gníomhaíochta a dhéanamh chun bearta áirithe a chur chun feidhme.’
    </p>
    <p class="C09Marge0avecretrait" id="para-61" title="page-4">
      [Aistriúchán neamhoifigiúil]
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Cinneadh (CBES) 2022/337</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">7</p>
</td>
<td valign="top">
<p class="normal">Mar fhreagairt ar an bhfogha a thug Cónaidhm na Rúise faoin Úcráin an 24 Feabhra 2022 agus i bhfianaise a thromchúisí atá an staid, ghlac Comhairle an Aontais Eorpaigh, an 28 Feabhra 2022, Cinneadh (CBES) 2022/337 lena leasaítear Cinneadh 2014/145/CBES a bhaineann le bearta sriantacha i ndáil le gníomhaíochtaí lena mbaintear an bonn d’iomláine chríochach, de cheannasacht agus de neamhspleáchas na hÚcráine nó ar bagairt iad na gníomhaíochtaí sin ar an méid sin (IO 2022 L 59, lch. 1), lenar cuireadh 26 dhuine agus eintiteas amháin le liosta na ndaoine, na n‑eintiteas agus na gcomhlachtaí atá faoi réir na mbeart sriantach a leagtar amach san Iarscríbhinn a ghabhann le Cinneadh 2014/145.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Rialachán Uimh. 269/2014</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">8</p>
</td>
<td valign="top">
<p class="normal">Leagtar amach an méid seo a leanas le haithrisí 4 go 6 de Rialachán Uimh. 269/2014:</p>
</td>
</tr>
</table>
    <p class="C09Marge0avecretrait" id="para-66" title="page-4">
      ‘(4) An 17 Márta 2014, ghlac an Chomhairle Cinneadh 2014/145/CBES, lena bhforchuirtear srianta taistil agus reo cistí agus acmhainní eacnamaíocha ar dhaoine áirithe atá freagrach as gníomhaíochtaí lena mbaintear an bonn d’iomláine chríochach, de cheannasacht agus de neamhspleáchas na hÚcráine nó ar bagairt iad na gníomhaíochtaí sin ar an méid sin, lena n‑áirítear gníomhaíochtaí a bhaineann le stádas aon chuid den chríoch amach anseo atá contrártha le Bunreacht na hÚcráine, agus ar dhaoine nádúrtha nó dlítheanacha, eintitis nó comhlachtaí a bhaineann leo. Liostaítear na daoine nádúrtha nó dlítheanacha, na heintitis agus na comhlachtaí sin san Iarscríbhinn a ghabhann leis an gCinneadh sin.
    </p>
    <p class="C09Marge0avecretrait" id="para-67" title="page-5">
      (5) Tagann roinnt de na bearta sin faoi raon feidhme an Chonartha ar Fheidhmiú an Aontais Eorpaigh agus, dá bhrí sin, tá gá le gníomhaíocht rialála ar leibhéal an Aontais a gcur chun feidhme a áirithiú, go háirithe d’fhonn a áirithiú go gcuirfear i bhfeidhm iad go haonfhoirmeach i ngach Ballstát.
    </p>
    <p class="C09Marge0avecretrait" id="para-68" title="page-5">
      (6) Leis an Rialachán seo, urramaítear na cearta bunúsacha agus comhlíontar na prionsabail a aithnítear, inter alia, i gCairt um Chearta Bunúsacha an Aontais Eorpaigh, agus go háirithe na cearta chun leigheas éifeachtach agus triail chóir a fháil, mar aon leis an gceart go ndéanfar sonraí pearsanta a chosaint. Ní mór an Rialachán seo a chur i bhfeidhm i gcomhréir leis na cearta agus na prionsabail sin.’
    </p>
    <p class="C09Marge0avecretrait" id="para-69" title="page-5">
      [Aistriúchán neamhoifigiúil]
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">9</p>
</td>
<td valign="top">
<p class="normal">Foráiltear le hAirteagal 1 den Rialachán sin:</p>
</td>
</tr>
</table>
    <p class="C02AlineaAltA" id="para-71" title="page-5">
      ‘Chun críocha an Rialacháin seo, beidh feidhm ag na sainmhínithe seo a leanas:
    </p>
    <p class="C02AlineaAltA" id="para-72" title="page-5">
      [...]
    </p>
    <p class="C09Marge0avecretrait" id="para-73" title="page-5">
      (d) ciallaíonn “acmhainní eacnamaíocha” sócmhainní de gach cineál, cibé acu atá inláimhsithe nó doláimhsithe, sochorraithe nó dochorraithe, arb acmhainní nach cistí iad, ach is féidir a úsáid chun cistí, earraí nó seirbhísí a fháil;
    </p>
    <p class="C09Marge0avecretrait" id="para-74" title="page-5">
      (e) ciallaíonn “reo acmhainní eacnamaíocha” cosc a chur le húsáid acmhainní eacnamaíocha chun cistí, earraí nó seirbhísí a fháil ar aon bhealach, lena n‑áirítear iad a dhíol, a chur ar cíos nó a mhorgáistiú, ach gan bheith teoranta don mhéid sin;
    </p>
    <p class="C09Marge0avecretrait" id="para-75" title="page-5">
      (f) ciallaíonn “reo cistí” cosc a chur ar aon bhogadh, aistriú, athrú, úsáid, rochtain ar, nó láimhseáil cistí ar aon dóigh as a n‑eascródh aon athrú ar a dtoirt, méid, suíomh, úinéireacht, seilbh, tréith, ceann scríbe, nó aon athrú eile a d’fhágfadh go bhféadfaí na cistí a úsáid, bainistíocht phunainne san áireamh;
    </p>
    <p class="C09Marge0avecretrait" id="para-76" title="page-5">
      (g) ciallaíonn “cistí” sócmhainní airgeadais agus leasanna de gach cineál, lena n‑áirítear ach gan bheith teoranta don mhéid seo a leanas:
    </p>
    <p class="C11Marge1avecretrait" id="para-77" title="page-5">
      (i) airgead tirim, seiceanna, éilimh ar airgead, dréachtaí, orduithe airgid agus ionstraimí íocaíochta eile;
    </p>
    <p class="C11Marge1avecretrait" id="para-78" title="page-5">
      (ii) taiscí le hinstitiúidí airgeadais nó le heintitis eile, iarmhéideanna ar chuntais, fiachais agus oibleagáidí fiachais;
    </p>
    <p class="C11Marge1avecretrait" id="para-79" title="page-6">
      (iii) urrúis agus ionstraimí fiachais a thrádáiltear go poiblí nó go príobháideach, lena n‑áirítear stoic agus scaireanna, deimhnithe in ionannas urrús, bannaí, nótaí, barántais, bintiúir agus conarthaí díorthach;
    </p>
    <p class="C11Marge1avecretrait" id="para-80" title="page-6">
      (iv) ús, díbhinní nó ioncam eile ar shócmhainní nó luach a fhabhraíonn astu nó arna nginiúint astu;
    </p>
    <p class="C11Marge1avecretrait" id="para-81" title="page-6">
      (v) creidmheas, ceart fritháirimh, ráthaíochtaí, bannaí feidhmíochta nó gealltanais airgeadais eile;
    </p>
    <p class="C11Marge1avecretrait" id="para-82" title="page-6">
      (vi) litreacha creidmheasa, billí luchta, billí díola; agus
    </p>
    <p class="C11Marge1avecretrait" id="para-83" title="page-6">
      (vii) doiciméid ina bhfuil cruthúnas ar leas i gcistí nó in acmhainní airgeadais;
    </p>
    <p class="C09Marge0avecretrait" id="para-84" title="page-6">
      [...]’
    </p>
    <p class="C09Marge0avecretrait" id="para-85" title="page-6">
      [Aistriúchán neamhoifigiúil]
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">10</p>
</td>
<td valign="top">
<p class="normal">Foráiltear le hAirteagal 2 den Rialachán sin:</p>
</td>
</tr>
</table>
    <p class="C02AlineaAltA" id="para-87" title="page-6">
      ‘1. Maidir leis na cistí agus na hacmhainní eacnamaíocha uile ar le daoine nádúrtha nó dlítheanacha, eintitis nó comhlachtaí iad, nó daoine nádúrtha nó dlítheanacha, eintitis nó comhlachtaí a bhaineann leo, mar a liostaítear in Iarscríbhinn I, agus atá faoi úinéireacht, i seilbh nó faoi rialú na ndaoine nádúrtha nó dlítheanacha, na n‑eintiteas nó na gcomhlachtaí sin, déanfar iad a reo.
    </p>
    <p class="C02AlineaAltA" id="para-88" title="page-6">
      2. Ní chuirfear aon chiste ná acmhainn eacnamaíoch ar fáil, go díreach nó go hindíreach, do dhaoine nádúrtha nó dlítheanacha, d’eintitis, do chomhlachtaí, nó do dhaoine nádúrtha nó dlítheanacha, d’eintitis, nó do chomhlachtaí a bhfuil baint acu leo, mar a liostaítear in Iarscríbhinn I, ná ní chuirfear chun sochair dóibh iad.’
    </p>
    <p class="C02AlineaAltA" id="para-89" title="page-6">
      [Aistriúchán neamhoifigiúil]
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">11</p>
</td>
<td valign="top">
<p class="normal">Foráiltear le hAirteagal 3(1) den Rialachán céanna:</p>
</td>
</tr>
</table>
    <p class="C02AlineaAltA" id="para-91" title="page-6">
      ‘Áireofar an méid seo a leanas in Iarscríbhinn I:
    </p>
    <p class="C09Marge0avecretrait" id="para-92" title="page-6">
      (a) daoine nádúrtha atá freagrach as gníomhaíochtaí nó beartais, a thacaíonn leo nó a chuireann chun feidhme iad, ar gníomhaíochtaí nó beartais iad a bhaineann an bonn d’iomláine chríochach, de cheannasacht agus de neamhspleáchas na hÚcráine, nó a chuireann cobhsaíocht nó slándáil san Úcráin i mbaol, nó a chuireann bac ar obair eagraíochtaí idirnáisiúnta san Úcráin;
    </p>
    <p class="C09Marge0avecretrait" id="para-93" title="page-6">
      [...]
    </p>
    <p class="C09Marge0avecretrait" id="para-94" title="page-7">
      (d) daoine nádúrtha nó dlítheanacha, eintitis nó comhlachtaí a thacaíonn le, go hábhartha nó ó thaobh airgeadais de, nó a thairbhíonn de, chinnteoirí Rúiseacha atá freagrach as ionghabháil na Crimé nó as díchobhsú na hÚcráine;
    </p>
    <p class="C09Marge0avecretrait" id="para-95" title="page-7">
      (e) daoine nádúrtha nó dlítheanacha, eintitis nó comhlachtaí a sheolann idirbhearta leis na grúpaí scarúnaíocha i réigiún Donbas na hÚcráine;
    </p>
    <p class="C09Marge0avecretrait" id="para-96" title="page-7">
      (f) daoine nádúrtha nó dlítheanacha, eintitis nó comhlachtaí atá ag tacú le Rialtas Chónaidhm na Rúise, ar bhonn ábhartha nó ar bhonn airgeadais, nó atá ag baint tairbhe as an Rialtas sin, rialtas atá freagrach as ionghabháil na Crimé agus díchobhsú na hÚcráine; nó
    </p>
    <p class="C09Marge0avecretrait" id="para-97" title="page-7">
      (g) príomhdhaoine gnó nó príomhdhaoine dlítheanacha, príomheintitis nó príomhchomhlachtaí atá rannpháirteach in earnálacha eacnamaíocha a sholáthraíonn foinse shuntasach ioncaim do Rialtas Chónaidhm na Rúise, rialtas atá freagrach as ionghabháil na Crimé agus díchobhsú na hÚcráine,
    </p>
    <p class="C02AlineaAltA" id="para-98" title="page-7">
      agus daoine nádúrtha nó dlítheanacha, eintitis nó comhlachtaí a bhfuil baint acu leo.’
    </p>
    <p class="C02AlineaAltA" id="para-99" title="page-7">
      [Aistriúchán neamhoifigiúil]
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">12</p>
</td>
<td valign="top">
<p class="normal">De réir Airteagal 9 de Rialachán Uimh. 269/2014:</p>
</td>
</tr>
</table>
    <p class="C02AlineaAltA" id="para-101" title="page-7">
      ‘Toirmeascfar páirt a ghlacadh, go feasach agus d’aon ghnó, i ngníomhaíochtaí arb é is cuspóir nó éifeacht dóibh dul timpeall ar na bearta dá dtagraítear in Airteagal 2.’
