|
Iris Oifigiúil |
GA Sraith L |
|
2026/508 |
23.4.2026 |
CINNEADH (CBES) 2026/508 ÓN gCOMHAIRLE
an 23 Aibreán 2026
lena leasaítear Cinneadh 2014/512/CBES a bhaineann le bearta sriantacha i bhfianaise ghníomhaíochtaí na Rúise i ndíchobhsú staid na hÚcráine
TÁ COMHAIRLE AN AONTAIS EORPAIGH,
Ag féachaint don Chonradh ar an Aontas Eorpach, agus go háirithe Airteagal 29 de,
Ag féachaint don togra ó Ardionadaí an Aontais do Ghnóthaí Eachtracha agus don Bheartas Slándála,
De bharr an mhéid seo a leanas:
|
(1) |
An 31 Iúil 2014, ghlac an Chomhairle Cinneadh 2014/512/CBES (1). |
|
(2) |
Tá an tAontas fós diongbháilte agus tacaíocht á tabhairt aige do cheannasacht agus d’iomláine chríochach na hÚcráine. |
|
(3) |
Sna conclúidí uaithi an 19 Nollaig 2024, d’athdhearbhaigh an Chomhairle Eorpach an géarcháineadh a rinne sí ar chogadh foghach na Rúise ar an Úcráin, ar sárú follasach é ar Chairt na Náisiún Aontaithe, agus d’athdhearbhaigh sí tiomantas daingean an Aontais tacaíocht leanúnach pholaitiúil, airgeadais, eacnamaíoch, dhaonnúil, mhíleata agus taidhleoireachta a thabhairt don Úcráin agus dá muintir. |
|
(4) |
Fad a leanfaidh gníomhaíochtaí neamhdhleathacha Chónaidhm na Rúise de rialacha bunúsacha an dlí idirnáisiúnta a shárú, lena n-áirítear, go háirithe, an toirmeasc ar úsáid fornirt a chumhdaítear in Airteagal 2(4) de Chairt na Náisiún Aontaithe, nó rialacha an dlí dhaonnúil idirnáisiúnta a shárú, is iomchuí na bearta uile arna bhforchur ag an Aontas a choinneáil i bhfeidhm, agus bearta breise a dhéanamh, más gá sin. |
|
(5) |
I bhfianaise an fhogha leanúnaigh atá á thabhairt ag Cónaidhm na Rúise faoin Úcráin, go háirithe an feachtas míleata brúidiúil a bhí ann le déanaí lena ndírítear d’aon ghnó ar bhonneagar sibhialtach, lena n-áirítear saoráidí fuinnimh, uisce agus sláinte, arb é is cúis le fulaingt thromchúiseach an phobail shibhialta agus a fhéachann leis an mbonn a bhaint d’athléimneacht na hÚcráine, measann an Chomhairle gur gá bearta sriantacha breise a ghlacadh. |
|
(6) |
Go háirithe, ba cheart 60 eintiteas a chur le liosta na ndaoine dlítheanacha, na n-eintiteas nó na gcomhlachtaí a leagtar amach in Iarscríbhinn IV a ghabhann le Cinneadh 2014/512/CBES, is é sin liosta na ndaoine, na n-eintiteas agus na gcomhlachtaí a thacaíonn le coimpléasc míleata agus tionsclaíoch na Rúise ina cogadh foghach ar an Úcráin, ar a bhforchuirtear srianta onnmhairiúcháin níos déine maidir le hearraí agus teicneolaíocht dé-úsáide, chomh maith le hearraí agus teicneolaíocht a d’fhéadfadh rannchuidiú le feabhsú teicneolaíoch earnáil cosanta agus slándála na Rúise. Áirítear ar na heintitis sin eintitis áirithe i dtríú tíortha seachas an Rúis a rannchuidíonn go hindíreach le feabhsú míleata agus teicneolaíoch na Rúise, rud a fhágann gur féidir teacht timpeall ar shrianta ar onnmhairiú, lena n-áirítear srianta ar mheaisín-uirlisí ríomhrialaithe uimhriúla, micrileictreonaic, comhpháirteanna aerárthaí gan foireann, táirgí micrileictreonaice, trealamh muirí agus comhpháirt eile feithiclí agus innealra. |
|
(7) |
Is iomchuí liosta na n-ítimí a d’fhéadfadh rannchuidiú le feabhsú míleata agus teicneolaíoch na Rúise nó le forbairt a hearnála cosanta agus slándála a leathnú, trí liostú a dhéanamh ar earraí a d’úsáid an Rúis ina cogadh foghach ar an Úcráin agus ar earraí a rannchuidíonn le forbairt nó táirgeadh a córas míleata, lena n-áirítear earraí gloine saotharlainne, bealaí ardfheidhmíochta áirithe agus a mbreiseáin, agus ábhair fuinneamhachais. |
|
(8) |
Ina theannta sin, is iomchuí srianta breise ar allmhairí earraí lena ngintear ioncam suntasach don Rúis a thabhairt isteach, rud a fhágann gur féidir léi leanúint dá cogadh foghach ar an Úcráin, lena n-áirítear srianta maidir le amhábhair chriticiúla áirithe, miotail, mianraí áirithe, fuíoll cruach agus miotail eile, ceimiceáin, earraí rubair bholcánaithe agus fionnadhsheithí súdaraithe. |
|
(9) |
Chun an baol go rachfaí timpeall ar bhearta sriantacha a íoslaghdú, is iomchuí liosta na n-earraí agus na teicneolaíochta atá faoi réir an toirmisc ar idirthuras trí chríoch na Rúise a leathnú a thuilleadh. |
|
(10) |
Is iomchuí freisin srianta breise a fhorchur ar onnmhairiú earraí a d’fhéadfadh rannchuidiú le feabhas a chur ar acmhainneachtaí tionsclaíocha na Rúise, mar shampla ceimiceáin, rubar agus earraí rubair bholcánaithe, earraí cruach, uirlisí le haghaidh táirgeadh miotail agus tarracóirí tionsclaíocha. |
|
(11) |
Tá údar maith leis an toirmeasc craolacháin atá ann cheana a leathnú chun srian a chur freisin ar chraoladh agus éascú craolacháin san Aontas d’ábhar eintiteas atá ar aon dul le hábhar eintiteas eile atá faoi réir an toirmisc cheana féin, chun dul i ngleic le hiarrachtaí ar theacht timpeall ar na mbeart sriantach. I gcomhréir leis na cearta agus saoirsí bunúsacha a aithnítear sa Chairt um Chearta Bunúsacha, go háirithe leis an gceart chun tuairimí a nochtadh agus faisnéis a fháil, leis an tsaoirse chun gnó a sheoladh agus leis an gceart chun maoine mar a aithnítear in Airteagail 11, 16 agus 17 di, ní chuireann an beart seo cosc ar na heagraíochtaí meán sin atá faoi réir an toirmisc ar chraoladh agus ar a bhfoireann gníomhaíochtaí eile a dhéanamh san Aontas seachas craoladh, amhail taighde agus agallaimh. Go háirithe, ní mhodhnaítear leis an mbeart seo an oibleagáid atá ann na cearta, na saoirsí agus na prionsabail dá dtagraítear in Airteagal 6 den Chonradh ar an Aontas Eorpach a urramú, lena n-áirítear sa Chairt um Chearta Bunúsacha, agus i mbunreachtanna na mBallstát, laistigh dá réimsí cur i bhfeidhm faoi seach. |
|
(12) |
Is iomchuí toirmeasc a thabhairt isteach ar sheirbhísí críochfoirt gáis nádúrtha leachtaithe (GNL) a sholáthar d’eintitis Rúiseacha nó d’eintitis atá faoi úinéireacht nó faoi rialú náisiúnach nó oibreoirí Rúiseacha. Ba cheart na conarthaí ábhartha do na seirbhísí críochfoirt GNL lena mbaineann a fhoirceannadh go huathoibríoch an 1 Eanáir 2027. |
|
(13) |
