<!DOCTYPE html PUBLIC "yes" "xhtml1-strict.dtd">
<html xmlns="http://www.w3.org/1999/xhtml">
<!--GENDOC2XHTML # converter_version: 1.2.15-->
  <head>
    <title>2025-12-202512C111202206020-00-TRA-DOC-MT-ARRET-C-0602-22-202511500-07_00</title>
    <meta content="text/html; charset=utf-8" http-equiv="Content-Type"/>
    <meta content="true" name="ParExtraits_2021"/>
    <meta content="" name="Gendoc_DGTGeneratedDate"/>
    <meta content="0" name="MSIP_Label_6bd9ddd1-4d20-43f6-abfa-fc3c07406f94_ContentBits"/>
    <meta content="Commission Use" name="MSIP_Label_6bd9ddd1-4d20-43f6-abfa-fc3c07406f94_Name"/>
    <meta content="mt-MT" name="Gendoc_Lang"/>
    <meta content="" name="Gendoc_GenerationDate"/>
    <meta content="" name="IsFlattened"/>
    <meta content="1" name="NumProc"/>
    <meta content="Final" name="Gendoc_EditionType"/>
    <meta content="0001" name="Gendoc_CaseNumberSuite"/>
    <meta content="11/02/2026 13:47:09" name="Gendoc_LastVerificationDate"/>
    <meta content="" name="Gendoc_ProcedureNumber"/>
    <meta content="mt" name="Gendoc_LangCode"/>
    <meta content="ARR" name="TypeDoc"/>
    <meta content="FMP8Ad3yrYmz5Ub5U4zNts/wn4ZuSdEfom39w6hklvIFKjPwVIok7G8EWNJjGKI8CAVH8EbF4BMYh5EwxSaboJyz8Ae+u3USuZjZqJqMTRkwRVqaIMneRh74uZdqUKk693W0EHW5bYg3eqd35ZUGSavC5hLzvhhFlJ7vyAQmTYA=" name="GenDocUID"/>
    <meta content="P" name="TypeProc"/>
    <meta content="" name="CreateCustomParts"/>
    <meta content="OK" name="ReadyToPublish"/>
    <meta content="svc_wsgendoc" name="Gendoc_User"/>
    <meta content="10, 3, 0, 1" name="MSIP_Label_6bd9ddd1-4d20-43f6-abfa-fc3c07406f94_Tag"/>
    <meta content="" name="EP_Mode"/>
    <meta content="" name="Gendoc_DGTGenerated"/>
    <meta content="" name="Gendoc_Vademecum"/>
    <meta content="true" name="MSIP_Label_6bd9ddd1-4d20-43f6-abfa-fc3c07406f94_Enabled"/>
    <meta content="4c6ac0b3-00b2-43e7-81b9-25019e819bcd" name="MSIP_Label_6bd9ddd1-4d20-43f6-abfa-fc3c07406f94_ActionId"/>
    <meta content="0602" name="NumeroOrdre"/>
    <meta content="2022" name="Annee"/>
    <meta content="P" name="Gendoc_ProcedureType"/>
    <meta content="" name="EP_Version"/>
    <meta content="MT" name="Langue"/>
    <meta content="" name="Gendoc_DGTGeneratedUser"/>
    <meta content="b24c8b06-522c-46fe-9080-70926f8dddb1" name="MSIP_Label_6bd9ddd1-4d20-43f6-abfa-fc3c07406f94_SiteId"/>
    <meta content="FAST_document_go_ok" name="Gendoc_LastVerificationStatus"/>
    <meta content="ARR_C" name="Gendoc_GendocTemplateType"/>
    <meta content="TRUE" name="WithoutAuthorBlockFlatP"/>
    <meta content="GenDoc 21-11-25 15:20:51" name="Created"/>
    <meta content="" name="Canevas3_Vademecum"/>
    <meta content="2025-12-15T12:22:37Z" name="MSIP_Label_6bd9ddd1-4d20-43f6-abfa-fc3c07406f94_SetDate"/>
    <meta content="TRUE" name="WithoutAuthorBlock"/>
    <meta content="" name="Gendoc_CaseYear"/>
    <meta content="false" name="Generation_In_Progress"/>
    <meta content="C" name="Juridiction"/>
    <meta content="406e44d7670145a8bf25564ad30d0bbc" name="DocumentIdentifier"/>
    <meta content="0602" name="Gendoc_CaseNumber"/>
    <meta content="ImportedWithoutSource" name="SdlIdentifier"/>
    <meta content="PV" name="NatureAff"/>
    <meta content="PV" name="Gendoc_CaseNature"/>
    <meta content="0001" name="NumSuite"/>
    <meta content="C" name="Gendoc_Juridiction"/>
    <meta content="Standard" name="MSIP_Label_6bd9ddd1-4d20-43f6-abfa-fc3c07406f94_Method"/>
  </head>
  <body>
    <div style="header">
      <div id="rId24" style="first"/>
      <div id="rId20" style="even">Sentenza tal‑11.12.2025 – Kawża C‑602/22 P</div>
      <div id="rId21" style="default">ABLV Bank vs SRB</div>
    </div>
    <p class="C19Centre" id="para-1" title="page-1">
      SENTENZA TAL-QORTI TAL-ĠUSTIZZJA (Awla Manja)
    </p>
    <p class="C19Centre" id="para-2" title="page-1">
      9 ta’ Diċembru 2025  (<span class="note footnote notemarker">
<a id="c-1" href="#t-1">*</a>
</span>)
    </p>
    <p class="C71Indicateur" id="para-3" title="page-1">
      “Appell – Politika ekonomika u monetarja – Unjoni bankarja – Regolament (UE) Nru 806/2014 – Mekkaniżmu uniku ta’ riżoluzzjoni tal-istituzzjonijiet ta’ kreditu u ta’ ċerti impriżi ta’ investiment – Artikolu 7 – Tqassim tal-kompiti fi ħdan il-mekkaniżmu uniku ta’ riżoluzzjoni – Artikolu 18 – Proċedura ta’ riżoluzzjoni – Kundizzjonijiet – Deċiżjoni tal-Bord Uniku ta’ Riżoluzzjoni (SRB) li ma tiġix adottata skema ta’ riżoluzzjoni – Ġurisdizzjoni tas-SRB”
    </p>
    <p class="C02AlineaAltA" id="para-4" title="page-1">
      Fil-Kawża C‑602/22 P,
    </p>
    <p class="C02AlineaAltA" id="para-5" title="page-1">
      li għandha bħala suġġett appell skont l-Artikolu 56 tal-Istatut tal-Qorti tal-Ġustizzja tal-Unjoni Ewropea, imressaq fis‑16 ta’ Settembru 2022,
    </p>
    <p class="C02AlineaAltA" id="para-6" title="page-1">
      ABLV Bank AS, fi stralċ, stabbilita f’Riga (il-Latvja), irrappreżentata minn O. Behrends, Rechtsanwalt,
    </p>
    <p class="C72Alineadroite" id="para-7" title="page-1">
      rikorrent,
    </p>
    <p class="C02AlineaAltA" id="para-8" title="page-1">
      il-partijiet l-oħra fil-kawża li huma:
    </p>
    <p class="C02AlineaAltA" id="para-9" title="page-1">
      Bord Uniku ta’ Riżoluzzjoni (SRB), inizjalment irrappreżentat minn H. Ehlers, L. Forestier, J. Rius Riu u K.‑Ph. Wojcik, bħala aġenti, assistiti minn D. Arts, advocaat, kif ukoll minn N. De Backer u F. Miotto, avocates, sussegwentement minn H. Ehlers, L. Forestier u J. Rius Riu, bħala aġenti, assistiti minn D Arts, advocaat, kif ukoll minn N. De Backer u F  Miotto, avukati,
    </p>
    <p class="C72Alineadroite" id="para-10" title="page-1">
      konvenut fl-ewwel istanza,
    </p>
    <p class="C02AlineaAltA" id="para-11" title="page-1">
      Il-Bank Ċentrali Ewropew (BĊE), irrappreżentata minn A. Lefterov, G. Marafioti u R. Ugena Torrejón, bħala aġenti,
    </p>
    <p class="C72Alineadroite" id="para-12" title="page-1">
      intervenjent fl-ewwel istanza,
    </p>
    <p class="C19Centre" id="para-13" title="page-1">
      IL-QORTI TAL-ĠUSTIZZJA (Awla Manja),
    </p>
    <p class="C02AlineaAltA" id="para-14" title="page-1">
      komposta minn K. Lenaerts, President, T. von Danwitz, Viċi President, C. Lycourgos, I. Jarukaitis, M. L. Arastey Sahún, I. Ziemele, O. Spineanu Matei, M. Condinanzi u F. Schalin, Presidenti ta’ Awla, N. Piçarra, A. Kumin, D. Gratsias, Z. Csehi, B. Smulders u N. Fenger (Relatur), Imħallfin,
    </p>
    <p class="C02AlineaAltA" id="para-15" title="page-1">
      Avukat Ġenerali: A. Biondi,
    </p>
    <p class="C02AlineaAltA" id="para-16" title="page-1">
      Reġistratur: L. Carrasco Marco, Amministratriċi,
    </p>
    <p class="C02AlineaAltA" id="para-17" title="page-1">
      wara li rat il-proċedura bil-miktub u wara s-seduta tal‑20 ta’ Jannar 2025,
    </p>
    <p class="C02AlineaAltA" id="para-18" title="page-1">
      wara li semgħet il-konklużjonijiet tal-Avukat Ġenerali, ippreżentati fis-seduta tat‑13 ta’ Mejju 2025,
    </p>
    <p class="C02AlineaAltA" id="para-19" title="page-1">
      tagħti l-preżenti
    </p>
    <p class="C75Debutdesmotifs" id="para-20" title="page-1">
      Sentenza
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">1</p>
</td>
<td valign="top">
<p class="normal">Permezz tal-appell tagħha, ABLV Bank AS, fi stralċ, titlob l-annullament tas-sentenza tal-Qorti Ġenerali tal-Unjoni Ewropea tas‑6 ta’ Lulju 2022, ABLV Bank vs SRB (T‑280/18, iktar ’il quddiem is-“sentenza appellata”, EU:T:2022:429), li permezz tagħha din ċaħdet ir-rikors tagħha intiż għall-annullament tad-deċiżjonijiet SRB/EES/2018/09 u SRB/EES/2018/10 tal-Bord Uniku ta’ Riżoluzzjoni (SRB) tat‑23 ta’ Frar 2018 li ma jaddottax skema ta’ riżoluzzjoni fir-rigward, rispettivament, tal-istituzzjoni ta’ kreditu ABLV Bank AS u tal-istituzzjoni ta’ kreditu ABLV Bank Luxembourg SA (iktar ’il quddiem id-“deċiżjonijiet kontenzjużi”).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Il-kuntest ġuridiku</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Id‑Direttiva 2014/59/UE</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">2</p>
</td>
<td valign="top">
<p class="normal">L-Artikolu 82(2) tad-Direttiva 2014/59/UE tal-Parlament Ewropew u tal-Kunsill tal‑15 ta’ Mejju 2014 li tistabbilixxi qafas għall-irkupru u r-riżoluzzjoni ta’ istituzzjonijiet ta’ kreditu u ditti ta’ investiment u li temenda d-Direttiva tal-Kunsill 82/891/KE u d-Direttivi 2001/24/KE, 2002/47/KE, 2004/25/KE, 2005/56/KE, 2007/36/KE, 2011/35/KE, 2012/30/UE u 2013/36/UE, u r-Regolamenti (UE) Nru 1093/2010 u (UE) Nru 648/2012, tal-Parlament Ewropew u tal-Kunsill (ĠU 2014, L 173, p. 190), tipprevedi:</p>
</td>
</tr>
</table>
    <p class="C02AlineaAltA" id="para-25" title="page-1">
      “Deċiżjoni li l-kondizzjonijiet għar-riżoluzzjoni humies sodisfatti jew le fir-rigward ta’ istituzzjoni jew ta’ entità msemmija fil-punt (b), (c) jew (d) tal-Artikolu 1(1) għandu jkun fiha l-informazzjoni li ġejja:
    </p>
    <p class="C09Marge0avecretrait" id="para-26" title="page-2">
      (a) ir-raġunijiet għal tali deċiżjoni, inklużi d-determinazzjoni li l-istituzzjoni tissodisfa jew le l-kondizzjonijiet għar-riżoluzzjoni;
    </p>
    <p class="C09Marge0avecretrait" id="para-27" title="page-2">
      (b) l-azzjoni li l-awtorità ta’ riżoluzzjoni biħsiebha tieħu inklużi, jekk ikun il-każ, id-determinazzjoni ta’ applikazzjoni għal stralċ, il-ħatra ta’ amministratur jew kwalunkwe miżura oħra skont proċeduri normali ta’ insolvenza applikabbli jew, soġġett għall-Artikolu 37(9) skont id-dritt nazzjonali. ”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Ir-Regolament (UE) Nru 806/2014</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">3</p>
</td>
<td valign="top">
<p class="normal">Il-premessi 2, 10 sa 12, 24, 26, 31, 33, 58 u 122 tar-Regolament (UE) Nru 806/2014 tal-Parlament Ewropew u tal-Kunsill tal‑15 ta’ Lulju 2014 li jistabbilixxi regoli uniformi u proċedura uniformi għar-riżoluzzjoni tal-istituzzjonijiet ta’ kreditu u ċerti ditti tal-investiment fil-qafas ta’ Mekkaniżmu Uniku ta’ Riżoluzzjoni u Fond Uniku għar-Riżoluzzjoni u li jemenda r-Regolament (UE) Nru 1093/2010 (ĠU 2014, L 225, p. 1), huma fformulati kif ġej:</p>
</td>
</tr>
</table>
    <p class="C09Marge0avecretrait" id="para-30" title="page-2">
      “(2) Id-diverġenzi bejn ir-regoli nazzjonali dwar ir-riżoluzzjoni fl-Istati Membri differenti u l-prattiki amministrattivi li jikkorrispondu u n-nuqqas ta' proċess tat-teħid ta' deċiżjonijiet unifikat għar-riżoluzzjoni fl-unjoni bankarja jikkontribwixxu għal dak in-nuqqas ta' fiduċja fis-sistemi bankarji nazzjonali l-oħra u l-instabbiltà tas-suq, minħabba li ma jiżgurawx prevedibbiltà dwar l-eżitu possibbli ta' falliment ta' bank.
    </p>
    <p class="C09Marge0avecretrait" id="para-31" title="page-2">
      [...]
    </p>
    <p class="C09Marge0avecretrait" id="para-32" title="page-2">
      (10) Sabiex ikunu ttrattati dawk il-kwistjonijiet, kien neċessarju li tiġi intensifikata l-integrazzjoni tal-qafas ta' riżoluzzjoni għall-istituzzjonijiet ta' kreditu (‘istituzzjonijiet’) u għad-ditti tal-investiment biex l-Unjoni [Ewropea], tiġi sostnuta, tinġieb lura l-istabilità finanzjarja u titwitta t-triq għall-irkupru ekonomiku. Id-Direttiva [2014/59] hija pass sinifikanti lejn l-armonizzazzjoni tar-regoli dwar ir-riżoluzzjoni tal-banek fl-Unjoni kollha u tipprevedi għal kooperazzjoni fost l-awtoritajiet tar-riżoluzzjoni meta jiġi indirizzat il-falliment tal-banek transkonfinali. Madankollu, dik id-Direttiva tistabbilixxi regoli minimi ta' armonizzazzjoni u ma twassalx għaċ-ċentralizzazzjoni tat-teħid tad-deċiżjonijiet fil-qasam tar-riżoluzzjoni. Essenzjalment hi tipprevedi għodda komuni ta' riżoluzzjoni u setgħat ta' riżoluzzjoni disponibbli għall-awtoritajiet nazzjonali ta' kull Stat Membru imma tħalli diskrezzjoni għall-awtoritajiet nazzjonali fl-applikazzjoni tal-għodda u fl-użu tal-arranġamenti nazzjonali ta' finanzjament b'appoġġ tal-proċeduri ta' riżoluzzjoni. [...]
    </p>
    <p class="C09Marge0avecretrait" id="para-33" title="page-3">
      (11) Għall-Istati Membri parteċipanti, fil-kuntest tal-Mekkaniżmu Uniku ta' Riżoluzzjoni (SRM, “single resolution mechanism”), hija stabbilita u fdata lill-Bord Uniku ta' Riżoluzzjoni stabbilit skont dan ir-Regolament (“i[s-SRB]”) u lill-awtoritajiet nazzjonali ta' riżoluzzjoni setgħa ċentralizzata ta' riżoluzzjoni. Dak l-istabbiliment jifforma parti integrali mill-proċess ta' armonizzazzjoni fil-qasam tar-riżoluzzjoni operat mid-Direttiva [2014/59] u mis-sensiela ta' dispożizzjonijiet uniformi dwar ir-riżoluzzjoni stipulati f'dan ir-Regolament. Se tissaħħaħ l-applikazzjoni uniformi tar-reġim ta' riżoluzzjoni fl-Istati Membri parteċipanti bħala konsegwenza tal-fatt li hija fdata lil awtorità ċentrali bħall-SRM. [...]
    </p>
    <p class="C09Marge0avecretrait" id="para-34" title="page-3">
      [...]
    </p>
    <p class="C09Marge0avecretrait" id="para-35" title="page-3">
      (12) L-iżgurar ta' deċiżjonijiet ta' riżoluzzjoni effettivi għall-banek li qed ifallu fl-Unjoni, inkluż dwar l-użu ta' finanzjament miġbur fil-livell tal-Unjoni, huwa essenzjali għat-tlestija tas-suq intern fis-servizzi finanzjarji. Fis-suq intern, il-falliment tal-banek fi Stat Membru wieħed jista' jaffettwa l-istabbiltà tas-swieq finanzjarji tal-Unjoni kollha kemm hi. L-iżgurar ta' finanzjament fl-Istati Membri kollha huwa fl-aħjar interessi mhux biss tal-Istati Membri fejn joperaw il-banek, iżda wkoll tal-Istati Membri kollha inġenerali bħala mezz sabiex jiżguraw kondizzjonijiet ekwivalenti ta' kompetizzjoni ubiex jitjieb il-funzjonament tas-suq intern.  Is-sistemi bankarji fis-suq intern huma interkonnessi ħafna, il-gruppi bankarji huma internazzjonali u l-banek għandhom perċentwali kbir ta' assi barranin. Fin-nuqqas tal-SRM, il-kriżijiet bankarji fl-Istati Membri li qed jieħdu sehem fl-SSM [Mekkaniżmu Superviżorju Uniku (MSU)] jkollhom impatt sistemiku negattiv aktar b'saħħtu anki fi Stati Membri mhux parteċipanti. L-istabbiliment tal-SRM se jiżgura approċċ newtrali fit-trattament ma' banek li qed ifallu u għalhekk iżid l-istabbiltà tal-banek tal-Istati Membri parteċipanti u jevita li l-kriżijiet jinxterdu fl-Istati Membri mhux parteċipanti u għalhekk se jiffaċilita l-funzjonament tas-suq intern kollu. [...]
    </p>
    <p class="C09Marge0avecretrait" id="para-36" title="page-3">
      [...]
    </p>
    <p class="C09Marge0avecretrait" id="para-37" title="page-4">
      (24) Billi huma biss l-istituzzjonijiet tal-Unjoni li jistgħu jistabbilixxu l-politika ta’ riżoluzzjoni tal-Unjoni u billi jibqa’ marġni ta’ diskrezzjoni fl-adozzjoni ta’ kull skema ta’ riżoluzzjoni speċifika, huwa neċessarju li jiġi previst l-involviment adegwat tal-Kunsill [tal-Unjoni Ewropea] u tal-Kummissjoni [Ewropea], bħala l-istituzzjonijiet li jistgħu jeżerċitaw setgħat ta’ implimentazzjoni skont l-Artikolu 291 [TFUE]. Il-valutazzjoni tal-aspetti diskrezzjonarji tad-deċiżjonijiet ta’ riżoluzzjoni meħuda mi[s-SRB] għandha tkun eżerċitata mill-Kummissjoni. Fid-dawl tal-impatt konsiderevoli tad-deċiżjonijiet ta’ riżoluzzjoni fuq l-istabbiltà finanzjarja tal-Istati Membri u fuq l-Unjoni bħala tali, kif ukoll fuq is-sovranità fiskali tal-Istati Membri, huwa importanti li l-Kunsill jingħata s-setgħa ta’ implimentazzjoni li jieħu ċerti deċiżjonijiet relatati mar-riżoluzzjoni. Għaldaqstant għandu jkun il-Kunsill, fuq proposta mill-Kummissjoni, li jeżerċita kontroll effettiv fuq il-valutazzjoni mi[s-SRB] tal-eżistenza ta’ interess pubbliku u li jivvaluta kwalunkwe bidla materjali tal-ammont tal-Fond [Uniku ta’ Riżoluzzjoni (SRF)] li għandu jintuża f’azzjoni speċifika ta’ riżoluzzjoni. Barra minn hekk, il-Kummissjoni għandha tingħata s-setgħa tadotta atti delegati sabiex tispeċifika l-kriterji jew il-kondizzjonijiet ulterjuri li għandhom jitqiesu [mis-SRB] fl-eżerċizzju tas-setgħat differenti tiegħu. Tali għoti ta’ kompiti ta’ riżoluzzjoni bl-ebda mod ma għandu jostakola l-funzjonament tas-suq intern għas-servizzi finanzjarji. Huwa għalhekk importanti li l-[Awtorità Bankarja Ewropea (EBA)] tinżamm fir-rwol tagħha u li jinżammu s-setgħat u l-kompiti eżistenti tagħha: għandha tiżviluppa u tikkontribwixxi għall-applikazzjoni konsistenti tal-leġislazzjoni tal-Unjoni applikabbli għall-Istati Membri kollha u żżid il-konverġenza tal-prattiki ta' riżoluzzjoni fl-Unjoni kollha kemm hi.