    </p>
    <p class="C02AlineaAltA" id="para-102" title="page-7">
      [Aistriúchán neamhoifigiúil]
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Rialachán Cur Chun Feidhme (AE) 2022/336</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">13</p>
</td>
<td valign="top">
<p class="normal">An 28 Feabhra 2022, ghlac an Chomhairle Rialachán Cur Chun Feidhme (AE) 2022/336 lena gcuirtear chun feidhme Rialachán (AE) Uimh. 269/2014 a bhaineann le bearta sriantacha i ndáil le gníomhaíochtaí lena mbaintear an bonn d’iomláine chríochach, de cheannasacht agus de neamhspleáchas na hÚcráine nó ar bagairt iad na gníomhaíochtaí sin ar an méid sin (IO 2022 L 58, lch. 1), lenar cuireadh 26 dhuine agus eintiteas amháin le liosta na ndaoine, na n‑eintiteas agus na gcomhlachtaí atá faoi réir na mbeart sriantach a leagtar amach in Iarscríbhinn I a ghabhann le Rialachán Uimh. 269/2014.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">14</p>
</td>
<td valign="top">
<p class="normal">Leagtar an méid seo a leanas amach in aithrisí 5 go 11 den Rialachán Cur Chun Feidhme sin:</p>
</td>
</tr>
</table>
    <p class="C09Marge0avecretrait" id="para-106" title="page-8">
      ‘(5) An 24 Eanáir 2022, d’fhormheas an Chomhairle conclúidí inar cháin sí gníomhaíochtaí agus bagairtí foghacha leanúnacha na Rúise i gcoinne na hÚcráine, agus inar iarr sí ar an Rúis an lasóg a bhaint den bharrach, cloí leis an dlí idirnáisiúnta agus páirt chuiditheach a ghlacadh in idirphlé trí na sásraí idirnáisiúnta atá bunaithe. D’athdhearbhaigh an Chomhairle tiomantas iomlán an Aontais do na croíphrionsabail ar a bhfuil slándáil na hEorpa bunaithe, agus atá cumhdaithe i gCairt na Náisiún Aontaithe agus i ndoiciméid bhunaitheacha na hEagraíochta um Shlándáil agus Comhar san Eoraip, lena n‑áirítear Ionstraim Chríochnaitheach Heilsincí agus Cairt Pháras. Áirítear leis na croíphrionsabail sin go háirithe comhionannas ceannasach agus iomláine chríochach Stát, dosháraitheacht na dteorainneacha, staonadh ó fhorneart a bhagairt nó a úsáid, agus saoirse Stát a socruithe slándála féin a roghnú nó a athrú. Luaigh an Chomhairle nach bhfuil na prionsabail sin inchaibidle ná faoi réir athbhreithniú ná athléiriú, agus gur bac é sárú na Rúise ar spás slándála coiteann agus doroinnte san Eoraip, agus go gcuireann sé an tsíocháin agus an chobhsaíocht ar an mór-roinn seo againne i mbaol. Á mheabhrú di na Conclúidí ón gComhairle Eorpach an 16 Nollaig 2021, d’athdhearbhaigh an Chomhairle go n‑eascródh iarmhairtí ollmhóra agus costais thromchúiseacha as aon fhogha míleata breise a dhéanfadh an Rúis ar an Úcráin, agus go n‑áirítear air sin réimse leathan beart sriantach ar earnálacha agus ar dhaoine aonair a ghlacfaí i gcomhar le comhpháirtithe.
    </p>
    <p class="C09Marge0avecretrait" id="para-107" title="page-8">
      (6) An 19 Feabhra 2022, d’eisigh an tArdionadaí dearbhú thar ceann an Aontais inar léiríodh gur cúis imní é tóstail ollmhór fhórsaí armtha na Rúise san Úcráin agus thart ar an Úcráin, agus thathantaigh sé ar an Rúis páirt a ghlacadh in idirphlé fónta agus i dtaidhleoireacht, guaim a choinneáil uirthi féin agus an lasóg a bhaint den bharrach trí go leor fórsaí míleata a tharraingt siar ó theorainneacha na hÚcráine. [...]
    </p>
    <p class="C09Marge0avecretrait" id="para-108" title="page-8">
      (7) An 21 Feabhra 2022, shínigh Uachtarán Chónaidhm na Rúise foraithne ina n‑aithnítear “neamhspleáchas agus ceannasacht” limistéir réigiúin Donetsk agus Luhansk na hÚcráine nach bhfuil faoi smacht an rialtais, agus d’ordaigh sé fórsaí armtha na Rúise isteach sna limistéir sin.
    </p>
    <p class="C09Marge0avecretrait" id="para-109" title="page-8">
      (8) An 22 Feabhra 2022, d’eisigh an tArdionadaí dearbhú thar ceann an Aontais inar cáineadh an ghníomhaíocht neamhdhleathach sin, lena mbaintear an bonn de cheannasacht agus de neamhspleáchas na hÚcráine a thuilleadh agus is sárú tromchúiseach í ar an dlí idirnáisiúnta agus ar chomhaontuithe idirnáisiúnta, lena n‑áirítear Cairt na Náisiún Aontaithe, Ionstraim Chríochnaitheach Heilsincí, Cairt Pháras agus Meabhrán Bhúdaipeist, chomh maith le Comhaontuithe Mhionsc agus Rún 2202 (2015) ó Chomhairle Slándála na Náisiún Aontaithe. D'áitigh an tArdionadaí ar an Rúis, mar pháirtí sa choinbhleacht, an t‑aitheantas sin a aisiompú, seasamh lena gealltanais, cloí leis an dlí idirnáisiúnta agus filleadh ar an bplé faoi chuimsiú fhormáid na Normainne agus an Ghrúpa Teagmhála Thríthaobhaigh. D’fhógair sé go bhfreagródh an tAontas do na sáruithe is déanaí sin ag an Rúis trí bhearta breise sriantacha a ghlacadh mar ábhar práinne.
    </p>
    <p class="C09Marge0avecretrait" id="para-110" title="page-9">
      (9) An 24 Feabhra 2022, d’fhógair Uachtarán Chónaidhm na Rúise oibríocht mhíleata san Úcráin agus chuir fórsaí armtha na Rúise tús le hionsaí ar an Úcráin. Is sárú follasach ar iomláine chríochach, ar cheannasacht agus ar neamhspleáchas na hÚcráine an t‑ionsaí sin.
    </p>
    <p class="C09Marge0avecretrait" id="para-111" title="page-9">
      (10) An 24 Feabhra 2022, d’eisigh an tArdionadaí dearbhú thar ceann an Aontais inar cáineadh go fíorghéar an t‑ionradh ar an Úcráin a rinne fórsaí armtha de chuid Chónaidhm na Rúise agus rannpháirtíocht na Bealarúise san fhogha sin faoin Úcráin. Chuir an tArdionadaí in iúl go n‑áireofar ar fhreagairt an Aontais bearta sriantacha earnálacha agus bearta sriantacha aonair araon.
    </p>
    <p class="C09Marge0avecretrait" id="para-112" title="page-9">
      (11) An 24 Feabhra 2022, cháin an Chomhairle Eorpach go neamhbhalbh an fogha míleata atá tugtha ag an Rúis gan chúis gan údar faoin Úcráin. Leis na gníomhaíochtaí mídhleathacha míleata atá ar siúl aici, tá an dlí idirnáisiúnta agus prionsabail Chairt na Náisiún Aontaithe á sárú go trom ag an Rúis agus tá an bonn á bhaint aici de shlándáil agus de chobhsaíocht na hEorpa agus an domhain. Tháinig an Chomhairle Eorpach, i ndlúthchomhar lena comhpháirtithe agus lena comhghuaillithe ar chomhaontú maidir le bearta sriantacha breise a mbeidh iarmhairtí ollmhóra tromchúiseacha i gceist leo maidir leis an Rúis de bharr an ngníomhaíochtaí atá déanta aici.’
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Treoir 2015/849</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">15</p>
</td>
<td valign="top">
<p class="normal">Foráiltear le haithris 14 de Threoir (AE) 2015/849 ó Pharlaimint na hEorpa agus ón gComhairle an 20 Bealtaine 2015 maidir le húsáid an chórais airgeadais chun sciúradh airgid nó maoiniú sceimhlitheoireachta a chosc, lena leasaítear Rialachán (AE) Uimh. 648/2012 ó Pharlaimint na hEorpa agus ón gComhairle, agus lena n‑aisghairtear Treoir 2005/60/CE ó Pharlaimint na hEorpa agus ón gComhairle agus Treoir 2006/70/CE ón gCoimisiún (IO 2015 L 141, lch. 73), arna leasú le Treoir (AE) 2018/843 ó Pharlaimint na hEorpa agus ón gComhairle an 30 Bealtaine 2018 (IO 2018 L 156, lch. 43) (‘Treoir 2015/849’):</p>
</td>
</tr>
</table>
    <p class="C02AlineaAltA" id="para-115" title="page-9">
      ‘An gá atá le faisnéis chruinn agus chothrom le dáta ar an úinéir tairbhiúil, is príomhthoisc é i rianú coirpeach a d’fhéadfadh a bheith ar shlí eile ábalta a gcéannacht a cheilt laistiar de struchtúr corparáideach. [...]’
    </p>
    <p class="C02AlineaAltA" id="para-116" title="page-9">
      [Aistriúchán neamhoifigiúil]
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">16</p>
</td>
<td valign="top">
<p class="normal">Foráiltear le hAirteagal 3 den Treoir sin:</p>
</td>
</tr>
</table>
    <p class="C02AlineaAltA" id="para-118" title="page-9">
      ‘Chun críocha na Treorach seo, tá feidhm ag na sainmhínithe seo a leanas:
    </p>
    <p class="C02AlineaAltA" id="para-119" title="page-9">
      [...]
    </p>
    <p class="C09Marge0avecretrait" id="para-120" title="page-9">
      (6) ciallaíonn “úinéir tairbhiúil” an duine nó na daoine nádúrtha ar leis/leo, nó a rialaíonn, sa deireadh, an custaiméir agus/nó an duine nó na daoine nádúrtha a ndéantar idirbheart nó gníomhaíocht thar a gceann agus lena n‑áirítear an méid seo a leanas ar a laghad:
    </p>
    <p class="C10Marge1" id="para-121" title="page-9">
      [...]
    </p>
    <p class="C11Marge1avecretrait" id="para-122" title="page-10">
      (b) i gcás iontaobhas, na daoine seo a leanas go léir:
    </p>
    <p class="C14Marge2avecretrait" id="para-123" title="page-10">
      (i) an socraitheoir/na socraitheoirí;
    </p>
    <p class="C14Marge2avecretrait" id="para-124" title="page-10">
      (ii) an t‑iontaobhaí/na hiontaobhaithe;
    </p>
    <p class="C14Marge2avecretrait" id="para-125" title="page-10">
      (iii) an cosantóir/na cosantóirí, más ann;
    </p>
    <p class="C14Marge2avecretrait" id="para-126" title="page-10">
      (iv) na tairbhithe nó, i gcás ina mbeidh na daoine aonair a thairbhíonn den chomhshocrú dlíthiúil nó den eintiteas dlíthiúil fós le cinneadh, an aicme daoine arb ina bpríomhleas a bhunaítear nó a oibrítear an comhshocrú nó an t‑eintiteas dlíthiúil;
    </p>
    <p class="C14Marge2avecretrait" id="para-127" title="page-10">
      (v) aon duine nádúrtha eile a fheidhmíonn rialú deiridh ar an iontaobhas trí bhíthin úinéireacht dhíreach nó neamhdhíreach nó trí mhodh eile;
    </p>
    <p class="C02AlineaAltA" id="para-128" title="page-10">
      [...]’
    </p>
    <p class="C02AlineaAltA" id="para-129" title="page-10">
      [Aistriúchán neamhoifigiúil]
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Dea-chleachtas</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">17</p>
</td>
<td valign="top">
<p class="normal">Dhréachtaigh an Chomhairle doiciméad maidir le dea-chleachtas idir na Ballstáit chun bearta sriantacha a chur chun feidhme, a tugadh cothrom le dáta go háirithe an 4 Bealtaine 2018 (doiciméad 8519/18), an 27 Meitheamh 2022 (doiciméad 10572/22) agus an 3 Iúil 2024 (doiciméad 11623/24).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">18</p>
</td>
<td valign="top">
<p class="normal">Foráiltear le pointe 3 de dhoiciméad 11623/24 ón gComhairle, dar teideal ‘Dea-chleachtas [an Aontais Eorpaigh] chun bearta sriantacha a chur chun feidhme go héifeachtach’, i leagan an 3 Iúil 2024 (‘Dea-chleachtas’), go measfar gurb ionann Dea-chleachtas agus moltaí neamh-uileghabhálacha de chineál ginearálta atá beartaithe chun bearta sriantacha a chur chun feidhme go héifeachtach i gcomhréir le dlí an Aontais agus leis an dlí náisiúnta is infheidhme. Níl aon éifeacht dhlíthiúil cheangailteach ag na moltaí sin agus níor cheart a thuiscint go moltar leo gníomhaíocht a bheadh ar neamhréir le dlí an Aontais nó leis an dlí náisiúnta is infheidhme, lena n‑áirítear maidir le cosaint sonraí.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">19</p>
</td>
<td valign="top">
<p class="normal">Áirítear Cuid III i Roinn B den Dea-Chleachtas, dar teideal ‘Raon feidhme beart sriantach airgeadais’, ina bhfuil míreanna 34 agus 35, a bhfuil an fhoclaíocht seo a leanas iontu:</p>
</td>
</tr>
</table>
    <p class="C09Marge0avecretrait" id="para-134" title="page-11">
      ‘34. Baineann an reo leis na cistí agus na hacmhainní eacnamaíocha uile ar le daoine agus eintitis ainmnithe iad nó atá faoina n‑úinéireacht, faoina seilbh nó faoina rialú. Ba cheart na téarmaí “seilbh” nó “rialú” a léiriú mar théarmaí lena gcuimsítear gach cás ina bhféadfaidh duine nó eintiteas ainmnithe nach bhfuil teideal dlíthiúil aige cistí nó acmhainní eacnamaíocha nach leis a dhiúscairt nó a aistriú go dleathach, gan toiliú a fháil roimh ré ón úinéir dlíthiúil. [...]