Is iomchuí an chaidhp phraghais le haghaidh amhola agus táirgí peitriliam de chuid na Rúise a leasú. Ba cheart an Chomhairle a chur ar an eolas a luaithe is féidir faoi aon chomhaontú de chuid Chomhghuaillíocht na Caidhpe Praghais agus faoi bPlé a rinne G7, agus ba cheart don Chomhairle cinneadh a dhéanamh, bunaithe ar thogra ó Ardionadaí an Aontais do Ghnóthaí Eachtracha agus don Bheartas Slándála, maidir le feidhm na caidhpe praghais ola, rud a fhágann go dtiocfadh toirmeasc iomlán ar sheirbhísí muirí a bhaineann le hamhola agus táirgí peitriliam na Rúise i bhfeidhm. |
|
(14) |
Is iomchuí leasú a dhéanamh ar an oibleagáid maidir le fianaise inrianaitheachta a chur ar fáil trína cheangal ar allmhaireoirí diamant snasta, lena n-áirítear diamaint snasta i dtríú tíortha, ráiteas maidir le dícheall cuí a chur ar fáil lena ndearbhaítear nár baineadh, nár próiseáladh ná nár táirgeadh na diamaint sa Rúis. |
|
(15) |
Rinne Rialtas Chónaidhm na Rúise ‘bainistíocht shealadach’, mar a thugtar uirthi, neamhdhlisteanach, a fhorchur ar mhaoin atá lonnaithe ar chríoch Chónaidhm na Rúise, ar le daoine eachtracha í a bhfuil baint acu le ‘stáit eachtracha mhíchairdiúla’, mar a thugtar orthu, is é sin, stáit a thug bearta sriantacha isteach i gcoinne na Rúise. Is ionann an ‘bainistíocht shealadach’ sin, mar a thugtar uirthi, agus díshealbhú. Ar an modh sin, baineann Rialtas Chónaidhm na Rúise iomaitheoirí ón Aontas atá ag cuideachtaí Rúiseacha ó mhargaí na Rúise, rud a thugann buntáiste eacnamaíoch do na cuideachtaí sin thar iomaitheoirí ón Aontais agus thar iomaitheoirí eachtracha eile, agus ar an gcaoi sin neartaítear frithsheasmhacht gheilleagar na Rúise i gcoinne bearta srianta a dhéanann difear dó. I roinnt cásanna, tugtar an ‘bhainistíocht shealadach’, mar a thugtar uirthi, fiú d’iomaitheoirí Rúiseacha atá ag eintitis de chuid Aontais , rud a thugann buntáiste eacnamaíoch díreach dóibh ar na hiomaitheoirí sin de chuid an Aontais. Chun creat na mbeart sriantach ag an Aontas a neartú, tá údar maith lena chur ar chumas na Comhairle liosta a tharraingt suas de chuideachtaí Rúiseacha atá faoi réir toirmeasc ar idirbhearta, a thairbhíonn den ‘bhainistíocht shealadach’, mar a thugtar uirthi, neamhdhlisteanach sin, go háirithe trí bhainistiú mhaoin agus eintitis na n-eintiteas sin atá faoi úinéireacht nó faoi rialú eintiteas atá bunaithe san Aontas a ghlacadh ar láimh ‘go sealadach’, nó trí oibriú san earnáil margaidh chéanna leis na heintitis sin atá faoi úinéireacht nó faoi rialú an Aontais. Ba cheart foráil a dhéanamh maidir le heisceachtaí i gcásanna áirithe. |
|
(16) |
Tá bearta cinntitheacha déanta ag an Aontas chun eintitis a shainaithint a éascaíonn lámh tarrthála airgeadais leanúnach ar fáil do chogadh foghach na Rúise ar an Úcráin, bíodh sin trí nascadh leis an gCóras um Aistriú Teachtaireachtaí Airgeadais (SPFS) de chuid Bhanc Ceannais Chónaidhm na Rúise nó trí theacht timpeall bearta srianta an Aontais a chumasú, agus toirmeasc a chur ar aon idirbheart idir na heintitis sin agus oibreoirí an Aontais. As na heintitis a sainaithníodh, tá bearta déanta ag 5 cheann de na heintitis sin chun deireadh a chur le lúba ar lár agus chun deireadh a chur leis na gníomhaíochtaí aindleathacha ábhartha. Dá bhrí sin, tá údar leis na liostuithe do na 5 eintiteas sin a bhaint den Iarscríbhinn XIX ábhartha a ghabhann le Cinneadh 2014/512/CBES. Ina theannta sin, tá fianaise ann go leanann eintitis eile den sórt sin i dtríú tíortha de chur ar chumas na Rúise gníomhaíochtaí aindleathacha a dhéanamh. Sainaithníodh 4 eintiteas airgeadais. Ba cheart toirmeasc a chur ar idirbhearta idir iad agus daoine atá lonnaithe san Aontas, trí na 4 eintiteas airgeadais a liostú sna hIarscríbhinní ábhartha a ghabhann le Cinneadh 2014/512/CBES. |
|
(17) |
Tá an rúbal digiteach á sheoladh ag Banc Ceannais Chónaidhm na Rúise, agus meastar go mbeidh sé ina mhodh coiteann íocaíochta sna blianta amach romhainn i measc cuideachtaí, daoine aonair, agus institiúidí creidmheasa agus airgeadais Rúiseacha, agus idir iad agus oibreoirí i dtríú tíortha. Cé go bhfuil sé fós ag an gcéim ullmhúcháin, tá sé beartaithe leis an rúbal digiteach, inter alia, córas íocaíochta a sholáthar lena gcosnófar Rúisigh ar éifeacht na mbeart sriantach a leagtar síos mar shampla i gCinntí 2014/512/CBES agus 2014/145/CBES (2), agus i Rialacháin (AE) Uimh. 833/2014 (3) agus (AE) Uimh. 269/2014 (4) ón gComhairle. Is iomchuí, dá bhrí sin, toirmeasc a chur ar pháirt a ghlacadh, go díreach nó go hindíreach, in aon idirbheart a bhaineann le hairgeadra digiteach mar sin de chuid an bhainc ceannais amhail an rúbal digiteach nó ar thacaíocht a thabhairt d’fhorbairt tionscadail den sórt sin. Ba cheart foráil a dhéanamh freisin maidir le tréimhse theoranta ama chun foirceannadh ordúil conarthaí ábhartha atá ann cheana a chumasú. |
|
(18) |
Is iomchuí cur le liosta na gcripteashócmhainní a bhfuil toirmeasc ar a n-úsáid in idirbhearta ós rud é go bhfuil baol ann go dtiocfar timpeall ar na toirmisc a leagtar síos, inter alia, i gCinntí 2014/512/CBES agus 2014/145/CBES, agus i Rialacháin (AE) Uimh. 833/2014 agus (AE) Uimh. 269/2014. B cheart foráil a dhéanamh freisin maidir le tréimhse theoranta ama chun foirceannadh ordúil conarthaí ábhartha atá ann cheana a chumasú. |
|
(19) |
I mí Feabhra 2025, liostaíodh an cripteamhalartán Rúiseach Garantex sna hIarscríbhinní ábhartha a ghabhann le Cinneadh 2014/145/CBES agus le Rialachán (AE) Uimh. 269/2014 as rochtain ar an gcóras airgeadais domhanda a sholáthar d’eintitis liostaithe. Léiríonn fianaise ó imscrúduithe na sochaí sibhialta gur aistríodh na gníomhaíochtaí Garantex sin chuig eintitis eile atá bunaithe sa Rúis, chun bearta sriantacha an Aontais a sheachaint. Dá bhrí sin, is dócha go mbunófar soláthraithe nua chun teacht timpeall ar na liostuithe sin mar thoradh ar aon liostú breise ar sholáthraithe seirbhísí cripteashócmhainní aonair nó ar ardáin dhíláraithe lena gceadaítear cripteashócmhainní a mhalartú nó a aistriú. Chun a áirithiú go mbainfidh bearta sriantacha an Aontais an éifeacht atá beartaithe leo amach, is iomchuí toirmeasc a chur ar dhul i dteagmháil le haon soláthraí seirbhísí cripteashócmhainní atá bunaithe sa Rúis, agus ar úsáid a bhaint as aon ardán atá bunaithe sa Rúis, lena n-éascaítear aistriú agus malartú cripteashócmhainní. |