    </p>
    <p class="C09Marge0avecretrait" id="para-38" title="page-4">
      [...]
    </p>
    <p class="C09Marge0avecretrait" id="para-39" title="page-4">
      (26) Il-[Bank Ċentrali Ewropew (BĊE)], bħala s-superviżur fl-SSM, u l-Bord, għandhom ikuni jistgħu jevalwaw jekk istituzzjoni ta’ kreditu hijiex qed tfalli jew li x’aktarx tfalli u jekk ma hemm l-ebda prospett raġonevoli li azzjoni alternattiva mis-settur privat jew superviżorja tkun tista’ tevita li din tfalli fi żmien raġonevoli. i[s-SRB], jekk iqis li l-kriterji kollha relatati mal-iskattar tar-riżoluzzjonijiet huma ssodisfati, għandu jadotta l-iskema ta' riżoluzzjoni. Il-proċedura relatata mal-adozzjoni tal-iskema ta’ riżoluzzjoni, li tinvolvi lill-Kummissjoni u lill-Kunsill, issaħħaħ l-indipendenza operattiva neċessarja tal-Bord filwaqt li tirrispetta l-prinċipji ta’ delega ta’ setgħat lill-aġenziji kif interpretati mill-Qorti tal-Ġustizzja tal-Unjoni Ewropea Għaldaqstant, dan ir-Regolament jiddisponi li l-iskema ta' riżoluzzjoni adottata mi[s-SRB] tidħol fis-seħħ biss jekk, fi żmien 24 siegħa wara l-adozzjoni tagħha mi[s-SRB], ma tiġi espressal-ebda oġġezzjoni min-naħa tal-Kunsill jew tal-Kummissjoni jew jekk l-iskema ta' riżoluzzjoni tkun approvata mill-Kummissjoni. Ir-raġunijiet li abbażi tagħhom il-Kunsill huwa permess li joġġezzjona, fuq proposta tal-Kummissjoni, fil-konfront tal-iskema ta' riżoluzzjoni tal-Bord għandhom ikunu limitati strettament għall-eżistenza ta' interess pubbliku u għal modifiki materjali min-naħa tal-Kummissjoni tal-ammont tal-użu tal-[SRF] kif propost mi[s-SRB].
    </p>
    <p class="C09Marge0avecretrait" id="para-40" title="page-4">
      [...]
    </p>
    <p class="C09Marge0avecretrait" id="para-41" title="page-4">
      [...]
    </p>
    <p class="C09Marge0avecretrait" id="para-42" title="page-4">
      (31) Sabiex jiġi żgurat proċess ta' teħid ta' deċiżjonijiet mingħajr dewmien u effettiv fir-riżoluzzjoni, i[s-SRB] għandu jkun aġenzija tal-Unjoni speċifika bi struttura speċifika, li tikkorrispondi għall-kompiti speċifiċi tiegħu, u li tkun ibbażata fuq il-mudell ta' kull aġenzija oħra tal-Unjoni. Il-kompożizzjoni tiegħu għandha tiżgura li jitqiesu kif dovut l-interessi rilevanti kollha involuti fil-proċeduri ta' riżoluzzjoni. [...]
    </p>
    <p class="C09Marge0avecretrait" id="para-43" title="page-4">
      [...]
    </p>
    <p class="C09Marge0avecretrait" id="para-44" title="page-4">
      (33) i[s-SRB], fis-sessjoni eżekuttiva tiegħu, għandu jħejji d-deċiżjonijiet kollha dwar il-proċedura ta' riżoluzzjoni u, sa fejn ikun possibbli, jadotta dawk id-deċiżjonijiet. [...]
    </p>
    <p class="C09Marge0avecretrait" id="para-45" title="page-5">
      [...]
    </p>
    <p class="C09Marge0avecretrait" id="para-46" title="page-5">
      (58) Il-likwidazzjoni ta' entità li tkun qed tfalli skont proċeduri normali ta' insolvenza tista' tipperikola l-istabbiltà finanzjarja, tinterrompi l-provvediment ta' servizzi essenzjali u tolqot il-protezzjoni tad-depożitanti. F’dan il-każ hemm interess pubbliku fl-applikazzjoni ta’ għodda ta’ riżoluzzjoni. L-objettivi ta’ riżoluzzjoni għandhom għalhekk ikunu li tiġi żgurata l-kontinwità ta’ servizzi finanzjarji essenzjali, li tinżamm l-istabbiltà tas-sistema finanzjarja, li jitnaqqas il-periklu morali billi tiġi mminimizzata d-dipendenza fuq l-għajnuna finanzjarja pubblika lil entitajiet li jkunu qed ifallu, u li jiġu protetti d-depożitanti.
    </p>
    <p class="C09Marge0avecretrait" id="para-47" title="page-5">
      [...]
    </p>
    <p class="C09Marge0avecretrait" id="para-48" title="page-5">
      (122) Ladarba l-għanijiet ta' dan ir-Regolament, jiġifieri l-istabbiliment ta' qafas Ewropew uniku għar-riżoluzzjoni tal-entitajiet u li tiġi żgurata l-applikazzjoni konsistenti tar-regoli tar-riżoluzzjoni, ma jistgħux jinkisbu b'mod suffiċjenti mill-Istati Membri, iżda jistgħu jinkisbu aħjar fil-livell tal-Unjoni, din tista' tadotta miżuri, konformement mal-prinċipju tas-sussidjarjetà kif stabbilit fl-Artikolu 5 tat-Trattat dwar l-Unjoni Ewropea (TUE). Skont il-prinċipju tal-proporzjonalità, kif stipulat f’dak l-Artikolu, dan ir-Regolament ma jmurx lil hinn minn dak li huwa meħtieġ sabiex jinkisbu dawk l-għanijiet. ”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">4</p>
</td>
<td valign="top">
<p class="normal">L-Artikolu 7 tar-Regolament Nru 806/2014 intitolat “It-tqassim tal-kompiti fi ħdan l-SRM”, jipprovdi, fil-paragrafi 1 u 2 tiegħu:</p>
</td>
</tr>
</table>
    <p class="C02AlineaAltA" id="para-50" title="page-5">
      “(1) i[s-SRB] għandu jkun responsabbli mill-funzjonament effettiv u konsistenti tal-SRM.
    </p>
    <p class="C02AlineaAltA" id="para-51" title="page-5">
      “(2) Soġġett għad-dispożizzjonijiet imsemmija fl-Artikolu 31(1), i[s-SRB] għandu jkollu r-responsabbiltà li jfassal il-pjanijiet ta’ riżoluzzjoni u jadotta d-deċiżjonijiet kollha relatati mar-riżoluzzjoni għal:
    </p>
    <p class="C09Marge0avecretrait" id="para-52" title="page-5">
      (a) l-entitajiet imsemmija fl-Artikolu 2 li ma jagħmlux parti minn grupp, u l-gruppi:
    </p>
    <p class="C11Marge1avecretrait" id="para-53" title="page-5">
      (i) li huma meqjusa bħala sinifikanti skont l-Artikolu 6(4) tar-Regolament [tal-Kunsill] (UE) Nru°1024/2013 [tal‑15 ta’ Ottubru 2013 li jikkonferixxi kompiti speċifiċi lill-Bank Ċentrali Ewropew fir-rigward ta’ politiki relatati mas-superviżjoni prudenzjali ta’ istituzzjonijiet ta’ kreditu (ĠU 2013, L 287, p. 63)] , jew
    </p>
    <p class="C11Marge1avecretrait" id="para-54" title="page-5">
      (ii) li fir-rigward tagħhom il-BĊE jkun iddeċieda skont l-Artikolu 6(5)(b) tar-Regolament [Nru 1024/2013] , li jeżerċita direttament is-setgħat rilevanti kollha; u
    </p>
    <p class="C09Marge0avecretrait" id="para-55" title="page-5">
      (b) gruppi transkonfinali oħrajn. ”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">5</p>
</td>
<td valign="top">
<p class="normal">L-Artikolu 14(1) u (2) tar-Regolament Nru 806/2014 jipprovdi:</p>
</td>
</tr>
</table>
    <p class="C02AlineaAltA" id="para-57" title="page-6">
      “1. Meta jaġixxu skont il-proċedura ta' riżoluzzjoni msemmija fl-Artikolu 18, i[s-SRB], il-Kunsill, u l-Kummissjoni u fejn rilevanti l-awtoritajiet nazzjonali ta' riżoluzzjoni, skont ir-responsabbiltajiet rispettivi tagħhom, għandhom jieħdu kont tal-objettivi ta' riżoluzzjoni, u jagħżlu l-għodod ta' riżoluzzjoni u s-setgħat ta' riżoluzzjoni li, fil-fehma tagħhom, jilħqu l-aħjar l-objettivi ta' riżoluzzjoni li huma rilevanti fiċ-ċirkostanzi tal-każ.
    </p>
    <p class="C02AlineaAltA" id="para-58" title="page-6">
      2. L-għanijiet tar-riżoluzzjoni msemmija fil-paragrafu 1 huma:
    </p>
    <p class="C09Marge0avecretrait" id="para-59" title="page-6">
      (a) li tiġi żgurata l-kontinwità tal-funzjonijiet kritiċi;
    </p>
    <p class="C09Marge0avecretrait" id="para-60" title="page-6">
      (b) li jiġu evitati effetti avversi sinifikanti fuq l-istabbiltà finanzjarja, b’mod partikolari permezz tal-prevenzjoni tal-kontaġju, inkluż lill-infrastrutturi tas-suq, u billi tinżamm id-dixxiplina tas-suq;
    </p>
    <p class="C09Marge0avecretrait" id="para-61" title="page-6">
      (c) li jiġu protetti l-fondi pubbliċi billi tiġi mminimizzata d-dipendenza fuq l-għajnuna finanzjarja pubblika straordinarja;
    </p>
    <p class="C09Marge0avecretrait" id="para-62" title="page-6">
      (d) jiġu protetti d-depożitanti koperti mid-Direttiva 2014/49/UE [tal-Parlament Ewropew u tal-Kunsill tas‑16 ta’April 2014 dwar skemi ta’ garanzija tad-depożiti (ĠU 2014, L 173, p. 149, rettifiki fil-ĠU 2014 L 212, p. 47 u fil-ĠU 2014, L 309, p. 37),] u l-investituri koperti mid-Direttiva 97/9/KE [tal-Parlament Ewropew u tal-Kunsill tat‑3 ta’ Marzu 1997 dwar skemi ta’ kumpens għall-investitur (ĠU Edizzjoni Speċjali bil-Malti: Kapitolu 6, Vol. 2, p. 311]; u
    </p>
    <p class="C09Marge0avecretrait" id="para-63" title="page-6">
      (e) li jiġu protetti l-fondi u l-assi tal-klijenti.
    </p>
    <p class="C09Marge0avecretrait" id="para-64" title="page-6">
      [...] ”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">6</p>
</td>
<td valign="top">
<p class="normal">L-Artikolu 15(1) ta’ dan ir-regolament huwa fformulat kif ġej:</p>
</td>
</tr>
</table>
    <p class="C02AlineaAltA" id="para-66" title="page-6">
      “Meta jaġixxu skont il-proċedura ta' riżoluzzjoni msemmija fl-Artikolu 18, i[s-SRB], il-Kunsill, l-Kummissjoni u, fejn rilevanti, l-awtortitajiet nazzjonali ta' riżoluzzjoni, għandhom jieħdu l-miżuri xierqa kollha biex jiżguraw li l-azzjoni ta' riżoluzzjoni tittieħed skont il-prinċipji li ġejjin [...] ”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">7</p>
</td>
<td valign="top">
<p class="normal">L-Artikolu 18 tal-imsemmi regolament, intitolat “Proċedura ta’ riżoluzzjoni”, jipprevedi:</p>
</td>
</tr>
</table>
    <p class="C02AlineaAltA" id="para-68" title="page-6">
      “1. [Is-SRB] għandu jadotta skema ta’ riżoluzzjoni skont il-paragrafu 6 fir-rigward ta’ entitajiet u gruppi msemmija fl-Artikolu 7(2), u lill-entitajiet u lill-gruppi msemmija fl-Artikolu 7(4)(b) u (5), fejn jintlaħqu l-kondizzjonijiet għall-applikazzjoni ta’ dawk il-paragrafi, biss meta dan jivvaluta, matul is-sessjoni eżekuttiva tiegħu, hekk kif jirċievi komunikazzjoni skont ir-raba’ subparagrafu jew fuq inizjattiva proprja, li ntlaħqu l-kondizzjonijiet li ġejjin:
    </p>
    <p class="C09Marge0avecretrait" id="para-69" title="page-7">
      (a) l-entità qed tfalli jew x’aktarx li tfalli;
    </p>
    <p class="C09Marge0avecretrait" id="para-70" title="page-7">
      (b) b’kont meħud taż-żmien u ta’ ċirkostanzi rilevanti oħra, ma hemmx prospett raġonevoli li xi miżura alternattiva tas-settur privat, inklużi miżuri minn IPS, jew azzjoni ta’ superviżjoni, inklużi miżuri ta’ intervent bikri jew valwazzjoni negattiva jew konverżjoni tal-istrumenti kapitali rilevanti skont l-Artikolu 21, meħuda fir-rigward tal-entità, jistgħu jimpedixxu l-falliment tagħha f’limitu ta’ żmien raġonevoli;
    </p>
    <p class="C09Marge0avecretrait" id="para-71" title="page-7">
      (c) hija meħtieġa azzjoni ta' riżoluzzjoni fl-interess pubbliku skont il-paragrafu 5.
    </p>
    <p class="C02AlineaAltA" id="para-72" title="page-7">
      Għandha ssir mill-BĊE valutazzjoni tal-kondizzjoni msemmija fil-punt (a) tal-ewwel subparagrafu, wara konsultazzjoni mal-Bord. i[s-SRB], matul is-sessjoni eżekuttiva tiegħu, jista' jagħmel tali valutazzjoni biss wara li jkun informa lill-BĊE bl-intenzjoni tiegħu u biss jekk il-BĊE, fi żmien tlitt ijiem kalendarji wara li tkun waslet tali informazzjoni, ma jkunx għamel tali valutazzjoni. Il-BĊE għandu jipprovdi, mingħajr dewmien, lill-Bord bi kwalunkwe informazzjoni rilevanti li l-Bord jirrikjedi biex ikollu informazzjoni għall-valutazzjoni tiegħu.
    </p>
    <p class="C02AlineaAltA" id="para-73" title="page-7">
      Fejn l-BĊE jivvaluta li l-kondizzjoni msemmija fil-punt (a) tal-ewwel subparagrafu ntlaħqet fir-rigward ta' istituzzjoni jew grupp imsemmija fl-ewwel subparagrafu, huwa għandu jikkomunika dik il-valutazzjoni mingħajr dewmien lill-Kummissjoni u lill-Bord.
    </p>
    <p class="C02AlineaAltA" id="para-74" title="page-7">
      Il-valutazzjoni tal-kondizzjoni msemmija fil-punt (b) tal-ewwel subparagrafu għandha ssir mi[s-SRB], matul is-sessjoni eżekuttiva tiegħu, jew, fejn applikabbli, mill-awtoritajiet nazzjonali ta' riżoluzzjoni, b'kooperazzjoni mill-qrib mal-BĊE. Il-BĊE jista' jinforma wkoll lill-Bord jew lill-awtoritajiet nazzjonali ta' riżoluzzjoni konċernati li huwa jqis li l-kondizzjoni stipulata f'dak il-punt ġiet sodisfatta.
    </p>
    <p class="C02AlineaAltA" id="para-75" title="page-7">
      [...]
    </p>
    <p class="C02AlineaAltA" id="para-76" title="page-7">
      4. Għall-finijiet tal-punt (a) tal-paragrafu 1, l-entità għandha titqies li qed tfalli jew li x’aktarx tfalli f’waħda jew iżjed miċ-ċirkostanzi li ġejjin:
    </p>
    <p class="C02AlineaAltA" id="para-77" title="page-7">
      [...]
    </p>
    <p class="C09Marge0avecretrait" id="para-78" title="page-7">
      (c) l-entità hija, jew hemm elementi oġġettivi li jsostnu determinazzjoni li dik l-entità se tkun, fil-futur qrib, f’pożizzjoni li ma tistax tħallas id-dejn tagħha jew obbligazzjonijiet oħrajn malli jsiru dovuti;
    </p>
    <p class="C09Marge0avecretrait" id="para-79" title="page-7">
      [...]
    </p>
    <p class="C02AlineaAltA" id="para-80" title="page-8">
      5. Għall-finijiet tal-punt (c) tal-paragrafu 1 ta’ dan l-Artikolu, azzjoni ta’ riżoluzzjoni għandha tiġi ttrattata bħala fl-interess pubbliku jekk tkun neċessarja għall-kisba ta’ objettiv ta’ riżoluzzjoni wieħed jew aktar u hija proporzjonata magħhom kif speċifikat fl-Artikolu 14 u l-istralċ tal-entità skont proċedimenti normali ta’ insolvenza ma jilħaqx dawn l-objettivi ta’ riżoluzzjoni sal-istess punt.
    </p>
    <p class="C02AlineaAltA" id="para-81" title="page-8">
      6. Jekk jiġu sodisfatti l-kondizzjonijiet stabbiliti fil-paragrafu 1, i[s-SRB] għandu jadotta skema ta’ riżoluzzjoni. L-iskema ta’ riżoluzzjoni għandha:
    </p>
    <p class="C09Marge0avecretrait" id="para-82" title="page-8">
      (a) tqiegħed lill-entità taħt riżoluzzjoni;
    </p>
    <p class="C09Marge0avecretrait" id="para-83" title="page-8">
      (b) tiddetermina l-applikazzjoni tal-għodod ta’ riżoluzzjoni lill-istituzzjoni taħt rizoluzzjoni msemmija fl-Artikolu 22(2), b’mod partikolari kwalunkwe esklużjonimill-applikazzjoni ta’ rikapitalizzazzjoni interna skont l-Artikolu 27(5) u (14);
    </p>
    <p class="C09Marge0avecretrait" id="para-84" title="page-8">
      (c) tiddetermina l-użu tal-Fond biex jappoġġa l-azzjoni ta’ riżoluzzjoni skont l-Artikolu 76 u skont deċiżjoni tal-Kummissjoni meħuda skont l-Artikolu 19.
    </p>
    <p class="C02AlineaAltA" id="para-85" title="page-8">
      7. Immedjatament wara l-adozzjoni tal-iskema ta' riżoluzzjoni, i[s-SRB] għandu jitrażmettiha lill-Kummissjoni.
    </p>
    <p class="C02AlineaAltA" id="para-86" title="page-8">
      Fi żmien 24 siegħa mit-trażmissjoni tal-iskema ta' riżoluzzjoni mi[s-SRB], il-Kummissjoni għandha jew tapprova l-iskema ta' riżoluzzjoni, jew toġġezzjonaha fir-rigward tal-aspetti ta' diskrezzjoni tal-iskema ta' riżoluzzjoni f'każijiet li mhumiex koperti fit-tielet subparagrafu ta' dan il-paragrafu.
    </p>
    <p class="C02AlineaAltA" id="para-87" title="page-8">
      Fi żmien 12-il siegħa mit-trażmissjoni tal-iskema ta' riżoluzzjoni mi[s-SRB], il-Kummissjoni tista' tipproponi lill-Kunsill biex:
    </p>
    <p class="C09Marge0avecretrait" id="para-88" title="page-8">
      (a) joġġezzjona għall-iskema ta' riżoluzzjoni fuq il-bażi li l-iskema ta' riżoluzzjoni adottata mi[s-SRB] ma tissodisfax il-kriterju tal-interess pubbliku msemmi fil-paragrafu 1(c);
    </p>
    <p class="C09Marge0avecretrait" id="para-89" title="page-8">
      (b) japprova jew joġġezzjona modifika materjali tal-ammont tal-Fond prevista fl-iskema ta' riżoluzzjoni tal-Bord.
    </p>
    <p class="C02AlineaAltA" id="para-90" title="page-8">
      Għall-finijiet tat-tielet subparagrafu, il-Kunsill għandu jaġixxi b'maġġoranza sempliċi.
    </p>
    <p class="C02AlineaAltA" id="para-91" title="page-8">
      L-iskema ta’ riżoluzzjoni tista’ tidħol fis-seħħ biss jekk ma tkun ġiet espressal-ebda oġġezzjoni mill-Kunsill jew mill-Kummissjoni fi żmien 24 siegħa wara t-trażmissjoni tagħha mi[s-SRB].
    </p>
    <p class="C02AlineaAltA" id="para-92" title="page-8">
      Il-Kunsill jew il-Kummissjoni, skont il-każ, għandhom jiġġustifikaw l-eżerċizzju tas-setgħa ta' oġġezzjoni li għandhom.
    </p>
    <p class="C02AlineaAltA" id="para-93" title="page-9">
      Fil-każ fejn, fi żmien 24 siegħa mit-trażmissjoni tal-iskema ta’ riżoluzzjoni mi[s-SRB], il-Kunsill ikun approva l-proposta tal-Kummissjoni għal modifika tal-iskema ta’ riżoluzzjoni fuq il-bażi msemmija fil-punt (b) tat-tielet subparagrafu jew il-Kummissjoni tkun oġġezzjonat skont it-tieni subparagrafu, i[s-SRB], fi żmien tmien siegħat, għandu jimmodifika l-iskema ta’ riżoluzzjoni skont ir-raġunijiet espressi.