    </p>
    <p class="C09Marge0avecretrait" id="para-135" title="page-11">
      35. I bprionsabal, níor cheart don reo difear a dhéanamh do chistí agus acmhainní eacnamaíocha nach le daoine nó eintitis ainmnithe iad ná nach bhfuil faoina seilbh ná faoina rialú. [...] Ar an gcaoi chéanna, ní chumhdaítear cistí agus acmhainní eacnamaíocha eintitis neamhainmnithe a bhfuil pearsantacht dhlítheanach ar leithligh aige ó dhuine ainmnithe nó ó eintiteas ainmnithe, mura rud é go bhfuil siad faoi rialú nó i seilbh an duine nó an eintitis ainmnithe. Mar sin féin, cumhdaítear ina n‑iomláine, i gcleachtas, cistí agus acmhainní eacnamaíocha atá faoi chomhúinéireacht duine nó eintitis ainmnithe agus duine nó eintitis nach bhfuil ainmnithe.’
    </p>
    <p class="C09Marge0avecretrait" id="para-136" title="page-11">
      [Aistriúchán neamhoifigiúil]
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">20</p>
</td>
<td valign="top">
<p class="normal">Áirítear Cuid VIII i Roinn B freisin, ina bhfuil, inter alia, míreanna 62 go 67 den Dea-chleachtas, ar dá réir:</p>
</td>
</tr>
</table>
    <p class="C09Marge0avecretrait" id="para-138" title="page-11">
      ‘Údar
    </p>
    <p class="C09Marge0avecretrait" id="para-139" title="page-11">
      62. Ní mór na cistí agus na hacmhainní eacnamaíocha ar le daoine nádúrtha nó dlítheanacha liostaithe iad a reo, chomh maith leo siúd atá faoina n‑úinéireacht, faoina seilbh nó faoina rialú. Faoi na coinníollacha a leagtar amach i mír 35, áirítear leis seo sócmhainní atá i seilbh eintiteas neamhliostaithe atá faoi úinéireacht nó faoi rialú daoine nó eintiteas liostaithe.
    </p>
    <p class="C09Marge0avecretrait" id="para-140" title="page-11">
      Úinéireacht
    </p>
    <p class="C09Marge0avecretrait" id="para-141" title="page-11">
      63. Agus measúnú á dhéanamh an bhfuil duine dlítheanach nó eintiteas faoi úinéireacht duine eile nó eintitis eile, is é an critéar atá le cur san áireamh an bhfuil sciar is mó ná 50 % de chearta dílseánaigh eintitis ag an duine nó ag an eintiteas sin, nó an bhfuil leas tromlaigh aige [...] Má chomhlíontar an critéar sin, meastar go bhfuil an duine dlítheanach nó an t‑eintiteas sin faoi úinéireacht duine nó eintitis eile.
    </p>
    <p class="C10Marge1" id="para-142" title="page-11">
      Agus úinéireacht á cinneadh, ba cheart úinéireacht chomhiomlán an eintitis a chur san áireamh freisin. Mar shampla, má tá 30 % den eintiteas faoi úinéireacht duine ainmnithe amháin agus má tá 25 % den eintiteas faoi úinéireacht daoine ainmnithe eile, ba cheart a mheas, i bprionsabal, go bhfuil an t‑eintiteas faoi úinéireacht daoine ainmnithe.
    </p>
    <p class="C09Marge0avecretrait" id="para-143" title="page-11">
      Rialú
    </p>
    <p class="C09Marge0avecretrait" id="para-144" title="page-11">
      64. D’fhéadfaí an méid seo a leanas a áireamh ar na critéir atá le cur san áireamh agus cinneadh á dhéanamh an bhfuil duine dlítheanach nó eintiteas faoi rialú ag duine nó eintiteas eile, ina aonar nó ar bhonn comhaontú le scairshealbhóir eile nó le tríú páirtí eile:
    </p>
    <p class="C09Marge0avecretrait" id="para-145" title="page-12">
      (a) an ceart a bheith ann nó an chumhacht a fheidhmiú tromlach na gcomhaltaí de chomhlacht riaracháin, bainistithe nó maoirseachta duine dhlítheanaigh nó eintitis a cheapadh nó a chur as oifig;
    </p>
    <p class="C09Marge0avecretrait" id="para-146" title="page-12">
      (b) an fíoras gur ceapadh an tromlach de chomhaltaí chomhlachtaí riaracháin, bainistithe nó maoirseachta duine dhlítheanaigh nó eintitis a bhí in oifig le linn na bliana airgeadais reatha agus le linn na bliana airgeadais roimhe sin, trí bhíthin cearta vótála a fheidhmiú agus trína bhíthin sin amháin;
    </p>
    <p class="C09Marge0avecretrait" id="para-147" title="page-12">
      (c) an fíoras go ndéantar an tromlach de chearta vótála na scairshealbhóirí nó na gcomhaltaí maidir leis an duine dlítheanach nó eintiteas sin a rialú go haonarach, de bhun comhaontú le scairshealbhóirí eile nó le comhaltaí de dhuine dlítheanach nó d’eintiteas;
    </p>
    <p class="C09Marge0avecretrait" id="para-148" title="page-12">
      (d) an ceart a bheith ann tionchar ceannasach a fheidhmiú ar dhuine dlítheanach nó ar eintiteas, de bhun comhaontú a rinneadh leis an duine dlítheanach nó leis an eintiteas sin, nó de bhun foráil atá sa Mheabhrán nó sna hAirteagail Chomhlachais a ghabhann leis, i gcás ina gceadaíonn an dlí lena rialaítear an duine dlítheanach nó an t‑eintiteas sin a bheith faoi réir an chomhaontaithe nó na forála sin;
    </p>
    <p class="C09Marge0avecretrait" id="para-149" title="page-12">
      (e) an chumhacht a bheith ann, de facto, an ceart chun tionchar ceannasach a fheidhmiú dá dtagraítear i bpointe (d) thuas gan bheith ina shealbhóir ar an gceart sin [(mar shampla, trí bhíthin cuideachta chaoch)];
    </p>
    <p class="C09Marge0avecretrait" id="para-150" title="page-12">
      (f) an ceart a bheith ann úsáid a bhaint as sócmhainní uile duine dhlítheanaigh nó eintitis, nó as cuid de na sócmhainní sin;
    </p>
    <p class="C09Marge0avecretrait" id="para-151" title="page-12">
      (g) an fíoras go ndéantar gnó duine dhlítheanaigh nó eintitis a bhainistiú ar bhonn aontaithe trí chuntais chomhdhlúite a fhoilsiú;
    </p>
    <p class="C09Marge0avecretrait" id="para-152" title="page-12">
      (h) an fíoras go ndéantar dliteanais airgeadais duine dhlítheanaigh nó eintitis a roinnt go comhpháirteach agus go leithleach, nó iad a ráthú.
    </p>
    <p class="C09Marge0avecretrait" id="para-153" title="page-12">
      65. Má chomhlíontar aon cheann de na critéir sin, measfar an duine dlítheanach nó an t‑eintiteas a bheith faoi rialú duine eile nó eintitis eile, mura féidir a mhalairt a shuí ar bhonn cás ar chás.
    </p>
    <p class="C09Marge0avecretrait" id="para-154" title="page-12">
      66. Is féidir cur i gcoinne chomhlíonadh na gcritéar úinéireachta agus rialaithe thuas ar bhonn cás ar chás.
    </p>
    <p class="C09Marge0avecretrait" id="para-155" title="page-12">
      67. Leis na samplaí seo a leanas, déantar cur síos ar imthosca a d’fhéadfadh a thabhairt le fios go bhfuil eintiteas neamhainmnithe á rialú ag duine nó eintiteas ainmnithe. Níl na samplaí seo uileghabhálach agus níl iontu ach treoirlínte a chuirtear ar fáil chun críocha faisnéise:
    </p>
    <p class="C10Marge1" id="para-156" title="page-12">
      [...]
    </p>
    <p class="C11Marge1avecretrait" id="para-157" title="page-13">
      (e) Úsáid a bhaint as iontaobhais, cuideachtaí caocha agus cuideachtaí faoi dhliteanas teoranta
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">Is cuid de struchtúr corparáideach a bhfuil castacht gan ghá ag baint leis é eintiteas, agus d’fhéadfadh eintitis ar nós cuideachtaí caocha, cuideachtaí faoi dhliteanas teoranta agus/nó iontaobhais atá nasctha le duine ainmnithe a áireamh leis sin. Bunaíodh cuid de na heintitis sin nó d’athraigh siad a gcéannacht go gairid sular glacadh an córas smachtbhannaí nó sular ainmníodh an duine, nó go gairid ina dhiaidh sin, (má cheadaítear a leithéid leis na Rialacháin ábhartha ón gComhairle), agus/nó níl aon ghníomhaíocht gnó inchreidte acu.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">Úsáidtear iontaobhas amháin nó roinnt iontaobhas mar fhaighteoir sócmhainní ó eintiteas atá faoi úinéireacht nó faoi rialú duine ainmnithe. Bíonn baint ag gairmithe ón dlínse inar bunaíodh na hiontaobhais le bainistíocht na n‑iontaobhas.’</p>
</td>
</tr>
</table>
    <p class="C09Marge0avecretrait" id="para-160" title="page-13">
      [Aistriúchán neamhoifigiúil]
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Dlí na hIodáile</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">21</p>
</td>
<td valign="top">
<p class="normal">I gcóras dlí na hIodáile, déantar foráil maidir leis an bhféidearthacht an ionstraim iontaobhais a úsáid le legge n. 364 – Ratifica ed esecuzione della convenzione sulla legge applicabile ai trusts e sul loro riconoscimento, adottata a L’Aja il 1o luglio 1985 (Dlí Uimh. 364 lena ndéantar an Coinbhinsiún ar an dlí is infheidhme maidir le hiontaobhas agus lena n‑aitheantas a dhaingniú agus a fhorfheidhmiú, arna thabhairt i gcrích sa Háig an 1 Iúil 1985) an 16 Deireadh Fómhair 1989 (GURI Uimh. 261 an 8 Samhain 1989, Gnáthfhorlíonadh Uimh. 84).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">22</p>
</td>
<td valign="top">
<p class="normal">I gcomhréir le hAirteagal 3(6) de decreto legislativo n. 109 – Misure per prevenire, contrastare e reprimere il finanziamento del terrorismo e l’attività dei Paesi che minacciano la pace e la sicurezza internazionale, in attuazione della direttiva 2005/60/EC (Foraithne Reachtach Uimh. 109 maidir le bearta chun maoiniú sceimhlitheoireachta agus gníomhaíochtaí tíortha a chuireann an tsíocháin agus an tslándáil idirnáisiúnta i mbaol a chosc, a chomhrac agus a phionósú, lena dtrasuitear Treoir 2005/60/CE) an 22 Meitheamh 2007 (GURI Uimh. 172 an 26 Iúil 2007), arna leasú le decreto legislativo n. 90 – Attuazione della direttiva (UE) 2015/849 relativa alla prevenzione dell’uso del sistema finanziario a scopo di riciclaggio dei proventi attività criminose e di finanziamento del terrorismo e recante modifica delle direttive 2005/60/CE e 2006/70/CE e attuazione del regolamento (UE) n. 2015/847 riguardante i dati informativi che accompagnano i trasferimenti di fondi e che abroga il regolamento (CE) n. 1781/2006 (Foraithne Reachtach Uimh. 90 lena dtrasuitear Treoir (AE) 2015/849 maidir le cosc a chur ar úsáid an chórais airgeadais chun críoch sciúrtha airgid agus maoinithe sceimhlitheoireachta agus lena leasaítear Treoracha 2005/60/CE agus 2006/70/CE agus lena gcuirtear chun feidhme Rialachán (AE) 2015/847 maidir le faisnéis a ghabhann le haistrithe cistí agus lena n‑aisghairtear Rialachán (CE) Uimh. 1781/2006) an 25 Bealtaine 2017 (GURI Uimh. 140 an 19 Meitheamh 2017, Gnáthfhorlíonadh Uimh. 28) (‘Foraithne Reachtach Uimh. 109/2007’), tá an Coiste um Shlándáil Airgeadais freagrach as bearta reo arna gcinneadh ag na Náisiúin Aontaithe (NA), ag an Aontas Eorpach agus ag an Aireacht faoin reachtaíocht atá i bhfeidhm a ghlacadh.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">23</p>
</td>
<td valign="top">
<p class="normal">Foráiltear le hAirteagal 5 d’Fhoraithne Reachtach Uimh. 109/2007 nach bhféadfar cistí reoite a aistriú, a shannadh ná a úsáid ar bhealach ar bith agus go bhfuil toirmeasc ar chistí nó acmhainní eacnamaíocha a chur ar fáil, go díreach nó go hindíreach, do dhaoine nó d’eintitis ainmnithe nó iad a úsáid chun leasa na ndaoine nó na n‑eintiteas sin.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">An díospóid sna príomhimeachtaí, na ceisteanna a tharchuirtear le haghaidh réamhrialú agus an nós imeachta os comhair na Cúirte</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">24</p>
</td>
<td valign="top">
<p class="normal">Tá cuideachtaí A agus B, a corpraíodh i mí Mheán Fómhair 1970 agus i mí an Mhárta 1983 faoi seach, gníomhach san earnáil réadmhaoine, agus soláthraíonn cuideachtaí C agus D, a corpraíodh araon i mí an Mheithimh 2014, seirbhísí carranna ar cíos agus garáiste agus seirbhísí cúnaimh shéasúraigh do thurasóirí faoi seach.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">25</p>
</td>
<td valign="top">
<p class="normal">Tá cuideachtaí A, B, C agus D faoi rialú máthairchuideachta atá bunaithe i mBeirmiúda, a aistríodh chuig an iontaobhas atá i gceist sna príomhimeachtaí, arb é T, cuideachta iontaobhais atá faoi rialú dhlí na hEilvéise, a iontaobhaí reatha.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">26</p>
</td>
<td valign="top">
<p class="normal">Is léir ón ordú tarchuir gur bhunaigh an socraitheoir an t‑iontaobhas atá i gceist sna príomhimeachtaí le gníomhas an 18 Iúil 2007, a leasaíodh an 22 Nollaig 2014, agus go bhfuil sé á rialú ag dlí Bheirmiúda. Foráiltear lena struchtúr freisin d’fheidhm an chosantóra, arna feidhmiú ag tríú duine, atá freagrach as feidhmiú cuí an chláir arna bhunú sa ghníomhas iontaobhais a áirithiú, chomh maith le feidhm an cheapacháin, atá freagrach as cosantóirí a cheapadh sa bhreis ar an gcosantóir bunaidh nó ina ionad i gcás ina scoirfidh sé de bheith i seilbh oifige.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">27</p>
</td>
<td valign="top">
