(1)

An 17 Feabhra 2005, rinneadh Coinbhinsiún Choimisiún Eacnamaíochta na Náisiún Aontaithe don Eoraip (CEE-NA) maidir le rochtain ar fhaisnéis, rannpháirtíocht phoiblí i gcinnteoireacht agus rochtain ar cheartas i gcúrsaí comhshaoil (1) (‘Coinbhinsiún Aarhus’) a fhormheas thar ceann an Chomhphobail Eorpaigh le Cinneadh 2005/370/CE ón gComhairle (2).

(2)

De bhun Airteagal 15 de Choinbhinsiún Aarhus, bunaíodh an Coiste um Chomhlíonadh Choinbhinsiún Aarhus (‘an Coiste um Chomhlíonadh’). Tá an Coiste um Chomhlíonadh inniúil chun athbhreithniú a dhéanamh ar chomhlíonadh a n-oibleagáidí faoin gCoinbhinsiún sin ag na Páirtithe i gCoinbhinsiún Aarhus.

(3)

Tá Cruinniú na bPáirtithe i gCoinbhinsiún Aarhus (‘Cruinniú na bPáirtithe’), le linn an ochtú seisiún dá chuid, agus an Deighleog Ardleibhéil Chomhpháirteach faoi Chruinniú na bPáirtithe, a bheidh ar siúl ón 17-20 Samhain 2025, le cinneadh VIII/8e a ghlacadh maidir leis an Aontas a bheith ag comhlíonadh a chuid oibleagáidí faoi Choinbhinsiún Aarhus, lena n-áirítear torthaí an Choiste um Chomhlíonadh i dtaobh theachtaireacht ACCC/C/2015/128 i ndáil le rochtain ar an gceartas i gcúrsaí comhshaoil a mhéid a bhaineann le cinntí críochnaitheacha maidir le státchabhair agus moltaí i gcinneadh VII/8f a bhaineann le Pleananna Náisiúnta Fuinnimh agus Aeráide, Tionscadail Leasa Choitinn agus Treoir 2010/75/AE ó Pharlaimint na hEorpa agus ón gComhairle (3). I gcás ina nglacfaidh Cruinniú na bPáirtithe torthaí an Choiste um Chomhlíonadh mar chinntí, beidh siad ceangailteach ar na Páirtithe i gCoinbhinsiún Aarhus.

(4)

A luaithe a ghlacfar é, beidh éifeacht dhlíthiúil ag cinneadh VIII/8e.Dá bhrí sin, is iomchuí an seasamh atá le glacadh thar ceann an Aontais ag an ochtú seisiún de Chruinniú na bPáirtithe a bhunú,

(a)

i ndáil le PNFAnna, aithnítear i gcinneadh VIII/8e agus sonraítear gur díol sásaimh é go bhfuil dul chun cinn nach beag déanta ag an Aontas chun a áirithiú go gcomhlíonfar torthaí agus moltaí an Choiste um Chomhlíonadh maidir le teachtaireacht ACCC/C/2010/54 i ndáil le hAirteagal 6(4) agus Airteagal 7 den Choinbhinsiún Aarhus, agus gur chomhlíon an tAontas cuid de na torthaí sin a mhéid a bhaineann le treoracha a ghlacadh chun críocha phointe (a), mír 2 de chinneadh VII/8f; agus

(b)

i ndáil le tionscadail leasa choitinn, aithnítear i gcinneadh VIII/8e na feabhsuithe a rinne an tAontas, trí bhíthin socruithe praiticiúla, chun ceanglais phointí (a) agus (b), mír 8 de chinneadh VII/8f a chomhlíonadh agus chun Airteagail 3(9) agus 6(8) agus Airteagal 7 de Choinbhinsiún Aarhus a chomhlíonadh.