    </p>
    <p class="C02AlineaAltA" id="para-94" title="page-9">
      [...]
    </p>
    <p class="C02AlineaAltA" id="para-95" title="page-9">
      8. Fil-każ fejn il-Kunsill joġġezzjona għat-tqegħid ta’ istituzzjoni taħt riżoluzzjoni, fuq il-bażi li ma jkunux se jintlaħaq il-kriterju tal-interess pubbliku msemmi fil-paragrafu 1(c), l-entità rilevanti għandha tiġi stralċjata b’mod adegwat skont il-liġi nazzjonali applikabbli.
    </p>
    <p class="C02AlineaAltA" id="para-96" title="page-9">
      9. i[s-SRB] għandu jiżgura li l-azzjoni meħtieġa ta' riżoluzzjoni titwettaq ħalli titwettaq l-iskema ta' riżoluzzjoni mill-awtoritajiet nazzjonali ta' riżoluzzjoni rilevanti. L-iskema ta’ riżoluzzjoni għandha tkun indirizzata lill-awtoritajiet nazzjonali ta’ riżoluzzjoni rilevanti u għandha tagħti istruzzjonijiet lil dawk l-awtoritajiet, li għandhom jieħdu l-miżuri meħtieġa kollha biex jimplimentawha f’konformità mal-Artikolu 29, billi jeżerċitaw is-setgħat ta’ riżoluzzjoni. Fejn ikun hemm għajnuna mill-Istat jew mill-Fond, i[s-SRB] għandu jaġixxi f’konformità ma’ deċiżjoni dwar dik l-għajnuna meħuda mill-Kummissjoni.
    </p>
    <p class="C02AlineaAltA" id="para-97" title="page-9">
      10. Il-Kummissjoni għandha s-setgħa li tikseb mingħand i[s-SRB] kwalunkwe informazzjoni li tqis rilevanti biex twettaq il-kompiti tagħha skont dan ir-Regolament. I[s-SRB] għandu jkollu s-setgħa jikseb mingħand kwalunkwe persuna, skont il-Kapitolu 5 ta' dan it-Titolu, kwalunkwe informazzjoni meħtieġa biex jipprepara u jiddeċiedi dwar azzjoni ta' riżoluzzjoni, inklużi aġġornamenti u supplimenti ta' informazzjoni previsti fil-pjanijiet ta' riżoluzzjoni. ”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">8</p>
</td>
<td valign="top">
<p class="normal">L-Artikolu 22 tal-istess regolament, intitolat “Prinċipji ġenerali tal-għodod ta’ riżoluzzjoni”, fil-paragrafu 2 tiegħu jipprovdi:</p>
</td>
</tr>
</table>
    <p class="C02AlineaAltA" id="para-99" title="page-9">
      “L-għodod ta’ riżoluzzjoni msemmija fl-Artikolu 18(6)(b) huma dawn li ġejjin:
    </p>
    <p class="C09Marge0avecretrait" id="para-100" title="page-9">
      (a) l-għodda tal-bejgħ ta’ operat; 
    </p>
    <p class="C09Marge0avecretrait" id="para-101" title="page-9">
      (b) l-għodda ta’ istituzzjoni tranżitorja;
    </p>
    <p class="C09Marge0avecretrait" id="para-102" title="page-9">
      (c) l-għodda ta’ separazzjoni tal-assi;
    </p>
    <p class="C09Marge0avecretrait" id="para-103" title="page-9">
      (d) l-għodda tar-rikapitalizzazzjoni interna. ”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">9</p>
</td>
<td valign="top">
<p class="normal">L-Artikolu 29(1) tar-Regolament Nru 806/2014 jipprovdi:</p>
</td>
</tr>
</table>
    <p class="C02AlineaAltA" id="para-105" title="page-10">
      “L-awtoritajiet nazzjonali ta' riżoluzzjoni għandhom jieħdu l-azzjoni meħtieġa biex jimplimentaw id-deċiżjonijiet ta' riżoluzzjoni msemmija f'dan ir-Regolament, b'mod partikolari billi jeżerċitaw kontroll fuq l-entitajiet u l-gruppi msemmija fl-Artikolu 7(2), u l-entitajiet u l-gruppi msemmija fl-Artikolu 7(4)(b) u (5) fejn ikunu sodisfatti l-kondizzjonijiet għall-applikazzjonijiet ta' dawk il-paragrafi, billi jieħdu l-miżuri meħtieġa skont l-Artikolu 35 jew 72 tad-Direttiva [2014/59] u billi jiżguraw li s-salvagwardji previsti f'dik id-Direttiva [...] jiġu sodisfatti. L-awtoritajiet nazzjonali ta' riżoluzzjoni għandhom jimplimentaw id-deċiżjonijiet kollha indirizzati lilhom mi[s-SRB]. ”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">10</p>
</td>
<td valign="top">
<p class="normal">L-Artikolu 43(3) ta’ dan ir-regolament jipprevedi:</p>
</td>
</tr>
</table>
    <p class="C02AlineaAltA" id="para-107" title="page-10">
      “Il-Kummissjoni u l-BĊE għandhom kull wieħed jaħtru rappreżentant li jkun intitolat li jipparteċipa fil-laqgħat tas-sessjonijiet eżekuttivi u tas-sessjonijiet plenarji bħala osservatur permanenti.
    </p>
    <p class="C02AlineaAltA" id="para-108" title="page-10">
      Ir-rappreżentanti tal-Kummissjoni u l-BĊE għandhom ikunu intitolati jipparteċipaw fid-dibattiti u għandu jkollhom aċċess għad-dokumenti kollha. ”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Il-fatt li wasslu għall-kawża</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">11</p>
</td>
<td valign="top">
<p class="normal">Il-fatti li wasslu għall-kawża huma esposti fil-punti 2 sa 20 tas-sentenza appellata. Għall-ħtiġijiet ta’ din il-proċedura, dawn jistgħu jinġabru kif ġej.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">12</p>
</td>
<td valign="top">
<p class="normal">ABLV Bank, hija istituzzjoni ta’ kreditu stabbilita fil-Latvja u l-kumpannija omm tal-grupp ABLV. ABLV Bank Luxembourg hija istituzzjoni ta’ kreditu stabbilita fil-Lussemburgu, li tikkostitwixxi waħda mis-sussidjarji tal-grupp ABLV u li tagħha ABLV Bank huwa l-azzjonist uniku.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">13</p>
</td>
<td valign="top">
<p class="normal">ABLV Bank u ABLV Bank Luxembourg kienu kkunsidrati, kull waħda minnhom, bħala “entità sinjifikattiva” u kienu suġġetti, f’dan ir-rigward, għas-superviżjoni tal-BĊE fil-kuntest tal-MSU introdott mir-Regolament Nru 1024/2013.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">14</p>
</td>
<td valign="top">
<p class="normal">Fit‑13 ta’ Frar 2018, l-United States Department of the Treasury (id-Dipartiment tat-Teżor tal-Istati Uniti, l-Istati Uniti tal-Amerika), permezz tal-intermedjarju tal-Financial Crimes Enforcement Network (in-Netwerk għat-Trażżin tal-Kriminalità Finanzjarja, l-Istati Uniti, iktar ’il quddiem il-“FinCEN”), esprima l-intenzjoni tiegħu li jieħu miżuri speċjali intiżi li jaħtru lil ABLV Bank bħala entità li tirrappreżenta riskju kbir fil-qasam tal-ħasil tal-flus (iktar ’il quddiem l-“abbozz ta’ miżura tal-FinCEN”). Wara dan l-avviż, ABLV Bank ma kinitx għadha f’pożizzjoni li tagħmel pagamenti f’dollari Amerikani (USD).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">15</p>
</td>
<td valign="top">
<p class="normal">Fit‑18 ta’ Frar 2018, il-BĊE talab lill-Finanšu un kapitāla tirgus komisija (il-Kummissjoni tas-Swieq Finanzjarji u tal-Kapital, il-Latvja) (iktar ’il quddiem il-“KSFK”), sabiex tissospendi l-pagamenti tal-obbligi finanzjarji ta’ ABLV Bank. Il-BĊE stieden lill-Kummissjoni għas-superviżjoni tas-settur finanzjarju (il-Lussemburgu), (iktar ’il quddiem il- “KSFK”) sabiex tieħu miżuri simili fir-rigward ta’ ABLV Bank Luxembourg. Moratorju fuq ABLV Bank daħal fis-seħħ fid‑19 ta’ Frar 2018 u ABLV Bank Luxembourg ingħatat sospensjoni tal-ħlas.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">16</p>
</td>
<td valign="top">
<p class="normal">Fit‑22 ta’ Frar 2018, il-BĊE kkomunika lis-SRB abbozz ta’ evalwazzjoni dwar is-sitwazzjoni ta’ falliment li kien qiegħed iseħħ jew li x’aktarx ser iseħħ ta’ ABLV Bank u ta’ ABLV Bank Luxembourg, bl-għan li jikkonsultah dwar dan is-suġġett.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">17</p>
</td>
<td valign="top">
<p class="normal">Fit‑23 ta’ Frar 2018, il-BĊE qies li l-falliment ta’ ABLV Bank u ta’ ABLV Bank Luxembourg kien qiegħed iseħħ jew li x’aktarx kien ser iseħħ fis-sens tal-Artikolu 18(1) tar-Regolament Nru 806/2014 u kkomunika l-evalwazzjonijiet tiegħu lis-SRB.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">18</p>
</td>
<td valign="top">
<p class="normal">Fl-istess jum, is-SRB adotta d-Deċiżjoni SRB/EES/2018/09, li permezz tagħha ddeċieda li ma jadottax skema ta’ riżoluzzjoni fir-rigward ta’ ABLV Bank (iktar ’il quddiem id-“deċiżjoni dwar ABLV Bank”), kif ukoll id-Deċiżjoni SRB/EES/2018/10, li permezz tagħha ddeċieda li ma jadottax skema ta’ riżoluzzjoni fir-rigward ta’ ABLV Bank Luxembourg (iktar ’il quddiem id- “deċiżjoni dwar ABLV Bank Luxembourg”). F’dawn id-deċiżjonijiet, is-SRB adotta l-evalwazzjoni tal-BĊE li ABLV Bank u ABLV Bank Luxembourg kienu qegħdin ifallu jew x’aktarx kienu ser ifallu u qies li ma kienx hemm prospett raġonevoli li miżuri oħra jipprekludu l-falliment tagħhom f’terminu raġonevoli. Madankollu, hija qieset li, fid-dawl tal-karatteristiċi partikolari ta’ ABLV Bank u ta’ ABLV Bank Luxembourg, miżura ta’ riżoluzzjoni fir-rigward tagħhom ma kinitx neċessarja fl-interess pubbliku fis-sens tal-Artikolu 18(1)(c) u (5) ta’ dan ir-regolament. Fl-istess jum, l-imsemmija deċiżjonijiet ġew innotifikati lid-destinatarji rispettivi tagħhom, jiġifieri l-FKTK u l-KSSF.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">19</p>
</td>
<td valign="top">
<p class="normal">Id-deċiżjoni dwar ABLV Bank kienet tipprovdi, fl-Artikolu 1 tagħha, li “[ABLV Bank] ma hijiex ser tkun suġġetta għal proċedura ta’ riżoluzzjoni”. L-Artikolu 2 ta’ din id-deċiżjoni kien jippreċiża li din kienet “indirizzata lill- [KSFK], fil-kapaċità tagħha ta’ awtorità nazzjonali ta’ riżoluzzjoni fis-sens tat-tielet subparagrafu tal-Artikolu 3(1) tar-Regolament Nru 806/2014” u li, “[s] kont l-Artikolu 29(1) tar-Regolament Nru 806/2014, il- [KSFK] ser timplimenta [l-imsemmija deċiżjoni] u tiżgura li kwalunkwe miżura meħuda tkun konformi magħha, skont il-kunsiderazzjonijiet previsti”.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">20</p>
</td>
<td valign="top">
<p class="normal">L-Artikoli 1 u 2 tad-deċiżjoni dwar ABLV Bank Luxembourg kellhom kontenut analogu.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">21</p>
</td>
<td valign="top">
<p class="normal">Fl‑24 ta’ Frar 2018, is-SRB ippubblika stqarrija għall-istampa dwar id-deċiżjonijiet kontenzjużi. F’din l-istqarrija għall-istampa, ġie ppreċiżat li “wara d-deċiżjoni tal-[BĊE] li tiddikjara lil [ABLV Bank] u lis-sussidjarja tagħha [ABLV Bank Luxembourg] li qiegħda tfalli jew li x’aktarx ser tfalli, is-[SRB] iddeċieda li ma [kienx] neċessarju li tiġi adottata skema ta’ riżoluzzjoni minħabba l-assenza ta’ interess pubbliku għal dawn il-banek [;] konsegwentement, il-banek ser jiġu stralċati skont il-liġi Latvjana u dik Lussemburgiża rispettivament.”</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">22</p>
</td>
<td valign="top">
<p class="normal">Fis‑26 ta’ Frar 2018, l-azzjonisti tal-ABLV Bank bdew proċedura li tippermetti lil din tal-aħħar li tikkonkludi l-likwidazzjoni tagħha u ressqu quddiem il-KSFK it-talba għall-approvazzjoni tal-pjan tagħhom ta’ likwidazzjoni volontarja.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">23</p>
</td>
<td valign="top">
<p class="normal">Fid‑9 ta’ Marzu 2018, it-tribunal d’arrondissement de Luxembourg (il-Qorti Distrettwali tal-Lussemburgu, (il-Lussemburgu) ċaħdet it-talba tal-KSSF intiża għax-xoljiment u għall-istralċ ta’ ABLV Bank Luxembourg filwaqt li aċċettat lil din tal-aħħar għall-benefiċċju tal-proċedura ta’ sospensjoni ta’ ħlas għal perijodu ta’ sitt xhur, li ġie estiż diversi drabi. Permezz ta’ sentenza tat‑2 ta’ Lulju 2019, din il-qorti ordnat ix-xoljiment ta’ ABLV Bank Luxembourg u ordnat l-istralċ tagħha.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Ir-rikors quddiem il-Qorti Ġenerali u s-sentenza appellata</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">24</p>
</td>
<td valign="top">
<p class="normal">Permezz ta’ att ippreżentat fir-Reġistru tal-Qorti Ġenerali fil‑21 ta’ Diċembru 2018, ABLV Bank ippreżentat rikors intiż għall-annullament tad-deċiżjoni kontenzjuża.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">25</p>
</td>
<td valign="top">
<p class="normal">Insostenn tar-rikors tagħha, hija invokat żewġ motivi. L-ewwel motiv kien ibbażat fuq l-assenza ta’ kompetenza tas-SRB sabiex jiddeċiedi dwar l-istralċ ta’ istituzzjoni ta’ kreditu. It-tieni motiv kien ibbażat, essenzjalment, fuq l-assenza ta’ kompetenza tas-SRB sabiex jiddeċiedi li ma jaddottax skema ta’ riżoluzzjoni. It-tielet u r-raba’ motivi kienu bbażati fuq ksur tal-Artikolu 18(1) (a) u (b) tar-Regolament Nru 806/2014. Il-ħames motiv kien ibbażat fuq ksur tad-dritt għal smigħ u tad-dritt ta’ aċċess għall-fajl. Is-sitt motiv kien ibbażat fuq ksur tal-obbligu ta’ motivazzjoni. Is-seba’ u t-tlettax-il motiv kienu bbażati fuq ksur tad-dritt li l-kawżi tagħha jiġu ttrattati b’mod imparzjali, stabbilit fl-Artikolu 41(1) tal-Karta tad-Drittijiet Fundamentali tal-Unjoni Ewropea (iktar ’il quddiem il-“Karta”). It-tmien sal-ħdax-il motiv kienu bbażati fuq ksur, rispettivament, tal-prinċipju ta’ proporzjonalità, tal-prinċipju ta’ ugwaljanza fit-trattament, tal-Artikoli 16 u 17 tal-Karta kif ukoll tal-prinċipju nemo auditur propriam turpitudinem allegans (ħadd ma jista’ jinvoka l-aġir ħażin tiegħu stess). It-tnax-il motiv kien ibbażat fuq użu ħażin ta’ poter.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">26</p>
</td>
<td valign="top">
<p class="normal">Permezz tas-sentenza appellata, il-Qorti Ġenerali ċaħdet ir-rikors ippreżentat minn ABLV Bank.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">27</p>
</td>
<td valign="top">
<p class="normal">Fil-kuntest tal-eżami tal-ammissibbiltà ta’ dan ir-rikors, wara li kkonstatat, fil-punt 36 ta’ din is-sentenza, li d-deċiżjonijiet kontenzjużi huma atti li jistgħu jiġu kkontestati, il-Qorti Ġenerali rrilevat, fil-punti 40 sa 42 tal-imsemmija sentenza, minn naħa, li ABLV Bank kienet ippreżentat ir-rikors tagħha kontra d-deċiżjoni dwar ABLV Bank Luxembourg fil-kwalità tagħha ta’ kumpannija omm kif ukoll ta’ azzjonista unika ta’ din tal-aħħar u, min-naħa l-oħra, li din id-deċiżjoni ma kinitx tipproduċi direttament effetti fuq is-sitwazzjoni tal-azzjonisti, peress li d-dritt ta’ dawn l-azzjonisti li jirċievu dividendi u li jipparteċipaw fil-ġestjoni ta’ ABLV Bank Luxembourg ma kienx ġie affettwat mill-imsemmija deċiżjoni. Minn dan hija ddeduċiet, fil-punt 45 tal-istess sentenza, li ABLV Bank ma kinitx direttament ikkonċernata mill-istess deċiżjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">28</p>
</td>
<td valign="top">
<p class="normal">Konsegwentement, il-Qorti Ġenerali, fil-punt 61 tas-sentenza appellata, ċaħdet bħala inammissibbli l-kap tat-talbiet ta’ ABLV Bank intiżi għall-annullament tad-deċiżjoni dwar ABLV Bank Luxembourg. Min-naħa l-oħra, hija ddikjarat ir-rikors tagħha ammissibbli sa fejn kien intiż għall-annullament tad-deċiżjoni dwar ABLV Bank.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">29</p>
</td>
<td valign="top">
<p class="normal">Fuq il-mertu, il-Qorti Ġenerali eżaminat u ċaħdet il-motivi kollha mqajma minn ABLV Bank.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">30</p>
</td>
<td valign="top">
<p class="normal">Fl-ewwel lok, il-Qorti Ġenerali ċaħdet l-ewwel motiv imqajjem minn ABLV Bank, billi kkonstatat, fil-punt 76 tas-sentenza appellata, li s-SRB ma kienx, permezz tad-deċiżjoni dwar ABLV Bank, iddeċieda dwar l-istralċ ta’ din l-entità.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">31</p>
</td>
<td valign="top">
<p class="normal">Fit-tieni lok, hija ċaħdet it-tieni motiv imqajjem minn ABLV Bank billi kkonstatat, qabelxejn, fil-punti 81 u 82 ta’ din is-sentenza, li mis-sentenza tas‑6 ta’ Mejju 2021, ABLV Bank et vs BĊE (C‑551/19 P u C‑552/19 P, EU:C:2021:369), kien jirriżulta li s-SRB kien obbligat jieħu deċiżjoni pożittiva jew negattiva wara li jkun eżamina jekk il-kundizzjonijiet previsti fl-Artikolu 18(1) tar-Regolament Nru 806/2014 kinux issodisfatti jew le. Sussegwentement, fil-punt 83 tas-sentenza appellata, hija qieset li l-Artikolu 82(2) tad-Direttiva 2014/59, li seta’ jitqies bħala l-ekwivalenti tal-Artikolu 18 ta’ dan ir-regolament, kien jipprevedi espressament il-possibbiltà li tittieħed deċiżjoni li ma tiġix adottata skema ta’ riżoluzzjoni. Fl-aħħar nett, hija kkonstatat, fil-punt 84 ta’ din is-sentenza, li l-assenza ta’ kompetenza tas-SRB sabiex jieħu deċiżjoni li ma tiġix adottata skema ta’ riżoluzzjoni tirriskja li tikkomprometti l-istabbiltà tal-istituzzjoni ta’ kreditu kkonċernata u, potenzjalment, tas-swieq finanzjarji, billi tħalli dubju dwar is-segwitu li għandu jiġi kkunsidrat fir-rigward ta’ din l-istituzzjoni fid-dawl tal-evalwazzjoni tal-BĊE. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">32</p>
</td>
<td valign="top">
<p class="normal">Fit-tielet lok, il-Qorti Ġenerali eżaminat flimkien, fil-punti 87 sa 153 tas-sentenza appellata, it-tielet u r-raba’ motiv imqajma minn ABLV Bank. Hija qieset b’mod partikolari, qabelxejn, fil-punti 91 u 92 ta’ din is-sentenza, li, peress li l-evalwazzjoni, mis-SRB, tal-falliment li qiegħed iseħħ jew li x’aktarx ser iseħħ ta’ istituzzjoni ta’ kreditu hija bbażata fuq evalwazzjonijiet ekonomiċi kumplessi, l-istħarriġ tal-qrati tal-Unjoni f’dan ir-rigward huwa ristrett. Sussegwentement, hija ċaħdet l-argument ta’ ABLV Bank ibbażat fuq in-natura illegali tal-abbozz ta’ miżura tal-FinCEN billi ddeċidiet, fil-punt 101 tal-imsemmija sentenza, li l-kawżi tan-nuqqas ma jikkostitwixxux element li għandu jittieħed inkunsiderazzjoni sabiex jitwettaq l-eżami previst fl-Artikolu 18(4) tar-Regolament Nru 806/2014. Fl-aħħar nett, hija ċaħdet, fil-punti 103 sa 146 tal-istess sentenza, l-argument ta’ ABLV Bank intiż kontra l-evalwazzjoni tal-falliment tagħha li kien qiegħed iseħħ jew li x’aktarx kien ser iseħħ imwettqa mill-BĊE u adottata mis-SRB.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">33</p>
</td>
<td valign="top">
<p class="normal">Fir-raba’ lok, fil-punti 154 sa 206 tas-sentenza appellata, il-Qorti Ġenerali eżaminat u ċaħdet is-sitt sal-għaxar motiv imqajjem minn ABLV Bank.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">It-talbiet tal-partijiet</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">34</p>