<p class="normal">Is é príomhchúram an iontaobhaí na maoine a ranníoctar leis an iontaobhas a bhainistiú agus a riar i gcomhréir le forálacha an ghníomhais iontaobhais agus an dlí lena rialaítear an t‑iontaobhas, agus na maoine sin a aistriú chuig na tairbhithe ar dhul in éag don iontaobhas nó i gcomhréir le téarmaí an iontaobhais. De réir na faisnéise a chuir an chúirt a rinne an tarchur ar fáil, faoin ngníomhas iontaobhais, níl an t‑iontaobhaí údaraithe, faoi réir na n‑eisceachtaí dá bhforáiltear sa ghníomhas sin, na maoine a cuireadh leis an iontaobhas a dhiúscairt gan toiliú i scríbhinn ón gcosantóir, rud a dheimhníonn, de réir na cúirte a rinne an tarchur, nach bhfuil na cearta go léir aige a bhaineann, mar riail ghinearálta, le húinéir maoine.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">28</p>
</td>
<td valign="top">
<p class="normal">Is léir freisin ón ordú tarchuir go raibh an socraitheoir, ar dtús, i measc thairbhithe an iontaobhais, in éineacht lena dheirfiúr, a nia agus a shliochtaigh, nach raibh ann ar dháta an ordaithe tarchuir, chomh maith le tairbhithe eile.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">29</p>
</td>
<td valign="top">
<p class="normal">Le gníomhas an 19 Nollaig 2017, rinneadh deirfiúr agus nia an tsocraitheora a eisiamh ón gciorcal de thairbhithe an iontaobhais.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">30</p>
</td>
<td valign="top">
<p class="normal">Sonraíonn an chúirt a rinne an tarchur, trí ghníomhas an 7 Feabhra 2022, gur eisiadh an socraitheoir ó chiorcal thairbhithe an iontaobhais agus, ar dháta an ordaithe tarchuir, nach léir ón ngníomhas iontaobhais go bhféadfar an socraitheoir a athshuíomh i measc thairbhithe an iontaobhais nó go bhfuil cumhachtaí aige na cistí agus na hacmhainní eacnamaíocha a ranníocadh leis an iontaobhas a bhainistiú nó a úsáid, agus go dtugtar an bhainistíocht sin don iontaobhaí. Tar éis é a eisiamh go cinntitheach ó chiorcal thairbhithe an iontaobhais, níl an socraitheoir i dteideal aistriú na n‑acmhainní a cuireadh leis an iontaobhas a thuilleadh, de réir ghníomhas an iontaobhais.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">31</p>
</td>
<td valign="top">
<p class="normal">Is léir freisin ón ordú tarchuir nach ndearnadh, ar dháta an ordaithe sin, aon tairbhí eile den iontaobhas a eisiamh ó chiorcal thairbhithe an iontaobhais.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">32</p>
</td>
<td valign="top">
<p class="normal">Le Cinneadh 2022/337 agus Rialachán Cur Chun Feidhme 2022/336, chuir an Chomhairle an socraitheoir ar liosta na ndaoine, na n‑eintiteas agus na gcomhlachtaí atá faoi réir na mbeart sriantach a leagtar amach in Iarscríbhinn a ghabhann le Cinneadh 2014/145 agus in Iarscríbhinn I a ghabhann le Rialachán Uimh. 269/2014.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">33</p>
</td>
<td valign="top">
<p class="normal">Le cinneadh ar tugadh fógra ina leith an 16 Márta 2022 d’ionadaí dlíthiúil chuideachtaí A, B, C agus D, dhearbhaigh an Coiste um Shlándáil Airgeadais, de bhun Airteagal 2 de Rialachán Uimh. 269/2014 agus Fhoraithne Reachtach Uimh. 109/2007, reo scaireanna agus maoine na gcuideachtaí sin, a mhéid a bhí siad ‘inchurtha go hindíreach [i leith an tsocraitheora]’. Bhí an coiste sin den tuairim go raibh na hacmhainní eacnamaíocha a bhí inchurtha i leith na gcuideachtaí sin san Iodáil, mar chuideachtaí atá faoi rialú iomlán na máthairchuideachta, inchurtha go substaintiúil i leith an tsocraitheora, ós rud é, de réir na faisnéise a chuir Guardia di Finanza (Póilíní Custaim agus Airgeadais, an Iodáil) ar fáil, a tháinig ó na teachtaireachtaí a sheol banc Iodálach chucu, go raibh an socraitheoir ina úinéir tairbhiúil ar na cuideachtaí sin.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">34</p>
</td>
<td valign="top">
<p class="normal">An 11 Bealtaine 2022, thug cuideachtaí A, B, C, D agus T caingean os comhair Tribunale amministrativo regionale per il Lazio (an Chúirt Réigiúnach Riaracháin, Lazio, an Iodáil), arb í an chúirt a rinne an tarchur í, ag iarraidh an t‑ordú reo sin a chur ar neamhní, agus iad ag maíomh, ós rud é gur eisiadh an socraitheoir ó chiorcal thairbhithe an iontaobhais, gurb é atá i gceist le ranníocaíocht na máthairchuideachta leis an iontaobhas dícheangal iomlán chuideachtaí A, B, C agus D ó mhaoine an tsocraitheora agus óna réimse tionchair. Aistríodh úinéireacht maoine na gcuideachtaí sin chuig an iontaobhaí go dtí go n‑aistreofaí chuig tairbhithe an iontaobhais iad agus nach mbeadh aon chumhacht dhíreach nó indíreach ag an socraitheoir chun na maoine sin a bhainistiú agus a rialú.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">35</p>
</td>
<td valign="top">
<p class="normal">Áitíonn an Aireacht, óna taobh féin de, nach ionann ranníocaíocht leis an iontaobhas, rud nach gciallaíonn aistriú úinéireachta, agus scaoileadh iomlán an naisc idir an socraitheoir agus na maoine agus na caidrimh dhlíthiúla a cuireadh leis an iontaobhas. Deimhnítear léiriú den sórt sin le hAirteagal 3(6)(b)(i) de Threoir 2015/849. Thairis sin, fiú más rud é, faoi láthair, nach measfaí an socraitheoir a thuilleadh mar thairbhí an iontaobhais, d’fhéadfadh sé, mar sin féin, úinéireacht nó diúscairt na maoine a ranníocadh leis an iontaobhas a aisghabháil, i gcás nár aistríodh na maoine sin ar aibíocht chuig tairbhithe an iontaobhais, mar shampla, i gcás ina ndéanfaí iad a tharscaoileadh nó ina ndéanfaí an t‑iontaobhas a dhíscaoileadh go luath.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">36</p>
</td>
<td valign="top">
<p class="normal">Fiafraíonn an chúirt a rinne an tarchur an gá Airteagal 2(1) de Rialachán Uimh. 269/2014 a léiriú sa chaoi go bhféadfar a mheas ‘gur leis’ an socraitheoir, a liostaítear in Iarscríbhinn I a ghabhann leis an Rialachán sin, iad na maoine, na hacmhainní eacnamaíocha agus na caidrimh dhlíthiúla a cuireadh leis an iontaobhas, de réir bhrí na forála sin, cé nach é an t‑úsáideoir ná an bainisteoir ná an tairbhí deiridh é, nó gur le duine ‘a bhaineann’ leis an socraitheoir iad nó, ar deireadh, go bhfuil siad faoina ‘rialú’.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">37</p>
</td>
<td valign="top">
<p class="normal">I ndáil leis sin, measann an chúirt a rinne an tarchur go bhfuil athrú sealadach ar shealbhóir foirmiúil na maoine i gceist leis an iontaobhas seachas fíoraistriú úinéireachta sa chiall shubstainteach. Níl sé i gceist le foirmiú an iontaobhais cearta maoine an iontaobhaí a mhéadú, ós rud é go bhfuil na maoine agus na cearta a ranníoctar leis an iontaobhas ar leithligh ó shócmhainní an iontaobhaí, ach gurb é is príomhchuspóir dó leasanna an tsocraitheora a shásamh, trína shócmhainní pearsanta a dheighilt ó na maoine agus ó na cearta a ranníoctar leis an iontaobhas, agus é féin a scaoileadh ag an am céanna ó na táillí bainistíochta a aistrítear, agus na maoine agus na cearta sin á gcur go foirmiúil leis an iontaobhaí.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">38</p>
</td>
<td valign="top">
<p class="normal">Mar sin féin, ní féidir neamhaird iomlán a thabhairt ar an gclárú foirmiúil in ainm iontaobhaí na maoine a cuireadh leis an iontaobhas, ós rud é, i gcomhréir le hAirteagal 2 de Choinbhinsiún na Háige, go bhfuil an clárú sin ar cheann de shaintréithe an iontaobhais. Tá an t‑iontaobhaí, ar duine ar leithligh ón socraitheoir é, i dteideal na maoine sin a dhiúscairt, arb é príomh-shaincheart an úinéara é, faoi réir chomhlíonadh na srianta a leagtar síos sa ghníomhas iontaobhais, agus na maoine a aistriú chuig na tairbhithe, i gcomhréir leis an ngníomhas sin.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">39</p>
</td>
<td valign="top">
<p class="normal">Measann an chúirt a rinne an tarchur go bhféadfadh an coincheap ‘ar le’, de réir bhrí Airteagal 2(1) de Rialachán Uimh. 269/2014, ní hamháin úinéireacht iomlán agus eisiach a chumhdach, ach freisin cásanna ‘neamhthipiciúla’ nó ‘hibrideacha’, amhail rannchuidiú na maoine le hiontaobhas a d’fhéadfaí a aicmiú mar ‘baint shubstaintiúil nó indíreach’. Níl sé d’éifeacht ag an rannchuidiú sin deireadh a chur go cinntitheach leis an ‘[m]baint’ idir na maoine a cuireadh leis an iontaobhas agus an socraitheoir, a bhfuil sé de chumas oibiachtúil aige tionchar substaintiúil a imirt orthu. Eascraíonn tionchar den sórt sin as an bhféidearthacht úinéireacht fhoirmiúil na maoine sin a aisghabháil i gcás ina bhfoirceanntar an t‑iontaobhas go luath nó ina ndiúltaíonn na tairbhithe glacadh le haistriú na maoine sin, agus as an bhfíoras go bhfuil an socraitheoir in ann a úsáid agus a cheann scríbe deiridh a stiúradh roimh ré tríd an iontaobhas a bhunú agus trína bhainistiú agus a rialú a chur de chúram ar dhaoine a bhfuil muinín acu astu arna roghnú aige. Ar an taobh eile, ní féidir a mheas gurb é an t‑iontaobhaí úinéir tairbhiúil na maoine a cuireadh leis an iontaobhas, ós rud é nach bhfuil aon chumhacht iomlán diúscartha aige, rud a léiríonn de ghnáth an ceart chun maoine.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">40</p>
</td>
<td valign="top">
<p class="normal">Tá léiriú den sórt sin ar an gcoincheap ‘ar le’, de réir bhrí Airteagal 2(1) de Rialachán Uimh. 269/2014, i gcomhréir leis an gcuspóir atá á shaothrú leis an Airteagal sin agus cuirtear san áireamh ann gur sásra é iontaobhas, ar a laghad go dtí go leithdháilfear na maoine a cuireadh leis go cinntitheach ar thríú páirtithe, atá éasca a úsáid, chun bearta reoite cistí agus acmhainní eacnamaíocha dá bhforáiltear le dlí an Aontais a sheachaint. Tacaítear leis freisin le hAirteagal 3(6)(b) de Threoir 2015/849, ina dtagraítear don chás ina gcoinníonn socraitheoir an iontaobhais, mar aon le, inter alia, hiontaobhaí nó tairbhithe an iontaobhais, nasc suntasach leis na maoine a cuireadh leis an iontaobhas, a bhfuil sé in ann tionchar a imirt ar bhealach amháin nó ar bhealach eile ar a mbainistiú.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">41</p>
</td>
<td valign="top">
<p class="normal">Ina theannta sin, measann an chúirt a rinne an tarchur, cé, de réir na Cúirte, i gcás amhail an cás atá i gceist sna príomhimeachtaí, nach féidir leis an gcoincheap ‘ar le’ tagairt a dhéanamh do staid an tsocraitheora, tá sé fós le fíorú, áfach, an féidir a mheas go bhfuil an socraitheoir ina ‘chomhpháirtí’, de réir bhrí Airteagal 2(1) de Rialachán Uimh. 269/2014, nó go bhfeidhmíonn sé ‘rialú’, de réir bhrí na forála sin, ar na maoine a cuireadh leis an iontaobhas. I ndáil leis sin, tugann an chúirt a rinne an tarchur faoi deara go bhféadfar a mheas go bhfuil an socraitheoir in ann tionchar cinntitheach a imirt ar na maoine a cuireadh leis an iontaobhas, a eascraíonn as an gcumhacht chun an t‑iontaobhas a bhunú agus, sa chomhthéacs sin, na daoine atá freagrach as bainistiú agus maoirseacht an iontaobhais a cheapadh, clár deiridh an iontaobhais a chinneadh agus na rialacha a leagan síos maidir le cineachadh maoine agus iad siúd a bhaineann leis an bhféidearthacht úinéireacht na maoine a cuireadh leis an iontaobhas a aisghabháil.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">42</p>
</td>
<td valign="top">
<p class="normal">Cuireann an chúirt a rinne an tarchur in iúl freisin, chun a chinneadh an ‘rialaíonn’ an socraitheoir na maoine a cuireadh leis an iontaobhas, nach mbaineann sé le hábhar, faoin ngníomhas iontaobhais, le linn a tréimhse bhailíochta, ar ghnáthchúiseanna nó cúiseanna urghnácha, go bhféadfaidh na daoine atá freagrach as an iontaobhas a riar, go háirithe an t‑iontaobhaí nó an cosantóir, athrú, ós rud é go ngníomhóidh na daoine, a bhféadfaí a iarraidh orthu iad a ionadú, faoi na rialacha arna mbunú ag an socraitheoir sa ghníomhas iontaobhais.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">43</p>
</td>
<td valign="top">
<p class="normal">Sna himthosca sin, chinn Tribunale amministrativo regionale per il Lazio (an Chúirt Riaracháin Réigiúnach, Lazio, an Iodáil) bac a chur ar na himeachtaí agus na ceisteanna seo a leanas a tharchur chuig an gCúirt Bhreithiúnais le haghaidh réamhrialú:</p>
</td>
</tr>
</table>
    <p class="C09Marge0avecretrait" id="para-186" title="page-18">
      ‘(1) An gcaithfear Airteagal 2(1) de Rialachán [Uimh. 269/2014] a léiriú sa chaoi a chiallaíonn go bhféadfar an beart reoite a ghlacadh freisin i gcás maoine nó acmhainní a chuireann an socraitheoir a ainmnítear in Iarscríbhinn I den Rialachán (duine ainmnithe nó duine liostaithe) ar iontaobhas, atá le meas mar an duine lena mbaineann an mhaoin nó na hacmhainní?