|
(20) |
Is iomchuí 20 institiúid creidmheasa nó airgeadais a chur le liosta na ndaoine dlítheanacha, na n-eintiteas nó na gcomhlachtaí atá faoi réir toirmeasc ar idirbhearta. Tá feidhm ag an toirmeasc ar idirbhearta maidir le hinstitiúidí creidmheasa nó airgeadais áirithe de chuid na Rúise nó maidir le heintitis eile, lena n-áirítear na heintitis a shuibscríobhann le seirbhísí teachtaireachtaí airgeadais, nó maidir le fochuideachtaí Rúiseacha d’institiúidí creidmheasa nó airgeadais tríú tír, atá ábhartha maidir le córas airgeadais agus baincéireachta na Rúise, agus ar bainc réigiúnacha mhóra nó thábhachtacha iad, a éascaíonn, dá réir sin, airgeadas agus gnó réigiúnach agus cónaidhme, nó ar bainc iad a éascaíonn íocaíochtaí trasteorann agus, ar an gcaoi sin, a threisíonn geilleagar na Rúise agus a tionscal, nó ar bainc iad bhaineann an bonn d’iomláine chríochach na hÚcráine trí oibriú i gcríocha na hÚcráine atá faoi fhorghabháil, nó trí sheirbhísí airgeadais a sholáthar ar chríocha na hÚcráine atá faoi fhorghabháil, nó ar bainc iad a thairgeann seirbhísí airgeadais do phearsanra míleata i bhfórsaí armtha na Rúise, nó bainc atá faoi réir bearta sriantacha cheana arna bhforchur ag an Aontas nó ag tíortha comhpháirtíochta. Ina theannta sin, is gá leasú a dhéanamh ar dhíolúine is gá chun íocaíochtaí atá dlite a fháil agus chun go gcomhlíonfaidh na daoine dlítheanacha, na heintitis nó na comhlachtaí dá dtagraítear in Iarscríbhinn VIII a ghabhann le Cinneadh 2014/512/CBES na réamhoibleagáidí, agus chun díolúine a chur isteach maidir le táillí gairmiúla réasúnta a íoc nó speansais thabhaithe a aisíoc a bhaineann le seirbhísí dlí a sholáthar, chomh maith le díolúine a bhaineann le riachtanais eagraíochtaí idirmheánacha atá maoinithe ag an stát le haghaidh bheartas cultúrtha eachtrach na mBallstát sa Rúis. |
|
(21) |
Tá údar maith le srianta breise a fhorchur ar sholáthar seirbhísí do Rialtas na Rúise agus do dhaoine dlítheanacha, eintitis nó comhlachtaí atá bunaithe sa Rúis, ar seirbhísí iad a rannchuidíonn le feabhas a chur ar chumais theicneolaíocha na Rúise, go háirithe seirbhísí slándála bainistithe a sholáthar. |
|
(22) |
Is iomchuí díolúine a thabhairt isteach ón gceanglas maidir le réamhúdarú le haghaidh seirbhís a sholáthraítear do Rialtas na Rúise nach bhfuil faoi réir na mbeart sriantach cheana féin a leagtar amach i gCinneadh 2014/512/CBES nó i Rialachán (AE) Uimh. 833/2014, i gcás ina bhfuil géarghá leis na seirbhísí sin ar mhaithe le feidhmiú ionadaíocht chonsalach nó taidhleoireachta de chuid na Rúise atá lonnaithe i mBallstát. |
|
(23) |
Is gá leathnú a dhéanamh ar an toirmeasc atá ann cheana ar ghlacadh le maoiniú, tabhartais nó le haon tairbhe eacnamaíoch nó tacaíocht eacnamaíoch eile ón Rúis, bíodh sin go díreach nó go hindíreach, tríd an toirmeasc a leathnú chuig institiúidí taighde poiblí agus príobháideacha, ollscoileanna, forais ardoideachais, eagraíochtaí taighde agus teicneolaíochta, eagraíochtaí neamhrialtasacha, comhlachtaí poiblí agus gníomhaireachtaí poiblí, agus gnóthais agus eintitis eile sna hearnálacha tionsclaíocha agus tráchtála, lena n-áirítear micrifhiontair, fiontair bheaga, fiontair mheánmhéide agus fiontair mhóra, a dhéanann gníomhaíocht taighde agus nuálaíochta, agus chuig daoine nádúrtha a bhfuil baint acu leis na daoine dlítheanacha, na heintitis nó na comhlachtaí sin. Dá nglacfaí le cistiú poiblí ón Rúis, d’fhéadfadh sé go gcuirfí tacaíocht dhíreach nó indíreach ar fáil do dhaoine nádúrtha nó dlítheanacha, d’eintitis nó do chomhlachtaí na Rúise mar gheall ar an aistriú gaolmhar eolais, rochtain ar bhonneagar, oiliúint agus gníomhaíochtaí eile a dhéantar i gcomhthéacs an taighde agus na nuálaíochta. Ina theannta sin d’fhéadfaí tréimhsí taighde sa Rúis a bheartú sna cláir atá ann cheana. Is féidir na gníomhaíochtaí sin a úsáid le haghaidh feachtais tionchair agus chun bréagaisnéis a chur chun cinn arb é is aidhm dóibh an bonn a bhaint d’iomláine chríochach, de cheannasacht agus de neamhspleáchas na hÚcráine agus chun bolscaireacht ar son na Rúise a chur chun cinn arb é is aidhm di údar a thabhairt le cogadh foghach na Rúise ar an Úcráin agus tacú leis an gcogadh sin. Is iomchuí, dá bhrí sin, toirmeasc a chur ar chistiú ón Rúis agus óna hionadaithe do ghníomhaithe san Aontas a dhéanann gníomhaíocht taighde agus nuálaíochta. |
|
(24) |
Is iomchuí a shoiléiriú gur cheart a áireamh in oibleagáidí tuairiscithe a bhaineann le faisnéis lena n-éascófaí cur chun feidhme Chinneadh 2014/512/CBES agus Rialachán (AE) Uimh. 833/2014 an dualgas tuairisc a thabhairt faoi dhaoine a dhéanann iarrachtaí ar scéimeanna teacht timpeall, nó ar idirbhearta a mheastar a bheith amhrasach. |
|
(25) |
Tá bearta sriantacha suntasacha forchurtha ag an Aontas san earnáil mhuirí i leith na Rúise, go háirithe maidir leis an gcabhlach soithí tancaeir, ar a dtugtar an ‘scáthchabhlach’, atá i mbun cleachtais loingseoireachta neamhrialta ardriosca mar a leagtar amach i rún A.1192(33) ó Chomhthionól Ginearálta na hEagraíochta Muirí Idirnáisiúnta. Chun a áirithiú nach dtiocfaidh soithí arna ndíol ag oibreoirí an Aontais isteach sa scáthchabhlach ná nach dtacóidh siad leis, ba cheart na coinníollacha a bhfuil feidhm acu maidir le díolacháin soithí tancaeir le hoibreoirí i dtríú tíortha a dhéanamh níos doichte trí fhoráil a dhéanamh maidir le dícheall cuí sonrach agus clásal éigeantach i gcomhaontuithe díolacháin ar dá réir nach féidir na tancaeir a dhíol ná a aistriú a thuilleadh chuig aon duine nádúrtha nó dlítheanach, eintiteas nó comhlacht sa Rúis ná lena n-úsáid sa Rúis. Ba cheart an dícheall cuí sin a bheith comhréireach, agus ba cheart scagadh ar gach páirtí san idirbheart a bheith san áireamh ann. I gcomhthéacs sonrach díolachán soithí tancaeir, i gcás ina ndearna díoltóir de chuid an Aontais dícheall cuí iomchuí agus ina bhfuair sé na gealltanais chonarthacha is gá, níor cheart díoltóir an Aontais a chur faoi dhliteanas i gcás ina sáraíonn an ceannaitheoir na gealltanais sin ina dhiaidh sin, ar choinníoll gur ghníomhaigh díoltóir an Aontais de mheon macánta agus nach raibh faisnéis aige a thug le fios go raibh sé ar intinn ag an gceannaitheoir dul timpeall ar na bearta. Ba cheart gur ar an bpáirtí tríú tír a mhainníonn an toirmeasc conarthach a urramú a bheadh an dliteanas i leith an tsáraithe sin. |