</td>
<td valign="top">
<p class="normal">Permezz tal-appell tagħha, ABLV Bank titlob li l-Qorti tal-Ġustizzja jogħġobha:</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">tissospendi din il-proċedura sad-deċiżjoni li ttemm l-istanza fil-Kawża C‑551/22 P, Il-Kummissjoni vs SRB, u tagħti lill-partijiet f’din il-proċedura l-possibbiltà li jesprimu ruħhom dwar din id-deċiżjoni;</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">tordna miżura ta’ organizzazzjoni tal-proċedura u ta’ investigazzjoni intiża sabiex titlob lill-Kummissjoni tieħu pożizzjoni dwar din il-kawża;</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">tannulla s-sentenza appellata;</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">tannulla d-deċiżjonijiet kontenzjużi;</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">tikkundanna lis-SRB għall-ispejjeż taż-żewġ istanzi, u</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">fil-każ li l-Qorti tal-Ġustizzja ma tkunx fi stat li tiddeċiedi dwar ir-rikors fl-ewwel istanza, tibgħat lura l-kawża quddiem il-Qorti Ġenerali.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">35</p>
</td>
<td valign="top">
<p class="normal">Is-SRB jitlob li l-Qorti tal-Ġustizzja jogħġobha:</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">tiċħad it-talba għal miżuri ta’ organizzazzjoni tal-proċedura u għal miżuri istruttorji ta’ ABLV Bank;</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">tiċħad l-appell bħala inammissibbli jew, fi kwalunkwe każ, bħala infondat;</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">sussidjarjament, tibgħat lura l-kawża lill-Qorti Ġenerali; </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">b’mod iktar sussidjarju, fil-każ li l-Qorti tal-Ġustizzja tiddeċiedi fuq ir-rikors fl-ewwel istanza, tiċħad dan ir-rikors, u</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">tikkundanna lil ABLV Bank għall-ispejjeż.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">36</p>
</td>
<td valign="top">
<p class="normal">Il-BĊE jitlob li l-Qorti tal-Ġustizzja jogħġobha:</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">tiċħad l-appell bħala infondat u</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">tikkundanna lil ABLV Bank għall-ispejjeż.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Il-proċedura quddiem il-Qorti tal-Ġustizzja</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">37</p>
</td>
<td valign="top">
<p class="normal">Permezz ta’ deċiżjoni tal-President tal-Qorti tal-Ġustizzja tat‑22 ta’ Marzu 2023, din il-proċedura ġiet sospiża sakemm tingħata d-deċiżjoni li ttemm l-istanza fil-Kawża C‑551/22 P, Il-Kummissjoni vs SRB. Wara l-għoti tas-sentenza tat‑18 ta’ Ġunju 2024, Il-Kummissjoni vs SRB (C‑551/22 P, EU:C:2024:520), il-proċedura tkompliet.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">38</p>
</td>
<td valign="top">
<p class="normal">Permezz ta’ deċiżjoni tal-President tal-Qorti tal-Ġustizzja tal‑21 ta’ Ġunju 2024, il-partijiet f’din il-proċedura ġew mistiedna jesprimu ruħhom dwar il-konsegwenzi li kellhom jinsiltu minn din is-sentenza f’din il-proċedura. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq l-appell</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">39</p>
</td>
<td valign="top">
<p class="normal">ABLV tibbaża ruħha fuq erba’ aggravji insostenn tal-appell tagħha. L-ewwel aggravju huwa bbażat fuq żbalji mwettqa mill-Qorti Ġenerali fl-eżami tal-ewwel żewġ motivi ppreżentati fl-ewwel istanza, dwar il-kompetenza tas-SRB, kif ukoll fuq difetti proċedurali li vvizzjaw l-adozzjoni tad-deċiżjoni dwar ABLV Bank. It-tieni aggravju huwa bbażat fuq żbalji mwettqa mill-Qorti Ġenerali fl-eżami tat-tielet u tar-raba’ motiv ippreżentati fl-ewwel istanza, dwar l-evalwazzjoni tal-falliment li kien qiegħed iseħħ jew li x’aktarx kien ser iseħħ ta’ ABLV Bank mis-SRB. It-tielet aggravju huwa bbażat fuq żbalji mwettqa mill-Qorti Ġenerali fl-eżami tal-argument ta’ ABLV Bank dwar l-abbozz ta’ miżura tal-FinCEN u dwar deċiżjonijiet adottati mill-awtoritajiet Latvjani. Ir-raba’ aggravju huwa bbażat fuq żbalji mwettqa mill-Qorti Ġenerali waqt l-eżami tal-ammissibbiltà tar-rikors ippreżentat kontra d-deċiżjoni dwar ABLV Bank Luxembourg.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq it-talba intiża sabiex il-Qorti tal-Ġustizzja titlob lill-Kummissjoni tieħu pożizzjoni fuq din il-kawża</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">40</p>
</td>
<td valign="top">
<p class="normal">Fir-replika tagħha, ABLV Bank talbet lill-Qorti tal-Ġustizzja tistieden lill-Kummissjoni tieħu pożizzjoni dwar din il-kawża. Hija ssostni li, fid-dawl tal-argument ippreżentat mill-Kummissjoni fil-kawża li tat lok għas-sentenza tat‑18 ta’ Ġunju 2024, Il-Kummissjoni vs SRB (C‑551/22 P, EU:C:2024:520), din l-istituzzjoni taqbel mal-opinjoni tagħha dwar in-natura fondata ta’ dan l-appell. L-imsemmija istituzzjoni hija, barra minn hekk, f’pożizzjoni li tipprovdi spjegazzjonijiet fuq ix-xogħol preparatorju tar-Regolament Nru 806/2014.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">41</p>
</td>
<td valign="top">
<p class="normal">F’dan ir-rigward, għandu jiġi kkonstatat li tali talba tirrigwarda istituzzjoni tal-Unjoni li la hija parti f’din il-proċedura u lanqas f’dik mibdija fl-ewwel istanza. Barra minn hekk, il-Qorti tal-Ġustizzja tqis li għandha biżżejjed informazzjoni permezz tal-argumenti tal-partijiet u tad-dokumenti tal-proċess b’tali mod li din it-talba għandha tiġi miċħuda.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq l-ammissibbiltà tal-appell</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">L-argumenti tal-partijiet</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">42</p>
</td>
<td valign="top">
<p class="normal">Is-SRB isostni li dan l-appell huwa inammissibbli, sa fejn ma jissodisfax ir-rekwiżiti tar-Regoli tal-Proċedura tal-Qorti tal-Ġustizzja. Dan l-appell ma jindikax bil-preċiżjoni meħtieġa l-elementi kkontestati tas-sentenza appellata, u lanqas ma jsemmi l-argumenti legali mressqa speċifikament insostenn tal-aggravji invokati. Minħabba n-natura vaga u inkoerenti tal-imsemmi appell, huwa diffiċli li jiġu identifikati l-iżbalji ta’ liġi allegatament imwettqa mill-Qorti Ġenerali fis-sentenza appellata.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">43</p>
</td>
<td valign="top">
<p class="normal">Il-BĊE jqis li l-appell ma jinkludi ebda lment preċiż ibbażat fuq żbalji ta’ liġi, li, fl-aħħar mill-aħħar, ma jippermettix, minn naħa, lill-Qorti tal-Ġustizzja teżerċita l-istħarriġ tagħha u, min-naħa l-oħra, lis-SRB u lill-BĊE jiżguraw id-difiża tagħhom. Konsegwentement, hija tistaqsi dwar l-ammissibbiltà tal-appell.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">44</p>
</td>
<td valign="top">
<p class="normal">ABLV Bank ssostni li l-appell huwa ammissibbli.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Il-kunsiderazzjonijiet tal-Qorti tal-Ġustizzja</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">45</p>
</td>
<td valign="top">
<p class="normal">Għandu jitfakkar li, mit-tieni subparagrafu tal-Artikolu 256(1) TFUE, mill-ewwel paragrafu tal-Artikolu 58 tal-Istatut tal-Qorti tal-Ġustizzja tal-Unjoni Ewropea, u mill-Artikolu 168(1)(d) tar-Regoli tal-Proċedura tal-Qorti tal-Ġustizzja, jirriżulta li appell għandu jindika b’mod preċiż l-elementi kkontestati tas-sentenza li ikun qiegħed jintalab l-annullament tagħha, kif ukoll l-argumenti legali speċifikament imressqa insostenn ta’ din it-talba, taħt piena ta’ inammissibbiltà tal-appell jew tal-aggravju kkonċernat. (ara d-digriet tas‑26 ta’ April 1993, Kupka-Floridi vs CES, C‑244/92 P, EU:C:1993:152, punti 8 u 9; sentenzi tal‑25 ta’ Jannar 2022, Il-Kummissjoni vs European Food et, C‑638/19 P, EU:C:2022:50, punt 75, kif ukoll tal‑15 ta’ Lulju 2025, BĊE u l-Kummissjoni vs Corneli, C‑777/22 P u C‑789/22 P, EU:C:2025:580, punt 58).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">46</p>
</td>
<td valign="top">
<p class="normal">Appell li l-argument tiegħu ma jkunx ċar u preċiż biżżejjed sabiex jippermetti lill-Qorti tal-Ġustizzja teżerċita l-istħarriġ tagħha tal-legalità ma jissodisfax dawn ir-rekwiżiti u għandu jiġi ddikjarat inammissibbli, b’mod partikolari għaliex l-elementi essenzjali li fuqhom huwa bbażat l-argument ma jirriżultawx b’mod suffiċjentement koerenti u li jinftiehem mit-test ta’ dan l-appell, li huwa fformulat b’mod oskur u ambigwu f’dan ir-rigward. Il-Qorti tal-Ġustizzja ddeċidiet ukoll li għandu jiġi miċħud bħala manifestament inammissibbli appell li ma jkollux struttura koerenti, li jkun limitat għal dikjarazzjonijiet ġenerali u li ma jinkludix indikazzjonijiet preċiżi marbuta mal-punti tad-deċiżjoni kkontestata li huma possibbilment ivvizzjati bi żball ta’ liġi (ara, f’dan is-sens, is-sentenza tal‑4 ta’ Ottubru 2024, thyssenkrupp vs Il-Kummissjoni, C‑581/22 P, EU:C:2024:821, punt 58 u l-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">47</p>
</td>
<td valign="top">
<p class="normal">F’dan il-każ, għalkemm parti mill-argumenti ta’ ABLV Bank ma tissodisfax l-imsemmija rekwiżiti, xorta jibqa’ l-fatt li l-appell preżenti jinkludi sensiela ta’ argumenti legali relatati ma’ elementi identifikati b’mod ċar tas-sentenza appellata u li jippermettu lill-Qorti tal-Ġustizzja twettaq l-istħarriġ tagħha.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">48</p>
</td>
<td valign="top">
<p class="normal">F’dawn iċ-ċirkustanzi, ma hemmx lok li dan l-appell jiġi ddikjarat inammissibbli fl-intier tiegħu.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">49</p>
</td>
<td valign="top">
<p class="normal">Madankollu, din il-konklużjoni ma tippreġudikax l-eżami tal-ammissibbiltà ta’ ċerti argumenti meħuda separatament (ara, f’dan is-sens, is-sentenza tal‑14 ta’ Ġunju 2016, Marchiani vs Il-Parlament, C‑566/14 P, EU:C:2016:437, punt 34 u l-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq il-mertu</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq l-ewwel aggravju</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">L-argumenti tal-partijiet</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">50</p>
</td>
<td valign="top">
<p class="normal">Skont ABLV Bank, il-Qorti Ġenerali wettqet numru ta’ żbalji u ta’ żnaturamenti fil-kuntest tal-eżami tal-ewwel żewġ motivi li hija qajmet fl-ewwel istanza. Barra minn hekk, huwa naqas, b’mod żbaljat, milli jqajjem ex officio aggravji bbażati fuq ċerti difetti proċedurali li jivvizzjaw id-deċiżjoni dwar ABLV Bank.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">51</p>
</td>
<td valign="top">
<p class="normal">Fl-ewwel lok, ABLV Bank issostni li l-interpretazzjoni tal-Artikolu 18 tar-Regolament Nru 806/2014 adottata mill-Qorti Ġenerali fis-sentenza appellata hija vvizzjata b’diversi żbalji.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">52</p>
</td>
<td valign="top">
<p class="normal">Qabelxejn, din l-interpretazzjoni ma għandha ebda bażi fil-formulazzjoni ta’ dan l-Artikolu 18 lanqas f’dan ir-regolament meħud fl-intier tiegħu.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">53</p>
</td>
<td valign="top">
<p class="normal">Barra minn hekk, l-imsemmija interpretazzjoni tikser il-limiti tas-setgħat tas-SRB iddefiniti fl-imsemmi Artikolu 18, kif jirriżultaw mill-ġurisprudenza tal-Qorti tal-Ġustizzja li tirriżulta mis-sentenzi tat‑13 ta’ Ġunju 1958, Meroni vs L-Awtorità Għolja (9/56, EU:C:1958:7), u tat‑18 ta’ Ġunju 2024, Il-Kummissjoni vs SRB (C‑551/22 P, EU:C:2024:520). Mill-punt 83 ta’ din l-aħħar sentenza jirriżulta b’mod partikolari li l-istess Artikolu 18 ma jagħtix lis-SRB is-setgħa li jadotta att li jipproduċi effetti legali awtonomi.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">54</p>
</td>
<td valign="top">
<p class="normal">Il-premessa 26 tal-imsemmi regolament tirrikonoxxi espressament il-ħtieġa li jiġu limitati s-setgħat tas-SRB li jirriżultaw minn din il-ġurisprudenza. Issa, l-interpretazzjoni tal-Artikolu 18 tal-istess regolament adottata mill-Qorti Ġenerali tagħti lis-SRB setgħa wiesgħa ħafna u mhux prevista f’dan l-artikolu li jiddetermina d-destin ta’ bank, mingħajr ma jkun neċessarju għalih, għal dan l-għan, li jikseb l-approvazzjoni tal-Kummissjoni jew tal-Kunsill.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">55</p>
</td>
<td valign="top">
<p class="normal">Sussegwentement, il-Qorti Ġenerali bbażat l-interpretazzjoni tagħha tal-imsemmi Artikolu 18 fuq żewġ argumenti żbaljati.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">56</p>
</td>
<td valign="top">
<p class="normal">Minn naħa, fir-rigward tal-motiv tal-Qorti Ġenerali bbażat fuq l-Artikolu 82(2) tad-Direttiva 2014/59, ABLV Bank issostni li din id-dispożizzjoni ma tapplikax f’dan il-każ u li l-assenza ta’ dispożizzjoni ekwivalenti fir-Regolament Nru 806/2014 ma tistax tiġi kklassifikata bħala lakuna involontarja. Barra minn hekk, mill-imsemmija dispożizzjoni jirriżulta li l-miżuri adottati wara deċiżjoni li ma tiġix adottata skema ta’ riżoluzzjoni jaqgħu esklużivament taħt l-awtoritajiet nazzjonali.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">57</p>
</td>
<td valign="top">
<p class="normal">Min-naħa l-oħra, il-motiv li jinsab fil-punt 84 tas-sentenza appellata, dwar allegat bżonn li jitneħħa kull dubju dwar is-segwitu li għandu jingħata fil-livell nazzjonali lill-evalwazzjoni tal-BĊE li istituzzjoni ta’ kreditu tinsab f’sitwazzjoni ta’ falliment li kien qiegħed iseħħ jew li x’aktarx kien ser iseħħ, huwa ta’ natura politika.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">58</p>
</td>
<td valign="top">
<p class="normal">Fl-aħħar nett, il-prassi segwita mis-SRB wara l-għeluq tal-fażi orali tal-proċedura fl-ewwel istanza ma hijiex koerenti mal-interpretazzjoni tal-Artikolu 18 ta’ dan ir-regolament li huwa ressaq f’din il-kawża u li ġiet adottata mill-Qorti Ġenerali fis-sentenza appellata, b’mod partikolari fil-punti 83 u 84 ta’ dik is-sentenza.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">59</p>
</td>
<td valign="top">
<p class="normal">Fit-tieni lok, il-Qorti Ġenerali ma ddeterminatx korrettament l-effetti legali tad-deċiżjonijiet ikkontestati, filwaqt li dan huwa stadju neċessarju sabiex tiġi eżaminata l-legalità tagħhom.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">60</p>
</td>
<td valign="top">
<p class="normal">B’mod partikolari, il-Qorti Ġenerali ma ppreċiżatx b’liema mod is-sitwazzjoni legali ta’ ABLV Bank u ta’ ABLV Bank Luxembourg ġiet emendata minn dawn id-deċiżjonijiet u llimitat ruħha li teżamina l-kwistjoni dwar jekk l-imsemmija deċiżjonijiet jimplikawx jew le “ordni ta’ stralċ”. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">61</p>
</td>
<td valign="top">
<p class="normal">Fit-tielet lok, il-konstatazzjoni tal-Qorti Ġenerali li d-deċiżjonijiet kontenzjużi ma jimponux l-istralċ ta’ ABLV Bank u ta’ ABLV Bank Luxembourg tiżnatura t-test ta’ dawn id-deċiżjonijiet u hija bbażata fuq żbalji.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">62</p>
</td>
<td valign="top">
<p class="normal">Qabelxejn, il-formulazzjoni magħżula fit-test ta’ dawn id-deċiżjonijiet, sa fejn din teżiġi li l-awtoritajiet nazzjonali ta’ riżoluzzjoni jimplimentaw l-imsemmija deċiżjonijiet konformement mal-kunsiderazzjonijiet li jinsabu fihom, ma tħalli ebda dubju dwar il-fatt li ABLV Bank u ABLV Bank Luxembourg kellhom jiġu llikwidati.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">63</p>
</td>
<td valign="top">
<p class="normal">Sussegwentement, il-Qorti Ġenerali assimilat b’mod żbaljat il-kunċett ta’ att li jista’ jiġi kkontestat, fis-sens tal-Artikolu 263 TFUE, ma’ dokument materjali speċifiku. Dan il-kunċett ikopri l-kontenut stess tad-deċiżjonijiet ikkontestati, peress li dokument materjali jikkostitwixxi biss prova f’dan ir-rigward, bl-istess mod bħal reklami magħmula fil-kuntest ta’ konferenza stampa. Issa, kif irrilevat il-Qorti Ġenerali fil-punt 17 tas-sentenza appellata, is-SRB ħabbar li d-deċiżjonijiet kontenzjużi kienu jinvolvu l-istralċ ta’ ABLV Bank u ta’ ABLV Bank Luxembourg.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">64</p>
</td>
<td valign="top">
<p class="normal">Fl-aħħar nett, il-Qorti Ġenerali wettqet żball fl-interpretazzjoni tal-kunċett ta’ destinatarju ta’ att, fis-sens tar-raba’ paragrafu tal-Artikolu 263 tal-Artikolu 297(2) TFUE. Hija kellha tikkunsidra li d-destinatarju ta’ att ma huwiex l-awtorità responsabbli għall-implimentazzjoni tiegħu, iżda l-persuna li s-sitwazzjoni legali tagħha tkun inbidlet. F’dan il-każ, ABLV Bank u ABLV Bank Luxembourg huma d-destinatarji tad-deċiżjonijiet kontenzjużi u l-persuni li jistgħu jinvokaw id-drittijiet mogħtija mill-Artikolu 41 tal-Karta.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">65</p>
</td>
<td valign="top">
<p class="normal">Fir-raba’ lok, id-deċiżjoni dwar ABLV Bank hija vvizzjata b’difetti proċedurali, li kellhom jitqajmu ex officio mill-Qorti Ġenerali u issa għandhom jitqajmu mill-Qorti tal-Ġustizzja. B’mod partikolari, id-drittijiet ta’ ABLV Bank li tinstema’ u ta’ aċċess għall-fajl ma ġewx irrispettati fil-proċedura li wasslet għall-adozzjoni ta’ din id-deċiżjoni. Barra minn hekk, l-imsemmija deċiżjoni ma ġietx ikkomunikata b’mod korrett lil din tal-aħħar u ebda espożizzjoni tal-motivi ma ġiet prodotta.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">66</p>