    </p>
    <p class="C09Marge0avecretrait" id="para-187" title="page-18">
      (2) [I] gcás freagra diúltach [ar an gcéad cheist]: an gcaithfear Airteagal 2(1) de Rialachán (AE) Uimh. 269/2014 a léiriú sa chaoi a chiallaíonn go bhféadfar an beart reoite a ghlacadh freisin i gcás maoine nó acmhainní a chuireann an socraitheoir a ainmnítear in Iarscríbhinn I den Rialachán (duine ainmnithe nó duine liostaithe) ar iontaobhas, atá le meas mar ábhar a bhaineann leis an duine lena mbaineann an mhaoin nó na hacmhainní?
    </p>
    <p class="C09Marge0avecretrait" id="para-188" title="page-18">
      (3) [I] gcás freagra diúltach [ar an dara ceist]: an gcaithfear Airteagal 2(1) de Rialachán (AE) Uimh. 269/2014 a léiriú sa chaoi a chiallaíonn go bhféadfar an beart reoite a ghlacadh freisin i gcás maoine nó acmhainní a chuireann an socraitheoir a ainmnítear in Iarscríbhinn I den Rialachán (duine ainmnithe nó duine liostaithe) ar iontaobhas, atá le meas mar ábhar a bhaineann leis an duine lena mbaineann an mhaoin nó na hacmhainní?’
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">44</p>
</td>
<td valign="top">
<p class="normal">Ina bharúlacha i scríbhinn, d’áitigh Rialtas na hIodáile, faoin gcéad fhomhír d’Airteagal 275 CFAE, nach bhfuil dlínse ag an gCúirt Rialachán Uimh. 269/2014, arna ghlacadh ar bhonn na bhforálacha a bhaineann le beartas eachtrach agus slándála an Aontais Eorpaigh, go háirithe Airteagal 215 CFAE agus na forálacha a leagtar síos i gCaibidil 2 de Theideal V de Chonradh AE, a léiriú.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">45</p>
</td>
<td valign="top">
<p class="normal">Nuair a cheistigh an Chúirt Ghinearálta an phléadáil maidir le heaspa dlínse a choinneáil ar bun i bhfianaise, go háirithe, bhreithiúnas an 10 Meán Fómhair 2024, Neves 77 Solutions (C‑351/22, EU:C:2024:723, míreanna 39 agus 40), tharraing an rialtas sin an phléadáil sin siar go sainráite ag an éisteacht os comhair na Cúirte.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Na ceisteanna le haghaidh réamhrialú</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Barúlacha tosaigh</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">46</p>
</td>
<td valign="top">
<p class="normal">Lena ceisteanna, fiafraíonn an chúirt a rinne an tarchur, go bunúsach, an gá Airteagal 2(1) de Rialachán Uimh. 269/2014 a léiriú sa chaoi go bhféadfar beart reo a ghlacadh i ndáil le cistí nó acmhainní eacnamaíocha a chuir socraitheoir a liostaítear in Iarscríbhinn I a ghabhann le Rialachán Uimh. 269/2014 le hiontaoibh.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">47</p>
</td>
<td valign="top">
<p class="normal">Fiafraíonn an chúirt a rinne an tarchur den Chúirt Bhreithiúnais faoi raon feidhme Airteagal 2(1) de Rialachán Uimh. 269/2014 i gcomhthéacs inar dhearbhaigh údaráis na hIodáile, ar bhonn na forála sin, go ndearnadh reo scaireanna agus maoine i gceithre chuideachta Iodálacha, arna rialú ag máthairchuideachta a bhfuil a suíomh i mBeirmiúda, a aistriú chuig an iontaobhas neamh-inchúlghairthe arna bhunú faoi dhlí Bheirmiúda ag an socraitheoir, a liostaítear in Iarscríbhinn I a ghabhann leis an Rialachán sin.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">48</p>
</td>
<td valign="top">
<p class="normal">Ní mór a mheabhrú, ar an gcéad dul síos, gur dhaingnigh Poblacht na hIodáile Coinbhinsiún na Háige.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">49</p>
</td>
<td valign="top">
<p class="normal">De réir Airteagal 2 den Choinbhinsiún sin, ciallaíonn ‘iontaobhas’ aon chaidreamh dlíthiúil a chruthaíonn duine, an socraitheoir – trí ghníomh inter vivos nó mar gheall ar bhás – i gcás ina gcuirtear maoine faoi rialú iontaobhaí chun leasa tairbhí nó chun críche sonraithe.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">50</p>
</td>
<td valign="top">
<p class="normal">Is léir freisin ó Airteagal 2 den Choinbhinsiún sin gurb iad saintréithe an iontaobhais gur eastát ar leithligh iad maoine an iontaobhais agus nach cuid de shócmhainní an iontaobhaí iad, go ndéantar an ionstraim a bhaineann le maoine an iontaobhais a tharraingt suas in ainm an iontaobhaí nó duine eile thar ceann an iontaobhaí, agus go dtugtar cumhacht agus freagracht don iontaobhaí, nach mór dó a bheith cuntasach ina leith, na maoine a riar, a bhainistiú nó a dhiúscairt de réir théarmaí an iontaobhais agus na rialacha sonracha a fhorchuirtear ar an iontaobhaí le dlí. Foráiltear le hAirteagal 2 freisin, cé go gcoinníonn an socraitheoir sainchumais áirithe nó go bhfuil cearta áirithe ag an iontaobhaí mar thairbhí, nach gá go gcuireann sé sin bac ar iontaobhas a bheith ann.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">51</p>
</td>
<td valign="top">
<p class="normal">Sonraíonn an chúirt a rinne an tarchur, i ndáil leis sin, gur bunaíodh an t‑iontaobhas atá i gceist sna príomhimeachtaí i gcomhréir leis an ngnáthscéim, ar dá réir a tharraingítear suas teideal na maoine a chuir an socraitheoir leis an iontaobhas in ainm an iontaobhaí, a riarann agus a bhainistíonn iad i gcomhréir leis an ngníomhas iontaobhais, nach mór dó an dlí lena rialaítear an t‑iontaobhas a chomhlíonadh, agus a dhéanann aistriú deiridh an teidil sin chuig na tairbhithe a fhaigheann úinéireacht iomlán ar na maoine sin ar dháta an aistrithe.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">52</p>
</td>
<td valign="top">
<p class="normal">Ar an dara dul síos, is léir ón ordú tarchuir gur aistrigh an socraitheoir an mháthairchuideachta a rialaíonn cuideachtaí A, B, C agus D go hiomlán chuig an iontaobhas, agus mar thoradh air sin go bhfuil na cuideachtaí sin faoi rialú an iontaobhais freisin. Níl aon chumhacht bhainistíochta ag an socraitheoir ar na maoine agus na caidrimh dhlíthiúla a aistrítear chuig an iontaobhas, tugtar an chumhacht sin don iontaobhaí, agus níl aon cheart aige na maoine a aistriú chuige de bhua na hionstraime corpraithe, ós rud é go ndearnadh é a eisiamh go cinntitheach ó chiorcal thairbhithe an iontaobhais. Ní hé an socraitheoir úsáideoir na maoine agus na gcaidreamh dlíthiúil a aistrítear chuig an iontaobhas agus ní chomhlíonann sé feidhmeanna eile, amhail feidhmeanna cosantóra. Mar sin féin, go dtí go n‑aistreofar na maoine agus na caidrimh dhlíthiúla chuig na tairbhithe, beidh sé faoi dhliteanas úinéireacht na maoine sin a aisghabháil, i gcás ina bhfoirceannfar an t‑iontaobhas go luath nó ina ndiúltóidh na tairbhithe glacadh le haistriú na maoine agus na gcaidreamh dlíthiúil sin.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">53</p>
</td>
<td valign="top">
<p class="normal">Is i bhfianaise na gcinntí fíorais sin, nach faoin gCúirt atá sé a gcruinneas a chinneadh i gcomhthéacs an nós imeachta dá dtagraítear in Airteagal 267 CFAE (féach, chuige sin, breithiúnais an 16 Márta 1978, Oehlschläger, 104/77, EU:C:1978:69, mír 4, agus an 19 Meitheamh 2025, Bulgarian posts, C‑785/23, EU:C:2025:462, mír 40), nach mór na ceisteanna a tharchuir an chúirt a rinne an tarchur a fhreagairt.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">54</p>
</td>
<td valign="top">
<p class="normal">Ar an tríú dul síos, is léir ón ordú tarchuir gur mheas údaráis na hIodáile go raibh acmhainní eacnamaíocha chuideachtaí A, B, C agus D a cuireadh leis an iontaobhas, mar chuideachtaí atá faoi rialú iomlán na máthairchuideachta, inchurtha go substaintiúil i leith an tsocraitheora, ós rud é, de réir na faisnéise a bhí ar fáil dóibh, gurbh é an socraitheoir ‘úinéir tairbhiúil’ na gcuideachtaí sin, rud a thug údar le bearta reo a ghlacadh ar bhonn Airteagal 2(1) de Rialachán Uimh. 269/2014.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">55</p>
</td>
<td valign="top">
<p class="normal">I ndáil leis sin, ba cheart a thabhairt faoi deara, cé nach bhfuil an coincheap ‘úinéir tairbhiúil’ i bhforálacha Rialachán Uimh. 269/2014, go bhfuil sé, inter alia, i dTreoir 2015/849.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">56</p>
</td>
<td valign="top">
<p class="normal">Foráiltear le hAirteagal 3(6)(b) den Treoir sin, chun críocha na Treorach sin, go sainmhínítear ‘úinéir tairbhiúil’ mar an duine nádúrtha nó na daoine nádúrtha ar leis nó ar leo, ar deireadh, an cliant agus/nó an duine nádúrtha nó na daoine nádúrtha a bhfuil idirbheart nó gníomhaíocht á gcur i gcrích ina leith, agus lena n‑áirítear, ar a laghad, i gcás iontaobhas, an socraitheoir nó na socraitheoirí, an t‑iontaobhaí nó na hiontaobhaithe, an cosantóir nó na cosantóirí, na tairbhithe nó, i gcás nár ainmníodh fós na daoine a bheidh ina dtairbhithe den socrú dlíthiúil nó den eintiteas dlíthiúil, an aicme daoine ar ina bpríomhleas a bunaíodh nó a oibríonn an socrú dlíthiúil nó an t‑eintiteas dlíthiúil, chomh maith le haon duine nádúrtha eile a fheidhmíonn rialú deiridh ar an iontaobhas trí úinéireacht dhíreach nó indíreach nó ar bhealaí eile.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">57</p>
</td>
<td valign="top">
<p class="normal">Is fíor go leagtar amach sainmhíniú den sórt sin, lena nglactar leis go bhféadfaidh daoine a bhfuil baint acu leis an iontaobhas, seachas an t‑iontaobhaí, amhail an socraitheoir, na tairbhithe nó an cosantóir, na maoine a cuireadh leis an iontaobhas a bheith faoina n‑úinéireacht nó faoina rialú, chun críocha chur i bhfeidhm Threoir 2015/849, ach léiríonn sé mar sin féin go n‑aithníonn reachtas an Aontais saintréith bhunriachtanach an iontaobhais, eadhon an deighilt idir úinéireacht dhlíthiúil agus úinéireacht iarbhír shócmhainní an iontaobhais.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">58</p>
</td>
<td valign="top">
<p class="normal">Bíonn éifeachtaí ag deighilt den sórt sin nach mór a chur san áireamh ní hamháin sa réimse a bhaineann le cosc a chur ar úsáid an chórais airgeadais chun críoch sciúrtha airgid nó maoinithe sceimhlitheoireachta, ach freisin i réimse na mbeart sriantach arna ndéanamh ar bhonn Rialachán Uimh. 269/2014.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">59</p>
</td>
<td valign="top">
<p class="normal">É sin ráite, ba cheart a thabhairt faoi deara go mbaineann an chéad cheist agus an tríú ceist leis na coincheapa ‘ar le’ agus ‘rialú’ de réir bhrí Airteagal 2(1) de Rialachán Uimh. 269/2014 agus, dá bhrí sin, go dtagraíonn siad don ghaol idir socraitheoir an iontaobhais agus na maoine agus na hacmhainní a ranníoctar leis, cé go mbaineann an dara ceist leis an gcoincheap duine ‘a bhaineann le [...]’ agus go dtagraíonn sí don ghaol idir an socraitheoir agus an duine sin. Is iomchuí, dá bhrí sin, an chéad cheist agus an tríú ceist a scrúdú le chéile sula bhfreagrófar an dara ceist, más gá.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">An chéad cheist agus an tríú ceist</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">60</p>