|
(26) |
Ag tabhairt dá haire go bhfuil aois athchúrsála bainte amach ag go leor soithí arna liostú ag an Aontas mar shoithí atá sa scáthchabhlach agus chun a n-athchúrsáil, seachas oibríochtaí leanúnacha, a spreagadh, agus chun a chur ar a gcumas d’oibreoirí an Aontais a bheith rannpháirteach i ngníomhaíochtaí a bhaineann le hathchúrsáil, ba cheart maolú nua ar bhearta sriantacha an Aontais athchúrsáil na soithí sin a éascú. |
|
(27) |
Tá údar maith le srianta a thabhairt isteach ar shoithí bristeora oighir a oibríonn sa Rúis toisc go bhfuil na soithí sin ríthábhachtach chun tacú le honnmhairí ola agus gáis ó thuaisceart na Rúise. Ina theannta sin, ba cheart srian a thabhairt isteach ar sheirbhísí a sholáthar do thancaeir GNL atá faoi bhratach, faoi úinéireacht nó faoi bhainistiú na Rúise. |
|
(28) |
Faoi láthair, is féidir le daoine dlítheanacha, eintitis nó comhlachtaí seachas daoine dlítheanacha, eintitis nó comhlachtaí Rúiseacha, le daoine seachas iad siúd a liostaítear i gCinneadh 2014/512/CBES agus i Rialachán (AE) Uimh. 833/2014, agus le daoine seachas iad siúd atá ag gníomhú thar a gceann nó faoina stiúir, éilimh a dhéanamh i gcoinne cuideachtaí de chuid an Aontais a chomhlíonann smachtbhannaí, mar shampla tar éis do chuideachtaí de chuid an Aontais scor de tháirgí a sholáthar do náisiúnaigh tríú tíortha seachas Rúisigh a bhfuil toirmeasc ar a n-onnmhairiú chuig an Rúis. Dá bhrí sin, is iomchuí creat an Aontais maidir le bearta sriantacha a neartú trí raon feidhme an toirmisc ar shásamh na n-éileamh sin a leathnú. Is é is aidhm don síneadh sin oibreoirí an Aontais a chosaint a thuilleadh ar éilimh a eascraíonn as oibleagáidí conarthacha a ndearna bearta sriantacha an Aontais difear dá fheidhmiú. Dá bhrí sin, ba cheart raon feidhme an toirmisc ar shásamh na n-éileamh sin a leathnú freisin chun éilimh arna ndéanamh ag daoine nádúrtha nó dlítheanacha, eintitis nó comhlachtaí atá bunaithe i dtríú tíortha, seachas an Rúis agus tíortha comhpháirtíochta a liostaítear in Iarscríbhinn VII a ghabhann le Cinneadh 2014/512/CBES a chumhdach, i gcás ina bhfuil na daoine nádúrtha nó dlítheanacha, na heintitis nó na comhlachtaí sin ag díol, ag soláthar, ag aistriú nó ag onnmhairiú earraí, teicneolaíochta nó seirbhísí a bhfuil toirmeasc ar a ndíol, a soláthar, a n-aistriú nó a n-onnmhairiú faoi Chinneadh 2014/512/CBES agus Rialachán (AE) Uimh. 833/2014, bíodh na hearraí, an teicneolaíocht nó na seirbhísí de thionscnamh an Aontais nó ná bíodh. |
|
(29) |
Ghlac an Rúis reachtaíocht, go háirithe Foraithne Uimh. 122 ó Uachtarán Chónaidhm na Rúise an 15 Feabhra 2024 agus Foraithne Uimh. 1767 ó Rialtas Chónaidhm na Rúise an 18 Deireadh Fómhair 2021, arna leasú le Rún Uimh. 380 ón Rialtas an 27 Márta 2024, lena gceadaítear do Rialtas na Rúise cinneadh a dhéanamh, arna iarraidh sin d’eintiteas dlítheanach Rúiseach ar leis Stát na Rúise, eintiteas dlítheanach Rúiseach, nó saoránach Rúiseach, go díreach nó go hindíreach, níos mó ná 75 % den scairchaipiteal, maidir le haireagán, cuspa áisiúlachta nó dearadh tionsclaíoch a úsáid gan toiliú an tsealbhóra cirt, nach gceanglaítear ach cúiteamh siombalach a íoc ina leith isteach i gcuntas bainc rúbal speisialta. Dírítear sa reachtaíocht, ar shealbhóirí cirt atá faoi úinéireacht nó faoi rialú daoine nádúrtha i dtíortha, agus daoine dlítheanacha atá corpraithe faoi dhlíthe tíortha, a fhorchuireann bearta sriantacha ar an Rúis mar gheall ar a cogadh foghach i gcoinne na hÚcráine, lena n-áirítear daoine agus cuideachtaí sna Ballstáit. Leis an reachtaíocht, baintear go héifeachtach de shealbhóirí cirt an Aontais cosaint dhlisteanach dá gcearta maoine intleachtúla agus dá rúin trádála sa Rúis, rud a thugann buntáiste eacnamaíoch do chuideachtaí atá faoi úinéireacht na Rúise, agus a chuireann borradh faoi thionscal na Rúise ar deireadh. Thairis sin, rannchuidíonn an reachtaíocht sin go díreach le hathléimneacht gheilleagar na Rúise agus lena hiarracht chogaidh a mhéadú, go háirithe nuair a úsáidtear na haireagáin, na cuspaí áisiúlachta nó na dearaí tionsclaíocha i gceist i réimse na cosanta nó le haghaidh earraí dé-úsáide. Is iomchuí, dá bhrí sin, toirmeasc ar idirbhearta a fhorchur ar eintitis arna n-ionchorprú faoi dhlí na Rúise a úsáideann, gan a dtoiliú, cearta maoine intleachtúla fochuideachtaí arna n-ionchorprú sa Rúis de chuid chuideachtaí an Aontais. Chun sainaithint eintiteas a úsáideann cearta maoine intleachtúla agus rúin trádála shealbhóirí cirt an Aontais gan a dtoiliú ar an mbealach sin a éascú, is gá do shealbhóirí cirt an Aontais dá ndéantar difear an Ballstát faoi seach a chur ar an eolas faoin úsáid sin. |
|
(30) |
Is gá leasú a dhéanamh ar an sásra réamhfhógra do thaidhleoirí Rúiseacha agus d’oifigigh chonsalacha Rúiseacha, agus do bhaill d’fhoireann riaracháin agus theicniúil nó d’fhoireann seirbhíse mhisin taidhleoireachta nó phoist chonsalacha na Rúise, agus dá mbaill teaghlaigh, agus iad ag taisteal chuig Ballstát seachas Ballstát a gcreidiúnaithe nó a gcónaithe. |
|
(31) |