</td>
<td valign="top">
<p class="normal">Is-SRB iqis li l-ewwel aggravju għandu jiġi miċħud bħala parzjalment inammissibbli, parzjalment ineffettiv u parzjalment infondat.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">67</p>
</td>
<td valign="top">
<p class="normal">Il-BĊE jsostni li l-ewwel aggravju għandu jiġi miċħud bħala infondat.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">Il-kunsiderazzjonijiet tal-Qorti tal-Ġustizzja</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">68</p>
</td>
<td valign="top">
<p class="normal">Preliminarjament, għandu jiġi kkonstatat li l-argument ta’ ABLV Bank dwar l-allegati żbalji li wettqet il-Qorti Ġenerali meta ma ddeterminatx korrettament l-effetti legali tad-deċiżjonijiet kontenzjużi u billi ma rrilevatx id-difetti proċedurali li bihom hija vvizzjata d-deċiżjoni dwar ABLV Bank ma huwiex suffiċjentement ċar u preċiż sabiex jippermetti lill-Qorti tal-Ġustizzja teżerċita l-istħarriġ tagħha tal-legalità. L-imsemmi argument għandu għalhekk jiġi miċħud bħala inammissibbli, konformement mal-ġurisprudenza ċċitata fil-punti 45 u 46 ta’ din is-sentenza.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">69</p>
</td>
<td valign="top">
<p class="normal">Fir-rigward tal-argumenti l-oħra invokati minn ABLV Bank insostenn tal-ewwel aggravju tagħha, għandu jiġi rrilevat, f’dak li jirrigwarda, fl-ewwel lok, l-allegat żball ta’ liġi fir-rigward tal-interpretazzjoni tal-Artikolu 18 tar-Regolament Nru 806/2014, li l-Qorti Ġenerali ċaħdet, fil-punt 86 tas-sentenza appellata, it-tieni motiv imqajjem minn ABLV Bank fl-ewwel istanza, ibbażat fuq l-assenza ta’ kompetenza tas-SRB sabiex jieħu deċiżjoni formali li ma jadottax skema ta’ riżoluzzjoni fis-sens ta’ din id-dispożizzjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">70</p>
</td>
<td valign="top">
<p class="normal">F’dan ir-rigward, f’dak li għandu x’jaqsam, l-ewwel nett, mal-interpretazzjoni ta’ dan l-artikolu, minn ġurisprudenza stabbilita tal-Qorti tal-Ġustizzja jirriżulta li, sabiex tingħata interpretazzjoni ta’ dispożizzjoni tad-dritt tal-Unjoni, għandu jittieħed inkunsiderazzjoni mhux biss il-kliem tagħha, iżda wkoll il-kuntest tagħha u l-għanijiet imfittxija mil-leġiżlazzjoni li din tifforma parti minnha. (ara s-sentenzi tas‑17 ta’ Novembru 1983, Merck, 292/82, EU:C:1983:335, punt 12, u tal‑25 ta’ Frar 2025, BSH Hausgeräte, C‑339/22, EU:C:2025:108, punt 27).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">71</p>
</td>
<td valign="top">
<p class="normal">Qabelxejn, il-formulazzjoni tal-Artikolu 18 ta’ dan ir-regolament tistabbilixxi, fil-paragrafi 1 u 6 tiegħu, li s-SRB għandu jadotta skema ta’ riżoluzzjoni fir-rigward, b’mod partikolari, tal-istituzzjonijiet finanzjarji u tal-gruppi li jitqiesu li huma importanti għall-istabbiltà finanzjarja fl-Unjoni kif ukoll ta’ gruppi transkonfinali oħra biss jekk iqis li l-kundizzjonijiet li jinsabu fl-Artikolu 18(1)(a) sa (c) tal-imsemmi regolament huma ssodisfatti. Dawn il-kundizzjonijiet jirrigwardaw, l-ewwel, il-falliment li qiegħed iseħħ jew li x’aktarx ser iseħħ tal-entità jew tal-grupp ikkonċernat, it-tieni, l-assenza ta’ miżuri alternattivi fir-rigward tar-riżoluzzjoni kif ukoll, it-tielet, in-neċessità tagħha fl-interess pubbliku.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">72</p>
</td>
<td valign="top">
<p class="normal">Fir-rigward tal-ewwel waħda mill-imsemmija kundizzjonijiet, li tinsab fl-Artikolu 18(1)(a) tar-Regolament Nru 806/2014, mit-tieni subparagrafu tal-Artikolu 18(1) ta’ dan ir-regolament jirriżulta li l-evalwazzjoni ta’ din il-kundizzjoni għandha titwettaq mill-BĊE, wara konsultazzjoni mas-SRB u li dan tal-aħħar jista’ jwettaq tali evalwazzjoni biss jekk, wara li jkun informa lill-BĊE bl-intenzjoni tiegħu, dan ma jwettaqx din l-evalwazzjoni fi żmien tlett ijiem kalendarji minn meta jirċievi din l-informazzjoni. It-tielet subparagrafu ta’ dan l-Artikolu 18(1) jippreċiża li, meta l-BĊE jqis li l-imsemmija kundizzjoni hija ssodisfatta, huwa għandu jikkomunika l-evalwazzjoni tiegħu lill-Kummissjoni u lis-SRB mingħajr dewmien.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">73</p>
</td>
<td valign="top">
<p class="normal">L-evalwazzjoni tal-BĊE li l-entità kkonċernata tinsab f’sitwazzjoni ta’ falliment li qiegħed iseħħ jew li x’aktarx ser iseħħ fis-sens tal-Artikolu 18(1)(a) tar-Regolament Nru 806/2014 għandha bħala konsegwenza l-bidu tal-proċedura prevista fl-Artikolu 18 ta’ dan ir-regolament u, għaldaqstant, l-eżami tal-kundizzjonijiet previsti fl-Artikolu 18(1) tal-imsemmi regolament mis-SRB. Ara, f’dan is-sens, is-sentenza tas‑6 ta’ Mejju 2021, ABLV Bank et vs BĊE (C‑551/19 P u C‑552/19 P, EU:C:2021:369, punt 67).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">74</p>
</td>
<td valign="top">
<p class="normal">L-Artikolu 18 tal-istess regolament jipprevedi, għaldaqstant, il-kompetenza tas-SRB sabiex jeżamina l-kundizzjonijiet li jinsabu fil-paragrafu 1(a) sa (c) ta’ dan l-artikolu fil-każijiet kollha fejn il-proċedura ta’ riżoluzzjoni tinbeda abbażi tal-evalwazzjoni kkomunikata mill-BĊE, dwar il-falliment li kien qiegħed iseħħ jew li x’aktarx kien ser iseħħ tal-entità jew tal-grupp ikkonċernat, jew imwettqa mis-SRB innifsu, meta dan ikun esprima l-intenzjoni tiegħu li jwettaq tali evalwazzjoni, minkejja li l-imsemmi artikolu ma jinkludix indikazzjonijiet espliċiti dwar is-segwitu li għandu jingħata għal din il-proċedura ta’ riżoluzzjoni meta s-SRB iqis li dawn il-kundizzjonijiet ma humiex issodisfatti.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">75</p>
</td>
<td valign="top">
<p class="normal">Għaldaqstant, id-dispożizzjonijiet tal-Artikolu 18(7) tar-Regolament Nru 806/2014 jissuġġettaw id-dħul fis-seħħ tal-iskema ta’ riżoluzzjoni għall-approvazzjoni tagħha mill-Kummissjoni, fl-assenza ta’ oġġezzjonijiet min-naħa tagħha jew tal-Kunsill. (ara, f’dan is-sens, is-sentenza tat‑18 ta’ Ġunju 2024, Il-Kummissjoni vs SRB, C‑551/22 P, EU:C:2024:520, punt 80), tali parteċipazzjoni tal-Kummissjoni u tal-Kunsill ma hijiex prevista fil-każ fejn skema ta’ riżoluzzjoni ma tiġix adottata. Għalhekk, meta s-SRB iqis li l-kundizzjonijiet meħtieġa għall-adozzjoni ta’ skema ta’ riżoluzzjoni ma humiex issodisfatti, din il-konklużjoni tas-SRB tikkostitwixxi l-istadju finali tal-proċedura ta’ riżoluzzjoni prevista fl-Artikolu 18 ta’ dan ir-regolament.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">76</p>
</td>
<td valign="top">
<p class="normal">Sussegwentement, fir-rigward tal-kuntest madwar l-Artikolu 18 tal-imsemmi regolament, għandu jiġi rrilevat, minn naħa, li l-Artikolu 7(2) tal-istess regolament ma huwiex ta’ natura li jeskludi l-kompetenza tas-SRB sabiex jieħu deċiżjoni li ma jaddottax skema ta’ riżoluzzjoni. Fil-fatt, kif enfasizza l-Avukat Ġenerali fil-punt 23 tal-konklużjonijiet tiegħu, teżisti disparità bejn il-verżjonijiet lingwistiċi ta’ din id-dispożizzjoni. Għalhekk, anki jekk jitqies li minn uħud minn dawn il-verżjonijiet jista’ jirriżulta li s-SRB huwa kompetenti biss sabiex jadotta deċiżjonijiet ta’ riżoluzzjoni dwar, b’mod partikolari, l-istituzzjonijiet finanzjarji u l-gruppi li jitqiesu li huma importanti għall-istabbiltà finanzjarja fl-Unjoni kif ukoll ma’ gruppi transkonfinali oħra, xorta jibqa’ l-fatt li, skont verżjonijiet lingwistiċi oħra tal-imsemmija dispożizzjoni, dan għandu l-kompetenza sabiex jadotta d-deċiżjonijiet kollha “dwar ir-riżoluzzjoni” ta’ tali istituzzjonijiet finanzjarji jew gruppi.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">77</p>
</td>
<td valign="top">
<p class="normal">Issa, skont ġurisprudenza stabbilita, interpretazzjoni purament letterali ta’ verżjoni lingwistika waħda jew ta’ diversi verżjonijiet lingwistiċi ta’ test tad-dritt tal-Unjoni, bl-esklużjoni tal-oħrajn, ma tistax tipprevali, u dan peress li l-applikazzjoni uniformi tar-regoli tal-Unjoni teżiġi li dawn jiġu interpretati fid-dawl, b’mod partikolari, tal-verżjonijiet imfassla bil-lingwi kollha (sentenza tal‑10 ta’ Marzu 2022, Landkreis Gifhorn, C‑519/20, EU:C:2022:178, punt 76 u l-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">78</p>
</td>
<td valign="top">
<p class="normal">Min-naħa l-oħra, il-premessa 33 tar-Regolament Nru 806/2014 tippreċiża li s-SRB għandu jħejji d-“deċiżjonijiet kollha dwar il-proċedura ta' riżoluzzjoni” u, sa fejn ikun possibbli, jadotta dawn id-deċiżjonijiet.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">79</p>
</td>
<td valign="top">
<p class="normal">Tali preċiżazzjoni tindika li l-leġiżlatur tal-Unjoni adotta interpretazzjoni wiesgħa tat-tipi ta’ deċiżjonijiet li s-SRB huwa inkarigat li jadotta fil-kuntest tas-SRM.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">80</p>
</td>
<td valign="top">
<p class="normal">Fl-aħħar nett, fir-rigward tal-għanijiet imfittxija minn dan ir-regolament, li għandhom jittieħdu inkunsiderazzjoni, kif tfakkar fil-punt 70 ta’ din is-sentenza, sabiex jiġu interpretati d-dispożizzjonijiet tiegħu, mill-premessi 2, 10 sa 12, 31, 58 u 122 tal-imsemmi regolament jirriżulta li dan huwa intiż, permezz tal-istabbiliment ta’ proċess deċiżjonali uniformi u ċċentralizzat fil-qasam tar-riżoluzzjoni, li jiggarantixxi proċess deċiżjonali iktar rapidu u effikaċi għar-riżoluzzjoni fl-Unjoni Bankarja bl-għan b’mod partikolari li tiġi ggarantita prevedibbiltà ikbar fir-rigward tal-eżitu ta’ falliment ta’ bank, li tinżamm l-istabbiltà finanzjarja, li tiġi żgurata l-kontinwità tas-servizzi finanzjarji essenzjali u li jiġu protetti d-depożitanti (ara, f’dan is-sens, is-sentenzi tal‑4 ta’ Ottubru 2024, Aeris Invest vs Il-Kummissjoni u SRB, C‑535/22 P, EU:C:2024:819, punt 164, kif ukoll tal‑4 ta’ Ottubru 2024, García Fernández et vs Il-Kummissjoni u SRB, C‑541/22 P, EU:C:2024:820, punt 190).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">81</p>
</td>
<td valign="top">
<p class="normal">Issa, kif ġie rrilevat fil-punt 73 ta’ din is-sentenza, l-evalwazzjoni tal-BĊE li l-entità kkonċernata tinsab f’sitwazzjoni ta’ falliment li qiegħed iseħħ jew li x’aktarx ser iseħħ fis-sens tal-Artikolu 18(1)(a) tal-istess regolament, għandha bħala konsegwenza l-bidu tal-proċedura prevista fl-Artikolu 18 tiegħu u, għaldaqstant, l-eżami tal-kundizzjonijiet previsti f’dan l-Artikolu 18(1), mis-SRB.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">82</p>
</td>
<td valign="top">
<p class="normal">Għaldaqstant, interpretazzjoni tal-imsemmi Artikolu 18 fis-sens li s-SRB ma huwiex kompetenti sabiex jieħu deċiżjoni li ma jaddottax skema ta’ riżoluzzjoni meta jqis li dawn il-kundizzjonijiet ma humiex issodisfatti ma tippermettix li tiġi żgurata trasparenza suffiċjenti fir-rigward tal-eżitu tal-proċedura ta’ riżoluzzjoni mmexxija mis-SRB wara konstatazzjoni ta’ entità li qiegħda tfalli jew li x’aktarx ser tfalli u li b’hekk tiġi ggarantita ċerta prevedibbiltà fir-rigward tal-konsegwenzi ta’ tali falliment, b’mod partikolari fir-rigward tal-miżuri li ser jittieħdu wara tali konstatazzjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">83</p>
</td>
<td valign="top">
<p class="normal">F’dan ir-rigward, kif ġie rrilevat fil-punt 75 ta’ din is-sentenza, fil-każ li s-SRB iqis li l-imsemmija kundizzjonijiet ma humiex issodisfatti, din il-konklużjoni tas-SRB tikkostitwixxi l-istadju finali tal-proċedura ta’ riżoluzzjoni prevista fl-Artikolu 18 tar-Regolament Nru 806/2014. Issa, għal raġunijiet ta’ trasparenza, l-awtoritajiet nazzjonali kompetenti għandhom jiġu informati dwar l-eżitu tal-proċedura ta’ riżoluzzjoni mmexxija mis-SRB.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">84</p>
</td>
<td valign="top">
<p class="normal">Fid-dawl ta’ dawn l-elementi kollha, il-Qorti Ġenerali ma wettqitx żball ta’ liġi meta qieset li l-Artikolu 18 ta’ dan ir-regolament għandu jiġi interpretat fis-sens li s-SRB huwa kompetenti sabiex jieħu deċiżjoni li ma jadottax skema ta’ riżoluzzjoni meta jqis li l-kundizzjonijiet previsti fil-paragrafu 1 ta’ dan l-artikolu ma humiex issodisfatti.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">85</p>
</td>
<td valign="top">
<p class="normal">Kuntrarjament għal dak li ssostni ABLV Bank, din il-konklużjoni ma hijiex ikkontestata mill-ġurisprudenza tal-Qorti tal-Ġustizzja li tirriżulta mis-sentenzi tat‑13 ta’ Ġunju 1958, Meroni vs L-Awtorità Għolja (9/56, EU:C:1958:7), u tat‑18 ta’ Ġunju 2024, Il-Kummissjoni vs SRB (C‑551/22 P, EU:C:2024:520).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">86</p>
</td>
<td valign="top">
<p class="normal">F’dan ir-rigward, għandu jitfakkar li s-sistema stabbilita mill-imsemmi regolament hija bbażata fuq il-konstatazzjoni, stabbilita essenzjalment fil-premessi 24 u 26 tiegħu, li l-eżerċizzju tas-setgħat ta’ riżoluzzjoni previsti mill-istess regolament jaqa’ taħt il-politika tal-Unjoni fil-qasam tar-riżoluzzjoni, li huma biss l-istituzzjonijiet tal-Unjoni li jistgħu jiddefinixxu, u li jeżisti marġni ta’ diskrezzjoni fl-adozzjoni ta’ kull skema ta’ riżoluzzjoni speċifika, fid-dawl tar-riperkussjonijiet kunsiderevoli tad-deċiżjonijiet ta’ riżoluzzjoni fuq l-istabbiltà finanzjarja tal-Istati Membri u fuq l-Unjoni nnifisha, kif ukoll fuq is-sovranità baġitarja tal-Istati Membri. Minn dawn il-premessi jirriżulta li l-leġiżlatur tal-Unjoni qies, għal dawn ir-raġunijiet, li huwa neċessarju li jipprevedi l-parteċipazzjoni xierqa tal-Kunsill u tal-Kummissjoni, jiġifieri parteċipazzjoni li ssaħħaħ l-indipendenza operattiva neċessarja tas-SRB filwaqt li jiġu osservati l-prinċipji ta’ delega tas-setgħat lill-aġenziji identifikati fis-sentenza tat‑13 ta’ Ġunju 1958, Meroni vs L-Awtorità Għolja (9/56, EU:C:1958:7), u mfakkra fis-sentenza tat‑22 ta’ Jannar 2014, Ir-Renju Unit vs Il-Parlament u l-Kunsill (C‑270/12, EU:C:2014:18). (ara, f’dan is-sens, is-sentenza tat‑18 ta’ Ġunju 2024, Il-Kummissjoni vs SRB, C‑551/22 P, EU:C:2024:520, punt 69).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">87</p>
</td>
<td valign="top">
<p class="normal">F’dawn l-ewwel żewġ sentenzi, il-Qorti tal-Ġustizzja essenzjalment iddeċidiet li l-konsegwenzi li jirriżultaw minn delega ta’ setgħat huma differenti ħafna skont jekk din tal-aħħar tkunx tirrigwarda, min-naħa, setgħat ta’ eżekuzzjoni ddelimitati b’mod ċar u li l-użu tagħhom, għalhekk, jista’ jkun suġġett għal kontroll rigoruż fid-dawl ta’ kriterji oġġettivi stabbiliti mill-awtorità li tiddelega, jew, min-naħa l-oħra, “setgħa diskrezzjonali, li timplika libertà ta’ diskrezzjoni wiesgħa, li tista’ tirriżulta skont l-użu li jsir minnha, f’politika ekonomika reali” (sentenza tat‑18 ta’ Ġunju 2024, Il-Kummissjoni vs SRB, C‑551/22 P, EU:C:2024:520, punt 70 u l-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">88</p>
</td>
<td valign="top">
<p class="normal">Delega tal-ewwel tip ma tistax tbiddel b’mod sinjifikattiv il-konsegwenzi li jwassal għalihom l-eżerċizzju tas-setgħat li hija taffettwa, filwaqt li delega tat-tieni tip, billi tissostitwixxi l-għażliet tal-awtorità ddelegata flok dawk tal-awtorità li tiddelega, twettaq “trasferiment effettiv tar-responsabbiltà” (sentenza tat‑18 ta’ Ġunju 2024, Il-Kummissjoni vs SRB, C‑551/22 P, EU:C:2024:520, punt 71 u l-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">89</p>
</td>
<td valign="top">
<p class="normal">Il-Qorti tal-Ġustizzja ppreċiżat ukoll li l-ġurisprudenza li tirriżulta mis-sentenza tat‑13 ta’ Ġunju 1958, Meroni vs L-Awtorità Għolja (9/56, EU:C:1958:7), hija bbażata fuq il-premessa li l-bilanċ tas-setgħat, karatteristika tal-istruttura istituzzjonali tal-Unjoni, jikkostitwixxi garanzija fundamentali mogħtija mit-Trattati u li d-delega ta’ setgħa diskrezzjonali wiesgħa tippreġudika din il-garanzija, inkwantu din tagħti din is-setgħa lil awtoritajiet differenti minn dawk li ġew stabbiliti mit-Trattati sabiex jiżguraw u jikkontrollaw l-eżerċizzju tagħha fil-kuntest tal-kompetenzi rispettivi tagħhom. (ara, f’dan is-sens, is-sentenza tat‑18 ta’ Ġunju 2024, Il-Kummissjoni vs SRB, C‑551/22 P, EU:C:2024:520, punt 72).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">90</p>
</td>
<td valign="top">
<p class="normal">Minn din il-ġurisprudenza jirriżulta li l-validità ta’ delega ta’ setgħat lil aġenzija, fid-dawl tal-bilanċ tas-setgħat iggarantit mit-Trattati, tiddependi mill-kwistjoni dwar jekk din id-delega tirrigwardax setgħa diskrezzjonali wiesgħa jew, għall-kuntrarju, setgħat ta’ implementazzjoni ddefiniti b’mod preċiż. (ara, f’dan is-sens, is-sentenza tat‑18 ta’ Ġunju 2024, Il-Kummissjoni vs SRB, C‑551/22 P, EU:C:2024:520, punt 73).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">91</p>
</td>
<td valign="top">
<p class="normal">Fir-rigward tad-dispożizzjonijiet tal-Artikolu 18 tar-Regolament Nru 806/2014, il-Qorti tal-Ġustizzja ddeċidiet li dawn huma ta’ natura li jevitaw “trasferiment effettiv tar-responsabbiltà”, fis-sens tal-ġurisprudenza li tirriżulta mis-sentenza tat‑13 ta’ Ġunju 1958, Meroni vs L-Awtorità Għolja (9/56, EU:C:1958:7).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">92</p>
</td>
<td valign="top">