</td>
<td valign="top">
<p class="normal">Lena céad cheist agus lena tríú ceist, fiafraíonn an chúirt a rinne an tarchur, go bunúsach, an bhfuil Airteagal 2(1) de Rialachán Uimh. 269/2014 le léiriú sa chaoi nach mór cistí agus acmhainní eacnamaíocha arna gcur le hiontaobh ag a socraitheoir, a liostaítear in Iarscríbhinn I a ghabhann leis an Rialachán sin, a mheas mar chistí agus acmhainní eacnamaíocha ‘ar leis’ an socraitheoir sin iad nó atá faoi ‘rialú’ an tsocraitheora sin, de réir bhrí na forála sin.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">61</p>
</td>
<td valign="top">
<p class="normal">I ndáil leis sin, ba cheart a mheabhrú go bhforáiltear le hAirteagal 2(1) de Rialachán Uimh. 269/2014, maidir leis na cistí agus na hacmhainní eacnamaíocha uile ar le daoine nádúrtha nó dlítheanacha, eintitis nó comhlachtaí iad, nó daoine nádúrtha nó dlítheanacha, eintitis nó comhlachtaí a bhaineann leo, mar a liostaítear in Iarscríbhinn I a ghabhann leis an Rialachán sin, agus atá faoi úinéireacht, i seilbh nó faoi rialú na ndaoine nádúrtha nó dlítheanacha, na n‑eintiteas nó na gcomhlachtaí sin, go ndéanfar iad a reo.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">62</p>
</td>
<td valign="top">
<p class="normal">Cé go sainmhínítear na coincheapa ‘acmhainní eacnamaíocha’, ‘reo acmhainní eacnamaíocha’, ‘reo cistí’ agus ‘cistí’ faoi seach in Airteagal 1(d) go (g) de Rialachán Uimh. 269/2014, níl sainmhíniú sa Rialachán sin ar na coincheapa a úsáidtear in Airteagal 2(1) de, a bhaineann leis an nasc idir an duine a liostaítear in Iarscríbhinn I a ghabhann leis an Rialachán sin agus na cistí agus na hacmhainní eacnamaíocha atá le reo, agus ní thagraíonn sé don dlí náisiúnta chun a raon feidhme a chinneadh.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">63</p>
</td>
<td valign="top">
<p class="normal">De réir an chásdlí shocair, leanann sé as an ngá atá le dlí an Aontais a chur i bhfeidhm go haonfhoirmeach agus as prionsabal an chomhionannais nach mór léiriú uathrialach agus aonfhoirmeach a thabhairt de ghnáth ar fhoráil de chuid dhlí an Aontais nach ndéantar aon tagairt shainráite do dhlí na mBallstát inti chun críche a brí agus a raon feidhme a chinneadh ar fud an Aontais Eorpaigh, rud nach mór foclaíocht na forála sin a chur san áireamh leis, ach a comhthéacs agus na cuspóirí a shaothraítear leis na rialacha ar cuid díobh í a chur san áireamh freisin (breithiúnais an 18 Eanáir 1984, Ekro, 327/82, EU:C:1984:11, mír 11, agus an 11 Meán Fómhair 2025, Banco Santander (Réiteach banc Banco Popular III), C‑687/23, EU:C:2025:687, mír 46 agus an cásdlí dá dtagraítear).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">64</p>
</td>
<td valign="top">
<p class="normal">Maidir le foclaíocht Airteagal 2(1) de Rialachán Uimh. 269/2014, ba cheart a thabhairt faoi deara go bhfuil foclaíocht na forála sin éagsúil ina leaganacha teanga éagsúla. Mar a thugann an tAbhcóide Ginearálta faoi deara i mír 67 dá Thuairim, tagraíonn na leaganacha teanga éagsúla den fhoráil sin, i gcásanna áirithe, amhail i nGearmáinis, i mBéarla, i bhFraincis, in Iodáilis, i Laitvis agus i Rómáinis (‘Eigentum, Besitz, gehaltenoder kontrolliert werden’; ‘belonging to, owned, held or controlled’; ‘appartenenti a, posseduti, detenuti o controllati’; ‘īpašumā, valdījumā, turējumā vai pārziņā’ agus ‘aparțin, se află în proprietatea ori posesia sau sunt controlate’), do cheithre chineál caidrimh idir an duine, an t‑eintiteas nó an comhlacht a liostaítear in Iarscríbhinn I a ghabhann leis an Rialachán sin agus na maoine agus na hacmhainní eacnamaíocha lena mbaineann, cé nach bhforáiltear sa leagan Spáinnise den fhoráil sin ach do thrí chineál caidrimh eatarthu (‘propiedad, tenencia o control’).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">65</p>
</td>
<td valign="top">
<p class="normal">Leanann sé freisin ó chomparáid a dhéanamh idir na leaganacha teanga a thagraíonn do cheithre chineál caidrimh nach gá go gcomhfhreagraíonn gach coincheap a úsáidtear i gceann de na leaganacha sin do choincheap coibhéiseach i gceann eile de na leaganacha sin. Dá bhrí sin, cé go dtagraítear sna leaganacha Gearmáinise, Béarla, Fraincise, Iodáilise agus Laitvise do na coincheapa ‘úinéireacht’, ‘seilbh’, ‘coinneáil’ agus ‘rialú’ (‘Eigentum, Besitz, gehalten oder kontrolliert werden’, ‘belonging to, owned, held or controlled’, ‘appartenenti a, posseduti, detenuti o controllati’ agus ‘īpašumā, valdījumā, turējumā vai pārziņā’), úsáideann an leagan Rómáinise na focail ‘aparțin, se află în proprietatea ori posesia sau sunt controlate’, a d’fhéadfadh an coincheap ‘coinneáil’ a eisiamh.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">66</p>
</td>
<td valign="top">
<p class="normal">Leanann sé ó chásdlí socair na Cúirte, mar gheall ar an ngá atá le léiriú aonfhoirmeach ar fhorálacha dhlí an Aontais, nach féidir téacs forála a mheas, i gcás amhrais, ina aonar agus nach mór é a léiriú agus a chur i bhfeidhm i bhfianaise na leaganacha atá sna teangacha oifigiúla eile (breithiúnais an 5 Nollaig 1967, van der Vecht, 19/67, EU:C:1967:49, lch. 456, agus an 9 Deireadh Fómhair 2025, On Air Media Professionals agus Different Media, C‑416/24 agus C‑417/24, EU:C:2025:765, mír 37 agus an cásdlí dá dtagraítear).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">67</p>
</td>
<td valign="top">
<p class="normal">Mar sin féin, is cásdlí socair é freisin nach mór a aithint, i bprionsabal, go bhfuil an luach céanna ag na leaganacha teanga uile d’fhoráil de dhlí an Aontais (breithiúnais an 2 Aibreán 1998, EMU Tabac agus páirtithe eile, C‑296/95, EU:C:1998:152, mír 36, agus an 9 Deireadh Fómhair 2025, On Air Media Professionals agus Different Media, C‑416/24 agus C‑417/24, EU:C:2025:765, mír 38 agus an cásdlí dá dtagraítear).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">68</p>
</td>
<td valign="top">
<p class="normal">I gcás ina bhfuil éagsúlacht idir roinnt leaganacha teanga de théacs dhlí an Aontais, ní mór an fhoráil atá i gceist a léiriú de réir scéim ghinearálta agus chuspóir na reachtaíochta a bhfuil sí ina chuid di (breithiúnais an 27 Deireadh Fómhair 1977, Bouchereau, 30/77, EU:C:1977:172, mír 14, agus an 9 Deireadh Fómhair 2025, On Air Media Professionals agus Different Media, C‑416/24 agus C‑417/24, EU:C:2025:765, mír 39 agus an cásdlí dá dtagraítear).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">69</p>
</td>
<td valign="top">
<p class="normal">É sin ráite, is féidir a thuiscint ó fhoclaíocht Airteagal 2(1) de Rialachán Uimh. 269/2014 ina leaganacha teanga éagsúla go gcumhdaítear leis an bhforáil sin caidrimh dhlíthiúla éagsúla idir an duine nó an t‑eintiteas a liostaítear in Iarscríbhinn I a ghabhann leis an Rialachán sin agus na cistí agus na hacmhainní eacnamaíocha atá i gceist, idir an caidreamh dlíthiúil is fairsinge, is é sin úinéireacht, agus cásanna ina bhféadfaidh an duine nó an t‑eintiteas cumhacht de facto a fheidhmiú ar na cistí agus ar na hacmhainní sin, go díreach nó go hindíreach (féach, chuige sin, breithiúnas an 10 Meán Fómhair 2019, HTTS v an Chomhairle, C‑123/18 P, EU:C:2019:694, mír 69) nó leas a bhaint astu.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">70</p>
</td>
<td valign="top">
<p class="normal">Dá bhrí sin, cumhdaítear leis an bhforáil sin gach cás dlíthiúil agus fíorasach ina bhfuil sé de chumhacht ag duine na cistí agus na hacmhainní eacnamaíocha lena mbaineann a úsáid, tairbhe a bhaint astu, iad a dhiúscairt nó tionchar a imirt orthu.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">71</p>
</td>
<td valign="top">
<p class="normal">Chun éifeachtacht na forála sin a áirithiú, ní mór an coincheap ‘ar le’ a léiriú sa chaoi go gcumhdaítear leis ní hamháin cásanna inar féidir cumhacht den sórt sin ar na cistí agus ar na hacmhainní eacnamaíocha lena mbaineann a fhianú go dlíthiúil, ach freisin cásanna ina bhfuil an chumhacht sin ag duine nó ag eintiteas i ndairíre, d’ainneoin gur duine nó eintiteas eile é sealbhóir na cumhachta sin go dlíthiúil.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">72</p>
</td>
<td valign="top">
<p class="normal">Ar an gcaoi chéanna, cuimsítear leis an gcoincheap ‘rialú’ gach cás ina bhfuil duine nádúrtha nó dlítheanach in ann tionchar a imirt ar roghanna duine eile, fiú in éagmais aon chaidreamh dlíthiúil, úinéireachta nó scairsheilbhe idir na daoine sin (féach, chuige sin, breithiúnas an 10 Meán Fómhair 2019, HTTS v an Chomhairle, C‑123/18 P, EU:C:2019:694, míreanna 71 agus 75).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">73</p>
</td>
<td valign="top">
<p class="normal">Dá bhrí sin, i gcás inar cuireadh na cistí agus na hacmhainní eacnamaíocha le hiontaobhas ag socraitheoir a liostaítear in Iarscríbhinn I a ghabhann le Rialachán Uimh. 269/2014, ní chuirtear cosc, ós rud é go ndréachtaítear an ionstraim a bhaineann leis na cistí agus na hacmhainní sin in ainm an iontaobhaí, ar na cistí agus na hacmhainní sin a mheas mar chistí nó mar acmhainní ar leis an socraitheoir sin iad nó atá faoi rialú an tsocraitheora sin, i gcás ina bhfuil cumhacht ag an socraitheoir sin lena gcuirtear ar a chumas na cistí agus na hacmhainní sin a úsáid, tairbhe a bhaint astu, iad a dhiúscairt nó tionchar a imirt orthu nó ar na roghanna a rinne an t‑iontaobhaí maidir leis na cistí agus na hacmhainní eacnamaíocha arna gcur leis an iontaobhas sin ag an socraitheoir céanna.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">74</p>
</td>
<td valign="top">
<p class="normal">Tacaítear le léiriú den sórt sin ar Airteagal 2(1) de Rialachán Uimh. 269/2014 le comhthéacs na forála sin agus leis na cuspóirí a shaothraítear leis an Rialachán sin.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">75</p>
</td>
<td valign="top">
<p class="normal">Maidir leis an gcomhthéacs, ba cheart a thabhairt faoi deara, ar an gcéad dul síos, go sainmhínítear go ginearálta in Airteagal 1(e) agus (f) de Rialachán Uimh. 269/2014 na coincheapa ‘reo acmhainní eacnamaíocha’ agus ‘reo cistí’ faoi seach (féach, de réir analaí, breithiúnas an 11 Samhain 2021, Bank Sepah, C‑340/20, EU:C:2021:903, mír 45).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">76</p>
</td>
<td valign="top">