Is tosaíocht i gcónaí é teacht timpeall ar bhearta sriantacha an Aontais i dtríú tíortha agus ag tríú tíortha a chosc agus a chomhrac. Rinneadh iarrachtaí suntasacha chun cosc a chur ar athonnmhairiú earraí agus teicneolaíochta dé-úsáide de thionscnamh an Aontais chuig an Rúis, lena n-áirítear na hearraí Ardtosaíochta Coiteanna (ATC) mar a liostaítear in Iarscríbhinní VII agus XL a ghabhann le Rialachán (AE) 833/2014. Déanann an Coimisiún faireachán ar shreafaí trádála na n-ítimí sin agus téann an Toscaire Speisialta maidir le Cur Chun Feidhme Smachtbhannaí an Aontais i dteagmháil le tríú tíortha inar sainaithníodh sreafaí trádála amhrasacha. |
|
(32) |
Tá údar maith le dhá Chód ainmníochta comhcheangailte (AC) agus Poblacht na Cirgise a chur le liosta na n-earraí agus na teicneolaíochta srianta agus na dtíortha a leagtar amach in Iarscríbhinn XIV a ghabhann le Cinneadh 2014/512/CBES. Bunaithe ar na sonraí trádála atá ar fáil don chéad 10 mí de 2025, bhí allmhairí earraí coiteanna ardtosaíochta ón Aontas chuig Poblacht na Cirgise beagnach 800 % níos airde ná mar a bhí roimh chogadh foghach na Rúise ar an Úcráin. Le haghaidh na tréimhse céanna, bhí onnmhairí earraí coiteanna ardtosaíochta ó Phoblacht na Cirgise chuig an Rúis 1 200 % níos airde ná mar a bhí roimh chogadh foghach na Rúise. Baineann na liostuithe le hionaid mheaisínithe le haghaidh miotal a shaoirsiú (cód AC 8457 10 ) agus ar mheaisíní le haghaidh guth, íomhánna nó sonraí eile a ghlacadh, a thiontú agus a tharchur nó a athchruthú, lena n-áirítear gléasra lasctha agus ródaithe (cód AC 8517 62 ). Liostaítear na cóid AC sin faoi na hiarscríbhinní ábhartha a ghabhann le Rialachán (AE) Uimh. 833/2014, ós rud é gur féidir earraí a úsáid chun rannchuidiú le feabhsú míleata agus teicneolaíoch na Rúise nó le forbairt a hearnála cosanta agus slándála na Rúise. Úsáidtear ionaid mheaisínithe go forleathan sa mhonaraíocht i réimse na cosanta, toisc gur féidir leo comhpháirteanna miotail ardchruinnis a tháirgeadh atá riachtanach don táirgeadh míleata. Úsáidtear meaisíní le haghaidh tarchur gutha agus sonraí, inter alia, le haghaidh líonraí cumarsáide ar an láthair agus le haghaidh teiliméadracht drón. Léiríonn leibhéal ard allmhairí na n-ítimí sin chuig Poblacht na Cirgise ón Aontas go bhfuil riosca leanúnach agus an-ard ann go rachfar timpeall orthu, trí na hearraí a dhíol, a sholáthar, a aistriú nó a onnmhairiú ina dhiaidh sin ó Phoblacht na Cirgise go dtí an Rúis. |
|
(33) |
Rinne an Toscaire Speisialta Idirnáisiúnta maidir le Cur Chun Feidhme Smachtbhannaí an Aontais for-rochtain ghníomhach le Poblacht na Cirgise agus chuaigh an tAontas i mbun plé teicniúil le húdaráis na Cirgise freisin. D’ainneoin iarrataí iomadúla agus d’ainneoin malartuithe éagsúla, níor ghlac ná níor fhorfheidhmigh Poblacht na Cirgise bearta ar leor iad chun a áirithiú nach ndéanfar ítimí CTÉ de thionscnamh an Aontais a athonnmhairiú chuig an Rúis, rud a mhéadaíonn go suntasach an riosca go n-úsáidfear a dlínse chun dul timpeall ar bhearta sriantacha an Aontais. Dá bhrí sin, ba cheart Poblacht na Cirgise a shainaithint mar dhlínse ina bhfuil an riosca maidir le teacht timpeall sistéamach agus leanúnach, agus níor chuir na húdaráis cosc ar dhíol, soláthar, aistriú ná onnmhairiú earraí agus teicneolaíochta chuig an Rúis, mar a liostaítear in Iarscríbhinn XIV a ghabhann le Cinneadh 2014/512/CBES, a onnmhairítear ón Aontas. |
|
(34) |
Is iomchuí liosta na dtíortha comhpháirtíochta maidir le hallmhairiú táirgí peitriliam a leathnú. |
|
(35) |
Is iomchuí freisin dhá chalafort agus loc sa Rúis agus calafort agus loc amháin i dtríú tír seachas an Rúis a chur leis an Iarscríbhinn ábhartha a ghabhann le Cinneadh 2014/512/CBES, a úsáidtear chun dul timpeall ar chaidhp praghsála ola ag soithí a chleachtann cleachtais loingseoireachta neamhrialta ardriosca. Baineann sé sin le Críochfort Ola Kharimun san Indinéis. |
|
(36) |
Ní mór don Aontas tuilleadh gníomhaíochta a dhéanamh chun bearta áirithe a chur chun feidhme. |
|
(37) |
Dá bhrí sin, ba cheart Cinneadh 2014/512/CBES a leasú dá réir sin, |
TAR ÉIS AN CINNEADH SEO A GHLACADH:
Airteagal 1
Leasaítear Cinneadh 2014/512/CBES mar a leanas:
|
(1) |
leasaítear Airteagal 1ae mar a leanas:
|
|
(2) |
leasaítear Airteagal 1af(1) mar a leanas:
|
|
(3) |
cuirtear na hairteagail seo a leanas isteach: ‘Airteagal 1aj 1. Toirmiscfear dul i mbun aon idirbhirt, go díreach nó go hindíreach, le duine dlítheanach, eintiteas nó comhlacht dá dtagraítear i bpointí (a), (b) nó (c) d’Airteagal 7(1) den Chinneadh seo, a thairbhigh, lena n-áirítear trí oibriú san earnáil margaidh chéanna, de chinneadh de bhun Fhoraithne Uimh. 302 ó Uachtarán Chónaidhm na Rúise an 25 Aibreán 2023 arna leasú ina dhiaidh sin, de bhun Dhlí Cónaidhme Uimh. 470-FZ an 4 Lúnasa 2023 arna leasú ina dhiaidh sin, nó de bhun reachtaíocht ghaolmhar nó choibhéiseach na Rúise, mar a liostaítear in Iarscríbhinn XXVII. 2. Mura dtoirmisctear ar bhealach eile iad, ní bheidh feidhm ag an toirmeasc i mír 1 maidir leis na hidirbhearta seo a leanas:
Airteagal 1ak 1. Toirmiscfear dul i mbun aon idirbhirt, go díreach nó go hindíreach, le duine dlítheanach nó nádúrtha, eintiteas nó comhlacht a fhéachann le breithiúnais a shásaíonn éilimh dá dtagraítear i mír 1 d’Airteagal 11a de Rialachán (AE) Uimh. 833/2014 a fhorfheidhmiú lasmuigh den Aontas, nó a chomhoibríonn leis sin, nó le daoine nádúrtha nó dlítheanacha, eintitis nó comhlachtaí a bhfuil na daoine nádúrtha, eintitis nó comhlachtaí sin faoina n-úinéireacht nó faoina rialú, cé is moite de dhlíodóirí agus na breithiúna, mar a liostaítear i gCuid A d’Iarscríbhinn XXVIII. 2. Toirmiscfear dul i mbun aon idirbhirt aon idirbhirt, go díreach nó go hindíreach, le duine dlítheanach nó nádúrtha, eintiteas nó comhlacht a fhéachann le cinntí dá dtagraítear i mír 1 d’Airteagal 11b de Rialachán (AE) Uimh. 833/2014 a fhorfheidhmiú lasmuigh den Aontas, nó a chomhoibríonn leis sin, nó le daoine nádúrtha nó dlítheanacha, eintitis nó comhlachtaí a bhfuil na daoine nádúrtha, eintitis nó comhlachtaí sin faoina n-úinéireacht nó faoina rialú, cé is moite de dhlíodóirí agus de na breithiúna, mar a liostaítear i gCuid B d’Iarscríbhinn XXVIII. 3. Mura dtoirmisctear ar bhealach eile iad, ní bheidh feidhm ag na toirmisc i míreanna 1 agus 2 maidir leis na hidirbhearta seo a leanas:
|
|
(4) |
cuirtear an méid seo a leanas in ionad Airteagal 1ba: ‘Airteagal 1ba Toirmiscfear gabháil, go díreach nó go hindíreach, d’aon idirbheart a bhaineann leis na cripteashócmhainní nó le hairgeadraí digiteacha bainc ceannais a liostaítear in Iarscríbhinn XXVI, nó aon tacaíocht a thabhairt d’fhorbairt na gcripteashócmhainní nó na n-airgeadraí digiteacha bainc ceannais sin.’ |
|
(5) |
cuirtear isteach an t-airteagal seo a leanas: ‘Airteagal 1bb 1. Toirmiscfear dul i mbun aon idirbhirt, go díreach nó go hindíreach, le duine dlítheanach, eintiteas nó comhlacht ar eintiteas é a sholáthraíonn seirbhísí cripteashócmhainní nó ar ardán é lenar féidir cripteashócmhainní a mhalartú nó a aistriú agus atá bunaithe sa Rúis. 2. Ní bheidh feidhm ag an toirmeasc i mír 1 maidir leis na hidirbhearta seo a leanas:
3. De mhaolú ar mhír 1, féadfaidh na húdaráis inniúla, faoi cibé coinníollacha a mheasann siad a bheith iomchuí, idirbhearta a údarú a bhfuil géarghá leo le haghaidh dífheistiú ón Rúis nó chun gníomhaíochtaí gnó sa Rúis a fhoirceannadh. 4. Beidh feidhm ag an toirmeasc i mír 1 ón 24 Bealtaine 2026.’ |
|
(6) |
leasaítear Airteagal 1e mar a leanas:
|
|
(7) |
leasaítear Airteagal 1k mar a leanas:
|
|
(8) |
cuirtear isteach an t-airteagal seo a leanas: ‘Airteagal 1oa 1. Toirmiscfear dul i mbun idirbhirt, go díreach nó go hindíreach, le duine dlítheanach, eintiteas nó comhlacht a d’úsáid nó a úsáideann, de bhun Fhoraithne Uimh. 122 ó Uachtarán Chónaidhm na Rúise an 15 Feabhra 2024, Foraithne Uimh. 1767 ó Rialtas Chónaidhm na Rúise an 18 Deireadh Fómhair 2021 arna leasú le Rún Uimh. 380 ón Rialtas an 27 Márta 2024, nó de bhun reachtaíocht ghaolmhar nó choibhéiseach na Rúise nó de bhun aon urghaire, ordú, faoiseamh, breithiúnas nó cinneadh eile ó chúirt Rúiseach, cearta maoine intleachtúla nó rúin trádála ar le duine dlítheanach sa Rúis iad nó atá ceadúnaithe do dhuine dlítheanach sa Rúis atá faoi úinéireacht nó faoi rialú ag duine nádúrtha Ballstáit nó duine dhlítheanaigh atá corpraithe faoi dhlí Ballstáit gan toiliú an tsealbhóra cirt, mar a liostaítear in Iarscríbhinn XXIX. 2. Gan dochar d’Airteagal 6b de Rialachán (AE) Uimh. 833/2014, cuirfidh daoine nádúrtha Ballstáit nó na daoine dlítheanacha atá corpraithe faoi dhlí Ballstáit a luaitear i mír 1 den Airteagal seo údarás inniúil an Bhallstáit sin ar an eolas faoi aon úsáid, de bhun reachtaíocht na Rúise a luaitear sa mhír sin agus gan toiliú an tsealbhóra cirt, maidir le haon cheann de na cearta maoine intleachtúla nó na rúin trádála atá faoi úinéireacht nó faoi cheadúnas na ndaoine dlítheanacha atá faoina n-úinéireacht nó faoina rialú sa Rúis. 3. Cuirfidh na Ballstáit arna gcur ar an eolas ag sealbhóirí cirt i gcomhréir le mír 2 an Coimisiún ar an eolas ina dhiaidh sin maidir le cearta maoine intleachtúla nó rúin trádála a úsáid gan toiliú.’ |
|
(9) |
in Airteagal 1p(2), cuirtear isteach na pointí seo a leanas:
(*1) Rialachán (AE) 2021/695 ó Pharlaimint na hEorpa agus ón gComhairle an 28 Aibreán 2021 lena mbunaítear Fís Eorpach – an Clár Réime um Thaighde agus um Nuálaíocht, lena leagtar síos a rialacha maidir le rannpháirtíocht agus scaipeadh, agus lena n-aisghairtear Rialacháin (AE) Uimh. 1290/2013 agus (AE) Uimh. 1291/2013 (IO L 170, 12.5.2021, lch. 1, ELI: http://data.europa.eu/eli/reg/2021/695/oj).’;" |
|
(10) |
Leasaítear Airteagal 2 mar a leanas:
|
|
(11) |
leasaítear Airteagal 3 mar a leanas:
|
|
(12) |
in Airteagal 3a(4), cuirtear an méid seo a leanas in ionad phointe (h):
; |
|
(13) |
Leasaítear Airteagal 4 mar a leanas:
|
|
(14) |
in Airteagal 4g, cuirtear an mhír seo a leanas isteach: ‘1a. Beidh feidhm ag an toirmeasc i mír 1 freisin maidir le hábhar ar líne duine dhlítheanaigh, eintitis nó comhlachta a oibríonn mar eintiteas comhuaineach de chuid duine dhlítheanaigh, eintitis nó comhlachta dá dtagraítear i mír 1, i gcás ina gcomhlíontar dhá cheann ar a laghad de na critéir seo a leanas:
|
|
(15) |
in Airteagal 4ha(5a), cuirtear an méid seo a leanas in ionad phointe (b):
; |
|
(16) |
leasaítear Airteagal 4k mar a leanas:
|
|
(17) |
leasaítear Airteagal 4m mar a leanas:
|
|
(18) |
leasaítear Airteagal 4o mar a leanas:
|
|
(19) |
leasaítear Airteagal 4p mar a leanas:
|
|
(20) |
in Airteagal 4pa, cuirtear an méid seo a leanas in ionad na foclaíochta réamhráití i mír 1: ‘1. De mhaolú ar Airteagail 3, 3a, 4, 4h agus 4m, féadfaidh na húdaráis inniúla díol, soláthar, aistriú, onnmhairiú nó idirthuras tríd an Rúis na n-earraí agus na teicneolaíochta dá dtagraítear sna hAirteagail sin a údarú, nó cúnamh gaolmhar teicniúil, seirbhísí bróicéireachta nó seirbhísí eile, nó maoiniú nó cúnamh airgeadais a sholáthar, chun píblínte de Phíblíne Chuibhreannais Chaisp (CPC) agus an bonneagar gaolmhar a oibriú agus cothabháil a dhéanamh orthu, ar earraí agus ar teicneolaíocht iad a thagann faoi AC 2709 00 de thionscnamh na Casacstáine agus nach bhfuil ach á luchtú sa Rúis, ag imeacht ón Rúis nó ar idirthuras tríd an Rúis, faoi cibé coinníollacha is iomchuí leo, tar éis dóibh an méid seo a leanas a chinneadh:’ |
|
(21) |
leasaítear Airteagal 4u mar a leanas:
|
|
(22) |