<p class="normal">Fil-fatt, filwaqt li jagħtu lis-SRB is-setgħa li jevalwa jekk il-kundizzjonijiet għall-adozzjoni ta’ skema ta’ riżoluzzjoni humiex issodisfatti fil-każ ineżami u dik li jiddetermina l-istrumenti neċessarji għall-finijiet ta’ tali skema, dawn id-dispożizzjonijiet jagħtu lill-Kummissjoni jew, jekk ikun il-każ, lill-Kunsill ir-responsabbiltà għall-evalwazzjoni finali tal-aspetti diskrezzjonali tiegħu li jaqgħu taħt il-politika tal-Unjoni fil-qasam tar-riżoluzzjoni tal-istituzzjonijiet ta’ kreditu u li, jinvolvu bbilanċjar speċifiku tal-għanijiet u tal-interessi differenti, intiżi għas-salvagwardja tal-istabbiltà finanzjarja tal-Unjoni u tal-integrità tas-suq intern, it-teħid inkunsiderazzjoni tas-sovranità baġitarja tal-Istati Membri kif ukoll il-protezzjoni tal-interessi tal-azzjonisti u tal-kredituri. (ara, f’dan is-sens, is-sentenza tat‑18 ta’ Ġunju 2024, Il-Kummissjoni vs SRB, C‑551/22 P, EU:C:2024:520, punt 81).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">93</p>
</td>
<td valign="top">
<p class="normal">Barra minn hekk, għalkemm l-imsemmija dispożizzjonijiet jagħtu lis-SRB setgħa diskrezzjonali wiesgħa fir-rigward tal-kwistjoni dwar jekk u b’liema mezzi l-entità kkonċernata għandha tkun suġġetta għal proċedura ta’ riżoluzzjoni, din is-setgħa hija, skont l-Artikolu 18(1) u (4) sa (6) tar-Regolament SRM, irregolata minn kriterji u kundizzjonijiet oġġettivi li jiddelimitaw il-kamp ta’ azzjoni tas-SRB u jirrigwardaw kemm il-kundizzjonijiet għar-riżoluzzjoni kif ukoll l-istrumenti ta’ riżoluzzjoni. Barra minn hekk, l-imsemmi regolament jipprevedi l-parteċipazzjoni tal-Kummissjoni u tal-Kunsill fil-proċedura li twassal għall-adozzjoni ta’ skema ta’ riżoluzzjoni, li, sabiex tidħol fis-seħħ, għandha tirċievi l-approvazzjoni tal-Kummissjoni u, jekk ikun il-każ, tal-Kunsill (sentenza tat‑18 ta’ Ġunju 2024, Il-Kummissjoni vs SRB, C‑551/22 P, EU:C:2024:520, punt 77).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">94</p>
</td>
<td valign="top">
<p class="normal">Għalhekk, il-Qorti tal-Ġustizzja qieset li, għalkemm l-Artikoli 7 u 18 tal-imsemmi regolament jipprevedu li s-SRB huwa inkarigat li jfassal u jadotta skema ta’ riżoluzzjoni, dawn madankollu ma jagħtuhx is-setgħa li jadotta att li jipproduċi effetti legali awtonomi. Hija ppreċiżat li, fil-kuntest tal-proċedura ta’ riżoluzzjoni prevista fl-Artikolu 18 tal-istess regolament, l-approvazzjoni tal-Kummissjoni tikkostitwixxi element indispensabbli kemm għad-dħul fis-seħħ ta’ skema ta’ riżoluzzjoni kif ukoll għad-determinazzjoni tal-kontenut ta’ din tal-aħħar. (ara, f’dan is-sens, is-sentenza tat‑18 ta’ Ġunju 2024, Il-Kummissjoni vs SRB, C‑551/22 P, EU:C:2024:520, punti 83 u 84).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">95</p>
</td>
<td valign="top">
<p class="normal">Kuntrarjament għal dak li tallega ABLV Bank, minn dan ma jistax jiġi dedott li l-Qorti tal-Ġustizzja ddeċidiet li s-SRB fl-ebda każ ma għandu s-setgħa li jadotta att li jipproduċi effetti legali awtonomi.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">96</p>
</td>
<td valign="top">
<p class="normal">Fil-fatt, il-kunsiderazzjonijiet li jinsabu fil-punt 83 tas-sentenza tat‑18 ta’ Ġunju 2024, Il-Kummissjoni vs SRB (C‑551/22 P, EU:C:2024:520), huma intiżi li jiġġustifikaw l-evalwazzjoni, li tinsab fil-punt 82 ta’ din is-sentenza, li tgħid li jkun kuntrarju kemm għas-setgħat mogħtija lis-SRB mir-Regolament Nru 806/2014 kif ukoll għall-ġurisprudenza li tirriżulta mis-sentenza tat‑13 ta’ Ġunju 1958, Meroni vs L-Awtorità Għolja (9/56, EU:C:1958:7), li jitqies li skema ta’ riżoluzzjoni tista’ tipproduċi effetti legali vinkolanti indipendentement mid-deċiżjoni ta’ approvazzjoni mill-Kummissjoni. Il-konstatazzjoni li tinsab f’dan il-punt 83, li l-Artikoli 7 u 18 ta’ dan ir-regolament ma jagħtux lis-SRB is-setgħa li jadotta att li jipproduċi effetti legali awtonomi, tirrigwarda għalhekk biss l-iskemi ta’ riżoluzzjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">97</p>
</td>
<td valign="top">
<p class="normal">Barra minn hekk, għalkemm, kif tirrileva ABLV Bank, il-Qorti tal-Ġustizzja ddeċidiet, fis-sentenza tat‑18 ta’ Ġunju 2024, Il-Kummissjoni vs SRB, (C‑551/22 P, EU:C:2024:520), li kienet meħtieġa parteċipazzjoni xierqa tal-Kummissjoni u tal-Kunsill fil-kuntest tal-adozzjoni ta’ skema ta’ riżoluzzjoni sabiex jiġi evitat “trasferiment tar-responsabbiltà”, il-Qorti tal-Ġustizzja bbażat ruħha, għal dan l-għan, fil-punti 75 sa 81 ta’ din is-sentenza, fuq kumulu ta’ elementi li jikkaratterizzaw l-adozzjoni, mis-SRB, ta’ skema ta’ riżoluzzjoni. Issa, ma jkunx hemm dawn l-elementi meta s-SRB jiddeċiedi li ma jaddottax skema ta’ riżoluzzjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">98</p>
</td>
<td valign="top">
<p class="normal">Minn naħa, kif irrilevat il-Qorti tal-Ġustizzja fil-punt 76 tal-imsemmija sentenza, l-Artikolu 18(6) tar-Regolament Nru 806/2014 jippreċiża li, meta l-kundizzjonijiet stabbiliti fil-paragrafu 1 ta’ dan l-Artikolu 18 ikunu ssodisfatti, is-SRB għandu jadotta skema ta’ riżoluzzjoni li tissuġġetta lill-entità kkonċernata għal proċedura ta’ riżoluzzjoni u jiddetermina l-applikazzjoni għaliha tal-għodod ta’ riżoluzzjoni msemmija fl-Artikolu 22(2) ta’ dan ir-regolament kif ukoll l-użu tas-SRF. L-Artikolu 22(4) tal-imsemmi regolament jispeċifika li dawn l-istrumenti jistgħu, bl-eċċezzjoni ta’ dak ta’ separazzjoni tal-assi, jiġu applikati separatament jew flimkien sabiex jintlaħqu l-għanijiet tar-riżoluzzjoni previsti fl-Artikolu 14 tal-istess regolament, konformement mal-prinċipji tar-riżoluzzjoni ddefiniti fl-Artikolu 15 ta’ dan tal-aħħar.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">99</p>
</td>
<td valign="top">
<p class="normal">Minn dan il-Qorti tal-Ġustizzja ddeduċiet, fil-punti 77 u 81 tal-istess sentenza, li, sabiex tiġi adottata skema ta’ riżoluzzjoni, is-SRB għandu jevalwa, b’mod diskrezzjonali, żewġ aspetti distinti tas-sitwazzjoni inkwistjoni, l-ewwel wieħed dwar jekk il-kundizzjonijiet li jiġġustifikaw l-adozzjoni ta’ tali skema humiex issodisfatti u t-tieni wieħed dwar id-determinazzjoni tal-għodod ta’ riżoluzzjoni neċessarji għal dan l-għan kif ukoll, jekk ikun il-każ, l-użu tas-SRF.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">100</p>
</td>
<td valign="top">
<p class="normal">Issa, l-adozzjoni, mis-SRB, ta’ deċiżjoni li ma tiġix adottata skema ta’ riżoluzzjoni teħtieġ biss li s-SRB jikkonkludi li l-kundizzjonijiet kumulattivi li jiġġustifikaw l-adozzjoni ta’ tali skema ma humiex issodisfatti, u dan jeżentah milli jkollu jiddetermina l-istrumenti li kienu jkunu neċessarji għar-riżoluzzjoni tal-istituzzjoni inkwistjoni. Issa, id-determinazzjoni ta’ dawn l-istrumenti teħtieġ, kif tfakkar fil-punt 92 ta’ din is-sentenza, ibbilanċjar speċifiku tal-għanijiet u tal-interessi differenti, intiżi għas-salvagwardja tal-istabbiltà finanzjarja tal-Unjoni u tal-integrità tas-suq intern, it-teħid inkunsiderazzjoni tas-sovranità baġitarja tal-Istati Membri kif ukoll il-protezzjoni tal-interessi tal-azzjonisti u tal-kredituri.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">101</p>
</td>
<td valign="top">
<p class="normal">Minn dan isegwi li l-portata tal-evalwazzjonijiet diskrezzjonali li għandhom jitwettqu mis-SRB sabiex jiddeċiedi li ma jadottax skema ta’ riżoluzzjoni hija neċessarjament iktar limitata minn dik tal-evalwazzjonijiet li għandhom isiru mis-SRB sabiex jiddeċiedi li jadotta skema ta’ riżoluzzjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">102</p>
</td>
<td valign="top">
<p class="normal">Fil-fatt, kif ippreċiżat il-Qorti tal-Ġustizzja fil-punt 77 tas-sentenza tat‑18 ta’ Ġunju 2024, Il-Kummissjoni vs SRB, C‑551/22 P, EU:C:2024:520, is-setgħa tas-SRB li jevalwa jekk il-kundizzjonijiet previsti fl-Artikolu 18(1) tar-Regolament Nru 806/2014 humiex issodisfatti hija, skont il-paragrafi 1, 4 u 5 tal-Artikolu 18 ta’ dan ir-regolament, irregolata minn kriterji u minn kundizzjonijiet oġġettivi li jiddelimitaw il-kamp ta’ azzjoni tas-SRB (ara, b’analoġija, is-sentenza tat‑22 ta’ Jannar 2014, Ir-Renju Unit vs Il-Parlament u l-Kunsill, C‑270/12, EU:C:2014:18, punt 45).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">103</p>
</td>
<td valign="top">
<p class="normal">Min-naħa l-oħra, għall-kuntrarju ta’ skema ta’ riżoluzzjoni, deċiżjoni li ma tiġix adottata skema ta’ riżoluzzjoni ma jistax ikollha l-effett, minnha nnifisha, li timponi miżuri konkreti jew li timpenja fondi, peress li l-uniku effett tagħha huwa li ttemm il-proċedura ta’ riżoluzzjoni mmexxija mis-SRB.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">104</p>
</td>
<td valign="top">
<p class="normal">Fid-dawl ta’ dawn il-kunsiderazzjonijiet kollha, għandu jiġi miċħud bħala infondat l-argument ta’ ABLV Bank li l-interpretazzjoni tal-Artikolu 18(1) tal-imsemmi regolament adottata mill-Qorti Ġenerali fis-sentenza appellata ma għandha ebda bażi fil-formulazzjoni ta’ din id-dispożizzjoni u lanqas fl-istess regolament u tikser il-limiti tas-setgħat tas-SRB iddefiniti fl-imsemmija dispożizzjoni kif jirriżultaw mill-ġurisprudenza tal-Qorti tal-Ġustizzja li tirriżulta mis-sentenzi tat‑13 ta’ Ġunju 1958, Meroni vs L-Awtorità Għolja (9/56, EU:C:1958:7), u tat‑18 ta’ Ġunju 2024, Il-Kummissjoni vs SRB (C‑551/22 P, EU:C:2024:520).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">105</p>
</td>
<td valign="top">
<p class="normal">It-tieni, fir-rigward tal-argument ta’ ABLV Bank dirett kontra l-punti 83 u 84 tas-sentenza appellata, għandu jiġi kkonstatat li dan huwa bbażat fuq interpretazzjoni żbaljata ta’ din is-sentenza, b’tali mod li għandu jiġi miċħud bħala infondat.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">106</p>
</td>
<td valign="top">
<p class="normal">Fil-fatt, l-evalwazzjoni li tinsab fil-punt 84 tal-imsemmija sentenza, dwar, essenzjalment, ir-riskju ta’ inċertezza li jirriżulta minn assenza ta’ kompetenza tas-SRB sabiex jadotta deċiżjoni li ma tiġix implimentata skema ta’ riżoluzzjoni, hija relatata ma’ wieħed mill-għanijiet imfittxija mill-Artikolu 18 tar-Regolament Nru 806/2014, jiġifieri n-neċessità, imfakkra fil-punt 82 ta’ din is-sentenza, li tiġi żgurata trasparenza suffiċjenti fir-rigward tal-eżitu tal-proċedura ta’ riżoluzzjoni mmexxija mis-SRB wara konstatazzjoni ta’ entità li qiegħda tfalli jew li x’aktarx ser tfalli u li b’hekk tiġi ggarantita ċerta prevedibbiltà fir-rigward tal-eżitu ta’ tali falliment, b’mod partikolari fir-rigward tal-miżuri li ser jittieħdu wara tali konstatazzjoni. Konsegwentement, il-Qorti Ġenerali ma tistax tiġi kkritikata b’mod validu li bbażat ruħha fuq l-eżistenza ta’ dan ir-riskju.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">107</p>
</td>
<td valign="top">
<p class="normal">Barra minn hekk, kuntrarjament għal dak li ssostni ABLV Bank, il-Qorti Ġenerali ma kkonstatatx, fil-punt 83 tal-istess sentenza, li l-Artikolu 82(2) tad-Direttiva 2014/59 huwa applikabbli għas-SRB, iżda rreferiet għal din id-dispożizzjoni b’analoġija, fil-kuntest ta’ analiżi kuntestwali tal-Artikolu 18 ta’ dan ir-regolament. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">108</p>
</td>
<td valign="top">
<p class="normal">Barra minn hekk, anki jekk jitqies li, permezz tal-argument tagħha dirett kontra dan il-punt 83, ABLV Bank tallega li l-Qorti Ġenerali wettqet żball ta’ liġi meta wettqet tali analoġija, huwa biżżejjed li jiġi kkonstatat li, fid-dawl tal-kunsiderazzjonijiet li jinsabu fil-punti 71 sa 103 ta’ din is-sentenza, in-natura żbaljata ta’ tali analoġija ma hijiex, fi kwalunkwe każ, ta’ natura li turi li s-SRB ma huwiex kompetenti sabiex jieħu deċiżjoni li ma jadottax skema ta’ riżoluzzjoni u, għaldaqstant, sabiex jikkontesta ċ-ċaħda, mill-Qorti Ġenerali, tat-tieni motiv imqajjem minn ABLV Bank fl-ewwel istanza. Tali argument għandu għalhekk, fi kwalunkwe każ, jiġi miċħud bħala ineffettiv.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">109</p>
</td>
<td valign="top">
<p class="normal">It-tielet, l-istess japplika fir-rigward tal-argument ta’ ABLV Bank ibbażat fuq il-prassi segwita mis-SRB wara l-għeluq tal-fażi orali tal-proċedura fl-ewwel istanza. Fil-fatt, il-fatt li din il-prattika ma hijiex koerenti mal-interpretazzjoni tal-Artikolu 18 tar-Regolament Nru 806/2014 li s-SRB ressaq quddiem il-Qorti Ġenerali u li dan adotta, jekk jitqies li huwa stabbilit, ma jistax, fi kwalunkwe każ, jikkontesta l-interpretazzjoni ta’ din id-dispożizzjoni adottata mill-Qorti Ġenerali fis-sentenza appellata.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">110</p>
</td>
<td valign="top">
<p class="normal">Fit-tieni lok, fir-rigward tal-argument ta’ ABLV Bank dirett kontra l-konstatazzjoni tal-Qorti Ġenerali li d-deċiżjonijiet kontenzjużi ma jimponux l-istralċ ta’ ABLV Bank u ta’ ABLV Bank Luxembourg, għandu jiġi rrilevat li l-Qorti Ġenerali ċaħdet, fil-punt 78 ta’ din is-sentenza, l-ewwel motiv imqajjem minn ABLV Bank fl-ewwel istanza, li permezz tiegħu hija sostniet li s-SRB kien eċċeda l-kompetenza mogħtija lilu minn dan ir-regolament billi ordna l-istralċ ta’ ABLV Bank.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">111</p>
</td>
<td valign="top">
<p class="normal">L-ewwel, fir-rigward tal-argument ta’ ABLV Bank ibbażat fuq allegati żbalji li jivvizzjaw id-deċiżjoni dwar ABLV Bank Luxembourg, huwa biżżejjed li jiġi kkonstatat li tali żbalji, jekk jitqiesu stabbiliti, ma jistgħux jikkontestaw iċ-ċaħda, mill-Qorti Ġenerali, tal-ewwel motiv imqajjem minn ABLV Bank fl-ewwel istanza, peress li l-eżami fil-mertu tar-rikors għal annullament ippreżentat minnha kien jirrigwarda biss id-deċiżjoni dwar ABLV Bank, peress li r-rikors ippreżentat minn din tal-aħħar kontra d-deċiżjoni dwar ABLV Bank Luxembourg ġie ddikjarat inammissibbli mill-Qorti Ġenerali fil-punt 61 tal-imsemmija sentenza. Għaldaqstant dan l-argument għandu jiġi miċħud bħala, fi kwalunkwe każ, ineffettiv.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">112</p>
</td>
<td valign="top">
<p class="normal">It-tieni, fir-rigward tal-allegazzjoni ta’ ABLV Bank li l-Qorti Ġenerali interpretat b’mod żbaljat it-test tad-deċiżjoni dwar ABLV Bank billi kkonstatat, fil-punt 76 tas-sentenza appellata, li, permezz ta’ din id-deċiżjoni, is-SRB ma ddeċidiex l-istralċ ta’ din l-istituzzjoni ta’ kreditu, għandu jiġi rrilevat li mit-test tal-imsemmija deċiżjoni ma jirriżultax li din il-konstatazzjoni tal-Qorti Ġenerali hija ineżatta.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">113</p>
</td>
<td valign="top">
<p class="normal">L-argument ta’ ABLV Bank ibbażat fuq qari żbaljat tad-deċiżjoni dwar ABLV Bank għandu għalhekk jiġi miċħud bħala infondat.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">114</p>
</td>
<td valign="top">
<p class="normal">Barra minn hekk, anki jekk jitqies li, permezz ta’ dan l-argument, ABLV Bank tallega li l-Qorti Ġenerali wettqet żball ta’ liġi meta qieset, fil-punt 75 tas-sentenza appellata, li d-deċiżjoni dwar ABLV Bank ma timponix l-istralċ tagħha, tali argument għandu, fi kwalunkwe każ, jiġi miċħud bħala infondat, peress li l-Qorti Ġenerali ddeċidiet, ġustament, f’dan il-punt 75, li l-istralċ ta’ ABLV Bank ma rriżultax minn din id-deċiżjoni, iżda minn deċiżjoni meħuda mill-azzjonisti tagħha wara l-imsemmija deċiżjoni. Ara, f’dan ir-rigward, is-sentenzi tas‑6 ta’ Mejju 2021, ABLV Bank et vs BĊE, C‑551/19 P u C‑552/19 P, EU:C:2021:369, punt 49, u tal‑24 ta’ Frar 2022, Bernis et vs SRB, C‑364/20 P, EU:C:2022:115, punti 50, 51, 77 u 78.).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">115</p>
</td>
<td valign="top">
<p class="normal">It-tielet nett, fir-rigward tal-allegat żball ta’ liġi dwar it-teħid inkunsiderazzjoni tat-test biss tad-deċiżjonijiet kontenzjużi, bl-esklużjoni ta’ avviżi pubbliċi magħmula mill-awtur tagħhom, għandu jiġi kkonstatat li dan l-argument huwa bbażat fuq qari żbaljat tas-sentenza appellata, b’tali mod li għandu jiġi miċħud bħala infondat.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">116</p>
</td>
<td valign="top">
<p class="normal">Fil-fatt, billi kkonstatat, fil-punt 77 ta’ din is-sentenza, li l-istqarrija għall-istampa tas-SRB tal‑24 ta’ Frar 2018 ma tissostitwixxix id-deċiżjonijiet kontenzjużi u ma tistax toħloq obbligi li ma jirriżultawx minnhom, il-Qorti Ġenerali ma kkunsidratx li t-test ta’ dawn id-deċiżjonijiet huwa l-uniku element li jista’ jittieħed inkunsiderazzjoni, bl-esklużjoni ta’ kull element ieħor, sabiex tiġi ddeterminata l-portata tagħhom, iżda ddeċidiet, essenzjalment, li stqarrija għall-istampa jista’ jkollha biss rwol komplementari għal dan l-għan u għalhekk ma tistax tikkontesta l-evalwazzjoni li tirriżulta mit-test stess tal-imsemmija deċiżjonijiet.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">117</p>
</td>
<td valign="top">
<p class="normal">Ir-raba’ nett, fir-rigward tal-allegat żball li wettqet il-Qorti Ġenerali meta ma interpretatx b’mod korrett il-kunċett ta’ “destinatarju”, fis-sens tar-raba’ paragrafu tal-Artikolu 263 tal-Artikolu 297(2) TFUE, tali żball ma jistax, fi kwalunkwe każ, jikkontesta l-konstatazzjoni tal-Qorti Ġenerali, li tinsab fil-punt 76 tas-sentenza appellata, li d-deċiżjoni dwar ABLV Bank ma timponix il-likwidazzjoni tagħha u, għaldaqstant, iċ-ċaħda tal-ewwel motiv imqajjem minn ABLV Bank fl-ewwel istanza. L-argument ta’ ABLV Bank ibbażat fuq tali żball għandu għalhekk jiġi miċħud bħala, fi kwalunkwe każ, ineffettiv.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">118</p>
</td>
<td valign="top">
<p class="normal">Barra minn hekk, fir-rigward tal-argument li dan l-iżball ċaħħad lil ABLV Bank u lil ABLV Bank Luxembourg mid-drittijiet tagħhom iggarantiti fl-Artikolu 41 tal-Karta, huwa biżżejjed li jiġi kkonstatat li dan ma huwiex suffiċjentement ċar u preċiż sabiex jippermetti lill-Qorti tal-Ġustizzja teżerċita l-istħarriġ tagħha u li dan għandu, għaldaqstant, jiġi ddikjarat inammissibbli, konformement mal-ġurisprudenza ċċitata fil-punti 45 u 46 ta’ din is-sentenza.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">119</p>