<p class="normal">Faoi Airteagal 1(f) de Rialachán Uimh. 269/2014, sainmhínítear an coincheap ‘cistí a reo’ mar ‘chosc a chur ar aon bhogadh, aistriú, athrú, úsáid, rochtain ar, nó láimhseáil cistí ar aon dóigh as a n‑eascródh aon athrú ar a dtoirt, méid, suíomh, úinéireacht, seilbh, tréith, ceann scríbe, nó aon athrú eile a d’fhágfadh go bhféadfaí na cistí a úsáid, bainistiú punainne san áireamh’.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">77</p>
</td>
<td valign="top">
<p class="normal">Is léir ón sainmhíniú sin gurb é is cuspóir do chistí a reo teorainn a chur, a mhéid is féidir, leis na hidirbhearta is féidir a dhéanamh le cistí reoite, mar a léirítear leis an líon mór cásanna dá dtagraítear agus le húsáid an fhocail ‘aon’. Maidir leis na modhanna chun na hoibríochtaí sin a theorannú, déanann reachtas an Aontais iad a shainmhíniú go forleathan freisin (féach, de réir analaí, breithiúnas an 11 Samhain 2021, Bank Sepah, C‑340/20, EU:C:2021:903, mír 43).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">78</p>
</td>
<td valign="top">
<p class="normal">Tá na breithnithe roimhe seo bailí freisin maidir leis an gcoincheap ‘reo acmhainní eacnamaíocha’. Sainmhínítear an coincheap sin in Airteagal 1(e) de Rialachán Uimh. 269/2014 mar ‘c[h]osc a chur le húsáid acmhainní eacnamaíocha chun cistí, earraí nó seirbhísí a fháil ar aon bhealach, lena n‑áirítear iad a dhíol, a chur ar cíos nó a mhorgáistiú, ach gan bheith teoranta don mhéid sin’ (féach, de réir analaí, breithiúnas an 11 Samhain 2021, Bank Sepah, C‑340/20, EU:C:2021:903, mír 44).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">79</p>
</td>
<td valign="top">
<p class="normal">Bheadh sainmhíniú den sórt sin ar na coincheapa ‘reo acmhainní eacnamaíocha’ agus ‘reo cistí’ neamhéifeachtach dá ndéanfaí na naisc idir, ar thaobh amháin, daoine agus eintitis agus, ar an taobh eile, cistí agus acmhainní eacnamaíocha, atá reoite, a léiriú ar bhealach lena n‑eisiatar cásanna a chomhfhreagraíonn, sa chleachtas, do staideanna ina bhfuil cistí nó acmhainní eacnamaíochta le duine áirithe nó faoina rialú ach nach féidir, go foirmiúil, a aicmiú amhlaidh.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">80</p>
</td>
<td valign="top">
<p class="normal">Ar an dara dul síos, foráiltear le hAirteagal 2(2) de Rialachán Uimh. 269/2014 nach gcuirfear aon chiste ná acmhainn eacnamaíoch ar fáil, go díreach nó go hindíreach, do dhaoine nádúrtha nó dlítheanacha, d’eintitis, do chomhlachtaí, nó do dhaoine nádúrtha nó dlítheanacha, d’eintitis, nó do chomhlachtaí a bhfuil baint acu leo, mar a liostaítear in Iarscríbhinn I a ghabhann leis an Rialachán sin, agus nach gcuirfear chun sochair dóibh iad.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">81</p>
</td>
<td valign="top">
<p class="normal">Bhí deis ag an gCúirt cheana féin a chinneadh go bhfuil foclaíocht an toirmisc sin ar chur ar fáil an‑leathan freisin, mar is léir ó úsáid na dtéarmaí ‘go díreach nó go hindíreach’, agus a chinneadh, dá bhrí sin, go gcuimsítear leis aon ghníomh nach mór a dhéanamh, i gcomhréir leis an dlí náisiúnta is infheidhme, chun a chur ar chumas an duine a liostaítear in Iarscríbhinn I a ghabhann le Rialachán Uimh. 269/2014 cumhacht iomlán diúscartha a fháil i ndairíre ar na cistí nó ar na hacmhainní eacnamaíocha lena mbaineann (féach, chuige sin, breithiúnas an 17 Eanáir 2019, SH, C‑168/17, EU:C:2019:36, mír 51 agus an cásdlí dá dtagraítear).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">82</p>
</td>
<td valign="top">
<p class="normal">Ar an tríú dul síos, faoi Airteagal 9 de Rialachán Uimh. 269/2014, cuirtear toirmeasc ar pháirt a ghlacadh, go feasach agus d’aon ghnó, i ngníomhaíochtaí arb é is cuspóir nó éifeacht dóibh dul timpeall ar na bearta sin dá dtagraítear in Airteagal 2 den Rialachán sin.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">83</p>
</td>
<td valign="top">
<p class="normal">Cumhdaítear le hAirteagal 9 de Rialachán Uimh. 269/2014 gníomhaíochtaí arb é is aidhm nó is toradh dóibh raon feidhme na mbeart dá bhforáiltear in Airteagal 2(1) den Rialachán sin a sheachaint agus nach féidir a mheas gur gníomhaíochtaí cur ar fáil iad a thoirmisctear le hAirteagal 2(2) den Rialachán sin (féach, de réir analaí, breithiúnas an 21 Nollaig 2011, Afrasiabi agus páirtithe eile, C‑72/11, EU:C:2011:874, míreanna 60 agus 61).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">84</p>
</td>
<td valign="top">
<p class="normal">Is córas comhleanúnach forálacha iad Airteagal 2(2) agus Airteagal 9 de Rialachán Uimh. 269/2014, mar aon le hAirteagal 2(1) de, a rannchuidíonn le saothrú na gcuspóirí a leagtar síos leis an Rialachán sin.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">85</p>
</td>
<td valign="top">
<p class="normal">Dá bhrí sin, ní mór Airteagal 2(1) den Rialachán sin a léiriú ar bhealach nach gcaithfear amhras ar éifeachtacht Airteagal 2(2) agus Airteagal 9 den Rialachán sin.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">86</p>
</td>
<td valign="top">
<p class="normal">I ndáil leis sin, mar a cuireadh in iúl i mír 57 den bhreithiúnas seo agus ag an Abhcóide Ginearálta i míreanna 39 go 45 agus 73 dá Thuairim, trí iontaobhas a chruthú, is féidir úinéireacht dhlíthiúil agus fíorúinéireacht na maoine a cuireadh leis an iontaobhas a dhícheangal.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">87</p>
</td>
<td valign="top">
<p class="normal">Leis an dícheangal sin agus le saintréithe eile an iontaobhais, eadhon cineál príobháideach an tsásra sin agus cé chomh éasca agus solúbtha atá sé é a chruthú agus a leasú, a bhféadfadh teimhneacht agus castacht struchtúrach sásra den sórt sin a bheith mar thoradh air, ceadaítear é a úsáid ní hamháin chun críoch dlisteanach, ach freisin chun an nasc a choinníonn an socraitheoir leis na cistí agus na hacmhainní eacnamaíocha a cuireadh leis an iontaobhas a cheilt.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">88</p>
</td>
<td valign="top">
<p class="normal">Le léiriú ar Airteagal 2(1) de Rialachán Uimh. 269/2014 sa chaoi go meastar gur le socraitheoir an iontaobhais na cistí agus na hacmhainní eacnamaíocha lena mbaineann nó go bhfuil siad faoina rialú, i gcás ina bhfuil sé de chumhacht fós ag an socraitheoir sin na cistí agus na hacmhainní eacnamaíocha a úsáid, tairbhe a bhaint astu, iad a dhiúscairt nó tionchar a imirt orthu nó ar na roghanna arna ndéanamh ag an iontaobhaí maidir leis na cistí agus na hacmhainní eacnamaíocha sin, is féidir cosc a chur ar úsáid an iontaobhais chun dul timpeall ar na bearta a leagtar amach san Airteagal sin, agus dá bhrí sin ní mór a mheas go bhfuil sé i gcomhréir le hAirteagal 9 de Rialachán Uimh. 269/2014.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">89</p>
</td>
<td valign="top">
<p class="normal">Maidir le cuspóirí an Rialacháin sin, ní mór a mheabhrú, ar an gcéad dul síos, gur glacadh é tar éis do Chónaidhm na Rúise ceannasacht agus iomláine chríochach na hÚcráine a shárú in 2014, agus gur leasaíodh é roinnt uaireanta ó shin mar fhreagairt ar an bhfogha míleata a thug Cónaidhm na Rúise faoin Úcráin an 24 Feabhra 2022.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">90</p>
</td>
<td valign="top">
<p class="normal">Ar an dara dul síos, glacadh Rialachán Cur Chun Feidhme 2022/336 maidir le, inter alia, socraitheoir an iontaobhais atá i gceist sna príomhimeachtaí a chur ar an liosta in Iarscríbhinn I a ghabhann le Rialachán Uimh. 269/2014 i bhfianaise thromchúis na staide tar éis an fhogha sin. Mar a mheabhraítear in aithris 11 de Rialachán Cur Chun Feidhme 2022/336, leis na gníomhaíochtaí mídhleathacha míleata atá ar siúl aici, tá an dlí idirnáisiúnta agus prionsabail Chairt na Náisiún Aontaithe á sárú go trom ag Cónaidhm na Rúise agus tá an bonn á bhaint aici de shlándáil agus de chobhsaíocht na hEorpa agus an domhain.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">91</p>
</td>
<td valign="top">
<p class="normal">Ní hamháin go bhfuil tábhacht na gcuspóirí a shaothraítear le Rialachán Uimh. 269/2014, eadhon iomláine chríochach, ceannasacht agus neamhspleáchas na hÚcráine a chosaint agus deireadh a chur leis an sárú arna dhéanamh ag Cónaidhm na Rúise ar an dlí idirnáisiúnta agus ar phrionsabail Chairt na Náisiún Aontaithe, atá mar chuid den chuspóir níos leithne an tsíocháin agus an tslándáil idirnáisiúnta a choinneáil ar bun, i gcomhréir le cuspóirí ghníomhaíocht sheachtrach an Aontais Eorpaigh a leagtar amach in Airteagal 21 CAE, de chineál a thugann údar le hiarmhairtí diúltacha, fiú iarmhairtí substaintiúla, d’oibreoirí áirithe (féach, chuige sin, breithiúnas an 28 Márta 2017, Rosneft, C‑72/15, EU:C:2017:236, mír 150), ach ceanglaítear leis freisin go ndéanfar an Rialachán sin a léiriú ar bhealach lena n‑áiritheofar éifeachtacht na mbeart sriantach a tugadh isteach leis agus lena gcuirfear cosc ar neodrú éifeacht na mbeart sin nó ar dhul timpeall ar na bearta sin.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">92</p>
</td>
<td valign="top">
<p class="normal">Leanann sé ón méid sin roimhe seo nach mór Airteagal 2(1) de Rialachán Uimh. 269/2014 a léiriú sa chaoi go bhféadfar a mheas gur leis an socraitheoir sin cistí agus acmhainní eacnamaíocha a chuir a shocraitheoir le hiontaoibh, a liostaítear in Iarscríbhinn I a ghabhann leis an Rialachán sin, nó go bhfuil siad faoina rialú, agus údar á thabhairt, dá bhrí sin, go bhféadfar beart reo a ghlacadh, i gcás inarb iomchuí, i ndáil leis na cistí agus na hacmhainní eacnamaíocha sin.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">93</p>
</td>
<td valign="top">
<p class="normal">Sa chás seo, sonraíonn an chúirt a rinne an tarchur nach bhfuil sé de chumhacht ag an socraitheoir na cistí agus na hacmhainní eacnamaíocha a cuireadh leis an iontaobhas a bhainistiú agus nach n‑úsáideann sé na cistí agus na hacmhainní eacnamaíocha sin.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">94</p>
</td>
<td valign="top">
<p class="normal">Cé nach faoin gCúirt Bhreithiúnais atá sé, in imeachtaí faoi Airteagal 267 CFAE, amhras a chaitheamh ar mheasúnú den sórt sin ón gcúirt a rinne an tarchur, ba cheart a thabhairt faoi deara, mar sin féin, d’fhonn freagra úsáideach a thabhairt don chúirt sin, d’fhonn a chinneadh ar choinnigh socraitheoir an iontaobhais, sa chás atá i gceist sna príomhimeachtaí, an chumhacht lena gcuirtear ar a chumas na cistí agus na hacmhainní eacnamaíocha a cuireadh leis an iontaobhas a úsáid, tairbhe a bhaint astu, iad a dhiúscairt nó tionchar a imirt orthu nó ar na roghanna a rinne an t‑iontaobhaí i leith na gcistí agus na n‑acmhainní eacnamaíocha sin, féadfaidh an chúirt a rinne an tarchur tagairt a dhéanamh don dlí is infheidhme maidir leis an iontaobhas, gan í féin a theorannú, áfach, don dlí sin amháin.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">95</p>