cuirtear an méid seo a leanas in ionad Airteagal 4v: ‘Airteagal 4v 1. Cuirfear toirmeasc ar aon náisiúnach de chuid Ballstáit, aon duine nádúrtha a chónaíonn i mBallstát, agus aon duine dlítheanach, eintiteas nó comhlacht atá bunaithe san Aontas soithí tancaeir chun amhola nó táirgí peitriliam a liostaítear in Iarscríbhinn XIII, a thagann faoi chód CC ex 8901 20 , a dhíol nó úinéireacht orthu a aistriú ar bhealach eile go díreach nó go hindíreach, bíodh siad de thionscnamh an Aontais nó ná bíodh, le haon duine nádúrtha nó dlítheanach, eintiteas nó comhlacht sa Rúis nó lena n-úsáid sa Rúis. 2. Gan dochar don toirmeasc i mír 1, aon náisiúnach de chuid Ballstáit, aon duine nádúrtha a bhfuil cónaí air i mBallstát, agus aon duine dlítheanach, eintiteas nó comhlacht atá bunaithe san Aontas agus a dhíolann nó a aistríonn úinéireacht ar bhealach eile, le daoine, eintitis agus comhlachtaí i dtríú tír, go díreach nó go hindíreach, ar shoithí tancaeir chun amhola nó táirgí peitriliam a liostaítear in Iarscríbhinn XIII a iompar, a thagann faoi chód CC ex 8901 20 , bíodh na táirgí sin de thionscnamh an Aontais nó ná bíodh, déanfaidh sé an méid seo a leanas:
3. Daoine nádúrtha agus dlítheanacha, eintitis nó comhlachtaí dá dtagraítear i mír 2 a fhaigheann na soithí tancaeir, soláthróidh siad an fhaisnéis uile is gá chun na céimeanna dá dtagraítear i mír 2, pointe (a), a chur i gcrích. 4. Maidir le haon díolachán nó aon socrú eile lena n-aistríonn náisiúnach Ballstáit, duine nádúrtha a chónaíonn i mBallstát, nó duine dlítheanach, eintiteas nó comhlacht atá bunaithe san Aontas chuig aon tríú tír, úinéireacht ar shoithí tancaeir chun amhola nó táirgí peitriliam a liostaítear in Iarscríbhinn XIII, a thagann faoi chód CC ex 8901 20 , a iompar, cé is moite de dhíol nó aistriú eile úinéireachta a thoirmisctear faoi mhír 1, cuirfear é sin in iúl láithreach d’údaráis inniúla an Bhallstáit inar saoránach nó cónaitheoir é úinéir an tancaeir nó ina bhfuil úinéir an tsoithigh bunaithe. Beidh an fhaisnéis seo a leanas ar a laghad san fhógra a thabharfar don údarás inniúil: céannacht an díoltóra agus an cheannaitheora, agus i gcás inarb infheidhme doiciméid chorpraithe an díoltóra agus an cheannaitheora lena n-áirítear scairshealbhú agus bainistiú; uimhir aitheantais loinge IMO an tsoithigh; agus Glao-Chomhartha an tsoithigh. 5. Maidir le haon díolachán nó aon socrú eile lena n-aistríonn náisiúnach Ballstáit, duine nádúrtha a chónaíonn i mBallstát nó duine dlítheanach, eintiteas nó comhlacht atá bunaithe san Aontas chuig aon tríú tír, úinéireacht ar shoitheach tancaeir chun amhola nó táirgí peitriliam a liostaítear in Iarscríbhinn XIII, a thagann faoi chód CC ex 8901 20 , a iompar, beidh toirmeasc conarthach i scríbhinn ar aon athdhíol nó aistriú breise an tsoithigh chuig aon duine nádúrtha nó dlítheanach, eintiteas nó comhlacht sa Rúis nó lena n-úsáid sa Rúis. 6. Áireofar freisin sa socrú díolacháin nó sa socrú eile dá dtagraítear i mír 5 forálacha conarthacha i scríbhinn lena ndéanfaidh an páirtí tríú tír a fhaigheann an soitheach an méid seo a leanas:
7. Maidir leis an mBallstát lena mbaineann, cuirfidh sé na Ballstáit eile agus an Coimisiún ar an eolas faoi aon fhógra faoi mhír 4 laistigh de 2 sheachtain ón bhfógra.’ |
|
(23) |
cuirtear an tAirteagal seo a leanas isteach: ‘Airteagal 4wb Ón 1 Eanáir 2027, beidh toirmeasc ar sheirbhísí críochfoirt GNL a sholáthar, go díreach nó go hindíreach, d’aon duine nádúrtha nó dlítheanach, eintiteas nó comhlacht sa Rúis nó d’aon duine dlítheanach, eintiteas nó comhlacht atá bunaithe san Aontas agus a bhfuil níos mó ná 50 % de faoi úinéireacht nó á rialú ag saoránach nó ag duine dlítheanach, eintiteas nó comhlacht Rúiseach sa Rúis. Beidh toirmeasc ar chonarthaí a choinneáil ar bun a bhaineann le seirbhísí GNL atá toirmiscthe de bhun an Airteagail seo tar éis an 1 Eanáir 2027.’ |
|
(24) |
Leasaítear Airteagal 4x mar a leanas:
|
|
(25) |
cuirtear isteach an t-airteagal seo a leanas: ‘Airteagal 4xa 1. Beidh toirmeasc ar chúnamh teicniúil, seirbhísí bróicéireachta nó maoiniú nó cúnamh airgeadais a sholáthar, go díreach nó go hindíreach, a bhaineann le haon soithí bristeoirí oighir a thagann faoi chód AC ex 890690 nó le haon soitheach tancaeir gáis nádúrtha leachtaithe (GNL) a thagann faoi chód AC ex 890120, i gcás ina bhfuil an soitheach sin cláraithe faoi bhratach na Rúise, deimhnithe ag Clár Loingseoireachta Muirí na Rúise, faoi úinéireacht nó faoi bhainistiú ag aon duine nádúrtha nó dlítheanach, eintiteas nó comhlacht Rúiseach, ag feidhmiú sa Rúis, nó lena n-úsáid sa Rúis. 2. Ní bheidh feidhm ag mír 1 ach amháin ón 25 Aibreán 2026 maidir le soithí tancaeir GNL a thagann faoi chód AC ex 890120 atá cláraithe faoi bhratach na Rúise, atá deimhnithe ag Clár Loingseoireachta Muirí na Rúise, nó atá faoi úinéireacht nó faoi bhainistiú ag aon duine nádúrtha nó dlítheanach, eintiteas nó comhlacht Rúiseach. 3. Ní bheidh feidhm ag mír 1 ach amháin ón 1 Eanáir 2027 maidir le soithí tancaeir GNL a thagann faoi chód AC ex 890120 atá ag feidhmiú sa Rúis nó lena n-úsáid sa Rúis, seachas na cinn sin atá cláraithe faoi bhratach na Rúise, atá deimhnithe ag Clár Loingseoireachta Muirí na Rúise nó atá faoi úinéireacht nó faoi bhainistiú ag aon duine nádúrtha nó dlítheanach, eintiteas nó comhlacht Rúiseach. 4. Ní bheidh feidhm ag mír 1 i gcás soitheach a bhfuil cúnamh de dhíth air agus é ag lorg áit dídine, i gcás cuaird éigeandála ar chalafort ar chúiseanna sábháilteachta muirí, nó chun beatha a shábháil ar muir nó chun teagmhas a chosc nó a mhaolú go práinneach, teagmhas ar dócha go mbeadh tionchar tromchúiseach suntasach aige ar shláinte agus ar shábháilteacht an duine nó ar an gcomhshaol, nó mar fhreagairt ar thubaistí nádúrtha.’ |
|
(26) |
leasaítear Airteagal 5d mar a leanas:
|
|
(27) |
in Airteagal 7(1), cuirtear an pointe seo leis:
; |
|
(28) |
cuirtear an méid seo a leanas in ionad Airteagal 8c: ‘Airteagal 8c Déanfaidh an Chomhairle, ag gníomhú di d’aon toil ar bhonn Airteagail 29 agus 30 den Chonradh ar an Aontas Eorpach, Iarscríbhinní I, II, III, IV, V, VI, VIII, IX, X, XI, XIV, XVI, XVII, XVIII, XIX, XX, XXI, XXII, XXIII, XXIV, XXV, XXVI, XXVII, XXVIII agus XXIX a leasú.’ |
|
(29) |
leasaítear na hIarscríbhinní a ghabhann le Cinneadh 2014/512/CBES mar a leagtar amach san Iarscríbhinn a ghabhann leis an gCinneadh seo. |
Airteagal 2
Tiocfaidh an Cinneadh seo i bhfeidhm an lá tar éis lá a fhoilsithe in Iris Oifigiúil an Aontais Eorpaigh.