</td>
<td valign="top">
<p class="normal">Isegwi li l-ewwel aggravju għandu jiġi miċħud bħala parzjalment inammissibbli, parzjalment ineffettiv u parzjalment infondat.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq it-tieni aggravju</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">L-argumenti tal-partijiet</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">120</p>
</td>
<td valign="top">
<p class="normal">ABLV Bank issostni, essenzjalment, li l-Qorti Ġenerali wettqet żbalji ta’ liġi u żnaturamenti tal-fatti fl-eżami tat-tielet u tar-raba’ motivi ppreżentati fl-ewwel istanza, relatati mal-evalwazzjoni, mis-SRB, tal-eżistenza ta’ sitwazzjoni ta’ falliment li seħħ jew li x’aktarx ser iseħħ ta’ ABLV Bank, fis-sens tal-Artikolu 18(1)(a) tar-Regolament Nru 806/2014.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">121</p>
</td>
<td valign="top">
<p class="normal">Fl-ewwel lok, il-Qorti Ġenerali adottat, fil-punti 90 sa 96 tas-sentenza appellata, kunċett eċċessivament restrittiv tal-portata tal-istħarriġ ġudizzjarju li l-qrati tal-Unjoni għandhom iwettqu fir-rigward tal-evalwazzjoni tal-eżistenza ta’ falliment li qiegħed iseħħ jew li x’aktarx ser iseħħ ta’ istituzzjoni ta’ kreditu, u b’hekk kisret l-Artikolu 47 tal-Karta kif ukoll il-ġurisprudenza tal-Qorti tal-Ġustizzja u dik tal-Qorti Ewropea tad-Drittijiet tal-Bniedem. Il-Qorti Ġenerali kienet żbaljata meta kkunsidrat li dan l-istħarriġ għandu jkun iktar limitat minn dak imwettaq mill-qrati nazzjonali fil-qasam tal-insolvenza. Barra minn hekk, il-livell ta’ stħarriġ ġudizzjarju tal-qrati tal-Unjoni għandu jkun proporzjonali għall-konsegwenzi tad-deċiżjoni kkonċernata.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">122</p>
</td>
<td valign="top">
<p class="normal">Fit-tieni lok, il-Qorti Ġenerali, fil-punti 103 sa 109 ta’ dik is-sentenza, żnaturat il-proċess li ġie ppreżentat lilha billi ddeċidiet li d-deċiżjoni dwar l-ABLV Bank kien fiha evalwazzjoni impliċita tal-falliment attwali jew prevedibbli tal-ABLV Bank mis-SRB, minkejja li dan tal-aħħar kien indika, b’mod partikolari fil-punt 124 tar-risposta tiegħu, li l-BĊE kien wettaq din l-evalwazzjoni waħdu u li s-SRB kien ġie biss ikkonsultat.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">123</p>
</td>
<td valign="top">
<p class="normal">Fit-tielet lok, il-Qorti Ġenerali żnaturat il-fatti b’ommissjoni billi ma ħaditx inkunsiderazzjoni s-sentenza tat-Tribunal d’arrondissement de Luxembourg (il-Qorti Distrettwali tal-Lussemburgu) tad‑9 ta’ Marzu 2018 kif ukoll avvenimenti sussegwenti oħra li kkontestaw l-evalwazzjonijiet tas-SRB li fuqhom huma bbażati d-deċiżjonijiet kontenzjużi.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">124</p>
</td>
<td valign="top">
<p class="normal">Fir-raba’ lok, il-Qorti Ġenerali ma weġbitx b’mod korrett għal ċerti argumenti dwar l-evalwazzjoni tal-falliment li kien qiegħed iseħħ jew li x’aktarx kien ser iseħħ ta’ ABLV Bank imqajma fl-ewwel istanza. Għalhekk, il-Qorti Ġenerali ma weġbitx għall-argument li l-moratorju li minnu bbenefikat ABLV Bank seta’ jiġi estiż sabiex jiġu evitati l-problemi ta’ likwidità li hija kienet ikkonfrontata bihom, għall-iżbalji allegati dwar il-mekkaniżmu ta’ protezzjoni tad-depożiti u għall-allegata natura inġustifikata u arbitrarja tat-talba għal konverżjoni tal-likwidità tagħha Euroclear fi flus fi ħdan il-Latvijas Banka (il-Bank tal-Latvja).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">125</p>
</td>
<td valign="top">
<p class="normal">Fil-ħames lok, is-sentenza appellata hija bbażata fuq interpretazzjoni żbaljata tal-kunċett ta’ likwidità tal-banek, fis-sens tal-Artikolu 18 tar-Regolament Nru 806/2014 kif ukoll tal-kuntest ġuridiku tal-Unjoni dwar is-superviżjoni prudenzjali u r-riżoluzzjoni tal-istituzzjonijiet ta’ kreditu. Din is-sentenza tippreżupponi li s-sistema ta’ likwidità prevista mid-dritt tal-Unjoni hija rilevanti biss f’perijodu ta’ prosperità u mhux f’każ ta’ kriżi ta’ likwidità. Barra minn hekk, il-Qorti Ġenerali ma ħaditx inkunsiderazzjoni, fl-imsemmija sentenza, il-fatt li din is-sistema ta’ likwidità tiġi żnaturata jekk jiġu imposti rekwiżiti ta’ likwidità addizzjonali fuq istituzzjoni ta’ kreditu f’każ ta’ kriżi.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">126</p>
</td>
<td valign="top">
<p class="normal">Is-SRB iqis li t-tieni aggravju għandu jiġi miċħud bħala inammissibbli u, fi kwalunkwe każ, infondat u, parzjalment, manifestament ineffettiv.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">127</p>
</td>
<td valign="top">
<p class="normal">Għaldaqstant, ir-raba’ aggravju għandu jiġi miċħud bħala parzjalment inammissibbli u parzjalment infondat.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">Il-kunsiderazzjonijiet tal-Qorti tal-Ġustizzja</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">128</p>
</td>
<td valign="top">
<p class="normal">Fl-ewwel lok, fir-rigward tal-allegat żball ta’ liġi dwar l-intensità tal-istħarriġ ġudizzjarju tal-evalwazzjoni, mi[s-SRB], tal-falliment li qiegħed iseħħ jew li x’aktarx ser iseħħ ta’ entità, l-Artikolu 18(1)(a) tar-Regolament Nru 806/2014 jagħti lis-SRB marġni ta’ diskrezzjoni ċert dwar jekk il-kundizzjonijiet previsti f’din id-dispożizzjoni, fosthom dik dwar il-falliment li qiegħed iseħħ jew li x’aktarx ser iseħħ tal-entità jew tal-grupp ikkonċernat, humiex issodisfatti.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">129</p>
</td>
<td valign="top">
<p class="normal">Kif iddeċidiet il-Qorti Ġenerali, essenzjalment, fil-punti 91 u 92 tas-sentenza appellata, sa fejn is-SRB għandu marġni ta’ diskrezzjoni ċert fl-eżami ta’ din il-kundizzjoni, li teħtieġ għażliet ta’ natura teknika u li teħtieġ li jitwettqu previżjonijiet u evalwazzjonijiet ekonomiċi kumplessi, l-istħarriġ ġudizzjarju li l-qorti tal-Unjoni għandha teżerċita fuq il-fondatezza ta’ dan l-eżami ma għandux iwassalha sabiex tissostitwixxi l-evalwazzjoni tas-SRB bl-evalwazzjoni tagħha stess, iżda huwa intiż li jivverifika li d-deċiżjoni meħuda minnu fi tmiem l-imsemmi eżami ma hijiex ibbażata fuq fatti materjalment ineżatti u li ma hija vvizzjata minn ebda żball manifest ta’ evalwazzjoni jew minn użu ħażin ta’ poter (ara, b’analoġija, is-sentenzi tal‑4 ta’ Mejju 2023, BĊE vs Crédit lyonnais, C‑389/21 P, EU:C:2023:368, punt 55; tal‑4 ta’ Ottubru 2024, Aeris Invest vs Il-Kummissjoni u SRB, C-535/22 P, EU:C:2024:819, punt 266, kif ukoll tal‑4 ta’ Ottubru 2024, García Fernández et vs Il-Kummissjoni u SRB, C‑541/22 P, EU:C:2024:820, punt 275).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">130</p>
</td>
<td valign="top">
<p class="normal">Barra minn hekk, kuntrarjament għal dak li ssostni ABLV Bank, il-kunċett tal-istħarriġ ġudizzjarju adottat mill-Qorti Ġenerali fil-punti 91 u 92 tas-sentenza appellata, li jirriżulta minn ġurisprudenza stabbilita tal-Qorti tal-Ġustizzja, ma huwiex inkompatibbli mal-Artikolu 47 tal-Karta u lanqas mal-Konvenzjoni Ewropea għall-Protezzjoni tad-Drittijiet tal-Bniedem u tal-Libertajiet Fundamentali, iffirmata f’Ruma fl‑4 ta’ Novembru 1950, jew mal-prinċipju ta’ proporzjonalità.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">131</p>
</td>
<td valign="top">
<p class="normal">Fil-fatt, għalkemm, fir-rigward ta’ qasam li jagħti lok għal evalwazzjonijiet ekonomiċi kumplessi, l-istituzzjonijiet, il-korpi u l-organi tal-Unjoni għandhom marġni ta’ diskrezzjoni fil-qasam ekonomiku, dan ma jimplikax li l-qorti tal-Unjoni għandha tastjeni milli tistħarreġ l-interpretazzjoni, minn dawn l-istituzzjonijiet, korpi u organi, ta’ data ta’ natura ekonomika. B’hekk, il-qorti tal-Unjoni mhux biss għandha tivverifika li l-provi invokati jkunu fattwalment preċiżi, affidabbli u koerenti, iżda għandha tistħarreġ ukoll jekk dawn il-provi jikkostitwixxux l-informazzjoni kollha rilevanti li għandha tiġi kkunsidrata sabiex tiġi evalwata sitwazzjoni kumplessa u jekk dawn il-provi humiex kapaċi jissostanzjaw il-konklużjonijiet milħuqa (ara, b’analoġija, is-sentenzi tal‑10 ta’ Lulju 2014, Telefónica u Telefónica de España vs Il-Kummissjoni, C‑295/12 P, EU:C:2014:2062, punt 54, u tat‑13 ta’ Lulju 2023, Il-Kummissjoni vs CK Telecoms UK Investments, C‑376/20 P, EU:C:2023:561, punt 125).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">132</p>
</td>
<td valign="top">
<p class="normal">Issa, il-Qorti tal-Ġustizzja diġà ddeċidiet li, fid-dawl ta’ dawn il-karatteristiċi, l-istħarriġ tal-legalità mwettaq mill-qorti tal-Unjoni abbażi tal-Artikolu 263 TFUE jissodisfa r-rekwiżiti tad-dritt għal rimedju effettiv stabbilit fl-Artikolu 47 tal-Karta, li jikkorrispondi għall-prinċipju ta’ protezzjoni ġudizzjarja effettiva li jinsab fl-Artikolu 6(1) tal-Konvenzjoni Ewropea għall-Protezzjoni tad-Drittijiet tal-Bniedem u tal-Libertajiet Fundamentali (ara, f’dan is-sens, sentenza tal‑10 ta’ Lulju 2014, Telefónica u Telefónica de España vs Il-Kummissjoni (C‑295/12 P, EU:C:2014:2062, punt 57 u l-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">133</p>
</td>
<td valign="top">
<p class="normal">Minn dan isegwi li l-argument ta’ ABLV Bank li l-Qorti Ġenerali adottat kunċett eċċessivament restrittiv tal-intensità tal-istħarriġ ġudizzjarju li l-qorti tal-Unjoni għandha teżerċita fuq l-evalwazzjoni, mis-SRB, tal-falliment ta’ entità li qiegħed iseħħ jew li x’aktarx ser iseħħ għandu jiġi miċħud bħala infondat.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">134</p>
</td>
<td valign="top">
<p class="normal">Barra minn hekk, il-fatt li dan il-kunċett tal-intensità tal-istħarriġ ġudizzjarju huwa differenti minn dak adottat mill-qrati nazzjonali kompetenti fil-qasam tal-insolvenza, jekk jitqies li huwa stabbilit, ma huwiex ta’ natura li juri li l-Qorti Ġenerali wettqet żball ta’ liġi fid-definizzjoni tal-intensità tal-istħarriġ tagħha. L-argument ibbażat fuq tali ċirkustanza għandu għalhekk jiġi miċħud bħala, fi kwalunkwe każ, ineffettiv.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">135</p>
</td>
<td valign="top">
<p class="normal">Fit-tieni lok, fir-rigward tal-allegat żnaturament tal-proċess ippreżentat lill-Qorti Ġenerali, fil-punti 103 sa 109 tas-sentenza appellata, ma huwiex manifest, fid-dawl tal-elementi ta’ dan il-proċess, invokati minn ABLV Bank, li l-konstatazzjoni tal-Qorti Ġenerali, li tinsab fil-punt 107 ta’ din is-sentenza, li tgħid li, fid-deċiżjoni dwar ABLV Bank, is-SRB adotta l-evalwazzjoni tal-falliment li kien qiegħed iseħħ jew li x’aktarx kien ser iseħħ ta’ ABLV Bank mill-BĊE, hija ineżatta. Għaldaqstant, l-argument ta’ ABLV Bank ibbażat fuq l-eżistenza ta’ tali żnaturament għandu jiġi miċħud bħala infondat.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">136</p>
</td>
<td valign="top">
<p class="normal">L-istess japplika fir-rigward, fit-tielet lok, tal-argument ta’ ABLV Bank dwar l-assenza ta’ teħid inkunsiderazzjoni, mill-Qorti Ġenerali, tas-sentenza tat-tribunal d’arrondissement de Luxembourg (il-Qorti Distrettwali tal-Lussemburgu) tad‑9 ta’ Marzu 2018.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">137</p>
</td>
<td valign="top">
<p class="normal">Fil-fatt, kif irrileva l-Avukat Ġenerali fil-punt 78 tal-konklużjonijiet tiegħu, din is-sentenza ma tikkonċernax is-sitwazzjoni ta’ ABLV Bank, iżda biss dik ta’ ABLV Bank Luxembourg. Issa, ir-rikors għal annullament ippreżentat minn ABLV Bank kontra d-deċiżjoni dwar ABLV Bank Luxembourg ġie ddikjarat inammissibbli mill-Qorti Ġenerali fil-punt 61 tas-sentenza appellata, b’tali mod li ma jistax jitqies li l-Qorti Ġenerali wettqet żball ta’ liġi meta ma ħaditx inkunsiderazzjoni l-imsemmija sentenza fil-kuntest tal-eżami tagħha fil-mertu tar-rikors ippreżentat kontra d-deċiżjoni dwar ABLV Bank.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">138</p>
</td>
<td valign="top">
<p class="normal">Fir-rigward tal-argument dwar l-assenza ta’ teħid inkunsiderazzjoni, mill-Qorti Ġenerali, ta’ avvenimenti oħra sussegwenti għad-deċiżjonijiet kontenzjużi, dan l-argument ma jindikax l-elementi tal-istess sentenza li huma għalhekk ikkritikati u ma huwiex suffiċjentement ċar u preċiż sabiex jippermetti lill-Qorti tal-Ġustizzja teżerċita l-istħarriġ tal-legalità ta’ din is-sentenza, b’tali mod li għandu, kif isostnu s-SRB u l-BĊE, jiġi miċħud bħala inammissibbli, konformement mal-ġurisprudenza ċċitata fil-punti 45 u 46 ta’ din is-sentenza.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">139</p>
</td>
<td valign="top">
<p class="normal">Fir-raba’ lok, għall-istess raġunijiet, għandu jiġi miċħud bħala inammissibbli, kif isostni s-SRB, l-argument ta’ ABLV Bank li l-Qorti Ġenerali ma weġbitx b’mod korrett għall-argumenti tagħha b’rabta mal-moratorju li hija bbenefikat minnu, mal-mekkaniżmu ta’ protezzjoni tad-depożiti u mat-talba għall-konverżjoni tal-likwidità tagħha Euroclear fi flus mal-Bank tal-Latvja.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">140</p>
</td>
<td valign="top">
<p class="normal">Fil-ħames lok, fir-rigward tal-allegat żball ta’ liġi dwar l-interpretazzjoni tal-kunċett ta’ likwidità fil-kuntest tal-proċedura ta’ riżoluzzjoni prevista fl-Artikolu 18 tar-Regolament Nru 806/2014, għandu jiġi rrilevat li, fil-punt 115 tas-sentenza appellata, il-Qorti Ġenerali kkonstatat li, fiċ-ċirkustanzi tal-każ, ikkaratterizzati minn irtirar massiv ta’ depożiti wara ksur ta’ fiduċja bejn ABLV Bank u l-klijentela tagħha, il-proporzjon ta’ kopertura ta’ din l-istituzzjoni ta’ kreditu u l-kapitalizzazzjoni tagħha kienu ta’ importanza iżgħar meta mqabbla mad-disponibbiltà immedjata ta’ likwidità fi ħdan l-imsemmija istituzzjoni ta’ kreditu.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">141</p>
</td>
<td valign="top">
<p class="normal">L-argument ta’ ABLV Bank li l-Qorti Ġenerali qieset, f’din is-sentenza, li s-sistema ta’ likwidità prevista mid-dritt tal-Unjoni hija irrilevanti fil-kuntest tal-evalwazzjoni tal-falliment li kien qiegħed iseħħ jew li x’aktarx ser iseħħ ta’ entità huwa bbażat fuq qari żbaljat ta’ dan il-punt 115. Fil-fatt, kuntrarjament għal dak li ssostni ABLV Bank, billi kkonstatat li, fiċ-ċirkustanzi tal-każ, il-proporzjon ta’ kopertura tagħha kien ta’ importanza iżgħar meta mqabbel mad-disponibbiltà immedjata tal-likwidità fi ħdan din l-istituzzjoni ta’ kreditu, il-Qorti Ġenerali bl-ebda mod ma qieset li l-proporzjon ta’ kopertura huwa, b’mod ġenerali, irrilevanti, iżda biss li, fid-dawl taċ-ċirkustanzi partikolari tal-każ, elementi oħra kellhom jingħataw importanza ikbar.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">142</p>
</td>
<td valign="top">
<p class="normal">Barra minn hekk, sa fejn, permezz ta’ dan l-argument, ABLV Bank għandha l-intenzjoni li ssostni li l-Qorti Ġenerali wettqet żball ta’ liġi meta qieset li rekwiżiti ta’ likwidità addizzjonali meta mqabbla ma’ dawk imposti mis-sistema ta’ likwidità prevista mid-dritt tal-Unjoni setgħu jiġu imposti fuq l-istituzzjonijiet ta’ kreditu, hija ma turix li tali soluzzjoni tmur kontra d-dritt tal-Unjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">143</p>
</td>
<td valign="top">
<p class="normal">Għaldaqstant, l-argument ta’ ABLV Bank dwar l-interpretazzjoni tal-kunċett ta’ likwidità fil-kuntest tal-proċedura ta’ riżoluzzjoni prevista fl-Artikolu 18 tar-Regolament Nru 806/2014 għandu jiġi miċħud bħala infondat.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">144</p>
</td>
<td valign="top">
<p class="normal">Minn dan isegwi li t-tieni aggravju għandu jiġi miċħud bħala parzjalment infondat, parzjalment ineffettiv u parzjalment inammissibbli, mingħajr ma hemm bżonn li jiġu eżaminati l-eċċezzjonijiet ta’ inammissibbiltà mqajma mis-SRB fir-rigward ta’ dan l-aggravju fl-intier tiegħu u mill-BĊE fir-rigward ta’ parti mill-argumenti mressqa minn ABLV Bank fil-kuntest tal-imsemmi aggravju.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq it-tielet aggravju</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">L-argumenti tal-partijiet</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">145</p>
</td>
<td valign="top">
<p class="normal">ABLV Bank issostni li l-Qorti Ġenerali wettqet ċertu numru ta’ żbalji u ta’ żnaturamenti fl-eżami tal-argumenti tagħha dwar l-abbozz ta’ miżura tal-FinCEN u d-deċiżjonijiet adottati mill-awtoritajiet Latvjani.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">146</p>
</td>
<td valign="top">
<p class="normal">Fl-ewwel lok, il-Qorti Ġenerali żnaturat l-argument li ABLV Bank kienet ippreżentat fl-ewwel istanza dwar l-abbozz ta’ miżura tal-FinCEN billi ssuġġeriet, fil-punt 100 tas-sentenza appellata, li din kienet ikkritikat biss lill-BĊE talli ma kkjarifikax il-portata ta’ dan il-proġett quddiem l-imsieħba tagħha. Fil-fatt, ABLV Bank ikkritikat lill-BĊE u lis-SRB li rreferew għall-imsemmi proġett bħala li jikkostitwixxi deċiżjoni awtorevoli u li tawha piż kunsiderevoli fl-evalwazzjoni tas-sitwazzjoni tagħha.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">147</p>
</td>
<td valign="top">