</td>
<td valign="top">
<p class="normal">Leanann sé ón ordú tarchuir go bhfuil an t‑iontaobhas atá i gceist sna príomhimeachtaí bunaithe agus rialaithe faoi dhlí Bheirmiúda. I ndáil leis sin, mar a thug an tAbhcóide Ginearálta faoi deara i míreanna 89 go 91 dá Thuairim, féadfaidh an chúirt sin na sainchumais a thugtar don socraitheoir leis an dlí sin a chur san áireamh, amhail an chumhacht chun an t‑iontaobhas ar fad nó cuid de a chúlghairm, an chumhacht chun treoracha ceangailteacha a eisiúint don iontaobhaí maidir le maoin iontaobhais a cheannach, a choinneáil, a dhíol, a thrádáil nó a infheistiú ar bhealach eile, nó maidir le haon infheistíocht nó athinfheistiú a dhéanamh ar an maoin sin, agus chun críocha aon chumhacht nó ceart a eascraíonn as an maoin sin a fheidhmiú, an fhéidearthacht aon iontaobhaí nó cosantóir an iontaobhais a cheapadh, a chur leis, a chúlghairm nó a ionadú, an chumhacht chun tairbhí nó catagóir tairbhithe a chur leis, a bhaint nó a eisiamh, agus an fhéidearthacht cinneadh a dhéanamh a bheith ina chomhthairbhí de chuid an iontaobhais é féin.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">96</p>
</td>
<td valign="top">
<p class="normal">D’fhéadfadh na sainchumais sin a léiriú go bhfuil tionchar ag an socraitheoir ar na cistí agus na hacmhainní eacnamaíocha a cuireadh leis an iontaobhas nó ar na roghanna a rinne an t‑iontaobhaí i leith na gcistí agus na n‑acmhainní eacnamaíocha sin, cibé acu a fhoráiltear go sainráite do na sainchumais sin sa ghníomhas iontaobhais nó ina leasuithe nó nach bhforáiltear.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">97</p>
</td>
<td valign="top">
<p class="normal">Ós rud é nach bhfuil an gníomhas iontaobhais agus a leasuithe faoi réir na hoibleagáide maidir le foilsiú, d’fhéadfadh sé a bheith deacair a shainaithint, ar bhonn an ghníomhais sin, fíorchineál an chaidrimh dhlíthiúil a chumhdaítear leis an sásra sin, ós rud é nach bhféadfar na leaganacha atá i bhfeidhm den ghníomhas sin agus dá leasuithe a chur ar fáil agus gur féidir, in aon chás, iad a leasú.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">98</p>
</td>
<td valign="top">
<p class="normal">Féadfaidh an socraitheoir tionchar a imirt ar na cistí agus ar na hacmhainní eacnamaíocha a cuireadh leis an iontaobhas, nó ar na roghanna a dhéanann an t‑iontaobhaí ina leith, agus na cistí agus na hacmhainní eacnamaíocha sin a úsáid, tairbhe a bhaint astu nó iad a dhiúscairt, gan an tionchar sin ná an fhéidearthacht sin a bheith foirmeálta i ndoiciméid dhlíthiúla, rud nach mór don chúirt a dhéanann an tarchur a chur san áireamh freisin.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">99</p>
</td>
<td valign="top">
<p class="normal">I ndáil leis sin, ní mór don chúirt a rinne an tarchur, inter alia, an caidreamh idir an socraitheoir, ar thaobh amháin, agus na daoine eile a bhfuil baint acu leis an iontaobhas, amhail an t‑iontaobhaí nó an cosantóir, ar an taobh eile, a chur san áireamh agus a chinneadh, go háirithe, an bhfuil daoine iontaofa ceaptha ag an socraitheoir, i ról an iontaobhaí nó an chosantóra, a bhfuil naisc ghairmiúla nó phearsanta acu leis an socraitheoir, ar dócha go leanfaidh siad treoracha nó moltaí an tsocraitheora maidir le riar an iontaobhais agus a mhaoine.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">100</p>
</td>
<td valign="top">
<p class="normal">Ina theannta sin, mar a thug an tAbhcóide Ginearálta faoi deara go bunúsach i mír 116 dá Thuairim, maidir le leithdháileadh cistí agus acmhainní eacnamaíocha a cuireadh leis an iontaobhas ar ghníomhaíochtaí arb é an socraitheoir nó daoine nó eintitis ar leis an socraitheoir iad, atá faoina rialú nó atá nasctha leis, an t‑aon fhaighteoir nó tairbhí amháin nó an príomhfhaighteoir nó an príomhthairbhí, d’fhéadfadh sé gur comhartha é an méid sin ar thionchar an tsocraitheora ar an iontaobhas agus ar na maoine agus na hacmhainní a cuireadh leis, chomh maith le cumas an tsocraitheora tairbhe a bhaint astu nó iad a dhiúscairt.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">101</p>
</td>
<td valign="top">
<p class="normal">I ndáil leis sin, dá gcinnfeadh an chúirt a rinne an tarchur nach é an socraitheoir úsáideoir na maoine agus na gcaidreamh dlíthiúil a cuireadh leis an iontaobhas, bheadh sé riachtanach fós a fhíorú an soláthraíonn na cuideachtaí a cuireadh leis an iontaobhas maoine nó seirbhísí d’eintitis atá faoi úinéireacht eisiach nó tromlach ag an socraitheoir nó faoina rialú.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">102</p>
</td>
<td valign="top">
<p class="normal">Ar deireadh, ba cheart a thabhairt faoi deara go bhféadfadh úsáid struchtúr atá casta gan ghá agus iontaobhas atá nasctha le duine a liostaítear in Iarscríbhinn I a ghabhann le Rialachán Uimh. 269/2014 a bheith ina fianaise ann féin ar rialú duine den sórt sin ar eintiteas nach bhfuil ar an liosta sin. Léirítear an cinneadh sin sa Dea-chleachtas freisin, go háirithe i míreanna 63, 64 agus 67 den doiciméad sin.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">103</p>
</td>
<td valign="top">
<p class="normal">Ba cheart a thabhairt faoi deara go bhféadfadh an chúirt a rinne an tarchur tionchar an tsocraitheora ar na cistí agus na hacmhainní eacnamaíocha a cuireadh leis an iontaobhas a shuíomh, dá mbeadh an méid seo a leanas, go díreach nó go hindíreach, ag an socraitheoir: tromlach chaipiteal nó chearta vótála an iontaobhaí nó an ceart tromlach chomhaltaí chomhlacht riaracháin, bainistíochta nó maoirseachta an iontaobhaí a cheapadh nó a chur as oifig nó an ceart tionchar cinntitheach a fheidhmiú ar an iontaobhaí de bhua, inter alia, comhaontú arna thabhairt i gcrích eatarthu, lena n‑áirítear trí chuideachtaí caocha.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">104</p>
</td>
<td valign="top">
<p class="normal">Dá bhrí sin, ós rud é gur cruthaíodh roinnt de na heintitis sin nó gur athraigh siad a gcéannacht go gairid sular glacadh an córas smachtbhannaí nó sular ainmníodh an duine, agus/nó nach ndéanann siad aon ghníomhaíocht gnó inchreidte, is fianaise é go n‑úsáidtear iontaobhas nó iontaobhais mar fhaighteoirí sócmhainní eintitis atá faoi úinéireacht nó faoi rialú duine ainmnithe agus go mbaineann bainistiú na n‑iontaobhas le gairmithe ón dlínse inar bunaíodh na hiontaobhais ar rialú na ndaoine a liostaítear in Iarscríbhinn I a ghabhann le Rialachán Uimh. 269/2014 ar eintitis neamhliostaithe.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">105</p>
</td>
<td valign="top">
<p class="normal">Ina theannta sin, i gcásanna, mar atá i gceist sna príomhimeachtaí, ina n‑aistrítear cuideachtaí chuig an iontaobhas, féadfar tionchar shocraitheoir an iontaobhais ar na cuideachtaí sin a shuíomh, go háirithe, i gcás nach é an t‑iontaobhaí stiúrthóir na gcuideachtaí sin, ach sealbhóir a gcaipitil amháin. I gcás den sórt sin, is faoin gcúirt a rinne an tarchur atá sé cumhachtaí stiúrthóirí na gcuideachtaí sin agus an caidreamh idir na stiúrthóirí sin agus an socraitheoir a fhíorú.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">106</p>
</td>
<td valign="top">
<p class="normal">I bhfianaise an mhéid sin roimhe seo, is é an freagra ar an gcéad cheist agus ar an tríú ceist nach mór Airteagal 2(1) de Rialachán Uimh. 269/2014 a léiriú sa chaoi nach mór a mheas ‘gur leis’ an socraitheoir, a liostaítear in Iarscríbhinn I a ghabhann leis an Rialachán sin, iad na cistí agus na hacmhainní eacnamaíocha a cuireadh le hiontaobh nó go bhfuil siad ‘faoina rialú’, de réir bhrí na forála sin, ar choinníoll go leanfaidh an socraitheoir sin de chumhacht a bheith aige na cistí agus na hacmhainní eacnamaíocha sin a úsáid, tairbhe a bhaint astu, iad a dhiúscairt nó tionchar a bheith aige orthu nó ar na roghanna a dhéanann an t‑iontaobhaí maidir leis na cistí agus na hacmhainní eacnamaíocha sin.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">An dara ceist</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">107</p>
</td>
<td valign="top">
<p class="normal">I bhfianaise an fhreagra ar an gcéad cheist agus ar an tríú ceist, ní gá an dara ceist a fhreagairt.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Costais</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">108</p>
</td>
<td valign="top">
<p class="normal">Ós rud é, a mhéid a bhaineann sé leis na páirtithe sna príomhimeachtaí, go bhfuil na himeachtaí mar chéim sa chás os comhair na cúirte a rinne an tarchur, baineann ceist na gcostas leis an gcúirt sin. Níl na costais a tabhaíodh trí bharúlacha a chur faoi bhráid na Cúirte Breithiúnais, seachas costais na bpáirtithe sin, inghnóthaithe.</p>
</td>
</tr>
</table>
    <p class="C41DispositifIntroduction" id="para-259" title="page-29">
      Ar na forais sin, rialaíonn an Chúirt (an Chéad Dlísheomra) mar seo a leanas:
    </p>
    <p class="C30Dispositifalinea" id="para-260" title="page-29">
      Maidir le hAirteagal 2(1) de Rialachán (AE) Uimh. 269/2014 ón gComhairle an 17 Márta 2014 a bhaineann le bearta sriantacha i ndáil le gníomhaíochtaí lena mbaintear an bonn d’iomláine chríochach, de cheannasacht agus de neamhspleáchas na hÚcráine nó ar bagairt iad na gníomhaíochtaí sin ar an méid sin, arna leasú le Rialachán (AE) 2022/330 ón gComhairle an 25 Feabhra 2022,
    </p>
    <p class="C30Dispositifalinea" id="para-261" title="page-29">
      ní mór léiriú a dhéanamh mar seo a leanas:
    </p>
    <p class="C30Dispositifalinea" id="para-262" title="page-29">
      ní mór a mheas ‘gur leis’ an socraitheoir, a liostaítear in Iarscríbhinn I a ghabhann leis an Rialachán sin, iad na cistí agus na hacmhainní eacnamaíocha a cuireadh le hiontaobh nó go bhfuil siad ‘faoina rialú’, de réir bhrí na forála sin, ar choinníoll go leanfaidh an socraitheoir sin de chumhacht a bheith aige na cistí agus na hacmhainní eacnamaíocha sin a úsáid, tairbhe a bhaint astu, iad a dhiúscairt nó tionchar a bheith aige orthu nó ar na roghanna a dhéanann an t‑iontaobhaí maidir leis na cistí agus na hacmhainní eacnamaíocha sin.
    </p>
    <div class="signatures">
<p class="C77Signatures" id="para-263" title="page-29">
<span class="signatory">Sínithe</span>
</p>
</div>
    <div/>
  <hr class="note"/>
<p class="note footnote">(<span class="note footnote notemarker">
<a id="t-1" href="#c-1">*</a>
</span>) Teanga an cháis: an Iodáilis.</p>
</body>
</html>