Arna dhéanamh sa Bhruiséil, an 23 Aibreán 2026.
Thar ceann na Comhairle
An tUachtarán
M. RAOUNA
(1) Cinneadh 2014/512/CBES ón gComhairle an 31 Iúil 2014 a bhaineann le bearta sriantacha i bhfianaise ghníomhaíochtaí na Rúise i ndíchobhsú staid na hÚcráine (IO L 229, 31.7.2014, lch. 13, ELI: http://data.europa.eu/eli/dec/2014/512/oj).
(2) Cinneadh 2014/145/CBES ón gComhairle an 17 Márta 2014 a bhaineann le bearta sriantacha i ndáil le gníomhaíochtaí lena mbaintear an bonn d’iomláine chríochach, de cheannasacht agus de neamhspleáchas na hÚcráine nó ar bagairt iad na gníomhaíochtaí sin ar an méid sin (IO L 78, 17.3.2014, lch. 16, ELI: http://data.europa.eu/eli/dec/2014/145(1)/oj).
(3) Rialachán (AE) Uimh. 833/2014 ón gComhairle an 31 Iúil 2014 a bhaineann le bearta sriantacha i bhfianaise ghníomhaíochtaí na Rúise i ndíchobhsú staid na hÚcráine (IO L 229, 31.7.2014, lch. 1, ELI: http://data.europa.eu/eli/reg/2014/833/oj).
(4) Rialachán (AE) Uimh. 269/2014 ón gComhairle an 17 Márta 2014 a bhaineann le bearta sriantacha i ndáil le gníomhaíochtaí lena mbaintear an bonn d’iomláine chríochach, de cheannasacht agus de neamhspleáchas na hÚcráine nó ar bagairt iad na gníomhaíochtaí sin ar an méid sin (IO L 78, 17.3.2014, lch. 6, ELI: http://data.europa.eu/eli/reg/2014/269/oj).
IARSCRÍBHINN
|
(1) |
In Iarscríbhinn IV a ghabhann le Cinneadh 2014/512/CBES, cuirtear na heintitis seo a leanas léi:
|
|
(2) |
In Iarscríbhinn VII a ghabhann le Cinneadh 2014/512/CBES, cuirtear na hiontrálacha seo a leanas léi:
|
|
(3) |
cuirtear an méid seo a leanas in ionad theideal Iarscríbhinn XII a ghabhann le Cinneadh 2014/512/CBES: ‘IARSCRÍBHINN XII Liosta na dtáirgí agus na dtríú tíortha dá dtagraítear in Airteagal 4p(6b)’; |
|
(4) |
leasaítear Iarscríbhinn XIII a ghabhann le Cinneadh 2014/512/CBES mar a leanas: Cuirtear an iontráil seo a leanas:
in ionad na hiontrála:
|
|
(5) |
cuirtear an méid seo a leanas in ionad IARSCRÍBHINN XIV a ghabhann le Cinneadh 2014/512/CBES: ‘IARSCRÍBHINN XIV Liosta na dtáirgí agus na dtríú tíortha dá dtagraítear in Airteagal 5a
|
|
(6) |
leasaítear Iarscríbhinn XVI a ghabhann le Cinneadh 2014/512/CBES mar a leanas:
|
|
(7) |
in Iarscríbhinn XVIII a ghabhann le Cinneadh 2014/512/CBES, cuirtear an eintiteas seo a leanas léi:
|
|
(8) |
leasaítear Iarscríbhinn XIX a ghabhann le Cinneadh 2014/512/CBES mar a leanas:
|
|
(9) |
Leasaítear Iarscríbhinn XXI a ghabhann le Cinneadh 2014/512/CBES mar a leanas:
|
|
(10) |
in Iarscríbhinn XXIV a ghabhann le Cinneadh 2014/512/CBES, cuirtear an tír chomhpháirtíochta seo a leanas léi: ‘LICHTINSTÉIN’; |
|
(11) |
Cuirtear an méid seo a leanas in ionad Iarscríbhinn XXVI a ghabhann le Cinneadh 2014/512/CBES: ‘IARSCRÍBHINN XXVI Liosta na gcripteashócmhainní agus airgeadraí digiteacha bainc ceannais dá dtagraítear in Airteagal 1ba
|
|
(12) |
cuirtear an Iarscríbhinn seo a leanas le Cinneadh 2014/512/CBES: ‘IARSCRÍBHINN XXVII Daoine dlítheanacha, eintitis nó comhlachtaí dá dtagraítear in Airteagal 1aj(1) a bhain tairbhe, lena n-áirítear trí oibriú san earnáil margaidh chéanna, as cinneadh de bhun Fhoraithne Uimh. 302 ó Uachtarán Chónaidhm na Rúise an 25 Aibreán 2023 arna leasú ina dhiaidh sin, de bhun Dhlí Cónaidhme Uimh. 470-FZ an 4 Lúnasa 2023 arna leasú ina dhiaidh sin, nó de bhun reachtaíocht ghaolmhar nó choibhéiseach na Rúise’; |
|
(13) |
cuirtear an Iarscríbhinn seo a leanas le Cinneadh 2014/512/CBES: ‘IARSCRÍBHINN XXVIII Daoine dlítheanacha, eintitis nó comhlachtaí dá dtagraítear in Airteagal 1ak Cuid A: daoine dlítheanacha, eintitis nó comhlachtaí a fhéachann le héilimh faoi mhír 1 d’Airteagal 11a de Rialachán (AE) Uimh. 833/2014 a fhorghníomhú lasmuigh den Aontas, nó a bhfuil baint acu leis an bhforghníomhú sin, agus daoine, eintitis nó comhlachtaí a bhfuil na heintitis nó na comhlachtaí sin faoina n-úinéireacht nó faoina rialú, dá dtagraítear in Airteagal 1ak(1). Cuid B: daoine dlítheanacha, eintitis nó comhlachtaí a fhéachann le héilimh faoi mhír 1 d’Airteagal 11b de Rialachán (AE) Uimh. 833/2014 a fhorghníomhú lasmuigh den Aontas, nó a bhfuil baint acu leis an bhforghníomhú sin, agus daoine, eintitis nó comhlachtaí ar leo na heintitis nó na comhlachtaí sin nó a bhfuil na heintitis nó na comhlachtaí sin faoina rialú, dá dtagraítear in Airteagal 1ak(2).’; |
|
(14) |
cuirtear an Iarscríbhinn seo a leanas le Cinneadh 2014/512/CBES: ‘IARSCRÍBHINN XXIX Daoine dlítheanacha, eintitis nó comhlachtaí dá dtagraítear in Airteagal 1oa(1) a úsáideann cearta maoine intleachtúla nó rúin trádála shealbhóirí cirt an Aontais gan a dtoiliú’.
|
ELI: http://data.europa.eu/eli/dec/2026/508/oj
ISSN 1977-0839 (electronic edition)