<p class="normal">Barra minn hekk, il-Qorti Ġenerali imponiet fuq ABLV Bank oneru tal-prova kbir wisq u żnaturat l-argument tagħha billi ċaħditu minħabba li ma hemmx lok li jittieħdu inkunsiderazzjoni l-kawżi tas-sitwazzjoni ta’ entità li qiegħda tfalli jew li x’aktarx ser tfalli. Għalhekk, permezz tal-argument tagħha, ABLV Bank sostniet li l-evalwazzjonijiet tal-BĊE u tas-SRB dwar is-sitwazzjoni tagħha ta’ falliment li seħħ jew li x’aktarx ser iseħħ kienu bbażati mhux fuq evalwazzjoni teknika ta’ din is-sitwazzjoni, iżda fuq kunsiderazzjonijiet vagi u ġenerali kif ukoll fuq il-konstatazzjoni li l-mudell kummerċjali ta’ ABLV Bank ma kienx għadu vijabbli minħabba l-abbozz ta’ miżura tal-FinCEN.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">148</p>
</td>
<td valign="top">
<p class="normal">Fit-tieni lok, il-Qorti Ġenerali ma ħaditx inkunsiderazzjoni b’mod suffiċjenti ċertu numru ta’ ċirkustanzi u ta’ provi prodotti minn ABLV Bank insostenn tal-argument tagħha.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">149</p>
</td>
<td valign="top">
<p class="normal">ABLV Bank ibbażat ruħha b’mod partikolari fuq id-dritt Latvjan u fuq il-kompetenza tal-KSFK fil-qasam tal-ġlieda kontra l-ħasil tal-flus. ABLV Bank semmiet ukoll diverġenzi bejn l-abbozz ta’ miżura tal-FinCEN u d-deċiżjonijiet tal-KSFK li jikkonstataw l-osservanza, minn ABLV Bank, tal-leġiżlazzjoni applikabbli f’dan il-qasam. Barra minn hekk, ABLV Bank sostniet, quddiem il-Qorti Ġenerali, li l-abbozz ta’ miżura tal-FinCEN kien jikkostitwixxi tentattiv ta’ pajjiż terz li jagħmel pressjoni fuq ir-Repubblika tal-Latvja sabiex iwassalha sabiex temenda l-leġiżlazzjoni tagħha.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">150</p>
</td>
<td valign="top">
<p class="normal">Barra minn hekk, ABLV Bank ipproduċiet provi fir-rigward tal-konstatazzjonijiet magħmula mill-Korupcijas novēršanas un apkarošanas birojs (l-Uffiċċju għall-Prevenzjoni u għall-Ġlieda Kontra l-Korruzzjoni, il-Latvja), li wrew l-eżistenza ta’ kollużjoni bejn uffiċjali tal-BĊE u l-FinCEN, kollużjoni li l-BĊE u s-SRB kienu jafu biha.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">151</p>
</td>
<td valign="top">
<p class="normal">Fit-tielet lok, il-Qorti Ġenerali wettqet żball meta ċaħdet il-motiv tagħha bbażat fuq użu ħażin ta’ poter mis-SRB, għar-raġuni, esposta fil-punt 205 tas-sentenza appellata, li l-elementi mressqa minn ABLV Bank f’dan ir-rigward ma kinux imputabbli lis-SRB, filwaqt li dan tal-aħħar ibbaża ruħu b’mod wiesa’ fuq xogħol imwettaq mill-BĊE u fil-livell nazzjonali.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">152</p>
</td>
<td valign="top">
<p class="normal">Is-SRB u l-BĊE jsostnu li t-tielet aggravju għandu jiġi miċħud bħala inammissibbli u, fi kwalunkwe każ, bħala infondat.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">Il-kunsiderazzjonijiet tal-Qorti tal-Ġustizzja</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">153</p>
</td>
<td valign="top">
<p class="normal">Fl-ewwel lok, l-argument ta’ ABLV Bank ibbażat fuq allegati żnaturamenti tal-proċess mill-Qorti Ġenerali huwa bbażat fuq qari żbaljat tas-sentenza appellata, b’tali mod li għandu jiġi miċħud bħala infondat.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">154</p>
</td>
<td valign="top">
<p class="normal">Fil-fatt, il-Qorti Ġenerali kkonstatat, fil-punt 100 ta’ din is-sentenza, li ABLV Bank kienet invokat diversi drabi n-natura illegali tal-abbozz ta’ miżura tal-FinCEN. Barra minn hekk, il-Qorti Ġenerali rrilevat, fil-punt 179 tal-imsemmija sentenza, li ABLV Bank sostniet li l-BĊE u s-SRB kienu bbażaw id-deċiżjoni dwar ABLV Bank fuq l-abbozz ta’ miżura tal-FinCEN. Għaldaqstant, kuntrarjament għal dak li tallega ABLV Bank, billi kkonstatat, fil-punt 100 tal-istess sentenza, li hija kienet tqis li l-BĊE kien obbligat jikkjarifika, ma’ dawn l-imsieħba, il-portata tal-abbozz ta’ miżura tal-FinCEN, il-Qorti Ġenerali ma naqqsitx il-portata tal-argument tagħha dwar dan il-proġett għal dan l-argument biss, iżda qieset li dan l-argument kien jagħmel parti mill-argumenti tagħha, fatt li ABLV Bank ma tikkontestax.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">155</p>
</td>
<td valign="top">
<p class="normal">Barra minn hekk, billi ddeċidiet, fil-punt 101 tas-sentenza appellata, li, peress li l-kawżi tal-falliment li qiegħed iseħħ jew li x’aktarx ser iseħħ ta’ entità ma jikkostitwixxux element li għandu jittieħed inkunsiderazzjoni sabiex jitwettaq l-eżami previst fl-Artikolu 18(4) tar-Regolament Nru 806/2014, ma kienx hemm lok li jiġi eżaminat jekk l-abbozz ta’ miżura tal-FinCEN kienx iġġustifikat, il-Qorti Ġenerali ma llimitatx ruħha, kuntrarjament għal dak li tallega ABLV Bank, li tesponi l-kontenut tal-argument li din kienet ippreżentat fl-ewwel istanza, iżda mmotivat iċ-ċaħda ta’ dan l-argument.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">156</p>
</td>
<td valign="top">
<p class="normal">Barra minn hekk, anki jekk jitqies li, permezz tal-argument tagħha, ABLV Bank tallega li l-Qorti Ġenerali wettqet żball ta’ liġi meta ddeċidiet, f’dan il-punt 101, li l-kawżi tas-sitwazzjoni ta’ falliment li seħħ jew li x’aktarx ser iseħħ ta’ entità ma jikkostitwixxux element li għandu jittieħed inkunsiderazzjoni sabiex jitwettaq l-eżami previst fl-Artikolu 18(4) ta’ dan ir-regolament, tali argument għandu, fi kwalunkwe każ, jiġi miċħud bħala infondat. Fil-fatt, il-Qorti tal-Ġustizzja diġà ddeċidiet li mekkaniżmu ta’ riżoluzzjoni jiġi adottat b’mod validu meta l-kundizzjonijiet previsti fl-Artikolu 18 tal-imsemmi regolament ikunu ssodisfatti, irrispettivament mill-motivi li wasslu lill-entità inkwistjoni għal sitwazzjoni ta’ falliment li qiegħed iseħħ jew li x’aktarx ser iseħħ. (ara, f’dan is-sens, is-sentenza tal‑4 ta’ Ottubru 2024, García Fernández et vs Il-Kummissjoni u SRB, C‑541/22 P, EU:C:2024:820, punt 191).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">157</p>
</td>
<td valign="top">
<p class="normal">Fit-tieni lok, fir-rigward tal-argument ta’ ABLV Bank dwar l-oneru tal-prova, huwa biżżejjed li jiġi kkonstatat li dan ma huwiex suffiċjentement ċar u preċiż sabiex jippermetti lill-Qorti tal-Ġustizzja teżerċita l-istħarriġ tagħha u li dan għandu, għaldaqstant, jiġi ddikjarat inammissibbli, konformement mal-ġurisprudenza ċċitata fil-punti 45 u 46 ta’ din is-sentenza.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">158</p>
</td>
<td valign="top">
<p class="normal">Fit-tielet lok, fir-rigward tal-argument ta’ ABLV Bank dwar l-insuffiċjenza ta’ teħid inkunsiderazzjoni ta’ ċertu numru ta’ ċirkustanzi u ta’ provi, għandu jitfakkar li mill-Artikolu 256(1) TFUE u mill-ewwel paragrafu tal-Artikolu 58 tal-Istatut tal-Qorti tal-Ġustizzja tal-Unjoni Ewropea jirriżulta li l-appell huwa limitat għal kwistjonijiet ta’ liġi u li għaldaqstant hija biss il-Qorti Ġenerali li hija kompetenti sabiex tikkonstata u tevalwa l-fatti rilevanti, kif ukoll il-provi. L-evalwazzjoni tal-fatti u tal-provi ma tikkostitwixxix, bla ħsara għall-każ ta’ żnaturament tagħhom, kwistjoni ta’ liġi suġġetta, bħala tali, għall-istħarriġ tal-Qorti tal-Ġustizzja fil-kuntest ta’ appell. Tali żnaturament għandu jirriżulta b’mod manifest mill-annessi tal-proċess, mingħajr ma jkun neċessarju li ssir evalwazzjoni ġdida tal-fatti u tal-provi (sentenza tat-2 ta’ Marzu 2021, Il-Kummissjoni vs l-Italja et, C‑425/19 P, EU:C:2021:154, punt 52 kif ukoll il-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">159</p>
</td>
<td valign="top">
<p class="normal">Għaldaqstant, dan l-argument jista’ jintlaqa’ biss jekk jiġi stabbilit li l-Qorti Ġenerali żnaturat il-fatti. Issa, ABLV Bank ma tinvokax tali żnaturament, billi tillimita ruħha, essenzjalment, li titlob evalwazzjoni ġdida tal-fatti, fatt li ma jaqax taħt il-ġurisdizzjoni tal-Qorti tal-Ġustizzja fil-kuntest tal-appell.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">160</p>
</td>
<td valign="top">
<p class="normal">L-imsemmi argument għandu għalhekk jiġi miċħud, kif isostnu s-SRB u l-BĊE, bħala inammissibbli.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">161</p>
</td>
<td valign="top">
<p class="normal">Fir-raba’ lok, l-argument ta’ ABLV Bank ibbażat fuq l-iżball allegatament imwettaq mill-Qorti Ġenerali fil-punt 205 tas-sentenza appellata għandu jiġi miċħud bħala infondat.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">162</p>
</td>
<td valign="top">
<p class="normal">Fil-fatt, il-Qorti Ġenerali ġustament fakkret, fil-punt 204 ta’ din is-sentenza li, skont ġurisprudenza stabbilita, att ikun ivvizzjat b’użu ħażin ta’ poter biss jekk jidher, abbażi ta’ indizji oġġettivi, rilevanti u konkordanti, li ttieħed esklużivament jew mill-inqas b’mod determinanti, għal finijiet oħrajn għajr dawk li għalihom ingħata l-poter inkwistjoni jew bl-għan li tiġi evitata proċedura prevista speċjalment mit-Trattat FUE sabiex jiġu indirizzati ċ-ċirkustanzi tal-każ (sentenza tal‑5 ta’ Mejju 2015, Spanja vs Il-Parlament u l-Kunsill, C‑146/13, EU:C:2015:298, punt 56 kif ukoll il-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">163</p>
</td>
<td valign="top">
<p class="normal">Għaldaqstant, is-sempliċi fatt li, fil-kuntest tal-adozzjoni tad-deċiżjoni dwar ABLV Bank, is-SRB ibbaża ruħu, parzjalment, fuq atti adottati mill-BĊE u minn awtoritajiet nazzjonali ma jistax, fi kwalunkwe każ, ikun biżżejjed sabiex juri li huwa adotta din id-deċiżjoni għal finijiet differenti minn dawk li għalihom ingħatat is-setgħa inkwistjoni jew bl-għan li tiġi evitata proċedura prevista speċifikament mit-Trattat FUE.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">164</p>
</td>
<td valign="top">
<p class="normal">Minn dan isegwi li t-tielet aggravju għandu jiġi miċħud bħala parzjalment infondat u parzjalment inammissibbli, mingħajr ma hemm bżonn li jiġu eżaminati l-eċċezzjonijiet ta’ inammissibbiltà mqajma mis-SRB u mill-BĊE fir-rigward ta’ dan l-aggravju kollu kemm hu.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq ir-raba' aggravju</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">L-argumenti tal-partijiet</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">165</p>
</td>
<td valign="top">
<p class="normal">ABLV Bank issostni li l-Qorti Ġenerali wettqet ċertu numru ta’ żbalji fl-eżami tal-ammissibbiltà tar-rikors ippreżentat kontra d-deċiżjoni dwar ABLV Bank Luxembourg.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">166</p>
</td>
<td valign="top">
<p class="normal">Fl-ewwel lok, il-Qorti Ġenerali wettqet żball meta kkunsidrat li huwa biss it-test tad-deċiżjonijiet kontenzjużi li huwa rilevanti u li dan it-test ma għandux jiġi interpretat konformement mar-reklami pubbliċi magħmula mill-awtur tiegħu.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">167</p>
</td>
<td valign="top">
<p class="normal">Il-Qorti Ġenerali b’hekk assimilat b’mod żbaljat il-kunċett ta’ att li jista’ jiġi kkontestat, fis-sens tal-Artikolu 263 TFUE, ma’ dokument materjali speċifiku, meta dan il-kunċett ikopri l-kontenut tad-deċiżjonijiet ikkontestati u li dokument materjali jikkostitwixxi biss prova f’dan ir-rigward, bl-istess mod bħal avviżi orali. L-interpretazzjoni adottata mill-Qorti Ġenerali jkollha konsegwenzi inaċċettabbli u tippreġudika l-Istat tad-dritt.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">168</p>
</td>
<td valign="top">
<p class="normal">Fit-tieni lok, il-Qorti Ġenerali żnaturat it-test tad-deċiżjonijiet kontenzjużi meta qieset li dawn ma kinux jimponu l-istralċ tal-entitajiet ikkonċernati. Fil-fatt, il-formulazzjoni magħżula fit-test ta’ dawn id-deċiżjonijiet, sa fejn teżiġi li l-awtoritajiet nazzjonali ta’ riżoluzzjoni jimplimentaw l-imsemmija deċiżjonijiet konformement mal-kunsiderazzjonijiet li jinsabu fihom, ma tħalli ebda dubju dwar il-fatt li ABLV Bank u ABLV Bank Luxembourg kellhom jiġu stralċati. Barra minn hekk, il-kwistjoni dwar jekk metodu ta’ stralċ preċiż kienx jiġi deċiż jew jekk id-deċiżjoni f’dan is-sens tirriżultax direttament mill-ftuħ ta’ proċedura ta’ stralċ hija irrilevanti.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">169</p>
</td>
<td valign="top">
<p class="normal">ABLV Bank issostni, fit-tielet lok, li l-Qorti Ġenerali ma siltitx il-konsegwenzi tal-konstatazzjoni tagħha li deċiżjoni li ma tiġix adottata skema ta’ riżoluzzjoni hija att li jista’ jiġi kkontestat. Hija ssostni, billi tirreferi għal deċiżjonijiet ta’ riżoluzzjoni adottati mis-SRB fir-rigward ta’ entitajiet oħra, li tali deċiżjonijiet jibdlu s-sitwazzjoni legali tal-azzjonisti tal-entità kkonċernata minn tali skema. Minn dan hija tiddeduċi li l-istess japplika fir-rigward ta’ deċiżjoni li ma tiġix adottata skema ta’ riżoluzzjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">170</p>
</td>
<td valign="top">
<p class="normal">Fir-raba’ lok, hija ssostni li l-Qorti Ġenerali żbaljat meta ma qisitx li deċiżjoni ta’ rtirar ta’ awtorizzazzjoni ta’ istituzzjoni ta’ kreditu għandha konsegwenzi iktar speċifiċi, sa fejn tipprekludi lil din l-istituzzjoni milli twettaq attivitajiet irregolati ta’ depożitu u ta’ self.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">171</p>
</td>
<td valign="top">
<p class="normal">Is-SRB u l-BĊE jqisu li r-raba’ aggravju għandu jiġi miċħud bħala infondat.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">Il-kunsiderazzjonijiet tal-Qorti tal-Ġustizzja</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">172</p>
</td>
<td valign="top">
<p class="normal">Għandu jiġi rrilevat li, fil-kuntest tal-eżami tal-ammissibbiltà tar-rikors ta’ ABLV Bank ippreżentat kontra d-deċiżjoni dwar ABLV Bank Luxembourg, wara li kkonstatat, fil-punt 41 tas-sentenza appellata, li din id-deċiżjoni tipprevedi li ebda skema ta’ riżoluzzjoni ma ser tiġi adottata fir-rigward ta’ ABLV Bank Luxembourg, il-Qorti Ġenerali ddeċidiet, fil-punt 42 ta’ din is-sentenza, li l-imsemmija deċiżjoni ma kinitx tipproduċi direttament effetti fuq is-sitwazzjoni legali tal-azzjonisti ta’ ABLV Bank Luxembourg, bħal ABLV Bank.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">173</p>
</td>
<td valign="top">
<p class="normal">F’dan ir-rigward, fid-dawl tal-kunsiderazzjonijiet li jinsabu fil-punti 112 sa 116 ta’ din is-sentenza, hemm lok, għall-istess raġunijiet, li jiġi miċħud l-argument ta’ ABLV Bank ibbażat fuq żnaturament tad-deċiżjoni dwar ABLV Bank Luxembourg u fuq żbalji fid-determinazzjoni tal-effetti tagħha bħala infondati.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">174</p>
</td>
<td valign="top">
<p class="normal">L-istess japplika fir-rigward tal-argument ta’ ABLV Bank ibbażat fuq analoġija mad-deċiżjonijiet ta’ riżoluzzjoni adottati mis-SRB fir-rigward ta’ entitajiet oħra, peress li tali deċiżjonijiet huma irrilevanti sabiex jiġu ddeterminati l-effetti tad-deċiżjoni dwar ABLV Bank Luxembourg.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">175</p>
</td>
<td valign="top">
<p class="normal">Għall-bqija, l-argument ta’ ABLV Bank dirett kontra l-eżami, mill-Qorti Ġenerali, tal-ammissibbiltà tar-rikors tagħha sa fejn kien dirett kontra d-deċiżjoni dwar ABLV Bank Luxembourg ma huwiex suffiċjentement ċar u preċiż sabiex jippermetti lill-Qorti tal-Ġustizzja teżerċita l-istħarriġ tal-legalità tas-sentenza appellata, b’tali mod li għandu jiġi miċħud bħala inammissibbli, konformement mal-ġurisprudenza ċċitata fil-punti 45 u 46 ta’ din is-sentenza.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">176</p>
</td>
<td valign="top">
<p class="normal">Isegwi li r-raba’ aggravju għandu jiġi miċħud bħala parzjalment infondat u parzjalment inammissibbli.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">177</p>
</td>
<td valign="top">
<p class="normal">Fid-dawl tal-kunsiderazzjonijiet preċedenti kollha, l-appell għandu jiġi miċħud kollu kemm hu.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq l-ispejjeż</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">178</p>
</td>
<td valign="top">
<p class="normal">Skont l-Artikolu 184(2) tar-Regoli tal-Proċedura, meta l-appell ma jkunx fondat, il-Qorti tal-Ġustizzja għandha tagħti deċiżjoni dwar l-ispejjeż.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">179</p>
</td>
<td valign="top">
<p class="normal">Skont l-Artikolu 138(1) ta’ dawn ir-regoli, applikabbli għall-proċedura ta’ appell skont l-Artikolu 184(1) tagħhom, il-parti li titlef għandha tiġi kkundannata għall-ispejjeż, jekk dawn ikunu ntalbu.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">180</p>
</td>
<td valign="top">
<p class="normal">Peress li s-SRB u l-BĊE talbu l-kundanna ta’ ABLV Bank u din tal-aħħar tilfet, hemm lok li tiġi ordnata tbati, minbarra l-ispejjeż rispettivi tagħha, dawk esposti mis-SRB u mill-BĊE.</p>
</td>
</tr>
</table>
    <p class="C41DispositifIntroduction" id="para-315" title="page-38">
      Għal dawn il-motivi, Il-Qorti tal-Ġustizzja (Awla Manja) taqta’ u tiddeċiedi:
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">1)</p>
</td>
<td valign="top">
<p class="normal">L-appell huwa miċħud.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">2)</p>
</td>
<td valign="top">
<p class="normal">ABLV Bank AS, fi stralċ, hija kkundannata tbati, minbarra l-ispejjeż rispettivi tagħha, dawk sostnuti mi[s-SRB] Uniku ta’ Riżoluzzjoni (SRB) u mill-Bank Ċentrali Ewropew (BĊE).</p>
</td>
</tr>
</table>
    <div class="signatures">
<p class="C77Signatures" id="para-318" title="page-38">
<span class="signatory">Firem</span>
</p>
</div>
    <div/>
  <hr class="note"/>
<p class="note footnote">(<span class="note footnote notemarker">
<a id="t-1" href="#c-1">*</a>
</span>) Lingwa tal-kawża: l-Ingliż.</p>
</body>
</html>
